ONCOJ語彙素
複合語内部の出現も数えます。表記種別はONCOJが音節ごとに与える注釈によります。
山常庭村山有等取與呂布天乃香具山騰立國見乎為者國原波煙立龍海原波加萬目立多都怜忄可國曽蜻嶋八間跡能國者
yamato ni pa mura yama are do tori yoropu ame no kagu yama nobori tati kuni mi wo sureba kuni para pa keburi tati tatu una para pa kamame tati tatu uma si kuni so akidu sima yamato no kuni pa
霞立長春日乃晩家流和豆肝之良受村肝乃心乎痛見奴要子鳥卜歎居者珠手次懸乃宜久遠神吾大王乃行幸能山越風乃獨座吾衣手爾朝夕爾還比奴礼婆大夫登念有我母草枕客爾之有者思遣鶴寸乎白土網能浦之海處女等之焼塩乃念曽所焼吾下情
kasumi tatu naga ki paru pi no kure ni kyeru waduki mo sira zu mura kimo no kokoro wo ita mi nuye kwo tori ura nake woreba tama ta suki kake no yorosi ku topo tu kamwi wa go opo kimi no ide masi no yama kwosu kaze no pito ri woru wa ga koromo de ni asa yopi ni kapyera pi nureba masura wo to omop yeru ware mo kusa makura tabi ni si areba omopi yaru taduki wo sira ni ami no ura no ama wotomye ra ga yaku sipo no omopi so yakuru wa ga sita gokoro
山越乃風乎時自見寐夜不落家在妹乎懸而小竹櫃
yama gwosi no kaze wo toki zi mi nuru ywo oti zu ipye n aru imo wo kakete sinwopi tu
高山波雲根火雄男志等耳梨與相諍競伎神代従如此爾有良之古昔母然爾有許曽虚蝉毛嬬乎相挌良思吉
kagu yama pa u nebi wowo si to miminasi to api araswopi ki kamu yo ywori kaku ni aru rasi inisipye mo sika ni are koso utusemi mo tuma wo araswopu rasi ki
高山与耳梨山与相之時立見爾来之伊奈美國波良
kagu yama to miminasi yama to api si toki tatite mi ni ko si inami kuni para
冬木成春去来者不喧有之鳥毛来鳴奴不開有之花毛佐家礼抒山乎茂入而毛不取草深執手母不見秋山乃木葉乎見而者黄葉乎婆取而曽思努布青乎者置而曽歎久曽許之恨之秋山吾者
puyu gomori paru sari kureba naka zari si tori mo ki naki nu saka zari si pana mo sak yeredo yama wo sige mi irite mo tora zu kusa puka mi tori te mo mi zu aki yama no ko no pa wo mite pa momiti woba tori te so sinwopu awo ki woba okite so nage ku soko si uramye si aki yama ware pa
味酒三輪乃山青丹吉奈良能山乃山際伊隠萬代道隈伊積流萬代爾委曲毛見管行武雄數々毛見放武八萬雄情無雲乃隠障倍之也
uma sake miwa no yama awo ni yo si nara no yama no yama no ma ni i kakuru made miti no kuma i tumo ru madeni tubara ni mo mi tutu yuka mu wo sibasiba mo mi sake mu yama wo kokoro na ku kumo no kaku sapu be si ya
三輪山乎然毛隠賀雲谷裳情有南畝可苦佐布倍思哉
miwa yama wo sika mo kakusu ka kumo dani mo kokoro ara namo kakusapu be si ya
三吉野之耳我嶺爾時無曽雪者落家留間無曽雨者零計類其雪乃時無如其雨乃間無如隈毛不落念乍叙来其山道乎
mi yosinwo no mimi ga no mine ni toki na ku so yuki pa puri kyeru ma na ku so ame pa puri kyeru so no yuki no toki na ki ga goto so no ame no ma na ki ga goto kuma mo oti zu omopitutu so ko si so no yama miti wo
三芳野之耳我山爾時自久曽雪者落等言無間曽雨者落等言其雪不時如其雨無間如隈毛不堕思乍叙来其山道乎
mi yosinwo no mimi ga no yama ni toki ziku so yuki pa puru to pu ma na ku so ame pa puru to pu so no yuki no tokizi ki ga goto so no ame no ma na ki ga goto kuma mo oti zu omopitutu so kuru so no yama miti wo
春過而夏来良之白妙能衣乾有天之香来山
paru sugwite natu ki taru rasi sirwo tape no koromo posi tari ame no kagu yama
玉手次畝火之山乃橿原乃日知之御世従阿礼座師神之盡樛木乃弥継嗣爾天下所知食之乎天爾満倭乎置而青丹吉平山乎超何方御念食可天離夷者雖有石走淡海國乃樂浪乃大津宮爾天下所知食兼天皇之神之御言能大宮者此間等雖聞大殿者此間等雖云春草之茂生有霞立春日之霧流百礒城之大宮處見者悲毛
tama ta suki unebwi no yama no kasipara no piziri no mi yo yu are masi si kamwi no kotogoto tuga no kwi no iya tugitugi ni ame no sita sira si myesi si wo swora ni mitu yamato wo okite awo ni yo si nara yama wo kwoye ika sama ni omoposi myese ka ama zakaru pina ni pa aredo ipa basiru apumi no kuni no sasanami no opotu no miya ni ame no sita sira si myesi kye mu sumyeroki no kamwi no mikoto no opo miya pa koko to kikedomo opo tono pa koko to ipedomo paru kusa no sige ku opwi taru kasumi tati paru pi no kwir e ru momo sikwi no opo miya tokoro mireba kanasi mo
玉手次畝火之山乃橿原乃日知之自宮阿礼座師神之盡樛木乃弥継嗣爾天下所知食来虚見倭乎置青丹吉平山越而何方所念計米可天離夷者雖有石走淡海國乃樂浪乃大津宮爾天下所知食兼天皇之神之御言能大宮者此間等雖聞大殿者此間等雖云春草之茂生有霞立春日香霧流夏草香繁成奴留百礒城之大宮處見者左夫思毛
tama ta suki unebwi no yama no kasipara no piziri no miya yu are masi si kamwi no kotogoto tuga no kwi no iya tugitugi ni ame no sita sira si myesi kyeru swora mitu yamato wo oki awo ni yo si nara yama kwoyete ika sama ni omoposi kye me ka ama zakaru pina ni pa aredo ipa basiru apumi no kuni no sasanami no opotu no miya ni ame no sita sira si myesi kye mu sumyeroki no kamwi no mikoto no opo miya pa koko to kikedomo opo tono pa koko to ipedomo paru kusa no sige ku opwi taru kasumi tati paru pi ka kwir e ru natu kusa ka sige ku nari nuru momo sikwi no opo miya tokoro mireba sabusi mo
此也是能倭爾四手者我戀流木路爾有云名二負勢能山
kore ya ko no yamato nisite pa a ga kwopu ru kwi di ni ari to pu na ni opu se no yama
八隅知之吾大王之所聞食天下爾國者思毛澤二雖有山川之清河内跡御心乎吉野乃國之花散相秋津乃野邊爾宮柱太敷座波百礒城乃大宮人者船並弖旦川渡舟競夕河渡此川乃絶事奈久此山乃弥高思良珠水激瀧之宮子波見礼跡不飽可問
yasumisisi wa go opo kimi no kikosi myesu ame no sita ni kuni pa si mo sapa ni aredomo yama kapa no kiywo ki kaputi to mi kokoro wo yosinwo no kuni no pana tirapu akidu no nwo pye ni miya basira putwo siki mase ba momo sikwi no opo miya pito pa pune name te asa kapa watari puna gipopi yupu kapa wataru ko no kapa no tayuru koto na ku ko no yama no iya taka sira su midu tagitu taki no miyakwo pa mi redo aka nu kamo
安見知之吾大王神長柄神佐備世須登芳野川多藝津河内爾高殿乎高知座而上立國見乎為勢婆疊付青垣山山神乃奉御調等春部者花挿頭持秋立者黄葉頭刺理逝副川之神母大御食爾仕奉等上瀬爾鵜川乎立下瀬爾小網刺渡山川母依弖奉流神乃御代鴨
yasumisisi wa go opo kimi kamu nagara kamu sabwi sesu to yosinwo kapa tagitu kaputi ni taka tono wo taka siri masite nobori tati kuni mi wo se seba tatanaparu awo kaki yama yama tu mi no maturu mi tukwi to paru bye pa pana kazasi moti aki tateba momiti kazas e ri yuki swopu kapa no kamwi mo opomi ke ni tukape maturu to kami tu se ni u kapa wo tati simo tu se ni sade sasi watasu yama kapa mo yori te tukapu ru kamwi no mi yo kamo
安見知之吾大王神長柄神佐備世須登芳野川多藝津河内爾高殿乎高知座而上立國見乎為勢婆疊付青垣山山神乃奉御調等春部者花挿頭持秋立者黄葉加射之逝副川之神母大御食爾仕奉等上瀬爾鵜川乎立下瀬爾小網刺渡山川母依弖奉流神乃御代鴨
yasumisisi wa go opo kimi kamu nagara kamu sabwi sesu to yosinwo kapa tagitu kaputi ni taka tono wo taka siri masite nobori tati kuni mi wo se seba tatanaparu awo kaki yama yama tu mi no maturu mi tukwi to paru bye pa pana kazasi moti aki tateba momiti ba kazasi yuki swopu kapa no kamwi mo opomi ke ni tukape maturu to kami tu se ni u kapa wo tati simo tu se ni sade sasi watasu yama kapa mo yori te tukapu ru kamwi no mi yo kamo
山川毛因而奉流神長柄多藝津河内爾船出為加母
yama kapa mo yorite tukapu ru kamu nagara tagitu kaputi ni puna de sesu kamo
吾勢枯波何所行良武己津物隠乃山乎今日香越等六
wa ga sekwo pa iduku yuku ramu oku tu mono nabari no yama wo kyepu ka kwoyu ramu
吾妹子乎去来見乃山乎高三香裳日本能不所見國遠見可聞
wagimo kwo wo izami no yama wo taka mi ka mo yamato no mi ye nu kuni topo mi ka mo
八隅知之吾大王高照日之皇子神長柄神佐備世須等太敷為京乎置而隠口乃泊瀬山者真木立荒山道乎石根禁樹押靡坂鳥乃朝越座而玉限夕去来者三雪落阿騎乃大野爾旗須為寸四能乎押靡草枕多日夜取世須古昔念而
yasumisisi wa go opo kimi taka terasu pi no mi kwo kamu nagara kamu sabwi sesu to putwo sika su miyakwo wo okite komori ku no patuse no yama pa ma kwi tatu ara ki yama di wo ipa ga ne sape kwi osi nabe saka tori no asa kwoye masite tama kagiru yupu sari kureba mi yuki puru akwi no opo nwo ni pata susuki sino wo osi nabe kusa makura tabi yadori sesu inisipye omopite
八隅知之吾大王高照日乃皇子荒妙乃藤原我宇倍爾食國乎賣之賜牟登都宮者高所知武等神長柄所念奈戸二天地毛縁而有許曽磐走淡海乃國之衣手能田上山之真木佐苦檜乃嬬手乎物乃布能八十氏河爾玉藻成浮倍流礼其乎取登散和久御民毛家忘身毛多奈不知鴨自物水爾浮居而吾作日之御門爾不知國依巨勢道従我國者常世爾成牟圖負留神龜毛新代登泉乃河爾持越流真木乃都麻手乎百不足五十日太爾作泝須良牟伊蘇波久見者神随爾有之
yasumisisi wa go opo kimi taka terasu pi no mi kwo ara tape no pudipara ga upe ni wosu kuni wo myesi tamapa mu to mi araka pa taka sira sa mu to kamu nagara omoposu nabeni ame tuti mo yorite are koso ipa basiru apumi no kuni no koromo de no tanakami yama no ma kwi saku pi no tumade wo mononopu no ya swo udi kapa ni tama mo nasu uka be nagas e re so wo toru to sawaku mi tami mo ipye wasure mwi mo tana sira zu kamo zimono midu ni uki wite wa ga tukuru pi no mikadwo ni sira nu kuni yosi kose di ywori wa ga kuni pa toko yo ni nara mu pumi op ye ru ayasi ki kame mo arata yo to idumi no kapa ni moti kwos e ru ma kwi no tumade wo momo tara zu ikada ni tukuri nobo su ramu iswopaku mireba kamu nagara na ra si
八隅知之和期大王高照日之皇子麁妙乃藤井我原爾大御門始賜而埴安乃堤上爾在立之見之賜者日本乃青香具山者日經乃大御門爾春山跡之美佐備立有畝火乃此美豆山者日緯能大御門爾弥豆山跡山佐備伊座耳為之青菅山者背友乃大御門爾宣名倍神佐備立有名細吉野乃山者影友乃大御門従雲居爾曽遠久有家留高知也天之御蔭天知也日之御影乃水許曽婆常爾有米御井之清水
yasumisisi wa go opo kimi taka terasu pi no mi kwo ara tape no pudiwi ga para ni opo mikadwo pazime tamapite paniyasu no tutumi no upe ni ari tata si mye si tamapeba yamato no awo kagu yama pa pi no tate no opo mikadwo ni paru yama to simisabwi tat eri unebwi no ko no midu yama pa pi no yoko no opo mikadwo ni midu yama to yama sabwi imasu miminasi no awo suga yama pa so tomo no opo mikadwo ni yorosi nape kamu sabwi tat eri na kupasi yosinwo no yama pa kage tomo no opo mikadwo yu kumo wi ni so topo ku ari kyeru taka siru ya ame no mi kage ame siru ya pi no mi kage no midu kosoba tokosipeni ara me mi wi no ma simidu
巨勢山乃列々椿都良々々爾見乍思奈許湍乃春野乎
kose yama no tura tura tubaki turatura ni mitutu sinwopa na kose no paru nwo wo
朝毛吉木人乏母亦打山行来跡見良武樹人友師母
asamoyosi kwi pito tomosi mo matuti yama yuki ku to mi ramu kwi pito tomosi mo
倭爾者鳴而歟来良武呼兒鳥象乃中山呼曽越奈流
yamato ni pa nakite ka ku ramu ywobu kwo dori kisa no naka yama ywobi so kwoyu naru
見吉野乃山下風之寒久爾為當也今夜毛我獨宿牟
mi yosinwo no yama no arasi no samu kye ku ni pata ya ko yopi mo wa ga pito ri ne mu
宇治間山朝風寒之旅爾師手衣應借妹毛有勿久爾
udima yama asa kaze samu si tabi nisite koromo kasu be ki imo mo ara na ku ni
山邊乃御井乎見我弖利神風乃伊勢處女等相見鶴鴨
yama no pye no mi wi wo mi gateri kamu kaze no ise wotomye domo api mi turu kamo
海底奥津白波立田山何時鹿越奈武妹之當見武
wata no soko oki tu sira nami tatuta yama itu ka kwoye na mu imo ga atari mi mu
秋去者今毛見如妻戀爾鹿将鳴山曽高野原之宇倍
aki saraba ima mo miru goto tuma gwopwi ni ka naka mu yama so takanwopara no upe
君之行氣長成奴山多都祢迎加将行待爾可将待
kimi ga yuki ke naga ku nari nu yama tadune mukape ka yuka mu mati ni ka mata mu
如此許戀乍不有者高山之磐根四巻手死奈麻死物呼
kaku bakari kwopwitutu ara zupa taka yama no ipane si maki te si na masi mono wo
君之行氣長久成奴山多豆乃迎乎将徃待爾者不待
kimi ga yuki ke naga ku nari nu yama tadu no mukape wo yuka mu mati ni pa matazi
秋山之樹下隠逝水乃吾許曽益目御念従者
aki yama no ko no sita kakuri yuku midu no ware koso masa me mi omopi ywori pa
玉匣将見圓山乃狭名葛佐不寐者遂爾有勝麻之自
tama kusige mimuro no yama no sana kadura sa ne zu pa tupi ni ari katu masizi
玉匣三室戸山乃狭名葛佐不寐者遂爾有勝麻之自
tama kusige mimuro two yama no sana kadura sa ne zu pa tupi ni ari katu masizi
二人行杼去過難寸秋山乎如何君之獨越武
puta ri yuke do yuki sugwi kata ki aki yama wo ika ni ka kimi ga pito ri kwoyu ra mu
足日木乃山之四付二妹待跡吾立所沾山之四附二
asi pikwi no yama no siduku ni imo matu to ware tati nure nu yama no siduku ni
吾乎待跡君之沾計武足日木能山之四附二成益物乎
a wo matu to kimi ga nure kye mu asi pikwi no yama no siduku ni nara masi mono wo
石見乃海角乃浦廻乎浦無等人社見良目滷無等人社見良目能咲八師浦者無友縦畫屋師滷者無鞆鯨魚取海邊乎指而和多豆乃荒礒乃上爾香青生玉藻息津藻朝羽振風社依米夕羽振流浪社来縁浪之共彼縁此依玉藻成依宿之妹乎露霜乃置而之来者此道乃八十隈毎万段顧為騰弥遠爾里者放奴益高爾山毛越来奴夏草之念思奈要而志怒布良武妹之門将見靡此山
ipami no umi tunwo no ura mwi wo ura na si to pito koso mi rame kata na si to pito koso mi rame yosi we ya si ura pa na ku tomo yosi we ya si kata pa na ku tomo isana tori umi pye wo sasite nikitadu no ariswo no upe ni ka awo naru tama mo oki tu mo asa papuru kaze koso yose me yupu papu ru nami koso ki yose nami no muta ka yori kaku yoru tama mo nasu yori ne si imo wo tuyu simo no okite si kureba ko no miti no ya swo kuma goto ni yorodu tabi kapyeri mi sure do iya topo ni satwo pa sakari nu iya taka ni yama mo kwoye ki nu natu kusa no omopi sina yete sinwopu ramu imo ga kadwo mi mu nabikye ko no yama
石見乃海角乃浦廻乎浦無等人社見良目礒無登人社見良目能咲八師浦者無友縦畫屋師礒者無鞆鯨魚取海邊乎指而和多豆乃荒礒乃上爾香青生玉藻息津藻朝羽振風社依米夕羽振流浪社来縁浪之共彼縁此依波之伎余思妹之手本乎露霜乃置而之来者此道乃八十隈毎万段顧為騰弥遠爾里者放奴益高爾山毛越来奴夏草之念思奈要而志怒布良武妹之門将見靡此山
ipami no umi tunwo no ura mwi wo ura na si to pito koso mi rame iswo na si to pito koso mi rame yosi we ya si ura pa na ku tomo yosi we ya si iswo pa na ku tomo isana tori umi pye wo sasite nikitadu no ariswo no upe ni ka awo naru tama mo oki tu mo asa pa puru kaze koso yose me yupu pa pu ru nami koso ki yose nami no muta ka yori kaku yoru pasikiyosi imo ga ta moto wo tuyu simo no okite si kureba ko no miti no ya swo kuma goto ni yorodu tabi kapyeri mi sure do iya topo ni satwo pa sakari nu iya taka ni yama mo kwoye ki nu natu kusa no omopi sina yete sinwopu ramu imo ga kadwo mi mu nabikye ko no yama
石見乃也高角山之木際従我振袖乎妹見都良武香
ipami no ya takatunwo yama no ko no ma ywori wa ga puru swode wo imo mi tu ramu ka
小竹之葉者三山毛清爾乱友吾者妹思別来礼婆
sasa no pa pa mi yama mo saya ni midaru tomo ware pa imo omopu wakare ki nureba
石見爾有高角山乃木間従文吾袂振乎妹見監鴨
ipami n aru takatunwo yama no ko no ma yu mo wa ga swode puru wo imo mi kye mu kamo
角障經石見之海乃言佐敝久辛乃埼有伊久里爾曽深海松生流荒礒爾曽玉藻者生流玉藻成靡寐之兒乎深海松乃深目手思騰左宿夜者幾毛不有延都多乃別之来者肝向心乎痛念乍顧為騰大舟之渡乃山之黄葉乃散之乱爾妹袖清爾毛不見嬬隠有屋上乃山乃自雲間渡相月乃雖惜隠比来者天傳入日刺奴礼大夫跡念有吾毛敷妙乃衣袖者通而沾奴
tunwosapapu ipami no umi no koto sapyeku kara no saki n aru ikuri ni so pukamiru opu ru ariswo ni so tama mo pa opu ru tama mo nasu nabiki ne si kwo wo pukamiru no puka mete omopedo sa ne si ywo pa ikuda mo ara zu papu tuta no wakare si kureba kimo mukapu kokoro wo ita mi omopitutu kapyeri mi sure do opo bune no watari no yama no momiti ba no tiri no magapi ni imo ga swode saya ni mo mi ye zu tuma gomoru yakami no yama no kumo ma ywori watarapu tukwi no wosi kyedomo kakurwo pi kureba ama tutapu iri pi sasi nure masura wo to omop yeru ware mo siki tape no koromo no swode pa toporite nure nu
角障經石見之海乃言佐敝久辛乃埼有伊久里爾曽深海松生流荒礒爾曽玉藻者生流玉藻成靡寐之兒乎深海松乃深目手思騰左宿夜者幾毛不有延都多乃別之来者肝向心乎痛念乍顧為騰大舟之渡乃山之黄葉乃散之乱爾妹袖清爾毛不見嬬隠有室上山乃自雲間渡相月乃雖惜隠比来者天傳入日刺奴礼大夫跡念有吾毛敷妙乃衣袖者通而沾奴
tunwosapapu ipami no umi no koto sapyeku kara no saki n aru ikuri ni so pukamiru opu ru ariswo ni so tama mo pa opu ru tama mo nasu nabiki ne si kwo wo pukamiru no puka mete omopedo sa ne si ywo pa ikuda mo ara zu papu tuta no wakare si kureba kimo mukapu kokoro wo ita mi omopitutu kapyeri mi sure do opo bune no watari no yama no momiti ba no tiri no magapi ni imo ga swode saya ni mo mi ye zu tuma gomoru murwokami yama no kumo ma ywori watarapu tukwi no wosi kyedomo kakurwo pi kureba ama tutapu iri pi sasi nure masura wo to omop yeru ware mo siki tape no koromo no swode pa toporite nure nu
秋山爾落黄葉須臾者勿散乱曽妹之當将見
aki yama ni oturu momiti ba simasi ku pa na tiri magapi so imo ga atari mi mu
秋山爾落黄葉須臾者知里勿乱曽妹之當将見
aki yama ni oturu momiti ba simasi ku pa tiri na magapi so imo ga atari mi mu
石見之海津乃浦乎無美浦無跡人社見良米滷無跡人社見良目吉咲八師浦者雖無縦恵夜思潟者雖無勇魚取海邊乎指而柔田津乃荒礒之上爾蚊青生玉藻息都藻明来者浪己曽来依夕去者風己曽来依浪之共彼依此依玉藻成靡吾宿之敷妙之妹之手本乎露霜乃置而之来者此道之八十隈毎萬段顧雖為弥遠爾里放来奴益高爾山毛超来奴早敷屋師吾嬬乃兒我夏草乃思志萎而将嘆角里将見靡此山
ipami no umi tu no ura wo na mi ura na si to pito koso mi rame kata na si to pito koso mi rame yosi we ya si ura pa na ku tomo yosi we ya si kata pa na ku tomo isana tori umi bye wo sasite nikitadu no ariswo no upe ni ka awo naru tama mo oki tu mo ake kureba nami koso ki yose yupu sareba kaze koso ki yose nami no muta ka yori kaku yoru tama mo nasu nabiki wa ga ne si siki tape no imo ga tamoto wo tuyu simo no okite si kureba ko no miti no ya swo kuma goto ni yorodu tabi kapyeri mi suredo iya topo ni satwo sakari ki nu iya taka ni yama mo kwoye ki nu pasikiyasi wa ga tuma no kwo ga natu kusa no omopi sinayete nageku ramu tunwo no satwo mi mu nabikye ko no yama
石見之海打歌山乃木際従吾振袖乎妹将見香
ipami no umi ututa no yama no ko no ma ywori wa ga puru swode wo imo mi tu ramu ka
神樂浪乃大山守者為誰可山爾標結君毛不有國
sasanami no opo yama mori pa ta ga tame ka yama ni sime yupu kimi mo ara na ku ni
八隅知之和期大王之恐也御陵奉仕流山科乃鏡山爾夜者毛夜之盡晝者母日之盡哭耳呼泣乍在而哉百礒城乃大宮人者去別南
yasumisisi wa go opo kimi no kasikwo ki ya mi paka tukapu ru yamasina no kagami no yama ni yworu pa mo ywo no kotogoto piru pa mo pi no kotogoto ne nomwi wo nakitutu arite ya momo sikwi no opo miya pito pa yuki wakare na mu
神山之山邊真蘇木綿短木綿如此耳故爾長等思伎
miwa yama no yama pye ma swo yupu mizika yupu kaku nomwi yuwe ni naga si to omopi ki
山振之立儀足山清水酌爾雖行道之白鳴
yama buki no tati yosopi taru yama si midu kumi ni yuka medo miti no sira naku
八隅知之我大王之暮去者召賜良之明来者問賜良志神岳乃山之黄葉乎今日毛鴨問給麻思明日毛鴨召賜萬旨其山乎振放見乍暮去者綾哀明来者裏佐備晩荒妙乃衣之袖者乾時文無
yasumisisi wa go opo kimi no yupu sareba myesi tamapu rasi ake kureba twopi tamapu rasi kamiwoka no yama no momiti wo kyepu mo ka mo twopi tamapa masi asu mo ka mo myesi tamapa masi so no yama wo purisake mitutu yupu sareba aya ni kanasibwi ake kureba ura sabwi kurasi ara tape no koromo no swode pa puru toki mo na si
向南山陳雲之青雲之星離去月矣離而
kita yama ni tanabiku kumo no awo kumo no posi sakari yuki tukwi wo sakarite
宇都曽見乃人爾有吾哉従明日者二上山乎弟世登吾将見
utusomi no pito ni aru ware ya asu ywori pa putakami yama wo iro se to wa ga mi mu
挂文忌之伎鴨言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下治賜食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎治跡皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流小角乃音母敵見有虎可s吼登諸人之恊流麻r爾指擧有幡之靡者冬木成春去来者野毎著而有火之風之共靡如久取持流弓波受乃驟三雪落冬乃林爾飃可毛伊巻渡等念麻r聞之恐久引放箭之繁計久大雪乃乱而来礼不奉仕立向之毛露霜之消者消倍久去鳥乃相競端爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾然之毛将有登木綿花乃榮時爾吾大王皇子之御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyu si ki kamo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita wosame tamapi wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo wosame to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru kuda no oto mo ata mi taru twora ka poyuru to moro pito no obiyu ru made ni sasage taru pata no nabiki pa puyu gomori paru sari kureba nwo goto ni tukite aru pwi no kaze no muta nabiku ga goto ku tori mot eru yu pazu no sawaki mi yuki puru puyu no payasi ni tumuzi ka mo i maki wataru to omopu made kiki no kasikwo ku piki panatu ya no sige kyeku opo yuki no midarete ki ta re maturwopa zu tati mukapi si mo tuyu simo no ke na ba ke nu be ku yuku tori no araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni sika si mo ara mu to yupu bana no sakayuru toki ni wa go opo kimi mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
挂文由遊志計礼抒母言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下掃賜而食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎掃部等皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流笛之音波敵見有虎可s吼登諸人之聞或麻泥指擧有幡之靡者冬木成春野焼火乃風之共靡如久取持流弓波受乃驟三雪落由布乃林爾飃可毛伊巻渡等諸人見或麻r引放箭之繁計久霰成曽知余里久礼婆不奉仕立向之毛朝霜之消者消言爾打蟬等安良蘇布波之爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾如是毛安良無等木綿花乃榮時爾刺竹皇子御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyusi kyeredomo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita parapi tamapite wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo para pye to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru puye no oto pa ata mi taru twora ka poyuru to moro pito no kiki matwopu made sasage taru pata no nabiki pa puyu gomori paru nwo yaku pwi no kaze no muta nabiku ga goto ku tori mot eru yu pazu no sawaki mi yuki puru yupu no payasi ni tumuzi ka mo i maki wataru to moro pito no mi matwopu made ni piki panatu ya no sige kyeku arare nasu soti yori kureba maturwopa zu tati mukapi si mo asa simo no ke naba ke to pu ni utusemi to araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni kaku si mo ara mu to yupu bana no sakayuru toki ni sasutake no mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
天飛也軽路者吾妹兒之里爾思有者懃欲見騰不已行者入目乎多見真根久徃者人應知見狭根葛後毛将相等大船之思憑而玉蜻磐垣淵之隠耳戀管在爾度日乃晩去之如照月乃雲隠如奥津藻之名延之妹者黄葉乃過伊去等玉梓之使之言者梓弓聲爾聞而将言為便世武為便不知爾聲耳乎聞而有不得者吾戀千重之一隔毛遣悶流情毛有八等吾妹子之不止出見之軽市爾吾立聞者玉手次畝火乃山爾喧鳥之音母不所聞玉桙道行人毛獨谷似之不去者為便乎無見妹之名喚而袖曽振鶴
ama tobu ya karu no miti pa wagimo kwo ga satwo ni si areba nemokoro ni mi maku posi kyedo yama zu yukaba pito me wo opo mi mane ku yukaba pito siri nu be mi sane kadura noti mo apa mu to opo bune no omopi tanomite tama kagiru ipa kaki puti no komori nomwi kwopwi tutu aru ni wataru pi no kure yuku ga goto teru tukwi no kumo gakuru goto oki tu mo no nabiki si imo pa momiti ba no sugwite ini ki to tamadusa no tukapi no ipeba adusa yumi oto ni kikite ipa mu subye se mu subye sira ni oto nomwi wo kikite ari e neba wa ga kwopuru ti pye no pito pye mo nagusamu ru kokoro mo ari ya to wagimo kwo ga yama zu ide mi si karu no iti ni wa ga tati kikeba tama ta suki unebwi no yama ni naku tori no kowe mo kikoye zu tama poko no miti yuku pito mo pito ri dani ni te si yuka neba subye wo na mi imo ga na ywobite swode zo puri turu
天飛也軽路者吾妹兒之里爾思有者懃欲見騰不已行者入目乎多見真根久徃者人應知見狭根葛後毛将相等大船之思憑而玉蜻磐垣淵之隠耳戀管在爾度日乃晩去之如照月乃雲隠如奥津藻之名延之妹者黄葉乃過伊去等玉梓之使之言者梓弓聲耳聞而将言為便世武為便不知爾名耳聞而有不得者吾戀千重之一隔毛遣悶流情毛有八等吾妹子之不止出見之軽市爾吾立聞者玉手次畝火乃山爾喧鳥之音母不所聞玉桙道行人毛獨谷似之不去者為便乎無見妹之名喚而袖曽振鶴
ama tobu ya karu no miti pa wagimo kwo ga satwo ni si areba nemokoro ni mi maku posi kyedo yama zu yukaba pito me wo opo mi mane ku yukaba pito siri nu be mi sane kadura noti mo apa mu to opo bune no omopi tanomite tama kagiru ipa kaki puti no komori nomwi kwopwi tutu aru ni wataru pi no kure yuku ga goto teru tukwi no kumo gakuru goto oki tu mo no nabiki si imo pa momiti ba no sugwite ini ki to tamadusa no tukapi no ipeba adusa yumi oto nomwi kikite ipa mu subye se mu subye sira ni na nomwi wo kikite ari e neba wa ga kwopuru ti pye no pito pye mo nagusamu ru kokoro mo ari ya to wagimo kwo ga yama zu ide mi si karu no iti ni wa ga tati kikeba tama ta suki unebwi no yama ni naku tori no kowe mo kikoye zu tama poko no miti yuku pito mo pito ri dani ni te si yuka neba subye wo na mi imo ga na ywobite swode zo puri turu
秋山之黄葉乎茂迷流妹乎将求山道不知母
aki yama no momiti wo sige mi matwopi nu ru imo wo motome mu yama di sira zu mo
秋山之黄葉乎茂迷流妹乎将求山道不知母
aki yama no momiti wo sige mi matwopi nu ru imo wo motome mu miti sira zusite
