MYS.1.36
八隅知之吾大王之所聞食天下爾國者思毛澤二雖有山川之清河内跡御心乎吉野乃國之花散相秋津乃野邊爾宮柱太敷座波百礒城乃大宮人者船並弖旦川渡舟競夕河渡此川乃絶事奈久此山乃弥高思良珠水激瀧之宮子波見礼跡不飽可問
yasumisisi wa go opo kimi no kikosi myesu ame no sita ni kuni pa si mo sapa ni aredomo yama kapa no kiywo ki kaputi to mi kokoro wo yosinwo no kuni no pana tirapu akidu no nwo pye ni miya basira putwo siki mase ba momo sikwi no opo miya pito pa pune name te asa kapa watari puna gipopi yupu kapa wataru ko no kapa no tayuru koto na ku ko no yama no iya taka sira su midu tagitu taki no miyakwo pa mi redo aka nu kamo
MYS.1.50
八隅知之吾大王高照日乃皇子荒妙乃藤原我宇倍爾食國乎賣之賜牟登都宮者高所知武等神長柄所念奈戸二天地毛縁而有許曽磐走淡海乃國之衣手能田上山之真木佐苦檜乃嬬手乎物乃布能八十氏河爾玉藻成浮倍流礼其乎取登散和久御民毛家忘身毛多奈不知鴨自物水爾浮居而吾作日之御門爾不知國依巨勢道従我國者常世爾成牟圖負留神龜毛新代登泉乃河爾持越流真木乃都麻手乎百不足五十日太爾作泝須良牟伊蘇波久見者神随爾有之
yasumisisi wa go opo kimi taka terasu pi no mi kwo ara tape no pudipara ga upe ni wosu kuni wo myesi tamapa mu to mi araka pa taka sira sa mu to kamu nagara omoposu nabeni ame tuti mo yorite are koso ipa basiru apumi no kuni no koromo de no tanakami yama no ma kwi saku pi no tumade wo mononopu no ya swo udi kapa ni tama mo nasu uka be nagas e re so wo toru to sawaku mi tami mo ipye wasure mwi mo tana sira zu kamo zimono midu ni uki wite wa ga tukuru pi no mikadwo ni sira nu kuni yosi kose di ywori wa ga kuni pa toko yo ni nara mu pumi op ye ru ayasi ki kame mo arata yo to idumi no kapa ni moti kwos e ru ma kwi no tumade wo momo tara zu ikada ni tukuri nobo su ramu iswopaku mireba kamu nagara na ra si
MYS.1.52
八隅知之和期大王高照日之皇子麁妙乃藤井我原爾大御門始賜而埴安乃堤上爾在立之見之賜者日本乃青香具山者日經乃大御門爾春山跡之美佐備立有畝火乃此美豆山者日緯能大御門爾弥豆山跡山佐備伊座耳為之青菅山者背友乃大御門爾宣名倍神佐備立有名細吉野乃山者影友乃大御門従雲居爾曽遠久有家留高知也天之御蔭天知也日之御影乃水許曽婆常爾有米御井之清水
yasumisisi wa go opo kimi taka terasu pi no mi kwo ara tape no pudiwi ga para ni opo mikadwo pazime tamapite paniyasu no tutumi no upe ni ari tata si mye si tamapeba yamato no awo kagu yama pa pi no tate no opo mikadwo ni paru yama to simisabwi tat eri unebwi no ko no midu yama pa pi no yoko no opo mikadwo ni midu yama to yama sabwi imasu miminasi no awo suga yama pa so tomo no opo mikadwo ni yorosi nape kamu sabwi tat eri na kupasi yosinwo no yama pa kage tomo no opo mikadwo yu kumo wi ni so topo ku ari kyeru taka siru ya ame no mi kage ame siru ya pi no mi kage no midu kosoba tokosipeni ara me mi wi no ma simidu
MYS.1.79
天皇乃御命畏美柔備爾之家乎擇隠國乃泊瀬乃川爾舼浮而吾行河乃川隈之八十阿不落万段顧為乍玉桙乃道行晩青丹吉楢乃京師乃佐保川爾伊去至而我宿有衣乃上従朝月夜清爾見者栲乃穂爾夜之霜落磐床等川之水凝冷夜乎息言無久通乍作家爾千代二手来座多公与吾毛通武
opo kimi no mikoto kasikwo mi niki bwi ni si ipye wo oki komori ku no patuse no kapa ni pune ukete wa ga yuku kapa no kapa kuma no ya swo kuma oti zu yorodu tabi kapyeri mi situtu tama poko no miti yuki kurasi awo ni yo si nara no miyakwo no sapo gapa ni i yuki itarite wa ga ne taru koromo no upe yu asa duku ywo sayaka ni mireba tape no po ni yworu no simo puri ipa toko to kapa no midu kori samu ki ywo wo yasumu koto na ku kaywopitutu tukur eru ipye ni ti yo madeni ki mase opo kimi yo ware mo kaywopa mu
MYS.2.92
秋山之樹下隠逝水乃吾許曽益目御念従者
aki yama no ko no sita kakuri yuku midu no ware koso masa me mi omopi ywori pa
MYS.2.158
山振之立儀足山清水酌爾雖行道之白鳴
