ONCOJ語彙素
異形: pi・pe
複合語内部の出現も数えます。表記種別はONCOJが音節ごとに与える注釈によります。
八隅知之我大王乃朝庭取撫賜夕庭伊縁立之御執乃梓弓之奈加弭乃音為奈利朝猟爾今立須良思暮猟爾今他田渚良之御執能梓弓之奈加弭乃音為奈里
yasumisisi wa go opo kimi no asita ni pa tori nade tamapi yupu pye ni pa i yori tata si si mitorasi no adusa no yumi no naka pazu no oto su nari asa gari ni ima tata su rasi yupu gari ni ima tata su rasi mitorasi no adusa no yumi no naka pazu no oto su nari
八隅知之吾大王之所聞食天下爾國者思毛澤二雖有山川之清河内跡御心乎吉野乃國之花散相秋津乃野邊爾宮柱太敷座波百礒城乃大宮人者船並弖旦川渡舟競夕河渡此川乃絶事奈久此山乃弥高思良珠水激瀧之宮子波見礼跡不飽可問
yasumisisi wa go opo kimi no kikosi myesu ame no sita ni kuni pa si mo sapa ni aredomo yama kapa no kiywo ki kaputi to mi kokoro wo yosinwo no kuni no pana tirapu akidu no nwo pye ni miya basira putwo siki mase ba momo sikwi no opo miya pito pa pune name te asa kapa watari puna gipopi yupu kapa wataru ko no kapa no tayuru koto na ku ko no yama no iya taka sira su midu tagitu taki no miyakwo pa mi redo aka nu kamo
安見知之吾大王神長柄神佐備世須登芳野川多藝津河内爾高殿乎高知座而上立國見乎為勢婆疊付青垣山山神乃奉御調等春部者花挿頭持秋立者黄葉頭刺理逝副川之神母大御食爾仕奉等上瀬爾鵜川乎立下瀬爾小網刺渡山川母依弖奉流神乃御代鴨
yasumisisi wa go opo kimi kamu nagara kamu sabwi sesu to yosinwo kapa tagitu kaputi ni taka tono wo taka siri masite nobori tati kuni mi wo se seba tatanaparu awo kaki yama yama tu mi no maturu mi tukwi to paru bye pa pana kazasi moti aki tateba momiti kazas e ri yuki swopu kapa no kamwi mo opomi ke ni tukape maturu to kami tu se ni u kapa wo tati simo tu se ni sade sasi watasu yama kapa mo yori te tukapu ru kamwi no mi yo kamo
安見知之吾大王神長柄神佐備世須登芳野川多藝津河内爾高殿乎高知座而上立國見乎為勢婆疊付青垣山山神乃奉御調等春部者花挿頭持秋立者黄葉加射之逝副川之神母大御食爾仕奉等上瀬爾鵜川乎立下瀬爾小網刺渡山川母依弖奉流神乃御代鴨
yasumisisi wa go opo kimi kamu nagara kamu sabwi sesu to yosinwo kapa tagitu kaputi ni taka tono wo taka siri masite nobori tati kuni mi wo se seba tatanaparu awo kaki yama yama tu mi no maturu mi tukwi to paru bye pa pana kazasi moti aki tateba momiti ba kazasi yuki swopu kapa no kamwi mo opomi ke ni tukape maturu to kami tu se ni u kapa wo tati simo tu se ni sade sasi watasu yama kapa mo yori te tukapu ru kamwi no mi yo kamo
潮左為二五十等兒乃嶋邊榜船荷妹乗良六鹿荒嶋廻乎
sipo sawi ni iragwo no sima bye kogu pune ni imo noru ramu ka ara ki sima mwi wo
葦邊行鴨之羽我比爾霜零而寒暮夕倭之所念
asi bye yuku kamo no pa gapi ni simo purite samu ki yupubye pa yamato si omopoyu
玉藻苅奥敝波不榜敷妙乃枕邊之人忘可祢津藻
tama mo karu oki pye pa kogazi siki tape no makura pye no atari wasure kane tu mo
山邊乃御井乎見我弖利神風乃伊勢處女等相見鶴鴨
yama no pye no mi wi wo mi gateri kamu kaze no ise wotomye domo api mi turu kamo
秋田之穂上爾霧相朝霞何時邊乃方二我戀将息
aki no ta no po no pe ni kwirapu asa kasumi itu pye no kata ni wa ga kwopwi yama mu
大名兒彼方野邊爾苅草乃束之間毛吾忘目八
opo nakwo wo woti kata nwo pye ni karu kaya no tuka no apida mo ware wasure me ya
石見乃海角乃浦廻乎浦無等人社見良目滷無等人社見良目能咲八師浦者無友縦畫屋師滷者無鞆鯨魚取海邊乎指而和多豆乃荒礒乃上爾香青生玉藻息津藻朝羽振風社依米夕羽振流浪社来縁浪之共彼縁此依玉藻成依宿之妹乎露霜乃置而之来者此道乃八十隈毎万段顧為騰弥遠爾里者放奴益高爾山毛越来奴夏草之念思奈要而志怒布良武妹之門将見靡此山
ipami no umi tunwo no ura mwi wo ura na si to pito koso mi rame kata na si to pito koso mi rame yosi we ya si ura pa na ku tomo yosi we ya si kata pa na ku tomo isana tori umi pye wo sasite nikitadu no ariswo no upe ni ka awo naru tama mo oki tu mo asa papuru kaze koso yose me yupu papu ru nami koso ki yose nami no muta ka yori kaku yoru tama mo nasu yori ne si imo wo tuyu simo no okite si kureba ko no miti no ya swo kuma goto ni yorodu tabi kapyeri mi sure do iya topo ni satwo pa sakari nu iya taka ni yama mo kwoye ki nu natu kusa no omopi sina yete sinwopu ramu imo ga kadwo mi mu nabikye ko no yama
石見乃海角乃浦廻乎浦無等人社見良目礒無登人社見良目能咲八師浦者無友縦畫屋師礒者無鞆鯨魚取海邊乎指而和多豆乃荒礒乃上爾香青生玉藻息津藻朝羽振風社依米夕羽振流浪社来縁浪之共彼縁此依波之伎余思妹之手本乎露霜乃置而之来者此道乃八十隈毎万段顧為騰弥遠爾里者放奴益高爾山毛越来奴夏草之念思奈要而志怒布良武妹之門将見靡此山
ipami no umi tunwo no ura mwi wo ura na si to pito koso mi rame iswo na si to pito koso mi rame yosi we ya si ura pa na ku tomo yosi we ya si iswo pa na ku tomo isana tori umi pye wo sasite nikitadu no ariswo no upe ni ka awo naru tama mo oki tu mo asa pa puru kaze koso yose me yupu pa pu ru nami koso ki yose nami no muta ka yori kaku yoru pasikiyosi imo ga ta moto wo tuyu simo no okite si kureba ko no miti no ya swo kuma goto ni yorodu tabi kapyeri mi sure do iya topo ni satwo pa sakari nu iya taka ni yama mo kwoye ki nu natu kusa no omopi sina yete sinwopu ramu imo ga kadwo mi mu nabikye ko no yama
石見之海津乃浦乎無美浦無跡人社見良米滷無跡人社見良目吉咲八師浦者雖無縦恵夜思潟者雖無勇魚取海邊乎指而柔田津乃荒礒之上爾蚊青生玉藻息都藻明来者浪己曽来依夕去者風己曽来依浪之共彼依此依玉藻成靡吾宿之敷妙之妹之手本乎露霜乃置而之来者此道之八十隈毎萬段顧雖為弥遠爾里放来奴益高爾山毛超来奴早敷屋師吾嬬乃兒我夏草乃思志萎而将嘆角里将見靡此山
ipami no umi tu no ura wo na mi ura na si to pito koso mi rame kata na si to pito koso mi rame yosi we ya si ura pa na ku tomo yosi we ya si kata pa na ku tomo isana tori umi bye wo sasite nikitadu no ariswo no upe ni ka awo naru tama mo oki tu mo ake kureba nami koso ki yose yupu sareba kaze koso ki yose nami no muta ka yori kaku yoru tama mo nasu nabiki wa ga ne si siki tape no imo ga tamoto wo tuyu simo no okite si kureba ko no miti no ya swo kuma goto ni yorodu tabi kapyeri mi suredo iya topo ni satwo sakari ki nu iya taka ni yama mo kwoye ki nu pasikiyasi wa ga tuma no kwo ga natu kusa no omopi sinayete nageku ramu tunwo no satwo mi mu nabikye ko no yama
鯨魚取淡海乃海乎奥放而榜来船邊附而榜来船奥津加伊痛勿波祢曽邊津加伊痛莫波祢曽若草乃嬬之念鳥立
isana tori apumi no umi wo oki sakete kogi ki taru pune pye tukite kogi kuru pune oki tu kai ita ku na pane so pye tu kai ita ku na pane so waka kusa no tuma no omopu tori tatu
神山之山邊真蘇木綿短木綿如此耳故爾長等思伎
miwa yama no yama pye ma swo yupu mizika yupu kaku nomwi yuwe ni naga si to omopi ki
天地之初時久堅之天河原爾八百萬千萬神之神集々座而神分々之時爾天照日女之命天乎婆所知食登葦原乃水穂之國乎天地之依相之極所知行神之命等天雲之八重掻別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神上々座奴吾王皇子之命乃天下所知食世者春花之貴在等望月乃満波之計武跡天下四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗其故皇子之宮人行方不知毛
ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasite kamu pakari pakari si toki ni ama tera su pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kaki wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu agari agari imasi nu wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to ame no sita yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru soko yuwe ni mi kwo no miya pito yuku pye sira zu mo
天地之初時久堅之天河原爾八百萬千萬神之神集々座而神分々之時爾指上日女之命天乎婆所知食登葦原乃水穂之國乎天地之依相之極所知行神之命等天雲之八重雲別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神登座爾之可婆吾王皇子之命乃天下所知食世者春花之貴在等望月乃満波之計武跡食國四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗刺竹之皇子宮人歸邊不知爾為
ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasi kamu pakari pakari si toki ni sasi noboru pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kumo wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu nobori imasi ni sikaba wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to wosu kuni yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru sasutake no mi kwo no miya pito yuku pye sira ni su
朝日弖流佐太乃岡邊爾群居乍吾等哭涙息時毛無
asa pi deru sada no woka bye ni mure witutu wa ga naku namita yamu toki mo na si
橘之嶋宮爾者不飽鴨佐田乃岡邊爾侍宿為爾徃
tatibana no sima no miya ni pa aka ne ka mo sa da no woka pye ni tono wi si ni yuku
所由無佐太乃岡邊爾反居者嶋御橋爾誰加住儛無
ture mo na ki sada no woka bye ni kapyeri wiba sima no mi pasi ni tare ka sumapa mu
朝日照佐太乃岡邊爾鳴鳥之夜鳴變布此年己呂乎
asa pi teru sada no woka pye ni naku tori no ywo naki kapyera pu ko no tosi koro wo
飛鳥明日香乃河之上瀬石橋渡下瀬打橋渡石橋生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴然有鴨綾爾憐宿兄鳥之片戀嬬朝鳥徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa pasi watasi simo tu se ni uti pasi watasu ipa pasi ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu sikare ka mo ayani kanasi mi nuye dori no kata kwopwi duma asa tori no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
飛鳥明日香乃河之上瀬石浪渡下瀬打橋渡石浪生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴所己乎之毛綾爾憐宿兄鳥之片戀為乍朝霧徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa nami watasi simo tu se ni uti pasi watasu ipa nami ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu soko wo si mo ayani kanasi mi nuye dori no kata kwopwi situtu asa gwiri no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
挂文忌之伎鴨言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下治賜食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎治跡皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流小角乃音母敵見有虎可s吼登諸人之恊流麻r爾指擧有幡之靡者冬木成春去来者野毎著而有火之風之共靡如久取持流弓波受乃驟三雪落冬乃林爾飃可毛伊巻渡等念麻r聞之恐久引放箭之繁計久大雪乃乱而来礼不奉仕立向之毛露霜之消者消倍久去鳥乃相競端爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾然之毛将有登木綿花乃榮時爾吾大王皇子之御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyu si ki kamo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita wosame tamapi wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo wosame to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru kuda no oto mo ata mi taru twora ka poyuru to moro pito no obiyu ru made ni sasage taru pata no nabiki pa puyu gomori paru sari kureba nwo goto ni tukite aru pwi no kaze no muta nabiku ga goto ku tori mot eru yu pazu no sawaki mi yuki puru puyu no payasi ni tumuzi ka mo i maki wataru to omopu made kiki no kasikwo ku piki panatu ya no sige kyeku opo yuki no midarete ki ta re maturwopa zu tati mukapi si mo tuyu simo no ke na ba ke nu be ku yuku tori no araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni sika si mo ara mu to yupu bana no sakayuru toki ni wa go opo kimi mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
挂文由遊志計礼抒母言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下掃賜而食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎掃部等皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流笛之音波敵見有虎可s吼登諸人之聞或麻泥指擧有幡之靡者冬木成春野焼火乃風之共靡如久取持流弓波受乃驟三雪落由布乃林爾飃可毛伊巻渡等諸人見或麻r引放箭之繁計久霰成曽知余里久礼婆不奉仕立向之毛朝霜之消者消言爾打蟬等安良蘇布波之爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾如是毛安良無等木綿花乃榮時爾刺竹皇子御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyusi kyeredomo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita parapi tamapite wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo para pye to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru puye no oto pa ata mi taru twora ka poyuru to moro pito no kiki matwopu made sasage taru pata no nabiki pa puyu gomori paru nwo yaku pwi no kaze no muta nabiku ga goto ku tori mot eru yu pazu no sawaki mi yuki puru yupu no payasi ni tumuzi ka mo i maki wataru to moro pito no mi matwopu made ni piki panatu ya no sige kyeku arare nasu soti yori kureba maturwopa zu tati mukapi si mo asa simo no ke naba ke to pu ni utusemi to araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni kaku si mo ara mu to yupu bana no sakayuru toki ni sasutake no mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
埴安乃池之堤之隠沼乃去方乎不知舎人者迷惑
paniyasu no ike no tutumi no komori nu no yuku pye wo sira ni toneri pa matwopu
秋山下部留妹奈用竹乃騰遠依子等者何方爾念居可栲紲之長命乎露己曽婆朝爾置而夕者消等言霧己曽婆夕立而明者失等言梓弓音聞吾母髣髴見之事悔敷乎布栲乃手枕纒而劔刀身二副寐價牟若草其嬬子者不怜弥可念而寐良武悔弥可念戀良武時不在過去子等我朝露乃如也夕霧乃如也