打蝉等念之時爾取持而吾二人見之趍出之堤爾立有槻木之己知碁知乃枝之春葉之茂之如久念有之妹者雖有憑有之兒等爾者雖有世間乎背之不得者蜻火之燎流荒野爾白妙之天領巾隠鳥自物朝立伊麻之弖入日成隠去之鹿齒吾妹子之形見爾置有若兒乃乞泣毎取与物之無者烏徳自物腋挟持吾妹子与二人吾宿之枕付嬬屋之内爾晝羽裳浦不樂晩之夜者裳氣衝明之嘆友世武為便不知爾戀友相因乎無見大鳥乃羽易乃山爾吾戀流妹者伊座等人云者石根左久見手名積来之吉雲曽無寸打蝉等念之妹之珠蜻髣髴谷裳不見思者
utusemi to omopi si toki ni tori motite wa ga puta ri mi si pasiri de no tutumi ni tat eru tukwi no kwi no koti goti no ye no paru no pa no sige ki ga goto ku omop yeri si imo ni pa aredo tanom yeri si kwo ra ni pa aredo yo no naka wo so muki si e neba kagirwo pwi no moyu ru ara nwo ni sirwo tape no ama pire gakuri tori zimono asa dati imasite iri pi nasu kakuri ni sikaba wagimo kwo ga katami ni ok yeru midorikwo no kopi naku goto ni tori atapuru mono si na kyereba wotokwo zimono waki basami moti wagimo kwo to puta ri wa ga ne si makura duku tuma ya no uti ni piru pa mo urasabwi kura si yworu pa mo ikiduki aka si nagekedomo se mu subye sira ni kwopuredomo apu yosi wo na mi opo tori no pagapi no yama ni wa ga kwopu ru imo pa i masu to pito no ipeba ipa ne sakumite na dumi ko si yo kyeku mo zo na ki utusemi to omopi si imo ga tama kagiru ponoka ni dani mo mi ye nu omopeba
宇都曽臣等念之時爾取持而吾二人見之趍出之堤爾立有槻木之己知碁知乃枝之春葉之茂之如久念有之妹者雖有憑有之兒等爾者雖有世間乎背之不得者蜻火之燎流荒野爾白妙之天領巾隠鳥自物朝立伊麻之弖入日成隠去之鹿齒吾妹子之形見爾置有若兒乃乞泣毎取与物之無者烏徳自物腋挟持吾妹子与二人吾宿之枕付嬬屋之内爾晝羽裳浦不樂晩之夜者裳氣衝明之嘆友世武為便不知爾戀友相因乎無見大鳥乃羽易乃山爾吾戀流妹者伊座等人云者石根左久見手名積来之吉雲曽無寸打蝉等念之妹之珠蜻髣髴谷裳不見思者
utusomi to omopi si toki ni tori motite wa ga puta ri mi si pasiri de no tutumi ni tat eru tukwi no kwi no koti goti no ye no paru no pa no sige ki ga goto ku omop yeri si imo ni pa aredo tanom yeri si kwo ra ni pa aredo yo no naka wo so muki si e neba kagirwo pwi no moyu ru ara nwo ni sirwo tape no ama pire gakuri tori zimono asa dati imasite iri pi nasu kakuri ni sikaba wagimo kwo ga katami ni ok yeru midorikwo no kopi naku goto ni tori atapuru mono si na kyereba wotokwo zimono waki basami moti wagimo kwo to puta ri wa ga ne si makura duku tuma ya no uti ni piru pa mo urasabwi kura si yworu pa mo ikiduki aka si nagekedomo se mu subye sira ni kwopuredomo apu yosi wo na mi opo tori no pagapi no yama ni wa ga kwopu ru imo pa i masu to pito no ipeba ipa ne sakumite na dumi ko si yo kyeku mo zo na ki utusemi to omopi si imo ga tama kagiru ponoka ni dani mo mi ye nu omopeba
衾道乎引手乃山爾妹乎置而山徑徃者生跡毛無
pusuma di wo pikide no yama ni imo wo okite yama di wo yukeba ik yeri to mo na si
宇都曽臣等念之時携手吾二見之出立百兄槻木虚知期知爾枝刺有如春葉茂如念有之妹庭雖在恃有之妹庭雖有世中背不得者香切火之燎流荒野爾白栲天領巾隠鳥自物朝立伊行而入日成隠西加婆吾妹子之形見爾置有緑兒之乞哭別取委物之無者男自物腋挾持吾妹子与二吾宿之枕附嬬屋内爾日者浦不怜晩之夜者息衝明之雖嘆為便不知雖戀相縁無大鳥羽易山爾汝戀妹座等人云者石根割見而奈積来之好雲叙無宇都曽臣念之妹我灰而座者
utusomi to omopi si toki tadusapete wa ga puta ri mi si ide tati no momo ye tukwi no kwi koti goti ni yeda sas eru goto paru no pa no sige ki ga goto ku omop yeri si imo ni pa aredo tanom yeri si imo ni pa aredo yo no naka wo so muki si e neba kagirwo pwi no moyu ru ara nwo ni sirwo tape no ama pire gakuri tori zimono asa tati i yukite iri pi nasu kakuri ni sikaba wagimo kwo ga katami ni ok yeru midorikwo no kopi naku goto ni tori makasuru mono si na kyereba wotokwo zimono waki basami moti wagimo kwo to puta ri wa ga ne si makura duku tuma ya no uti ni piru pa urasabwi kura si yworu pa ikiduki aka si nagekedomo se mu subye sira ni kwopuredomo apu yosi wo na mi opo tori no pagapi no yama ni na ga kwopuru imo pa imasu to pito no ipeba ipa ne sakumite nadumi ko si yo kyeku mo zo na ki utusomi to omopi si imo ga papi nite maseba
衾路引出山妹置山路念邇生刀毛無
pusuma di wo pikide no yama ni imo wo okite yama di omopu ni ik yeru two mo na si
秋山下部留妹奈用竹乃騰遠依子等者何方爾念居可栲紲之長命乎露己曽婆朝爾置而夕者消等言霧己曽婆夕立而明者失等言梓弓音聞吾母髣髴見之事悔敷乎布栲乃手枕纒而劔刀身二副寐價牟若草其嬬子者不怜弥可念而寐良武悔弥可念戀良武時不在過去子等我朝露乃如也夕霧乃如也
aki yama no sitap yeru imo naywo take no towo yoru kwo ra pa ika sama ni omopi wore ka taku napa no naga ki inoti wo tuyu kosoba asita ni okite yupu pye pa kiyu to ipe kwiri kosoba yupu pye ni tatite asita pa usu to ipe adusa yumi oto kiku ware mo opo ni mi si koto kuya si ki wo siki tape no ta makura makite turugi tati mwi ni swope ne kye mu waka kusa no so no tuma no kwo pa sabusi mi ka omopite nu ramu kuyasi mi ka omopi kwopu ramu toki nara zu sugwi ni si kwo ra ga asa tuyu no goto yupu gwiri no goto
妻毛有者採而多宜麻之作美乃山野上乃宇波疑過去計良受也
tuma mo araba tumite tage masi sami no yama nwo no pe no upagwi sugwi ni kyera zu ya
鴨山之磐根之巻有吾乎鴨不知等妹之待乍将有
kamo yama no ipa ne si mak yeru ware wo ka mo sira nito imo ga matitutu ara mu
梓弓手取持而大夫之得物矢手挾立向高圓山爾春野焼野火登見左右燎火乎何如問者玉桙之道来人乃泣涙w霂爾落白妙之衣埿漬而立留吾爾語久何鴨本名言聞者泣耳師所哭語者心曽痛天皇之神之御子之御駕之手火之光曽幾許照而有
adusa yumi te ni tori motite masura wo no satu ya ta basami tati mukapu takamatwo yama ni paru nwo yaku nwo bwi to miru made moyuru pwi wo ika ni to twopeba tama poko no miti kuru pito no naku namita kwo same ni purite sirwo tape no koromo pidutite tati tomari ware ni katara ku nani si ka mo motona toburapu kikeba ne nomwi si naka yu katareba kokoro zo ita ki sumyeroki no kamwi no mi kwo no idemasi no ta bwi no pikari so kokoda teri taru
御笠山野邊徃道者己伎太雲繁荒有可久爾有勿國
mikasa yama nwo pye yuku miti pa kokidaku mo sizi ni are taru ka pisa ni ara na ku ni
三笠山野邊従遊久道己伎太久母荒爾計類鴨久爾有名國
mikasa yama nwo pye yu yuku miti kokidaku mo are ni kyeru kamo pisa ni ara naku ni
王神座者雲隠伊加土山爾宮敷座
opo kimi pa kamwi ni si maseba kumo gakuru ika duti yama ni miya siki imasu
皇者神爾之坐者真木乃立荒山中爾海成可聞
opo kimi pa kamwi ni si maseba ma kwi no tatu ara yama naka ni umi wo nasu kamo
瀧上之三船乃山爾居雲乃常将有等和我不念久爾
taginoupe no mipune no yama ni wiru kumo no tune ni ara mu to wa ga omopa na ku ni
王者千歳二麻佐武白雲毛三船乃山爾絶日安良米也
opo kimi pa ti tose ni masa mu sira kumo mo mipune no yama ni tayuru pi ara me ya
三吉野之御船乃山爾立雲之常将在跡我思莫苦二
mi yosinwo no mipune no yama ni tatu kumo no tune ni ara mu to wa ga omopa naku ni
天降付天之芳来山霞立春爾至婆松風爾池浪立而櫻花木乃晩茂爾奥邊波鴨妻喚邊津方爾味村左和伎百礒城之大宮人乃退出而遊船爾波梶棹毛無而不樂毛己具人奈四二
amori tuku ame no kagu yama kasumi tatu paru ni itare ba matu kaze ni ike nami tatite sakura bana ko no kure sige ni oki pye pa kamo tuma ywobapi pye tu pye ni adi mura sawaki momo sikwi no opo miya pito no makari dete aswobu pune ni pa kadi sawo mo na kute sabusi mo kogu pito na si ni
何時間毛神左備祁留鹿香山之鉾椙之本爾薜生左右二
itu no ma mo kamu sabwi kyeru ka kagu yama no poko sugwi no moto ni koke musu made ni
天降就神乃香山打靡春去来者櫻花木暗茂松風丹池浪飆邊都遍者阿遅村動奥邊者鴨妻喚百式乃大宮人乃去出榜来舟者竿梶母無而佐夫之毛榜与雖思
amori tuku kamwi no kagu yama uti nabiku paru sari kureba sakura bana ko no kure sige ni matu kaze ni ike nami tati pye tu pye ni pa adi mura sawaki oki bye ni pa kamo tuma ywobapi momo sikwi no opo miya pito no makari dete kogi k yeru pune pa sawo kadi mo na kute sabusi mo koga mu to omopedo
矢釣山木立不見落乱雪驪朝樂毛
yaturi yama ko dati mo mi ye zu puri magapu yuki ni ugutuku asita tanwosi mo
牟佐々婢波木末求跡足日木乃山能佐都雄爾相爾来鴨
musasabi pa konure motomu to asi pikwi no yama no satu wo ni api ni kyeru kamo
客為而物戀敷爾山下赤乃曽保船奥榜所見
tabi nisite mono kwopo si ki ni yama sita no ake no sopo pune oki pye kogu miyu
四極山打越見者笠縫之嶋榜隠棚無小舟
si patu yama uti kwoye mireba kasanupi no sima kogi kakuru tana na si wo bune
吾妹兒二猪名野者令見都名次山角松原何時可将示
wagimo kwo ni wina nwo pa mise tu nasuki yama tunwo no matu bara itu ka simyesa mu
角障經石村毛不過泊瀬山何時毛将超夜者深去通都
tunwosapapu ipare mo sugwi zu patuse yama itu ka mo kwoye mu ywo pa puke ni tutu
栲領巾乃懸巻欲寸妹名乎此勢能山爾懸者奈何将有
takupire no kake maku posi ki imo ga na wo ko no se no yama ni kakeba ika ni ara mu
栲領巾乃懸巻欲寸妹名乎此勢能山爾可倍波伊香爾安良牟
takupire no kake maku posi ki imo ga na wo ko no se no yama ni kapeba ika ni ara mu
宜奈倍吾背乃君之負来爾之此勢能山乎妹者不喚
yorosi nape wa ga se no kimi ga opi ki ni si ko no se no yama wo imo to pa ywobazi
此間為而家八方何處白雲乃棚引山乎超而来二家里
koko ni site ipye ya mo iduku sira kumo no tanabiku yama wo kwoyete ki ni kyeri
椋橋乃山乎高可夜隠爾出来月乃光乏寸
kurapasi no yama wo taka mi ka ywo gomori ni ide kuru tukwi no pikari tomosi ki
真木葉乃之奈布勢能山之努波受而吾超去者木葉知家武
ma kwi no pa no sinapu se no yama sinwopa zu te wa ga kwoye nuru pa ko no pa siri kye mu
亦打山暮越行而廬前乃角太川原爾獨可毛将宿
matuti yama yupu kwoye yukite iposaki no sumida gapara ni pito ri ka mo ne mu
奥山之菅葉凌零雪乃消者将惜雨莫零行年
oku yama no suga no pa sinwogi puru yuki no ke naba wosi kye mu ame na puri sone
磐金之凝敷山乎超不勝而哭者泣友色爾将出八方
ipa ga ne no kogosi ki yama wo kwoye kanete ne ni pa naku tomo iro ni ide me ya mo
梓弓引豊國之鏡山不見久有者戀敷牟鴨
adusa yumi piki toyokuni no kagami yama mi zu pisa n araba kwopo si kye mu kamo
見吉野之芳野乃宮者山可良志貴有師水可良思清有師天地与長久萬代爾不改将有行幸之宮
mi yosinwo no yosinwo no miya pa yama kara si taputwo karu ra si kapa kara si sayake karu ra si ame tuti to naga ku pisasi ku yorodu yo ni kapara zu ara mu idemasi no miya
奈麻余美乃甲斐乃國打縁流駿河能國与己知其智乃國之三中従出立有不盡能高嶺者天雲毛伊去波伐加利飛鳥母翔毛不上燎火乎雪以滅落雪乎火用消通都言不得名不知霊母座神香聞石花海跡名付而有毛彼山之堤有海曽不盡河跡人乃渡毛其山之水乃當焉日本之山跡國乃鎮十方座祇可間寳十方成有山可聞駿河有不盡能高峯者雖見不飽香聞
namayomino kapwi no kuni uti yosu ru suruga no kuni to koti goti no kuni no mi naka yu ide tat eru puzi no taka ne pa ama kumo mo i yuki pabakari tobu tori mo tobi mo nobora zu moyuru pwi wo yuki moti keti puru yuki wo pwi moti keti tutu ipi mo e zu na duke mo sira zu kususi ku mo imasu kamwi kamo se no umi to na dukete aru mo so no yama no tutum yeru umi so puzi kapa to pito no wataru mo so no yama no midu no tagiti so pi no moto no yamato no kuni no sidume to mo imasu kamwi kamo takara to mo nar eru yama kamo suruga n aru puzi no taka ne pa miredo aka nu kamo
三諸乃神名備山爾五百枝刺繁生有都賀乃樹乃弥継嗣爾玉葛絶事無在管裳不止将通明日香能舊京師者山高三河登保志呂之春日者山四見容之秋夜者河四清之旦雲二多頭羽乱夕霧丹河津者驟毎見哭耳所泣古思者
mi moro no kamunabwi yama ni i po ye sasi sizi ni opwi taru tuga no kwi no iya tugitugi ni tama kadura tayuru koto na ku ari tutu mo yama zu kaywopa mu asuka no puru ki miyakwo pa yama taka mi kapa toposiro si paru no pi pa yama si migapo si aki no ywo pa kapa si sayake si asa kumo ni tadu pa midare yupu gwiri ni kapadu pa sawaku miru goto ni ne nomwi si naka yu inisipye omopeba
萱草吾紐二付香具山乃故去之里乎忘之為
wasure kusa wa ga pimo ni tuku kagu yama no puri ni si satwo wo wasure mu ga tame
見吉野之高城乃山爾白雲者行憚而棚引所見
mi yosinwo no takakwi no yama ni sira kumo pa yuki pabakarite tanabik yeri miyu
縄乃浦爾塩焼火氣夕去者行過不得而山爾棚引
napa no ura ni sipo yaku keburi yupu sareba yuki sugwi kanete yama ni tanabiku
塩津山打越去者我乗有馬曽爪突家戀良霜
sipotu yama uti kwoye yukeba a ga nor eru uma so tuma duku ipye kwopu rasi mo
春日乎春日山乃高座之御笠乃山爾朝不離雲居多奈引容鳥能間無數鳴雲居奈須心射左欲比其鳥乃片戀耳二晝者毛日之盡夜者毛夜之盡立而居而念曽吾為流不相兒故荷
paru pi wo kasuga no yama no taka kura no mikasa no yama ni asa sara zu kumo wi tanabiki kapo dori no ma na ku siba naku kumo wi nasu kokoro isaywopi so no tori no kata kwopwi nomwi ni piru pa mo pi no kotogoto yworu pa mo ywo no kotogoto tatite wite omopi so wa ga su ru apa nu kwo yuwe ni
高按之三笠乃山爾鳴鳥之止者継流戀哭為鴨
taka kura no mikasa no yama ni naku tori no yameba tuga ruru kwopwi mo suru kamo
雨零者将盖跡念有笠乃山人爾莫令盖霑者漬跡裳
ame puraba ki mu to omop eru kasa no yama pito ni na ki sime nure pa pitu tomo
吉野爾有夏實之河乃川余杼爾鴨曽鳴成山影爾之弖
yosinwo n aru natumwi no kapa no kapa yodo ni kamo so naku naru yama kage nisite
青山之嶺乃白雲朝爾食爾恒見杼毛目頬四吾君
awo yama no mine no sira kumo asa ni ke ni tune ni mire domo medurasi wa ga kimi
久堅之天原従生来神之命奥山乃賢木之枝爾白香付木綿取付而齊戸乎忌穿居竹玉乎繁爾貫垂十六自物膝折伏手弱女之押日取懸如此谷裳吾者祈奈牟君爾不相可聞
pisakata no ama no para ywori are ki taru kamwi no mikoto oku yama no saka kwi no yeda ni sira ka tuke yupu tori tukete ipapi be wo ipapi pori suwe taka tama wo sizi ni nuki tari sisi zimono piza wori pusite tawayamye no osupi tori kake kaku dani mo ware pa kopi na mu kimi ni apazi kamo
鷄之鳴東國爾高山者佐波爾雖有朋神之貴山乃儕立乃見皀石山跡神代従人之言嗣國見為築羽乃山矣冬木成時敷時跡不見而徃者益而戀石見雪消為山道尚矣名積叙吾来煎
tori ga naku aduma no kuni ni taka yama pa sapa ni aredomo puta kamwi no taputwo ki yama no nami tati no migapo si yama to kamu yo ywori pito no ipi tugi kuni mi suru tukupa no yama wo puyu gomori toki zi ki toki to mi zute yukaba masite kwopo si mi yuki ge suru yama miti sura wo nadumi zo wa ga k ye ru
鳥總立足柄山爾船木伐樹爾伐歸都安多良船材乎
tobusa tate asigara yama ni puna kwi kiri kwi ni kiri yuki tu atara puna kwi wo
不所見十方孰不戀有米山之末爾射狭夜歴月乎外見而思香
mi ye zu tomo tare kwopwi zara me yama no pa ni isaywopu tukwi wo yoso ni mi te sika
奥山之磐本菅乎根深目手結之情忘不得裳
oku yama no ipa moto suge wo ne puka mete musubi si kokoro wasure kane tu mo
山守之有家留不知爾其山爾標結立而結之辱為都
yama mori no ari kyeru sira ni so no yama ni sime yupi tatete yupi no padi si tu
山主者盖雖有吾妹子之将結標乎人将解八方
yama mori pa kedasi ari tomo wagimo kwo ga yupi kye mu sime wo pito toka me ya mo
王之親魄相哉豊國乃鏡山乎宮登定流
opo kimi no mutu tama ape ya toyokuni no kagami no yama wo miya to sadamu ru
豊國乃鏡山之石戸立隠爾計良思雖待不来座
toyokuni no kagami no yama no ipa two tate komori ni kye rasi matedo ki masa zu
名湯竹乃十縁皇子狭丹頬相吾大王者隠久乃始瀬乃山爾神左備爾伊都伎坐等玉梓乃人曽言鶴於余頭礼可吾聞都流狂言加我間都流母天地爾悔事乃世間乃悔言者天雲乃曽久敝能極天地乃至流左右二杖策毛不衝毛去而夕衢占問石卜以而吾屋戸爾御諸乎立而枕邊爾齊戸乎居竹玉乎無間貫垂木綿手次可比奈爾懸而天有左佐羅能小野之七相菅手取持而久堅乃天川原爾出立而潔身而麻之乎高山乃石穂乃上爾伊座都類香物
nayu take no towo yoru mi kwo sa ni turapu wa go opo kimi pa komori ku no patuse no yama ni kamu sabwi ni ituki imasu to tamadusa no pito so ipi turu oyodure ka wa ga kiki turu tapa koto ka wa ga kiki turu mo ame tuti ni kuyasi ki koto no yo no naka no kuyasi ki koto pa ama kumo no sokupye no kipami ame tuti no itar e ru made ni tuwe tuki mo tuka zu mo yukite yupu ke twopi isi ura motite wa ga yadwo ni mi moro wo tatete makura pye ni ipapi be wo suwe taka dama wo ma na ku nuki tari yupu ta suki kapina ni kakete ame n aru sasara no wo nwo no nana pu suge te ni tori motite pisakata no ama no kapara ni ide tatite misogi te masi wo taka yama no ipa po no upe ni i mase turu kamo
逆言之狂言等可聞高山之石穂乃上爾君之臥有
oyodure no tapa koto to ka mo taka yama no ipa po no upe ni kimi ga koyas eru
石上振乃山有杉村乃思過倍吉君爾有名國
iswo no kami puru no yama n aru sugwi mura no omopi sugu be ki kimi ni ara naku ni
隠口能泊瀬山之山際爾伊佐夜歴雲者妹鴨有牟
komori ku no patuse no yama no yama no ma ni isaywopu kumo pa imo ni ka mo ara mu
山際従出雲兒等者霧有哉吉野山嶺霏霺
yama no ma yu idumo no kwo ra pa kwiri n are ya yosinwo no yama no mine ni tanabiku
栲角乃新羅國従人事乎吉跡所聞而問放流親族兄弟無國爾渡来座而大皇之敷座國爾内日指京思美弥爾里家者左波爾雖在何方爾念鷄目鴨都礼毛奈吉佐保乃山邊爾哭兒成慕来座而布細乃宅乎毛造荒玉乃年緒長久住乍座之物乎生者死云事爾不免物爾之有者憑有之人乃盡草枕客有間爾佐保河乎朝河渡春日野乎背向爾見乍足氷木乃山邊乎指而晩闇跡隠益去礼将言為便将為須敝不知爾徘徊直獨而白細之衣袖不干嘆乍吾泣涙有間山雲居軽引雨爾零寸八
takudunwo no sirakwi no kuni yu pito goto wo yo si to kika site twopi saku ru ugara paragara na ki kuni ni watari ki masite opo kimi no siki masu kuni ni utipi sasu miyakwo simimi ni satwo ipye pa sapa ni aredomo ika sama ni omopi kye me kamo ture mo na ki sapo no yama pye ni naku kwo nasu sitapi ki masite siki tape no ipye wo mo tukuri ara tama no tosi no wo naga ku sumapitutu imasi si mono wo ik yeru mono sinu to ipu koto ni manukare nu mono ni si areba tanom yeri si pito no kotogoto kusa makura tabi n aru potwo ni sapo gapa wo asa kapa watari kasuga nwo wo sogapi ni mitutu asi pikwi no yama pye wo sasite kurekure to kakuri masi nu re ipa mu subye se mu subye sira ni ta motopori tada pito ri site sirwo tape no koromo de posa zu nagekitutu wa ga naku namita arima yama kumo wi tanabiki ame ni puri ki ya
吾屋前爾花曽咲有其乎見杼情毛不行愛八師妹之有世婆水鴨成二人雙居手折而毛令見麻思物乎打蝉乃借有身在者露霜乃消去之如久足日木乃山道乎指而入日成隠去可婆曽許念爾胸己所痛言毛不得名付毛不知跡無世間爾有者将為須辨毛奈思
wa ga nipa ni pana so saki taru so wo miredo kokoro mo yuka zu pasikiyasi imo ga ari seba mi kamo nasu puta ri narabi wi ta worite mo mise masi mono wo utusemi no kar eru mwi nareba tuyu simo no ke nuru ga goto ku asi pikwi no yama di wo sasite iri pi nasu kakuri ni si kaba soko mopu ni mune koso itame ipi mo e zu na duke mo sira zu atwo mo na ki yo no naka ni areba se mu subye mo na si
離家伊麻須吾妹乎停不得山隠都礼情神毛奈思
ipye sakari imasu wagimo wo todome kane yama gakusi ture kokorodwo mo na si
佐保山爾多奈引霞毎見妹乎思出不泣日者無
sapo yama ni tanabiku kasumi miru gotoni imo wo omopi de naka nu pi pa na si
昔許曽外爾毛見之加吾妹子之奥槨常念者波之吉佐寳山
mukasi koso yoso ni mo mi sika wagimo kwo ga oku tu kwi to omopeba pasi ki sapo yama
挂巻母綾爾恐之言巻毛齊忌志伎可物吾王御子乃命萬代爾食賜麻思大日本久邇乃京者打靡春去奴礼婆山邊爾波花咲乎為里河湍爾波年魚小狭走弥日異榮時爾逆言之狂言登加聞白細爾舎人装束而和豆香山御輿立之而久堅乃天所知奴礼展轉埿打雖泣将為須便毛奈思
kake maku mo ayani kasikwo si ipa maku mo yuyu si ki kamo wa go opo kimi mi kwo no mikoto yorodu yo ni myesi tamapa masi opo yamato kuni no miyakwo pa uti nabiku paru sari nureba yama pye ni pa pana saki wowori kapa se ni pa ayu kwo sa basiri iya pi kyeni sakayuru toki ni oyodure no tapa koto to ka mo sirwo tape ni toneri yosopi te waduka yama mi kosi tata site pisakata no ame sira si nure koi marobi pidu ti nakedomo se mu subye mo na si
吾王天所知牟登不思者於保爾曽見谿流和豆香蘇麻山
wa go opo kimi ame sira sa mu to omopa neba obo ni so mi kyeru waduka swoma yama
足桧木乃山左倍光咲花乃散去如寸吾王香聞
asi pikwi no yama sape pikari saku pana no tiri nuru goto ki wa go opo kimi kamo
挂巻毛文爾恐之吾王皇子之命物乃負能八十伴男乎召集聚率比賜比朝猟爾鹿猪踐起暮猟爾鶉雉履立大御馬之口抑駐御心乎見為明米之活道山木立之繁爾咲花毛移爾家里世間者如此耳奈良之大夫之心振起劔刀腰爾取佩梓弓靭取負而天地与弥遠長爾万代爾如此毛欲得跡憑有之皇子乃御門乃五月蝿成驟驂舎人者白栲爾服取著而常有之咲比振麻比弥日異更經見者悲呂可聞
kake maku mo ayani kasikwo si wa go opo kimi mi kwo no mikoto no mononopu no ya swo tomo no wo wo myesi tudwope adomo pi tama pi asa gari ni sisi pumi okosi yupu gari ni tori pumi tate opomi ma no kuti osape tate mi kokoro wo myesi akira me si ikudi yama ko dati no sizi ni saku pana mo uturopi ni kyeri yo no naka pa kaku nomwi na rasi masura wo no kokoro puri okosi turugi tati kosi ni tori paki adusa yumi yuki tori opite ame tuti to iya topo naga ni yorodu yo ni kaku si mo ga mo to tanom yeri si mi kwo no mikadwo no sa bape nasu sawaku toneri pa sirwo tape ni koromo tori kite tune nari si wema pi puru mapi iya pi kyeni kaparapu mireba kanasi ki rokamo
白細之袖指可倍弖靡寐吾黒髪乃真白髪爾成極新世爾共将有跡玉緒乃不絶射妹跡結而石事者不果思有之心者不遂白妙之手本矣別丹杵火爾之家従裳出而緑兒乃哭乎毛置而朝霧髣髴為乍山代乃相樂山乃山際徃過奴礼婆将云為便将為便不知吾妹子跡左宿之妻屋爾朝庭出立偲夕爾波入居嘆會腋挾兒乃泣毎雄自毛能負見抱見朝鳥之啼耳哭管雖戀効矣無跡辞不問物爾波在跡吾妹子之入爾之山乎因鹿跡叙念
sirwo tape no swode sasi kapete nabiki nuru wa ga kurwo kami no ma sira ga ni nari na mu kipami arata yo ni tomo ni ara mu to tama no wo no tayezi i imo to musubi te si koto pa patasa zu omop yeri si kokoro pa toge zu sirwo tape no ta moto wo wakare nikibwi ni si ipye yu mo idete midorikwo no naku wo mo okite asa gwiri no obo ni naritutu yamasiro no saga raka yama no yama no ma ni yuki sugwi nureba ipa mu subye se mu subye sira ni wagimo kwo to sa ne si tuma ya ni asita ni pa ide tati sinwopi yupu pye ni pa iri wi nage kapi waki basamu kwo no naku gotoni wotokwo zimono opi mi udaki mi asa tori no ne nomwi naki tutu kwopuredomo sirusi wo na mi to koto twopa nu mono ni pa aredo wagimo kwo ga iri ni si yama wo yosu ka to so omopu
打背見乃世之事爾在者外爾見之山矣耶今者因香跡思波牟
utusemi no yo no koto ni areba yoso ni mi si yama wo ya ima pa yosu ka to omo pa mu
山羽爾味村驂去奈礼騰吾者左夫思恵君二四不在者
yama no pa ni adi mura sawaki yuku naredo ware pa sabusi we kimi ni si ara ne ba
淡海路乃鳥篭之山有不知哉川氣乃己呂其侶波戀乍裳将有
apumi di no tokwo no yama n aru isaya gapa ke no korogoro pa kwopwitutu mo ara mu
朝日影爾保敝流山爾照月乃不厭君乎山越爾置手
asa pi kage nipop yeru yama ni teru tukwi no aka zaru kimi wo yama gwosi ni oki te
未通女等之袖振山乃水垣之久時従憶寸吾者
wotomye ra ga swode puru yama no midu kaki no pisasi ki toki yu omopi ki ware pa
臣女乃匣爾乗有鏡成見津乃濱邊爾狭丹頬相紐解不離吾妹兒爾戀乍居者明晩乃旦霧隠鳴多頭乃哭耳之所哭吾戀流干重乃一隔母名草漏情毛有哉跡家當吾立見者青旗乃葛木山爾多奈引流白雲隠天佐我留夷乃國邊爾直向淡路乎過粟嶋乎背爾見管朝名寸二水手之音喚暮名寸二梶之聲為乍浪上乎五十行左具久美磐間乎射徃廻稲日都麻浦箕乎過而鳥自物魚津左比去者家乃嶋荒礒之宇倍爾打靡四時二生有莫告我奈騰可聞妹爾不告来二計謀
tawayamye no kusi ge ni nor eru kagami nasu mitu no pama pye ni sa ni turapu pimo toki sake zu wagimo kwo ni kwopwitutu woreba ake gure no asa kwiri gakuri naku tadu no ne nomwi si naka yu wa ga kwopu ru ti pye no pito pye mo nagusamoru kokoro mo ari ya to ipye no atari wa ga tati mireba awo pata no kadurakwi yama ni tanabik ye ru sira kumo gakuru ama sagaru pina no kuni pye ni tada mukapu apadi wo sugwi apasima wo sogapi ni mi tutu asa nagi ni kakwo no kowe ywobi yupu nagi ni kadi no to situtu nami no pe wo i yuki sagukumi ipa no ma wo i yuki motopori inabi tuma ura mwi wo sugwite tori zimono nadusapi yukeba ipye no sima no ariswo no upe ni uti nabiki sizi ni opwi taru nanoriso ga nado ka mo imo ni nora zu ki ni kye mu
吾背子者何處将行己津物隠之山乎今日歟超良武
wa ga sekwo pa iduku yuku ramu oku tu mono nabari no yama wo kyepu ka kwoyu ramu
春日野之山邊道乎於曽理無通之君我不所見許呂香聞
kasuga nwo no yama bye no miti wo osori na ku kaywopi si kimi ga mi ye nu koro kamo
天皇之行幸乃随意物部乃八十伴雄与出去之愛夫者天翔哉軽路従玉田次畝火乎見管麻裳吉木道爾入立真土山越良武公者黄葉乃散飛見乍親吾者不念草枕客乎便宜常思乍公将有跡安蘇々二破且者雖知之加須我仁黙然得不在者吾背子之徃乃萬々将追跡者千遍雖念手弱女吾身之有者道守之将問答乎言将遣為便乎不知跡立而爪衝
opo kimi no mi yuki no manima mononopu no ya swo tomonowo to ide yuki si utukusi tuma pa ama tobu ya karu no miti ywori tama ta suki unebwi wo mi tutu asamoyosi kwi di ni iri tati matuti yama kwoyu ramu kimi pa momiti ba no tiri tobu mitutu mutumasi mi ware pa omopa zu kusa makura tabi wo yorosi to omopitutu kimi pa ara mu to aswoswo ni pa katu pa siredomo sikasugani moda e ara neba wa ga sekwo ga yuki no manima ni opa mu to pa ti pye ni omopedo tawayamye no wa ga mwi ni si areba miti mori no twopa mu kotape wo ipi yara mu subye wo sira nito tatite tuma duku
後居而戀乍不有者木國乃妹背乃山爾有益物乎
okure wite kwopwitutu ara zupa kwi no kuni no imose no yama ni ara masi mono wo
山菅之實不成事乎吾爾所依言礼師君者与孰可宿良牟
yama suge no mwi nara nu koto wo ware ni yose ipa re si kimi pa tare to ka nu ramu
周防在磐國山乎将超日者手向好為与荒其道