yama buki no tati yosopi taru yama si midu kumi ni yuka medo miti no sira naku
山清水 midu
句2 訓字書き 訓字 複合語l090201
MYS.2.167a
天地之初時久堅之天河原爾八百萬千萬神之神集々座而神分々之時爾天照日女之命天乎婆所知食登葦原乃水穂之國乎天地之依相之極所知行神之命等天雲之八重掻別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神上々座奴吾王皇子之命乃天下所知食世者春花之貴在等望月乃満波之計武跡天下四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗其故皇子之宮人行方不知毛
ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasite kamu pakari pakari si toki ni ama tera su pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kaki wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu agari agari imasi nu wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to ame no sita yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru soko yuwe ni mi kwo no miya pito yuku pye sira zu mo
MYS.2.167b
天地之初時久堅之天河原爾八百萬千萬神之神集々座而神分々之時爾指上日女之命天乎婆所知食登葦原乃水穂之國乎天地之依相之極所知行神之命等天雲之八重雲別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神登座爾之可婆吾王皇子之命乃天下所知食世者春花之貴在等望月乃満波之計武跡食國四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗刺竹之皇子宮人歸邊不知爾為
ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasi kamu pakari pakari si toki ni sasi noboru pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kumo wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu nobori imasi ni sikaba wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to wosu kuni yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru sasutake no mi kwo no miya pito yuku pye sira ni su
MYS.2.185
水傳礒乃浦廻乃石上乍自木丘開道乎又将見鴨
midu tutapu iswo no ura mwi no ipa tutuzi mo ku saku miti wo mata mi na mu kamo
MYS.2.197a
明日香川四我良美渡之塞益者進留水母能杼爾賀有萬思
asuka gapa sigarami watasi seka mase ba nagaru ru midu mo nodoni ka ara masi
MYS.2.197b
明日香川四我良美渡之塞益者進留水乃与杼爾加有益
asuka gapa sigarami watasi seka mase ba nagaru ru midu no yodo ni ka ara masi
MYS.3.319
奈麻余美乃甲斐乃國打縁流駿河能國与己知其智乃國之三中従出立有不盡能高嶺者天雲毛伊去波伐加利飛鳥母翔毛不上燎火乎雪以滅落雪乎火用消通都言不得名不知霊母座神香聞石花海跡名付而有毛彼山之堤有海曽不盡河跡人乃渡毛其山之水乃當焉日本之山跡國乃鎮十方座祇可間寳十方成有山可聞駿河有不盡能高峯者雖見不飽香聞
namayomino kapwi no kuni uti yosu ru suruga no kuni to koti goti no kuni no mi naka yu ide tat eru puzi no taka ne pa ama kumo mo i yuki pabakari tobu tori mo tobi mo nobora zu moyuru pwi wo yuki moti keti puru yuki wo pwi moti keti tutu ipi mo e zu na duke mo sira zu kususi ku mo imasu kamwi kamo se no umi to na dukete aru mo so no yama no tutum yeru umi so puzi kapa to pito no wataru mo so no yama no midu no tagiti so pi no moto no yamato no kuni no sidume to mo imasu kamwi kamo takara to mo nar eru yama kamo suruga n aru puzi no taka ne pa miredo aka nu kamo
MYS.4.506
吾背子波物莫念事之有者火爾毛水爾母吾莫七國
wa ga sekwo pa mono na omoposi koto si araba pwi ni mo midu ni mo ware na kye naku ni
MYS.4.627
吾手本将巻跡念牟大夫者變水ｆ白髪生二有
wa ga ta moto maka mu to omopa mu masura wo pa woti midu motome sira ga opwi ni tari
MYS.4.628
白髪生流事者不念變水者鹿煮藻闕二毛求而将行
sira ga opu ru koto pa omopa zu woti midu pa ka ni mo kaku ni mo motomete yuka mu
MYS.4.699
一瀬二波千遍障良比逝水之後毛将相今爾不有十方
pito se ni pa ti tabi sapa rapi yuku midu no noti ni mo apa mu ima n ara zu tomo
MYS.4.725
二寶鳥乃潜池水情有者君爾吾戀情示左祢
nipo dori no kaduku ike midu kokoro araba kimi ni wa ga kwopuru kokoro simye sane