aki yama no sitap yeru imo naywo take no towo yoru kwo ra pa ika sama ni omopi wore ka taku napa no naga ki inoti wo tuyu kosoba asita ni okite yupu pye pa kiyu to ipe kwiri kosoba yupu pye ni tatite asita pa usu to ipe adusa yumi oto kiku ware mo opo ni mi si koto kuya si ki wo siki tape no ta makura makite turugi tati mwi ni swope ne kye mu waka kusa no so no tuma no kwo pa sabusi mi ka omopite nu ramu kuyasi mi ka omopi kwopu ramu toki nara zu sugwi ni si kwo ra ga asa tuyu no goto yupu gwiri no goto
玉藻吉讃岐國者國柄加雖見不飽神柄加幾許貴寸天地日月与共満将行神乃御面跡次来中乃水門従船浮而吾榜来者時風雲居爾吹爾奥見者跡位浪立邊見者白浪散動鯨魚取海乎恐行船乃梶引折而彼此之嶋者雖多名細之狭岑之嶋乃荒礒面爾廬作而見者浪音乃茂濱邊乎敷妙乃枕爾為而荒床自伏君之家知者徃而毛将告妻知者来毛問益乎玉桙之道太爾不知欝悒久待加戀良武愛伎妻等者
tama mo yo si sanuki no kuni pa kuni kara ka miredomo aka nu kamu kara ka kokoda taputwo ki ame tuti pi tukwi to tomo ni tari yuka mu kamwi no mi omo to tugite kuru naka no mina two yu pune ukete wa ga kogi kureba toki tu kaze kumo wi ni puku ni oki mireba towi nami tati pye mireba sira nami sawaku isana tori umi wo kasikwo mi yuku pune no kadi piki worite woti koti no sima pa opo kyedo na kupa si sa mine no sima no ariswo omo ni iporite mireba nami no to no sige ki pama pye wo siki tape no makura ni nasite ara doko ni koro pusu kimi ga ipye siraba yukite mo tuge mu tuma siraba ki mo topa masi wo tama poko no miti dani sira zu opoposi ku mati ka kwopu ramu pasi ki tuma ra pa
高圓之野邊乃秋芽子徒開香将散見人無爾
takamatwo no nwo pye no aki pagwi itadura ni saki ka tiru ramu miru pito na si ni
御笠山野邊徃道者己伎太雲繁荒有可久爾有勿國
mikasa yama nwo pye yuku miti pa kokidaku mo sizi ni are taru ka pisa ni ara na ku ni
高圓之野邊乃秋芽子勿散祢君之形見爾見管思奴播武
takamatwo no nwo pye no aki pagwi na tiri so ne kimi ga katami ni mi tutu si nwopa mu
三笠山野邊従遊久道己伎太久母荒爾計類鴨久爾有名國
mikasa yama nwo pye yu yuku miti kokidaku mo are ni kyeru kamo pisa ni ara naku ni
奥浪邊波雖立和我世故我三船乃登麻里瀾立目八方
oki tu nami pye nami tatu tomo wa ga sekwo ga mi pune no tomari nami tata me ya mo
天降付天之芳来山霞立春爾至婆松風爾池浪立而櫻花木乃晩茂爾奥邊波鴨妻喚邊津方爾味村左和伎百礒城之大宮人乃退出而遊船爾波梶棹毛無而不樂毛己具人奈四二
amori tuku ame no kagu yama kasumi tatu paru ni itare ba matu kaze ni ike nami tatite sakura bana ko no kure sige ni oki pye pa kamo tuma ywobapi pye tu pye ni adi mura sawaki momo sikwi no opo miya pito no makari dete aswobu pune ni pa kadi sawo mo na kute sabusi mo kogu pito na si ni
天降就神乃香山打靡春去来者櫻花木暗茂松風丹池浪飆邊都遍者阿遅村動奥邊者鴨妻喚百式乃大宮人乃去出榜来舟者竿梶母無而佐夫之毛榜与雖思
amori tuku kamwi no kagu yama uti nabiku paru sari kureba sakura bana ko no kure sige ni matu kaze ni ike nami tati pye tu pye ni pa adi mura sawaki oki bye ni pa kamo tuma ywobapi momo sikwi no opo miya pito no makari dete kogi k yeru pune pa sawo kadi mo na kute sabusi mo koga mu to omopedo
物乃部能八十氏河乃阿白木爾不知代經浪乃去邊白不母
mono nopu no ya swo udi kapa no azirwo kwi ni isayopu nami no yuku pye sira zu mo
焼津邊吾去鹿齒駿河奈流阿倍乃市道爾相之兒等羽裳
yakitu bye ni wa ga yuki sikaba suruga n aru abe no iti di ni api si kwo ra pa mo
葦邊波鶴之哭鳴而湖風寒吹良武津乎能埼羽毛
asi bye ni pa tadu ga ne nakite minatwo kaze samu ku puku ramu tuwo no saki pa mo
千磐破神之社四無有世伐春日之野邊粟種益乎
tipayaburu kamwi no yasiro si na kari seba kasuga no nwo pye ni apa maka masi wo
名湯竹乃十縁皇子狭丹頬相吾大王者隠久乃始瀬乃山爾神左備爾伊都伎坐等玉梓乃人曽言鶴於余頭礼可吾聞都流狂言加我間都流母天地爾悔事乃世間乃悔言者天雲乃曽久敝能極天地乃至流左右二杖策毛不衝毛去而夕衢占問石卜以而吾屋戸爾御諸乎立而枕邊爾齊戸乎居竹玉乎無間貫垂木綿手次可比奈爾懸而天有左佐羅能小野之七相菅手取持而久堅乃天川原爾出立而潔身而麻之乎高山乃石穂乃上爾伊座都類香物
nayu take no towo yoru mi kwo sa ni turapu wa go opo kimi pa komori ku no patuse no yama ni kamu sabwi ni ituki imasu to tamadusa no pito so ipi turu oyodure ka wa ga kiki turu tapa koto ka wa ga kiki turu mo ame tuti ni kuyasi ki koto no yo no naka no kuyasi ki koto pa ama kumo no sokupye no kipami ame tuti no itar e ru made ni tuwe tuki mo tuka zu mo yukite yupu ke twopi isi ura motite wa ga yadwo ni mi moro wo tatete makura pye ni ipapi be wo suwe taka dama wo ma na ku nuki tari yupu ta suki kapina ni kakete ame n aru sasara no wo nwo no nana pu suge te ni tori motite pisakata no ama no kapara ni ide tatite misogi te masi wo taka yama no ipa po no upe ni i mase turu kamo
天雲之向伏國武士登所云人者皇祖神之御門爾外重爾立候内重爾仕奉玉葛弥遠長祖名文継徃物与母父爾妻爾子等爾語而立西日従帶乳根乃母命者齊忌戸乎前坐置而一手者木綿取持一手者和細布奉平間幸座与天地乃神祇乞祷何在歳月日香茵花香君之牛留鳥名津匝来与立居而待監人者王之命恐押光難波國爾荒玉之年經左右二白栲衣不干朝夕在鶴公者何方爾念座可欝蝉乃惜此世乎露霜置而徃監時爾不在之天
ama kumo no muka busu kuni no mononopu to ipa yuru pito pa sumyeroki no kamwi no mi kadwo ni two no pye ni tati samorapi uti no pye ni tukape maturite tama kadura iya topo naga ku oya no na mo tugi yuku mono to omo titi ni tuma ni kwo domo ni katarapite tati ni si pi ywori taratine no papa no mikoto pa ipapi be wo mapye ni suwe okite kata te ni pa yupu tori moti kata te ni pa niki tape maturi tapirake ku ma saki ku mase to ame tuti no kamwi wo kopi nome ika n ara mu tosi tukwi pi ni ka tutuzi pana nipop yeru kimi ga kuro tori no nadusapi ko mu to tatite wite mati kye mu pito pa opo kimi no mikoto kasikwo mi osi teru nanipa no kuni ni ara tama no tosi puru made ni sirwo tape no koromo mo posa zu asa yopi ni ari turu kimi pa ika sama ni omopi mase ka utusemi no wosi ki ko no yo wo tuyu simo no okite ini kye mu toki ni ara zu site
栲角乃新羅國従人事乎吉跡所聞而問放流親族兄弟無國爾渡来座而大皇之敷座國爾内日指京思美弥爾里家者左波爾雖在何方爾念鷄目鴨都礼毛奈吉佐保乃山邊爾哭兒成慕来座而布細乃宅乎毛造荒玉乃年緒長久住乍座之物乎生者死云事爾不免物爾之有者憑有之人乃盡草枕客有間爾佐保河乎朝河渡春日野乎背向爾見乍足氷木乃山邊乎指而晩闇跡隠益去礼将言為便将為須敝不知爾徘徊直獨而白細之衣袖不干嘆乍吾泣涙有間山雲居軽引雨爾零寸八
takudunwo no sirakwi no kuni yu pito goto wo yo si to kika site twopi saku ru ugara paragara na ki kuni ni watari ki masite opo kimi no siki masu kuni ni utipi sasu miyakwo simimi ni satwo ipye pa sapa ni aredomo ika sama ni omopi kye me kamo ture mo na ki sapo no yama pye ni naku kwo nasu sitapi ki masite siki tape no ipye wo mo tukuri ara tama no tosi no wo naga ku sumapitutu imasi si mono wo ik yeru mono sinu to ipu koto ni manukare nu mono ni si areba tanom yeri si pito no kotogoto kusa makura tabi n aru potwo ni sapo gapa wo asa kapa watari kasuga nwo wo sogapi ni mitutu asi pikwi no yama pye wo sasite kurekure to kakuri masi nu re ipa mu subye se mu subye sira ni ta motopori tada pito ri site sirwo tape no koromo de posa zu nagekitutu wa ga naku namita arima yama kumo wi tanabiki ame ni puri ki ya
挂巻母綾爾恐之言巻毛齊忌志伎可物吾王御子乃命萬代爾食賜麻思大日本久邇乃京者打靡春去奴礼婆山邊爾波花咲乎為里河湍爾波年魚小狭走弥日異榮時爾逆言之狂言登加聞白細爾舎人装束而和豆香山御輿立之而久堅乃天所知奴礼展轉埿打雖泣将為須便毛奈思
kake maku mo ayani kasikwo si ipa maku mo yuyu si ki kamo wa go opo kimi mi kwo no mikoto yorodu yo ni myesi tamapa masi opo yamato kuni no miyakwo pa uti nabiku paru sari nureba yama pye ni pa pana saki wowori kapa se ni pa ayu kwo sa basiri iya pi kyeni sakayuru toki ni oyodure no tapa koto to ka mo sirwo tape ni toneri yosopi te waduka yama mi kosi tata site pisakata no ame sira si nure koi marobi pidu ti nakedomo se mu subye mo na si
白細之袖指可倍弖靡寐吾黒髪乃真白髪爾成極新世爾共将有跡玉緒乃不絶射妹跡結而石事者不果思有之心者不遂白妙之手本矣別丹杵火爾之家従裳出而緑兒乃哭乎毛置而朝霧髣髴為乍山代乃相樂山乃山際徃過奴礼婆将云為便将為便不知吾妹子跡左宿之妻屋爾朝庭出立偲夕爾波入居嘆會腋挾兒乃泣毎雄自毛能負見抱見朝鳥之啼耳哭管雖戀効矣無跡辞不問物爾波在跡吾妹子之入爾之山乎因鹿跡叙念
sirwo tape no swode sasi kapete nabiki nuru wa ga kurwo kami no ma sira ga ni nari na mu kipami arata yo ni tomo ni ara mu to tama no wo no tayezi i imo to musubi te si koto pa patasa zu omop yeri si kokoro pa toge zu sirwo tape no ta moto wo wakare nikibwi ni si ipye yu mo idete midorikwo no naku wo mo okite asa gwiri no obo ni naritutu yamasiro no saga raka yama no yama no ma ni yuki sugwi nureba ipa mu subye se mu subye sira ni wagimo kwo to sa ne si tuma ya ni asita ni pa ide tati sinwopi yupu pye ni pa iri wi nage kapi waki basamu kwo no naku gotoni wotokwo zimono opi mi udaki mi asa tori no ne nomwi naki tutu kwopuredomo sirusi wo na mi to koto twopa nu mono ni pa aredo wagimo kwo ga iri ni si yama wo yosu ka to so omopu
神風之伊勢乃濱荻折伏客宿也将為荒濱邊爾
kamu kaze no ise no pama wogwi wori pusete tabi ne ya su ramu ara ki pama pye ni
臣女乃匣爾乗有鏡成見津乃濱邊爾狭丹頬相紐解不離吾妹兒爾戀乍居者明晩乃旦霧隠鳴多頭乃哭耳之所哭吾戀流干重乃一隔母名草漏情毛有哉跡家當吾立見者青旗乃葛木山爾多奈引流白雲隠天佐我留夷乃國邊爾直向淡路乎過粟嶋乎背爾見管朝名寸二水手之音喚暮名寸二梶之聲為乍浪上乎五十行左具久美磐間乎射徃廻稲日都麻浦箕乎過而鳥自物魚津左比去者家乃嶋荒礒之宇倍爾打靡四時二生有莫告我奈騰可聞妹爾不告来二計謀
tawayamye no kusi ge ni nor eru kagami nasu mitu no pama pye ni sa ni turapu pimo toki sake zu wagimo kwo ni kwopwitutu woreba ake gure no asa kwiri gakuri naku tadu no ne nomwi si naka yu wa ga kwopu ru ti pye no pito pye mo nagusamoru kokoro mo ari ya to ipye no atari wa ga tati mireba awo pata no kadurakwi yama ni tanabik ye ru sira kumo gakuru ama sagaru pina no kuni pye ni tada mukapu apadi wo sugwi apasima wo sogapi ni mi tutu asa nagi ni kakwo no kowe ywobi yupu nagi ni kadi no to situtu nami no pe wo i yuki sagukumi ipa no ma wo i yuki motopori inabi tuma ura mwi wo sugwite tori zimono nadusapi yukeba ipye no sima no ariswo no upe ni uti nabiki sizi ni opwi taru nanoriso ga nado ka mo imo ni nora zu ki ni kye mu
春日野之山邊道乎於曽理無通之君我不所見許呂香聞
kasuga nwo no yama bye no miti wo osori na ku kaywopi si kimi ga mi ye nu koro kamo
天雲乃遠隔乃極遠鷄跡裳情志行者戀流物可聞
ama kumo no soki pye no kipami topo kyedomo kokoro si yukeba kwopu ru mono kamo
草枕羈行君乎愛見副而曽来四鹿乃濱邊乎
kusa makura tabi yuku kimi wo utukusi mi tagupite so ko si sika no pama pye wo
山跡邊君之立日乃近付者野立鹿毛動而曽鳴
yamato pye ni kimi ga tatu pi no tika dukeba nwo ni tatu sika mo toyomite so naku
真十鏡見不飽君爾所贈哉旦夕爾左備乍将居
maswo kagami mi aka nu kimi ni okurete ya asita yupu pye ni sabwi tutu wora mu
不相念人乎思者大寺之餓鬼之後爾額衝如
api omopa nu pito wo omopu pa opo tera no gakwi no siri pye ni nuka duku ga goto
従蘆邊満来塩乃弥益荷念歟君之忘金鶴
asi pye ywori miti kuru sipo no iya masi ni omope ka kimi ga wasure kane turu
奥弊徃邊去伊麻夜為妹吾漁有藻臥束鮒
oki pye yuki pye ni yuki ima ya imo ga tame wa ga sunador eru mo pusi tuka puna
君爾因言之繁乎龍田超三津之濱邊爾潔身四二由久
kimi ni yori koto no sige ki wo tatuta kwoye mitu no pama pye ni misogi si ni yuku
久堅之雨之落日乎直獨山邊爾居者欝有来
pisakata no ame no puru pi wo tada pito ri yama pye ni woreba ibuse kari kyeri
風高邊者雖吹為妹袖左倍所沾而苅流玉藻焉
kaze taka ku pye ni pa pukedomo imo ga tame swode sape nurete kar e ru tama mo so
父母乎美礼婆多布斗斯妻子美礼婆米具斯宇都久志余能奈迦波加久叙許等和理母智騰利乃可可良波志母与宇既具都遠由久弊斯良祢婆奴伎都流其等久布美奴伎提由久智布比等波伊波紀欲利奈利提志比等迦奈何名能良佐祢阿米弊由迦婆奈何麻爾麻爾都智奈良婆大王伊摩周許能提羅周日月能斯多波阿麻久毛能牟迦夫周伎波美多爾具久能佐和多流伎波美企許斯遠周久爾能麻保良叙可爾迦久爾保志伎麻爾麻爾斯可爾波阿羅慈迦
titi papa wo mireba taputwo si mye kwo mireba megu si utukusi yo no naka pa kaku zo kotowari moti dori no kakarapasi mo yo yuku pye sira neba uke gutu wo nukituru goto ku pumi nukite yuku t ipu pito pa ipa kwi ywori nari de si pito ka na ga na nora sane ame pye yukaba na ga manima ni tuti naraba opo kimi imasu ko no terasu pi tukwi no sita pa ama kumo no muka busu kipami taniguku no sa wataru kipami kikosi wosu kuni no mapora zo ka ni kaku ni posi ki manima ni sika ni pa arazi ka
神代欲理云伝久良久虚見通倭國者皇神能伊都久志吉國言霊能佐吉播布國等加多利継伊比都賀比計理今世能人母許等期等目前爾見在知在人佐播爾満弖播阿礼等母高光日御朝庭神奈我良愛能盛爾天下奏多麻比志家子等撰多麻比天勅旨戴持弖唐能遠境爾都加播佐礼麻加利伊麻勢宇奈原能辺爾母奥爾母神豆麻利宇志播吉伊麻須諸能大御神等船舳爾道引麻遠志天地能大御神等倭大國霊久堅能阿麻能見虚喩阿麻賀気利見渡多麻比事畢還日者又更大御神等船舳爾御手打掛弖墨縄遠播倍多留期等久阿遅可遠志智可能岬欲利大伴御津浜備爾多太泊爾美船播将泊都都美無久佐伎久伊麻志弖速帰座勢
