ONCOJ語彙素

pisakatano

l091020 mk

語彙素情報

語義: [MK for ame, ama, tuku, miyakwo]
対応単位: ojp/pisakatano
EUJ項目: tuki
構成: pisakata＋no

用例55件・55首

仮名書き: 39件
交ぜ書き: 15件
訓字書き: 1件

複合語内部の出現も数えます。表記種別はONCOJが音節ごとに与える注釈によります。

万葉集53首

MYS.1.82

浦佐夫流情佐麻祢之久堅乃天之四具礼能流相見者

urasaburu kokoro sa mane si pisakata no ame no sigure no nagar apu mireba

久堅乃 pisakata no

句2 仮名書き仮名

MYS.2.167a

天地之初時久堅之天河原爾八百萬千萬神之神集々座而神分々之時爾天照日女之命天乎婆所知食登葦原乃水穂之國乎天地之依相之極所知行神之命等天雲之八重掻別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神上々座奴吾王皇子之命乃天下所知食世者春花之貴在等望月乃満波之計武跡天下四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗其故皇子之宮人行方不知毛

ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasite kamu pakari pakari si toki ni ama tera su pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kaki wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu agari agari imasi nu wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to ame no sita yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru soko yuwe ni mi kwo no miya pito yuku pye sira zu mo

久堅之 pisakata no

句2 交ぜ書き訓字仮名

MYS.2.167b

天地之初時久堅之天河原爾八百萬千萬神之神集々座而神分々之時爾指上日女之命天乎婆所知食登葦原乃水穂之國乎天地之依相之極所知行神之命等天雲之八重雲別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神登座爾之可婆吾王皇子之命乃天下所知食世者春花之貴在等望月乃満波之計武跡食國四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗刺竹之皇子宮人歸邊不知爾為

ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasi kamu pakari pakari si toki ni sasi noboru pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kumo wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu nobori imasi ni sikaba wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to wosu kuni yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru sasutake no mi kwo no miya pito yuku pye sira ni su

久堅之 pisakata no

句2 交ぜ書き訓字仮名

MYS.2.168

久堅乃天見如久仰見之皇子乃御門之荒巻惜毛

pisakata no ame miru goto ku apugi mi si mi kwo no mikadwo no are maku wosi mo

久堅乃 pisakata no

句0 仮名書き仮名

MYS.2.199a

挂文忌之伎鴨言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下治賜食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎治跡皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流小角乃音母敵見有虎可s吼登諸人之恊流麻r爾指擧有幡之靡者冬木成春去来者野毎著而有火之風之共靡如久取持流弓波受乃驟三雪落冬乃林爾飃可毛伊巻渡等念麻r聞之恐久引放箭之繁計久大雪乃乱而来礼不奉仕立向之毛露霜之消者消倍久去鳥乃相競端爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾然之毛将有登木綿花乃榮時爾吾大王皇子之御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文

kake maku mo yuyu si ki kamo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita wosame tamapi wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo wosame to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru kuda no oto mo ata mi taru twora ka poyuru to moro pito no obiyu ru made ni sasage taru pata no nabiki pa puyu gomori paru sari kureba nwo goto ni tukite aru pwi no kaze no muta nabiku ga goto ku tori mot eru yu pazu no sawaki mi yuki puru puyu no payasi ni tumuzi ka mo i maki wataru to omopu made kiki no kasikwo ku piki panatu ya no sige kyeku opo yuki no midarete ki ta re maturwopa zu tati mukapi si mo tuyu simo no ke na ba ke nu be ku yuku tori no araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni sika si mo ara mu to yupu bana no sakayuru toki ni wa go opo kimi mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo

久堅能 pisakata no

句6 仮名書き仮名

MYS.2.199b

挂文由遊志計礼抒母言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下掃賜而食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎掃部等皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流笛之音波敵見有虎可s吼登諸人之聞或麻泥指擧有幡之靡者冬木成春野焼火乃風之共靡如久取持流弓波受乃驟三雪落由布乃林爾飃可毛伊巻渡等諸人見或麻r引放箭之繁計久霰成曽知余里久礼婆不奉仕立向之毛朝霜之消者消言爾打蟬等安良蘇布波之爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾如是毛安良無等木綿花乃榮時爾刺竹皇子御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文

kake maku mo yuyusi kyeredomo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita parapi tamapite wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo para pye to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru puye no oto pa ata mi taru twora ka poyuru to moro pito no kiki matwopu made sasage taru pata no nabiki pa puyu gomori paru nwo yaku pwi no kaze no muta nabiku ga goto ku tori mot eru yu pazu no sawaki mi yuki puru yupu no payasi ni tumuzi ka mo i maki wataru to moro pito no mi matwopu made ni piki panatu ya no sige kyeku arare nasu soti yori kureba maturwopa zu tati mukapi si mo asa simo no ke naba ke to pu ni utusemi to araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni kaku si mo ara mu to yupu bana no sakayuru toki ni sasutake no mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo

久堅能 pisakata no

句6 仮名書き仮名

MYS.2.200

久堅之天所知流君故爾日月毛不知戀渡鴨

pisakata no ame sira si nu ru kimi yuwe ni pi tukwi mo sira zu kwopwi wataru kamo

久堅之 pisakata no

句0 交ぜ書き訓字仮名

MYS.2.204

安見知之吾王高光日之皇子久堅乃天宮爾神随神等座者其乎霜文爾恐美晝波毛日之盡夜羽毛夜之盡臥居雖嘆飽不足香裳

yasumisisi wa go opo kimi taka pikaru pi no mi kwo pisakata no ama tu miya ni kamu nagara kamwi to imaseba soko wo si mo ayani kasikwo mi piru pa mo pi no kotogoto yworu pa mo ywo no kotogoto pusi wi nagekedo aki tara nu kamo

久堅乃 pisakata no

句4 仮名書き仮名

MYS.3.239

八隅知之吾大王高光吾日乃皇子乃馬並而三猟立流弱薦乎猟路乃小野爾十六社者伊波比拝目鶉己曽伊波比廻礼四時自物伊波比拝鶉成伊波比毛等保理恐等仕奉而久堅乃天見如久真十鏡仰而雖見春草之益目頬四寸吾於富吉美可聞

yasumisisi wa go opo kimi taka terasu wa ga pi no mi kwo no uma namete mi kari tata s e ru waka komo wo karidi no wo nwo ni sisi kosoba ipapi woroga me udura koso ipapi motopo re sisi zimono ipapi worogami udura nasu ipapi motopori kasikwo mi to tukape maturite pisakata no ame miru goto ku maswo kagami apugite miredo paru kusa no iya medurasi ki wa go opo kimi kamo

久堅乃 pisakata no

句18 仮名書き仮名

MYS.3.240

久堅乃天歸月乎網爾刺我大王者盖爾為有

pisakata no ame yuku tukwi wo ami ni sasi wa go opo kimi pa kinugasa ni s eri

久堅乃 pisakata no

句0 仮名書き仮名

MYS.3.261

八隅知之吾大王高輝日之皇子茂座大殿於久方天傳来白雪仕物徃来乍益及常世

yasumisisi wa go opo kimi taka terasu pi no mi kwo sakaye masu opo tono no upe ni pisakata no ama tutapi kuru yuki zimono yuki kaywopitutu iya toko yo made

久方 pisakata no

句6 交ぜ書き訓字仮名

MYS.3.292

久方乃天之探女之石船乃泊師高津者淺爾家留香裳

pisakata no ama no sagu mye ga ipa pune no pate si takatu pa ase ni kyeru kamo

久方乃 pisakata no

句0 仮名書き仮名

MYS.3.379

久堅之天原従生来神之命奥山乃賢木之枝爾白香付木綿取付而齊戸乎忌穿居竹玉乎繁爾貫垂十六自物膝折伏手弱女之押日取懸如此谷裳吾者祈奈牟君爾不相可聞

pisakata no ama no para ywori are ki taru kamwi no mikoto oku yama no saka kwi no yeda ni sira ka tuke yupu tori tukete ipapi be wo ipapi pori suwe taka tama wo sizi ni nuki tari sisi zimono piza wori pusite tawayamye no osupi tori kake kaku dani mo ware pa kopi na mu kimi ni apazi kamo