supa ni aru ipakuni yama wo kwoye mu pi pa ta muke yo ku se yo ara si so no miti
此間在而筑紫也何處白雲乃棚引山之方西有良思
koko ni site tukusi ya iduku sira kumo no tanabiku yama no kata ni si aru rasi
従今者城山道者不樂牟吾将通常念之物乎
ima ywori pa kwi no yama miti pa sabusi kye mu wa ga kaywopa mu to omopi si mono wo
足引乃山爾生有菅根乃懃見巻欲君可聞
asipiki no yama ni opwi taru suga no ne no nemokoro mi maku posi ki kimi kamo
春日山朝立雲之不居日無見巻之欲寸君毛有鴨
kasuga yama asa tatu kumo no wi nu pi na ku mi maku no posi ki kimi ni mo aru kamo
白鳥能飛羽山松之待乍曽吾戀度此月比乎
sira tori no toba yama matu no matitutu so wa ga kwopwi wataru ko no tukwi goro wo
君爾戀痛毛為便無見楢山之小松之下爾立嘆鴨
kimi ni kwopwi ita mo subye na mi nara yama no kwo matu ga sita ni tati nageku kamo
従情毛吾者不念寸山河毛隔莫國如是戀常羽
kokoro yu mo wa pa mopa zari ki yama kapa mo pyedatara na ku ni kaku kwopwi mu to pa
網兒之山五百重隠有佐堤乃埼左手蝿師子之夢二四所見
agwo no yama i po pye kakus eru sade no saki sade pape si kwo ga ime ni si mi yuru
朝爾日爾色付山乃白雲之可思過君爾不有國
asa ni ke ni iro duku yama no sira kumo no omopi sugu be ki kimi ni ara na ku ni
足引之山橘乃色丹出与語言継而相事毛将有
asipiki no yama tatibana no iro ni ide yo katarapi tugite apu koto mo ara mu
月讀之光二来益足疾乃山寸隔而不遠國
tuku yomi no pikari ni ki mase asipiki no yama ki pyenarite topo kara na ku ni
春日山朝居雲乃欝不知人爾毛戀物香聞
kasuga yama asa wiru kumo no opoposi ku sira nu pito ni mo kwopuru mono kamo
青山乎横雲之灼然吾共咲為而人二所知名
awo yama wo yoko giru kumo no itisirwo ku ware to wema site pito ni sira yu na
海山毛隔莫國奈何鴨目言乎谷裳幾許乏寸
umi yama mo pyedatara na ku ni nani si ka mo me goto wo dani mo kokoda tomosi ki
足引乃山二四居者風流無三吾為類和射乎害目賜名
asipiki no yama ni si woreba miyabwi na mi wa ga su ru waza wo toga me tamapu na
春日山霞多奈引情具久照月夜爾獨鴨念
kasuga yama kasumi tanabiki kokoro gu ku ter eru tuku ywo ni pito ri ka mo ne mu
云々人者雖云若狭道乃後瀬山之後毛将會君
ka ni kaku ni pito pa ipu tomo wakasadi no notise no yama no noti mo apa mu kimi
後湍山後毛将相常念社可死物乎至今日毛生有
notise yama noti mo apa mu to omope koso sinu be ki mono wo kyepu made mo ik yere
白雲之多奈引山之高々二吾念妹乎将見因毛我母
sira kumo no tanabiku yama no takataka ni wa ga omopu imo wo mi mu yosi moga mo
一隔山重成物乎月夜好見門爾出立妹可将待
pito pye yama pyenar eru mono wo tuku ywo yo mi kadwo ni ide tati imo ka matu ramu
久堅之雨之落日乎直獨山邊爾居者欝有来
pisakata no ame no puru pi wo tada pito ri yama pye ni woreba ibuse kari kyeri
事出之者誰言爾有鹿小山田之苗代水乃中与杼爾四手
koto de si pa ta ga koto n aru ka wo yama da no napasiro midu no naka yodo nisite
板盖之黒木乃屋根者山近之明日取而持将参来
ita puki no kurwo kwi no yane pa yama tika si asu no pi torite moti mawiri ko mu
奥山之磐影爾生流菅根乃懃吾毛不相念有哉
oku yama no ipa kage ni opu ru suga no ne no nemokoro ware mo api mopa zare ya
大野山紀利多知和多流和何那宜久於伎蘇乃可是爾紀利多知和多流
oponwo yama kwiri tati wataru wa ga nageku ok iswo no kaze ni kwiri tati wataru
烏梅能波奈知良久波伊豆久志可須我爾許能紀能夜麻爾由企波布理都都
ume no pana tiraku pa iduku sikasugani ko no kwi no yama ni yuki pa puritutu
麻都良我多佐欲比売能故何比例布利斯夜麻能名乃尾夜伎伎都都遠良武
matura gata saywopimye no kwo ga pire puri si yama no na nomwi ya kikitutu wora mu
得保都必等麻通良佐用比米都麻胡非爾比例布利之用利於返流夜麻能奈
topo tu pito matura saywopimye tuma gwopwi ni pire puri si ywori op yeru yama no na
夜麻能奈等伊賓都夏等可母佐用比売何許能野麻能閇仁必例遠布利家牟
yama no na to ipi tugye to ka mo saywopimye ga ko no yama no pe ni pire wo puri kye mu
比等母祢能宇良夫禮遠留爾多都多夜麻美麻知可豆加婆和周良志奈牟迦
pito mone no urabure woru ni tatuta yama mi ma tika dukaba wasura si na mu ka
於登爾吉岐目爾波伊麻太見受佐容比売我必礼布理伎等敷吉民萬通良楊満
oto ni kiki me ni pa imada mi zu saywopimye ga pire puri ki to pu kimi matura yama
宇知比佐受宮弊能保留等多羅知斯夜波波何手波奈例常斯良奴國乃意久迦袁百重山越弖須疑由伎伊都斯可母京師乎美武等意母比都都迦多良比遠礼騰意乃何身志伊多波斯計礼婆玉桙乃道乃久麻尾爾久佐太袁利志婆刀利志伎提等許自母能宇知許伊布志提意母比都都奈宜伎布勢良久國爾阿良婆父刀利美麻之家爾阿良婆母刀利美麻之世間波迦久乃尾奈良志伊奴時母能道爾布斯弖夜伊能知周疑南
utipi sazu miya pye noboru to taratisi ya papa ga te panare tune sira nu kuni no okuka wo momo pye yama kwoye te sugwi yuki itu si ka mo miyakwo wo mi mu to omopitutu katarapi woredo ono ga mwi si itapasi kyereba tama poko no miti no kuma mwi ni kusa ta wori siba twori sikite toko zimono uti koi pusite omopitutu nageki pus eraku kuni ni araba titi twori mi masi ipye ni araba papa twori mi masi yo no naka pa kaku nomwi na rasi inu zimono miti ni pusite ya inoti sugwi na mu
宇知比佐受宮弊能保留等多羅知斯夜波波何手波奈例常斯良奴國乃意久迦袁百重山越弖須疑由伎伊都斯可母京師乎美武等意母比都都迦多良比遠礼騰意乃何身志伊多波斯計礼婆玉桙乃道乃久麻尾爾久佐太袁利志婆刀利志伎提等許自母能宇知許伊布志提意母比都都奈宜伎布勢良久國爾阿良婆父刀利美麻之家爾阿良婆母刀利美麻之世間波迦久乃尾奈良志伊奴時母能道爾布斯弖夜和何余須疑奈牟
utipi sazu miya pye noboru to taratisi ya papa ga te panare tune sira nu kuni no okuka wo momo pye yama kwoye te sugwi yuki itu si ka mo miyakwo wo mi mu to omopitutu katarapi woredo ono ga mwi si itapasi kyereba tama poko no miti no kuma mwi ni kusa ta wori siba twori sikite toko zimono uti koi pusite omopitutu nageki pus eraku kuni ni araba titi twori mi masi ipye ni araba papa twori mi masi yo no naka pa kaku nomwi na rasi inu zimono miti ni pusite ya wa ga yo sugwi na mu
瀧上之御舟乃山爾水枝指四時爾生有刀我乃樹能弥継嗣爾萬代如是二二知三三芳野之蜻蛉乃宮者神柄香貴将有國柄鹿見欲将有山川乎清々諾之神従定家良思母
taginoupe no mipune no yama ni midu ye sasi sizi ni opwi taru twoga no kwi no iya tugi tugi ni yorodu yo ni kaku si sira sa mu mi yosinwo no akidu no miya pa kamu kara ka taputwo ku aru ramu kuni kara ka mi ga posi ku a ramu yama kapa wo kiywo mi sayake mi ube si kamu yo yu sadame kye rasi mo
山高三白木綿花落多藝追瀧之河内者雖見不飽香聞
yama taka mi sira yupu bana ni oti tagitu taki no kaputi pa miredo aka nu kamo
味凍綾丹乏敷鳴神乃音耳聞師三芳野之真木立山湯見降者川之瀬毎開来者朝霧立夕去者川津鳴奈拝紐不解客爾之有者吾耳為而清川原乎見良久之惜蒙
umakori ayani tomo si ku naru kamwi no oto nomwi kiki si mi yosinwo no ma kwi tatu yama yu mi oroseba kapa no se gotoni ake kureba asa gwiri tati yupu sareba kapadu naku nabe pimo toka nu tabi ni si areba wa nomwi site kiywo ki kapara wo mi raku si wosi mo
瀧上乃三船之山者雖畏思忘時毛日毛無
taginoupe no mipune no yama pa kasikwo kyedo omopi wasururu toki mo pi mo na si
安見知之和期大王之常宮等仕奉流左日鹿野由背匕爾所見奥嶋清波瀲爾風吹者白浪左和伎潮干者玉藻苅管神代従然曽尊吉玉津嶋夜麻
yasumisisi wa go opo kimi no toko miya to tukape matur e ru sa pika nwo yu so ga pi ni mi yuru oki tu sima kiywo ki nagisa ni kaze pukeba sira nami sawaki sipo pureba tama mo kari tutu kamu yo ywori sika so taputwo ki tamatusima yama
足引之御山毛清落多藝都芳野河之河瀬乃浄乎見者上邊者千鳥數鳴下邊者河津都麻喚百礒城乃大宮人毛越乞爾思自仁思有者毎見文丹乏玉葛絶事無萬代爾如是霜願跡天地之神乎曽祷恐有等毛
asipiki no mi yama mo saya ni oti tagitu yosinwo no kapa no kapa no se no kiywo ki wo mireba kami bye ni pa ti dori siba naki simo bye ni pa kapadu tuma ywobu momo sikwi no opo miya pito mo woti koti ni sizi ni si areba miru gotoni ayani tomosi mi tama kadura tayuru koto na ku yorodu yo ni kaku si moga mo to ame tuti no kamwi wo so inoru kasikwo kare domo
八隅知之和期大王乃高知為芳野宮者立名附青垣隠河次乃清河内曽春部者花咲乎遠里秋去者霧立渡其山之弥益々爾此河之絶事無百石木能大宮人者常将通
yasumisisi wa go opo kimi no taka sira su yosinwo no miya pa tatanaduku awo kaki gomori kapa nami no kiywo ki kaputi so paru bye pa pana saki wowori aki sareba kwiri tati wataru so no yama no iya masumasu ni ko no kapa no tayuru koto na ku momo sikwi no opo miya pito pa tune ni kaywopa mu
三吉野乃象山際乃木末爾波幾許毛散和口鳥之聲可聞
mi yosinwo no kisa yama no ma no konure ni pa kokoda mo sawaku tori no kowe kamo
安見知之和期大王波見吉野乃飽津之小野笶野上者跡見居置而御山者射目立渡朝猟爾十六履起之夕狩爾十里蹋立馬並而御猟曽立為春之茂野爾
yasumisisi wa go opo kimi pa mi yosinwo no akidu no wo nwo no nwo no pe ni pa tomi suwe okite mi yama ni pa ime tate watasi asa gari ni sisi pumi okosi yupu gari ni tori pumi tate uma namete mi kari so tata su paru no sige nwo ni
足引之山毛野毛御猟人得物矢手挟散動而有所見
asipiki no yama ni mo nwo ni mo mi kari pito satu ya ta basami sawaki tari miyu
味澤相妹目不數見而敷細乃枕毛不巻櫻皮纒作流舟二真梶貫吾榜来者淡路乃野嶋毛過伊奈美嬬辛荷乃嶋之嶋際従吾宅乎見者青山乃曽許十方不見白雲毛千重爾成来沼許伎多武流浦乃盡徃隠嶋乃埼々隈毛不置憶曽吾来客乃氣長弥
adisapapu imo ga mekarete siki tape no makura mo maka zu kanipa maki tukur e ru pune ni ma kadi nuki wa ga kogi kureba apadi no nwosima mo sugwi inami tuma karani no sima no sima no ma yu wagipye wo mireba awo yama no soko to mo mi ye zu sira kumo mo ti pye ni nari ki nu kogi tamuru ura no kotogoto yuki kakuru sima no saki zaki kuma mo oka zu omopi so wa ga kuru tabi no ke naga mi
真葛延春日之山者打靡春去徃跡山上丹霞田名引高圓爾鴬鳴沼物部乃八十友能壮者折木四哭之来継比日如此續常丹有脊者友名目而遊物尾馬名目而徃益里乎待難丹吾為春乎决巻毛綾爾恐言巻毛湯々敷有跡豫兼而知者千鳥鳴其佐保川丹石二生菅根取而之努布草解除而益乎徃水丹潔而益乎天皇之御命恐百礒城之大宮人之玉桙之道毛不出戀比日
ma kuzu papu kasuga no yama pa uti nabiku paru sari yuku to yama no pe ni kasumi tanabiki takamatwo ni ugupisu naki nu mononopu no ya swo tomo no wo pa kari ga ne no ki tugu ko no koro kaku tugite tune ni ari se ba tomo namete aswoba mu mono wo uma namete yuka masi satwo wo mati gate ni wa ga se si paru wo kake maku mo ayani kasikwo si ipa maku mo yuyusi ku ara mu to arakazime kanete siri seba ti dori naku so no sapo gapa ni ipa ni opuru suga no ne torite sinwopu kusa parape te masi wo yuku midu ni misogi te masi wo opo kimi no mikoto kasikwo mi momo sikwi no opo miya pito no tama poko no miti ni mo ide zu kwopuru ko no koro
大王之界賜跡山守居守云山爾不入者不止
opo kimi no sakapi tamapu to yama mori suwe moru to ipu yama ni ira zupa yamazi
竿壮鹿之鳴奈流山乎越将去日谷八君當不相将有
sa wo sika no naku naru yama wo kwoye yuka mu pi dani ya kimi ni pata apa zara mu
刺竹之大宮人乃家跡住佐保能山乎者思哉毛君
sasutake no opo miya pito no ipye to sumu sapo no yama woba omopu ya mo kimi
奥山之磐爾蘿生恐毛問賜鴨念不堪國
oku yama no ipa ni koke musi kasikwo ku mo twopi tamapu kamo omopi ape na ku ni
大汝小彦名能神社者名著始鷄目名耳乎名兒山跡負而吾戀之干重之一重裳奈具佐米七國
opo namuti sukuna pikwo na no kamwi kosoba na duke some kye me na nomwi wo nagwo yama to opite wa ga kwopwi no ti pye no pito pye mo nagusame naku ni
白雲乃龍田山乃露霜爾色附時丹打超而客行公者五百隔山伊去割見賊守筑紫爾至山乃曽伎野之衣寸見世常伴部乎班遣之山彦乃将應極谷潜乃狭渡極國方乎見之賜而冬木成春去行者飛鳥乃早御来龍田道之岳邊乃路爾丹管土乃将薫時能櫻花将開時爾山多頭能迎参出六公之来益者
sira kumo no tatuta no yama no tuyu simo ni iro duku toki ni uti kwoyete tabi yuku kimi pa i po pye yama i yuki sakumi ata mamoru tukusi ni itari yama no soki nwo no soki mi yo to tomo no bye wo akati tukapa si yama bikwo no kotape mu kipami taniguku no sa wataru kipami kuni kata wo mye si tamapite puyu gomori paru sari yukaba tobu tori no paya ku ki masane tatuta di no woka pye no miti ni nitutuzi no nipopa mu toki no sakura bana saki na mu toki ni yama tadu no mukape mawi de mu kimi ga ki masa ba
雨隠三笠乃山乎高御香裳月乃不出来夜者更降管
ama gomori mikasa no yama wo taka mi ka mo tukwi no ide ko nu ywo pa kutati tutu
猟高乃高圓山乎高弥鴨出来月乃遅将光
karitaka no takamatwo yama wo taka mi ka mo ide kuru tukwi no oso ku teru ramu
山葉左佐良榎壮子天原門度光見良久之好藻
yama no pa no sasara ye wotokwo ama no para two wataru pikari mi raku si yo si mo
待難爾余為月者妹之著三笠山爾隠而有来
mati gate ni wa ga suru tukwi pa imo ga kiru mikasa no yama ni komorite ari kyeri
如眉雲居爾所見阿波乃山懸而榜舟泊不知毛
maywo no goto kumo wi ni mi yuru apa no yama kakete kogu pune tomari sira zu mo
八隅知之我大王之見給芳野宮者山高雲曽軽引河速弥湍之聲曽清寸神佐備而見者貴久宜名倍見者清之此山乃盡者耳社此河乃絶者耳社百師紀能大宮所止時裳有目
yasumisisi wa go opo kimi no myesi tamapu yosinwo no miya pa yama taka mi kumo so tanabiku kapa paya mi se no oto so kiywo ki kamu sabwite mireba taputwo ku yorosi nape mireba sayake si ko no yama no tukwiba nomwi koso ko no kapa no tayeba nomwi koso momo sikwi no opo miya tokoro yamu toki mo ara me
自神代芳野宮爾蟻通高所知者山河乎吉三
kamu yo ywori yosinwo no miya ni ari gaywopi taka sira s eru pa yama kapa wo yo mi
山之葉爾不知世經月乃将出香常我待君之夜者更降管
yama no pa ni isaywopu tukwi no ide mu ka to wa ga matu kimi ga ywo pa kutati tutu
奥山之真木葉凌零雪乃零者雖益地爾落目八方
oku yama no ma kwi no pa sinwogi puru yuki no puri pa masu tomo tuti ni oti me ya mo
木綿疊手向乃山乎今日越而何野邊爾廬将為吾等
yupu tatami tamuke no yama wo kyepu kwoyete idure no nwo pye ni ipori se mu ware
石上振乃尊者弱女乃或爾縁而馬自物縄取附肉自物弓笶圍而王命恐天離夷部爾退古衣又打山従還来奴香聞
iswo no kami puru no mikoto pa tawayamye no matwopi ni yorite uma zimono napa tori tuke sisi zi mono yumi ya kakumite opo kimi no mikoto kasikwo mi ama zakaru pina bye ni makaru puru koromo matuti no yama yu kapyeri ko nu kamo
大夫之高圓山爾迫有者里爾下来流牟射佐毗曽此
masura wo no takamatwo yama ni seme tareba satwo ni ori kye ru muzasabi so kore
今造久邇乃王都者山河之清見者宇倍所知良之
ima tukuru kuni no miyakwo pa yama kapa no sayake ki mireba ube sira su rasi
故郷者遠毛不有一重山越我可良爾念曽吾世思
puru satwo pa topo ku mo ara zu pito pye yama kwoyuru ga kara ni omopi so wa ga se si
吾背子與二人之居者山高里爾者月波不曜十方余思
wa ga sekwo to puta ri si woreba yama taka mi satwo ni pa tukwi pa tera zu tomo yo si
八隅知之吾大王乃高敷為日本國者皇祖乃神之御代自敷座流國爾之有者阿礼将座御子之嗣継天下所知座跡八百萬千年矣兼而定家牟平城京師者炎乃春爾之成者春日山御笠之野邊爾櫻花木晩牢皃鳥者間無數鳴露霜乃秋去来者射駒山飛火賀㟴丹芽乃枝乎石辛見散之狭男壮鹿者妻呼令動山見者山裳見皃石里見者里裳住吉物負之八十伴緒乃打經而思煎敷者天地乃依會限萬世丹榮将徃迹思煎石大宮尚矣恃有之名良乃京矣新世乃事爾之有者皇之引乃真爾真荷春花乃遷日易村鳥乃旦立徃者刺竹之大宮人能踏平之通之道者馬裳不行人裳徃莫者荒爾異類香聞
yasumisisi wa go opo kimi no taka sika su yamato no kuni pa sumyeroki no kamwi no mi yo ywori siki mas e ru kuni ni si areba are masa mu mi kwo no tugi tugi ame no sita sira si imase to ya po yorodu ti tose wo kanete sadame kye mu nara no miyakwo pa kagirwopwi no paru ni si nareba kasuga yama mikasa no nwo pye ni sakura bana ko no kure komori kapo dori pa ma na ku siba naku tuyu simo no aki sari kureba ikwoma yama tobupwi ga take ni pagwi no ye wo sigarami tirasi sa wo sika pa tuma ywobi toyomu yama mireba yama mo mi gaposi satwo mireba satwo mo sumi yo si mononopu no ya swo tomo no wo no uti papete omop ye ri siku pa ame tuti no yoriapi no kagiri yorodu yo ni sakaye yuka mu to omop yeri si opo miya sura wo tanom yeri si nara no miyakwo wo arata yo no koto ni si areba opo kimi no piki no manima ni paru pana no uturo pi kapari mura tori no asa dati yukeba sasutake no opo miya pito no pumi nara si kaywopi si miti pa uma mo yuka zu pito mo yuka neba are ni kyeru kamo
明津神吾皇之天下八嶋之中爾國者霜多雖有里者霜澤爾雖有山並之宜國跡川次之立合郷跡山代乃鹿脊山際爾宮柱太敷奉高知為布當乃宮者河近見湍音叙清山近見鳥賀鳴慟秋去者山裳動響爾左男鹿者妻呼令響春去者岡邊裳繁爾巌者花開乎呼理痛怜布當乃原甚貴大宮處諾己曽吾大王者君之随所聞賜而刺竹乃大宮此跡定異等霜
aki tu kamwi wa go opo kimi no ame no sita ya sima no uti ni kuni pa si mo sapa ni aredomo satwo pa si mo sapa ni aredomo yama nami no yorosi ki kuni to kapa nami no tati apu satwo to yamasiro no kase yama no ma ni miya basira putwo siki maturi taka sira su putagi no miya pa kapa tika mi se no oto zo kiywo ki yama tika mi tori ga ne toyomu aki sareba yama mo todoro ni sa wo sika pa tuma ywobi toyome paru sareba woka pye mo sizi ni ipapo ni pa pana saki wowori ana omosirwo putagi no para ito taputwo opo miya tokoro ube si koso wa go opo kimi pa kimi nagara kika si tamapite sasutake no opo miya koko to sadame kye rasi mo
山高来川乃湍清石百世左右神之味将徃大宮所
yama taka ku kapa no se kiywo si momo yo made kamu simwi yuka mu opo miya tokoro
吾皇神乃命乃高所知布當乃宮者百樹成山者木高之落多藝都湍音毛清之鴬乃来鳴春部者巌者山下耀錦成花咲乎呼里左壮鹿乃妻呼秋者天霧合之具礼乎疾狭丹頬歴黄葉散乍八千年爾安礼衝之乍天下所知食跡百代爾母不可易大宮處
wa go opo kimi kamwi no mikoto no taka sira su putagi no miya pa momo kwi mo ku yama pa ko daka si oti tagitu se no oto mo kiywo si ugupisu no ki naku paru bye pa ipapo ni pa yama sita pikari nisiki nasu pana saki wowori sa wo sika no tuma ywobu aki pa ama gwir apu sigure wo ita mi sa ni turapu momiti tiritutu ya ti tose ni are tuga si tutu ame no sita sira si myesa mu to momo yo ni mo kaparu masizi ki opo miya tokoro
布當山山並見者百代爾毛不可易大宮處
putagi yama yama nami mireba momo yo ni mo kaparu masizi ki opo miya tokoro
𡢳嬬等之續麻繁云鹿脊之山時之徃者京師跡成宿
wotomye ra ga umi wo kaku to ipu kase no yama toki no yuk yereba miyakwo to nari nu
鹿脊之山樹立矣繁三朝不去寸鳴響為鴬之音
kase no yama ko dati wo sige mi asa sara zu ki naki toyomo su ugupisu no kowe
三香原久邇乃京師者山高河之瀬清在吉迹人者雖云在吉跡吾者雖念故去之里爾四有者國見跡人毛不通里見者家裳荒有波之異耶如此在家留可三諸著鹿脊山際爾開花之色目列敷百鳥之音名束敷在杲石住吉里乃荒樂苦惜哭
mika no para kuni no miyakwo pa yama taka mi kapa no se kiywo mi sumi yo si to pito pa ipedomo ari yo si to ware pa omopedo puri ni si satwo ni si areba kuni mire do pito mo kaywopa zu satwo mireba ipye mo are tari pasikiyasi kaku ari kyeru ka mi moro tuku kase yama no ma ni saku pana no iro medurasi ku momo tori no kowe natukasi ku ari gaposi sumi yo ki satwo no aru raku wosi mo
山末爾不知夜歴月乎将出香登待乍居爾夜曽降家類
yama no pa ni isaywopu tukwi wo ide mu ka to matitutu woru ni ywo so kutati kyeru
春日山押而照有此月者妹之庭母清有家里
kasuga yama osite teras eru ko no tukwi pa imo ga nipa ni mo sayake kari kyeri
夜干玉之夜渡月乎将留爾西山邊爾塞毛有粳毛
nubatama no ywo wataru tukwi wo todome mu ni nisi no yama pye ni seki mo ara nu kamo
山末爾不知夜經月乎何時母吾待将座夜者深去乍
yama no pa ni isaywopu tukwi wo itu to ka mo wa pa mati wora mu ywo pa puke ni tutu
足引之山河之瀬之響苗爾弓月高雲立渡
asipiki no yama gapa no se no naru nabe ni yutukwi ga take ni kumo tati wataru
動神之音耳聞巻向之桧原山乎今日見鶴鴨
naru kamwi no oto nomwi kiki si makimuku no pi para no yama wo kyepu mi turu kamo
三毛侶之其山奈美爾兒等手乎巻向山者継之宜霜
mimoro no so no yama nami ni kwo ra ga te wo makimuku yama pa tugi no yorosi mo
我衣色取染味酒三室山黄葉為在
wa ga koromo iro dori some mu uma sake mimuro no yama pa momiti si ni kyeri
三諸就三輪山見者隠口乃始瀬之桧原所念鴨
mi moro tuku miwa yama mireba komori ku no patuse no pi para omopoyuru kamo
昔者之事波不知乎我見而毛久成奴天之香具山
inisipye no koto pa sira nu wo ware mite mo pisasi ku nari nu ama no kagu yama
吾勢子乎乞許世山登人者雖云君毛不来益山之名爾有之
wa ga se kwo wo koti kose yama to pito pa ipedo kimi mo ki masa zu yama no na ni a ra si
木道爾社妹山在云玉櫛上二上山母妹許曽有来
kwi di ni koso imo yama ari to ipe tama kusige putagami yama mo imo koso ari kyere
大王之御笠山之帶爾為流細谷川之音乃清也
opo kimi no mikasa no yama no obi ni s e ru poso tani gapa no oto no sayake sa
山際爾渡秋沙乃行将居其河瀬爾浪立勿湯目
yama no ma ni wataru akisa no yukite wi mu so no kapa no se ni nami tatu na yume
清湍爾千鳥妻喚山際爾霞立良武甘南備乃里
kiywo ki se ni ti dori tuma ywobi yama no ma ni kasumi tatu ramu kamunabwi no satwo
神左振磐根己凝敷三芳野之水分山乎見者悲毛
kamu saburu ipane kogosi ki mi yosinwo no mikumari yama wo mireba kanasi mo
皆人之戀三芳野今日見者諾母戀来山川清見
mwinapito no kwopuru mi yosinwo kyepu mireba ube mo kwopwi kyeri yama kapa kiywo mi
志長鳥居名野乎来者有間山夕霧立宿者無而
sinaga dori wina nwo wo kureba arima yama yupu gwiri tati nu yadori pa na kute
佐左浪乃連庫山爾雲居者雨會零智否反来吾背
sasa nami no namikura yama ni kumo wireba ame so puru t ipu kapyeri ko wa ga se
朝霞不止軽引龍田山船出将為日吾将戀香聞
asa kasumi yama zu tanabiku tatuta yama puna de se mu pi ni ware kwopwi mu kamo
山超而遠津之濱之石管自迄吾来含而有待
yama kwoyete topotu no pama no ipa tutuzi wa ga kuru made ni pupumite ari mate
白栲爾丹保布信土之山川爾吾馬難家戀良下
sirwo tape ni nipopu matuti no yama gapa ni wa ga uma nadumu ipye kwopu rasi mo
勢能山爾直向妹之山事聴屋毛打橋渡
se no yama ni tada ni mukap yeru imo no yama koto yuruse ya mo uti pasi watasu
麻衣著者夏樫木國之妹背之山二麻蒔吾妹
asa goromo k yereba natukasi kwi no kuni no imose no yama ni asa maku wagimo
妹爾戀余越去者勢能山之妹爾不戀而有之乏左
imo ni kwopwi wa ga kwoye yukeba se no yama no imo ni kwopwi zute aru ga tomosi sa
人在者母之最愛子曽麻毛吉木川邊之妹与背山
pito naraba papa ga managwo so asamoyosi kwi no kapa no pye no imo to se no yama
吾妹子爾吾戀行者乏雲並居鴨妹与勢能山
wagimo kwo ni wa ga kwopwi yukeba tomosi ku mo narabi woru kamo imo to se no yama
足代過而絲鹿乃山之櫻花不散在南還来万代
ate sugwite itoka no yama no sakura bana tira zu ara namu kapyeri kuru made
名草山事西在来吾戀千重一重名草目名國
nagusa yama koto ni si ari kyeri wa ga kwopwi no ti pye no pito pye mo nagusame naku ni
安太部去小為手乃山之真木葉毛久不見者蘿生爾家里
ada pye yuku wosute no yama no makwi no pa mo pisasi ku mi neba koke musi ni kyeri
大葉山霞蒙狭夜深而吾船将泊停不知文
opoba yama kasumi tanabiki sa ywo pukete wa ga pune pate mu tomari sira zu mo
珠匣見諸戸山矣行之鹿齒面白四手古昔所念
tama kusige mimorotwo yama wo yuki sikaba omosirwo ku site inisipye omopoyu
黒玉之玄髪山乎朝越而山下露爾沾来鴨
nubatama no kurwokami yama wo asa kwoyete yama sita tuyu ni nure ni kyeru kamo
足引之山行暮宿借者妹立待而宿将借鴨
asipiki no yama yuki kurasi yadwo karaba imo tati matite yadwo kasa mu kamo
未通女等之放髪乎木綿山雲莫蒙家當将見
wotomye ra ga panari no kami wo yupu no yama kumo na tanabiki ipye no atari mi mu
之加乃白水郎之燒塩煙風乎疾立者不上山爾軽引
sika no ama no sipo yaku keburi kaze wo ita mi tati pa nobora zu yama ni tanabiku
大穴道少御神作妹勢能山見吉
oponamuti sukuna mi kamwi no tukura si si imo se no yama wo miraku si yo si mo
妹為菅實採行吾山路惑此日暮
imo ga tame suga no mwi tori ni yuki si ware pa yama di ni matwopi ko no pi kurasi tu
佐伯山于花以之哀我手鴛取而者花散鞆
sapeki yama u no pana mot eru kanasi ki ga te wo si tori teba pana pa tiru tomo
山守之里邊通山道曽茂成来忘来下
yama mori no satwo pye ni kaywopu yama miti so sige ku nari kyeru wasure kye rasi mo
足病之山海石榴開八峯越鹿待君之伊波比嬬可聞
asipikwi no yama tubaki saku ya tu wo kwoye sisi matu kimi ga ipapi duma kamo
兒等手乎巻向山者常在常過徃人爾徃巻目八方
kwo ra ga te wo makimuku yama pa tune ni are do sugwi ni si pito ni yuki maka me ya mo
巻向之山邊響而徃水之三名沫如世人吾等者
makimuku no yama pye toyomite yuku midu no minawa no goto si yo no pito ware pa
隠口乃泊瀬之山丹照月者盈ti為焉人之常無
komori ku no patuse no yama ni teru tukwi pa miti kake si kyeri pito no tune na ki
橋立倉椅山立白雲見欲我為苗立白雲
pasi tate no kurapasi yama ni tat eru sira kumo mi maku pori wa ga suru nabeni tat eru sira kumo
垣越犬召越鳥猟為公青山葉茂山邊馬安公
kaki kwoyuru inu ywobi kwosite to gari suru kimi awo yama no sige ki yama pye ni uma yasumye kimi
朝月日向山月立所見遠妻持在人看乍偲
asa duku pi mukapi no yama ni tukwi tat eri miyu topo duma wo moti taru pito si mitutu sinwopa mu
春日在三笠乃山二月船出遊士之飲酒坏爾陰爾所見管
kasuga n aru mikasa no yama ni tukwi no pune idu miyabwi wo no nomu sakaduki ni kage ni mi ye tutu
天雲棚引山隠在吾下心木葉知
ama kumo no tanabiku yama no komori taru wa ga sita gokoro ko no pa siru ramu
雖見不飽人國山木葉己心名著念
miredo aka nu pito kuni yama no ko no pa wo so ono ga kokoro ni natukasi mi omopu
是山黄葉下花矣我小端見反戀
ko no yama no momiti no sita no pana wo wa ga patupatuni mite napo kwopwi ni kyeri
南淵之細川山立檀弓束纒及人二不所知
minabuti no posokapa yama ni tatu mayumi yuduka maku made pito ni sira yezi
磐疊恐山常知管毛吾者戀香同等不有爾
ipa tatami kasikwo ki yama to siri tutu mo ware pa kwopuru ka nami nara naku ni