kamwi yo ywori ipi tute kuraku swora mitu yamato no kuni pa sumye kamwi no itukusi ki kuni koto dama no sakipapu kuni to katari tugi ipi tugapi kyeri ima no yo no pito mo kotogoto me no mapye ni mi tari siri tari pito sapa ni miti te pa aredomo taka pikaru pi no mikadwo kamu nagara mede no sakari ni ame no sita mawosi tamapi si ipye no kwo to erabi tamapite opo mikoto itadaki moti te morokwosi no topo ki sakapi ni tukapa sa re makari imase una para no pye ni mo oki ni mo kamu dumari usipaki imasu moromoro no opomi kamwi tati puna no pe ni miti biki mawosi ame tuti no opomi kamwi tati yamato no opo kuni mi tama pisakata no ama no mi swora yu ama gakeri mi watasi tamapi koto wopari kapyera mu pi pa mata sara ni opomi kamwi tati puna no pe ni mi te uti kake te sumi napa wo pape taru goto ku atikawosi tika no saki ywori opotomo no mitu no pama bwi ni tada pate ni mi pune pa pate mu tutumi na ku saki ku imasite paya kapyeri ma se
世人之貴慕七種之宝毛我波何為和我中能産礼出有白玉之吾子古日者明星之開朝者敷多倍乃登許能辺佐良受立礼杼毛居礼杼毛登母爾戯礼夕星乃由布弊爾奈礼婆伊射祢余登手乎多豆佐波里父母毛表者奈佐我利三枝之中爾乎祢牟登愛久志我可多良倍婆何時可毛比等等奈理伊弖天安志家口毛与家久母見武登大船乃於毛比多能無爾於毛波奴爾横風乃爾布敷可爾覆来礼婆世武須便乃多杼伎乎之良爾志路多倍乃多須吉乎可気麻蘇鏡弖爾登利毛知弖天神阿布芸許比乃美地祇布之弖額拝可加良受毛可賀利毛神乃末爾麻爾等立阿射里我例乞能米登須臾毛余家久波奈之爾漸漸可多知都久保利朝朝伊布許等夜美霊剋伊乃知多延奴礼立乎杼利足須里佐家婢伏仰武祢宇知奈気吉手爾持流安我古登婆之都世間之道
yo no pito no taputwobi negapu nana kusa no takara mo ware pa nani se mu wa ga naka no uma re ide taru sira tama no wa ga kwo purupi pa aka posi no akuru asita pa siki tape no toko no pye sara zu tat e redomo wo redomo tomo ni tapabu re yupu tudu no yupubye ni nareba iza neyo to te wo tadusapari titi papa mo upe pa na sagari sakikusa no naka n i wo ne mu to utukusi ku si ga katarapeba itu si ka mo pito to nari idete asi kyeku mo yo kyeku mo mi mu to opo bune no omopi tanomu ni omopa nu ni yoko sima kaze no nipubukani opopi ki ta reba se mu subye no tadwoki wo sira ni sirwo tape no tasuki wo kake maswo kagami te ni tori motite ama tu kamwi apugi kopi nomi kuni tu kamwi pusite nuka duki kakara zu mo kakari mo kamwi no manima ni to tati azari ware kopi nomedo simasi ku mo yo kyeku pa na si ni yakuyakuni katati tukupori asanaasana ipu koto yami tamakiparu inoti taye nure tati wodori asi suri sakyebi pusi apugi mune uti nakeki te ni mot e ru a ga kwo tobasi tu yo no naka no miti
若浦爾塩満来者滷乎無美葦邊乎指天多頭鳴渡
waka no ura ni sipo miti kureba kata wo na mi asi pye wo sasi te tadu naki wataru
足引之御山毛清落多藝都芳野河之河瀬乃浄乎見者上邊者千鳥數鳴下邊者河津都麻喚百礒城乃大宮人毛越乞爾思自仁思有者毎見文丹乏玉葛絶事無萬代爾如是霜願跡天地之神乎曽祷恐有等毛
asipiki no mi yama mo saya ni oti tagitu yosinwo no kapa no kapa no se no kiywo ki wo mireba kami bye ni pa ti dori siba naki simo bye ni pa kapadu tuma ywobu momo sikwi no opo miya pito mo woti koti ni sizi ni si areba miru gotoni ayani tomosi mi tama kadura tayuru koto na ku yorodu yo ni kaku si moga mo to ame tuti no kamwi wo so inoru kasikwo kare domo
八隅知之和期大王乃高知為芳野宮者立名附青垣隠河次乃清河内曽春部者花咲乎遠里秋去者霧立渡其山之弥益々爾此河之絶事無百石木能大宮人者常将通
yasumisisi wa go opo kimi no taka sira su yosinwo no miya pa tatanaduku awo kaki gomori kapa nami no kiywo ki kaputi so paru bye pa pana saki wowori aki sareba kwiri tati wataru so no yama no iya masumasu ni ko no kapa no tayuru koto na ku momo sikwi no opo miya pito pa tune ni kaywopa mu
鯨魚取濱邊乎清三打靡生玉藻爾朝名寸二千重浪縁夕菜寸二五百重波因邊津浪之益敷布爾月二異二日日雖見今耳二秋足目八方四良名美乃五十開廻有住吉能濱
isana tori pama pye wo kiywo mi uti nabiki opuru tama mo ni asa nagi ni ti pye nami yori yupu nagi ni i po pye nami yoru pye tu nami no iya sikusikuni tukwi ni kye ni pi ni pi ni mi tomo ima nomwi ni aki dara me ya mo sira nami no i saki megur eru suminoye no pama
奥浪邊波安美射去為登藤江乃浦爾船曽動流
oki tu nami pye nami siduke mi izari su to pudiye no ura ni pune so sawak ye ru
御食向淡路乃嶋二直向三犬女乃浦能奥部庭深海松採浦廻庭名告藻苅深見流乃見巻欲跡莫告藻之己名惜三間使裳不遣而吾者生友奈重二
mi ke mukapu apadi no sima ni tada mukapu minumye no ura no oki pye ni pa puka miru tori ura mwi ni pa nanoriso karu pukamiru no mi maku posi kye do nanoriso no ono ga na wosi mi ma tukapi mo yara zute ware pa ik yeri to mo na si
朝波海邊爾安左里為暮去者倭部越鴈四乏母
asita pa umi bye ni asari si yupu sareba yamato pye kwoyuru kari si tomosi mo
白雲乃龍田山乃露霜爾色附時丹打超而客行公者五百隔山伊去割見賊守筑紫爾至山乃曽伎野之衣寸見世常伴部乎班遣之山彦乃将應極谷潜乃狭渡極國方乎見之賜而冬木成春去行者飛鳥乃早御来龍田道之岳邊乃路爾丹管土乃将薫時能櫻花将開時爾山多頭能迎参出六公之来益者
sira kumo no tatuta no yama no tuyu simo ni iro duku toki ni uti kwoyete tabi yuku kimi pa i po pye yama i yuki sakumi ata mamoru tukusi ni itari yama no soki nwo no soki mi yo to tomo no bye wo akati tukapa si yama bikwo no kotape mu kipami taniguku no sa wataru kipami kuni kata wo mye si tamapite puyu gomori paru sari yukaba tobu tori no paya ku ki masane tatuta di no woka pye no miti ni nitutuzi no nipopa mu toki no sakura bana saki na mu toki ni yama tadu no mukape mawi de mu kimi ga ki masa ba
雲隠去方乎無跡吾戀月哉君之欲見為流
kumo gakuri yuku pye wo na mi to wa ga kwopuru tukwi wo ya kimi ga mi maku pori su ru
木綿疊手向乃山乎今日越而何野邊爾廬将為吾等
yupu tatami tamuke no yama wo kyepu kwoyete idure no nwo pye ni ipori se mu ware
石上振乃尊者弱女乃或爾縁而馬自物縄取附肉自物弓笶圍而王命恐天離夷部爾退古衣又打山従還来奴香聞
iswo no kami puru no mikoto pa tawayamye no matwopi ni yorite uma zimono napa tori tuke sisi zi mono yumi ya kakumite opo kimi no mikoto kasikwo mi ama zakaru pina bye ni makaru puru koromo matuti no yama yu kapyeri ko nu kamo
王命恐見刺並土左國爾出座耶吾背乃公矣繋巻裳湯々石恐石住吉乃荒人神船舳爾牛吐賜付賜将嶋之埼前依賜将礒乃埼前荒浪風爾不令遇莫管見身疾不有急令變賜根本國部爾
opo kimi no mikoto kasikwo mi sasi narabu twosa no kuni ni ide masu ya wa ga se no kimi wo kake maku mo yuyusi kasikwo si suminoye no ara pito gamwi puna no pe ni usipaki tamapi tuki tamapa mu sima no saki zaki yori tamapa mu iswo no saki zaki ara ki nami kaze ni apase zu tutumi na ku yamapi arase zu sumuyake ku kapyesi tamapa ne moto no kuni pye ni
河口之野邊爾廬而夜乃歴者妹之手本師所念鴨
kapa guti no nwo pye ni iporite ywo no pureba imo ga ta moto si omopoyuru kamo
八隅知之吾大王乃高敷為日本國者皇祖乃神之御代自敷座流國爾之有者阿礼将座御子之嗣継天下所知座跡八百萬千年矣兼而定家牟平城京師者炎乃春爾之成者春日山御笠之野邊爾櫻花木晩牢皃鳥者間無數鳴露霜乃秋去来者射駒山飛火賀㟴丹芽乃枝乎石辛見散之狭男壮鹿者妻呼令動山見者山裳見皃石里見者里裳住吉物負之八十伴緒乃打經而思煎敷者天地乃依會限萬世丹榮将徃迹思煎石大宮尚矣恃有之名良乃京矣新世乃事爾之有者皇之引乃真爾真荷春花乃遷日易村鳥乃旦立徃者刺竹之大宮人能踏平之通之道者馬裳不行人裳徃莫者荒爾異類香聞
yasumisisi wa go opo kimi no taka sika su yamato no kuni pa sumyeroki no kamwi no mi yo ywori siki mas e ru kuni ni si areba are masa mu mi kwo no tugi tugi ame no sita sira si imase to ya po yorodu ti tose wo kanete sadame kye mu nara no miyakwo pa kagirwopwi no paru ni si nareba kasuga yama mikasa no nwo pye ni sakura bana ko no kure komori kapo dori pa ma na ku siba naku tuyu simo no aki sari kureba ikwoma yama tobupwi ga take ni pagwi no ye wo sigarami tirasi sa wo sika pa tuma ywobi toyomu yama mireba yama mo mi gaposi satwo mireba satwo mo sumi yo si mononopu no ya swo tomo no wo no uti papete omop ye ri siku pa ame tuti no yoriapi no kagiri yorodu yo ni sakaye yuka mu to omop yeri si opo miya sura wo tanom yeri si nara no miyakwo wo arata yo no koto ni si areba opo kimi no piki no manima ni paru pana no uturo pi kapari mura tori no asa dati yukeba sasutake no opo miya pito no pumi nara si kaywopi si miti pa uma mo yuka zu pito mo yuka neba are ni kyeru kamo
明津神吾皇之天下八嶋之中爾國者霜多雖有里者霜澤爾雖有山並之宜國跡川次之立合郷跡山代乃鹿脊山際爾宮柱太敷奉高知為布當乃宮者河近見湍音叙清山近見鳥賀鳴慟秋去者山裳動響爾左男鹿者妻呼令響春去者岡邊裳繁爾巌者花開乎呼理痛怜布當乃原甚貴大宮處諾己曽吾大王者君之随所聞賜而刺竹乃大宮此跡定異等霜
aki tu kamwi wa go opo kimi no ame no sita ya sima no uti ni kuni pa si mo sapa ni aredomo satwo pa si mo sapa ni aredomo yama nami no yorosi ki kuni to kapa nami no tati apu satwo to yamasiro no kase yama no ma ni miya basira putwo siki maturi taka sira su putagi no miya pa kapa tika mi se no oto zo kiywo ki yama tika mi tori ga ne toyomu aki sareba yama mo todoro ni sa wo sika pa tuma ywobi toyome paru sareba woka pye mo sizi ni ipapo ni pa pana saki wowori ana omosirwo putagi no para ito taputwo opo miya tokoro ube si koso wa go opo kimi pa kimi nagara kika si tamapite sasutake no opo miya koko to sadame kye rasi mo
吾皇神乃命乃高所知布當乃宮者百樹成山者木高之落多藝都湍音毛清之鴬乃来鳴春部者巌者山下耀錦成花咲乎呼里左壮鹿乃妻呼秋者天霧合之具礼乎疾狭丹頬歴黄葉散乍八千年爾安礼衝之乍天下所知食跡百代爾母不可易大宮處
wa go opo kimi kamwi no mikoto no taka sira su putagi no miya pa momo kwi mo ku yama pa ko daka si oti tagitu se no oto mo kiywo si ugupisu no ki naku paru bye pa ipapo ni pa yama sita pikari nisiki nasu pana saki wowori sa wo sika no tuma ywobu aki pa ama gwir apu sigure wo ita mi sa ni turapu momiti tiritutu ya ti tose ni are tuga si tutu ame no sita sira si myesa mu to momo yo ni mo kaparu masizi ki opo miya tokoro
安見知之吾大王乃在通名庭乃宮者不知魚取海片就而玉拾濱邊乎近見朝羽振浪之聲夕薙丹櫂合之聲所聆暁之寐覺爾聞者海石之塩干乃共汭渚爾波千鳥妻呼葭部爾波鶴鳴動視人乃語丹為者聞人之視巻欲為御食向味原宮者雖見不飽香聞
yasumisisi wa go opo kimi no ari gaywopu nanipa no miya pa isana tori umi kata dukite tama piripu pama pye wo tika mi asa pa puru nami no oto sawaku yupu nagi ni kadi no oto kikoyu aka toki no ne zame ni kikeba ikuri no sipo pwi no muta ura su ni pa ti dori tuma ywobi asi pye ni pa tadu ga ne toyomu miru pito no katari ni sureba kiku pito no mi maku pori suru mi ke mukapu adipu no miya pa miredo aka nu kamo
塩干者葦邊爾白鶴乃妻呼音者宮毛動響二
sipo pureba asi pye ni sawaku sira tadu no tuma ywobu kowe pa miya mo todoro ni
八千桙之神乃御世自百船之泊停跡八嶋國百船純乃定而師三犬女乃浦者朝風爾浦浪左和寸夕浪爾玉藻者来依白沙清濱部者去還雖見不飽諾石社見人毎爾語嗣偲家良思吉百世歴而所偲将徃清白濱
yatipoko no kamwi no mi yo ywori momo pune no paturu tomari to ya sima kuni momo puna pito no sadame te si minumye no ura pa asa kaze ni ura nami sawaki yupu nami ni tama mo pa ki yoru sira managwo kiywo ki pama bye pa yuki kapyeri miredomo aka zu ube si koso miru pito goto ni katari tugi sinwopi kye rasi ki momo yo pete sinwopa ye yuka mu kiywo ki sira pama
大夫之弓上振起猟高之野邊副清照月夜可聞
masura wo no yu zuwe puri okosi karitaka no nwo pye sape kiywo ku teru tuku ywo kamo
夜干玉之夜渡月乎将留爾西山邊爾塞毛有粳毛
nubatama no ywo wataru tukwi wo todome mu ni nisi no yama pye ni seki mo ara nu kamo
墨吉之岸爾家欲得奥爾邊爾縁白浪見乍将思
suminoye no kwisi ni ipye moga oki ni pye ni yosuru sira nami mitutu sinwopa mu
大伴之三津之濱邊乎打曝因来浪之逝方不知毛
opotomo no mitu no pama pye wo uti sarasi yose kuru nami no yuku pye sira zu mo
住吉之名兒之濱邊爾馬立而玉拾之久常不所忘
suminoye no nagwo no pama pye ni uma tatete tama piripi siku tune wasura ye zu
圓方之湊之渚鳥浪立也妻唱立而邊近著毛
matwokata no minatwo no su dori nami tate ya tuma ywobi tatete pye ni tika duku mo
舟盡可志振立而廬利為名子江乃濱邊過不勝鳧
pune patete kasi puri tatete ipori se mu nagwo ye no pama pye sugwi kate nu kamo
奥津波部都藻纒持依来十方君爾益有玉将縁八方
oki tu nami pye tu mo maki moti yose ku tomo kimi ni masar eru tama yose me ya mo
沖津浪邊浪布敷縁来登母君爾益有玉将縁八方
oki tu nami pye nami sikusiku yose ku tomo kimi ni masar eru tama yose me ya mo
人在者母之最愛子曽麻毛吉木川邊之妹与背山
pito naraba papa ga managwo so asamoyosi kwi no kapa no pye no imo to se no yama
綿之底奥己具舟乎於邊将因風毛吹額波不立而
wata no soko oki kogu pune wo pye ni yose mu kaze mo puka nu ka nami tata zusite
礒立奥邊乎見者海藻苅舟海人榜出良之鴨翔所見
iswo ni tati oki pye wo mireba me kari bune ama kogi du rasi kamo kakeru miyu
吾舟者明石之湖爾榜泊牟奥方莫放狭夜深去来
wa ga pune pa akasi no mitwo ni kogi pate mu oki pye na sakari sa ywo puke ni kyeri
春霞井上従直爾道者雖有君爾将相登他廻来毛
paru kasumi wi no pye yu tada ni miti pa aredo kimi ni apa mu to ta motopori ku mo
道邊之草深由利乃花咲爾咲之柄二妻常可云也
miti no pye no kusa puka yuri no pana wemi ni wemi si ga kara ni tuma to ipu be si ya
山守之里邊通山道曽茂成来忘来下