久堅之 pisakata no

句0 交ぜ書き訓字仮名

MYS.3.420

名湯竹乃十縁皇子狭丹頬相吾大王者隠久乃始瀬乃山爾神左備爾伊都伎坐等玉梓乃人曽言鶴於余頭礼可吾聞都流狂言加我間都流母天地爾悔事乃世間乃悔言者天雲乃曽久敝能極天地乃至流左右二杖策毛不衝毛去而夕衢占問石卜以而吾屋戸爾御諸乎立而枕邊爾齊戸乎居竹玉乎無間貫垂木綿手次可比奈爾懸而天有左佐羅能小野之七相菅手取持而久堅乃天川原爾出立而潔身而麻之乎高山乃石穂乃上爾伊座都類香物

nayu take no towo yoru mi kwo sa ni turapu wa go opo kimi pa komori ku no patuse no yama ni kamu sabwi ni ituki imasu to tamadusa no pito so ipi turu oyodure ka wa ga kiki turu tapa koto ka wa ga kiki turu mo ame tuti ni kuyasi ki koto no yo no naka no kuyasi ki koto pa ama kumo no sokupye no kipami ame tuti no itar e ru made ni tuwe tuki mo tuka zu mo yukite yupu ke twopi isi ura motite wa ga yadwo ni mi moro wo tatete makura pye ni ipapi be wo suwe taka dama wo ma na ku nuki tari yupu ta suki kapina ni kakete ame n aru sasara no wo nwo no nana pu suge te ni tori motite pisakata no ama no kapara ni ide tatite misogi te masi wo taka yama no ipa po no upe ni i mase turu kamo

久堅乃 pisakata no

句38 仮名書き仮名

MYS.3.475

挂巻母綾爾恐之言巻毛齊忌志伎可物吾王御子乃命萬代爾食賜麻思大日本久邇乃京者打靡春去奴礼婆山邊爾波花咲乎為里河湍爾波年魚小狭走弥日異榮時爾逆言之狂言登加聞白細爾舎人装束而和豆香山御輿立之而久堅乃天所知奴礼展轉埿打雖泣将為須便毛奈思

kake maku mo ayani kasikwo si ipa maku mo yuyu si ki kamo wa go opo kimi mi kwo no mikoto yorodu yo ni myesi tamapa masi opo yamato kuni no miyakwo pa uti nabiku paru sari nureba yama pye ni pa pana saki wowori kapa se ni pa ayu kwo sa basiri iya pi kyeni sakayuru toki ni oyodure no tapa koto to ka mo sirwo tape ni toneri yosopi te waduka yama mi kosi tata site pisakata no ame sira si nure koi marobi pidu ti nakedomo se mu subye mo na si

久堅乃 pisakata no

句24 仮名書き仮名

MYS.4.519

雨障常為公者久堅乃昨夜雨爾将懲鴨

ama tutumi tune suru kimi pa pisakata no kizo no ywo no ame ni kori ni kye mu kamo