石金之凝敷山爾入始而山名付染出不勝鴨
ipa ga ne no kogosi ki yama ni iri somete yama natukasi mi ide kate nu kamo
佐穂山乎於凡爾見之鹿跡今見者山夏香思母風吹莫勤
sapo yama wo obo ni mi sikado ima mireba yama natukasi mo kaze puku na yume
奥山之於石蘿生恐常思情乎何如裳勢武
oku yama no ipa ni koke musi kasikwo kye do omopu kokoro wo ika ni ka mo se mu
思賸痛文為便無玉手次雲飛山仁吾印結
omopi amari ita mo subye na mi tama ta suki une bwi no yama ni ware pa sime yupu
紫絲乎曽吾搓足桧之山橘乎将貫跡念而
murasaki no ito wo so wa ga yoru asipiki no yama tatibana wo nuka mu to omopite
山高夕日隠奴淺茅原後見多米爾標結申尾
yama taka mi yupu pi kakuri nu asa di para noti mi mu tame ni sime yupa masi wo
常不人國山乃秋津野乃垣津幡鴛夢見鴨
tune nara nu pito kuni yama no akidu nwo no kakitupata wo si ime ni miru kamo
於君似草登見従我標之野山之淺茅人莫苅根
kimi ni niru kusa to mi si ywori wa ga sime si nwo yama no asa di pito na kari so ne
氣緒爾念有吾乎山治左能花爾香公之移奴良武
iki no wo ni omop yeru ware wo yama disa no pana ni ka kimi ga uturopi nu ramu
三國山木末爾住歴武佐左妣乃此待鳥如吾俟将痩
mikuni yama konure ni sumapu musasabi no tori matu goto ku ware mati yase mu
春日山々高有良之石上菅根将見爾月待難
kasuga yama yama taka ka rasi ipa no pe no suga no ne mi mu ni tukwi mati gata ki
名毛伎世婆人可知見山川之瀧情乎塞敢而有鴨
nageki seba pito siri nu be mi yama gapa no tagitu kokoro wo seki apete aru kamo
隠口乃泊瀬山爾霞立棚引雲者妹爾鴨在武
komori ku no patuse no yama ni kasumi tati tanabiku kumo pa imo ni ka mo ara mu
狂語香逆言哉隠口乃泊瀬山爾廬為云
tapa koto ka oyodure koto ka komori ku no patuse no yama ni ipori s eri to ipu
秋山黄葉a怜浦觸而入西妹者待不来
aki yama no momiti aparebi urabure te iri ni si imo pa matedo ki masa zu
玉梓能妹者珠氈足氷木乃清山邊蒔散染
tamadusa no imo pa tama kamo asi pikwi no kiywo ki yama pye ni makeba tiri nuru
玉梓之妹者花可毛足日木乃此山影爾麻氣者失留
tamadusa no imo pa pana kamo asi pikwi no ko no yama kage ni makeba use nuru
春山之開乃乎為里爾春菜採妹之白紐見九四与四門
paru yama no saki no wowori ni waka na tumu imo ga sira pimo mira ku si yo si mo
打靡春来良之山際遠木末乃開徃見者
uti nabiku paru ki taru rasi yama no ma no topo ki konure no saki yuku mireba
足比奇乃山櫻花日並而如是開有者甚戀目夜裳
asi pikwi no yama sakura bana pi narabete kaku saki taraba ita ku kwopwi me ya mo
忍照難波乎過而打靡草香乃山乎暮晩爾吾越来者山毛世爾咲有馬酔木乃不悪君乎何時徃而早将見
osi teru nanipa wo sugwite uti nabiku kusaka no yama wo yupu gure ni wa ga kwoye kureba yama mo se ni sak yeru asibi no niku kara nu kimi wo itu si ka yukite paya mi mu
河津鳴甘南備河爾陰所見而今香開良武山振乃花
kapadu naku kamunabwi kapa ni kage mi yete ima ka saku ramu yama buki no pana
霞立春日之里梅花山下風爾落許須莫湯目
kasumi tatu kasuga no satwo no ume no pana yama no arasi ni tiri kosu na yume
時者今者春爾成跡三雪零遠山邊爾霞多奈婢久
toki pa ima pa paru ni nari nu to mi yuki puru topo ki yama pye ni kasumi tanabiku
春雨乃敷布零爾高圓山能櫻者何如有良武
paru same no sikusiku puru ni takamatwo no yama no sakura pa ika ni ka aru ramu
山振之咲有野邊乃都保須美礼此春之雨爾盛奈里鶏利
yama buki no saki taru nwo pye no tubosumire ko no paru no ame ni sakari nari kyeri
水鳥之鴨乃羽色乃春山乃於保束無毛所念可聞
midu tori no kamo no pa no iro no paru yama no obotukana ku mo omopoyuru kamo
春霞軽引山乃隔者妹爾不相而月曽經去来
paru kasumi tanabiku yama no pyenar ereba imo ni apa zute tukwi so pe ni kyeru
足引之山霍公鳥汝鳴者家有妹常所思
asipiki no yama pototogisu na ga nakeba ipye n aru imo si tune ni omopoyu
物部乃石瀬之社乃霍公鳥今毛鳴奴香山之常影爾
mononopu no ipase no mori no pototogisu ima mo naka nu ka yama no to kage ni
今毛可聞大城乃山爾霍公鳥鳴令響良武吾無礼杼毛
ima mo ka mo opokwi no yama ni pototogisu naki toyomu ramu ware na kye redo mo
宇能花毛未開者霍公鳥佐保乃山邊来鳴令響
u no pana mo imada saka neba pototogisu sapo no yama pye ni ki naki toyomosu
夏山之木末乃繁爾霍公鳥鳴響奈流聲之遥佐
natu yama no konure no sige ni pototogisu naki toyomu naru kowe no paruke sa
筑波根爾吾行利世波霍公鳥山妣兒令響鳴麻志也其
tukupa ne ni wa ga yuk ye ri seba pototogisu yama bikwo toyome naka masi ya sore
暮去者小倉乃山爾鳴鹿者今夜波不鳴寐宿家良思母
yupu sareba wogura no yama ni naku sika pa ko yopi pa naka zu i ne ni kye rasi mo
今朝之旦開鴈之鳴聞都春日山黄葉家良思吾情痛之
kyesa no asake kari ga ne kiki tu kasuga yama momiti ni kye rasi wa ga kokoro ita si
秋山爾黄反木葉乃移去者更哉秋乎欲見世武
aki yama ni momitu ko no pa no uturi na ba sara ni ya aki wo mi maku pori se mu
味酒三輪乃祝之山照秋乃黄葉乃散莫惜毛
uma sake miwa no papuri no yama terasu aki no momiti no tira maku wosi mo
伊香山野邊爾開有芽子見者公之家有尾花之所念
ikagwo yama nwo pye ni saki taru pagwi mireba kimi ga ipye n aru wo bana si omopoyu
秋露者移爾有家里水鳥乃青羽乃山能色付見者
aki no tuyu pa utusi ni ari kyeri midu tori no awo ba no yama no iro duku mireba
待時而落鍾礼能雨零収開朝香山之将黄變
toki matite pur eru sigure no ame yami nu ake mu asita ka yama no momita mu
鍾礼能雨無間零者三笠山木末歴色附爾家里
sigure no ame ma na ku si pureba mikasa yama ko n ure amaneku iro duki ni kyeri
皇之御笠乃山能秋黄葉今日之鍾礼爾散香過奈牟
opo kimi no mikasa no yama no momiti ba pa kyepu no sigure ni tiri ka sugwi na mu
吉名張乃猪養山爾伏鹿之嬬呼音乎聞之登聞思佐
yonabari no wikapi no yama ni pusu sika no tuma ywobu kowe wo kiku ga tomosi sa
雨隠情欝悒出見者春日山者色付二家利
ama gomori kokoro ibuse mi ide mireba kasuga no yama pa iro duki ni kyeri
春日野爾鍾礼零所見明日従者黄葉頭刺牟高圓乃山
kasuga nwo ni sigure puru miyu asu ywori pa momiti kaza sa mu takamatwo no yama
希将見跡吾念君者秋山乃始黄葉爾似許曽有家礼
medurasi to wa ga omopu kimi pa aki yama no patu momiti ba ni nite koso ari kyere
平山乃峯之黄葉取者落鍾礼能雨師無間零良志
nara yama no mine no momiti ba toreba tiru sigure no ame si ma na ku puru rasi
足引乃山之黄葉今夜毛加浮去良武山河之瀬爾
asipiki no yama no momiti ba ko yopi mo ka ukabi yuku ramu yama gapa no se ni
平山乎令丹黄葉手折来而今夜挿頭都落者雖落
nara yama wo nipopasu momiti ta wori kite ko yopi kazasi tu tiraba tiru tomo
隠口乃始瀬山者色附奴鍾礼乃雨者零爾家良思母
komori ku no patuse no yama pa iro duki nu sigure no ame pa puri ni kye rasi mo
思具礼能雨無間莫零紅爾丹保敝流山之落巻惜毛
sigure no ame ma na ku na puri so kurenawi ni ni pop yeru yama no tira maku wosi mo
妻戀爾鹿鳴山邊之秋芽子者露霜寒盛須疑由君
tuma gwopwi ni ka naku yama pye no aki pagwi pa tuyu simo samu mi sakari sugwi yuku
山妣姑乃相響左右妻戀爾鹿鳴山邊爾獨耳為手
yama bikwo no api toyomu made tuma gwopwi ni ka naku yama pye ni pito ri nomwi si te
頃者之朝開爾聞者足日木篦山呼令響狭尾壮鹿鳴哭
ko no koro no asake ni kikeba asi pikwi no yama ywobi toyome sa wo sika naku mo
秋去者春日山之黄葉見流寧樂乃京師乃荒良久惜毛
aki sareba kasuga no yama no momiti mi ru nara no miyakwo no aru raku wosi mo
足日木乃山下響鳴鹿之事乏可母吾情都末
asi pikwi no yama sita toyome naku sika no koto tomosi kamo wa ga kokoro tuma
叩々物乎念者将言為便将為々便毛奈之妹与吾手携而旦者庭爾出立夕者床打拂白細乃袖指代而佐寐之夜也常爾有家類足日木能山鳥許曽婆峯向爾嬬問為云打蝉乃人有我哉如何為跡可一日一夜毛離居而嘆戀良武許己念者胸許曽痛其故爾情奈具夜登高圓乃山爾毛野爾母打行而遊徃杼花耳丹穂日手有者毎見益而所思奈何為而忘物曽戀云物呼
nemokoro ni mono wo omopeba ipa mu subye se mu subye mo na si imo to ware te tadusaparite asita ni pa nipa ni ide tati yupu pye ni pa toko uti parapi sirwo tape no swode sasi kapete sa ne si ywo ya tune ni ari kyeru asi pikwi no yama dori kosoba wo mukapi ni tuma dopi su to ipe utusemi no pito n aru ware ya nani su to ka pito pi pito ywo mo sakari wite nageki kwopu ramu koko omopeba mune koso ita ki soko yuweni kokoro nagu ya to takamatwo no yama ni mo nwo ni mo uti yukite aswobi arukedo pana nomwi nipopite areba miru gotoni masite omopoyu ika nisite wasure mu mono so kwopwi to ipu mono wo
足日木乃山邊爾居而秋風之日異吹者妹乎之曽念
asi pikwi no yama pye ni worite aki kaze no pi ni kyeni pukeba imo wo si so omopu
青丹吉奈良乃山有黒木用造有室者雖居座不飽可聞
awo ni yo si nara no yama n aru kurwo kwi moti tukur eru ipye pa masedo aka nu kamo
高山之菅葉之努藝零雪之消跡可曰毛戀乃繁鶏鳩
taka yama no suga no pa sinwogi puru yuki no ke nu to ipu be ku mo kwopwi no sige kyeku
暮去者小椋山爾臥鹿之今夜者不鳴寐家良霜
yupu sareba wogura no yama ni pusu sika pa ko yopi pa naka zu i ne ni kye rasi mo
朝霧爾沾爾之衣不干而一哉君之山道埓越
asa gwiri ni nure ni si koromo posa zusite pito ri ka kimi ga yama di kwoyu ramu
勢能山爾黄葉常敷神岳之山黄葉者今日散濫
seno yama ni momiti tune siku kamiwoka no yama no momiti pa kyepu ka tiru ramu
朝裳吉木方徃君我信土山越濫今日曽雨莫零根
asamoyosi kwi pye yuku kimi ga matuti yama kwoyu ramu kyepu zo ame na puri so ne
後居而吾戀居者白雲棚引山乎今日香越濫
okure wite wa ga kwopwi woreba sira kumo no tanabiku yama wo kyepu ka kwoyu ramu
常之倍爾夏冬徃哉裘扇不放山住人
tokosipeni natu puyu yuke ya kapa goromo apugi panata zu yama ni sumu pito
春山者散過去鞆三和山者未含君持勝爾
paru yama pa tiri suguredomo mi wa yama pa imada pupum yeri kimi mati kate ni
白鳥鷺坂山松影宿而徃奈夜毛深徃乎
sira tori no sagisaka yama no matu kage ni yadorite yuka na ywo mo puke yuku wo
客在者三更刺而照月高嶋山隠惜毛
tabi n areba ywo naka wo sasite teru tukwi no takasima yama ni kakuraku wosi mo
細比礼乃鷺坂山白管自吾爾尼保波尼妹爾示
takupire no sagisaka yama no sira tutuzi ware ni nipopane imo ni simyesa mu
金風山吹瀬乃響苗天雲翔鴈相鴨
aki kaze ni yama buki no se no naru nabe ni ama kumo kakeru kari ni apu kamo
雲隠鴈鳴時秋山黄葉片待時者雖過
kumo gakuri kari naku toki pa aki yama no momiti kata matu toki pa suguredo
捄手折多武山霧茂鴨細川瀬波驟祁留
pusa ta wori tamu no yama kwiri sige mi ka mo posokapa no se ni nami no sawa k yeru
春草馬咋山自越夾奈流鴈使者宿過奈利
paru kusa wo uma kupi yama yu kwoye ku naru kari no tukapi pa yadori sugu nari
御食向南淵山之巌者落波太列可削遺有
mi ke mukapu minabuti yama no ipapo ni pa puri si padare ka kiye nokori taru
瀧上乃三船山従秋津邊夾鳴度者誰喚兒鳥
taginoupe no mipune no yama yu akidu pye ni ki naki wataru pa tare ywobukwodori
樂浪之平山風之海吹者釣爲海人之袂變所見
sasanami no pira yama kaze no umi pukeba turi suru ama no swode kapyeru miyu
山品之石田乃小野之母蘇原見乍哉公之山道越良武
yamasina no ipata no wo nwo no papaswo para mitutu ka kimi ga yama di kwoyu ramu
祖母山霞棚引左夜深而吾舟埓泊等万里不知母
opoba yama kasumi tanabiki sa ywo pukete wa ga pune pate mu tomari sira zu mo
山高見白木綿花爾落多藝津夏身之川門雖見不飽香開
yama taka mi sira yupu bana ni oti tagitu natumwi no kapa two miredo aka nu kamo
級照片足羽河之左丹塗大橋之上従紅赤裳數十引山藍用揩衣服而直獨伊渡爲兒者若草乃夫香有良武橿實之獨歟埓宿問巻乃欲我妹之家乃不知久
sinateru katasipa gapa no sa ni nuri no opo pasi no upe yu kurenawi no aka mo suswo biki yama awi moti sur eru kinu kite tada pito ri i watara su kwo pa waka kusa no tuma ka aru ramu kasi no mwi no pito ri ka nu ramu topa maku no posi ki wa g imo ga ipye no sira na ku
白雲之龍田山之瀧上之小鞍嶺爾開乎烏流櫻花者山高風之不息者春雨之繼而零者最末枝者落過去祁利下枝爾遺有花者須臾者落莫乱草枕客去君之及還夾
sira kumo no tatuta no yama no tagi no upe no wogura no mine ni saki woworu sakura no pana pa yama taka mi kaze si yama neba paru same no tugite si pureba potu ye pa tiri sugwi ni kyeri sidu ye ni nokor eru pana pa simasi ku pa tiri na magapi so kusa makura tabi yuku kimi ga kapyeri kuru made
白雲乃立田山乎夕晩爾打越去者瀧上之櫻花者開有者落過祁里含有者可開継許知期智乃花之盛爾雖不見在君之三行者今西應有
sira kumo no tatuta no yama wo yupu gure ni uti kwoye yukeba taki no upe no sakura no pana pa saki taru pa tiri sugwi ni kyeri pupum yeru pa saki tugi nu be si koti goti no pana no sakari ni ara nedomo kimi ga mi yuki pa ima ni si aru be si
嶋山乎射徃廻流河副乃丘邊道従昨日己曽吾超夾壮鹿一夜耳宿有之柄二峯上之櫻花者瀧之瀬従落堕而流君之埓見其日左右庭山下之風莫吹登打越而名二負有社爾風祭爲奈
simayama wo i yuki megur eru kapa swopi no woka pye no miti yu kinopu koso wa ga kwoye ko si ka pito ywo nomwi ne tari si karani wo no upe no sakura no pana pa taki no se yu tirapite nagaru kimi ga mi mu so no pi madeni pa yama orosi no kaze na puki so to uti kwoyete na ni op yeru mori ni kaza maturi se na
衣手常陸國二並筑波乃山乎欲見君夾座登熱爾汗可伎奈氣木根取嘯鳴登峯上乎公爾令見者男神毛許賜女神毛千羽日給而時登無雲居雨零筑波嶺乎清照言借石國之眞保良乎委曲爾示賜者歡登紐之緒解而家如解而曽遊打靡春見麻之従者夏草之茂者雖在今日之樂者
koromo de pitati no kuni no puta narabu tukupa no yama wo mi maku pori kimi ki mas eri to atu kyeku ni ase kaki nage ko no ne tori usobuki nobori wo no upe wo kimi ni misureba wo kamwi mo yurusi tamapi mye kamwi mo tipapi tamapite toki to na ku kumo wi ame puru tukupa ne wo saya ni terasite ipukari si kuni no mapora wo tubaraka ni simyesi tamapeba uresi mi to pimo no wo tokite ipye no goto tokete zo aswobu uti nabiku paru mi masi yu pa natu kusa no sige ku pa aredo kyepu no tanwosi sa
鷲住筑波乃山之裳羽服津乃其津乃上爾率而未通女壮士之徃集加賀布嬥謌爾他妻爾吾毛交牟吾妻爾他毛言問此山乎牛掃神之従夾不禁行事叙今日耳者目串毛勿見事毛咎莫
wasi no sumu tukupa no yama no mopakitu no so no tu no upe ni adomopi te wotomye wotokwo no yuki tudwopi kagapu kagapi ni pito duma ni ware mo mazipara mu a ga tuma ni pito mo koto dopye ko no yama wo usipaku kamwi no mukasi ywori isame nu waza zo kyepu nomwi pa megu si mo na mi so koto mo togamu na
三諸之神邊山爾立向三垣乃山爾秋芽子之妻巻六跡朝月夜明巻鴦視足日木乃山響令動喚立鳴毛
mimoro no kamunabwi yama ni tati mukapu mikaki no yama ni aki pagwi no tuma wo maka mu to asa duku ywo ake maku wosi mi asi pikwi no yama bikwo toyome ywobi tate naku mo
明日之夕不相有八方足日木乃山彦令動呼立哭毛
asu no yopi apa zara me ya mo asi pikwi no yama bikwo toyome ywobi tate naku mo
倉橋之山乎高歟夜牢爾出夾月之片待難
kurapasi no yama wo taka mi ka ywo gomori ni ide kuru tukwi no kata mati gata ki
於久礼居而吾波也埓戀春霞多奈妣久山乎君之越去者
okure wite ware pa ya kwopwi mu paru kasumi tanabiku yama wo kimi ga kwoye inaba
絶等寸笶山之峯上乃櫻花埓開春部者君之埓思
tayuraki no yama no wo no pe no sakura bana saka mu paru pye pa kimi si sinwopa mu
従明日者吾波孤悲牟奈名欲山石踏平之君我越去者
asu ywori pa ware pa kwopwi mu na napori yama ipa pumi nara si kimi ga kwoye inaba
命乎志麻勢久可願名欲山石踐平之復亦毛夾武
inoti wo si ma saki ku mo ga mo napori yama ipa pumi nara si mata mata mo ko mu
三越道之雪零山乎埓越日者留有吾乎懸而小竹葉背
mi kwosi di no yuki puru yama wo kwoye mu pi pa tomar eru ware wo kakete sinwopa se
振山従直見渡京二曽寐不宿戀流遠不有爾
puru yama yu tada ni mi watasu miyakwo ni so i mo ne zu kwopuru topo ku ara naku ni
白玉之人乃其名矣中々二辞緒下延不遇日之數多過者戀日之累行者思遣田時乎白土肝向心摧而珠手次不懸時無口不息吾戀兒矣玉釧手爾取持而眞十鏡直目爾不視者下桧山下逝水乃上丹不出吾念情安虚歟毛
sira tama no pito no so no na wo nakanaka ni koto wo sita pape apa nu pi no mane ku sugureba kwopuru pi no kasanari yukeba omopi yaru tadoki wo sira ni kimo mukapu kokoro kudakete tama ta suki kake nu toki na ku kuti yama zu wa ga kwopuru kwo wo tama kusiro te ni tori motite maswo kagami tadame ni mi neba sita pi yama sita yuku midu no upe ni ide zu wa ga omopu kokoro yasu kara nu kamo
蘆檜木笶荒山中爾送置而還良布見者情苦喪
asipikwi no ara yama naka ni okuri okite kapye rapu mireba kokoro kurusi mo
久方之天芳山此夕霞霏雨微春立下
pisakata no ame no kagu yama ko no yupu pye kasumi tanabiku paru tatu ra si mo
子等我手乎巻向山丹春去者木葉凌而霞霏雨微
kwo ra ga te wo makimuku yama ni paru sareba ko no pa sinwogite kasumi tanabiku
今朝去而明日者来牟等云子鹿旦妻山丹霞霏雨微
kyesa yukite asu ni pa ki na mu to ipisikwoga asaduma yama ni kasumi tanabiku
子等名丹關之宜朝妻之片山木之爾霞多奈引
kwo ra ga na ni kake no yorosi ki asaduma no kata yama kwisi ni kasumi tanabiku
吾瀬子乎莫越山能喚子鳥君喚變瀬夜之不深刀爾
wa ga se kwo wo nakwosi no yama no ywobu kwo dori kimi ywobi kapye se ywo no puke nu twoni
冬隠春去来之足比木乃山二文野二文鴬鳴裳
puyu gomori paru sari kureba asi pikwi no yama ni mo nwo ni mo ugupisu naku mo
春日有羽買之山従狭帆之内敝鳴徃成者孰喚子鳥
kasuga n aru pagapi no yama yu sapo no uti pye naki yuku naru pa tare ywobukwodori
不答爾勿喚動曽喚子鳥佐保乃山邊乎上下二
kotape nu ni na ywobi toyome so ywobukwodori sapo no yama pye wo nobori kudari ni
梓弓春山近家居之續而聞良牟鴬之音
adusa yumi paru yama tika ku ipye woreba tugite kiku ramu ugupisu no kowe
朝霧爾之努々爾所沾而喚子鳥三船山従喧渡所見
asa gwiri ni sinwonwoni nurete ywobukwodori mipune no yama yu naki wataru miyu
山際爾鴬喧而打靡春跡雖念雪落布沼
yama no ma ni ugupisu nakite uti nabiku paru to omopedo yuki puri siki nu
為君山田之澤恵具採跡雪消之水爾裳裾所沾
kimi ga tame yama ta no sapa ni wegu tumu to yuki ge no midu ni mo no suswo nure nu
山高三零来雪乎梅花落鴨来跡念鶴鴨
yama taka mi puri kuru yuki wo ume no pana tiri ka mo kuru to omopi turu kamo
山高三零来雪乎梅花開香裳落跡念鶴鴨
yama taka mi puri kuru yuki wo ume no pana saki ka mo tiru to omopi turu kamo
除雪而梅莫戀足曳之山片就而家居為流君
yuki wo okite ume wo na kwopwi so asi pikwi no yama kata dukite ipye wi s e ru kimi
昨日社年者極之賀春霞春日山爾速立爾来
kinopu koso tosi pa pate sika paru kasumi kasuga no yama ni paya tati ni kyeri
寒過暖来良思朝烏指滓鹿能山爾霞軽引
puyu sugwite paru ki taru rasi asa pi sasu kasuga no yama ni kasumi tanabiku
鴬之春成良思春日山霞棚引夜目見侶
ugupisu no paru ni naru rasi kasuga yama kasumi tanabiku ywo me ni mire domo
山際爾雪者零管然為我二此河楊波毛延爾家留可聞
yama no ma ni yuki pa puri tutu sikasugani ko no kapa yagwi pa moye ni kyeru kamo
山際之雪者不消有乎水飯合川之副者目生来鴨
yama no ma no yuki pa ke zu aru wo mina girapu kapa no yanagwi pa moye ni kyeru kamo
馬並而高山部乎白妙丹令艶色有者梅花鴨
uma namete taka no yama pye wo sirwo tape ni nipopasi taru pa ume no pana kamo
花咲而實者不成登裳長氣所念鴨山振之花
pana sakite mwi pa nara ne domo naga ki ke ni omopoyuru kamo yama buki no pana
能登河之水底并爾光及爾三笠乃山者咲来鴨
noto gapa no mina soko sape ni teru madeni mikasa no yama pa saki ni kyeru kamo
足日木之山間照櫻花是春雨爾散去鴨
asi pikwi no yama no ma terasu sakura bana ko no paru same ni tiri yuka mu kamo
打靡春避来之山際最木末乃咲徃見者
uti nabiku paru sari ku ra si yama no ma no topo ki ko n ure no saki yuku mireba
阿保山之佐宿木花者今日毛鴨散乱見人無二
apo yama no sakura no pana pa kyepu mo ka mo tiri magapura mu miru pito na si ni
春去者紀之許能暮之夕月夜欝束無裳山陰爾指天
paru sareba kwi no ko no kure no yupu duku ywo opotukana si mo yama kage nisite
春去者木陰多暮月夜欝束無裳山陰爾指天
paru sareba ko kage wo opo mi yupu duku ywo opotukana si mo yama kage nisite
春日在三笠乃山爾月母出奴可母佐紀山爾開有櫻之花乃可見
kasuga n aru mikasa no yama ni tukwi mo ide nu kamo sakwi yama ni sak yeru sakura no pana no mi yu be ku
春山霧惑在鴬我益物念哉
paru yama no kwiri ni matwop yeru ugupisu mo ware ni masarite mono mopa me ya mo
吾瀬子爾吾戀良久者奥山之馬酔花之今盛有
wa ga se kwo ni wa ga kwopu raku pa oku yama no asibi no pana no ima sakari n ari
如是有者何如殖兼山振乃止時喪哭戀良苦念者
kaku si araba nani ka uwe kye mu yama buki no yamu toki mo na ku kwopu raku omopeba
春霞山棚引欝妹乎相見後戀毳
paru kasumi yama ni tanabiki obobosi ku imo wo api mite noti kwopwi mu ka mo
霊寸春吾山之於爾立霞雖立雖座君之随意
tamakiparu wa ga yama no upe ni tatu kasumi tatu tomo u tomo kimi ga manima ni
白檀弓今春山爾去雲之逝哉将別戀敷物乎
sira mayumi ima paru yama ni yuku kumo no yuki ya wakare mu kwopo si ki mono wo
春山之馬酔花之不悪公爾波思恵也所因友好
paru yama no asibi no pana no niku kara nu kimi ni pa siweya yosa yu tomo yo si
大夫之出立向故郷之神名備山爾明来者柘之左枝爾暮去者小松之若末爾里人之聞戀麻田山彦乃答響萬田霍公鳥都麻戀為良思左夜中爾鳴
masura wo no ide tati mukapu puru satwo no kamunabwi yama ni ake kureba tumi no sa yeda ni yupu sareba kwo matu ga ure ni satwo bito no kiki kwopuru made yama bikwo no api toyomu made pototogisu tuma gwopwi su rasi sa ywo naka ni naku
客爾為而妻戀為良思霍公鳥神名備山爾左夜深而鳴
tabi nisite tuma gwopwi su rasi pototogisu kamunabwi yama ni sa ywo pukete naku
朝霞棚引野邊足桧木乃山霍公鳥何時来将鳴
asa kasumi tanabiku nwo pye ni asi pikwi no yama pototogisu itu ka ki naka mu
旦霧八重山越而喚孤鳥吟八汝来屋戸母不有九二
asa gwiri no ya pye yama kwoyete ywobukwo dori naki ya na ga kuru yadwo mo ara na ku ni
旦霧八重山越而霍公鳥宇能花邊柄鳴越来
asa gwiri no ya pye yama kwoyete pototogisu u no pana pye kara nakite kwoye ki nu
五月山宇能花月夜霍公鳥雖聞不飽又鳴鴨
sa tukwi yama u no pana tuku ywo pototogisu kikedomo aka zu mata naka nu kamo
宇能花乃散巻惜霍公鳥野出山入来鳴令動
u no pana no tira maku wosi mi pototogisu nwo ni ide yama ni iri ki naki toyomosu
如是許雨之零爾霍公鳥宇乃花山爾猶香将鳴
kaku bakari ame no puraku ni pototogisu u no pana yama ni napo ka naku ramu
橘花落里爾通名者山霍公鳥将令響鴨
tatibana no pana tiru satwo ni kaywopi na ba yama pototogisu toyomosa mu kamo
五月山花橘爾霍公鳥隠合時爾逢有公鴨
sa tukwi yama pana tatibana ni pototogisu komorapu toki ni ap yeru kimi kamo
奥山爾住云男鹿之初夜不去妻問芽子乃散久惜裳
oku yama ni sumu to pu sika no yopi sara zu tuma dopu pagwi no tira ma ku wosi mo
秋風爾山飛越鴈鳴之聲遠離雲隠良思
aki kaze ni yama tobi kwoyuru kari ga ne no kowe topo zakaru kumo gakuru rasi
山近家哉可居左小壮鹿乃音乎聞乍宿不勝鴨
yama tika ku ipye ya woru be ki sa wo sika no kowe wo kikitutu i ne kate nu kamo
山邊爾射去薩雄者雖大有山爾文野爾文沙小壮鹿鳴母
yama no pye ni i yuku satu wo pa sapa ni aredo yama ni mo nwo ni mo sa wo sika naku mo
足日木笶山従来世波左小壮鹿之妻呼音聞益物乎
asi pikwi no yama ywori ki seba sa wo sika no tuma ywobu kowe wo kika masi mono wo
山邊庭薩雄乃祢良比恐跡小壮鹿鳴成妻之眼乎欲焉
yama pye ni pa satu wo no nerapi kasikwo kyedo wo sika naku nari tuma ga me wo pori
山遠京爾之有者狭小壮鹿之妻呼音者乏毛有香
yama topo ki miyakwo ni si areba sa wo sika no tuma ywobu kowe pa tomosi ku mo aru ka
足日木乃山之跡陰爾鳴鹿之聲聞為八方山田守酢兒
asi pikwi no yama no to kage ni naku sika no kowe kika su ya mo yama ta mora su kwo
神名火之山下動去水丹川津鳴成秋登将云鳥屋
kamunabwi no yama sita toyomi yuku midu ni kapadu naku nari aki to ipa mu to ya
春者毛要夏者緑丹紅之綵色爾所見秋山可聞
paru pa moye natu pa midori ni kurenawi no simi iro ni mi yuru aki no yama kamo
妻隠矢野神山露霜爾々寶比始散巻惜
tuma gomoru yanwo no kamu yama tuyu simo ni nipopi some tari tira maku wosi mo
朝露爾染始秋山爾鍾礼莫零在渡金
asa tuyu ni nipopi some taru aki yama ni sigure na puri so ari wataru gane
九月乃鍾礼乃雨丹沾通春日之山者色付丹来
nagatukwi no sigure no ame ni nure topori kasuga no yama pa iro duki ni kyeri
鴈鳴之寒朝開之露有之春日山乎令黄物者
kari ga ne no samu ki asake no tuyu na ra si kasuga no yama wo momitasu mono pa
秋山乎謹人懸勿忘西其黄葉乃所思君
aki yama wo yume pito kaku na wasure ni si so no momiti ba no omopoyura ku ni
妹之袖巻来乃山之朝露爾仁寶布黄葉之散巻惜裳
imo ga swode makiki no yama no asa tuyu ni nipopu momiti no tira maku wosi mo
吾背兒我白細衣徃觸者應染毛黄變山可聞
wa ga sekwo ga sirwo tape koromo yuki pureba nipopi nu be ku mo momitu yama kamo
鴈鳴乃来鳴之共韓衣裁田之山者黄始有
kari ga ne no ki naki si nape ni kara koromo tatuta no yama pa momiti some tari
鴈之鳴聲聞苗荷明日従者借香能山者黄始南
kari ga ne no kowe kiku napeni asu ywori pa kasuga no yama pa momiti some na mu
灼然四具礼乃雨者零勿國大城山者色付爾家里
itisirwo ku sigure no ame pa pura na ku ni opokwi no yama pa iro duki ni kyeri
物念隠座而今日見者春日山者色就爾家里
mono mopu to komorapi worite kyepu mireba kasuga no yama pa iro duki ni kyeri
九月白露負而足日木乃山之将黄變見幕下吉
nagatukwi no sira tuyu opite asi pikwi no yama no momita mu mi maku si mo yo si
妹許跡馬鞍置而射駒山撃越来者紅葉散筒
imo gari to uma ni kura okite ikwoma yama uti kwoye kureba momiti tiri tutu
真十鏡見名淵山者今日鴨白露置而黄葉将散
maswo kagami minabuti yama pa kyepu mo ka mo sira tuyu okite momiti tiru ramu
明日香河黄葉流葛木山之木葉者今之落疑
asuka gapa momiti ba nagaru kadurakwi no yama no ko no pa pa ima si tiru ramu
妹之紐解登結而立田山今許曽黄葉始而有家礼
imo ga pimo toku to musubite tatuta yama ima koso momiti pazimete ari kyere
鴈鳴之寒喧之従春日有三笠山者色付丹家里
kari ga ne no samu ku naki si yu kasuga n aru mikasa no yama pa iro duki ni kyeri