潜池水 midu
句1 訓字書き 訓字 複合語l080324
MYS.4.776
事出之者誰言爾有鹿小山田之苗代水乃中与杼爾四手
koto de si pa ta ga koto n aru ka wo yama da no napasiro midu no naka yodo nisite
MYS.6.948
真葛延春日之山者打靡春去徃跡山上丹霞田名引高圓爾鴬鳴沼物部乃八十友能壮者折木四哭之来継比日如此續常丹有脊者友名目而遊物尾馬名目而徃益里乎待難丹吾為春乎决巻毛綾爾恐言巻毛湯々敷有跡豫兼而知者千鳥鳴其佐保川丹石二生菅根取而之努布草解除而益乎徃水丹潔而益乎天皇之御命恐百礒城之大宮人之玉桙之道毛不出戀比日
ma kuzu papu kasuga no yama pa uti nabiku paru sari yuku to yama no pe ni kasumi tanabiki takamatwo ni ugupisu naki nu mononopu no ya swo tomo no wo pa kari ga ne no ki tugu ko no koro kaku tugite tune ni ari se ba tomo namete aswoba mu mono wo uma namete yuka masi satwo wo mati gate ni wa ga se si paru wo kake maku mo ayani kasikwo si ipa maku mo yuyusi ku ara mu to arakazime kanete siri seba ti dori naku so no sapo gapa ni ipa ni opuru suga no ne torite sinwopu kusa parape te masi wo yuku midu ni misogi te masi wo opo kimi no mikoto kasikwo mi momo sikwi no opo miya pito no tama poko no miti ni mo ide zu kwopuru ko no koro
MYS.6.968
大夫跡念在吾哉水莖之水城之上爾泣将拭
masura wo to omop yeru ware ya midu kukwi no midu kwi no upe ni namita nogopa mu
MYS.6.1034
従古人之言来流老人之變若云水曽名爾負瀧之瀬
inisipye yu pito no ipi k ye ru oi pito no wotu to ipu midu so na ni opu taki no se
MYS.6.1054
泉川徃瀬乃水之絶者許曽大宮地遷徃目
idumi gapa yuku se no midu no tayeba koso opo miya tokoro uturopi yuka me
MYS.7.1100
巻向之病足之川由徃水之絶事無又反将見
makimuku no anasi no kapa yu yuku midu no tayuru koto na ku mata kapyeri mi mu
MYS.7.1127
隕田寸津走井水之清有者癈者吾者去不勝可聞
oti tagitu pasiri wi no midu no kiywo ku areba okite pa ware pa yuki kate nu kamo
MYS.7.1128
安志妣成榮之君之穿之井之石井之水者雖飲不飽鴨
asibi nasu sakaye si kimi ga pori si wi no ipa wi no midu pa nomedo aka nu kamo
MYS.7.1142
命幸久吉石流垂水々乎結飲都
inoti wo si saki ku yo kye mu to ipabasiru tarumi no midu wo musubite nomi tu
MYS.7.1235
浪高之奈何梶執水鳥之浮宿也應為猶哉可榜
nami taka si ika ni kadi tori midu tori no uki ne ya su be ki napo ya kogu be ki
水鳥之 midu
句2 訓字書き 訓字 複合語l050679
MYS.7.1269
巻向之山邊響而徃水之三名沫如世人吾等者
makimuku no yama pye toyomite yuku midu no minawa no goto si yo no pito ware pa
MYS.8.1451
水鳥之鴨乃羽色乃春山乃於保束無毛所念可聞
midu tori no kamo no pa no iro no paru yama no obotukana ku mo omopoyuru kamo
水鳥之 midu
句0 訓字書き 訓字 複合語l050679
MYS.8.1543
秋露者移爾有家里水鳥乃青羽乃山能色付見者
aki no tuyu pa utusi ni ari kyeri midu tori no awo ba no yama no iro duku mireba
水鳥乃 midu
句2 訓字書き 訓字 複合語l050679
MYS.8.1635
佐保河之水乎塞上而殖之田乎苅流早飯者獨奈流倍思
sapo gapa no midu wo seki agete uwe si ta wo karu wasa ipi pa pito ri naru be si
MYS.9.1714
落多藝知流水之磐觸与杼賣類与杼爾月影所見
oti tagiti nagaruru midu no ipa ni pure yodom yeru yodo ni tukwi no kage mi yu
MYS.9.1792
白玉之人乃其名矣中々二辞緒下延不遇日之數多過者戀日之累行者思遣田時乎白土肝向心摧而珠手次不懸時無口不息吾戀兒矣玉釧手爾取持而眞十鏡直目爾不視者下桧山下逝水乃上丹不出吾念情安虚歟毛
sira tama no pito no so no na wo nakanaka ni koto wo sita pape apa nu pi no mane ku sugureba kwopuru pi no kasanari yukeba omopi yaru tadoki wo sira ni kimo mukapu kokoro kudakete tama ta suki kake nu toki na ku kuti yama zu wa ga kwopuru kwo wo tama kusiro te ni tori motite maswo kagami tadame ni mi neba sita pi yama sita yuku midu no upe ni ide zu wa ga omopu kokoro yasu kara nu kamo
MYS.9.1797
塩氣立荒礒丹者雖在徃水之過去妹之方見等曽夾