yama mori no satwo pye ni kaywopu yama miti so sige ku nari kyeru wasure kye rasi mo
巻向之山邊響而徃水之三名沫如世人吾等者
makimuku no yama pye toyomite yuku midu no minawa no goto si yo no pito ware pa
池邊小槻下細竹苅嫌其谷公形見爾監乍将偲
ike no pye no wo tukwi no moto no sinwo na kari sone sore wo dani kimi ga katami ni mitutu sinwopa mu
梓弓引津邊在莫謂花及採不相有目八方勿謂花
adusa yumi pikitu bye ni aru nanoriso no pana tumu madeni apa zara me ya mo nanoriso no pana
垣越犬召越鳥猟為公青山葉茂山邊馬安公
kaki kwoyuru inu ywobi kwosite to gari suru kimi awo yama no sige ki yama pye ni uma yasumye kimi
橡解濯衣之恠殊欲服此暮可聞
turupami no toki arapi kinu no ayasi ku mo koto ni ki posi ki ko no yupu pye kamo
事痛者左右将為乎石代之野邊之下草吾之苅而者
kot ita kupa kamokamo se mu wo ipasiro no nwo pye no sita kusa ware si kari te ba
姫押生澤邊之真田葛原何時鴨絡而我衣将服
wominapyesi opuru sapa pye no ma kuzu para itu ka mo kurite wa ga kinu ni ki mu
吾情湯谷絶谷浮蓴邊毛奥毛依勝益士
wa ga kokoro yuta ni ta yuta ni ukinunapa pye ni mo oki ni mo yori katu masizi
石灑岸之浦廻爾縁浪邊爾来依者香言之将繁
ipa sosoku kwisi no ura mwi ni yosuru nami pye ni ki yoraba ka koto no sige kye mu
殊放者奥従酒甞湊自邊著經時爾可放鬼香
koto sakeba oki yu sakenamu minatwo ywori pye tukapu toki ni saku be ki mono ka
玉梓能妹者珠氈足氷木乃清山邊蒔散染
tamadusa no imo pa tama kamo asi pikwi no kiywo ki yama pye ni makeba tiri nuru
打上佐保能河原之青柳者今者春部登成爾鶏類鴨
uti noboru sapo no kapara no awo yagwi pa ima pa paru bye to nari ni kyeru kamo
時者今者春爾成跡三雪零遠山邊爾霞多奈婢久
toki pa ima pa paru ni nari nu to mi yuki puru topo ki yama pye ni kasumi tanabiku
難波邊爾人之行礼波後居而春菜採兒乎見之悲也
nanipa pye ni pito no yuk ye reba okure wite waka na tumu kwo wo miru ga kanasi sa
山振之咲有野邊乃都保須美礼此春之雨爾盛奈里鶏利
yama buki no saki taru nwo pye no tubosumire ko no paru no ame ni sakari nari kyeri
宇能花毛未開者霍公鳥佐保乃山邊来鳴令響
u no pana mo imada saka neba pototogisu sapo no yama pye ni ki naki toyomosu
牽牛者織女等天地之別時由伊奈宇之呂河向立思空不安久爾嘆空不安久爾青浪爾望者多要奴白雲爾渧者盡奴如是耳也伊伎都枳乎良牟如是耳也戀都追安良牟佐丹塗之小船毛賀茂玉纒之小棹毛何毛朝奈藝爾伊可伎渡夕倍爾毛伊許藝渡久方之天河原爾天飛也領巾可多思吉真玉手乃玉手指更餘宿毛伊毛左祢而師加秋不待登毛
pikwo posi pa tanabata tu mye to ame tuti no wakare si toki yu inausiro kapa ni muki tati omopu swora yasu kye na ku ni nageku swora yasu kye na ku ni awo nami ni nozomi pa taye nu sira kumo ni namita pa tukwi nu kaku nomwi ya ikiduki wora mu kaku nomwi ya kwopwi tutu ara mu sa ni nuri no wo bune moga mo tama maki no wo sawo moga mo asa nagi ni i kaki watari yupu pe ni mo i kogi watari pisakata no ama no kapara ni ama tobu ya pire katasiki ma tama de no tama de sasi kape amata ywo mo imo sa ne te sika aki mata zu tomo
伊香山野邊爾開有芽子見者公之家有尾花之所念
ikagwo yama nwo pye ni saki taru pagwi mireba kimi ga ipye n aru wo bana si omopoyu
今朝乃旦開鴈鳴寒聞之奈倍野邊能淺茅曽色付丹来
kyesa no asake kari ga ne samu ku kiki si nape nwo pye no asa di so iro duki ni kyeru
射目立而跡見乃岳邊之瞿麦花總手折吾者将去寧樂人之為
ime tatete tomi no woka pye no nadesikwo no pana pusa ta wori ware pa yuki na mu nara pito no tame
棹壮鹿之朝立野邊乃秋芽子爾玉跡見左右置有白露
sa wo sika no asa tatu nwo pye no aki pagwi ni tama to miru made ok yeru sira tuyu
妻戀爾鹿鳴山邊之秋芽子者露霜寒盛須疑由君
tuma gwopwi ni ka naku yama pye no aki pagwi pa tuyu simo samu mi sakari sugwi yuku
山妣姑乃相響左右妻戀爾鹿鳴山邊爾獨耳為手
yama bikwo no api toyomu made tuma gwopwi ni ka naku yama pye ni pito ri nomwi si te
高圓之野邊乃秋芽子此日之暁露爾開兼可聞
takamatwo no nwo pye no aki pagwi ko no koro no aka toki tuyu ni saki ni kye mu kamo
叩々物乎念者将言為便将為々便毛奈之妹与吾手携而旦者庭爾出立夕者床打拂白細乃袖指代而佐寐之夜也常爾有家類足日木能山鳥許曽婆峯向爾嬬問為云打蝉乃人有我哉如何為跡可一日一夜毛離居而嘆戀良武許己念者胸許曽痛其故爾情奈具夜登高圓乃山爾毛野爾母打行而遊徃杼花耳丹穂日手有者毎見益而所思奈何為而忘物曽戀云物呼
nemokoro ni mono wo omopeba ipa mu subye se mu subye mo na si imo to ware te tadusaparite asita ni pa nipa ni ide tati yupu pye ni pa toko uti parapi sirwo tape no swode sasi kapete sa ne si ywo ya tune ni ari kyeru asi pikwi no yama dori kosoba wo mukapi ni tuma dopi su to ipe utusemi no pito n aru ware ya nani su to ka pito pi pito ywo mo sakari wite nageki kwopu ramu koko omopeba mune koso ita ki soko yuweni kokoro nagu ya to takamatwo no yama ni mo nwo ni mo uti yukite aswobi arukedo pana nomwi nipopite areba miru gotoni masite omopoyu ika nisite wasure mu mono so kwopwi to ipu mono wo
高圓之野邊乃容花面影爾所見乍妹者忘不勝裳
takamatwo no nwo pye no kapo bana omo kage ni mi yetutu imo pa wasure kane tu mo
足日木乃山邊爾居而秋風之日異吹者妹乎之曽念
asi pikwi no yama pye ni worite aki kaze no pi ni kyeni pukeba imo wo si so omopu
池邊乃松之末葉爾零雪者五百重零敷明日左倍母将見
ike no pye no matu no ura ba ni puru yuki pa i po pye puri sikye asu sape mo mi mu
爲妹吾玉拾奥邊有玉縁持夾奥津白浪
imo ga tame ware tama piripu oki pye n aru tama yose moti ko oki tu sira nami
爲妹我玉求於伎邊有白玉依夾於伎都白浪
imo ga tame ware tama motomu oki pye n aru sira tama yose ko oki tu sira nami
在衣邊着而榜尼杏人濱過者戀布在奈利
ariswo pye ni tukite koga sane kara pito no pama wo sugureba kwopo si ku ari nari
衣手乃名木之川邊乎春雨吾立沾等家念良武可
koromo de no nakwi no kapa pye wo paru same ni ware tati nuru to ipye omopu ramu ka
冬木成春部戀而殖木實成時片待吾等叙
puyu gomori paru pye wo kwopwite uwe si kwi no mwi ni naru toki wo kata matu ware zo
瀧上乃三船山従秋津邊夾鳴度者誰喚兒鳥
taginoupe no mipune no yama yu akidu pye ni ki naki wataru pa tare ywobukwodori
春日之霞時爾墨吉之岸爾出居而釣船之得乎良布見者古之事曽所念水江之浦嶋兒之堅魚釣鯛釣矜及七日家爾毛不夾而海界乎過而榜行爾海若神之女爾邂爾伊許藝趍相誂良比言成之賀婆加吉結常代爾至海若神之宮乃内隔之細有殿爾携二人入居而耆不爲死不爲而永世爾有家留物乎世間之愚人乃吾妹兒爾告而語久須臾者家歸而父母爾事毛告良比如明日吾者夾南登言家礼婆妹之答久常世邊復變夾而如今埓相跡奈良婆此篋開勿勤常曽己良久爾堅目師事乎墨吉爾還夾而家見跡宅毛見金手里見跡里毛見金手恠常所許爾念久従家出而三歳之間爾垣毛無家滅目八跡此筥乎開而見手歯如本家者埓有登玉篋小披爾白雲之自箱出而常世邊棚引去者立走叨袖振反側足受利四管頓情消失奴若有之皮毛皺奴黒有之髪毛白斑奴由奈由奈波氣左倍絶而後遂壽死祁流水江之浦嶋子之家地見
paru no pi no kasum yeru toki ni suminoye no kwisi ni ide wite turi bune no toworapu mireba inisipye no koto so omopoyuru miduno ye no urasima no kwo ga katuwo turi tapi turi pokori nanu ka made ipye ni mo ko zute una saka wo sugwite kogi yuku ni watatumi no kamwi no wotomye ni tamasaka ni i kogi mukapi api atorapi koto nari sikaba kaki musubi toko yo ni itari watatumi no kamwi no miya no uti no pye no tape naru tono ni tadusapari puta ri iri wite oi mo se zu sini mo se zusite naga ki yo ni ari kyeru mono wo yo no naka no oroka pito no wagimo kwo ni tugete katara ku simasi ku pa ipye ni kapyerite titi papa ni koto mo kata rapi asu no goto ware pa ki na mu to ipi kyereba imo ga ip yera ku toko yo pye ni mata kapyeri kite ima no goto apa mu to naraba ko no kusige piraku na yume to sokorakuni kata me si koto wo suminoye ni kapyeri ki tarite ipye mire do ipye mo mi kanete satwo mire do satwo mo mi kanete ayasi to soko ni omopa ku ipye yu idete mi tose no apida ni kaki mo na ku ipye use me ya to ko no pakwo wo pirakite mi teba moto no goto ipye pa ara mu to tama kusige sukwosi piraku ni sira kumo no pakwo ywori idete toko yo pye ni tanabiki nure ba tati pasiri sakyebi swode puri koi marobi asi zuri situtu tatimatini kokoro ke use nu waka kari si pada mo siwami nu kurwo kari si kami mo sirake nu yunayuna pa iki sape tayete noti tupi ni inoti sini kyeru miduno ye no urasima no kwo ga ipye tokoro mi yu
常世邊可住物乎劔刀己行柄於曽也是君
toko yo pye ni sumu be ki mono wo turugi tati na ga kokoro kara oso ya ko no kimi
嶋山乎射徃廻流河副乃丘邊道従昨日己曽吾超夾壮鹿一夜耳宿有之柄二峯上之櫻花者瀧之瀬従落堕而流君之埓見其日左右庭山下之風莫吹登打越而名二負有社爾風祭爲奈
simayama wo i yuki megur eru kapa swopi no woka pye no miti yu kinopu koso wa ga kwoye ko si ka pito ywo nomwi ne tari si karani wo no upe no sakura no pana pa taki no se yu tirapite nagaru kimi ga mi mu so no pi madeni pa yama orosi no kaze na puki so to uti kwoyete na ni op yeru mori ni kaza maturi se na
鴬之生卵乃中爾霍公鳥獨所生而己父爾似而者不鳴己母爾似而者不鳴宇能花乃開有野邊従飛翻夾鳴令響橘之花乎居令散終日雖喧聞吉幣者埓爲遐莫去吾屋戸之花橘爾住度鳥
ugupisu no kapigwo no naka ni pototogisu pito ri umarete na ga titi ni nite pa naka zu na ga papa ni nite pa naka zu u no pana no saki taru nwo pye yu tobi kakeri ki naki toyomosi tatibana no pana wo wi tirasi pinemosuni nakedo kiki yo si mapi pa se mu topo ku na yuki so wa ga yadwo no pana tatibana ni sumi watare tori
絶等寸笶山之峯上乃櫻花埓開春部者君之埓思
tayuraki no yama no wo no pe no sakura bana saka mu paru pye pa kimi si sinwopa mu
古之益荒丁子各競妻問爲祁牟葦屋乃菟名日處女乃奥城矣吾立見者永世乃語爾爲乍後人偲爾世武等玉桙乃道邊近磐構作冢矣天雲乃退部乃限此道矣去人毎行因射立嘆日或人者啼爾毛哭乍語嗣偲繼夾處女等賀奥城所吾幷見者悲喪古思者
inisipye no masura wotokwo no api kipopi tuma dopi si kye mu asiya no unapi wotomye no oku tu kwi wo wa ga tati mireba naga ki yo no katari ni situtu noti pito no sinwopi ni se mu to tama poko no miti no pye tika ku ipa kamape tukur eru tuka wo ama kumo no sokupye no kagiri ko no miti wo yuku pito goto ni yuki yorite i tati nageka pi aru pito pa ne ni mo nakitutu katari tugi sinwopi tugi ko si wotomye ra ga oku tu kwi dokoro ware sape ni mireba kanasi mo inisipye omopeba
久方之天芳山此夕霞霏雨微春立下
pisakata no ame no kagu yama ko no yupu pye kasumi tanabiku paru tatu ra si mo
梅花開有岳邊爾家居者乏毛不有鴬之音
ume no pana sak yeru woka pye ni ipye woreba tomosi ku mo ara zu ugupisu no kowe
不答爾勿喚動曽喚子鳥佐保乃山邊乎上下二
kotape nu ni na ywobi toyome so ywobukwodori sapo no yama pye wo nobori kudari ni
今更雪零目八方蜻火之燎留春部常成西物乎
imasara ni yuki pura me ya mo kagirwo pwi no moyu ru paru bye to nari ni si mono wo
馬並而高山部乎白妙丹令艶色有者梅花鴨
uma namete taka no yama pye wo sirwo tape ni nipopasi taru pa ume no pana kamo
春雉鳴高圓邊丹櫻花散流歴見人毛我母
kigisi naku takamatwo no pye ni sakura bana tirite nagarapu mi mu pito moga mo
見渡者春日之野邊爾霞立開艶者櫻花鴨
mi wataseba kasuga no nwo pye ni kasumi tati saki nipop yeru pa sakura bana kamo
白雪之常敷冬者過去家良霜春霞田菜引野邊之鴬鳴焉
sira yuki no tune siku puyu pa sugwi ni kye rasi mo paru kasumi tanabiku nwo pye no ugupisu naku mo
見渡者春日之野邊立霞見巻之欲君之容儀香
mi wataseba kasuga no nwo pye ni tatu kasumi mi maku no posi ki kimi ga sugata ka
春草之繁吾戀大海方徃浪之千重積
paru kusa no sige ki wa ga kwopwi opo umi no pye ni yuku nami no ti pye ni tumori nu
梓弓引津邊有莫告藻之花咲及二不會君毳
adusa yumi pikitu bye n aru nanoriso no pana saku made ni apa nu kimi ka mo
朝霞棚引野邊足桧木乃山霍公鳥何時来将鳴
asa kasumi tanabiku nwo pye ni asi pikwi no yama pototogisu itu ka ki naka mu
旦霧八重山越而霍公鳥宇能花邊柄鳴越来
asa gwiri no ya pye yama kwoyete pototogisu u no pana pye kara nakite kwoye ki nu
見渡者向野邊乃石竹之落巻惜毛雨莫零行年
mi wataseba mukapi no nwo bye no nadesikwo no tira maku wosi mo ame na puri so ne
野邊見者瞿麦之花咲家里吾待秋者近就良思母
nwo bye mireba nadesikwo no pana saki ni kyeri wa ga matu aki pa tika duku rasi mo
霍公鳥来鳴動岡邊有藤浪見者君者不来登夜
pototogisu ki naki toyomosu woka pye n aru pudi nami mi ni pa kimi pa kozi to ya
夕去野邊秋芽子末若露枯金待難
yupu sareba nwo pye no aki pagwi ure waka mi tuyu ni so karuru aki mati gate ni
吾衣揩有者不在高松之野邊行之者芽子之揩類曽
wa ga koromo sur eru ni pa ara zu takamatu no nwo pye yuki si kaba pagwi no sur e ru so
此暮秋風吹奴白露爾荒争芽子之明日将咲見
ko no yupu pye aki kaze puki nu sira tuyu ni ara swopu pagwi no asu saka mu mi mu
沙額田乃野邊乃秋芽子時有者今盛有折而将挿頭
sanukata no nwo pye no aki pagwi toki nareba ima sakari nari worite kazasa mu
秋風者日異吹奴高圓之野邊之秋芽子散巻惜裳
aki kaze pa pi ni kyeni puki nu takamatwo no nwo pye no aki pagwi tira maku wosi mo
吾屋戸爾鳴之鴈哭雲上爾今夜喧成國方可聞遊群
wa ga yadwo ni naki si kari ga ne kumo no upe ni ko yopi naku nari kuni pye ka mo yuku
葦邊在荻之葉左夜藝秋風之吹来苗丹鴈鳴渡
asi bye n aru wogwi no pa sayagi aki kaze no puki kuru napeni kari naki wataru
葦邊在荻之葉左夜藝秋風爾鴈音所聞今四来霜
asi bye n aru wogwi no pa sayagi aki kaze ni kari ga ne kikoyu ima si ku ra si mo