夕去者鴈之越徃龍田山四具礼爾競色付爾家里
yupu sareba kari no kwoye yuku tatuta yama sigure ni kipopi iro duki ni kyeri
一年二遍不行秋山乎情爾不飽過之鶴鴨
pito tose ni puta tabi yuka nu aki yama wo kokoro ni aka zu sugu si turu kamo
足曳之山田佃子不秀友縄谷延与守登知金
asipiki no yama ta tukuru kwo pide zu tomo sime dani pape yo moru to siru gane
左小壮鹿之妻喚山之岳邊在早田者不苅霜者雖零
sa wo sika no tuma ywobu yama no woka pye n aru wasada pa karazi simo pa puru tomo
秋山之木葉文未赤者今旦吹風者霜毛置應久
aki yama no ko no pa mo imada momita neba kyesa puku kaze pa simo mo oki nu be ku
金山舌日下鳴鳥音谷聞何嘆
aki yama no sitapi ga sita ni naku tori no kowe dani kikaba nani ka nageka mu
秋山霜零覆木葉落歳雖行我忘八
aki yama ni simo puri opopi ko no pa tiri tosi pa yuku tomo ware wasure me ya
九月四具礼乃雨之山霧烟寸吾胸誰乎見者将息
nagatukwi no sigure no ame no yama gwiri no ibuse ki a ga mune ta wo miba yama mu
十月四具礼乃雨降山霧烟寸吾胸誰乎見者将息
kamunadukwi sigure no ame puri yama gwiri no ibuse ki a ga mune ta wo miba yama mu
吾妹兒爾相坂山之皮為酢寸穂庭開不出戀度鴨
wagimo kwo ni apusaka yama no pada susuki po ni pa saki de zu kwopwi wataru kamo
秋去者鴈飛越龍田山立而毛居而毛君乎思曽念
aki sareba kari tobi kwoyuru tatuta yama tatite mo wite mo kimi wo si so omopu
足引乃山佐奈葛黄變及妹爾不相哉吾戀将居
asipikwi no yama sana kadura momitu made imo ni apa zu ya wa ga kwopwi wora mu
雨零者瀧都山川於石觸君之摧情者不持
ame pureba tagitu yama gapa ipa ni pure kimi ga kudaka mu kokoro pa motazi
足曳之山鴨高巻向之木志乃子松二三雪落来
asipiki no yama ka mo taka ki makimuku no kwisi no kwo matu ni mi yuki puri kuru
足引山道不知白戕杙枝母等乎々爾雪落者
asipiki no yama di mo sira zu sira kasi no yeda mo towowo ni yuki no pur ereba
足引山道不知白戕杙枝毛多和々々雪落者
asipiki no yama di mo sira zu sira kasi no yeda mo tawatawa yuki no pur ereba
奈良山乃峯尚霧合宇倍志社前垣之下乃雪者不消家礼
nara yama no mine napo kwirapu ube si koso magaki ga moto no yuki pa ke zu kyere
暮去者衣袖寒之高松之山木毎雪曽零有
yupu sareba koromo de samu si takamatu no yama no kwi gotoni yuki so puri taru
足引山爾白者我屋戸爾昨日暮零之雪疑意
asipiki no yama ni sirwo ki pa wa ga yadwo ni kinopu no yupu pye puri si yuki kamo
八田乃野之淺茅色付有乳山峯之沫雪寒零良之
yata no nwo no asadi iro duku arati yama mine no awa yuki samu ku tiru rasi
左夜深者出来牟月乎高山之峯白雲将隠鴨
sa ywo pukeba ide ko mu tukwi wo taka yama no mine no sira kumo kakusi na mu kamo
思出時者為便無豊國之木綿山雪之可消所念
omopi iduru toki pa subye na mi toyokuni no yupu yama yuki no ke nu be ku omopoyu
窺良布跡見山雪之灼然戀者妹名人将知可聞
ukane rapu tomi yama yuki no itisirwo ku kwopwiba imo ga na pito sira mu kamo
海小船泊瀬乃山爾落雪之消長戀師君之音曽為流
ama wo bune patuse no yama ni puru yuki no ke naga ku kwopwi si kimi ga oto so su ru
足桧木乃山下風波雖不吹君無夕者豫寒毛
asi pikwi no yama no arasi pa puka nedomo kimi na ki yopi pa kanete samu si mo
人祖未通女兒居守山邊柄朝々通公不來哀
pito no oya no wotomye kwo suwete moru yama pye kara asanasana kaywopi si kimi ga ko neba kanasi mo
戀事意追不得出行者山川不知來
kwopuru koto nagusame kanete idete yukeba yama mo kapa wo mo sira zu ki ni kyeri
處女等乎袖振山水垣乃久時由念來吾等者
wotomye ra wo swode puru yama no midu kaki no pisasi ki toki yu omopi kyeri ware pa
月見國同山隔愛妹隔有鴨
tukwi mireba kuni pa oyazi so yama pyenari utukusi imo pa pyedati taru kamo
繰路者石踏山無鴨吾待公馬爪盡
kuru miti pa ipa pumu yama pa na ku mo ga mo wa ga matu kimi ga uma tuma duku ni
石根踏重成山雖不有不相日數戀度鴨
ipa ne pumi pyenar eru yama pa ara nedomo apa nu pi mane mi kwopwi wataru kamo
紐鏡能登香山誰故君來座在紐不開寐
pimo kagami notoka no yama mo ta ga yuwe ka kimi ki mas eru ni pimo toka zu ne mu
山科強田山馬雖在歩吾來汝念不得
yamasina no kopata no yama wo uma pa aredo kati yu wa ga ko si na wo omopi kane
遠山霞被益遐妹目不見吾戀
topo yama ni kasumi tanabiki iya topo ni imo ga me mi neba ware kwopwi ni kyeri
言出云忌々山川之當都心塞耐在
koto ni idete ipaba yuyusi mi yama gapa no tagitu kokoro wo seki apete ari
白檀石邊山常石有命哉戀乍居
sira mayumi iswo pye no yama no tokipa naru inoti n are ya mo kwopwitutu wora mu
香山爾雲位桁曵於保々思久相見子等乎後戀牟鴨
kagu yama ni kumo wi tanabiki opoposi ku api mi si kwo ra wo noti kwopwi mu kamo
春楊葛山發雲立座妹念
paru yanagwi kadurakwi yama ni tatu kumo no tatite mo wite mo imo wo si so omopu
春日山雲座隠雖遠家不念公念
kasuga yama kumo wi kakurite topo kyedomo ipye pa omopa zu kimi wo si so omopu
我故所云妹高山之峯朝霧過兼鴨
wa ga yuwe ni ipa re si imo pa taka yama no mine no asa gwiri sugwi ni kye mu kamo
烏玉黒髪山山草小雨零敷益々所思
nubatama no kurwokami yama no yama suge ni kwo same puri siki sikusiku omopoyu
山葉追出月端々妹見鶴及戀
yama no pa wo sasi iduru tukwi no patupatuni imo wo so mi turu kwoposi ki made ni
山萵苣白露重浦經心深吾戀不止
yama disa no sira tuyu sige mi urabururu kokoro mo puka ku wa ga kwopwi yama zu
見渡三室山石穂菅惻隠吾片念爲
mi watasi no mimuro no yama no ipa po suge nemokoro ware pa kata mopi so suru
見渡三諸山之石小菅惻隠吾片念爲
mi watasi no mimoro no yama no ipa kwo suge nemokoro ware pa kata mopi so suru
山菅乱戀耳令爲乍不相妹鴨年經乍
yama suge no midare kwopwi nomwi se simetutu apa nu imo kamo tosi pa pe ni tutu
足引名負山菅押伏君結不相有哉
asipiki no na ni opu yama suge osi pusete kimi si musubaba apa zu ara me ya mo
平山子松末有廉叙波我思妹不相止者
nara yama no kwo matu ga ure no uremu zo pa wa ga omopu imo ni apa zu yami na mu
高山峯行完友衆袖不振來忘念勿
taka yama no mine yuku sisi no tomo wo opo mi swode pura zu ki nu wasuru to omopu na
味酒之三毛侶乃山爾立月之見我欲君我馬之音曽爲
uma sake no mi moro no yama ni tatu tukwi no mi ga posi kimi ga uma no oto so suru
奥山之眞木乃板戸乎押開思惠也出來根後者何將爲
oku yama no ma kwi no ita two wo osi piraki siweya ide ko ne noti pa nani se mu
奥山之眞木乃板戸乎音速見妹之當乃霜上爾宿奴
oku yama no ma kwi no ita two wo oto paya mi imo ga atari no simo no upe ni ne nu
足日木能山櫻戸乎開置而吾待君乎誰留流
asipikwi no yama sakura two wo ake okite wa ga matu kimi wo tare ka todomu ru
足日木之山田守翁置蚊火之下粉枯耳余戀居久
asi pikwi no yama ta moru wo di ga oku kapwi no sita kwogare nomwi wa ga kwopwi woraku
此山之嶺爾近跡吾見鶴月之空有戀毛爲鴨
ko no yama no mine ni tika si to wa ga mi turu tukwi no swora n aru kwopwi mo suru kamo
朽網山夕居雲薄徃者余者將戀名公之目乎欲
kutami yama yupu wiru kumo no usure yukaba ware pa kwopwi mu na kimi ga me wo pori
君之服三笠之山爾居雲乃立者繼流戀爲鴨
kimi ga kiru mikasa no yama ni wiru kumo no tateba tuga ru ru kwopwi mo suru kamo
足日木之山鳥尾乃一峰越一目見之兒爾應戀鬼香
asi pikwi no yama dori no wo no pito wo kwoye pito me mi si kwo ni kwopu be ki mono ka
荒熊之住云山之師齒迫山責而雖問汝名者不告
ara kuma no sumu to pu yama no sipase yama semete twopu tomo na ga na pa norazi
徃而見而來戀敷朝香方山越置代宿不勝鴨
yukite mite kureba kwopo si ki asaka gata yama gwosi ni oki te i ne kate nu kamo
悪氷木乃山下動逝水之時友無雲戀度鴨
asipikwi no yama sita toyomi yuku midu no toki to mo na ku mo kwopwi wataru kamo
青山之石垣沼間乃水隠爾戀哉將度相縁乎無
awo yama no ipa kaki numa no mi gomori ni kwopwi ya watara mu apu yosi wo na mi
四長鳥居名山響爾行水乃名耳所縁之内妻波母
sinaga dori wina yama toyo ni yuku midu no na nomwi yosa ye si komori duma pa mo
四長鳥居名山響爾行水乃名耳所縁而戀管哉將在
sinaga dori wina yama toyo ni yuku midu no na nomwi yosa yete kwopwi tutu ya ara mu
狗上之鳥籠山爾有不知也河不知二五寸許瀬余名告奈
inukami no tokwo no yama ni aru isaya gapa isa to wo kikose wa ga na nora su na
奥山之木葉隠而行水乃音聞従常不所忘
oku yama no ko no pa gakurete yuku midu no oto kiki si ywori tune wasura ye zu
自高山出來水石觸破衣念妹不相夕者
taka yama yu ide kuru midu no ipa ni pure warete so omopu imo ni apa nu ywo pa
高山之石本瀧千逝水之音爾者不立戀而雖死
taka yama no ipa moto tagiti yuku midu no oto ni pa tatezi kwopwite sinu tomo
足檜之山澤徊具乎採將去日谷毛相爲母者責十方
asipikwi no yama sapa wegu wo tumi ni yuka mu pi dani mo apa se papa pa semu tomo
奥山之石本菅乃根深毛所思鴨吾念妻者
oku yama no ipa moto suge no ne puka ku mo omopoyuru kamo wa ga omopi duma pa
足引乃山橘之色出而吾戀南雄人目難爲名
asipiki no yama tatibana no iro ni idete wa ga kwopwi na mu wo pito me katamisu na
山高谷邊蔓在玉葛絶時無見因毛欲得
yama taka mi tani pye ni pap yeru tama kadura tayuru toki na ku mi mu yosi moga mo
念友念毛金津足檜之山鳥尾之永此夜乎
omope domo omopi mo kane tu asipikwi no yama dori no wo no naga ki ko no ywo wo
足日木乃山鳥之尾乃四垂尾乃長永夜乎一鴨將宿
asipikwi no yama dori no wo no sidari wo no naganaga si ywo wo pito ri ka mo ne mu
高山爾高部左渡高々爾余待公乎待將出可聞
taka yama ni takabye sa watari takataka ni wa ga matu kimi wo mati ide mu kamo
山河爾筌乎伏而不肯盛年之八歳乎吾竊儛師
yama gapa ni upe wo si pusete mori ape zu tosi no ya tose wo wa ga nusu mapi si
山川水陰生山草不止妹所念鴨
yama gapa no midu kage ni opuru yama suge no yama zu mo imo pa omopoyuru kamo
霊合者相宿物乎小山田之鹿猪田禁如母之守為裳
tama apaba api nuru mono wo wo yama da no sisi da moru goto papa si mora su mo
霊合者相宿物乎小山田之鹿猪田禁如母之守之師
tama apaba api nuru mono wo wo yama da no sisi da moru goto papa ga mora si si
足日木乃従山出流月待登人爾波言而妹待吾乎
asi pikwi no yama ywori idu ru tukwi matu to pito ni pa ipite imo matu ware wo
足引之山呼木高三暮月乎何時君乎待之苦沙
asipikwi no yama wo ko daka mi yupu tukwi wo itu ka to kimi wo matu ga kurusi sa
橡之衣解洗又打山古人爾者猶不如家利
turupami no kinu toki arapi matuti yama moto tu pito ni pa napo sika zu kyeri
神山之山下響逝水之水尾不絶者後毛吾妻
miwa yama no yama sita toyomi yuku kapa no miwo si taye zupa noti mo wa ga tuma
山川之瀧爾益流戀為登曽人知爾来無間念者
yama gapa no tagi ni masar e ru kwopwi su to so pito siri ni kyeru ma na ku si omopeba
足桧木之山川水之音不出人之子姤戀渡青頭鶏
asi pikwi no yama gapa midu no oto ni ide zu pito no kwo yuweni kwopwi wataru kamo
君之當見乍母将居伊駒山雲莫蒙雨者雖零
kimi ga atari mitutu mo wora mu i kwoma yama kumo na tanabiki ame pa puru tomo
中々二如何知兼吾山爾焼流火氣能外見申尾
nakanaka ni nani ka siri kye mu wa ga yama ni moyu ru keburi no yoso ni mi masi wo
思出時者為便無佐保山爾立雨霧乃應消所念
omopi iduru toki pa subye na mi sapo yama ni tatu ama gwiri no ke nu be ku omopoyu
殺目山徃反道之朝霞髣髴谷八妹爾不相牟
kirime yama yuki kapyeri di no asa gasumi ponoka ni dani ya imo ni apa zara mu
足桧木之山菅根之懃吾波曽戀流君之光儀乎
asi pikwi no yama suga no ne no nemokoro ni ware pa so kwopuru kimi ga sugata wo
足桧木之山菅根之懃吾念人乎将見因毛我母
asi pikwi no yama suga no ne no nemokoro ni wa ga omopu pito wo mi mu yosi moga mo
足桧木乃山菅根之懃不止念者於妹将相可聞
asi pikwi no yama suga no ne no nemokoro ni yama zu omopaba imo ni apa mu kamo
山菅之不止而公乎念可母吾心神之頃者名寸
yama suge no yama zute kimi wo omope ka mo wa ga kokorodwo no ko no koro pa na ki
妹待跡三笠乃山之山菅之不止八将戀命不死者
imo matu to mikasa no yama no yama suge no yama zu ya kwopwi mu inoti sina zupa
木綿疊田上山之狭名葛在去之毛今不有十万
yupu tatami tanakami yama no sana kadura ari sarite si mo ima nara zu tomo
丹波道之大江乃山之真玉葛絶牟乃心我不思
tanipadi no opo ye no yama no matamadura taye mu no kokoro wa ga omopa naku ni
木綿裹白月山之佐奈葛後毛必将相等曽念
yupu tutumi siratukwi yama no sana kadura noti mo kanarazu apa mu to so omopu
木綿疊白月山之佐奈葛将絶跡妹乎吾念莫久爾
yupu tatami siratukwi yama no sana kadura taye mu to imo wo wa ga omopa na ku ni
戀衣著楢乃山爾鳴鳥之間無時無吾戀良苦者
kwopwi goromo ki nara no yama ni naku tori no ma na ku toki na si wa ga kwopu raku pa
纒向之病足乃山爾雲居乍雨者雖零所沾乍焉来
makimuku no anasi no yama ni kumo witutu ame pa puredomo nuretutu so ko si
玉釼巻寝志妹乎月毛不經置而八将越此山岫
tama kusiro maki ne si imo wo tukwi mo pe zu okite ya kwoye mu ko no yama no saki
梓弓末者不知杼愛美君爾副而山道越来奴
adusa yumi suwe pa sira ne do utukusi mi kimi ni tagupite yama di kwoye ki nu
霞立春長日乎奥香無不知山道乎戀乍可将来
kasumi tatu paru no naga pi wo oku ka na ku sira nu yama di wo kwopwitutu ka ko mu
外耳君乎相見而木綿牒手向乃山乎明日香越将去
yoso nomwi ni kimi wo api mite yupu tatami tamuke no yama wo asu ka kwoye ina mu
三雪零越乃大山行過而何日可我里乎将見
mi yuki puru kwosi no opo yama yuki sugwite idure no pi ni ka wa ga satwo wo mi mu
乞吾駒早去欲亦打山将待妹乎去而速見牟
ide a ga kwoma paya ku yuki koso matuti yama matu ramu imo wo yukite paya mi mu
悪木山木末悉明日従者靡有社妹之當将見
asikwi yama konure kotogoto asu ywori pa nabikite ari koso imo ga atari mi mu
陰夜之田時毛不知山越而徃座君者何時将待
kumori ywo no tadoki mo sira nu yama kwoyete imasu kimi wo ba itu to ka mata mu
立名付青垣山之隔者數君乎言不問可聞
tatanaduku awo kaki yama no pyenari naba sibasiba kimi wo koto twopazi kamo
朝霞蒙山乎越而去者吾波将戀奈至于相日
asa gasumi tanabiku yama wo kwoyete inaba ware pa kwopwi mu na apa mu pi madeni
足桧乃山者百重雖隠妹者不忘直相左右二
asi pi kwi no yama pa momo pye ni kakusu tomo imo pa wasurezi tada ni apu made ni
足桧乃山者百重雖隠君乎思苦止時毛無
asi pi kwi no yama pa momo pye ni kakusedomo kimi wo omopa ku yamu toki mo na si
雲居有海山超而伊徃名者吾者将戀名後者相宿友
kumo wi n aru umi yama kwoyete i yuki na ba ware pa kwopwi mu na noti pa api nu tomo
不欲恵八師不戀登為杼木綿間山越去之公之所念良國
yosi we ya si kwopwizi to sure do yupuma yama kwoye ni si kimi ga omopoyu raku ni
草蔭之荒藺之埼乃笠嶋乎見乍可君之山道超良無
kusa kage no arawi no saki no kasa sima wo mitutu ka kimi ga yama di kwoyu ramu
玉勝間嶋熊山之夕晩獨可君之山道将越
tama katuma sima kuma yama no yupu gure ni pito ri ka kimi ga yama di kwoyu ramu
玉勝間嶋熊山之暮霧爾長戀為乍寐不勝可母
tama katuma sima kuma yama no yupu gwiri ni naga kwopwi situtu i ne kate nu kamo
磐城山直越来益礒埼許奴美乃濱爾吾立将待
ipakwi yama tada kwoye ki mase iswosaki no konumi no pama ni ware tati mata mu
玉葛無恙行核山菅乃思乱而戀乍将待
tama kadura saki ku yuka sane yama suge no omopi midarete kwopwitutu mata mu
春日在三笠乃山爾居雲乎出見毎君乎之曽念
kasuga n aru mikasa no yama ni wiru kumo wo ide miru gotoni kimi wo si so omopu
足桧木乃片山雉立徃牟君爾後而打四鶏目八方
asi pikwi no kata yama kigisi tati yuka mu kimi ni okurete utusi kye me ya mo
三諸者人之守山本邊者馬酔木花開末邊方椿花開浦妙山曽泣兒守山
mimoro pa pito no moru yama moto pye pa asibi pana saki suwe pye pa tubaki pana saku ura gupasi yama zo naku kwo moru yama
獨耳見者戀染神名火乃山黄葉手折來君
pito ri nomwi mireba kwopo si mi kamunabwi no yama no momiti ba ta wori kyeri kimi
葦原笶水穂之國丹手向爲跡天降座兼五百万千万神之神代従云續來在甘南備乃三諸山者春去者春霞立秋徃者紅丹穂經甘甞備乃三諸乃神之帶爲明日香之河之水尾速生多米難石枕蘿生左右二新夜乃好去通牟事計夢爾令見社劔刀齊祭神二師座者
asi para no midupo no kuni ni ta muke su to amori masi kye mu i po yorodu ti yorodu kamwi no kamu yo ywori ipi tugi ki taru kamunabwi no mi moro no yama pa paru sareba paru kasumi tati aki yukeba kurenawi nipopu kamunabwi no mimoro no kamwi no obi ni s eru asuka no kapa no mi wo paya mi opwi tame kata ki isi makura koke musu made ni arata ywo no saki ku kaywopa mu koto pakari ime ni mise koso turugi tati ipapi matur eru kamwi ni si maseba
神名備能三諸之山丹隠蔵杉思将過哉蘿生左右
kamunabwi no mimoro no yama ni ituku sugwi omopi sugwi me ya koke musu made ni
帛叨楢従出而水蓼穂積至鳥網張坂手乎過石走甘南備山丹朝宮仕奉而吉野部登入座見者古所念
mitegura wo nara ywori idete midu tade podumi ni itari tonami paru sakate wo sugwi ipa basiru kamunabwi yama ni asa miya ni tukape maturite yosinwo pye to iri masu mireba inisipye omopoyu
月日攝友久經流三諸之山礪津宮地
tukwi pi pa yuki kapare domo pisa ni pu ru mimoro no yama no twotu miya tokoro
斧取而丹生桧山木折來而筏爾作二梶貫礒榜廻乍嶋傳雖見不飽三吉野乃瀧動々落白浪
wono torite nipu no pi yama no kwi kori kite ikada ni tukuri ma kadi nuki iswo kogi mwitutu sima dutapi miredomo aka zu mi yosinwo no taki mo todoro ni oturu sira nami
八隅知之和期大皇高照日之皇子之聞食御食都國神風之伊勢乃國者國見者之毛山見者高貴之河見者左夜氣久清之水門成海毛廣之見渡嶋名高之己許乎志毛間細美香母挂巻毛文爾恐山邊乃五十師乃原爾内日刺大宮都可倍朝日奈須目細毛暮日奈須浦細毛春山之四名比盛而秋山之色名付思吉百礒城之大宮人者天地与日月共万代爾母我
yasumisisi wa go opo kimi taka terasu pi no mi kwo no kikosi wosu mi ke tu kuni kamu kaze no ise no kuni pa kuni mireba si mo yama mireba taka ku taputwo si kapa mireba saya kyeku kiywo si minatwo nasu umi mo yutake si mi watasu sima mo na taka si koko wo si mo ma gupasi mi ka mo kake maku mo ayani kasikwo ki yama no pye no isi no para ni utipi sasu opo miya tukape asa pi nasu ma gupasi mo yupu pi nasu ura gupasi mo paru yama no sinapi sakayete aki yama no iro natukasi ki momo sikwi no opo miya pito pa ame tuti to pi tukwi to tomo ni yorodu yo ni moga
山邊乃五十師乃御井者自然成錦乎張流山可母
yama no pye no isi no mi wi pa onodukara nar eru nisiki wo par e ru yama kamo
空見津倭國青丹吉常山越而山代之管木之原血速舊于遅乃渡瀧屋之阿後尼之原尾千歳爾闕事無万歳爾有通将得山科之石田之社之須馬神爾奴左取向而吾者越徃相坂山遠
swora mitu yamato no kuni awo ni yo si nara yama kwoyete yamasiro no tutukwi no para tipayaburu udi no watari tagituya no agwone no para wo ti tose ni kakuru koto na ku yorodu yo ni ari gaywopa mu to yamasina no ipata no mori no sumye kamwi ni nusa tori mukete ware pa kwoye yuku apusaka yama wo
緑丹吉平山過而物部之氏川渡未通女等爾相坂山丹手向草絲取置而我妹子爾相海之海之奥浪來因濱邊乎久礼々々登獨曽我來妹之目乎欲
awo ni yo si nara yama sugwite mononopu no udi kapa watari wotomye ra ni apusaka yama ni ta muke kusa ito tori okite wa g imo kwo ni apumi no umi no oki tu nami ki yoru pama pye wo kure kure to pito ri so wa ga kuru imo ga me wo pori
王命恐雖見不飽楢山越而眞木積泉河乃速瀬竿刺渡千速振氏渡乃多企都瀬乎見乍渡而近江道乃相坂山丹手向爲吾越徃者樂浪乃志我能韓埼幸有者又反見道前八十阿毎嗟乍吾過徃者弥遠丹里離來奴弥高二山文越來奴劔刀鞘従拔出而伊香胡山如何吾将爲徃邊不知而
opo kimi no mi koto kasikwo mi miredo aka nu nara yama kwoyete ma kwi tumu idumi no kapa no paya ki se wo sawo sasi watari tipayaburu udi no watari no tagitu se wo mitutu watarite apumi di no apusaka yama ni ta muke site wa ga kwoye yukeba sasanami no siga no kara saki saki ku araba mata kapyeri mi mu miti no kuma ya swo kuma goto ni nagekitutu wa ga sugwi yukeba iya topo ni satwo sakari ki nu iya taka ni yama mo kwoye ki nu turugi tati saya yu nuki idete ikagwo yama ika ni ka wa ga se mu yuku pye sira zute
百岐年三野之國之高北之八十一隣之宮爾日向爾行靡闕矣有登聞而吾通道之奥十山三野之山靡得人雖跡如此依等人雖衝無意山之奥礒山三野之山
momokine minwo no kuni no taka kita no kukuri no miya ni pi mukapi ni yuki nabik yeru wo ari to kikite wa ga yuku miti no okiswo yama minwo no yama nabikye to pito pa pumedomo kaku yore to pito pa tukedomo kokoro na ki yama no okiswo yama minwo no yama
天橋文長雲鴨高山文高雲鴨月夜見乃持有越水伊取來而公奉而越得之旱物
ama pasi mo naga ku moga mo taka yama mo taka ku moga mo tuku ywomi no mot eru woti midu i tori kite kimi ni maturite woti e simu mono
春去者花咲乎呼里秋付者丹之穂爾黄色味酒乎神名火山之帶丹爲留明日香之河乃速瀬爾生玉藻之打靡情者因而朝露之消者可消戀久毛知久毛相隠都麻鴨
paru sareba pana saki wowori aki dukeba ni no po ni momitu uma sake wo kamunabwi yama no obi ni s e ru asuka no kapa no paya ki se ni opuru tama mo no uti nabiki kokoro pa yorite asa tuyu no ke na ba ke nu be ku kwopura ku mo siru ku mo ap yeru komori duma kamo
三諸之神奈備山従登能陰雨者落來奴雨霧相風左倍吹奴大口乃眞神之原従思管還爾之人家爾到伎也
mimoro no kamunabwi yama yu tono gumori ame pa puri ki nu ama gwirapi kaze sape puki nu opo kuti no makamwi no para yu omopi tutu kapyeri ni si pito ipye ni itari ki ya
百不足山田道乎浪雲乃愛妻跡不語別之來者速川之徃文不知衣袂笶反裳不知馬自物立而爪衝爲須部乃田付乎白粉物部乃八十乃心叨天地二念足橋玉相者君來益八跡吾嗟八尺之嗟玉桙乃道來人乃立留何常問者答遣田付乎不知散釣相君名曰者色出人可知足日木能山従出月待跡人者云而君待吾乎
momo tara zu yama ta no miti wo nami kumo no utukusi tuma to katarapa zu wakare si kureba paya kapa no yuku mo sira ni koromo de no kapyeru mo sira ni uma zimono tatite tuma duki se mu subye no taduki wo sira ni mononopu no ya swo no kokoro wo ame tuti ni omopi tara pasi tama apaba kimi ki masu ya to wa ga nageku ya saka no nageki tama poko no miti kuru pito no tati tomari ika ni to twopaba kotape yaru taduki wo sira ni saniturapu kimi ga na ipaba iro ni idete pito siri nu be mi asi pikwi no yama ywori iduru tukwi matu to pito ni pa ipite kimi matu ware wo
赤駒厩立黒駒厩立而彼乎飼吾徃如思妻心乗而高山峯之手折丹射目立十六待如床敷而吾待君犬莫吠行年
aka gwoma wo uma ya ni tate kurwo kwoma wo uma ya ni tatete so wo kapi wa ga yuku ga goto omopi duma kokoro ni norite taka yama no mine no tawori ni i me tatete sisi matu ga goto toko sikite wa ga matu kimi wo inu na poye sone
三芳野之眞木立山爾青生山菅之根乃慇懃吾念君者天皇之遣之万々夷離國治爾登群鳥之朝立行者後有我可将戀奈客有者君可将思言牟爲便将爲須便不知延津田乃歸之別之數惜物可聞
mi yosinwo no ma kwi tatu yama ni awo ku opuru yama suga no ne no nemokoro ni wa ga omopu kimi pa opo kimi no make no manima ni pina zakaru kuni wosame ni to mura tori no asa tati inaba okure taru ware ka kwopwi na mu tabi n araba kimi ka sinwopa mu ipa mu subye se mu subye sira ni papu tuta no yuki no wakare no amata wosi ki mono kamo
三芳野之眞木立山爾青生山菅之根乃慇懃吾念君者王命恐天踈夷治爾等群鳥之朝立行者後有我可将戀奈客有者君可将思足日木山之木末爾延津田乃別之數惜物可聞
mi yosinwo no ma kwi tatu yama ni awo ku opuru yama suga no ne no nemokoro ni wa ga omopu kimi pa opo kimi no mi koto kasikwo mi ama zakaru pina wosame ni to mura tori no asa tati inaba okure taru ware ka kwopwi na mu tabi n araba kimi ka sinwopa mu asi pikwi no yama no konure ni papu tuta no wakare no amata wosi ki mono kamo
里人之吾丹告樂汝戀愛妻者黄葉之散乱有神名火之此山邊柄烏玉之黒馬爾乗而河瀬乎七湍渡而裏觸而妻者會登人曽告鶴
satwo bito no ware ni tugu raku na ga kwopuru utukusi duma pa momiti ba no tiri midare taru kamunabwi no ko no yama pye kara nubatama no kurwo ma ni norite kapa no se wo nana se watarite urabure te tuma pa api ki to pito zo tuge turu
里人之吾丹告樂汝戀愛妻者黄葉之散乱有神名火之此山邊柄烏玉之黒馬爾乗而河瀬乎七湍渡而裏觸而妻者會登人曽告鶴
satwo bito no ware ni tugu raku na ga kwopuru utukusi duma pa momiti ba no tiri midare taru kamunabwi no so no yama pye kara nubatama no kurwo ma ni norite kapa no se wo nana se watarite urabure te tuma pa api ki to pito zo tuge turu
物不念道行去毛青山乎振放見者茵花香未通女櫻花盛未通女汝乎曽母吾丹依云吾叨毛曽汝丹依云荒山毛人師依者余所留跡序云汝心勤
mono mopa zu miti yuku yuku mo awo yama wo purisake mireba tutuzi pana nipoye wotomye sakura bana sakaye wotomye nare wo so mo ware ni yosu to ipu ware wo mo so nare ni yosu to ipu ara yama mo pito si yosureba yoso ru to zo ipu na ga kokoro yume
物不念路行去裳青山乎振酒見者都追慈花爾太遥越賣作樂花佐可遥越賣汝乎叙母吾爾依云吾乎叙物汝爾依云汝者如何念也念社歳八年乎斬髪与知子乎過橘之末枝乎須具里此川之下母長久汝心待
mono mopa zu miti yuku yuku mo awo yama wo purisake mireba tutuzi bana nipoye wotomye sakura bana sakaye wotomye nare wo zo mo ware ni yosu to ipu ware wo zo mo nare ni yosu to ipu na pa ika ni omopu ya omope koso tosi no ya tose wo kiri kami no yoti kwo wo sugwi tatibana no potu ye wo suguri ko no kapa no sita ni mo naga ku na ga kokoro mate
木國之濱因云鰒珠将拾跡云而妹乃山勢能山越而行之君何時來座跡玉桙之道爾出立夕卜乎吾問之可婆夕卜之吾爾告良久吾妹兒哉汝待君者奥浪來因白珠邊浪之緑流白珠求跡曽君之不來益拾登曽公者不來益久有今七日許早有者今二日許将有等曽君者聞之二々勿戀吾妹
kwi no kuni no pama ni yoru to ipu apabi tama piripa mu to ipite imo no yama se no yama kwoyete yuki si kimi itu ki masa mu to tama poko no miti ni ide tati yupu ura wo wa ga twopi sikaba yupu ura no ware ni tugu raku wa g imo kwo ya na ga matu kimi pa oki tu nami ki yoru sira tama pye tu nami no yosu ru sira tama motomu to so kimi ga ki masa nu piripu to so kimi pa ki masa nu pisa ni araba ima nanu ka bakari paya ku araba ima putu ka bakari ara mu to so kimi pa kiko si si na kwopwi so wa g imo