sipo ke tatu ariswo ni pa aredo yuku midu no sugwi ni si imo ga kata mi to so ko si
MYS.9.1808
勝壮鹿之眞間之井見者立平之水汲家武手兒名之所念
katusika no mama no wi mireba tati narasi midu kuma si kye mu tegwona si omopoyu
MYS.9.1809
葦屋之菟名負處女之八年兒之片生之時従小放爾髪多久麻弖爾並居家爾毛不所見虚木綿乃牢而座在者見而師香跡悒憤時之垣廬成人之誂時智弩壮士宇奈比壮士乃廬八燎須酒師競相結婚爲家類時者焼大刀乃手頴押祢利白檀弓靫取負而入水火爾毛埓入跡立向競時爾吾妹子之母爾語久倭文手纒賤吾之故大夫之荒争見者雖生應合有哉完串呂黄泉爾埓待跡隠沼乃下延置而打歎妹之去者血沼壮士其夜夢見取次寸追去祁礼婆後有菟原壮士伊仰天叫於良妣足地牙喫建怒而如己男爾負而者不有跡懸佩之小釼取佩冬蔚蕷都良尋去祁礼婆親族共射歸集永代爾標埓爲跡遐代爾語埓繼常處女墓中爾造置壮士墓此方彼方二造置有故縁聞而雖不知新喪之如毛哭泣鶴鴨
asiya no unapi wotomye no ya tose kwo no kata opwi no toki yu wo banari ni kami taku madeni narabi wiru ipye ni mo mi ye zu utuyupu no komorite woreba mi te si ka to ibusemu toki no kaki po nasu pito no twopu toki tinu wotokwo unapi wotokwo no puse ya taku sususi kipopi api ywobapi si kyeru toki pa yaki tati no ta kami osi neri sira mayumi yuki tori opite midu ni iri pwi ni mo ira mu to tati mukapi kipopi si toki ni wagimo kwo ga papa ni katara ku situ ta maki iyasi ki wa ga yuwe masura wo no araswopu mireba ik yeri tomo apu be ku are ya sisi kusiro yomwi ni mata mu to komori nu no sita pape okite uti nageki imo ga inureba tinu wotokwo so no ywo ime ni mi tori tutu ki opi yuki kyereba okure taru unapi wotokwo i ame apugi sakyebi orabi asi zuri si ki kami takyebwite mokoro wo ni makete pa arazi to kaki paki no wo tati tori paki tokorotura tome yuki k yereba ugara dwoti i yuki tudwopi naga ki yo ni sirusi ni se mu to topo ki yo ni katari tuga mu to wotomye tuka naka ni tukuri oki wotokwo tuka konata kanata ni tukuri ok yeru yuwe yosi kikite sira nedomo nipi mo no goto mo ne naki turu kamo
MYS.10.1839
為君山田之澤恵具採跡雪消之水爾裳裾所沾
kimi ga tame yama ta no sapa ni wegu tumu to yuki ge no midu ni mo no suswo nure nu
MYS.10.2013
天漢水陰草金風靡見者時来来
ama no gapa midu kage kusa no aki kaze ni nabiku wo mireba toki pa ki ni kyeri
MYS.10.2162
神名火之山下動去水丹川津鳴成秋登将云鳥屋
kamunabwi no yama sita toyomi yuku midu ni kapadu naku nari aki to ipa mu to ya
MYS.11.2430
是川水阿和逆纒行水事不反思始爲
udi kapa no minawa saka maki yuku midu no koto kapyera zu so omopi some te si
MYS.11.2433
水上如數書吾命妹相受日鶴鴨
midu no upe ni kazu kaku goto ki wa ga inoti imo ni apa mu to ukepi turu kamo
MYS.11.2702
飛鳥川水徃増弥日異戀乃増者在勝申自
asuka gapa midu yuki masari iya pi kyeni kwopwi no masaraba ari katu masizi
MYS.11.2704
悪氷木乃山下動逝水之時友無雲戀度鴨
asipikwi no yama sita toyomi yuku midu no toki to mo na ku mo kwopwi wataru kamo
MYS.11.2708a
四長鳥居名山響爾行水乃名耳所縁之内妻波母
sinaga dori wina yama toyo ni yuku midu no na nomwi yosa ye si komori duma pa mo
MYS.11.2708b
四長鳥居名山響爾行水乃名耳所縁而戀管哉將在
sinaga dori wina yama toyo ni yuku midu no na nomwi yosa yete kwopwi tutu ya ara mu
MYS.11.2709a
吾妹子吾戀樂者水有者之賀良三超而應逝衣思
wa g imo kwo ni wa ga kwopuraku pa midu naraba sigarami kwosite yuku be ku omopoyu
MYS.11.2709b
相不思人乎念久水有者之賀良三超而應逝衣思
api omopa nu pito wo omopaku midu naraba sigarami kwosite yuku be ku omopoyu
MYS.11.2711
奥山之木葉隠而行水乃音聞従常不所忘
oku yama no ko no pa gakurete yuku midu no oto kiki si ywori tune wasura ye zu
MYS.11.2716
自高山出來水石觸破衣念妹不相夕者
taka yama yu ide kuru midu no ipa ni pure warete so omopu imo ni apa nu ywo pa