久堅乃 pisakata no

句2 仮名書き仮名

MYS.4.520

久堅乃雨毛落粳雨乍見於君副而此日令晩

pisakata no ame mo pura nu ka ama tutumi kimi ni tagupite ko no pi kurasa mu

久堅乃 pisakata no

句0 仮名書き仮名

MYS.4.651

久堅乃天露霜置二家里宅有人毛待戀奴濫

pisakata no ama no tuyu simo oki ni kyeri ipye n aru pito mo mati kwopwi nu ramu

久堅乃 pisakata no

句0 仮名書き仮名

MYS.4.769

久堅之雨之落日乎直獨山邊爾居者欝有来

pisakata no ame no puru pi wo tada pito ri yama pye ni woreba ibuse kari kyeri

久堅之 pisakata no

句0 交ぜ書き訓字仮名

MYS.5.801

比佐迦多能阿麻遅波等保斯奈保奈保爾伊弊爾可弊利提奈利乎斯麻佐爾

pisakata no ama di pa topo si napo napo ni ipye ni kapyerite nari wo si masa ni

比佐迦多能 pisakata no

句0 仮名書き仮名

MYS.5.822

和何則能爾宇米能波奈知流比佐可多能阿米欲里由吉能那何列久流加母

wa ga sono ni ume no pana tiru pisakata no ame ywori yuki no nagare kuru kamo

比佐可多能 pisakata no

句2 仮名書き仮名

MYS.5.894

神代欲理云伝久良久虚見通倭國者皇神能伊都久志吉國言霊能佐吉播布國等加多利継伊比都賀比計理今世能人母許等期等目前爾見在知在人佐播爾満弖播阿礼等母高光日御朝庭神奈我良愛能盛爾天下奏多麻比志家子等撰多麻比天勅旨戴持弖唐能遠境爾都加播佐礼麻加利伊麻勢宇奈原能辺爾母奥爾母神豆麻利宇志播吉伊麻須諸能大御神等船舳爾道引麻遠志天地能大御神等倭大國霊久堅能阿麻能見虚喩阿麻賀気利見渡多麻比事畢還日者又更大御神等船舳爾御手打掛弖墨縄遠播倍多留期等久阿遅可遠志智可能岬欲利大伴御津浜備爾多太泊爾美船播将泊都都美無久佐伎久伊麻志弖速帰座勢

kamwi yo ywori ipi tute kuraku swora mitu yamato no kuni pa sumye kamwi no itukusi ki kuni koto dama no sakipapu kuni to katari tugi ipi tugapi kyeri ima no yo no pito mo kotogoto me no mapye ni mi tari siri tari pito sapa ni miti te pa aredomo taka pikaru pi no mikadwo kamu nagara mede no sakari ni ame no sita mawosi tamapi si ipye no kwo to erabi tamapite opo mikoto itadaki moti te morokwosi no topo ki sakapi ni tukapa sa re makari imase una para no pye ni mo oki ni mo kamu dumari usipaki imasu moromoro no opomi kamwi tati puna no pe ni miti biki mawosi ame tuti no opomi kamwi tati yamato no opo kuni mi tama pisakata no ama no mi swora yu ama gakeri mi watasi tamapi koto wopari kapyera mu pi pa mata sara ni opomi kamwi tati puna no pe ni mi te uti kake te sumi napa wo pape taru goto ku atikawosi tika no saki ywori opotomo no mitu no pama bwi ni tada pate ni mi pune pa pate mu tutumi na ku saki ku imasite paya kapyeri ma se

久堅能 pisakata no

句42 仮名書き仮名

MYS.6.1040

久堅乃雨者零敷念子之屋戸爾今夜者明而将去

pisakata no ame pa puri siku omopu kwo ga yadwo ni ko yopi pa akasite yuka mu

久堅乃 pisakata no

句0 仮名書き仮名

MYS.7.1080

久方乃天照月者神代爾加出反等六年者經去乍

pisakata no ama teru tukwi pa kamu yo ni ka ide kapyeru ramu tosi pa pe ni tutu

久方乃 pisakata no

句0 仮名書き仮名

MYS.7.1083

霜雲入為登爾可将有久堅之夜渡月乃不見念者

simo gumo ri su to ni ka ara mu pisakata no ywo wataru tukwi no mi ye naku omopeba

久堅之 pisakata no

句2 交ぜ書き訓字仮名

MYS.7.1371

久堅之雨爾波不著乎恠毛吾袖者干時無香

pisakata no ame ni pa ki nu wo ayasi ku mo wa ga koromo de pa puru toki na ki ka

久堅之 pisakata no

句0 交ぜ書き訓字仮名

MYS.8.1485

夏儲而開有波祢受久方乃雨打零者将移香

natu makete saki taru panezu pisakata no ame uti puraba uturopi na mu ka

久方乃 pisakata no

句2 仮名書き仮名

MYS.8.1519

久方之漢瀬爾船泛而今夜可君之我許来益武

pisakata no ama no kapa se ni pune ukete ko yopi ka kimi ga wa gari ki masa mu

久方之 pisakata no

句0 仮名書き仮名

MYS.8.1520a

牽牛者織女等天地之別時由伊奈宇之呂河向立思空不安久爾嘆空不安久爾青浪爾望者多要奴白雲爾渧者盡奴如是耳也伊伎都枳乎良牟如是耳也戀都追安良牟佐丹塗之小船毛賀茂玉纒之真可伊毛我母朝奈藝爾伊可伎渡夕塩爾伊許藝渡久方之天河原爾天飛也領巾可多思吉真玉手乃玉手指更餘宿毛寐而師可聞秋爾安良受登母