角障經石村山丹白栲懸有雲者皇可聞
tunwosapapu ipare no yama ni sirwo tape ni kakar eru kumo pa wa ga opo kimi kamo
隠來之長谷之山青幡之忍坂山者走出之宜山之出立之妙山叙惜山之荒巻惜毛
komori ku no patuse no yama awo pata no osaka no yama pa pasiri de no yorosi ki yama no ide tati no kupasi ki yama zo atarasi ki yama no are maku wosi mo
高山与海社者山随如此毛現海随然眞有目人者花物曽空蝉与人
taka yama to umi kosoba yama nagara kaku mo utusi ku umi nagara sika makoto n ara me pito pa pana mono so utusemi no yo pito
王之御命恐秋津嶋倭雄過而大伴之御津之濱邊従大舟爾眞梶繁貫旦名伎爾水手之音爲乍夕名寸爾梶音爲乍行師君何時來座登大卜置而齊度爾狂言哉人之言釣我心盡之山之黄葉之散過去常公之正香乎
opo kimi no mi koto kasikwo mi akidu sima yamato wo sugwite opotomo no mitu no pama pye yu opo bune ni ma kadi sizi nuki asa nagi ni kako no kowe situtu yupu nagi ni kadi no to situtu yuki si kimi itu ki masa mu to ura okite ipapi wataru ni tapa koto ya pito no ipi turu wa ga kokoro tukusi no yama no momiti ba no tiri sugwi ni ki to kimi ga tadaka wo
玉桙之道去人者足桧木之山行野徃直海川徃渡不知魚取海道荷出而惶八神之渡者吹風母和者不吹立浪母踈不立跡座浪之立塞道麻誰心勞跡鴨直渡異六直渡異六
tama poko no miti yuku pito pa asi pikwi no yama yuki nwo yuki nipatadumi kapa yuki watari isana tori umi di ni idete kasikwo ki ya kamwi no watari pa puku kaze mo nodoni pa puka zu tatu nami mo obo ni pa tata nu towi nami no tati sapu miti wo ta ga kokoro itapasi to ka mo tada watari kye mu tada watari kye mu
鳥音之所聞海爾高山麻障所爲而奥藻麻枕所爲蛾葉之衣谷不服爾不知魚取海之濱邊爾浦裳無所宿有人者母父爾眞名子爾可有六若荨之妻香有異六思布言傳八跡家問者家乎母不告名問跡名谷母不告哭兒如言谷不語思鞆悲物者世間有世間有
tori ga ne no kikoyuru umi ni taka yama wo pyedati ni nasite oki tu mo wo makura ni nasi pimusi pa no kinu dani ki zu ni isana tori umi no pama pye ni ura mo na ku tomar eru pito pa omo titi ni mana gwo ni ka ara mu waka kusa no tuma ka ari kye mu omopo si ki koto tute mu ya to ipye twopeba ipye wo mo nora zu na wo twope do na dani mo nora zu naku kwo nasu koto dani twopa zu omope domo kanasi ki mono pa yo no naka ni ari yo no naka ni ari
蘆桧木乃山道者将行風吹者浪之塞海道者不行
asipikwi no yama di pa yuka mu kaze pukeba nami no sayar eru umi di pa yukazi
玉桙之道爾出立葦引乃野行山行潦川徃渉鯨名取海路丹出而吹風裳箟跡丹者不吹立浪裳箟跡丹者不起恐耶神之渡乃敷浪乃寄濱部丹高山矣部立丹置而細潭矣枕丹巻而占裳無偃爲公者母父之愛子丹裳在将稚草之妻裳有将等家問跡家道裳不云名矣問跡名谷裳不告誰之言矣勞鴨腫浪能恐海矣直渉異将
tama poko no miti ni ide tati asipiki no nwo yuki yama yuki nipatadumi kapa yuki watari isana tori umi di ni idete puku kaze mo nodoni pa puka zu tatu nami mo nodoni pa tata nu kasikwo ki ya kamwi no watari no siki nami no yosuru pama bye ni taka yama wo pyedate ni okite oki tu mo wo makura ni makite ura mo na ku koyas eru kimi pa omo titi ga managwo ni mo ara mu waka kusa no tuma mo ara mu ipye twope do ipye di mo ipa zu na wo twope do na dani mo nora zu ta ga koto wo itapasi mi ka mo towi nami no kasikwo ki umi wo tada watari kye mu
安麻乃波良不自能之婆夜麻己能久礼能等伎由都利奈波阿波受可母安良牟
ama no para puzi no siba yama ko no kure no toki yuturi naba apa zu ka mo ara mu
不盡能祢乃伊夜等保奈我伎夜麻治乎毛伊母我理登倍婆気爾余婆受吉奴
puzi no ne no iya topo naga ki yama di wo mo imo gari to peba ke ni yoba zu ki nu
可須美為流布時能夜麻備爾和我伎奈婆伊豆知武吉弖加伊毛我奈気可牟
kasumi wiru puzi no yama bwi ni wa ga ki naba iduti mukite ka imo ga nageka mu
和我世古乎夜麻登敞夜利弖麻都之太須安思我良夜麻乃須疑乃木能末可
wa ga sekwo wo yamato pye yarite matu sida su asigara yama no sugwi no ko no ma ka
安思我良能波姑祢乃夜麻爾安波麻吉弖実登波奈礼留乎阿波奈久毛安夜思
asigara no pakwone no yama ni apa makite mwi to pa nar eru wo apa naku mo ayasi
安思我良能波姑祢乃夜麻爾波布久受能比可波与利己祢思多奈保那保尓
asigara no pakwone no yama ni papu kudu no pikaba yori kone sita napo napo ni
伊毛我可度伊夜等保曾吉奴都久波夜麻可久礼奴保刀爾蘇提婆布利弖奈
imo ga kadwo iya topo soki nu tukupa yama kakure nu potwo ni swode pa puri tena
筑波祢爾曾我比爾美由流安之保夜麻安志可流登我毛左祢見延奈久爾
tukupa ne ni sogapi ni mi yuru asipo yama asi karu toga mo sane mi ye naku ni
左其呂毛能乎豆久波祢呂能夜麻乃佐吉和須良許婆古曾那乎可家奈波賣
sa goromo no wo dukupa ne ro no yama no saki wasura koba kwoso na wo kakye napa mye
比能具礼爾宇須比乃夜麻乎古由流日波勢奈能我素弖母佐夜爾布良思都
pi no gure ni usupi no yama wo kwoyuru pi pa se na no ga swode mo saya ni pura si tu
爾比多夜麻祢爾波都可奈那和爾余曾利波之奈流児良師安夜爾可奈思母
nipita yama ne ni pa tuka nana wa ni yosori pasi naru kwo ra si ayani kanasi mo
之母都家野美可母乃夜麻能許奈良能須麻具波思児呂波多賀家可母多牟
simo tu kyenwo mikamo no yama no ko nara nosu ma gupasi kwo ro pa ta ga kye ka mota mu
阿之我里乃安伎奈乃夜麻爾比古布祢乃斯利比可志母與許己波故賀多爾
asigari no akina no yama ni pikwo pune no siri pika si mo yo kokoba kwo gata ni
阿之賀利乃和乎可鶏夜麻能可頭乃木能和乎可豆佐祢母可豆佐可受等母
asigari no wa wo kakye yama no kadu no kwi no wa wo kadusane mo kadusaka zu tomo
多伎木許流可麻久良夜麻能許太流木乎麻都等奈我伊波婆古非都追夜安良牟
taki gwi koru kamakura yama no ko daru kwi wo matu to na ga ipaba kwopwitutu ya ara mu
可美都家野安蘇夜麻都豆良野乎比呂美波比爾思物能乎安是加多延世武
kami tu kyenwo aswo yama tudura nwo wo piro mi papi ni si mo nowo aze ka taye se mu
志良登保布乎爾比多夜麻乃毛流夜麻乃宇良賀礼勢奈那登許波爾毛我母
siratopopu wo nipita yama no moru yama no ura gare se nana tokopa ni moga mo
安豆麻治乃手児乃欲妣左賀古要我祢弖夜麻爾可祢牟毛夜杼里波奈之爾
aduma di no tegwo no ywobi saka kwoye ganete yama ni kane mu mo yadori pa na si ni
安志比奇乃夜末佐波妣登乃比登佐波爾麻奈登伊布児我安夜爾可奈思佐
asipikwi no yama sapa bito no pito sapa ni mana to ipu kwo ga ayani kanasi sa
於久夜麻能真木乃伊多度乎等杼登之弖和我比良可武爾伊利伎弖奈左祢
oku yama no ma kwi no itatwo wo todo to site wa ga piraka mu ni iri kite nasane
夜麻杼里乃乎呂能波都乎爾可賀美可家刀奈布倍美許曾奈爾与曾利鶏米
yama dori no wo ro no patuwo ni kagami kakye twonapu be mi koso na ni yosori kye me
左努夜麻爾宇都也乎能登乃等抱可騰母祢毛等可児呂賀於母爾美要都留
sanwo yama ni utu ya wonoto no topo kadomo ne mo to ka kwo ro ga omo ni mi ye turu
古非都追母乎良牟等須礼杼遊布麻夜万可久礼之伎美乎於母比可祢都母
kwopwitutu mo wora mu to suredo yupuma yama kakure si kimi wo omopi kane tu mo
於布之毛等許乃母登夜麻乃麻之波爾毛能良奴伊毛我名可多爾伊弖牟可母
opu simoto ko no moto yama no ma siba ni mo nora nu imo ga na kata ni ide mu kamo
安豆左由美欲良能夜麻辺能之牙可久爾伊毛呂乎多弖天左祢度波良布母
adusa yumi ywora no yama pye no sigye kaku ni imo ro wo tatete sa ne dwo parapu mo
乎夜麻田乃伊気能都追美爾左須楊奈疑奈里毛奈良受毛奈等布多里波母
wo yama da no ike no tutumi ni sasu yanagwi nari mo nara zu mo na to puta ri pa mo
児毛知夜麻和可加敞流弖能毛美都麻弖宿毛等和波毛布汝波安杼可毛布
kwomoti yama waka kapyerute no momitu made ne mo to wa pa mopu na pa ado ka mopu
由布佐礼婆美夜麻乎左良奴爾努具母能安是可多要牟等伊比之児呂婆母
yupu sareba mi yama wo sara nu ninwo gumo no aze ka taye mu to ipi si kwo ro pa mo
伊母乎許曾安比美爾許思可麻欲婢吉能与許夜麻敞呂能思之奈須於母敞流
imo wo koso api mi ni ko sika maywobiki no yoko yama pye ro no sisi nasu omop yeru
可能古呂等宿受夜奈里奈牟波太須酒伎宇良野乃夜麻爾都久可多与留母
ka no kwo ro to ne zu ya nari na mu pada susuki uranwo no yama ni tuku kata yoru mo
安杼毛敞可阿自久麻夜末乃由豆流波乃布敷麻留等伎爾可是布可受可母
ado mopye ka azikuma yama no yudurupa no pupum aru toki ni kaze puka zu kamo
安之比奇能夜麻可都良加気麻之波爾母衣我多伎可気乎於吉夜可良佐武
asipikwi no yama kadura kage masibani mo e gata ki kage wo oki ya karasa mu
可奈思伊毛乎伊都知由可米等夜麻須気乃曾我比爾宿思久伊麻之久夜思母
kanasi imo wo iduti yuka me to yama suge no sogapi ni ne siku ima si kuyasi mo
由布佐礼婆比具良之伎奈久伊故麻山古延弖曾安我久流伊毛我目乎保里
yupu saraba pigurasi ki naku ikwoma yama kwoyete so a ga kuru imo ga me wo pori
伊毛爾安波受安良婆須敞奈美伊波祢布牟伊故麻乃山乎故延弖曾安我久流
imo ni apa zu araba subye na mi ipane pumu ikwoma no yama wo kwoyete so a ga kuru
夜麻河伯能伎欲吉可波世爾安蘇倍杼母奈良能美夜故波和須礼可祢都母
yama gapa no kiywo ki kapa se ni aswobedomo nara no miyakwo pa wasure kane tu mo
伊蘇乃麻由多芸都山河多延受安良婆麻多母安比見牟秋加多麻気弖
iswo no ma yu tagitu yama kapa taye zu araba mata mo api mi mu aki katamakete
山乃波爾月可多夫気婆伊射里須流安麻能等毛之備於伎爾奈都佐布
yama no pa ni tukwi katabukeba izari suru ama no tomosi bwi oki ni nadusapu
伊麻欲理波安伎豆吉奴良之安思比奇能夜麻末都可気爾日具良之奈伎奴
ima ywori pa aki duki nu rasi asipikwi no yama matu kage ni pigurasi naki nu
久左麻久良多婢乎久流之美故非乎礼婆可也能山辺爾草乎思香奈久毛
kusa makura tabi wo kurusi mi kwopwi woreba kaya no yama pye ni sa wo sika naku mo
欲乎奈我美伊能年良延奴爾安之比奇能山妣故等余米佐乎思賀奈君母
ywo wo naga mi i no neraye nu ni asipikwi no yama bikwo toyome sa wo sika naku mo
安思必寄能山等妣古由留可里我祢波美也故爾由加波伊毛爾安比弖許祢
asipikwi no yama tobi kwoyuru kari ga ne pa miyakwo ni yukaba imo ni apite kone
天地等登毛爾母我毛等於毛比都都安里家牟毛能乎波之家也思伊敞乎波奈礼弖奈美能宇倍由奈豆佐比伎爾弖安良多麻能月日毛伎倍奴可里我祢母都芸弖伎奈気婆多良知祢能波波母都未良母安佐都由爾毛能須蘇比都知由布疑里爾己呂毛弖奴礼弖左伎久之毛安流良牟其登久伊弖見都追麻都良牟母能乎世間能比登乃奈気伎波安比於毛波奴君爾安礼也母安伎波疑能知良敞流野辺乃波都乎花可里保爾布伎弖久毛婆奈礼等保伎久爾敞能都由之毛能佐武伎山辺爾夜杼里世流良牟
ame tuti to tomo ni moga mo to omopitutu ari kye mu monowo pasikyeyasi ipye wo panarete nami no upe yu nadusapi ki nite ara tama no tukwi pi mo ki pe nu kari ga ne mo tugite ki nakeba taratine no papa mo tuma ra mo asa tuyu ni mo no suswo piduti yupu gwiri ni koromo de nurete saki ku si mo aru ramu goto ku ide mi tutu matu ramu monowo yo no naka no pito no nageki pa api omopa nu kimi ni are ya mo aki pagwi no tirap eru nwo pye no patu wo pana kar ipo ni pukite kumo banare topo ki kuni pye no tuyu simo no samu ki yama bye ni yadori s eru ramu
毛美知葉能知里奈牟山爾夜杼里奴流君乎麻都良牟比等之可奈之母
momiti ba no tiri na mu yama ni yadori nuru kimi wo matu ramu pito no kanasi mo
毛母布祢乃波都流対馬能安佐治山志具礼能安米爾毛美多比爾家里
momo pune no paturu tusima no asadi yama sigure no ame ni momitapi ni kyeri
安伎左礼婆於久都由之毛爾安倍受之弖京師乃山波伊呂豆伎奴良牟
aki sareba oku tuyu simo ni ape zusite miyakwo no yama pa iro duki nu ramu
安之比奇能山下比可流毛美知葉能知里能麻河比波計布仁聞安流香母
asipikwi no yama sita pikaru momiti ba no tiri no magapi pa kyepu ni mo aru kamo
多可思吉能宇敞可多山者久礼奈為能也之保能伊呂爾奈里爾家流香聞
takasiki no upyekata yama pa kurenawi no yasipo no iro ni nari ni kyeru kamo
毛美知婆能知良布山辺由許具布祢能爾保比爾米弖弖伊低弖伎爾家里
momiti ba no tirapu yama bye yu kogu pune no nipopi ni medete idete ki ni kyeri
安伎也麻能毛美知乎可射之和我乎礼婆宇良之保美知久伊麻太安可奈久爾
aki yama no momiti wo kazasi wa ga woreba ura sipo miti ku imada aka naku ni
安麻久毛能多由多比久礼婆九月能毛美知能山毛宇都呂比爾家里
ama kumo no tayutapi kureba nagatukwi no momiti no yama mo uturopi ni kyeru
大伴乃美津能等麻里爾布祢波弖弖多都多能山乎伊都可故延伊加武
opotomo no mi tu no tomari ni pune patete tatuta no yama wo itu ka kwoye ika mu
安之比奇能夜麻治古延牟等須流君乎許許呂爾毛知弖夜須家伎宇母奈之
asipikwi no yama di kwoye mu to suru kimi wo kokoro ni motite yasu kyeku mo na si
安乎爾与之奈良能於保知波由吉余家杼許能山道波由伎安之可里家利
awo ni yo si nara no opo ti pa yuki yo kyedo ko no yama miti pa yuki asi kari kyeri
等保伎山世伎毛故要伎奴伊麻左良爾安布倍伎与之能奈伎我佐夫之佐
topo ki yama seki mo kwoye ki nu imasarani apu be ki yosi no na ki ga sabusi sa
等保伎山世伎毛故要伎奴伊麻左良爾安布倍伎与之能奈伎我左必之佐
topo ki yama seki mo kwoye ki nu imasarani apu be ki yosi no na ki ga sabisi sa
宇流波之等安我毛布伊毛乎山川乎奈可爾敞奈里弖夜須家久毛奈之
urupasi to a ga mopu imo wo yama kapa wo naka ni pyenarite yasu kyeku mo na si
安我未許曾世伎夜麻故要弖許己爾安良米許己呂波伊毛爾与里爾之母能乎
a ga mwi koso seki yama kwoyete koko ni ara me kokoro pa imo ni yori ni si monowo
和伎毛故爾安布左可山乎故要弖伎弖奈伎都都乎礼杼安布余思毛奈之
wagimo kwo ni apusaka yama wo kwoyete kite nakitutu woredo apu yosi mo na si
山川乎奈可爾敞奈里弖等保久登母許己呂乎知可久於毛保世和伎母
yama kapa wo naka ni pyenarite topo ku tomo kokoro wo tika ku omopose wagimo
足曳之山縵之兒今日徃跡吾爾告世婆還來麻之乎
asipikwi no yama kadura no kwo kyepu yuku to ware ni tuge seba kapyeri ki masi wo
緑子之若子蚊見庭垂乳爲母所懐褨襁平生蚊見庭結經方衣氷津裏丹縫服頸着之童子蚊見庭結幡袂着衣服我矣丹因子等何四千庭三名之綿蚊黒爲髪尾信櫛持於是蚊寸垂取束擧而裳纒見解乱童兒丹成見羅丹津蚊經色丹名着來紫之大綾之衣墨江之遠里小野之眞榛持丹穂之爲衣丹狛錦紐丹縫着刺部重部波累服打十八爲麻續兒等蟻衣之寶之子等蚊打栲者經而織布日曝之朝手作尾信巾裳成者之寸丹取爲支屋所經稻寸丁女蚊妻問迹我丹所來爲彼方之二綾裏沓飛鳥飛鳥壯蚊霖禁縫爲黒沓刺佩而庭立住退莫立禁尾迹女蚊髣髴聞而我丹所來爲水縹絹帶尾引帶成韓帶丹取爲海神之殿蓋丹飛翔爲輕如來腰細丹取餝氷眞十鏡己蚊果取雙懸而還氷見乍春避而野邊尾廻者面白見我矣思經蚊狭野津鳥來鳴翔經秋僻而山邊尾徃者名津蚊爲迹我矣思經蚊天雲裳行田菜引還立路尾所來者打氷刺宮尾見名刺竹之舎人壮裳忍經等氷還等氷見乍誰子其迹哉所思而在如是所爲故爲古部狭々寸爲我哉端寸八爲今日八方子等丹五十狭迩迹哉所思而在如是所爲故爲古部之賢人藻後之世之竪監將爲迹老人矣送爲車持還來持還來
midorikwo no waku gwo ga mwi ni pa taratisi papa ni udaka ye pimutuki no papu kwo gami ni pa yupu kata ginu pitura ni nupi ki kubi tuki no warapa ga mwi ni pa yupi pata no swode tuke goromo ki si ware wo nipopi yoru kwo ra ga yoti ni pa mina no wata ka gurwo si kami wo ma kusi moti koko ni kaki tari tori tukane agete mo maki mi toki midari warapa ni nasi mi sa ni tukapu iro ni natukasi ki murasaki no opo aya no kinu suminoye no topo satwo wo nwo no ma pari moti ni posi si kinu ni koma nisiki pimo ni nupi tuke sasa pu kasana pu nami kasane ki uti swo ya si womi no kwo ra arikinu no takara no kwo ra ga uti tape pa pete oru nunwo pi sarasi no asa te dukuri wo pire mo nasu pasi ki ni tori siki ipye ni puru inaki womina ga tuma dopu to ware ni okose si wotikata no puta aya sita kutu tobu tori no asuka wotokwo ga nag ame imi nupi si kurwo kutu sasi pakite nipa ni tatazumye makari na tati to sapuru wotomye ga pono kikite ware ni okose si mipanada no kinu no obi wo piki obi nasu kara obi ni tora si watatumi no tono no iraka ni tobi kakeru sugaru no goto ki kosi boso ni tori kazarapi maswo kagami tori name kakete ono ga kapo kapyerapi mitutu paru sarite nwo pye wo megureba omosirwo mi ware wo omo pe ka sa nwo tu tori ki naki kakerapu aki sarite yama pye wo yukeba natukasi to ware wo omo pe ka ama kumo mo yuki tanabik yeru kapyeri tati miti wo kureba utipi sasu miya womina sasutake no toneri wotokwo mo sino burapi kapye rapi mitutu ta ga kwo so to ya omopa yete aru kaku no goto se rare si yuweni inisipye sazaki si ware ya pasikiyasi kyepu ya mo kwo ra ni isa ni to ya omopa yete aru kaku no goto serare si yuweni inisipye no sakasi ki pito mo noti no yo no kagami ni se mu to oi pito wo okuri si kuruma moti kapyeri ko si moti kapyeri ko si
隠耳戀者辛苦山葉従出來月之顕者如何
komori nomwi kwopureba kurusi yama no pa yu ide kuru tukwi no arapasaba ika ni
事之有者小泊瀬山乃石城爾母隠者共爾莫思吾背
koto si araba wo patuse yama no ipa kwi ni mo komoraba tomo ni na omopi wa ga se
安積香山影副所見山井之淺心乎吾念莫國
asaka yama kage sape mi yuru yama no wi no asa ki kokoro wo wa ga omopa na ku ni
奈良山乃兒手柏之兩面爾左毛右毛侫人之友
nara yama no kwo no te gasipa no puta omote ni ka ni mo kaku ni mo kwobwi bito no tomo
吾兄子之犢鼻爾爲流都夫礼石之吉野乃山爾氷魚曽懸有
wa ga sekwo ga tapusaki ni su ru tubure isi no yosinwo no yama ni piwo so sagar eru
生死之二海乎猒見潮干乃山乎之努比鶴鴨
iki sini no puta tu no umi wo itopasi mi sipo pwi no yama wo sinwopi turu kamo
心乎之無何有乃郷爾置而有者藐狐射能山乎見末久知香谿務
kokoro wo si mukau no satwo ni okite araba pakwoya no yama wo mi maku tika kye mu
鯨魚取海哉死爲流山哉死爲流死許曽海者潮干而山者枯爲礼
isana tori umi ya sini su ru yama ya sini su ru sinure koso umi pa sipo pwite yama pa kare su re
志賀乃山痛勿伐荒雄良我余須可乃山跡見管將偲
sika no yama ita ku na kiri so ara wo ra ga yosuka no yama to mi tutu sinwopa mu
澁谿乃二上山爾鷲曽子産跡云指羽爾毛君之御爲爾鷲曽子生跡云
sibutani no putagami yama ni wasi so kwo mu to ipu sasi pa ni mo kimi ga mi tame ni wasi so kwo mu to ipu
伊刀古名兄乃君居々而物爾伊行跡波韓國乃虎云神乎生取爾八頭取持來其皮乎多々弥爾刺八重疊平群乃山爾四月与五月間爾藥猟仕流時爾足引乃此片山爾二立伊智比何本爾梓弓八多婆佐弥比米加夫良八多婆左弥宍待跡吾居時爾佐男鹿乃來立嘆久頓爾吾可死王爾吾仕牟吾角者御笠乃波夜詩吾耳者御墨坩吾目良波眞墨乃鏡吾爪者御弓之弓波受吾毛等者御筆波夜斯吾皮者御箱皮爾吾宍者御奈麻須波夜志吾伎毛母御奈麻須波夜之吾美義波御塩乃波夜之耆矣奴吾身一爾七重花佐久八重花生跡白賞尼白賞尼
itwokwo na se no kimi wori worite mono ni i yuku to pa kara kuni no twora to ipu kamwi wo ike dori ni ya tu tori moti ki so no kapa wo tatami ni sasi ya pye datami pyeguri no yama ni udukwi to satukwi to no ma ni kusuri gari tukapu ru toki ni asipiki no ko no kata yama ni puta tu tatu itipi ga moto ni adusa yumi ya tu ta basami pime kabura ya tu ta basami sisi matu to wa ga woru toki ni sa wo sika no ki tati nageka ku tatimatini ware pa sinu be si opo kimi ni ware pa tukape mu wa ga tunwo pa mi kasa no payasi wa ga mimi pa mi sumi no tubo wa ga me ra pa masumi no kagami wa ga tume pa mi yumi no yu pazu wa ga ke ra pa mi pumite payasi wa ga kapa pa mi pakwo no kapa ni wa ga sisi pa mi namasu payasi wa ga kimo mo mi namasu payasi wa ga mige pa mi sipo no payasi oi taru yatukwo wa ga mwi pito tu ni nana pye pana saku ya pye pana saku to mawosi payasa ne mawosi payasa ne
忍照八難波乃小江爾廬作難麻理弖居葦河爾乎王召跡何爲牟爾吾乎召良米夜明久吾知事乎歌人跡和乎召良米夜笛吹跡和乎召良米夜琴引跡和乎召良米夜彼此毛命受牟跡今日々々跡飛鳥爾到雖置々勿爾到雖不策都久怒爾到東中門由参納來弖命受例婆馬爾己曽布毛太志可久物牛爾己曽鼻縄波久例足引乃此片山乃毛武爾礼乎五百枝波伎垂天光夜日乃異爾干佐比豆留夜辛碓爾舂庭立手碓子爾舂忍光八難波乃小江乃始垂乎辛久垂來弖陶人乃所作龜乎今日徃明日取持來吾目良爾塩漆給腊賞毛腊賞毛
osi teru ya nanipa no wo ye ni ipo tukuri namarite woru asi gani wo opo kimi myesu to nani se mu ni wa wo myesu rame ya akirake ku wa ga siru koto wo uta pito to wa wo myesu rame ya puye puki to wa wo myesu rame ya koto piki to wa wo myesu rame ya ka mo kaku mo mi koto uke mu to kyepu kyepu to asuka ni itari tatedomo okina ni itari tukanedomo tukunwo ni itari pimugasi no naka no mikadwo yu mawi ri ki te mi koto uku reba uma ni koso pumodasi kaku mono usi ni koso pana duna pakure asipiki no ko no kata yama no momu nire wo i po ye pagi tari ama teru ya pi no kye ni posi sapiduru ya kara usu ni tuki nipa ni tatu te usu ni tuki osi teru ya nanipa no wo ye no patu tari wo kara ku tari ki te suwe pito no tukur eru kame wo kyepu yukite asu tori moti ki wa ga me ra ni sipo nuri tamapi kitapi payasu mo kitapi payasu mo
烏梅乃花美夜万等之美爾安里登母也如此乃未君波見礼登安可爾勢牟
u me no pana mi yama to simi ni ari tomo ya kaku nomwi kimi pa mi redo aka ni se mu
珠爾奴久安布知乎宅爾宇恵多良婆夜麻霍公鳥可礼受許武可聞
tama ni nuku aputi wo ipye ni uwe taraba yama pototogisu kare zu ko mu kamo
安之比奇能山辺爾乎礼婆保登等芸須木際多知久吉奈可奴日波奈之
asipikwi no yama bye ni woreba pototogisu ko no ma tati kuki naka nu pi pa na si
安之比奇能山谷古延低野豆可佐爾今者鳴良牟宇具比須乃許恵
asipikwi no yama tani kwoyete nwo dukasa ni ima pa naku ramu ugupisu no kowe
山乃可比曾許登母見延受乎登都日毛昨日毛今日毛由吉能布礼礼婆
yama no kapi soko to mo mi ye zu woto tu pi mo kinopu mo kyepu mo yuki no pur ereba
吉美爾餘里吾名波須泥爾多都多山絶多流孤悲乃之気吉許呂可母
kimi ni yori wa ga na pa sudeni tatuta yama taye taru kwopwi no sike ki kokoro kamo
奴婆多麻乃欲波布気奴良之多末久之気敷多我美夜麻爾月加多夫伎奴
nubatama no ywo pa puke nu rasi tama kusige putagami yama ni tukwi katabuki nu
安麻射加流比奈乎佐米爾等大王能麻気乃麻爾末爾出而許之和礼乎於久流登青丹余之奈良夜麻須芸低泉河伎欲吉可波良爾馬駐和可礼之時爾好去而安礼可敞理許牟平久伊波比低待登可多良比低許之比乃伎波美多麻保許能道乎多騰保美山河能敞奈里低安礼婆孤悲之家口気奈我枳物能乎見麻久保里念間爾多麻豆左能使乃家礼婆宇礼之美登安我麻知刀敷爾於餘豆礼能多波許登等可毛波之伎余思奈弟乃美許等奈爾之加母時之波安良牟乎波太須酒吉穂出秋乃芽子花爾保敞流屋戸乎安佐爾波爾伊泥多知奈良之暮庭爾敷美多比良気受佐保能宇知乃里乎徃過安之比紀乃山能許奴礼爾白雲爾多知多奈妣久登安礼爾都気都流
ama zakaru pina wosame ni to opo kimi no make no manima ni idete ko si ware wo okuru to awo ni yo si nara yama sugwite idumi gapa kiywo ki kapara ni uma todome wakare si toki ni ma saki kute are kapyeri ko mu tapirake ku ipapite mate to katarapite ko si pi no kipami tama poko no miti wo ta dopo mi yama kapa no pyenarite areba kwopwisi kyeku ke naga ki monowo mi maku pori omopu apida ni tamadusa no tukapi no k yereba uresi mito a ga mati twopu ni oyodure no tapa koto to ka mo pasikiyosi na oto no mikoto nani si ka mo toki si pa ara mu wo pada susuki po n iduru aki no pagwi no pana nipop yeru yadwo wo asa nipa ni ide tati narasi yupu nipa ni pumi tapirage zu sapo no uti no satwo wo yuki sugwi asipikwi no yama no konure ni sira kumo ni tati tanabiku to are ni tuge turu
大王能麻気能麻爾麻爾大夫之情布里於許之安思比奇能山坂古延弖安麻射加流比奈爾久太理伎伊伎太爾毛伊麻太夜須米受年月毛伊久良母阿良奴爾宇都世美能代人奈礼婆宇知奈妣吉等許爾許伊布之伊多家苦之日異益多良知祢乃波波能美許等乃大船乃由久良由久良爾思多呉非爾伊都可聞許武等麻多須良牟情左夫之苦波之吉与志都麻能美許登母安気久礼婆門爾餘里多知己呂母泥乎遠理加敞之都追由布佐礼婆登許宇知波良比奴婆多麻能黒髪之吉低伊都之加登奈気可須良牟曾伊母毛勢母和可伎児等毛波乎知許知爾佐和吉奈久良牟多麻保己能美知乎多騰保弥間使毛夜流余之母奈之於母保之伎許登都低夜良受孤布流爾思情波母要奴多麻伎波流伊乃知乎之家騰世牟須辨能多騰伎乎之良爾加苦思低也安良志乎須良爾奈気枳布勢良武
opo kimi no make no manima ni masura wo no kokoro puri okosi asipikwi no yama zaka kwoyete ama zakaru pina ni kudari ki iki dani mo imada yasume zu tosi tukwi mo ikura mo ara nu ni utusemi no yo no pito nareba uti nabiki toko ni koi pusi ita kyeku si pi ni kyeni masaru taratine no papa no mikoto no opo pune no yukurayukura ni sita gwopwi ni itu ka mo ko mu to mata su ramu kokoro sabusi ku pasikiyosi tuma no mikoto mo ake kureba two ni yori tati koromo de wo wori kapyesitutu yupu sareba toko uti parapi nubatama no kurwo kami sikite itu si ka to nageka su ramu so imo mo se mo waka ki kwo domo pa woti koti ni sawaki naku ramu tama poko no miti wo ta dopo mi ma dukapi mo yaru yosi mo na si omoposi ki koto tute yara zu kwopuru ni si kokoro pa moye nu tamakiparu inoti wosi kyedo se mu subye no tadoki wo sira ni kaku site ya ara si wo surani nageki puse ramu
山河乃曾伎敞乎登保美波之吉余思伊母乎安比見受可久夜奈気加牟
yama kapa no sokipye wo topo mi pasikiyosi imo wo api mi zu kaku ya nageka mu
夜麻我比爾佐家流佐久良乎多太比等米伎美爾弥西低婆奈爾乎可於母波牟
yama gapi ni sak yeru sakura wo tada pito me kimi ni mise teba nani wo ka omopa mu
宇具比須能伎奈久夜麻夫伎宇多賀多母伎美我手敷礼受波奈知良米夜母
ugupisu no ki naku yama buki utagatamo kimi ga te pure zu pana tirame ya mo
於保吉民能麻気乃麻爾麻爾之奈射加流故之乎袁佐米爾伊泥低許之麻須良和礼須良余能奈可乃都祢之奈家礼婆宇知奈妣伎登許爾己伊布之伊多家苦乃日異麻世婆可奈之家口許己爾思出伊良奈家久曾許爾念出奈家久蘇良夜須家奈久爾於母布蘇良久流之伎母能乎安之比紀能夜麻伎敞奈里低多麻保許乃美知能等保家婆間使毛遣縁毛奈美於母保之吉許等毛可欲波受多麻伎波流伊能知乎之家登勢牟須辨能多騰吉乎之良爾隠居而念奈気加比奈具佐牟流許己呂波奈之爾春花乃佐家流左加里爾於毛敷度知多乎里可射佐受波流乃野能之気美登妣久久鴬音太爾伎加受乎登売良我春菜都麻須等久礼奈為能赤裳乃須蘇能波流佐米爾爾保比比豆知弖加欲敷良牟時盛乎居多豆良爾須具之夜里都礼思努波勢流君之心乎宇流波之美此夜須我浪爾伊母祢受爾今日毛之売良爾孤悲都追曾乎流
opo kimi no make no manima ni sinazakaru kwosi wo wosame ni idete ko si masura ware sura yo no naka no tune si na kyereba uti nabiki toko ni koi pusi ita kyeku no pi ni kyeni maseba kanasi kyeku koko ni omopi de irana kyeku soko ni omopi de nageku swora yasu kye naku ni omopu swora kurusi ki monowo asipikwi no yama ki pyenarite tama poko no miti no topo kyeba ma dukapi mo yaru yosi mo na mi omoposi ki koto mo kaywopa zu tamakiparu inoti wosi kyedo se mu subye no tadoki wo sira ni komori wite omopi nagekapi nagusamuru kokoro pa na si ni paru pana no sak yeru sakari ni omopu dwoti ta wori kazasa zu paru no nwo no sikemi tobi kuku ugupisu no kowe dani kika zu wotomye ra ga paru na tuma su to kurenawi no aka mo no suswo no paru same ni nipopi pidutite kaywopu ramu toki no sakari wo itadura ni sugusi yari ture sinwopa s eru kimi ga kokoro wo urupasi mi ko no ywo sugara ni i mo ne zuni kyepu mo simyera ni kwopwitutu so woru
安之比奇能夜麻佐久良婆奈比等目太爾伎美等之見低婆安礼古非米夜母
asipikwi no yama sakura bana pito me dani kimi to si mi teba are kwopwi me ya mo