MYS.11.2718
高山之石本瀧千逝水之音爾者不立戀而雖死
taka yama no ipa moto tagiti yuku midu no oto ni pa tatezi kwopwite sinu tomo
MYS.11.2720
水鳥乃鴨之住池之下樋無欝悒君今日見鶴鴨
midu tori no kamo no sumu ike no sita pwi na mi ibuse ki kimi wo kyepu mi turu kamo
水鳥乃 midu
句0 訓字書き 訓字 複合語l050679
MYS.11.2796
水泳玉爾接有礒貝之獨戀耳年者經管
midu kukuru tama ni mazir eru iswo kapi no kata kwopwi nomwi ni tosi pa pe ni tutu
MYS.11.2817
浦觸而物者不念水無瀬川有而毛水者逝云物乎
urabure te mono pa omopazi minasegapa arite mo midu pa yuku to ipu mono wo
MYS.11.2833
葦鴨之多集池水雖溢儲溝方爾吾將越八方
asi gamo no sudaku ike midu apuru tomo make mizo no pye ni ware kwoye me ya mo
多集池水 midu
句1 訓字書き 訓字 複合語l080324
MYS.12.2860a
八釣川水底不絶行水續戀是比歳
yaturi gapa mina soko taye zu yuku midu no tugite so kwopuru ko no tosi koro wo
MYS.12.2860b
八釣川水尾母不絶行水續戀是比歳
yaturi gapa mi wo mo taye se zu yuku midu no tugite so kwopuru ko no tosi koro wo
MYS.12.2862
山川水陰生山草不止妹所念鴨
yama gapa no midu kage ni opuru yama suge no yama zu mo imo pa omopoyuru kamo
MYS.12.2999
水乎多上爾種蒔比要乎多擇擢之業曽吾獨宿
midu wo opo mi age ni tane maki piye wo opo mi era yuru nari so wa ga pito ri nuru
MYS.12.3017
足桧木之山川水之音不出人之子姤戀渡青頭鶏
asi pikwi no yama gapa midu no oto ni ide zu pito no kwo yuweni kwopwi wataru kamo
MYS.12.3025
石走垂水之水能早敷八師君爾戀良久吾情柄
ipa basiru taru mi no midu no pasikiyasi kimi ni kwopu raku wa ga kokoro kara
MYS.12.3097
左桧隈桧隈河爾駐馬馬爾水令飲吾外将見
sa pinokuma pinokuma kapa ni uma todome uma ni midu kapye ware yoso ni mi mu
馬爾水令飲 midu
句3 訓字書き 訓字 複合語l031697a
MYS.13.3230
帛叨楢従出而水蓼穂積至鳥網張坂手乎過石走甘南備山丹朝宮仕奉而吉野部登入座見者古所念
mitegura wo nara ywori idete midu tade podumi ni itari tonami paru sakate wo sugwi ipa basiru kamunabwi yama ni asa miya ni tukape maturite yosinwo pye to iri masu mireba inisipye omopoyu
水蓼 midu
句2 訓字書き 訓字 複合語l099999
MYS.13.3245
天橋文長雲鴨高山文高雲鴨月夜見乃持有越水伊取來而公奉而越得之旱物
ama pasi mo naga ku moga mo taka yama mo taka ku moga mo tuku ywomi no mot eru woti midu i tori kite kimi ni maturite woti e simu mono
MYS.13.3260
小治田之年魚道之水乎問無曽人者挹云時自久曽人者飲云挹人之無間之如飲人之不時之如吾妹子爾吾戀良久波已時毛無
woparida no ayu di no midu wo ma na ku so pito pa kumu to ipu toki ziku so pito pa nomu to ipu kumu pito no ma na ki ga goto nomu pito no toki zi ki ga goto wa g imo kwo ni wa ga kwopu raku pa yamu toki mo na si
MYS.13.3289
御佩乎劔池之蓮葉爾渟有水之徃方無我爲時爾應相登相有君乎莫寐等母寸巨勢友吾情清隅之池之池底吾者不忘正相左右二
mi pakasi wo turugi no ike no patisu pa ni tamar eru midu no yuku pye na mi wa ga suru toki ni apu be si to api taru kimi wo na ne so to papa kikosedomo wa ga kokoro kiywosumi no ike no ike no soko ware pa wasurezi tada ni apu madeni
MYS.13.3327
百小竹之三野王金厩立而飼駒角厩立而飼駒草社者取而飼曰戸水社者挹而飼曰戸何然大分青馬之鳴立鶴
momo sinwo no minwo no opo kimi nisi no uma ya tatete kapu kwoma pimugasi no uma ya tatete kapu kwoma kusa kosoba torite kapu to i pe midu kosoba kumite kapu to i pe nani si ka mo asi ge no uma no ibaye tati turu
MYS.14.3392
筑波祢乃伊波毛等杼呂爾於都流美豆代爾毛多由良爾和我於毛波奈久爾
tukupa ne no ipa mo todoro ni oturu midu yo ni mo tayura ni wa ga omopa naku ni
MYS.14.3439
須受我祢乃波由馬宇馬夜能都追美井乃美都乎多麻倍奈伊毛我多太手欲
suzu ga ne no pay uma uma ya no tutumi wi no midu wo tamapena imo ga tada te ywo
MYS.14.3528