pikwo posi pa tanabata tu mye to ame tuti no wakare si toki yu inausiro kapa ni muki tati omopu swora yasu kye na ku ni nageku swora yasu kye na ku ni awo nami ni nozomi pa taye nu sira kumo ni namita pa tukwi nu kaku nomwi ya ikiduki wora mu kaku nomwi ya kwopwi tutu ara mu sa ni nuri no wo bune moga mo tama maki no ma kai moga mo asa nagi ni i kaki watari yupu sipo ni i kogi watari pisakata no ama no kapara ni ama tobu ya pire katasiki ma tama de no tama de sasi kape amata ywo mo ne te si kamo aki ni ara zu tomo

久方之 pisakata no

句26 仮名書き仮名

MYS.8.1520b

牽牛者織女等天地之別時由伊奈宇之呂河向立思空不安久爾嘆空不安久爾青浪爾望者多要奴白雲爾渧者盡奴如是耳也伊伎都枳乎良牟如是耳也戀都追安良牟佐丹塗之小船毛賀茂玉纒之小棹毛何毛朝奈藝爾伊可伎渡夕倍爾毛伊許藝渡久方之天河原爾天飛也領巾可多思吉真玉手乃玉手指更餘宿毛伊毛左祢而師加秋不待登毛

pikwo posi pa tanabata tu mye to ame tuti no wakare si toki yu inausiro kapa ni muki tati omopu swora yasu kye na ku ni nageku swora yasu kye na ku ni awo nami ni nozomi pa taye nu sira kumo ni namita pa tukwi nu kaku nomwi ya ikiduki wora mu kaku nomwi ya kwopwi tutu ara mu sa ni nuri no wo bune moga mo tama maki no wo sawo moga mo asa nagi ni i kaki watari yupu pe ni mo i kogi watari pisakata no ama no kapara ni ama tobu ya pire katasiki ma tama de no tama de sasi kape amata ywo mo imo sa ne te sika aki mata zu tomo

久方之 pisakata no

句26 仮名書き仮名

MYS.8.1566

久堅之雨間毛不置雲隠鳴曽去奈流早田鴈之哭

pisakata no ama ma mo oka zu kumo gakuri naki so yuku naru wasada kari ga ne

久堅之 pisakata no

句0 仮名書き仮名

MYS.8.1661

久方乃月夜乎清美梅花心開而吾念有公

pisakata no tuku ywo wo kiywo mi ume no pana kokoro pirakete wa ga omop yeru kimi

久方乃 pisakata no

句0 仮名書き仮名

MYS.9.1764

久堅乃天漢爾上瀬爾珠橋渡之下湍爾船浮居雨零而風不吹登毛風吹而雨不落等物裳不令濕不息夾益常玉橋渡須

pisakata no ama no kapa ni kami tu se ni tama pasi wata si simo tu se ni pune uke suwe ame purite kaze puka zu tomo kaze pukite ame pura zu tomo mo nurasa zu yama zu ki mase to tama pasi wata su