夜麻扶枳能之気美登毘久久鴬能許恵乎聞良牟伎美波登母之毛
yama buki no sikemi tobi kuku ugupisu no kowe wo kiku ramu kimi pa tomosi mo
憶保枳美能弥許等可之古美安之比奇能夜麻野佐波良受安麻射可流比奈毛乎佐牟流麻須良袁夜奈迩可母能毛布安乎爾余之奈良治伎可欲布多麻豆佐能都可比多要米也己母理古非伊枳豆伎和多利之多毛比爾奈気可布和賀勢伊爾之敞由伊比都芸久良之餘乃奈加波可受奈枳毛能曾奈具佐牟流己等母安良牟等佐刀毘等能安礼迩都具良久夜麻備爾波佐久良婆奈知利可保等利能麻奈久之婆奈久春野爾須美礼乎都牟等之路多倍乃蘇泥乎利可敞之久礼奈為能安可毛須蘇妣伎乎登売良波於毛比美太礼弖伎美麻都等宇良呉悲須奈理己許呂具志伊謝美爾由加奈許等波多奈由比
opo kimi no mi koto kasikwo mi asipikwi no yama nwo sapara zu ama zakaru pina mo wosamuru masura wo ya nani ka mono mopu awo ni yo si nara di ki kaywopu tamadusa no tukapi taye me ya komori kwopwi ikiduki watari sita mopi ni nagekapu wa ga se inisipye yu ipi tugi ku rasi yo no naka pa kazu na ki mono so nagusamuru koto mo ara mu to satwo bito no are ni tuguraku yama bwi ni pa sakura bana tiri kapo tori no ma na ku siba naku paru no nwo ni sumire wo tumu to sirwo tape no swode wori kapyesi kurenawi no aka mo suswo biki wotomye ra pa omopi midarete kimi matu to ura gwopwi su nari kokorogu si iza mi ni yukana koto pa tanayupi
夜麻扶枳波比爾比爾佐伎奴宇流波之等安我毛布伎美波思久思久於毛保由
yama buki pa pi ni pi ni saki nu urupasi to a ga mopu kimi pa sikusiku omopoyu
佐家理等母之良受之安良婆母太毛安良牟己能夜万夫吉乎美勢追都母等奈
sak yeri to mo sira zu si araba moda mo ara mu ko no yama buki wo misetutu motona
妹毛吾毛許己呂波於夜自多具敞礼登伊夜奈都可之久相見婆登許波都波奈爾情具之眼具之毛奈之爾波思家夜之安我於久豆麻大王能美許登加之古美阿之比奇能夜麻古要奴由伎安麻射加流比奈乎左米爾等別来之曾乃日乃伎波美荒璞能登之由吉我敞利春花乃宇都呂布麻泥爾相見祢婆伊多母須敞奈美之伎多倍能蘇泥可敞之都追宿夜於知受伊米爾波見礼登宇都追爾之多太爾安良祢婆孤悲之家口知敞爾都母里奴近在者加敞利爾太仁母宇知由吉低妹我多麻久良佐之加倍低祢天蒙許万思乎多麻保己乃路波之騰保久関左閇爾敞奈里低安礼許曾与思恵夜之餘志播安良武曾霍公鳥来鳴牟都奇爾伊都之加母波夜久奈里那牟宇乃花能爾保敞流山乎余曾能未母布里佐気見都追淡海路爾伊由伎能里多知青丹吉奈良乃吾家爾奴要鳥能宇良奈気之都追思多恋爾於毛比宇良夫礼可度爾多知由布気刀比都追吾乎麻都等奈須良牟妹乎安比低早見牟
imo mo ware mo kokoro pa oyazi tagup yeredo iya natukasi ku api mire ba toko patu pana ni kokoro gu si megu si mo na si ni pasikyeyasi a ga oku duma opo kimi no mi koto kasikwomi asipikwi no yama kwoye nu yuki ama zakaru pina wosame ni to wakare ko si so no pi no kipami ara tama no tosi yuki gapyeri paru pana no uturopu madeni api mi neba ita mo subye na mi siki tape no swode kapyesitutu nuru ywo oti zu ime ni pa mi redo ututu ni si tada ni ara neba kwopwisi kyeku ti pye ni tumori nu tika ku araba kapyeri ni dani mo uti yukite imo ga ta makura sasi kapete nete mo ko masi wo tama poko no miti pa si dopo ku seki sapeni pyenarite are koso yosi we ya si yosi pa ara mu so pototogisu ki naka mu tukwi ni itu si ka mo paya ku nari na mu u no pana no nipop yeru yama wo yoso nomwi mo purisake mi tutu apumi di ni i yuki nori tati awo ni yo si nara no wagipye ni nuye dori no ura nake situtu sita gwopwi ni omopi urabure kadwo ni tati yupu ke twopitutu a wo matu to nasu ramu imo wo apite paya mi mu
安之比奇能夜麻伎敞奈里低等保家騰母許己呂之遊気婆伊米爾美要家里
asipikwi no yama ki pyenarite topo kyedomo kokoro si yukeba ime ni mi ye kyeri
安思比奇能夜麻毛知可吉乎保登等芸須都奇多都麻泥爾奈仁加吉奈可奴
asipikwi no yama mo tika ki wo pototogisu tukwi tatu madeni nani ka ki naka nu
伊美都河泊伊由伎米具礼流多麻久之気布多我美山者波流波奈乃佐家流左加利爾安吉能葉乃爾保敞流等伎爾出立低布里佐気見礼婆可牟加良夜曾許婆多敷刀伎夜麻可良夜見我保之加良武須売可未能須蘇未乃夜麻能之夫多爾能佐吉乃安里蘇爾阿佐奈芸爾余須流之良奈美由敷奈芸爾美知久流之保能伊夜麻之爾多由流許登奈久伊爾之敞由伊麻乃乎都豆爾可久之許曾見流比登其等爾加気低之努波米
imidu kapa i yuki megur eru tama kusige putagami yama pa paru pana no sak yeru sakari ni aki no pa no nipop yeru toki ni ide tati te purisake mi reba kamu kara ya sokoba taputwo ki yama kara ya mi ga posi kara mu sumye kamwi no suswo mwi no yama no sibutani no saki no ariswo ni asa nagi ni yosuru sira nami yupu nagi ni miti kuru sipo no iya masi ni tayuru koto na ku inisipye yu ima no wotutu ni kaku si koso mi ru pito gotoni kakete sinwopa me
多麻久之気敷多我美也麻爾鳴鳥能許恵乃孤悲思吉登岐波伎爾家里
tama kusige putagami yama ni naku tori no kowe no kwopwisi ki toki pa ki ni kyeri
物能乃敷能夜蘇等母乃乎能於毛布度知許己呂也良武等宇麻奈米低宇知久知夫利乃之良奈美能安利蘇爾与須流之夫多爾能佐吉多母登保理麻都太要能奈我波麻須義低宇奈比河波伎欲吉勢其等爾宇加波多知可由吉加久遊岐見都礼騰母曾許母安加爾等布勢能宇弥爾布祢宇気須恵低於伎敞許芸辺爾己伎見礼婆奈芸左爾波安遅牟良佐和伎之麻未爾波許奴礼波奈左吉許己婆久毛見乃佐夜気吉加多麻久之気布多我弥夜麻爾波布都多能由伎波和可礼受安里我欲比伊夜登之能波爾於母布度知可久思安蘇婆牟異麻母見流其等
mononopu no ya swo tomo no wo no omopu dwoti kokoro yara mu to uma namete utikutiburino sira nami no ariswo ni yosuru sibutani no saki ta motopori matudaye no naga pama sugwite unapi kapa kiywo ki se gotoni u kapa tati ka yuki kaku yuki mi turedomo soko mo aka nito puse no umi ni pune uke suwete oki pye kogi pye ni kogi mi reba nagisa ni pa adi mura sawaki sima mwi ni pa konure pana saki kokobaku mo mi no sayake ki ka tama kusige putagami yama ni papu tuta no yuki pa wakare zu ari gaywopi iya tosi no pa ni omopu dwoti kaku si aswoba mu ima mo mi ru goto
布治奈美波佐岐弖知理爾伎宇能波奈波伊麻曾佐可理等安之比奇能夜麻爾毛野爾毛保登等芸須奈伎之等与米婆宇知奈妣久許己呂毛之努爾曾己乎之母宇良胡非之美等於毛布度知宇麻宇知牟礼弖多豆佐波理伊泥多知美礼婆伊美豆河泊美奈刀能須登利安佐奈芸爾可多爾安佐里之思保美弖婆都麻欲妣可波須等母之伎爾美都追須疑由伎之夫多爾能安利蘇乃佐伎爾於枳追奈美余勢久流多麻母可多与理爾可都良爾都久理伊毛我多米低爾麻吉母知弖宇良具波之布勢能美豆宇弥爾阿麻夫祢爾麻可治加伊奴吉之路多倍能蘇泥布理可辺之阿登毛比弖和賀己芸由気婆乎布能佐伎波奈知利麻我比奈伎佐爾波阿之賀毛佐和伎佐射礼奈美多知弖毛為弖母己芸米具利美礼登母安可受安伎佐良婆毛美知能等伎爾波流佐良婆波奈能佐可利爾可毛加久母伎美我麻爾麻等可久之許曾美母安吉良米米多由流比安良米也
pudi nami pa sakite tiri ni ki u no pana pa ima so sakari to asipikwi no yama ni mo nwo ni mo pototogisu naki si toyomeba uti nabiku kokoro mo sinwo ni soko wo si mo ura gwopwisi mito omopu dwoti uma uti murete tadusapari ide tati mireba imidu kapa minatwo no su dori asa nagi ni kata ni asari si sipo miteba tuma ywobi kapasu tomosi ki ni mitutu sugwi yuki sibutani no ariswo no saki ni oki tu nami yose kuru tama mo katayori ni kadura ni tukuri imo ga tame te ni maki motite ura gupasi puse no midu umi ni ama bune ni ma kadi kainuki sirwo tape no swode puri kapyesi adomopite wa ga kogi yukeba wopu no saki pana tiri magapi nagisa ni pa asi gamo sawaki sazare nami tatite mo wite mo kogi meguri miredomo aka zu aki saraba momiti no toki ni paru saraba pana no sakari ni ka mo kaku mo kimi ga manima nito kaku si koso mi mo akirame me tayuru pi ara me ya
安麻射可流比奈爾名可加須古思能奈可久奴知許登其等夜麻波之母之自爾安礼登毛加波波之母佐波爾由気等毛須売加未能宇之波伎伊麻須爾比可波能曾能多知夜麻爾等許奈都爾由伎布理之伎弖於婆勢流可多加比河波能伎欲吉瀬爾安佐欲比其等爾多都奇利能於毛比須疑米夜安理我欲比伊夜登之能播仁余増能未母布利佐気見都都余呂豆餘能可多良比具佐等伊末太見奴比等爾母都気牟於登能未毛名能未母伎吉低登母之夫流我祢
ama zakaru pina ni na kaka su kwosi no naka kun uti kotogoto yama pa si mo sizi ni aredomo kapa pa si mo sapa ni yukedomo sumye kamwi no usipaki imasu nipikapa no so no tati yama ni toko natu ni yuki puri sikite oba s eru katakapi kapa no kiywo ki se ni asa ywopi gotoni tatu kwiri no omopi sugwi me ya ari gaywopi iya tosi no pa ni yoso nomwi mo purisake mi tutu yorodu yo no katarapi gusa to imada mi nu pito ni mo tuge mu oto nomwi mo na nomwi mo kikite tomosiburu gane
多知夜麻爾布里於家流由伎乎登己奈都爾見礼等母安可受加武賀良奈良之
tati yama ni puri ok yeru yuki wo toko natu ni mi redomo aka zu kamu kara na rasi
阿佐比左之曾我比爾見由流可無奈我良弥奈爾於婆勢流之良久母能知辺乎於之和気安麻曾曾理多可吉多知夜麻布由奈都登和久許等母奈久之路多倍爾遊吉波布里於吉弖伊爾之辺遊阿理吉仁家礼婆許其志可毛伊波能可牟佐備多末伎波流伊久代経爾家牟多知低為弖見礼登毛安夜之弥祢太可美多爾乎布可美等於知多芸都吉欲伎可敷知爾安佐左良受綺利多知和多利由布佐礼婆久毛為多奈毘吉久毛為奈須己許呂毛之努爾多都奇理能於毛比須具佐受由久美豆乃於等母佐夜気久与呂豆余爾伊比都芸由可牟加波之多要受波
asa pi sasi sogapini mi yuru kamu nagara mi na ni oba s eru sira kumo no ti pye wo osi wake ama sosori taka ki tati yama puyu natu to waku koto mo na ku sirwo tape ni yuki pa puri okite inisipye yu ari ki ni kyereba kogosi ka mo ipa no kamusabwi tamakiparu iku yo pe ni kye mu tatite wite mi redomo ayasi mine daka mi tani wo puka mito oti tagitu kiywo ki kaputi ni asa sara zu kwiri tati watari yupu sareba kumo wi tanabiki kumo wi nasu kokoro mo sinwo ni tatu kwiri no omopi sugusa zu yuku midu no oto mo sayake ku yorodu yo ni ipi tugi yuka mu kapa si taye zupa
多知夜麻爾布理於家流由伎能等許奈都爾気受弖和多流波可無奈我良等曾
tati yama ni puri ok yeru yuki no toko natu ni ke zute wataru pa kamu nagara to so
可伎加蘇布敷多我美夜麻爾可牟佐備弖多低流都我能奇毛等母延毛於夜自得伎波爾波之伎与之和我世乃伎美乎安佐左良受安比弖許登騰比由布佐礼婆手多豆佐波利弖伊美豆河波吉欲伎可布知爾伊泥多知弖和我多知弥礼婆安由能加是伊多久之布気婆美奈刀爾波之良奈美多可弥都麻欲夫等須騰理波佐和久安之可流等安麻乃乎夫祢波伊里延許具加遅能於等多可之曾己乎之毛安夜爾登母志美之怒比都追安蘇夫佐香理乎須売呂伎能乎須久爾奈礼婆美許登母知多知和可礼奈婆吉民婆安礼騰母於久礼多流美知由久和礼播多麻保許乃之良久毛能多奈妣久夜麻乎伊波祢布美古要敞奈利奈婆孤悲之家久気乃奈我家牟曾則許母倍婆許己呂志伊多思保等登芸須多麻爾母我許恵爾安倍奴久手爾麻吉毛知弖安佐欲比爾見都追由可牟乎於伎弖伊加婆乎思
kaki kazwopu putagami yama ni kamusabwite tat eru tuga no kwi moto mo ye mo oyazi tokipa ni pasikiyosi wa ga se no kimi wo asa sara zu apite koto dopi yupu sareba te tadusaparite imidu kapa kiywo ki kaputi ni ide tatite wa ga tati mireba ayu no kaze ita ku si pukeba minatwo ni pa sira nami taka mi tuma ywobu to su dori pa sawaku asi karu to ama no wo bune pa iri ye kogu kadi no oto taka si soko wo si mo ayani tomosi mi sinwopitutu aswobu sakari wo sumyeroki no wosu kuni nareba mikoto moti tati wakareba okure taru kimi pa aredomo tama poko no miti yuku ware pa sira kumo no tanabiku yama wo ipa ne pumi kwoye pyenari naba kwopwisi kyeku ke no naga kye mu so soko mopeba kokoro si ita si pototogisu kowe ni ape nuku tama ni moga te ni maki motite asa ywopi ni mi tutu yuka mu wo okite ikaba wosi
安遠迩与之奈良乎伎波奈礼阿麻射可流比奈爾波安礼登和賀勢故乎見都追志乎礼婆於毛比夜流許等母安利之乎於保伎美乃美許等可之古美乎須久爾能許等登理毛知弖和可久佐能安由比多豆久利無良等理能安佐太知伊奈婆於久礼多流阿礼也可奈之伎多妣爾由久伎美可母孤悲無於毛布蘇良夜須久安良祢婆奈気可久乎等騰米毛可祢低見和多勢婆宇能婆奈夜麻乃保等登芸須祢能未之奈可由安佐疑理能美太流流許己呂許登爾伊泥弖伊波婆由遊思美刀奈美夜麻多牟気能可味爾奴佐麻都里安我許比能麻久波之家夜之吉美賀多太可乎麻佐吉久毛安里多母等保利都奇多多婆等伎毛可波佐受奈泥之故我波奈乃佐可里爾阿比見之米等曾
awo ni yo si nara wo ki panare ama zakaru pina ni pa aredo wa ga sekwo wo mi tutu si woreba omopi yaru koto mo ari si wo opo kimi no mi koto kasikwo mi wosu kuni no koto tori motite waka kusa no ayupi ta dukuri mura tori no asa dati inaba okure taru are ya kanasi ki tabi ni yuku kimi ka mo kwopwi mu omopu swora yasu ku ara neba nagekaku wo todome mo kanete mi wataseba u no pana yama no pototogisu ne nomwi si naka yu asa gwiri no midaruru kokoro koto ni idete ipaba yuyusi mi twonami yama tamuke no kamwi ni nusa maturi a ga kopi nomaku pasikyeyasi kimi ga tadaka wo ma saki ku mo ari ta motopori tukwi tataba toki mo kapasa zu nadesikwo ga pana no sakari ni api mi sime to so
大王乃等保能美可度曾美雪落越登名爾於敞流安麻射可流比奈爾之安礼婆夜麻高美河登保之呂思野乎比呂美久佐許曾之既吉安由波之流奈都能左加利等之麻都等里鵜養我登母波由久加波乃伎欲吉瀬其等爾可賀里左之奈豆左比能保流露霜乃安伎爾伊多礼婆野毛佐波爾等里須太家里等麻須良乎能登母伊射奈比弖多加波之母安麻多安礼婆矢形尾乃安我大黒爾之良奴里能鈴登里都気弖朝獵爾伊保都登里多弖暮獵爾知登理布美多低於敷其等迩由流須許等奈久手放毛乎知母可夜須伎許礼乎於伎低麻多波安里我多之左奈良敞流多可波奈家牟等情爾波於毛比保許里弖恵麻比都追和多流安比太爾多夫礼多流之許都於吉奈乃許等太爾母吾爾波都気受等乃具母利安米能布流日乎等我理須等名乃未乎能里弖三嶋野乎曾我比爾見都追二上山登妣古要低久母我久理可気理伊爾伎等可敞理伎弖之波夫礼都具礼呼久餘思乃曾許爾奈家礼婆伊敷須敞能多騰伎乎之良爾心爾波火佐倍毛要都追於母比孤悲伊伎豆吉安麻利気太之久毛安布許等安里也等安之比奇能乎低母許乃毛爾等奈美波里母利敞乎須恵低知波夜夫流神社爾低流鏡之都爾等里蘇倍己比能美弖安我麻都等吉爾乎登売良我伊米爾都具良久奈我古敷流曾能保追多加波麻追太要乃波麻由伎具良之都奈之等流比美乃江過弖多古能之麻等妣多毛登保里安之我母乃須太久奮江爾乎等都日毛伎能敷母安里追知加久安良婆伊麻布都可太未等保久安良婆奈奴可乃乎知波須疑米也母伎奈牟和我勢故祢毛許呂爾奈孤悲曾余等曾伊麻爾都気都流
opo kimi no topo no mikadwo so mi yuki puru kwosi to na ni op yeru ama zakaru pina ni si areba yama taka mi kapa toposiro si nwo wo piro mi kusa koso sigye ki ayu pasiru natu no sakari to sima tu tori u kapi ga tomo pa yuku kapa no kiywo ki se gotoni kagari sasi nadusapi noboru tuyu simo no aki ni itareba nwo mo sapa ni tori sudak yeri to masura wo no tomo izanapite taka pa si mo amata aredomo ya kata wo no a ga opo kurwo ni sira nuri no suzu tori tukete asa kari ni i po tu tori tate yupu kari ni ti dori pumi tate opu gotoni yurusu koto na ku ta banare mo woti mo ka yasu ki kore wo okite mata pa ari gata si sa narab yeru taka pa na kye mu to kokoro ni pa omopi pokorite wemapitutu wataru apida ni tabure taru siko tu okina no koto dani mo ware ni pa tuge zu tonogumori ame no puru pi wo to gari su to na nomwi wo norite misima nwo wo sogapini mi tutu putagami no yama tobi kwoyete kumo gakuri kakeri ini ki to kapyeri kite sipabure tugure woku yosi no soko ni na kyereba ipu subye no tadoki wo sira ni kokoro ni pa pwi sape moyetutu omopi kwopwi ikiduki amari kedasiku mo apu koto ari ya to asipikwi no wotemo konomo ni tonami pari mori bye wo suwete tipayaburu kamwi no yasiro ni teru kagami situ ni tori swope kopi nomite a ga matu toki ni wotomye ra ga ime ni tuguraku na ga kwopuru so no potu taka pa matudaye no pama yuki gurasi tunasi toru pimi no ye sugwi te takwo no sima tobi ta motopori asi gamo no sudaku puruye ni woto tu pi mo kinopu mo ari tu tika ku araba ima putu ka damwi topo ku araba nanu ka no woti pa sugwi me ya mo ki na mu wa ga sekwo nemokoro ni na kwopwi so yo to so ima ni tuge turu
麻追我敞里之比爾弖安礼可母佐夜麻太乃乎治我其日爾母等米安波受家牟
matu gapyeri sipi nite are ka mo sa yama da no wo di ga so no pi ni motome apa zu kye mu
情爾波由流布許等奈久須加能夜麻須加奈久能未也孤悲和多利奈牟
kokoro ni pa yurupu koto na ku suga no yama sukana ku nomwi ya kwopwi watari na mu
多知夜麻乃由吉之久良之毛波比都奇能可波能和多理瀬安夫美都加須毛
tati yama no yuki si ku rasi mo papitukwi no kapa no watari ze abumi tukasu mo
米豆良之伎吉美我伎麻佐婆奈家等伊比之夜麻保登等芸須奈爾加伎奈可奴
medurasi ki kimi ga ki masaba nakye to ipi si yama pototogisu nani ka ki naka nu
保登等芸須伊麻奈可受之弖安須古要牟夜麻爾奈久登母之流思安良米夜母
pototogisu ima naka zusite asu kwoye mu yama ni naku tomo sirusi ara me ya mo
敷多我美能夜麻爾許母礼流保等登芸須伊麻母奈加奴香伎美爾伎可勢牟
putagami no yama ni komor eru pototogisu ima mo naka nu ka kimi ni kika se mu
都奇見礼婆於奈自久爾奈里夜麻許曾婆伎美我安多里乎敞太弖多里家礼
tukwi mi reba onazi kuni nari yama kosoba kimi ga atari wo pyedate tari kyere
安之比奇能夜麻波奈久毛我都奇見礼婆於奈自伎佐刀乎許己呂敞太底都
asipikwi no yama pa na ku moga tukwi mi reba onazi ki satwo wo kokoro pyedate tu
高御座安麻乃日継登須賣呂伎能可未能美許登能伎己之乎須久爾能麻保良爾山乎之毛佐波爾於保美等百鳥能来居弖奈久許恵春佐礼婆伎吉乃可奈之母伊豆礼乎可和枳弖之努波无宇能花乃佐久月多弖婆米都良之久鳴保等登芸須安夜女具佐珠奴久麻泥爾比流久良之欲和多之伎気騰伎久其等爾許己呂都呉枳弖宇知奈気伎安波礼能登里等伊波奴登枳奈思
taka mi kura ama no pi tugi to sumyeroki no kamwi no mikoto no kikosi wosu kuni no mapora ni yama wo si mo sapa ni opo mito momo tori no ki wi te naku kowe paru sareba kiki no kanasi mo idure wo ka wakite sinwopa mu u no pana no saku tukwi tateba medurasi ku naku pototogisu ayamye gusa tama nuku madeni piru kurasi ywo watasi kikedo kiku gotoni kokorotugwokite uti nageki apare no tori to ipa nu toki na si
葦原能美豆保國乎安麻久太利之良志賣之家流須賣呂伎能神乃美許等能御代可佐祢天乃日嗣等之良志久流伎美能御代御代之伎麻世流四方國爾波山河乎比呂美安都美等多弖麻都流御調寶波可蘇倍衣受都久之毛可祢都之加礼騰母吾大王乃毛呂比登乎伊射奈比多麻比善事乎波自米多麻比弖久我祢可毛多之気久安良牟登於母保之弖之多奈夜麻須爾鶏鳴東國乃美知能久乃小田在山爾金有等麻宇之多麻敞礼御心乎安吉良米多麻比天地乃神安比宇豆奈比皇御祖乃御霊多須気弖遠代爾可可里之許登乎朕御世爾安良波之弖安礼婆御食國波左可延牟物能登可牟奈我良於毛保之賣之弖毛能乃布能八十伴雄乎麻都呂倍乃牟気乃麻爾麻爾老人毛女童児毛之我願心太良比爾撫賜治賜婆許己乎之母安夜爾多敷刀美宇礼之家久伊余与於母比弖大伴乃遠都神祖乃其名乎婆大来目主等於比母知弖都加倍之官海行者美都久屍山行者草牟須屍大皇乃敞爾許曾死米可敞里見波勢自等許等太弖大夫乃伎欲吉彼名乎伊爾之敞欲伊麻乃乎追通爾奈我佐敞流於夜乃子等毛曾大伴等佐伯乃氏者人祖乃立流辞立人子者祖名不絶大君爾麻都呂不物能等伊比都雅流許等能都可左曾梓弓手爾等差と母知弖釼大刀許之爾等里波伎安佐麻毛利由布能麻毛利爾大王乃三門乃麻毛利和礼乎於吉弖比等波安良自等伊夜多低於毛比之麻左流大皇乃御言能左吉乃聞者貴美
asi para no midupo no kuni wo ama kudari sira si myesi kyeru sumyeroki no kamwi no mikoto no mi yo kasane ama no pi tugi to sira si kuru kimi no mi yo mi yo siki mas eru yomo no kuni ni pa yama kapa wo piro mi atu mito tate maturu mi tukwi takara pa kazwope e zu tukusi mo kane tu sikaredomo wa go opo kimi no moro pito wo izanapi tamapi yo ki koto wo pazime tamapite ku gane ka mo tasike ku ara mu to omoposite sita nayama su ni tori ga naku aduma no kuni no mitinoku no wo da n aru yama ni ku gane ari to mausi tamap yere mi kokoro wo akirame tamapi ama tuti no kamwi api udunapi sumyeroki no mi tama tasukete topo ki yo ni kakari si koto wo wa ga mi yo ni arapasite areba wosu kuni pa sakaye mu mono to kamu nagara omoposi myesite mononopu no ya swo tomo no wo wo maturope no muke no manima ni oi pito mo womina warapa mo si ga negapu kokoro darapi ni nade tamapi wosame tamape ba koko wo si mo ayani taputwo mi uresi kyeku iyoyo omopite opotomo no topo tu kamu oya no so no na woba opo kume nusi to opi motite tukape si tukasa umi yukaba miduku kabane yama yukaba kusa musu kabane opo kimi no pye ni koso sina me kapyeri mi pa sezi to koto date masura wo no kiywo ki so no na wo inisipye ywo ima no wotutu ni nagasap yeru oya no kwo domo so opotomo to sapa no udi pa pito no oya no tatu ru koto date pito no kwo pa oya no na tata zu opo kimi ni maturwopu mono to ipi tug yeru koto no tukasa so adusa yumi te ni tori motite turugi tati kosi ni tori paki asa mamori yupu no mamori ni opo kimi no mi kadwo no mamori ware wo okite pito pa arazi to iya tate omopi si masaru opo kimi no mi koto no saki no kikeba taputwo mi
葦原能美豆保國乎安麻久太利之良志賣之家流須賣呂伎能神乃美許等能御代可佐祢天乃日嗣等之良志久流伎美能御代御代之伎麻世流四方國爾波山河乎比呂美安都美等多弖麻都流御調寶波可蘇倍衣受都久之毛可祢都之加礼騰母吾大王乃毛呂比登乎伊射奈比多麻比善事乎波自米多麻比弖久我祢可毛多之気久安良牟登於母保之弖之多奈夜麻須爾鶏鳴東國乃美知能久乃小田在山爾金有等麻宇之多麻敞礼御心乎安吉良米多麻比天地乃神安比宇豆奈比皇御祖乃御霊多須気弖遠代爾可可里之許登乎朕御世爾安良波之弖安礼婆御食國波左可延牟物能登可牟奈我良於毛保之賣之弖毛能乃布能八十伴雄乎麻都呂倍乃牟気乃麻爾麻爾老人毛女童児毛之我願心太良比爾撫賜治賜婆許己乎之母安夜爾多敷刀美宇礼之家久伊余与於母比弖大伴乃遠都神祖乃其名乎婆大来目主等於比母知弖都加倍之官海行者美都久屍山行者草牟須屍大皇乃敞爾許曾死米可敞里見波勢自等許等太弖大夫乃伎欲吉彼名乎伊爾之敞欲伊麻乃乎追通爾奈我佐敞流於夜乃子等毛曾大伴等佐伯乃氏者人祖乃立流辞立人子者祖名不絶大君爾麻都呂不物能等伊比都雅流許等能都可左曾梓弓手爾等差と母知弖釼大刀許之爾等里波伎安佐麻毛利由布能麻毛利爾大王乃三門乃麻毛利和礼乎於吉弖比等波安良自等伊夜多低於毛比之麻左流大皇乃御言能左吉乎貴久之安礼婆
asi para no midupo no kuni wo ama kudari sira si myesi kyeru sumyeroki no kamwi no mikoto no mi yo kasane ama no pi tugi to sira si kuru kimi no mi yo mi yo siki mas eru yomo no kuni ni pa yama kapa wo piro mi atu mito tate maturu mi tukwi takara pa kazwope e zu tukusi mo kane tu sikaredomo wa go opo kimi no moro pito wo izanapi tamapi yo ki koto wo pazime tamapite ku gane ka mo tasike ku ara mu to omoposite sita nayama su ni tori ga naku aduma no kuni no mitinoku no wo da n aru yama ni ku gane ari to mausi tamap yere mi kokoro wo akirame tamapi ama tuti no kamwi api udunapi sumyeroki no mi tama tasukete topo ki yo ni kakari si koto wo wa ga mi yo ni arapasite areba wosu kuni pa sakaye mu mono to kamu nagara omoposi myesite mononopu no ya swo tomo no wo wo maturope no muke no manima ni oi pito mo womina warapa mo si ga negapu kokoro darapi ni nade tamapi wosame tamape ba koko wo si mo ayani taputwomi uresi kyeku iyoyo omopite opotomo no topo tu kamu oya no so no na woba opo kume nusi to opi motite tukape si tukasa umi yukaba miduku kabane yama yukaba kusa musu kabane opo kimi no pye ni koso sina me kapyeri mi pa sezi to koto date masura wo no kiywo ki so no na wo inisipye ywo ima no wotutu ni nagasap yeru oya no kwo domo so opotomo to sapa no udi pa pito no oya no tatu ru koto date pito no kwo pa oya no na tata zu opo kimi ni maturwopu mono to ipi tug yeru koto no tukasa so adusa yumi te ni tori motite turugi tati kosi ni tori paki asa mamori yupu no mamori ni opo kimi no mi kadwo no mamori ware wo okite pito pa arazi to iya tate omopi si masaru opo kimi no mi koto no saki wo taputwo ku si areba
須賣呂伎能御代佐可延牟等阿頭麻奈流美知乃久夜麻爾金花佐久
sumyeroki no mi yo sakaye mu to aduma n aru mitinoku yama ni ku gane bana saku
多可美久良安麻乃日嗣等天下志良之賣師家類須賣呂伎乃可未能美許等能可之古久母波自米多麻比弖多不刀久母左太米多麻敞流美与之努能許乃於保美夜爾安里我欲比賣之多麻布良之毛能乃敷能夜蘇等母能乎毛於能我於弊流於能我名負弖大王乃麻気能麻久麻久此河能多由流許等奈久此山能伊夜都芸都芸爾可久之許曾都可倍麻都良米伊夜等保奈我爾
taka mi kura ama no pi tugi to ame no sita sirasi myesi kyeru sumyeroki no kamwi no mikoto no kasikwo ku mo pazime tamapite taputwo ku mo sadame tamap yeru mi yosinwo no ko no opo miya ni ari gaywopi myesi tamapu rasi mononopu no ya swo tomonowo mo ono ga op yeru ono ga na opi te opo kimi no make no manima ni ko no kapa no tayuru koto na ku ko no yama no iya tugitugi ni kaku si koso tukape matura me iya topo naga ni
可気麻久母安夜爾加之古思皇神祖乃可見能大御世爾田道間守常世爾和多利夜保許毛知麻為泥許之登吉時支能香久乃菓子乎可之古久母能許之多麻敞礼國毛勢爾於非多知左加延波流左礼婆孫枝毛射都追保登等芸須奈久五月爾波波都波奈乎延太爾多乎理弖乎登女良爾都刀爾母夜里美之路多倍能蘇泥爾毛古伎礼香具播之美於枳弖可良之美安由流実波多麻爾奴伎都追手爾麻吉弖見礼騰毛安加受秋豆気婆之具礼乃雨零阿之比奇能夜麻能許奴礼波久礼奈為爾仁保比知礼止毛多知波奈乃成流其実者比太照爾射夜見我保之久美由気布流冬爾伊多礼婆霜於気騰母其葉毛可礼受常磐奈須伊夜佐加波延爾之可礼許曾神乃御代欲理与呂之奈倍此橘乎等伎自久能可久能木実等名附家良之母
kake maku mo ayani kasikwo si sumyeroki no kami no opomi yo ni tadimamori toko yo ni watari ya poko moti mawi de ko si toki tokizi ku no kaku no ko no mwi wo kasikwo ku mo nokosi tamap yere kuni mo se ni opwi tati sakaye paru sareba pikwo ye moitutu pototogisu naku satukwi ni pa patu pana wo yeda ni ta worite woto mye ra ni tutwo ni mo yari mi sirwo tape no swode ni mo kwok ire ka gupasi mi okite karasi mi ayuru mwi pa tama ni nukitutu te ni makite mi redomo aka zu aki dukeba sigure no ame puri asipikwi no yama no konure pa kurenawi ni nipopi tiredomo tatibana no nar e ru so no mwi pa pita teri ni iya mi gaposi ku mi yuki puru puyu ni itareba simo okedomo so no pa mo kare zu tokipa nasu iya sakabaye ni sikare koso kamwi no mi yo ywori yorosinape ko no tatibana wo tokiziku no kaku no ko no mwi to na duke kye rasi mo
於保支見能末支能末爾末爾等里毛知低都可布流久爾能年内能許登可多祢母知多末保許能美知爾伊天多知伊波祢布美也末古衣野由支弥夜故敞爾末為之和我世乎安良多末乃等之由吉我弊理月可佐祢美奴日佐末祢美故敷流曾良夜須久之安良祢波保止止支須支奈久五月能安夜女具佐余母疑可豆良伎左加美都伎安蘇比奈具礼止射水河雪消溢而逝水能伊夜末思爾乃未多豆我奈久奈呉江能須気能根毛己呂爾於母比武須保礼奈介伎都都安我末川君我許登乎波里可敞利末可利天夏野能佐由利能波奈能花咲爾爾布夫爾恵美天阿波之多流今日乎波自米低鏡奈須可久之都祢見牟於毛我波利世須
opo kimi no maki no manima ni tori motite tukapuru kuni no tosi no uti no koto katane moti tama poko no miti ni ide tati ipa ne pumi yama kwoye nwo yuki miyakwo pye ni mawi si wa ga se wo ara tama no tosi yuki gapyeri tukwi kasane mi nu pi sa mane mi kwopuru sora yasu ku si ara neba pototogisu ki naku satukwi no ayamye gusa yomogwi kaduraki saka miduki aswobi naguredo imidu kapa yuki ke papurite yuku midu no iya masini nomwi tadu ga naku nagwo ye no suge no nemokoro ni omopi musubore nagekitutu a ga matu kimi ga koto wopari kapyeri makarite natu no nwo no sa yuri no pana no pana wemi ni nipubuni wemite apa si taru kyepu wo pazimete kagami nasu kaku si tune mi mu omo gapari se zu
須賣呂伎能之伎麻須久爾能安米能之多四方能美知爾波宇麻乃都米伊都久須伎波美布奈乃倍能伊波都流麻泥爾伊爾之敞欲伊麻乃乎都頭爾万調麻都流都可佐等都久里多流曾能奈里波比乎安米布良受日能可左奈礼婆宇恵之田毛麻吉之波多気毛安佐其登爾之保美可礼由苦曾乎見礼婆許己呂乎伊多美弥騰里児能知許布我其登久安麻都美豆安布芸弖曾麻都安之比奇能夜麻能多乎理爾許能見油流安麻能之良久母和多都美能於枳都美夜敞爾多知和多里等能具毛利安比弖安米母多麻波祢