水都等利乃多多武与曾比爾伊母能良爾毛乃伊波受伎爾弖於毛比可祢都母
mi du tori no tata mu yosopi ni imo no ra ni mono ipa zu ki nite omopi kane tu mo
水都等利乃 mi du
句0 交ぜ書き 訓字仮名 複合語l050679
MYS.14.3546
安乎楊木能波良路可波刀爾奈乎麻都等西美度波久末受多知度奈良須母
awo ya gwi no par arwo kapa two ni na wo matu to se midwo pa kuma zu tati dwo narasu mo
MYS.14.3554
伊毛我奴流等許能安多理爾伊波具久留水都爾母我毛与伊里弖祢末久母
imo ga nuru toko no atari ni ipa gukuru mi tu ni mogamo yo irite ne maku mo
水都爾母我毛与 mi tu
句3 交ぜ書き 訓字仮名
MYS.15.3625
由布左礼婆安之敞爾佐和伎安気久礼婆於伎爾奈都佐布可母須良母都麻等多具比弖和我尾爾波之毛奈布里曾等之路多倍乃波祢左之可倍弖宇知波良比左宿等布毛能乎由久美都能可敞良奴其等久布久可是能美延奴我其登久安刀毛奈吉与能比登爾之弖和可礼爾之伊毛我伎世弖思奈礼其呂母蘇弖加多思吉弖比登里可母祢牟
yupu sareba asi bye ni sawaki ake kureba oki ni nadusapu kamo sura mo tuma to tagupite wa ga wo ni pa simo na puri so to sirwo tape no pane sasi kapete uti parapi sa ne to pu monowo yuku midu no kapyera nu goto ku puku kaze no mi ye nu ga goto ku atwo mo na ki yo no pito nisite wakare ni si imo ga kise te si nare goromo swode kata sikite pito ri ka mo ne mu
MYS.16.3788
無耳之池羊蹄恨之吾妹兒之來乍潜者水波將涸
miminasi no ike si uramye si wagimo kwo ga kitutu kadukaba midu pa karenamu
MYS.16.3810
味飯乎水爾醸成吾待之代者曽无直爾之不有者
uma ipi wo midu ni kami nasi wa ga mati si kapi pa katute na si tada ni si ara neba
MYS.16.3837
久堅之雨毛落奴可蓮荷爾渟在水乃玉似將有見
pisakata no ame mo pura nu ka patisu pa ni tamar eru midu no tama ni ni taru mi mu
MYS.16.3841
佛造眞朱不足者水渟池田乃阿曽我鼻上乎穿礼
potoke tukuru masopo tara zupa midu tamaru ike da no aso ga pana no upe wo po re
MYS.16.3875
琴酒乎押垂小野従出流水奴流久波不出寒水之心毛計夜爾所念音之少寸道爾相奴鴨少寸四道爾相佐婆伊呂雅世流菅笠小笠吾宇奈雅流珠乃七條取替毛將申物乎少寸道爾相奴鴨
koto sake wo ositare wo nwo yu iduru midu nuru ku pa ide zu si midu no kokoro mo kyeya ni omopoyuru oto no sukuna ki miti ni apa nu kamo sukuna ki yo miti ni apa saba iro gyes eru suga kasa wo gasa wa ga unag yeru tama no nana tu wo to tori kape mo mawosa mu mono wo sukuna ki miti ni apa nu kamo
寒水之 midu
句4 訓字書き 訓字 複合語l090201
MYS.17.3993
布治奈美波佐岐弖知理爾伎宇能波奈波伊麻曾佐可理等安之比奇能夜麻爾毛野爾毛保登等芸須奈伎之等与米婆宇知奈妣久許己呂毛之努爾曾己乎之母宇良胡非之美等於毛布度知宇麻宇知牟礼弖多豆佐波理伊泥多知美礼婆伊美豆河泊美奈刀能須登利安佐奈芸爾可多爾安佐里之思保美弖婆都麻欲妣可波須等母之伎爾美都追須疑由伎之夫多爾能安利蘇乃佐伎爾於枳追奈美余勢久流多麻母可多与理爾可都良爾都久理伊毛我多米低爾麻吉母知弖宇良具波之布勢能美豆宇弥爾阿麻夫祢爾麻可治加伊奴吉之路多倍能蘇泥布理可辺之阿登毛比弖和賀己芸由気婆乎布能佐伎波奈知利麻我比奈伎佐爾波阿之賀毛佐和伎佐射礼奈美多知弖毛為弖母己芸米具利美礼登母安可受安伎佐良婆毛美知能等伎爾波流佐良婆波奈能佐可利爾可毛加久母伎美我麻爾麻等可久之許曾美母安吉良米米多由流比安良米也
pudi nami pa sakite tiri ni ki u no pana pa ima so sakari to asipikwi no yama ni mo nwo ni mo pototogisu naki si toyomeba uti nabiku kokoro mo sinwo ni soko wo si mo ura gwopwisi mito omopu dwoti uma uti murete tadusapari ide tati mireba imidu kapa minatwo no su dori asa nagi ni kata ni asari si sipo miteba tuma ywobi kapasu tomosi ki ni mitutu sugwi yuki sibutani no ariswo no saki ni oki tu nami yose kuru tama mo katayori ni kadura ni tukuri imo ga tame te ni maki motite ura gupasi puse no midu umi ni ama bune ni ma kadi kainuki sirwo tape no swode puri kapyesi adomopite wa ga kogi yukeba wopu no saki pana tiri magapi nagisa ni pa asi gamo sawaki sazare nami tatite mo wite mo kogi meguri miredomo aka zu aki saraba momiti no toki ni paru saraba pana no sakari ni ka mo kaku mo kimi ga manima nito kaku si koso mi mo akirame me tayuru pi ara me ya