押照難波穿江之葦邊者鴈宿有疑霜乃零爾
osi teru nanipa pori ye no asi pye ni pa kari ne taru kamo simo no puraku ni
山邊爾射去薩雄者雖大有山爾文野爾文沙小壮鹿鳴母
yama no pye ni i yuku satu wo pa sapa ni aredo yama ni mo nwo ni mo sa wo sika naku mo
山邊庭薩雄乃祢良比恐跡小壮鹿鳴成妻之眼乎欲焉
yama pye ni pa satu wo no nerapi kasikwo kyedo wo sika naku nari tuma ga me wo pori
秋芽子之咲有野邊者左小壮鹿曽露乎別乍嬬問四家類
aki pagwi no saki taru nwo pye pa sa wo sika so tuyu wo waketutu tuma dopi si kyeru
秋芽子之開有野邊左壮鹿者落巻惜見鳴去物乎
aki pagwi no saki taru nwo pye ni sa wo sika pa tira maku wosi mi naki yuku mono wo
露霜乃寒夕之秋風丹黄葉爾来毛妻梨之木者
tuyu simo no samu ki yupu pye no aki kaze ni momiti ni kyeri mo tuma nasi no kwi pa
左小壮鹿之妻喚山之岳邊在早田者不苅霜者雖零
sa wo sika no tuma ywobu yama no woka pye n aru wasada pa karazi simo pa puru tomo
芽子花咲有野邊日晩之乃鳴奈流共秋風吹
pagwi no pana saki taru nwo pye ni pigurasi no naku naru napeni aki no kaze puku
秋芽子之開散野邊之暮露爾沾乍来益夜者深去鞆
aki pagwi no saki tiru nwo pye no yupu tuyu ni nuretutu ki mase ywo pa puke nu tomo
道邊之乎花我下之思草今更爾何物可将念
miti no pye no wo bana ga sita no omopi gusa imasara ni nado mono ka omopa mu
蟋蟀之吾床隔爾鳴乍本名起居管君爾戀爾宿不勝爾
koporogi no wa ga toko no pye ni nakitutu motona okwi wi tutu kimi ni kwopuru ni i ne kate naku ni
足引山爾白者我屋戸爾昨日暮零之雪疑意
asipiki no yama ni sirwo ki pa wa ga yadwo ni kinopu no yupu pye puri si yuki kamo
甚毛夜深勿行道邊之湯小竹之於爾霜降夜焉
panapada mo ywo pukete na yuki miti no bye no yu sasa no upe ni simo no puru ywo wo
狛錦紐片叙床落迩祁留明夜志將來得云者取置待
koma nisiki pimo no kata pye zo toko ni oti ni kyeru asu no ywo si ko mu to si ipaba tori oki mata mu
人祖未通女兒居守山邊柄朝々通公不來哀
pito no oya no wotomye kwo suwete moru yama pye kara asanasana kaywopi si kimi ga ko neba kanasi mo
玉響昨夕見物今朝可戀物
tamayurani kinopu no yupu pye mi si mono wo kyepu no asita ni kwopu be ki mono ka
狛錦紐解開夕谷不知有命戀有
koma nisiki pimo toki akete yupu pye dani sira zu aru inoti kwopwitutu ka ara mu
白檀石邊山常石有命哉戀乍居
sira mayumi iswo pye no yama no tokipa naru inoti n are ya mo kwopwitutu wora mu
路邊草深百合之後云妹命我知
miti no pye no kusa puka yuri no yuri ni to pu imo ga inoti wo ware sira me ya mo
秋柏潤和川邊細竹目人不顏面公无勝
aki kasipa uruwa kapa pye no sinwonome no pito ni pa apa ne kimi ni ape naku
路邊壹師花灼然人皆知我戀妻
miti no bye no itisi no pana no itisirwo ku pito mwina siri nu wa ga kwopwi duma wo
路邊壹師花灼然人知爾家里繼而之念者
miti no bye no itisi no pana no itisirwo ku pito siri ni kyeri tugite si omopeba
珍海濱邊小松根深吾戀度人子姤
tinu no umi no pama pye no kwo matu ne pukamete ware kwopwi wataru pito no kwo yuwe
里遠眷浦經眞鏡床重不去夢所見与
satwo topo mi kwopwi urabure nu maswo kagami toko no pye sara zu ime ni mi ye koso
夕去床重不去黄楊枕何然汝主待固
yupu sareba toko no pye sara nu tuge makura nani si ka nare ga nusi mati kata ki
數多不有名乎霜惜三埋木之下従其戀去方不知而
amata ara nu na wo si mo wosi mi umore gwi no sita yu so kwopuru yuku pye sira zute
奥波邊浪之來縁左太能浦之此左太過而後將戀可聞
oki tu nami pye nami no ki yoru sada no ura no ko no sada sugwite noti kwopwi mu kamo
水沙兒居奥麁礒爾縁浪徃方毛不知吾戀久波
misagwo wiru oki tu ariswo ni yosuru nami yuku pye mo sira zu wa ga kwopura ku pa
吾妹兒乎聞都賀野邊能靡合歡木吾者隠不得間無念者
wa g imo kwo wo kiki tuganwo pye no sinapi nebu a pa sinobi e zu ma na ku si omopeba
朝柏閏八河邊之小竹之眼笶思而宿者夢所見來
asa kasipa uruya kapa pye no sinwonome no sinwopite nureba ime ni mi ye kyeri
道邊乃五柴原能何時毛々々々人之將縦言乎思將待
miti no pye no itu siba para no itu mo itu mo pito no yurusa mu koto wo si mata mu
山高谷邊蔓在玉葛絶時無見因毛欲得
yama taka mi tani pye ni pap yeru tama kadura tayuru toki na ku mi mu yosi moga mo
道邊草冬野丹履干吾立待跡妹告乞
miti no pye no kusa wo puyu nwo ni pumi karasi ware tati matu to imo ni tuge koso
葦鴨之多集池水雖溢儲溝方爾吾將越八方
asi gamo no sudaku ike midu apuru tomo make mizo no pye ni ware kwoye me ya mo
朝去而暮者来座君故爾忌々久毛吾者歎鶴鴨
asita yukite yupu pye pa ki masu kimi yuwe ni yuyusi ku mo a pa nageki turu kamo
従今者雖戀妹爾将相哉母床邊不離夢爾所見乞
ima ywori pa kwopu tomo imo ni apa me ya mo toko no pye sara zu ime ni mi ye koso
去方無三隠有小沼乃下思爾吾曽物念頃者之間
yuku pye na mi komor eru wo nu no sita mopi ni ware so mono mopu ko no koro no apida
谷迫峯邊延有玉葛令蔓之有者年二不来友
tani seba mi mine pye ni pap yeru tama kadura papete si araba tosi ni ko zu tomo
谷迫峯邊延有石葛令蔓之有者年二不来友
tani seba mi mine pye ni pap yeru ipa tuna no papete si araba tosi ni ko zu tomo
大埼之有礒乃渡延久受乃徃方無哉戀度南
oposaki no ariswo no watari papu kuzu no yuku pye mo na ku ya kwopwi watari na mu
葦邊徃鴨之羽音之聲耳聞管本名戀度鴨
asi pye yuku kamo no pa oto no oto nomwi ni kiki tutu motona kwopwi wataru kamo
度會大川邊若歴木吾久在者妹戀鴨
watarapi no opo kapa no pye no waka pisa gwi wa ga pisa naraba imo kwopwi mu kamo
客爾有而物乎曽念白浪乃邊毛奥毛依者無爾
tabi nisite mono wo so omopu sira nami no pye ni mo oki ni mo yosu to pa na si ni
奥浪邊浪之来依貞浦乃此左太過而後将戀鴨
oki tu nami pye nami no ki yoru sada no ura no ko no sada sugwite noti kwopwi mu kamo
京師邊君者去之乎孰解可言紐緒乃結手懈毛
miyakwo bye ni kimi pa ini si wo ta ga toke ka wa ga pimo no wo no yupu te tayu si mo
冬木成春去來者朝爾波白露置夕爾波霞多奈妣久汗瑞能振樹奴礼我之多爾鴬鳴母
puyu gomori paru sari kureba asita ni pa sira tuyu oki yupu pye ni pa kasumi tanabiku kaze no puku ko nure ga sita ni ugupisu naku mo
三諸者人之守山本邊者馬酔木花開末邊方椿花開浦妙山曽泣兒守山
mimoro pa pito no moru yama moto pye pa asibi pana saki suwe pye pa tubaki pana saku ura gupasi yama zo naku kwo moru yama
八隅知之和期大皇高照日之皇子之聞食御食都國神風之伊勢乃國者國見者之毛山見者高貴之河見者左夜氣久清之水門成海毛廣之見渡嶋名高之己許乎志毛間細美香母挂巻毛文爾恐山邊乃五十師乃原爾内日刺大宮都可倍朝日奈須目細毛暮日奈須浦細毛春山之四名比盛而秋山之色名付思吉百礒城之大宮人者天地与日月共万代爾母我
yasumisisi wa go opo kimi taka terasu pi no mi kwo no kikosi wosu mi ke tu kuni kamu kaze no ise no kuni pa kuni mireba si mo yama mireba taka ku taputwo si kapa mireba saya kyeku kiywo si minatwo nasu umi mo yutake si mi watasu sima mo na taka si koko wo si mo ma gupasi mi ka mo kake maku mo ayani kasikwo ki yama no pye no isi no para ni utipi sasu opo miya tukape asa pi nasu ma gupasi mo yupu pi nasu ura gupasi mo paru yama no sinapi sakayete aki yama no iro natukasi ki momo sikwi no opo miya pito pa ame tuti to pi tukwi to tomo ni yorodu yo ni moga
山邊乃五十師乃御井者自然成錦乎張流山可母
yama no pye no isi no mi wi pa onodukara nar eru nisiki wo par e ru yama kamo
緑丹吉平山過而物部之氏川渡未通女等爾相坂山丹手向草絲取置而我妹子爾相海之海之奥浪來因濱邊乎久礼々々登獨曽我來妹之目乎欲
awo ni yo si nara yama sugwite mononopu no udi kapa watari wotomye ra ni apusaka yama ni ta muke kusa ito tori okite wa g imo kwo ni apumi no umi no oki tu nami ki yoru pama pye wo kure kure to pito ri so wa ga kuru imo ga me wo pori
王命恐雖見不飽楢山越而眞木積泉河乃速瀬竿刺渡千速振氏渡乃多企都瀬乎見乍渡而近江道乃相坂山丹手向爲吾越徃者樂浪乃志我能韓埼幸有者又反見道前八十阿毎嗟乍吾過徃者弥遠丹里離來奴弥高二山文越來奴劔刀鞘従拔出而伊香胡山如何吾将爲徃邊不知而
opo kimi no mi koto kasikwo mi miredo aka nu nara yama kwoyete ma kwi tumu idumi no kapa no paya ki se wo sawo sasi watari tipayaburu udi no watari no tagitu se wo mitutu watarite apumi di no apusaka yama ni ta muke site wa ga kwoye yukeba sasanami no siga no kara saki saki ku araba mata kapyeri mi mu miti no kuma ya swo kuma goto ni nagekitutu wa ga sugwi yukeba iya topo ni satwo sakari ki nu iya taka ni yama mo kwoye ki nu turugi tati saya yu nuki idete ikagwo yama ika ni ka wa ga se mu yuku pye sira zute
爲須部乃田付叨不知石根乃興凝敷道乎石床笶根延門叨朝庭出居而嘆夕庭入居而思白桍乃吾衣袖叨折反獨之寐者野干玉黒髪布而人寐味眠不睡而大舟乃徃良行羅二思乍吾睡夜等呼讀文将敢鴨
se mu subye no taduki wo sira ni ipa ga ne no kogosi ki miti wo ipa toko no ne bap yeru kadwo wo asita ni pa ide wite nageki yupu pye ni pa iri wite sinwopi sirwo tape no wa ga koromo de wo wori kapyesi pito ri si nureba nubatama no kurwo kami sikite pito no nuru uma i pa ne zute opo bune no yukurayukura ni omopitutu wa ga nuru ywo ra wo yomi mo ape mu kamo
眠不睡吾思君者何處邊今夜誰与可雖待不來
i mo ne zuni wa ga omopu kimi pa iduku pye ni ko yopi tare to ka matedo ki masa nu
御佩乎劔池之蓮葉爾渟有水之徃方無我爲時爾應相登相有君乎莫寐等母寸巨勢友吾情清隅之池之池底吾者不忘正相左右二
mi pakasi wo turugi no ike no patisu pa ni tamar eru midu no yuku pye na mi wa ga suru toki ni apu be si to api taru kimi wo na ne so to papa kikosedomo wa ga kokoro kiywosumi no ike no ike no soko ware pa wasurezi tada ni apu madeni
紀伊國之室之江邊爾千年爾障事無万世爾如是将在登大舟之思恃而出立之清瀲爾朝名寸二來依深海松夕難岐爾來依縄法深海松之深目思子等遠縄法之引者絶登夜散度人之行之屯爾鳴兒成行取左具利梓弓弓腹振起志乃岐羽矣二手狭離兼人斯悔戀思者
kwi no kuni no murwo no ye no pye ni ti tose ni saparu koto na ku yorodu yo ni kaku si mo ara mu to opo bune no omopi tanomite idetati no kiywo ki nagisa ni asa nagi ni ki yoru puka miru yupu nagi ni ki yoru napa nori puka miru no pukame si kwo ra wo napa nori no pikeba tayu to ya satwo bito no yuki no tudwopi ni naku kwo nasu yuki tori saguri adusa yumi yu bara puri okosi sinokipa wo puta tu ta basami panati kye mu pito si kuti wosi kwopuraku omopeba
里人之吾丹告樂汝戀愛妻者黄葉之散乱有神名火之此山邊柄烏玉之黒馬爾乗而河瀬乎七湍渡而裏觸而妻者會登人曽告鶴
satwo bito no ware ni tugu raku na ga kwopuru utukusi duma pa momiti ba no tiri midare taru kamunabwi no ko no yama pye kara nubatama no kurwo ma ni norite kapa no se wo nana se watarite urabure te tuma pa api ki to pito zo tuge turu
里人之吾丹告樂汝戀愛妻者黄葉之散乱有神名火之此山邊柄烏玉之黒馬爾乗而河瀬乎七湍渡而裏觸而妻者會登人曽告鶴
satwo bito no ware ni tugu raku na ga kwopuru utukusi duma pa momiti ba no tiri midare taru kamunabwi no so no yama pye kara nubatama no kurwo ma ni norite kapa no se wo nana se watarite urabure te tuma pa api ki to pito zo tuge turu
木國之濱因云鰒珠将拾跡云而妹乃山勢能山越而行之君何時來座跡玉桙之道爾出立夕卜乎吾問之可婆夕卜之吾爾告良久吾妹兒哉汝待君者奥浪來因白珠邊浪之緑流白珠求跡曽君之不來益拾登曽公者不來益久有今七日許早有者今二日許将有等曽君者聞之二々勿戀吾妹
kwi no kuni no pama ni yoru to ipu apabi tama piripa mu to ipite imo no yama se no yama kwoyete yuki si kimi itu ki masa mu to tama poko no miti ni ide tati yupu ura wo wa ga twopi sikaba yupu ura no ware ni tugu raku wa g imo kwo ya na ga matu kimi pa oki tu nami ki yoru sira tama pye tu nami no yosu ru sira tama motomu to so kimi ga ki masa nu piripu to so kimi pa ki masa nu pisa ni araba ima nanu ka bakari paya ku araba ima putu ka bakari ara mu to so kimi pa kiko si si na kwopwi so wa g imo
礒城嶋之日本國爾何方御念食可津礼毛無城上宮爾大殿乎都可倍奉而殿隠々座者朝者召而使夕者召而使遣之舎人之子等者行鳥之群而待有雖待不召賜者劔刀磨之心乎天雲爾念散之展轉土打哭杼母飽不足可聞
sikwi sima no yamato no kuni ni ika sama ni omoposi myese ka ture mo na ki kwinope no miya ni opo tono wo tukape maturite tono gomori komori imaseba asita ni pa myesite tukapi yupu pye ni pa myesite tukapi tukapa si si toneri no kwo ra pa yuku tori no muragarite mati ari matedo myesi tamapa neba turugi tati twogi si kokoro wo ama kumo ni omopi pararakasi koi marobi piduti nake domo aki dara nu kamo
白雲之棚曳國之青雲之向伏國乃天雲下有人者妾耳鴨君爾戀濫吾耳鴨夫君爾戀礼薄天地満言戀鴨胸之病有念鴨意之痛妾戀叙日爾異爾益何時橋物不戀時等者不有友是九月乎吾背子之偲丹爲与得千世爾物偲渡登万代爾語都我部等始而之此九月之過莫呼伊多母爲便無見荒玉之月乃易者将爲須部乃田度伎乎不知石根之許凝敷道之石床之根延門爾朝庭出座而嘆夕庭入座戀乍烏玉之黒髪敷而人寐味寐者不宿爾大船之行良行良爾思乍吾寐夜等者數物不敢鴨
sira kumo no tanabiku kuni no awo kumo no muka busu kuni no ama kumo no sita n aru pito pa a nomwi ka mo kimi ni kwopu ramu a nomwi ka mo kimi ni kwopu reba ame tuti ni miti tarapasite kwopure ka mo mune no yami taru omope ka mo kokoro no ita ki a ga kwopwi zo pi ni kye ni masaru itu pa si mo kwopwi nu toki to pa ara ne domo ko no nagatukwi wo wa ga sekwo ga sinwopi ni se yo to ti yo ni mo sinwopi watare to yorodu yo ni katari tugapye to katari site ko no nagatukwi no sugwi maku wo ita mo subye na mi ara tama no tukwi no kapareba se mu subye no tadwoki wo sira ni ipa ga ne no kogosi ki miti no ipa toko no ne bap yeru kadwo ni asita ni pa ide wite nageki yupu pye ni pa iri wi kwopwitutu nubatama no kurwo kami sikite pito no nuru uma i pa ne zu ni opo bune no yukurayukura ni omopitutu wa ga nuru ywo ra pa yomi mo ape nu kamo