久堅乃 pisakata no

句0 仮名書き仮名

MYS.10.1812

久方之天芳山此夕霞霏雨微春立下

pisakata no ame no kagu yama ko no yupu pye kasumi tanabiku paru tatu ra si mo

久方之 pisakata no

句0 交ぜ書き訓字仮名

MYS.10.1997

久方之天漢原丹奴延鳥之裏歎座都乏諸手丹

pisakata no ama no kapara ni nuye dori no ura nake masi tu subye na ki madeni

久方之 pisakata no

句0 交ぜ書き訓字仮名

MYS.10.2007

久方天印等水無川隔而置之神世之恨

pisakata no ama tu sirusi to mi na si gapa pyedate ni oki si kamu yo si uramyesi

久方 pisakata no

句0 交ぜ書き無表記仮名

MYS.10.2070

久堅之天河津爾舟泛而君待夜等者不明毛有寐鹿

pisakata no ama no kapa tu ni pune ukete kimi matu ywo ra pa ake zu mo ara nu ka

久堅之 pisakata no

句0 仮名書き仮名

MYS.10.2092

天地跡別之時従久方乃天驗常定大王天之河原爾璞月累而妹爾相時候跡立待爾吾衣手爾秋風之吹反者立座多土伎乎不知村肝心不欲解衣思乱而何時跡吾待今夜此川行長有得鴨

ame tuti to wakare si toki yu pisakata no ama tu sirusi to sadame te si ama no kapara ni ara tama no tukwi wo kasanete imo ni apu toki samorapu to tati matu ni wa ga koromo de ni aki kaze no puki kapyerapeba tatite wite tadwoki wo sira ni mura kimo no kokoro isaywopi toki kinu no omopi midarete itu si ka to wa ga matu ko yopi ko no kapa no nagare no naga ku ari kose nu kamo

久方乃 pisakata no

句2 仮名書き仮名

MYS.10.2093

妹爾相時片待跡久方乃天之漢原爾月叙經来

imo ni apu toki kata matu to pisakata no ama no kapara ni tukwi zo pe ni kyeru

久方乃 pisakata no

句2 仮名書き仮名

MYS.10.2325

誰苑之梅花毛久堅之消月夜爾幾許散来

ta ga sono no ume no pana so mo pisakata no kiywo ki tuku ywo ni kokoda tiri kuru

久堅之 pisakata no

句2 仮名書き仮名

MYS.11.2395

行々不相妹故久方天露霜沾在哉

yuki yukite apa nu imo yuwe pisakata no ama tuyu simo ni nure ni kyeru kamo

久方 pisakata no

句2 交ぜ書き無表記仮名

MYS.11.2463

久方天光月隠去何名副妹偲

pisakata no ama teru tukwi no kakure naba nani ni naswopete imo wo sinwopa mu

久方 pisakata no

句0 訓字書き訓字無表記

MYS.11.2676

久堅之天飛雲爾在而然君相見落日莫死

pisakata no ama tobu kumo ni ari te sika kimi wo api mi mu oturu pi na si ni

久堅之 pisakata no

句0 交ぜ書き訓字仮名

MYS.11.2685

妹門去過不勝都久方乃雨毛零奴可其乎因將爲

imo ga kadwo yuki sugwi kane tu pisakata no ame mo pura nu ka so wo yosi ni se mu

久方乃 pisakata no

句2 仮名書き仮名

MYS.12.3004

久堅之天水虚爾照月之将失日社吾戀止目

pisakata no ama tu mi swora ni teru tukwi no use na mu pi koso wa ga kwopwi yama me

久堅之 pisakata no

句0 交ぜ書き訓字仮名

MYS.12.3125

久堅乃雨零日乎我門爾蓑笠不蒙而来有人哉誰

pisakata no ame no puru pi wo wa ga kadwo ni mino kasa ki zute k yeru pito ya tare

久堅乃 pisakata no

句0 仮名書き仮名

MYS.12.3208

久将在君念爾久堅乃清月夜毛闇夜耳見

pisa ni ara mu kimi wo omopu ni pisakata no kiywo ki tuku ywo mo yamwi nomwi ni mi yu

久堅乃 pisakata no

句2 仮名書き仮名

MYS.13.3252

久堅之王都乎置而草枕羈徃君乎何時可将待

pisakata no miyakwo wo okite kusa makura tabi yuku kimi wo itu to ka mata mu

久堅之 pisakata no

句0 仮名書き仮名

MYS.15.3650

比左可多能安麻弖流月波見都礼杼母安我母布伊毛爾安波奴許呂可毛

pisakata no ama teru tukwi pa mi turedomo a ga mopu imo ni apa nu koro kamo

比左可多能 pisakata no

句0 仮名書き仮名

MYS.15.3672

比左可多能月者弖利多里伊刀麻奈久安麻能伊射里波等毛之安敞里見由

pisakata no tukwi pa teri tari itwoma na ku ama no izari pa tomosi ap yeri mi yu

比左可多能 pisakata no

句0 仮名書き仮名

MYS.16.3837

久堅之雨毛落奴可蓮荷爾渟在水乃玉似將有見

pisakata no ame mo pura nu ka patisu pa ni tamar eru midu no tama ni ni taru mi mu