布勢能美豆宇弥爾 midu
句33 仮名書き 仮名
MYS.17.4002
可多加比能可波能瀬伎欲久由久美豆能多由流許登奈久安里我欲比見牟
kata kapi no kapa no se kiywo ku yuku midu no tayuru koto na ku ari gaywopi mi mu
MYS.17.4003
阿佐比左之曾我比爾見由流可無奈我良弥奈爾於婆勢流之良久母能知辺乎於之和気安麻曾曾理多可吉多知夜麻布由奈都登和久許等母奈久之路多倍爾遊吉波布里於吉弖伊爾之辺遊阿理吉仁家礼婆許其志可毛伊波能可牟佐備多末伎波流伊久代経爾家牟多知低為弖見礼登毛安夜之弥祢太可美多爾乎布可美等於知多芸都吉欲伎可敷知爾安佐左良受綺利多知和多利由布佐礼婆久毛為多奈毘吉久毛為奈須己許呂毛之努爾多都奇理能於毛比須具佐受由久美豆乃於等母佐夜気久与呂豆余爾伊比都芸由可牟加波之多要受波
asa pi sasi sogapini mi yuru kamu nagara mi na ni oba s eru sira kumo no ti pye wo osi wake ama sosori taka ki tati yama puyu natu to waku koto mo na ku sirwo tape ni yuki pa puri okite inisipye yu ari ki ni kyereba kogosi ka mo ipa no kamusabwi tamakiparu iku yo pe ni kye mu tatite wite mi redomo ayasi mine daka mi tani wo puka mito oti tagitu kiywo ki kaputi ni asa sara zu kwiri tati watari yupu sareba kumo wi tanabiki kumo wi nasu kokoro mo sinwo ni tatu kwiri no omopi sugusa zu yuku midu no oto mo sayake ku yorodu yo ni ipi tugi yuka mu kapa si taye zupa
MYS.17.4022
宇佐可河泊和多流瀬於保美許乃安我馬乃安我枳乃美豆爾伎奴奴礼爾家里
usaka kapa wataru se opo mi ko no a ga uma no a gaki no midu ni kinu nure ni kyeri
MYS.18.4116
於保支見能末支能末爾末爾等里毛知低都可布流久爾能年内能許登可多祢母知多末保許能美知爾伊天多知伊波祢布美也末古衣野由支弥夜故敞爾末為之和我世乎安良多末乃等之由吉我弊理月可佐祢美奴日佐末祢美故敷流曾良夜須久之安良祢波保止止支須支奈久五月能安夜女具佐余母疑可豆良伎左加美都伎安蘇比奈具礼止射水河雪消溢而逝水能伊夜末思爾乃未多豆我奈久奈呉江能須気能根毛己呂爾於母比武須保礼奈介伎都都安我末川君我許登乎波里可敞利末可利天夏野能佐由利能波奈能花咲爾爾布夫爾恵美天阿波之多流今日乎波自米低鏡奈須可久之都祢見牟於毛我波利世須
opo kimi no maki no manima ni tori motite tukapuru kuni no tosi no uti no koto katane moti tama poko no miti ni ide tati ipa ne pumi yama kwoye nwo yuki miyakwo pye ni mawi si wa ga se wo ara tama no tosi yuki gapyeri tukwi kasane mi nu pi sa mane mi kwopuru sora yasu ku si ara neba pototogisu ki naku satukwi no ayamye gusa yomogwi kaduraki saka miduki aswobi naguredo imidu kapa yuki ke papurite yuku midu no iya masini nomwi tadu ga naku nagwo ye no suge no nemokoro ni omopi musubore nagekitutu a ga matu kimi ga koto wopari kapyeri makarite natu no nwo no sa yuri no pana no pana wemi ni nipubuni wemite apa si taru kyepu wo pazimete kagami nasu kaku si tune mi mu omo gapari se zu
MYS.18.4122
須賣呂伎能之伎麻須久爾能安米能之多四方能美知爾波宇麻乃都米伊都久須伎波美布奈乃倍能伊波都流麻泥爾伊爾之敞欲伊麻乃乎都頭爾万調麻都流都可佐等都久里多流曾能奈里波比乎安米布良受日能可左奈礼婆宇恵之田毛麻吉之波多気毛安佐其登爾之保美可礼由苦曾乎見礼婆許己呂乎伊多美弥騰里児能知許布我其登久安麻都美豆安布芸弖曾麻都安之比奇能夜麻能多乎理爾許能見油流安麻能之良久母和多都美能於枳都美夜敞爾多知和多里等能具毛利安比弖安米母多麻波祢
sumyeroki no siki masu kuni no ame no sita yomo no miti ni pa uma no tume i tukusu kipami puna no pe no i paturu madeni inisipye ywo ima no wotutu ni yorodu tukwi maturu tukasa to tukuri taru so no naripapi wo ame pura zu pi no kasanareba uwe si ta mo maki si patake mo asa gotoni sibomi kare yuku so wo mi reba kokoro wo ita mi midori kwo no ti kopu ga goto ku ama tu midu apugite zo matu asipikwi no yama no tawori ni ko no mi yuru ama no sira kumo watatumi no oki tu miya pye ni tati watari tonogumori apite ame mo tamapane
MYS.19.4160
天地之遠始欲俗中波常無毛能等語續奈我良倍伎多礼天原振左氣見婆照月毛盈昃之家里安之比奇能山之木末毛春去婆花開爾保比秋都氣婆露霜負而風交毛美知落家利宇都勢美母如是能未奈良之紅能伊呂母宇都呂比奴婆多麻能黒髪變朝之咲暮加波良比吹風能見要奴我其登久逝水能登麻良奴其等久常毛奈久宇都呂布見者爾波多豆美流渧等騰米可祢都母