sumyeroki no siki masu kuni no ame no sita yomo no miti ni pa uma no tume i tukusu kipami puna no pe no i paturu madeni inisipye ywo ima no wotutu ni yorodu tukwi maturu tukasa to tukuri taru so no naripapi wo ame pura zu pi no kasanareba uwe si ta mo maki si patake mo asa gotoni sibomi kare yuku so wo mi reba kokoro wo ita mi midori kwo no ti kopu ga goto ku ama tu midu apugite zo matu asipikwi no yama no tawori ni ko no mi yuru ama no sira kumo watatumi no oki tu miya pye ni tati watari tonogumori apite ame mo tamapane
安之比奇能夜麻能許奴礼能保与等理天可射之都良久波知等世保久等曾
asipikwi no yama no konure no poyo torite kazasi turaku pa ti tose poku to so
春設而如此歸等母秋風爾黄葉山乎不超來有米也
paru makete kaku kapyeru tomo aki kaze ni momiti no yama wo kwoye ko zara me ya
春去者歸此鴈秋風爾黄葉山乎不超來有米也
paru sareba kapyeru ko no kari aki kaze ni momiti no yama wo kwoye ko zara me ya
奥山之八峯乃海石榴都婆良可爾今日者久良佐祢大夫之徒
oku yama no ya tu wo no tubaki tubaraka ni kyepu pa kurasane masura wo no tomo
安志比奇乃山坂超而去更年緒奈我久科坂在故志爾之須米婆大王之敷座國者京師乎母此間毛於夜自等心爾波念毛能可良語左氣見左久流人眼乏等於毛比志繁曽己由恵爾情奈具也等秋附婆芽子開爾保布石瀬野爾馬太伎由吉氐乎知許知爾鳥布美立白塗之小鈴毛由良爾安波勢也理布里左氣見都追伊伎騰保流許己呂能宇知乎思延宇礼之備奈我良枕附都麻屋之内爾鳥座由比須恵弖曽我飼眞白部乃多可
asipikwi no yama saka kwoyete yuki kaparu tosi no wo naga ku sinazakaru kwosi ni si sumeba opo kimi no siki masu kuni pa miyakwo wo mo koko mo oyazi to kokoro ni pa omopu monokara katari sake mi sakuru pito me tomosi mi to omopi si sige si soko yuweni kokoro nagu ya to aki duke ba pagwi saki nipopu ipase nwo ni uma daki yukite woti koti ni tori pumi tate sira nuri no kwo suzu mo yura ni apase yari purisake mitutu ikidoporu kokoro no uti wo omopi nobe uresibwi nagara makura duku tuma ya no uti ni to gura yupi suwete zo wa ga kapu ma sira pu no taka
荒玉能年徃更春去者花耳爾保布安之比奇能山下響墜多藝知流辟田乃河瀬爾年魚兒狭走嶋津鳥鸕養等母奈倍可我理左之奈頭佐比由氣婆吾妹子我可多見我氐良等紅之八塩爾染而於己勢多流服之襴毛等寳利氐濃礼奴
ara tama no tosi yuki kapari paru sareba pana nomwi nipopu asipikwi no yama sita toyomi oti tagiti nagaru sakita no kapa no se ni ayu kwo sa basiru sima tu tori u kapi tomonape kagari sasi nadusapi yukeba wagimo kwo ga kata mi gatera to kurenawi no ya sipo ni somete okose taru koromo no suswo mo toporite nure nu
天地之遠始欲俗中波常無毛能等語續奈我良倍伎多礼天原振左氣見婆照月毛盈昃之家里安之比奇能山之木末毛春去婆花開爾保比秋都氣婆露霜負而風交毛美知落家利宇都勢美母如是能未奈良之紅能伊呂母宇都呂比奴婆多麻能黒髪變朝之咲暮加波良比吹風能見要奴我其登久逝水能登麻良奴其等久常毛奈久宇都呂布見者爾波多豆美流渧等騰米可祢都母
ame tuti no topo ki pazime ywo yo no naka pa tune na ki mono to katari tugi nagarape ki tare ama no para puri sake mire ba teru tukwi mo miti kake si kyeri asipikwi no yama no ko n ure mo paru sare ba pana saki nipopi aki dukeba tuyu simo opite kaze mazipe momiti tiri kyeri utusemi mo kaku nomwi na rasi kurenawi no iro mo uturopi nubatama no kurwo kami kapari asa no wemi yupu pye kaparapi puku kaze no mi ye nu ga goto ku yuku midu no tomara nu goto ku tune mo na ku uturopu mireba nipatadumi nagaruru namita todomwi kane tu mo
霍公鳥來喧五月爾咲爾保布花橘乃香吉於夜能御言朝暮爾不聞日麻祢久安麻射可流夷爾之居者安之比奇乃山乃多乎里爾立雲乎余曽能未見都追嘆蘇良夜須家奈久爾念蘇良苦伎毛能乎奈呉乃海部之潜取云眞珠乃見我保之御面多太向将見時麻泥波松柏乃尊安我吉美
pototogisu ki naku satukwi ni saki nipopu pana tatibana no ka gupasi ki oya no mi koto asa yopi ni kika nu pi mane ku ama zakaru pina ni si woreba asipikwi no yama no tawori ni tatu kumo wo yoso nomwi mi tutu nageku swora yasu kye naku ni omopu swora kurusi ki monowo nagwo no ama no kaduki toru to ipu sira tama no mi gaposi mi omowa tada mukapi mi mu toki made pa matu kape no sakaye imasane taputwo ki a ga kimi
和我勢故等手携而暁來者出立向暮去者振放見都追念暢見奈疑之山爾八峯爾波霞多奈婢伎谿敞爾波海石榴花咲宇良悲春之過者霍公鳥伊也之伎喧奴獨耳聞婆不怜毛君与吾隔而戀流礪波山飛超去而明立者松之狭枝爾暮去者向月而菖蒲玉貫麻泥爾鳴等余米安寐不令宿君乎奈夜麻勢
wa ga sekwo to te tadusaparite ake kureba ide tati mukapi yupu sareba purisake mi tutu omopi nobe mi nagwi si yama ni ya tu wo ni pa kasumi tanabiki tani pye pa tubaki pana saki ura ganasi ni paru si sugureba pototogisu iya siki naki nu pito ri nomwi kike ba sabusi mo kimi to are to pyedatete kwopu ru twonami yama tobi kwoye yukite ake tataba matu no sa yeda ni yupu saraba tukwi ni mukapite ayamye gusa tama nuku madeni naki toyome yasu i ne sime zu kimi wo nayamase
吾耳聞婆不怜毛霍公鳥丹生之山邊爾伊去鳴奈毛
ware nomwi si kike ba sabusi mo pototogisu nipu no yama pye ni i yuki naka namo
春過而夏來向者足桧木乃山呼等余米左夜中爾鳴霍公鳥始音乎聞婆奈都可之菖蒲花橘乎貫交可頭良久麻泥爾里響喧渡礼騰母尚之努波由
paru sugwite natu ki mukapeba asipikwi no yama ywobi toyome sa ywo naka ni naku pototogisu patu kowe wo kike ba natukasi ayamye gusa pana tatibana wo nuki mazipe kaduraku madeni satwo toyome naki wata redomo napo si sinwopa yu
山吹乃花執持而都礼毛奈久可礼爾之妹乎之努比都流可毛
yama buki no pana tori motite ture mo na ku kare ni si imo wo sinwopi turu kamo
宇都世美波戀乎繁美登春麻氣氐念繁波引攀而折毛不折毛毎見情奈疑牟等繁山之谿敝爾生流山振乎屋戸爾引殖而朝露爾仁保敝流花乎毎見念者不止戀志繁母
utusemi pa kwopwi wo sige mito paru makete omopi sige kye ba piki yodite wori mo wora zu mo miru gotoni kokoro nagwi mu to sige yama no tani pye ni opuru yama buki wo yadwo ni piki uwete asa tuyu ni nipop yeru pana wo miru goto ni omopi pa yama zu kwopwi si sige si mo
山吹乎屋戸爾殖弖波見其等爾念者不止戀己曽益礼
yama buki wo yadwo ni uwete pa miru gotoni omopi pa yama zu kwopwi koso masare
桃花紅色爾々保比多流面輪乃宇知爾青柳乃細眉根乎咲麻我理朝影見都追嬬良我手爾取持有眞鏡蓋上山爾許能久礼乃繁谿邊乎呼等余米旦飛渡暮月夜可蘇氣伎野邊遙遙爾喧霍公鳥立久久等羽觸爾知良須藤浪乃花奈都可之美引攀而袖爾古伎礼都染婆染等母
momo no pana kurenawi iro ni nipopi taru omowa no uti ni awo yagwi no poso ki maywo ne wo wemi magari asa kage mi tutu wotomye ra ga te ni tori mot eru maswo kagami putagami yama ni ko no kure no sige ki tani pye wo ywobi toyome asa tobi watari yupu duku ywo kaswoke ki nwo pye ni parwoparwo ni naku pototogisu tati kuku to paburi ni tirasu pudi nami no pana natukasi mi piki yodite swode ni kwok ire tu sima ba simu tomo
吾幾許斯努波久不知爾霍公鳥伊頭敝能山乎鳴可将超
wa ga kokoda sinwopaku sira ni pototogisu idupye no yama wo naki ka kwoyu ramu
妹爾似草等見之欲里吾標之野邊之山吹誰可手乎里之
imo ni niru kusa to mi si ywori wa ga sime si nwo pye no yama buki tare ka ta wori si
家爾去而奈爾乎将語安之比奇能山霍公鳥一音毛奈家
ipye ni yukite nani wo katara mu asipikwi no yama pototogisu pito kowe mo nakye
敷治奈美乃志氣里波須疑奴安志比紀乃夜麻保登等藝須奈騰可伎奈賀奴
pudi nami no sigeri pa sugwi nu asipikwi no yama pototogisu nado ka ki naka nu
天地之初時従宇都曽美能八十伴男者大王爾麻都呂布物跡定有官爾之在者天皇之命恐夷放國乎治等足日木山河阻風雲爾言者雖通正不遇日之累者思戀氣衝居爾玉桙之道來人之傳言爾吾爾語良久波之伎餘之君者比來宇良佐備弖嘆息伊麻須世間之猒家口都良家苦開花毛時爾宇都呂布宇都勢美毛无常阿里家利足千根之御母之命何如可毛時之波将有乎眞鏡見礼杼母不飽珠緒之惜盛爾立霧之失去如久置露之消去之如玉藻成靡許伊臥逝水之留不得常枉言哉人之云都流逆言乎人之告都流梓弧爪夜音之遠音爾毛聞者悲弥庭多豆水流涕留可祢都母
ame tuti no pazime no toki yu utusomi no ya swo tomo no wo pa opo kimi ni maturwopu mono to sadamar eru tukasa ni si areba opo kimi no mi koto kasikwo mi pina zakaru kuni wo wosamu to asipikwi no yama kapa pyenari kaze kumo ni koto pa kaywopedo tada ni apa zu pi no kasanareba omopi kwopwi ikiduki woru ni tama poko no miti kuru pito no tute koto ni ware ni katar aku pasikiyosi kimi pa ko no koro urasabwite nagekapi imasu yo no naka no u kyeku tura kyeku saku pana mo toki ni uturopu utusemi mo tune na ku ari kyeri taratine no mi papa no mikoto nani si ka mo toki si pa ara mu wo maswo kagami mi redomo aka zu tama no wo no wosi ki sakari ni tatu kwiri no use yuku goto ku oku tuyu no ke nuru ga goto ku tama mo nasu nabiki koi pusi yuku midu no todomwi kane tu to maga koto ya pito no ipi turu oyodure wo pito no tuge turu adusa yumi tuma piku ywo to no topo to ni mo kikeba kanasi mi nipa tadumi nagaruru namita todomwi kane tu mo
足日木之山黄葉爾四頭久相而将落山道乎公之超麻久
asipikwi no yama no momiti ni siduku apite tira mu yama di wo kimi ga kwoye maku
此雪之消遺時爾去來歸奈山橘之實光毛将見
ko no yuki no ke nokoru toki ni iza yuka na yama tatibana no mwi no teru mo mi mu
大殿之此廻之雪莫踏祢數毛不零雪曽山耳爾零之雪曽由米縁勿人哉莫履祢雪者
opo tono no ko no motopori no yuki na pumi so ne sibasiba mo pura nu yuki zo yama nomwi ni puri si yuki zo yume yoru na pito ya na pumi so ne yuki pa
足日木乃夜麻之多日影可豆良家流宇倍爾也左良爾梅乎之努波牟
asipikwi no yama sita pikage kadurak yeru upe ni ya sara ni ume wo sinwopa mu
白雪能布里之久山乎越由加牟君乎曽母等奈伊吉能乎爾念
sira yuki no puri siku yama wo kwoye yuka mu kimi wo so motona iki no wo ni omopu
安之比奇能山行之加婆山人乃和礼爾衣志米之夜麻都刀曾許礼
asipikwi no yama yuki sikaba yama bito no ware ni e sime si yama tutwo so kore
安之比奇能山爾由伎家牟夜麻妣等能情母之良受山人夜多礼
asipikwi no yama ni yuki kye mu yama bito no kokoro mo sira zu yama bito ya tare
夜麻夫伎波奈泥都都於保佐牟安里都都母伎美伎麻之都都可射之多里家利
yama buki pa nadetutu oposa mu aritutu mo kimi ki masitutu kazasi tari kyeri
和我勢故我夜度乃也麻夫伎佐吉弖安良婆也麻受可欲波牟伊夜登之能波爾
wa ga sekwo ga yadwo no yama buki sakite araba yama zu kaywopa mu iya tosi no pa ni
夜麻夫伎乃花能左香利爾可久乃其等伎美乎見麻久波知登世爾母我母
yama buki no pana no sakari ni kaku no goto kimi wo mi maku pa ti tose ni moga mo
和須良牟弖努由伎夜麻由伎和例久礼等和我知知波波波和須例勢努加毛
wasura mu te nwo yuki yama yuki ware kuredo wa ga titi papa pa wasure se nu kamo
天皇乃等保伎美与爾毛於之弖流難波乃久爾爾阿米能之多之良志賣之伎等伊麻能与爾多要受伊比都都可気麻久毛安夜爾可之古志可武奈我良和其大王乃宇知奈妣久春初波春初波夜知久佐爾波奈佐伎爾保比夜麻美礼婆見能等母之久可波美礼婆見乃佐夜気久母能其等爾佐可由流等伎登賣之多麻比安伎良米多麻比之伎麻世流難波宮者伎己之乎須四方乃久爾欲里多弖麻都流美都奇能船者保理江欲里美乎妣伎之都都安佐奈芸爾可治比伎能保理由布之保爾佐乎佐之久太理安治牟良能佐和伎伎保比弖波麻爾伊泥弖海原見礼婆之良奈美乃夜敞乎流我宇倍爾安麻乎夫祢波良良爾宇伎弖於保美気爾都加倍麻都流等乎知許知爾伊射里都利家理曾伎太久毛於芸呂奈伎可毛己伎婆久母由多気伎可母許己見礼婆宇倍之神代由波自米家良思母
sumyeroki no topo ki mi yo ni mo osi teru nanipa no kuni ni ame no sita sira si myesi ki to ima no yo ni taye zu ipitutu kake maku mo ayani kasikwo si kamu nagara wa go opo kimi no uti nabiku paru no pazime pa ya ti kusa ni pana saki nipopi yama mireba mi no tomosi ku kapa mireba mi no sayake ku mono gotoni sakayuru toki to myesi tamapi akirame tamapi siki mas eru nanipa no miya pa kikosi wosu yomo no kuni ywori tate maturu mitukwi no pune pa pori ye ywori miwo biki situtu asa nagi ni kadi piki nobori yupu sipo ni sawo sasi kudari adi mura no sawagi kipopite pama ni idete una para mi reba sira nami no ya pye woru ga upe ni ama wo bune parara ni ukite opo mike ni tukape maturu to woti koti ni izari turi kyeri sokidaku mo ogirona ki kamo kokibaku mo yutake ki kamo koko mi reba ube si kamwi yo yu pazime kye rasi mo
多知波奈乃之多布久可是乃可具波志伎都久波能夜麻乎古非須安良米可毛
tatibana no sita puku kaze no ka gupasi ki tukupa no yama wo kwopwi su ara me kamo
多都多夜麻見都都古要許之佐久良波奈知利加須疑奈牟和我可敞流刀爾
tatuta yama mi tutu kwoye ko si sakura pana tiri ka sugwi na mu wa ga kapyeru twoni
大王乃美己等可之古美都麻和可礼可奈之久波安礼特大夫情布里於許之等里与曾比門出乎須礼婆多良知祢乃波波可伎奈泥若草乃都麻波等里都吉平久和礼波伊波波牟好去而早還来等麻蘇泥毛知奈美太乎能其比牟世比都都言語須礼婆群鳥乃伊泥多知加弖爾等騰己保里可弊里美之都都伊也等保爾國乎伎波奈例伊夜多可爾山乎故要須疑安之我知流難波爾伎為弖由布之保爾船乎宇気須恵安佐奈芸爾倍牟気許我牟等佐毛良布等和我乎流等伎爾春霞之麻未爾多知弖多頭我祢乃悲鳴婆波呂婆呂爾伊弊乎於毛比泥於比曾箭乃曾与等奈流麻泥奈伎吉都流香母
opo kimi no mi koto kasikwo mi tuma wakare kanasi ku pa aredo masura wo no kokoro puri okosi tori yosopi kadwo de wo sureba taratine no papa kaki nade waka kusa no tuma pa tori tuki tapirake ku ware pa ipapa mu ma saki kute paya kapyeri ko to ma swode moti namita wo nogopi musepitutu katarapi sureba mura tori no ide tati kate ni todokopori kapyeri mi situtu iya topo ni kuni wo ki panare iya taka ni yama wo kwoye sugwi asi ga tiru nanipa ni ki wite yupu sipo ni pune wo uke suwe asa nagi ni pe muke koga mu to samorapu to wa ga woru toki ni paru gasumi sima mwi ni tatite tadu ga ne no kanasi ku nake ba paroparo ni ipye wo omopi de opi so ya no soyo to naru made nageki turu kamo
意保枳美能美己等可之古美阿乎久牟乃等能妣久夜麻乎古与弖伎怒加牟
opo kimi no mi koto kasikwo mi awo kumu no tonobiku yama wo kwoyote ki nu kamu
阿加胡麻乎夜麻努爾波賀志刀里加爾弖多麻能余許夜麻加志由加也良牟
aka gwoma wo yama nwo ni pagasi twori kanite tama no yoko yama kasi yu ka yara mu
和我可度乃可多夜麻都婆伎麻己等奈礼和我弖布礼奈奈都知爾於知母加毛
wa ga kadwo no kata yama tubaki makoto nare wa ga te pure nana tuti ni oti mo kamo
安之我良乃夜敞也麻故要弖伊麻之奈波多礼乎可伎美等弥都都志努波牟
asigara no ya pye yama kwoyete imasi naba tare wo ka kimi to mitutu sinwopa mu
高山乃伊波保爾於布流須我乃根能祢母許呂其呂爾布里於久白雲
taka yama no ipapo ni opuru suga no ne no nemokorogoro ni puri oku sira yuki
比左加多能安麻能刀比良伎多可知保乃多気爾阿毛理之須賣呂伎能可未能御代欲利波自由美乎多爾芸利母多之麻可胡也乎多婆左美蘇倍弖於保久米能麻須良多祁乎乎佐吉爾多弖由伎登利於保世山河乎伊波祢左久美弖布美等保利久爾麻芸之都都知波夜夫流神乎許等牟伎麻都呂倍奴比等乎母夜波之波吉伎欲米都可倍麻都里弖安吉豆之万夜万登能久爾乃可之波良能宇祢備乃宮爾美也婆之良布刀之利多弖低安米能之多之良志賣之祁流須賣呂伎能安麻能日継等都芸弖久流伎美能御代御代加久左波奴安加吉許己呂乎須賣良弊爾伎波米都久之弖都加倍久流於夜能都可佐等許等太弖低佐豆気多麻敞流宇美乃古能伊也都芸都岐爾美流比等乃可多里都芸弖低伎久比等能可我見爾世武乎安多良之伎吉用伎曾乃名曾於煩呂加爾己許呂於母比弖牟奈許等母於夜乃名多都奈大伴乃宇治等名爾於敞流麻須良乎能等母
pisakata no ama no two piraki takatipo no take ni amori si sumyeroki no kamwi no mi yo ywori pazi yumi wo ta nigwiri motasi makagwoya wo ta basami swopete opo kume no masura takye wo wo saki ni tate yuki tori opose yama kapa wo ipane sakumite pumi topori kuni magi situtu tipayaburu kamwi wo koto muke maturope nu pito wo mo yapasi paki kiywome tukape maturite akidu sima yamato no kuni no kasipara no unebwi no miya ni miya basira putwo siri tatete ame no sita sira si myesi kyeru sumyeroki no ama no pi tugi to tugite kuru kimi no mi yo mi yo kakusapa nu aka ki kokoro wo sumyera bye ni kipame tukusite tukape kuru oya no tukasa to koto datete saduke tamap yeru umi no kwo no iya tugitugi ni miru pito no katari tugitete kiku pito no kagami ni se mu wo atarasi ki kiywo ki so no na so oboroka ni kokoro omopite muna koto mo oya no na tatu na opotomo no udi to na ni op yeru masura wo no tomo
宇都世美波加受奈吉身奈利夜麻加波乃佐夜気吉見都都美知乎多豆祢奈
utusemi pa kazu na ki mwi nari yama kapa no sayake ki mi tutu miti wo tadunena
気能己里能由伎爾安倍弖流安之比奇乃夜麻多知婆奈乎都刀爾通弥許奈
ke nokori no yuki ni ape teru asipikwi no yama tatibana wo tutwo ni tumi kona
於久夜麻能之伎美我波奈能奈能其等也之久之久伎美爾故非和多利奈無
oku yama no sikimi ga pana no na no goto ya sikusiku kimi ni kwopwi watari na mu
佐久波奈波宇都呂布等伎安里安之比奇乃夜麻須我乃祢之奈我久波安利家里
saku pana pa uturopu toki ari asipikwi no yama suga no ne si naga ku pa ari kyeri
夜知富許能迦微能美許登波夜斯麻久爾都麻麻岐迦泥弖登富登富斯故志能久迩迩佐加志賣遠阿理登岐加志弖久波志賣遠阿理登伎許志弖佐用婆比爾阿理多多斯用婆比迩阿理加用婆勢多知賀遠母伊麻陀登迦受弖淤須比遠母伊麻陀登加泥婆遠登賣能那須夜伊多斗遠淤曾夫良比和何多多勢禮婆比許豆良比和何多多勢禮婆阿遠夜麻迩奴延波那伎奴佐怒都登理岐芸斯波登與牟爾波都登理迦祁波那久宇禮多久母那久那留登理加許能登理母宇知夜米許世泥伊斯多布夜阿麻波勢豆加比許登能加多理其登母許遠婆
yatipoko no kamwi no mikoto pa ya sima kuni tuma maki kanete topodoposi kwosi no kuni ni sakasi mye wo ari to kika site kupasi mye wo ari to kikosite sa ywobapi ni ari tata si ywobapi ni ari kaywopa se tati ga wo mo imada toka zute osupi wo mo imada toka neba wotomye no nasu ya itatwo wo osoburapi wa ga tata s ereba pikodurapi wa ga tata s ereba awo yama ni nuye pa naki nu sa nwo tu tori kigisi pa toyomu nipa tu tori kakye pa naku ureta ku mo naku naru tori ka ko no tori mo uti yame kosene isitapuya amapase dukapi koto no katari goto mo ko woba
夜知富許能迦微能美許登奴延久佐能賣迩志阿禮婆和何許許呂宇良須能登理叙伊麻許曾婆和杼理迩阿良米能知波那杼理爾阿良牟遠伊能知波那志勢婆多麻比曾伊斯多布夜阿麻波世豆迦比許登能加多理碁登母許遠婆阿遠夜麻迩比賀迦久良婆奴婆多麻能用波伊傅那牟阿佐比能恵美佐迦延岐弖多久豆怒能斯路岐多陀牟岐阿和由岐能和加夜流牟泥遠曾陀多岐多多岐麻那賀理麻多麻傅多麻傅佐斯麻岐毛毛那賀爾伊波那佐牟遠阿夜爾那古斐岐許志夜知富許能迦微能美許登許登能迦多理碁登母許遠婆
yatipoko no kamwi no mikoto nuyekusa no mye ni si areba wa ga kokoro urasu no tori zo ima koso pa wa dori ni ara me noti pa na dori ni ara mu wo inoti pa na sise tamapi so isitapuya amapase dukapi koto no katari goto mo ko woba awo yama ni pi ga kakuraba nubatama no ywo pa ide na mu asa pi no wemi sakaye kite takudunwo no sirwo ki tadamuki awa yuki no wakayaru mune wo sodataki tadaki managari ma tama de tama de sasi maki mwomwo naga ni i pa nasa mu wo ayani na kwopwi kikosi yatipoko no kamwi no mikoto koto no katari goto mo ko woba
奴婆多麻能久路岐美祁斯遠麻都夫佐爾登理與曾比淤岐都登理牟那美流登岐波多多芸母許禮婆布佐波受弊都那美曾迩奴岐宇弖蘇迩杼理能阿遠岐美祁斯遠麻都夫佐迩登理與曾比淤岐都登理牟那美流登岐波多多芸母許母布佐波受弊都那美曾迩奴棄宇弖夜麻賀多爾麻岐斯阿多弖都岐曾米紀賀斯流迩斯米許呂母遠麻都夫佐迩登理與曾比淤岐都登理牟那美流登岐波多多芸母許斯與呂志伊刀古夜能伊毛能美許等牟良登理能和賀牟禮伊那婆比気登理能和賀比気伊那婆那迦士登波那波伊布登母夜麻登能比登母登須須岐宇那加夫斯那賀那加佐麻久阿佐阿米能疑理爾多多牟叙和加久佐能都麻能美許登許登能加多理碁登母許遠婆
nubatama no kurwo ki mi kyesi wo ma tubusa ni tori yosopi oki tu tori muna miru toki patatagi mo kore pa pusapa zu pye tu nami so ni nuki ute swoni dori no awo ki mi kyesi wo ma tubusa ni tori yosopi oki tu tori muna miru toki patatagi mo ko mo pusapa zu pye tu nami so ni nuki ute yam agata ni maki si atate tuki some kwi ga siru ni sime koromo wo ma tubusa ni tori yosopi oki tu tori muna miru toki patatagi mo ko si yorosi itwokwoya no imwo no mikoto mura tori no wa ga mure inaba pike tori no wa ga pike inaba nakazi to pa na pa ipu tomo yamato no pito moto susuki una kabusi na ga naka sa maku asa ame no kwiri ni tata mu zo waka kusa no tuma no mikoto koto no katari goto mo ko woba
多多那米弖伊那佐能夜麻能許能麻用母伊由岐麻毛良比多多加閇婆和禮波夜恵奴志麻都登理宇加比賀登母伊麻須気爾許泥
tata namete inasa no yama no ko no ma ywo mo i yuki mamworapi tatakapeba ware pa ya we nu sima tu tori u kapi ga tomo ima suke ni kone
佐韋賀波用久毛多知和多理宇泥備夜麻許能波佐夜芸奴加是布加牟登須
sawi gapa ywo kumwo tati watari unebwi yama ko no pa sayagi nu kaze puka mu to su
宇泥備夜麻比流波久毛登韋由布佐禮婆加是布加牟登曾許能波佐夜牙流
unebwi yama piru pa kumwo towi yupu sareba kaze puka mu to so ko no pa sayag yeru
比佐迦多能阿米能迦具夜麻斗迦麻迩佐和多流久毘比波煩曾多和夜賀比那袁麻迦牟登波阿禮波須禮杼佐泥牟登波阿禮波意母閇杼那賀祁勢流意須比能須蘇爾都紀多知迩祁理
pisakata no ame no kagu yama two kama ni sa wataru kubi pipaboso tawaya gapina wo maka mu to pa are pa suredo sa ne mu to pa are pa omopedo na ga kyes eru osupi no suswo ni tukwi tati ni kyeri
夜麻登波久爾能麻本呂婆多多那豆久阿袁加岐夜麻碁母禮流夜麻登志宇流波斯
yamato pa kuni no maporoba tatanaduku awo kaki yama gomor eru yamato si urupasi
伊能知能麻多祁牟比登波多多美許母弊具理能夜麻能久麻加志賀波袁宇受爾佐勢曾能古
inoti no mata kye mu pito pa tatami komo pyeguri no yama no kuma kasi no pa wo uzu ni sase so no kwo
夜麻賀多迩麻祁流阿袁那母岐備比登登等母迩斯都米婆多怒斯久母阿流迦
yam agata ni mak yeru awo na mo kibwi pito to tomo ni si tumeba tanwosi ku mo aru ka
波斯多弖能久良波斯夜麻袁佐賀志美登伊波迦伎加泥弖和賀弖登良須母
pasi tate no kurapasi yama wo sagasi mito ipa kaki kanete wa ga te tora su mo
波斯多弖能久良波斯夜麻波佐賀斯祁杼伊毛登能煩禮波佐賀斯玖母阿良受
pasi tate no kurapasi yama pa sagasi kyedo imwo to noboreba sagasi ku mo ara zu
阿志比紀能夜麻陀袁豆久理夜麻陀加美斯多備袁和志勢志多杼比爾和賀登布伊毛袁斯多那岐爾和賀那久都麻袁許存許曾波夜須久波陀布禮
asipikwi no yama da wo tukuri yama daka mi sita bwi wo wasise sita dwopi ni wa ga twopu imwo wo sita naki ni wa ga naku tuma wo kozo koso pa yasu ku pada pure
阿麻陀牟加流乃袁登賣伊多那加婆比登斯理奴倍志波佐能夜麻能波斗能斯多那岐爾那久
amadamu karu no wotomye ita nakaba pito siri nu be si pasa no yama no patwo no sita naki ni naku
岐美賀由岐気那賀久那理奴夜麻多豆能牟加閇袁由加牟麻都爾波麻多士
kimi ga yuki ke naga ku nari nu yama tadu no mukape wo yuka mu matu ni pa matazi
許母理久能波都世能夜麻能意富袁爾波波多波理陀弖佐袁袁爾波波多波理陀弖意富袁爾斯那加佐陀賣流淤母比豆麻阿波禮都久由美能許夜流許夜理母阿豆佐由美多弖理多弖理母能知母登理美流意母比豆麻阿波禮
komori ku no patuse no yama no opo wo ni pa pata pari date sa wo wo ni pa pata pari date opo wo ni si naka sadam yeru omopi duma apare tuku yumi no koyaru koyari mo adusa yumi tat eri tat eri mo noti mo tori miru omopi duma apare
久佐加辨能許知能夜麻登多多美許母弊具理能夜麻能許知碁知能夜麻能賀比爾多知邪加由流波毘呂久麻加斯母登爾波伊久美陀気淤斐須恵幣爾波多斯美陀気淤斐伊久美陀気伊久美波泥受多斯美陀気多斯爾波韋泥受能知母久美泥牟曾能淤母比豆麻阿波禮
kusaka bye no koti no yama to tatami komo pyeguri no yama no koti goti no yama no kapi ni tati zakayuru pa biro kuma kasi moto ni pa i kumi dake opwi suwe pye ni pa tasimi dake opwi i kumi dake i kumi pa ne zu tasimi dake tasi ni pa wi ne zu noti mo kumi ne mu so no omopi duma apare
意岐米母夜阿布美能於岐米阿須用理波美夜麻賀久理弖美延受加母阿良牟
okime mo ya apumi no okime asu ywori pa mi yama gakurite mi ye zu ka mo ara mu
哆哆奈梅弖伊那瑳能椰摩能虚能莽由毛易喩耆摩毛羅毘多多介陪磨和例破椰隈怒之摩途等利宇介譬餓等茂伊莽輸開珥虚祢
tata namete inasa no yama no ko no ma yu mo i yuki mamorapi tatakapeba ware pa ya we nu sima tu tori u kapi ga tomo ima suke ni kone
夜摩苔波区珥能摩倍邏摩多多儺豆久阿烏伽枳夜摩許莽例屡夜摩苔之于漏破試
yamato pa kuni no maporama tatanaduku awo kaki yama komor eru yamato si urupasi
異能知能摩曾祁務比苔破多多瀰許莽弊遇利能夜摩能志邏伽之餓延塢于受珥左勢許能固
inoti no maso kye mu pito pa tatami komo pyeguri no yama no sira kasi ga ye wo uzu ni sase ko no kwo
破始多低能佐餓始枳椰摩茂和芸毛古等赴駄利古喩例麼椰須武志呂箇茂
pasi tate no sagasi ki yama mo wagimo kwo to puta ri kwoyureba yasu musiro kamo
阿資臂紀能椰摩娜烏莵勾利椰摩娜箇弥斯哆媚烏和之勢志哆那企貳和餓儺勾莵摩箇哆儺企貳和餓儺勾莵摩去樽去曾椰主区畔娜布例
asipikwi no yama da wo tukuri yama daka mi sita bwi wo wasise sita naki ni wa ga naku tuma kata naki ni wa ga naku tuma kozo koso yasu ku pada pure
阿摩襄霧箇留椀等賣異哆儺介麼臂等資利奴陪瀰幡舎能夜摩能波刀能資哆儺企邇奈勾
amadamu karu wotomye ita nakaba pito siri nu be mi pasa no yama no patwo no sita naki ni naku
擧暮利矩能播都制能野麼播伊底柁智能与慮斯企野麼和斯里底能与慮斯企夜麼能據暮利矩能播都制能夜麼播阿野爾于羅虞波斯阿野爾于羅虞波斯
komori ku no patuse no yama pa ide tati no yorosi ki yama wasiri de no yorosi ki yama no komori ku no patuse no yama pa ayani ura gupasi ayani ura gupasi
於岐毎慕与阿甫弥能於岐毎阿須用利簸弥野磨我倶利底弥曳孺可謨阿羅牟
okime mo yo apumi no okime asu ywori pa mi yama gakurite mi ye zu ka mo ara mu
斯那堤流箇多烏箇夜摩爾伊比爾恵弖許夜勢屢諸能多比等阿波礼於夜那斯爾奈礼奈理鶏迷夜佐須陁氣能枳彌波夜那祇伊比爾恵弖許夜勢留諸能多比等阿波礼
sinateru katawoka yama ni ipi ni wete koyas eru so no tapito apare oya na si ni nare nari kye me ya sasutake no kimi pa ya na ki ipi ni wete koyas eru so no tapito apare
于泥備椰摩虚多智于須家苔多能彌介茂氣莵能和区呉能虚茂邏勢利祁牟
unebwi yama ko tati usu kyedo tanomi mo kyetu no waku gwo no komora s eri kye mu
耶麻鵝播爾烏志賦柂都威底陁虞豐預倶陁虞陛屢伊慕乎多例柯威爾鶏武
yama gapa ni wosi puta tu wite tagupi yo ku tagup yeru imo wo tare wi ni kye mu
耶麻古曳底于瀰倭柂留騰母於母之楼枳伊麻紀能禹知播倭須羅由麻旨珥
yama kwoyete umi wataru tomo omosirwo ki imakwi no uti pa wasura yu masizi
許智多鶏波乎婆頭勢夜麻能伊波帰爾母為弖許母郎奈牟奈古非叙和支母
kot ita kyeba wobatuse yama no ipa kwi ni mo wite komoranamu na kwopwi so wagimo
海行波美豆久屍山行波草牟須屍王乃幣爾去曾死米能杼爾波不死
umi yuka ba mi duku kabane yama yuka ba kusa musu kabane opo kimi no pye ni koso sina me nodoni pa sinazi
美加弥乎須多婆佐美夜麻乃阿遅加気爾比止乃麻乎之志和何於保支美波母
mi kami wosu tabasami yama no adikage ni pito no mawosi si wa ga opo kimi pa mo
伊我留我乃己能加支夜麻乃佐可留木乃蘇良奈留許等乎支美爾麻乎佐奈
ikaruga no ko no kaki yama no sakaru kwi no swora naru koto wo kimi ni mawosana
National Institute for Japanese Language and Linguistics (2021) “Oxford-NINJAL Corpus of Old Japanese” https://oncoj.ninjal.ac.jp/ (accessed 15 August 2026)
fd34a1b284c5dd1e8008df9d3abcb28cfaf464bf