王之御命恐秋津嶋倭雄過而大伴之御津之濱邊従大舟爾眞梶繁貫旦名伎爾水手之音爲乍夕名寸爾梶音爲乍行師君何時來座登大卜置而齊度爾狂言哉人之言釣我心盡之山之黄葉之散過去常公之正香乎
opo kimi no mi koto kasikwo mi akidu sima yamato wo sugwite opotomo no mitu no pama pye yu opo bune ni ma kadi sizi nuki asa nagi ni kako no kowe situtu yupu nagi ni kadi no to situtu yuki si kimi itu ki masa mu to ura okite ipapi wataru ni tapa koto ya pito no ipi turu wa ga kokoro tukusi no yama no momiti ba no tiri sugwi ni ki to kimi ga tadaka wo
鳥音之所聞海爾高山麻障所爲而奥藻麻枕所爲蛾葉之衣谷不服爾不知魚取海之濱邊爾浦裳無所宿有人者母父爾眞名子爾可有六若荨之妻香有異六思布言傳八跡家問者家乎母不告名問跡名谷母不告哭兒如言谷不語思鞆悲物者世間有世間有
tori ga ne no kikoyuru umi ni taka yama wo pyedati ni nasite oki tu mo wo makura ni nasi pimusi pa no kinu dani ki zu ni isana tori umi no pama pye ni ura mo na ku tomar eru pito pa omo titi ni mana gwo ni ka ara mu waka kusa no tuma ka ari kye mu omopo si ki koto tute mu ya to ipye twopeba ipye wo mo nora zu na wo twope do na dani mo nora zu naku kwo nasu koto dani twopa zu omope domo kanasi ki mono pa yo no naka ni ari yo no naka ni ari
玉桙之道爾出立葦引乃野行山行潦川徃渉鯨名取海路丹出而吹風裳箟跡丹者不吹立浪裳箟跡丹者不起恐耶神之渡乃敷浪乃寄濱部丹高山矣部立丹置而細潭矣枕丹巻而占裳無偃爲公者母父之愛子丹裳在将稚草之妻裳有将等家問跡家道裳不云名矣問跡名谷裳不告誰之言矣勞鴨腫浪能恐海矣直渉異将
tama poko no miti ni ide tati asipiki no nwo yuki yama yuki nipatadumi kapa yuki watari isana tori umi di ni idete puku kaze mo nodoni pa puka zu tatu nami mo nodoni pa tata nu kasikwo ki ya kamwi no watari no siki nami no yosuru pama bye ni taka yama wo pyedate ni okite oki tu mo wo makura ni makite ura mo na ku koyas eru kimi pa omo titi ga managwo ni mo ara mu waka kusa no tuma mo ara mu ipye twope do ipye di mo ipa zu na wo twope do na dani mo nora zu ta ga koto wo itapasi mi ka mo towi nami no kasikwo ki umi wo tada watari kye mu
此月者君将來跡大舟之思憑而何時可登吾待居者黄葉之過行跡玉梓之使之云者螢成髣髴聞而大土乎火穂跡而立居而去方毛不知朝霧乃思或而杖不足八尺乃嘆々友記乎無見跡何所鹿君之将座跡天雲乃行之随爾所射宍乃行文将死跡思友道之不知者獨居而君爾戀爾哭耳思所泣
ko no tukwi pa kimi ki masa mu to opo bune no omopi tanomite itu si ka to wa ga mati woreba momiti ba no sugwite ini ki to tamadusa no tukapi no ipeba potaru nasu ponoka ni kikite opo tuti wo ponopo to pumite tatite wite yuku pye mo sira zu asa gwiri no omopi matwopite tuwe tara zu ya saka no nageki nageke domo sirusi wo na mito iduku ni ka kimi ga masa mu to ama kumo no yuki no manima ni i yu sisi no yuki mo sina mu to omope domo miti no sira neba pito ri wite kimi ni kwopuru ni ne nomwi si naka yu
葦邊徃鴈之翅乎見別公之佩具之投箭之所思
asi pye yuku kari no tubasa wo miru goto ni kimi ga oba si si nage ya si omopoyu
駿河能宇美於思敞爾於布流波麻都豆良伊麻思乎多能美波播爾多我比奴
suruga no umi osi pye ni opuru pama tudura imasi wo tanomi papa ni tagapi nu
駿河能宇美於思敞爾於布流波麻都豆良伊麻思乎多能美於夜爾多我比奴
suruga no umi osi pye ni opuru pama tudura imasi wo tanomi oya ni tagapi nu
可豆思賀能麻万能手児奈我安里之可婆麻末乃於須比爾奈美毛登杼呂爾
kadusika no mama no tegwona ga ari sikaba mama no osu pi ni nami mo todoro ni
安豆左由美欲良能夜麻辺能之牙可久爾伊毛呂乎多弖天左祢度波良布母
adusa yumi ywora no yama pye no sigye kaku ni imo ro wo tatete sa ne dwo parapu mo
波流敞左久布治能宇良葉乃宇良夜須爾左奴流夜曾奈伎児呂乎之毛倍婆
paru bye saku pudi no ura ba no ura yasu ni sa nuru ywo so na ki kwo ro wo si mopeba
伊母乎許曾安比美爾許思可麻欲婢吉能与許夜麻敞呂能思之奈須於母敞流
imo wo koso api mi ni ko sika maywobiki no yoko yama pye ro no sisi nasu omop yeru
安受倍可良古麻能由胡能須安也波刀文比登豆麻古呂乎麻由可西良布母
azu pe kara kwoma no yukwo nosu ayapa twomo pito duma kwo ro wo mayukaserapumo
安之能葉爾由布宜里多知弖可母我鳴乃左牟伎由布敞思奈乎波思努波牟
asi no pa ni yupu gwiri tatite kamo ga ne no samu ki yupu pye si na woba sinwopa mu
美夜自呂乃須可敞爾多弖流可保我波奈莫佐吉伊弖曾祢許米弖思努波武
miyaziro no su ka pye ni tat eru kapo ga pana na saki ide sone komete sinwopa mu
君之由久海辺乃夜杼爾奇里多多婆安我多知奈気久伊伎等之理麻勢
kimi ga yuku umi bye no yado ni kwiri tataba a ga tati nageku iki to siri mase
和我由恵仁妹奈気久良之風早能宇良能於伎敞爾奇里多奈妣家利
wa ga yuwe ni imo nageku rasi kazapaya no ura no oki pye ni kwiri tanabik yeri
和礼乃未夜欲布祢波許具登於毛敞礼婆於伎敞能可多爾可治能於等須奈里
ware nomwi ya ywo pune pa kogu to omop yereba oki pye no kata ni kadi no oto su nari
由布左礼婆安之敞爾佐和伎安気久礼婆於伎爾奈都佐布可母須良母都麻等多具比弖和我尾爾波之毛奈布里曾等之路多倍乃波祢左之可倍弖宇知波良比左宿等布毛能乎由久美都能可敞良奴其等久布久可是能美延奴我其登久安刀毛奈吉与能比登爾之弖和可礼爾之伊毛我伎世弖思奈礼其呂母蘇弖加多思吉弖比登里可母祢牟
yupu sareba asi bye ni sawaki ake kureba oki ni nadusapu kamo sura mo tuma to tagupite wa ga wo ni pa simo na puri so to sirwo tape no pane sasi kapete uti parapi sa ne to pu monowo yuku midu no kapyera nu goto ku puku kaze no mi ye nu ga goto ku atwo mo na ki yo no pito nisite wakare ni si imo ga kise te si nare goromo swode kata sikite pito ri ka mo ne mu
多都我奈伎安之敞乎左之弖等妣和多類安奈多頭多頭志比等里佐奴礼婆
tadugana ki asi bye wo sasite tobi wataru ana tadutadusi pito ri sa nureba
安佐散礼婆伊毛我手爾麻久可我美奈須美津能波麻備爾於保夫祢爾真可治之自奴伎可良久爾爾和多理由加武等多太牟加布美奴面乎左指天之保麻知弖美乎妣伎由気婆於伎敞爾波之良奈美多可美宇良未欲理許芸弖和多礼婆和伎毛故爾安波治乃之麻波由布左礼婆久毛為可久里奴左欲布気弖由久敞乎之良爾安我己許呂安可志能宇良爾布祢等米弖宇伎祢乎詞都追和多都美能於枳敞乎見礼婆伊射理須流安麻能乎等女波小船乗都良良爾宇家里安香等吉能之保美知久礼婆安之辨爾波多豆奈伎和多流安左奈芸爾布奈弖乎世牟等船人毛鹿子毛許恵欲妣柔保等里能奈豆左比由気婆伊敝之麻婆久毛為爾美延奴安我毛敞流許己呂奈具也等波夜久伎弖美牟等於毛比弖於保夫祢乎許芸和我由気婆於伎都奈美多可久多知伎奴与曾能未爾見都追須疑由伎多麻能宇良爾布祢乎等杼米弖波麻備欲里宇良伊蘇乎見都追奈久古奈須祢能未之奈可由和多都美能多麻伎能多麻乎伊敞都刀爾伊毛爾也良牟等比里比登里素弖爾波伊礼弖可敞之也流都可比奈家礼婆毛弖礼杼毛之留思乎奈美等麻多於伎都流可毛
asa sareba imo ga te ni maku kagami nasu mi tu no pama bwi ni opo bune ni ma kadi sizi nuki kara kuni ni watari yuka mu to tada mukapu minume wo sasite sipo matite miwo biki yukeba oki pye ni pa sira nami taka mi ura mwi ywori kogite watareba wagimo kwo ni apadi no sima pa yupu sareba kumo wi kakuri nu sa ywo pukete yuku pye wo sira ni a ga kokoro akasi no ura ni pune tomete uki ne wo situtu watatumi no oki pye wo mi reba izari suru ama no woto mye pa wo bune nori turara ni uk yeri aka toki no sipo miti kureba asi bye ni pa tadu naki wataru asa nagi ni puna de wo se mu to puna bito mo kakwo mo kowe ywobi nipodori no nadusapi yukeba ipyesima pa kumo wi ni mi ye nu a ga mop yeru kokoro nagu ya to paya ku kite mi mu to omopite opo bune wo kogi wa ga yukeba oki tu nami taka ku tati ki nu yoso nomwi ni mi tutu sugwi yuki tama no ura ni pune wo todomete pama bwi ywori ura iswo wo mi tutu naku kwo nasu ne nomwi si naka yu watatumi no ta maki no tama wo ipye dutwo ni imo ni yara mu to piripi tori swode ni pa irete kapyesi yaru tukapi na kyereba mot eredomo sirusi wo na mito mata oki turu kamo
美夜故辺爾由可牟船毛我可里許母能美太礼弖於毛布許登都旱得夜良牟
miyakwo bye ni yuka mu pune moga kari komo no midarete omopu koto tuge yara mu
於枳敞欲理之保美知久良之可良能宇良爾安佐里須流多豆奈伎弖佐和伎奴
oki pye ywori sipo miti ku rasi kara no ura ni asari suru tadu nakite sawaki nu
於吉敞欲里布奈妣等能煩流与妣与勢弖伊射都気也良牟多婢能也登里乎
oki pye ywori puna bito noboru ywobi yosete iza tuge yara mu tabi no yadori wo
於吉敞欲里布奈妣等能煩流与妣与勢弖多妣能夜杼里乎伊射都氣夜良奈
oki pye ywori puna bito noboru ywobi yosete tabi no yadori wo iza tuge yarana
宇奈波良能於伎敞爾等毛之伊射流火波安可之弖登母世夜麻登思麻見無
una para no oki pye ni tomosi izaru pwi pa akasite tomose yamato sima mi mu
久左麻久良多婢乎久流之美故非乎礼婆可也能山辺爾草乎思香奈久毛
kusa makura tabi wo kurusi mi kwopwi woreba kaya no yama pye ni sa wo sika naku mo
天地等登毛爾母我毛等於毛比都都安里家牟毛能乎波之家也思伊敞乎波奈礼弖奈美能宇倍由奈豆佐比伎爾弖安良多麻能月日毛伎倍奴可里我祢母都芸弖伎奈気婆多良知祢能波波母都未良母安佐都由爾毛能須蘇比都知由布疑里爾己呂毛弖奴礼弖左伎久之毛安流良牟其登久伊弖見都追麻都良牟母能乎世間能比登乃奈気伎波安比於毛波奴君爾安礼也母安伎波疑能知良敞流野辺乃波都乎花可里保爾布伎弖久毛婆奈礼等保伎久爾敞能都由之毛能佐武伎山辺爾夜杼里世流良牟
ame tuti to tomo ni moga mo to omopitutu ari kye mu monowo pasikyeyasi ipye wo panarete nami no upe yu nadusapi ki nite ara tama no tukwi pi mo ki pe nu kari ga ne mo tugite ki nakeba taratine no papa mo tuma ra mo asa tuyu ni mo no suswo piduti yupu gwiri ni koromo de nurete saki ku si mo aru ramu goto ku ide mi tutu matu ramu monowo yo no naka no pito no nageki pa api omopa nu kimi ni are ya mo aki pagwi no tirap eru nwo pye no patu wo pana kar ipo ni pukite kumo banare topo ki kuni pye no tuyu simo no samu ki yama bye ni yadori s eru ramu
和多都美能可之故伎美知乎也須家口母奈久奈夜美伎弖伊麻太爾母毛奈久由可牟登由吉能安末能保都手乃宇良敞乎可多夜伎弖由加武土須流爾伊米能其等美知能蘇良治爾和可礼須流伎美
watatumi no kasikwo ki miti wo yasu kyeku mo na ku nayami kite ima dani mo mo na ku yuka mu to yuki no ama no potu te no ura pye wo kata yakite yuka mu to suru ni ime no goto miti no swora di ni wakare suru kimi
毛美知婆能知良布山辺由許具布祢能爾保比爾米弖弖伊低弖伎爾家里
momiti ba no tirapu yama bye yu kogu pune no nipopi ni medete idete ki ni kyeri
伊敞豆刀爾可比乎比里布等於伎敞欲里与世久流奈美爾許呂毛弖奴礼奴
ipye dutwo ni kapi wo piripu to oki pye ywori yose kuru nami ni koromo de nure nu
緑子之若子蚊見庭垂乳爲母所懐褨襁平生蚊見庭結經方衣氷津裏丹縫服頸着之童子蚊見庭結幡袂着衣服我矣丹因子等何四千庭三名之綿蚊黒爲髪尾信櫛持於是蚊寸垂取束擧而裳纒見解乱童兒丹成見羅丹津蚊經色丹名着來紫之大綾之衣墨江之遠里小野之眞榛持丹穂之爲衣丹狛錦紐丹縫着刺部重部波累服打十八爲麻續兒等蟻衣之寶之子等蚊打栲者經而織布日曝之朝手作尾信巾裳成者之寸丹取爲支屋所經稻寸丁女蚊妻問迹我丹所來爲彼方之二綾裏沓飛鳥飛鳥壯蚊霖禁縫爲黒沓刺佩而庭立住退莫立禁尾迹女蚊髣髴聞而我丹所來爲水縹絹帶尾引帶成韓帶丹取爲海神之殿蓋丹飛翔爲輕如來腰細丹取餝氷眞十鏡己蚊果取雙懸而還氷見乍春避而野邊尾廻者面白見我矣思經蚊狭野津鳥來鳴翔經秋僻而山邊尾徃者名津蚊爲迹我矣思經蚊天雲裳行田菜引還立路尾所來者打氷刺宮尾見名刺竹之舎人壮裳忍經等氷還等氷見乍誰子其迹哉所思而在如是所爲故爲古部狭々寸爲我哉端寸八爲今日八方子等丹五十狭迩迹哉所思而在如是所爲故爲古部之賢人藻後之世之竪監將爲迹老人矣送爲車持還來持還來
midorikwo no waku gwo ga mwi ni pa taratisi papa ni udaka ye pimutuki no papu kwo gami ni pa yupu kata ginu pitura ni nupi ki kubi tuki no warapa ga mwi ni pa yupi pata no swode tuke goromo ki si ware wo nipopi yoru kwo ra ga yoti ni pa mina no wata ka gurwo si kami wo ma kusi moti koko ni kaki tari tori tukane agete mo maki mi toki midari warapa ni nasi mi sa ni tukapu iro ni natukasi ki murasaki no opo aya no kinu suminoye no topo satwo wo nwo no ma pari moti ni posi si kinu ni koma nisiki pimo ni nupi tuke sasa pu kasana pu nami kasane ki uti swo ya si womi no kwo ra arikinu no takara no kwo ra ga uti tape pa pete oru nunwo pi sarasi no asa te dukuri wo pire mo nasu pasi ki ni tori siki ipye ni puru inaki womina ga tuma dopu to ware ni okose si wotikata no puta aya sita kutu tobu tori no asuka wotokwo ga nag ame imi nupi si kurwo kutu sasi pakite nipa ni tatazumye makari na tati to sapuru wotomye ga pono kikite ware ni okose si mipanada no kinu no obi wo piki obi nasu kara obi ni tora si watatumi no tono no iraka ni tobi kakeru sugaru no goto ki kosi boso ni tori kazarapi maswo kagami tori name kakete ono ga kapo kapyerapi mitutu paru sarite nwo pye wo megureba omosirwo mi ware wo omo pe ka sa nwo tu tori ki naki kakerapu aki sarite yama pye wo yukeba natukasi to ware wo omo pe ka ama kumo mo yuki tanabik yeru kapyeri tati miti wo kureba utipi sasu miya womina sasutake no toneri wotokwo mo sino burapi kapye rapi mitutu ta ga kwo so to ya omopa yete aru kaku no goto se rare si yuweni inisipye sazaki si ware ya pasikiyasi kyepu ya mo kwo ra ni isa ni to ya omopa yete aru kaku no goto serare si yuweni inisipye no sakasi ki pito mo noti no yo no kagami ni se mu to oi pito wo okuri si kuruma moti kapyeri ko si moti kapyeri ko si
夕附日指哉河邊爾構屋之形乎宜美諾所因來
yupu duku pi sasu ya kapa pye ni tukuru ya no kata wo yorosi mi ube yosori kyeri
所射鹿乎認河邊之和草身若可倍爾佐宿之兒等波母
i yu sisi wo tunagu kapa pye no nikwo gusa no mwi no waka kape ni sa ne si kwo ra pa mo
安之比奇能山辺爾乎礼婆保登等芸須木際多知久吉奈可奴日波奈之