ame tuti no topo ki pazime ywo yo no naka pa tune na ki mono to katari tugi nagarape ki tare ama no para puri sake mire ba teru tukwi mo miti kake si kyeri asipikwi no yama no ko n ure mo paru sare ba pana saki nipopi aki dukeba tuyu simo opite kaze mazipe momiti tiri kyeri utusemi mo kaku nomwi na rasi kurenawi no iro mo uturopi nubatama no kurwo kami kapari asa no wemi yupu pye kaparapi puku kaze no mi ye nu ga goto ku yuku midu no tomara nu goto ku tune mo na ku uturopu mireba nipatadumi nagaruru namita todomwi kane tu mo
MYS.19.4214
天地之初時従宇都曽美能八十伴男者大王爾麻都呂布物跡定有官爾之在者天皇之命恐夷放國乎治等足日木山河阻風雲爾言者雖通正不遇日之累者思戀氣衝居爾玉桙之道來人之傳言爾吾爾語良久波之伎餘之君者比來宇良佐備弖嘆息伊麻須世間之猒家口都良家苦開花毛時爾宇都呂布宇都勢美毛无常阿里家利足千根之御母之命何如可毛時之波将有乎眞鏡見礼杼母不飽珠緒之惜盛爾立霧之失去如久置露之消去之如玉藻成靡許伊臥逝水之留不得常枉言哉人之云都流逆言乎人之告都流梓弧爪夜音之遠音爾毛聞者悲弥庭多豆水流涕留可祢都母
ame tuti no pazime no toki yu utusomi no ya swo tomo no wo pa opo kimi ni maturwopu mono to sadamar eru tukasa ni si areba opo kimi no mi koto kasikwo mi pina zakaru kuni wo wosamu to asipikwi no yama kapa pyenari kaze kumo ni koto pa kaywopedo tada ni apa zu pi no kasanareba omopi kwopwi ikiduki woru ni tama poko no miti kuru pito no tute koto ni ware ni katar aku pasikiyosi kimi pa ko no koro urasabwite nagekapi imasu yo no naka no u kyeku tura kyeku saku pana mo toki ni uturopu utusemi mo tune na ku ari kyeri taratine no mi papa no mikoto nani si ka mo toki si pa ara mu wo maswo kagami mi redomo aka zu tama no wo no wosi ki sakari ni tatu kwiri no use yuku goto ku oku tuyu no ke nuru ga goto ku tama mo nasu nabiki koi pusi yuku midu no todomwi kane tu to maga koto ya pito no ipi turu oyodure wo pito no tuge turu adusa yumi tuma piku ywo to no topo to ni mo kikeba kanasi mi nipa tadumi nagaruru namita todomwi kane tu mo
MYS.19.4217
宇能花乎令腐霖雨之始水迩縁木積成将因兒毛我母
u no pana wo kutasu nag ame no pana midu ni yoru kotumi nasu yora mu kwo moga mo
始水迩 midu
句2 訓字書き 訓字 複合語l080425
MYS.19.4261
大王者神爾之座者水鳥乃須太久水奴麻乎皇都常成通
opo kimi pa kamwi ni si maseba midu tori no sudaku mi numa wo miyakwo to nasi tu
水鳥乃 midu
句2 訓字書き 訓字 複合語l050679
MYS.19.4264
虚見都山跡乃國波水上波地徃如久船上波床座如大神乃鎮在國曽四舶々能倍奈良倍平安早渡來而還事奏日爾相飮酒曽斯豊御酒者
swora mitu yamato no kuni pa midu no upe pa tuti yuku goto ku pune no upe pa toko ni woru goto opo kamwi no sidumuru kuni so yo tu no pune puna no pe narabe tapirake ku paya watari kite kapyeri goto mawosa mu pi ni api noma mu ki zo ko no toyo mi ki pa
MYS.20.4322
和我都麻波伊多久古非良之乃牟美豆爾加其佐倍美曳弖余爾和須良礼受
wa ga tuma pa ita ku kwopwi rasi nomu midu ni kago sape mi yete yo ni wasura re zu
MYS.20.4337
美豆等利乃多知能已蘇岐爾父母爾毛能波須價爾弖已麻叙久夜志伎
midu tori no tati no iswogi ni titi papa ni mono pa zu kye nite ima zo kuyasi ki
美豆等利乃 midu
句0 仮名書き 仮名 複合語l050679
MYS.20.4494
水鳥乃可毛羽能伊呂乃青馬乎家布美流比等波可芸利奈之等伊布
midu tori no kamo pa no iro no awo uma wo kyepu miru pito pa kagiri na si to ipu
水鳥乃 midu
句0 訓字書き 訓字 複合語l050679
MYS.20.4512
伊気美豆爾可気左倍見要低佐伎爾保布安之婢乃波奈乎蘇弖爾古伎礼奈
ike midu ni kage sape mi yete saki nipopu asibi no pana wo swode ni kwoki rena
伊気美豆爾 midu
句0 仮名書き 仮名 複合語l080324
MYS.20.4513
伊蘇可気乃美由流伊気美豆低流麻泥爾左家流安之婢乃知良麻久乎思母
iswo kage no mi yuru ike midu teru madeni sak yeru asibi no tira maku wosi mo
美由流伊気美豆 midu
句1 仮名書き 仮名 複合語l080324