久堅之 pisakata no

句0 交ぜ書き訓字仮名

MYS.20.4443

比佐可多能安米波布里之久奈弖之故我伊夜波都波奈爾故非之伎和我勢

pisakata no ame pa puri siku nadesikwo ga iya patu pana ni kwopwisi ki wa ga se

比佐可多能 pisakata no

句0 仮名書き仮名

MYS.20.4465

比左加多能安麻能刀比良伎多可知保乃多気爾阿毛理之須賣呂伎能可未能御代欲利波自由美乎多爾芸利母多之麻可胡也乎多婆左美蘇倍弖於保久米能麻須良多祁乎乎佐吉爾多弖由伎登利於保世山河乎伊波祢左久美弖布美等保利久爾麻芸之都都知波夜夫流神乎許等牟伎麻都呂倍奴比等乎母夜波之波吉伎欲米都可倍麻都里弖安吉豆之万夜万登能久爾乃可之波良能宇祢備乃宮爾美也婆之良布刀之利多弖低安米能之多之良志賣之祁流須賣呂伎能安麻能日継等都芸弖久流伎美能御代御代加久左波奴安加吉許己呂乎須賣良弊爾伎波米都久之弖都加倍久流於夜能都可佐等許等太弖低佐豆気多麻敞流宇美乃古能伊也都芸都岐爾美流比等乃可多里都芸弖低伎久比等能可我見爾世武乎安多良之伎吉用伎曾乃名曾於煩呂加爾己許呂於母比弖牟奈許等母於夜乃名多都奈大伴乃宇治等名爾於敞流麻須良乎能等母

pisakata no ama no two piraki takatipo no take ni amori si sumyeroki no kamwi no mi yo ywori pazi yumi wo ta nigwiri motasi makagwoya wo ta basami swopete opo kume no masura takye wo wo saki ni tate yuki tori opose yama kapa wo ipane sakumite pumi topori kuni magi situtu tipayaburu kamwi wo koto muke maturope nu pito wo mo yapasi paki kiywome tukape maturite akidu sima yamato no kuni no kasipara no unebwi no miya ni miya basira putwo siri tatete ame no sita sira si myesi kyeru sumyeroki no ama no pi tugi to tugite kuru kimi no mi yo mi yo kakusapa nu aka ki kokoro wo sumyera bye ni kipame tukusite tukape kuru oya no tukasa to koto datete saduke tamap yeru umi no kwo no iya tugitugi ni miru pito no katari tugitete kiku pito no kagami ni se mu wo atarasi ki kiywo ki so no na so oboroka ni kokoro omopite muna koto mo oya no na tatu na opotomo no udi to na ni op yeru masura wo no tomo

比左加多能 pisakata no

句0 仮名書き仮名

古事記歌謡1首

KK.27

比佐迦多能阿米能迦具夜麻斗迦麻迩佐和多流久毘比波煩曾多和夜賀比那袁麻迦牟登波阿禮波須禮杼佐泥牟登波阿禮波意母閇杼那賀祁勢流意須比能須蘇爾都紀多知迩祁理

pisakata no ame no kagu yama two kama ni sa wataru kubi pipaboso tawaya gapina wo maka mu to pa are pa suredo sa ne mu to pa are pa omopedo na ga kyes eru osupi no suswo ni tukwi tati ni kyeri

比佐迦多能 pisakata no

句0 仮名書き仮名

日本書紀歌謡1首

NSK.59

比佐箇多能阿梅箇儺麼多謎廼利餓於瑠箇儺麼多波椰歩佐和気能瀰於須譬鵝泥

pisakata no ame kanabata mye dori ga oru kana bata payabusawake no mi osupi gane

比佐箇多能 pisakata no

句0 仮名書き仮名

出典

National Institute for Japanese Language and Linguistics (2021) “Oxford-NINJAL Corpus of Old Japanese” https://oncoj.ninjal.ac.jp/ (accessed 15 August 2026)

公開版: 2021.12
取得日: 2026-08-15
コミット: fd34a1b284c5dd1e8008df9d3abcb28cfaf464bf
サイト: Oxford-NINJAL Corpus of Old Japanese