asipikwi no yama bye ni woreba pototogisu ko no ma tati kuki naka nu pi pa na si
久佐麻久良多妣由久吉美乎佐伎久安礼等伊波比倍須恵都安我登許能敞爾
kusa makura tabi yuku kimi wo saki ku are to ipapi be suwe tu a ga toko no pye ni
須麻比等乃海辺都祢佐良受夜久之保能可良吉恋乎母安礼波須流香物
suma pito no umi bye tune sara zu yaku sipo no kara ki kwopwi wo mo are pa suru kamo
乎美奈敞之左伎多流野辺乎由伎米具利吉美乎念出多母登保里伎奴
wominapyesi saki taru nwo bye wo yuki meguri kimi wo omopi de ta motopori ki nu
日晩之乃奈吉奴流登吉波乎美奈敞之佐伎多流野辺乎遊吉追都見倍之
pigura si no naki nuru toki pa wominapyesi saki taru nwo pye wo yukitutu mi be si
物能乃敷能夜蘇等母乃乎能於毛布度知許己呂也良武等宇麻奈米低宇知久知夫利乃之良奈美能安利蘇爾与須流之夫多爾能佐吉多母登保理麻都太要能奈我波麻須義低宇奈比河波伎欲吉勢其等爾宇加波多知可由吉加久遊岐見都礼騰母曾許母安加爾等布勢能宇弥爾布祢宇気須恵低於伎敞許芸辺爾己伎見礼婆奈芸左爾波安遅牟良佐和伎之麻未爾波許奴礼波奈左吉許己婆久毛見乃佐夜気吉加多麻久之気布多我弥夜麻爾波布都多能由伎波和可礼受安里我欲比伊夜登之能波爾於母布度知可久思安蘇婆牟異麻母見流其等
mononopu no ya swo tomo no wo no omopu dwoti kokoro yara mu to uma namete utikutiburino sira nami no ariswo ni yosuru sibutani no saki ta motopori matudaye no naga pama sugwite unapi kapa kiywo ki se gotoni u kapa tati ka yuki kaku yuki mi turedomo soko mo aka nito puse no umi ni pune uke suwete oki pye kogi pye ni kogi mi reba nagisa ni pa adi mura sawaki sima mwi ni pa konure pana saki kokobaku mo mi no sayake ki ka tama kusige putagami yama ni papu tuta no yuki pa wakare zu ari gaywopi iya tosi no pa ni omopu dwoti kaku si aswoba mu ima mo mi ru goto
美夜故敞爾多都日知可豆久安久麻弖爾安比見而由可奈故布流比於保家牟
miyakwo pye ni tatu pi tika duku aku madeni api mite yukana kwopuru pi opo kye mu
波万部余里和我宇知由可波宇美辺欲里牟可倍母許奴可安麻能都里夫祢
pama bye yori wa ga uti yukaba umi bye ywori mukape mo ko nu ka ama no turi bune
於伎敞欲里美知久流之保能伊也麻之爾安我毛布支見我弥不根可母加礼
oki pye ywori miti kuru sipo no iya masi ni a ga mopu kimi ga mi pune kamo kare
可多於毛比遠宇万爾布都麻爾於保世母天故事部爾夜良波比登加多波牟可母
kata omopi wo uma ni putumani opose mote kwosi bye ni yaraba pito katapa mu
由久敞奈久安里和多流登毛保等登芸須奈枳之和多良婆可久夜思努波牟
yuku pye na ku ari wataru tomo pototogisu naki si wataraba kaku ya sinwopa mu
葦原能美豆保國乎安麻久太利之良志賣之家流須賣呂伎能神乃美許等能御代可佐祢天乃日嗣等之良志久流伎美能御代御代之伎麻世流四方國爾波山河乎比呂美安都美等多弖麻都流御調寶波可蘇倍衣受都久之毛可祢都之加礼騰母吾大王乃毛呂比登乎伊射奈比多麻比善事乎波自米多麻比弖久我祢可毛多之気久安良牟登於母保之弖之多奈夜麻須爾鶏鳴東國乃美知能久乃小田在山爾金有等麻宇之多麻敞礼御心乎安吉良米多麻比天地乃神安比宇豆奈比皇御祖乃御霊多須気弖遠代爾可可里之許登乎朕御世爾安良波之弖安礼婆御食國波左可延牟物能登可牟奈我良於毛保之賣之弖毛能乃布能八十伴雄乎麻都呂倍乃牟気乃麻爾麻爾老人毛女童児毛之我願心太良比爾撫賜治賜婆許己乎之母安夜爾多敷刀美宇礼之家久伊余与於母比弖大伴乃遠都神祖乃其名乎婆大来目主等於比母知弖都加倍之官海行者美都久屍山行者草牟須屍大皇乃敞爾許曾死米可敞里見波勢自等許等太弖大夫乃伎欲吉彼名乎伊爾之敞欲伊麻乃乎追通爾奈我佐敞流於夜乃子等毛曾大伴等佐伯乃氏者人祖乃立流辞立人子者祖名不絶大君爾麻都呂不物能等伊比都雅流許等能都可左曾梓弓手爾等差と母知弖釼大刀許之爾等里波伎安佐麻毛利由布能麻毛利爾大王乃三門乃麻毛利和礼乎於吉弖比等波安良自等伊夜多低於毛比之麻左流大皇乃御言能左吉乃聞者貴美
asi para no midupo no kuni wo ama kudari sira si myesi kyeru sumyeroki no kamwi no mikoto no mi yo kasane ama no pi tugi to sira si kuru kimi no mi yo mi yo siki mas eru yomo no kuni ni pa yama kapa wo piro mi atu mito tate maturu mi tukwi takara pa kazwope e zu tukusi mo kane tu sikaredomo wa go opo kimi no moro pito wo izanapi tamapi yo ki koto wo pazime tamapite ku gane ka mo tasike ku ara mu to omoposite sita nayama su ni tori ga naku aduma no kuni no mitinoku no wo da n aru yama ni ku gane ari to mausi tamap yere mi kokoro wo akirame tamapi ama tuti no kamwi api udunapi sumyeroki no mi tama tasukete topo ki yo ni kakari si koto wo wa ga mi yo ni arapasite areba wosu kuni pa sakaye mu mono to kamu nagara omoposi myesite mononopu no ya swo tomo no wo wo maturope no muke no manima ni oi pito mo womina warapa mo si ga negapu kokoro darapi ni nade tamapi wosame tamape ba koko wo si mo ayani taputwo mi uresi kyeku iyoyo omopite opotomo no topo tu kamu oya no so no na woba opo kume nusi to opi motite tukape si tukasa umi yukaba miduku kabane yama yukaba kusa musu kabane opo kimi no pye ni koso sina me kapyeri mi pa sezi to koto date masura wo no kiywo ki so no na wo inisipye ywo ima no wotutu ni nagasap yeru oya no kwo domo so opotomo to sapa no udi pa pito no oya no tatu ru koto date pito no kwo pa oya no na tata zu opo kimi ni maturwopu mono to ipi tug yeru koto no tukasa so adusa yumi te ni tori motite turugi tati kosi ni tori paki asa mamori yupu no mamori ni opo kimi no mi kadwo no mamori ware wo okite pito pa arazi to iya tate omopi si masaru opo kimi no mi koto no saki no kikeba taputwo mi
葦原能美豆保國乎安麻久太利之良志賣之家流須賣呂伎能神乃美許等能御代可佐祢天乃日嗣等之良志久流伎美能御代御代之伎麻世流四方國爾波山河乎比呂美安都美等多弖麻都流御調寶波可蘇倍衣受都久之毛可祢都之加礼騰母吾大王乃毛呂比登乎伊射奈比多麻比善事乎波自米多麻比弖久我祢可毛多之気久安良牟登於母保之弖之多奈夜麻須爾鶏鳴東國乃美知能久乃小田在山爾金有等麻宇之多麻敞礼御心乎安吉良米多麻比天地乃神安比宇豆奈比皇御祖乃御霊多須気弖遠代爾可可里之許登乎朕御世爾安良波之弖安礼婆御食國波左可延牟物能登可牟奈我良於毛保之賣之弖毛能乃布能八十伴雄乎麻都呂倍乃牟気乃麻爾麻爾老人毛女童児毛之我願心太良比爾撫賜治賜婆許己乎之母安夜爾多敷刀美宇礼之家久伊余与於母比弖大伴乃遠都神祖乃其名乎婆大来目主等於比母知弖都加倍之官海行者美都久屍山行者草牟須屍大皇乃敞爾許曾死米可敞里見波勢自等許等太弖大夫乃伎欲吉彼名乎伊爾之敞欲伊麻乃乎追通爾奈我佐敞流於夜乃子等毛曾大伴等佐伯乃氏者人祖乃立流辞立人子者祖名不絶大君爾麻都呂不物能等伊比都雅流許等能都可左曾梓弓手爾等差と母知弖釼大刀許之爾等里波伎安佐麻毛利由布能麻毛利爾大王乃三門乃麻毛利和礼乎於吉弖比等波安良自等伊夜多低於毛比之麻左流大皇乃御言能左吉乎貴久之安礼婆
asi para no midupo no kuni wo ama kudari sira si myesi kyeru sumyeroki no kamwi no mikoto no mi yo kasane ama no pi tugi to sira si kuru kimi no mi yo mi yo siki mas eru yomo no kuni ni pa yama kapa wo piro mi atu mito tate maturu mi tukwi takara pa kazwope e zu tukusi mo kane tu sikaredomo wa go opo kimi no moro pito wo izanapi tamapi yo ki koto wo pazime tamapite ku gane ka mo tasike ku ara mu to omoposite sita nayama su ni tori ga naku aduma no kuni no mitinoku no wo da n aru yama ni ku gane ari to mausi tamap yere mi kokoro wo akirame tamapi ama tuti no kamwi api udunapi sumyeroki no mi tama tasukete topo ki yo ni kakari si koto wo wa ga mi yo ni arapasite areba wosu kuni pa sakaye mu mono to kamu nagara omoposi myesite mononopu no ya swo tomo no wo wo maturope no muke no manima ni oi pito mo womina warapa mo si ga negapu kokoro darapi ni nade tamapi wosame tamape ba koko wo si mo ayani taputwomi uresi kyeku iyoyo omopite opotomo no topo tu kamu oya no so no na woba opo kume nusi to opi motite tukape si tukasa umi yukaba miduku kabane yama yukaba kusa musu kabane opo kimi no pye ni koso sina me kapyeri mi pa sezi to koto date masura wo no kiywo ki so no na wo inisipye ywo ima no wotutu ni nagasap yeru oya no kwo domo so opotomo to sapa no udi pa pito no oya no tatu ru koto date pito no kwo pa oya no na tata zu opo kimi ni maturwopu mono to ipi tug yeru koto no tukasa so adusa yumi te ni tori motite turugi tati kosi ni tori paki asa mamori yupu no mamori ni opo kimi no mi kadwo no mamori ware wo okite pito pa arazi to iya tate omopi si masaru opo kimi no mi koto no saki wo taputwo ku si areba
於保奈牟知須久奈比古奈野神代欲里伊比都芸家良久父母乎見波多布刀久妻子見波可奈之久米具之宇都世美能余乃許等和利止可久佐末爾伊比家流物能乎世人能多都流許等太弖知左能花佐家流沙加利爾波之吉余之曾能都末能古等安沙余比爾恵美美恵末須毛宇知奈気支可多里家末久波等己之部爾可久之母安良米也天地能可未許等余勢天春花能佐可里裳安良牟等末多之家牟等吉能沙加利曾波奈礼居弖奈介可須移母我何時可毛都可比能許牟等末多須良无心左夫之苦南吹雪消益而射水河流水沫能余留弊奈美左夫流其児爾比毛能緒能移都我利安比弖爾保騰里能布多理雙坐那呉能宇美能於支乎布可米天左度波世流支美我許己呂能須敞母須敞奈佐
opo namuti sukuna bikwo na no kamwi yo ywori ipi tugi k yeraku titi papa wo mire ba taputwo ku mye kwo mire ba kanasi ku megu si utusemi no yo no kotowari to kaku sama ni ipi k yeraku monowo yo no pito no taturu koto date tisa no pana sak yeru sakari ni pasikiyosi so no tuma no kwo to asa yopi ni wemi mi wema zu mo uti nageki katari kye maku pa tokosipyeni kaku si mo ara me ya ama tuti no kamwi koto yosete paru pana no sakari mo ara mu to mata si kye mu toki no sakari so panare wite nakyeka su imo ga itu si ka mo tukapi no ko mu to mata su ramu kokoro sabusi ku minami puki yuki ke masarite imidu kapa nagaru minawa no yoru pye na mi saburu so no kwo ni pimo no wo no i tugari apite nipodori no puta ri narabi wi nagwo no umi no oki wo pukamete sadwopa s eru kimi ga kokoro no subye mo subye na sa
於保支見能末支能末爾末爾等里毛知低都可布流久爾能年内能許登可多祢母知多末保許能美知爾伊天多知伊波祢布美也末古衣野由支弥夜故敞爾末為之和我世乎安良多末乃等之由吉我弊理月可佐祢美奴日佐末祢美故敷流曾良夜須久之安良祢波保止止支須支奈久五月能安夜女具佐余母疑可豆良伎左加美都伎安蘇比奈具礼止射水河雪消溢而逝水能伊夜末思爾乃未多豆我奈久奈呉江能須気能根毛己呂爾於母比武須保礼奈介伎都都安我末川君我許登乎波里可敞利末可利天夏野能佐由利能波奈能花咲爾爾布夫爾恵美天阿波之多流今日乎波自米低鏡奈須可久之都祢見牟於毛我波利世須
opo kimi no maki no manima ni tori motite tukapuru kuni no tosi no uti no koto katane moti tama poko no miti ni ide tati ipa ne pumi yama kwoye nwo yuki miyakwo pye ni mawi si wa ga se wo ara tama no tosi yuki gapyeri tukwi kasane mi nu pi sa mane mi kwopuru sora yasu ku si ara neba pototogisu ki naku satukwi no ayamye gusa yomogwi kaduraki saka miduki aswobi naguredo imidu kapa yuki ke papurite yuku midu no iya masini nomwi tadu ga naku nagwo ye no suge no nemokoro ni omopi musubore nagekitutu a ga matu kimi ga koto wopari kapyeri makarite natu no nwo no sa yuri no pana no pana wemi ni nipubuni wemite apa si taru kyepu wo pazimete kagami nasu kaku si tune mi mu omo gapari se zu
須賣呂伎能之伎麻須久爾能安米能之多四方能美知爾波宇麻乃都米伊都久須伎波美布奈乃倍能伊波都流麻泥爾伊爾之敞欲伊麻乃乎都頭爾万調麻都流都可佐等都久里多流曾能奈里波比乎安米布良受日能可左奈礼婆宇恵之田毛麻吉之波多気毛安佐其登爾之保美可礼由苦曾乎見礼婆許己呂乎伊多美弥騰里児能知許布我其登久安麻都美豆安布芸弖曾麻都安之比奇能夜麻能多乎理爾許能見油流安麻能之良久母和多都美能於枳都美夜敞爾多知和多里等能具毛利安比弖安米母多麻波祢
sumyeroki no siki masu kuni no ame no sita yomo no miti ni pa uma no tume i tukusu kipami puna no pe no i paturu madeni inisipye ywo ima no wotutu ni yorodu tukwi maturu tukasa to tukuri taru so no naripapi wo ame pura zu pi no kasanareba uwe si ta mo maki si patake mo asa gotoni sibomi kare yuku so wo mi reba kokoro wo ita mi midori kwo no ti kopu ga goto ku ama tu midu apugite zo matu asipikwi no yama no tawori ni ko no mi yuru ama no sira kumo watatumi no oki tu miya pye ni tati watari tonogumori apite ame mo tamapane
天地之遠始欲俗中波常無毛能等語續奈我良倍伎多礼天原振左氣見婆照月毛盈昃之家里安之比奇能山之木末毛春去婆花開爾保比秋都氣婆露霜負而風交毛美知落家利宇都勢美母如是能未奈良之紅能伊呂母宇都呂比奴婆多麻能黒髪變朝之咲暮加波良比吹風能見要奴我其登久逝水能登麻良奴其等久常毛奈久宇都呂布見者爾波多豆美流渧等騰米可祢都母
ame tuti no topo ki pazime ywo yo no naka pa tune na ki mono to katari tugi nagarape ki tare ama no para puri sake mire ba teru tukwi mo miti kake si kyeri asipikwi no yama no ko n ure mo paru sare ba pana saki nipopi aki dukeba tuyu simo opite kaze mazipe momiti tiri kyeri utusemi mo kaku nomwi na rasi kurenawi no iro mo uturopi nubatama no kurwo kami kapari asa no wemi yupu pye kaparapi puku kaze no mi ye nu ga goto ku yuku midu no tomara nu goto ku tune mo na ku uturopu mireba nipatadumi nagaruru namita todomwi kane tu mo
妹乎不見越國敝爾經年婆吾情度乃奈具流日毛無
imo wo mi zu kwosi no kuni pye ni tosi pureba wa ga kokoro dwo no naguru pi mo na si
和我勢故等手携而暁來者出立向暮去者振放見都追念暢見奈疑之山爾八峯爾波霞多奈婢伎谿敞爾波海石榴花咲宇良悲春之過者霍公鳥伊也之伎喧奴獨耳聞婆不怜毛君与吾隔而戀流礪波山飛超去而明立者松之狭枝爾暮去者向月而菖蒲玉貫麻泥爾鳴等余米安寐不令宿君乎奈夜麻勢
wa ga sekwo to te tadusaparite ake kureba ide tati mukapi yupu sareba purisake mi tutu omopi nobe mi nagwi si yama ni ya tu wo ni pa kasumi tanabiki tani pye pa tubaki pana saki ura ganasi ni paru si sugureba pototogisu iya siki naki nu pito ri nomwi kike ba sabusi mo kimi to are to pyedatete kwopu ru twonami yama tobi kwoye yukite ake tataba matu no sa yeda ni yupu saraba tukwi ni mukapite ayamye gusa tama nuku madeni naki toyome yasu i ne sime zu kimi wo nayamase
吾耳聞婆不怜毛霍公鳥丹生之山邊爾伊去鳴奈毛
ware nomwi si kike ba sabusi mo pototogisu nipu no yama pye ni i yuki naka namo
宇都世美波戀乎繁美登春麻氣氐念繁波引攀而折毛不折毛毎見情奈疑牟等繁山之谿敝爾生流山振乎屋戸爾引殖而朝露爾仁保敝流花乎毎見念者不止戀志繁母
utusemi pa kwopwi wo sige mito paru makete omopi sige kye ba piki yodite wori mo wora zu mo miru gotoni kokoro nagwi mu to sige yama no tani pye ni opuru yama buki wo yadwo ni piki uwete asa tuyu ni nipop yeru pana wo miru goto ni omopi pa yama zu kwopwi si sige si mo
桃花紅色爾々保比多流面輪乃宇知爾青柳乃細眉根乎咲麻我理朝影見都追嬬良我手爾取持有眞鏡蓋上山爾許能久礼乃繁谿邊乎呼等余米旦飛渡暮月夜可蘇氣伎野邊遙遙爾喧霍公鳥立久久等羽觸爾知良須藤浪乃花奈都可之美引攀而袖爾古伎礼都染婆染等母
momo no pana kurenawi iro ni nipopi taru omowa no uti ni awo yagwi no poso ki maywo ne wo wemi magari asa kage mi tutu wotomye ra ga te ni tori mot eru maswo kagami putagami yama ni ko no kure no sige ki tani pye wo ywobi toyome asa tobi watari yupu duku ywo kaswoke ki nwo pye ni parwoparwo ni naku pototogisu tati kuku to paburi ni tirasu pudi nami no pana natukasi mi piki yodite swode ni kwok ire tu sima ba simu tomo
妹爾似草等見之欲里吾標之野邊之山吹誰可手乎里之
imo ni niru kusa to mi si ywori wa ga sime si nwo pye no yama buki tare ka ta wori si
多爾知可久伊敝波乎礼騰母許太加久氐佐刀波安礼騰母保登等藝須伊麻太伎奈加受奈久許恵乎伎可麻久保理登安志多爾波可度爾伊氐多知由布敝爾波多爾乎美和多之古布礼騰毛比等己恵太爾母伊麻太伎己要受
tani tika ku ipye pa woredomo ko daka kute satwo pa aredomo pototogisu imada ki naka zu naku kowe wo kika maku pori to asita ni pa kadwo ni ide tati yupu bye ni pa tani wo mi watasi kwopuredomo pito kowe dani mo imada kikoye zu
古爾有家流和射乃久須婆之伎事跡言継知努乎登古宇奈比壮子乃宇都勢美能名乎競争登玉剋壽毛須底弖相争爾嬬問為家留嬬等之聞者悲左春花乃爾太要盛而秋葉之爾保比爾照有惜身之壮尚大夫之語勞美父母爾啓別而離家海邊爾出立朝暮爾滿來潮之八隔浪爾靡珠藻乃節間毛惜命乎露霜之過麻之爾家礼奥墓乎此間定而後代之聞継人毛伊也遠爾思努比爾勢餘等黄楊小櫛之賀左志家良之生而靡有
inisipye ni ari kyeru waza no kusubasi ki koto to ipi tugu tinu wotokwo unapi wotokwo no utusemi no na wo araswopu to tamakiparu inoti mo sutete araswopi ni tuma dopi si kyeru wotomye ra ga kikeba kanasi sa paru pana no nipoye sakayete aki no pa no nipopi ni ter eru atarasi ki mwi no sakari sura masura wo no koto itapasi mi titi papa ni mawosi wakarete ipye zakari umi bye ni ide tati asa yopi ni miti kuru sipo no ya pye nami ni nabiku tama mo no pusi no ma mo wosi ki inoti wo tuyu simo no sugwi masi ni kyere oku tu kwi wo koko to sadamete noti no yo no kiki tugu pito mo iya topo ni sinwopi ni seyo to tuge wo gusi sika sasi kye rasi opwite nabik yeri
奥浪邊波莫越君之舶許藝可敝里來而津爾泊麻泥
oki tu nami pye nami na kwosi so kimi ga pune kogi kapyeri kite tu ni paturu made
天雲能曽伎敝能伎波美吾念有伎美爾将別日近成奴
ama kumo no soki pye no kipami wa ga mop yeru kimi ni wakare mu pi tika ku nari nu
松影乃清濱邊爾玉敷者君伎麻佐牟可清濱邊爾
matu kage no kiywo ki pama pye ni tama sikaba kimi ki masa mu ka kiywo ki pama pye ni
和我屋度能伊佐左村竹布久風能於等能可蘇氣伎許能由布敝可母
wa ga yadwo no isasa mura take puku kaze no oto no kaswoke ki ko no yupu bye kamo
波都秋風須受之伎由布弊等香武等曾比毛波牟須妣之伊母爾安波牟多米
patu aki kaze suzusi ki yupu bye toka mu to so pimo pa musubi si imo ni apa mu tame
父母我等能能志利弊乃母母余具佐母母与伊弖麻勢和我伎多流麻弖
titi papa ga tono no siri pye no momo yo gusa momo yo ide mase wa ga ki taru made
天皇乃等保能朝庭等之良奴日筑紫國波安多麻毛流於佐倍乃城曾等聞食四方國爾波比等佐波爾美知弖波安礼杼登利我奈久安豆麻乎能故波伊田牟可比加敞里見世受弖伊佐美多流多家吉軍卒等祢疑多麻比麻気乃麻爾麻爾多良知祢乃波波我目可礼弖若草能都麻乎母麻可受安良多麻能月日余美都都安之我知流難波能美津爾大船爾末加伊之自奴伎安佐奈芸爾可故等登能倍由布思保爾可知比伎乎里安騰母比弖許芸由久伎美波奈美乃間乎伊由伎佐具久美麻佐吉久母波夜久伊多里弖大王乃美許等能麻爾末麻須良男乃許己呂乎母知弖安里米具理事之乎波良婆都都麻波受可敞理伎麻勢登伊波比倍乎等許敞爾須恵弖之路多倍能蘇田遠利加敞之奴婆多麻乃久路加美之伎弖奈我伎気遠麻知可母恋牟波之伎都麻良波
sumyeroki no topo no mikadwo to siranupi tukusi no kuni pa ata mamoru osape no kwi so to kikosi wosu yomo no kuni ni pa pito sapa ni mitite pa aredo tori ga naku aduma wonokwo pa ide mukapi kapyeri mi se zute isami taru takye ki ikusa to negwi tamapi make no manima ni taratine no papa ga me karete waka kusa no tuma wo mo maka zu ara tama no tukwi pi yomitutu asi ga tiru nanipa no mi tu ni opo pune ni ma kai sizi nuki asa nagi ni kakwo totonope yupu sipo ni kadi piki wori adomopite kogi yuku kimi pa nami no ma wo i yuki sagukumi ma saki ku mo paya ku itarite opo kimi no mi koto no manima masura wo no kokoro wo motite ari meguri koto si woparaba tutumapa zu kapyeri ki mase to ipapi be wo toko pye ni suwete sirwo tape no swode wori kapyesi nubatama no kurwo kami sikite naga ki ke wo mati ka mo kwopwi mu pasi ki tuma ra pa
美知乃倍乃宇万良能宇礼爾波保麻米乃可良麻流伎美乎波可礼加由加牟
miti no pe no umara no ure ni papo mame no karamaru kimi wo pakare ka yuka mu
都久之閇爾敞牟加流布祢乃伊都之加毛都加敞麻都里弖久爾爾閇牟可毛
tukusi pe ni pye muk aru pune no itu si ka mo tukapye maturite kuni ni pe muka mo
之良奈美乃与曾流波麻倍爾和可例奈波伊刀毛須倍奈美夜多妣蘇弖布流
sira nami no yosoru pama pe ni wakare naba itwo mo sube na mi ya tabi swode puru
由古作枳爾奈美奈等恵良比志流敞爾波古乎等都麻乎等於枳弖等母枳奴
yukwo saki ni nami na towerapi siru bye ni pa kwo wo to tuma wo to okite to mo ki nu
宇奈波良爾霞多奈妣伎多頭我祢乃可奈之伎与比波久爾弊之於毛保由
una para ni kasumi tanabiki tadu ga ne no kanasi ki yopi pa kuni pye si omopoyu
比左加多能安麻能刀比良伎多可知保乃多気爾阿毛理之須賣呂伎能可未能御代欲利波自由美乎多爾芸利母多之麻可胡也乎多婆左美蘇倍弖於保久米能麻須良多祁乎乎佐吉爾多弖由伎登利於保世山河乎伊波祢左久美弖布美等保利久爾麻芸之都都知波夜夫流神乎許等牟伎麻都呂倍奴比等乎母夜波之波吉伎欲米都可倍麻都里弖安吉豆之万夜万登能久爾乃可之波良能宇祢備乃宮爾美也婆之良布刀之利多弖低安米能之多之良志賣之祁流須賣呂伎能安麻能日継等都芸弖久流伎美能御代御代加久左波奴安加吉許己呂乎須賣良弊爾伎波米都久之弖都加倍久流於夜能都可佐等許等太弖低佐豆気多麻敞流宇美乃古能伊也都芸都岐爾美流比等乃可多里都芸弖低伎久比等能可我見爾世武乎安多良之伎吉用伎曾乃名曾於煩呂加爾己許呂於母比弖牟奈許等母於夜乃名多都奈大伴乃宇治等名爾於敞流麻須良乎能等母
pisakata no ama no two piraki takatipo no take ni amori si sumyeroki no kamwi no mi yo ywori pazi yumi wo ta nigwiri motasi makagwoya wo ta basami swopete opo kume no masura takye wo wo saki ni tate yuki tori opose yama kapa wo ipane sakumite pumi topori kuni magi situtu tipayaburu kamwi wo koto muke maturope nu pito wo mo yapasi paki kiywome tukape maturite akidu sima yamato no kuni no kasipara no unebwi no miya ni miya basira putwo siri tatete ame no sita sira si myesi kyeru sumyeroki no ama no pi tugi to tugite kuru kimi no mi yo mi yo kakusapa nu aka ki kokoro wo sumyera bye ni kipame tukusite tukape kuru oya no tukasa to koto datete saduke tamap yeru umi no kwo no iya tugitugi ni miru pito no katari tugitete kiku pito no kagami ni se mu wo atarasi ki kiywo ki so no na so oboroka ni kokoro omopite muna koto mo oya no na tatu na opotomo no udi to na ni op yeru masura wo no tomo
三雪布流布由波祁布能未鴬乃奈加牟春敞波安須爾之安流良之
mi yuki puru puyu pa kyepu nomwi ugupisu no naka mu paru pye pa asu ni si aru rasi
多可麻刀能努敞波布久受乃須恵都比爾知与爾和須礼牟和我於保伎美加母
takamatwo no nwo pye papu kuzu no suwe tupi ni ti yo ni wasure mu wa ga opo kimi kamo
波布久受能多要受之努波牟於保吉美乃賣之思野辺爾波之米由布倍之母
papu kuzu no taye zu sinwopa mu opo kimi no myesi si nwo pye ni pa sime yupu be si mo
於保吉美乃都芸弖賣須良之多加麻刀能努敞美流其等爾祢能未之奈加由
opo kimi no tugite myesu rasi takamatwo no nwo pye miru gotoni ne nomwi si naka yu
奴婆多麻能久路岐美祁斯遠麻都夫佐爾登理與曾比淤岐都登理牟那美流登岐波多多芸母許禮婆布佐波受弊都那美曾迩奴岐宇弖蘇迩杼理能阿遠岐美祁斯遠麻都夫佐迩登理與曾比淤岐都登理牟那美流登岐波多多芸母許母布佐波受弊都那美曾迩奴棄宇弖夜麻賀多爾麻岐斯阿多弖都岐曾米紀賀斯流迩斯米許呂母遠麻都夫佐迩登理與曾比淤岐都登理牟那美流登岐波多多芸母許斯與呂志伊刀古夜能伊毛能美許等牟良登理能和賀牟禮伊那婆比気登理能和賀比気伊那婆那迦士登波那波伊布登母夜麻登能比登母登須須岐宇那加夫斯那賀那加佐麻久阿佐阿米能疑理爾多多牟叙和加久佐能都麻能美許登許登能加多理碁登母許遠婆
nubatama no kurwo ki mi kyesi wo ma tubusa ni tori yosopi oki tu tori muna miru toki patatagi mo kore pa pusapa zu pye tu nami so ni nuki ute swoni dori no awo ki mi kyesi wo ma tubusa ni tori yosopi oki tu tori muna miru toki patatagi mo ko mo pusapa zu pye tu nami so ni nuki ute yam agata ni maki si atate tuki some kwi ga siru ni sime koromo wo ma tubusa ni tori yosopi oki tu tori muna miru toki patatagi mo ko si yorosi itwokwoya no imwo no mikoto mura tori no wa ga mure inaba pike tori no wa ga pike inaba nakazi to pa na pa ipu tomo yamato no pito moto susuki una kabusi na ga naka sa maku asa ame no kwiri ni tata mu zo waka kusa no tuma no mikoto koto no katari goto mo ko woba
袁登賣能登許能辨爾和賀淤岐斯都流岐能多知曾能多知波夜
wotomye no toko no bye ni wa ga oki si turuki no tati so no tati pa ya
知波夜比登宇遅能和多理迩和多理是迩多弖流阿豆佐由美麻由美伊岐良牟登許許呂波母閇杼伊斗良牟登許許呂波母閇杼母登弊波岐美袁淤母比傅須恵幣波伊毛袁淤母比傅伊良那祁久曾許爾淤母比傅加那志祁久許許爾淤母比傅伊岐良受曾久流阿豆佐由美麻由美
tipayapito udi no watari ni watari ze ni tat eru adusa yumi mayumi i kira mu to kokoro pa mopedo i tora mu to kokoro pa mopedo moto pye pa kimi wo omopi de suwe pye pa imwo wo omopi de irana kyeku soko ni omopi de kanasi kyeku koko ni omopi de i kira zu so kuru adusa yumi mayumi
淤岐弊迩波袁夫泥都羅羅玖久漏邪夜能摩佐豆古和芸毛玖迩弊玖陀良須
oki pye ni pa wo bune turaraku kurwozaya no masadukwo wagimwo kuni pye kudara su
夜麻登弊迩爾斯布岐阿宜弖玖毛婆那禮曾岐袁理登母和禮和須禮米夜
yamato pye ni nisi puki agete kumwo banare soki wori tomo ware wasure me ya
夜麻登弊迩由玖波多賀都麻許母理豆能志多用波閇都都由久波多賀都麻
yamato pye ni yuku pa ta ga tuma komori du no sita ywo papetutu yuku pa ta ga tuma
久佐加辨能許知能夜麻登多多美許母弊具理能夜麻能許知碁知能夜麻能賀比爾多知邪加由流波毘呂久麻加斯母登爾波伊久美陀気淤斐須恵幣爾波多斯美陀気淤斐伊久美陀気伊久美波泥受多斯美陀気多斯爾波韋泥受能知母久美泥牟曾能淤母比豆麻阿波禮
kusaka bye no koti no yama to tatami komo pyeguri no yama no koti goti no yama no kapi ni tati zakayuru pa biro kuma kasi moto ni pa i kumi dake opwi suwe pye ni pa tasimi dake opwi i kumi dake i kumi pa ne zu tasimi dake tasi ni pa wi ne zu noti mo kumi ne mu so no omopi duma apare
憶企都茂播陛爾播誉戻耐母佐祢耐據茂阿黨播怒介茂誉播磨都智耐理誉
oki tu mo pa pye ni pa yoredomo sa ne doko mo atapa nu kamo yo pama tu tidori yo
知破椰臂等于泥能和多利珥和多利涅珥多低屡阿豆瑳由瀰摩由瀰伊枳羅牟苔虚虚呂破望閇耐伊斗羅牟苔虚虚呂破望閇耐望苔弊破枳瀰烏於望臂涅須慧弊破伊暮烏於望比涅伊羅那鶏区曾虚珥於望比伽那志鶏区虚虚珥於望臂伊枳羅儒層区屡阿豆瑳由瀰摩由瀰
tipayapito udi no watari ni watari de ni tat eru adusa yumi mayumi i kira mu to kokoro pa mopedo i twora mu to kokoro pa mopedo moto pye pa kimi wo omopi de suwe pye pa imo wo omopi de irana kyeku soko ni omopi kanasi kyeku koko ni omopi i kira zu so kuru adusa yumi mayumi
婀柁羅斯枳偉儺謎能陀倶弥柯該志須弥儺播旨我那稽麼柁例柯柯該武預婀柁羅須弥儺播
atarasi ki wina bye no takumi kake si sumi napa si ga na kyeba tare ka kake mu yo atara sumi napa
野麻登陛爾瀰我保指母能娑於尸農瀰能荳能陀可紀儺屡都奴娑之能瀰野
yamato pye ni migaposi mono pa osinumi no ko no taka kwi n aru tunusasi no miya
婀鳴爾与志乃楽能婆娑摩爾斯斯貳慕能瀰逗矩陛御慕梨瀰儺曾曾矩思寐能和倶吾鳴阿娑理逗那偉能古
awo ni yo si nara no pasama ni sisi zimono mi duku pye gomori mina sosoku sibi no waku gwo wo asari du na wi no kwo
荳母唎矩能簸覩細能可波由那峨例倶屡駄開能以矩美娜開余襄開謨等陛鳴麼荳等爾都倶唎須衛陛鳴麼府曳爾都倶唎符企儺須美母慮我紆陪爾能朋梨陀致倭我弥細麼都奴娑播符以簸例能伊開能美那矢駄府紆鳴謨紆陪爾堤堤那皚矩野須美矢矢倭我於朋枳美能於魔細屡娑佐羅能美於寐能武須弥陀例駄例夜矢比等母紆陪爾泥堤那皚矩
komori ku no patuse no kapa yu nagare kuru take no i kumi dake yo dake moto pye woba koto ni tukuri suwe pye woba puye ni tukuri puki nasu mimoro ga upe ni nobori tati wa ga mi seba tunusapapu ipare no ike no minasitapu uwo mo upe n idete nageku yasumisisi wa ga opo kimi no oba s eru sasara no mi obi no musubi tare tare ya si pito mo upe n idete nageku
伊喩之之乎都那遇舸播杯能倭柯矩娑能倭柯倶阿利岐騰阿我謨婆儺倶爾
i yu sisi wo tunagu kapa pye no waka kusa no waka ku ari ki to a ga mopa naku ni
等許余弊爾久母多智和多留美頭能睿能宇良志麻能古賀許等母知和多流
toko yo pye ni kumo tati wataru midunoye no urasima no kwo ga koto moti wataru
夜麻等弊爾加是布企阿義天久母婆奈礼所企遠理等母与和遠和須良須奈
yamato pye ni kaze puki agete kumo banare soki wori tomo yo wa wo wasura su na
等許与弊爾久母多知和多留多麻久志義波都賀爾阿気志和礼曾加奈志企
toko yo pye ni kumo tati wataru tama kusige patuka ni ake si ware zo kanasi ki
阿麻能波良布理佐兼美礼婆加須美多智伊弊治麻止比天由久弊志良受母
ama no para purisake mireba kasumi tati ipye di madwopite yuku pye sira zu mo
海行波美豆久屍山行波草牟須屍王乃幣爾去曾死米能杼爾波不死
umi yuka ba mi duku kabane yama yuka ba kusa musu kabane opo kimi no pye ni koso sina me nodoni pa sinazi
National Institute for Japanese Language and Linguistics (2021) “Oxford-NINJAL Corpus of Old Japanese” https://oncoj.ninjal.ac.jp/ (accessed 15 August 2026)
fd34a1b284c5dd1e8008df9d3abcb28cfaf464bf