MYS.1.5
霞立長春日乃晩家流和豆肝之良受村肝乃心乎痛見奴要子鳥卜歎居者珠手次懸乃宜久遠神吾大王乃行幸能山越風乃獨座吾衣手爾朝夕爾還比奴礼婆大夫登念有我母草枕客爾之有者思遣鶴寸乎白土網能浦之海處女等之焼塩乃念曽所焼吾下情
kasumi tatu naga ki paru pi no kure ni kyeru waduki mo sira zu mura kimo no kokoro wo ita mi nuye kwo tori ura nake woreba tama ta suki kake no yorosi ku topo tu kamwi wa go opo kimi no ide masi no yama kwosu kaze no pito ri woru wa ga koromo de ni asa yopi ni kapyera pi nureba masura wo to omop yeru ware mo kusa makura tabi ni si areba omopi yaru taduki wo sira ni ami no ura no ama wotomye ra ga yaku sipo no omopi so yakuru wa ga sita gokoro
遠神 kamwi
句10 訓字書き 訓字 複合語l090426
MYS.1.29a
玉手次畝火之山乃橿原乃日知之御世従阿礼座師神之盡樛木乃弥継嗣爾天下所知食之乎天爾満倭乎置而青丹吉平山乎超何方御念食可天離夷者雖有石走淡海國乃樂浪乃大津宮爾天下所知食兼天皇之神之御言能大宮者此間等雖聞大殿者此間等雖云春草之茂生有霞立春日之霧流百礒城之大宮處見者悲毛
tama ta suki unebwi no yama no kasipara no piziri no mi yo yu are masi si kamwi no kotogoto tuga no kwi no iya tugitugi ni ame no sita sira si myesi si wo swora ni mitu yamato wo okite awo ni yo si nara yama wo kwoye ika sama ni omoposi myese ka ama zakaru pina ni pa aredo ipa basiru apumi no kuni no sasanami no opotu no miya ni ame no sita sira si myesi kye mu sumyeroki no kamwi no mikoto no opo miya pa koko to kikedomo opo tono pa koko to ipedomo paru kusa no sige ku opwi taru kasumi tati paru pi no kwir e ru momo sikwi no opo miya tokoro mireba kanasi mo
MYS.1.29b
玉手次畝火之山乃橿原乃日知之自宮阿礼座師神之盡樛木乃弥継嗣爾天下所知食来虚見倭乎置青丹吉平山越而何方所念計米可天離夷者雖有石走淡海國乃樂浪乃大津宮爾天下所知食兼天皇之神之御言能大宮者此間等雖聞大殿者此間等雖云春草之茂生有霞立春日香霧流夏草香繁成奴留百礒城之大宮處見者左夫思毛
tama ta suki unebwi no yama no kasipara no piziri no miya yu are masi si kamwi no kotogoto tuga no kwi no iya tugitugi ni ame no sita sira si myesi kyeru swora mitu yamato wo oki awo ni yo si nara yama kwoyete ika sama ni omoposi kye me ka ama zakaru pina ni pa aredo ipa basiru apumi no kuni no sasanami no opotu no miya ni ame no sita sira si myesi kye mu sumyeroki no kamwi no mikoto no opo miya pa koko to kikedomo opo tono pa koko to ipedomo paru kusa no sige ku opwi taru kasumi tati paru pi ka kwir e ru natu kusa ka sige ku nari nuru momo sikwi no opo miya tokoro mireba sabusi mo
MYS.1.33
樂浪乃國都美神乃浦佐備而荒有京見者悲毛
sasanami no kuni tu mi kamwi no urasabwite are taru miyakwo mireba kanasi mo
MYS.1.38a
安見知之吾大王神長柄神佐備世須登芳野川多藝津河内爾高殿乎高知座而上立國見乎為勢婆疊付青垣山山神乃奉御調等春部者花挿頭持秋立者黄葉頭刺理逝副川之神母大御食爾仕奉等上瀬爾鵜川乎立下瀬爾小網刺渡山川母依弖奉流神乃御代鴨
yasumisisi wa go opo kimi kamu nagara kamu sabwi sesu to yosinwo kapa tagitu kaputi ni taka tono wo taka siri masite nobori tati kuni mi wo se seba tatanaparu awo kaki yama yama tu mi no maturu mi tukwi to paru bye pa pana kazasi moti aki tateba momiti kazas e ri yuki swopu kapa no kamwi mo opomi ke ni tukape maturu to kami tu se ni u kapa wo tati simo tu se ni sade sasi watasu yama kapa mo yori te tukapu ru kamwi no mi yo kamo
MYS.1.38b
安見知之吾大王神長柄神佐備世須登芳野川多藝津河内爾高殿乎高知座而上立國見乎為勢婆疊付青垣山山神乃奉御調等春部者花挿頭持秋立者黄葉加射之逝副川之神母大御食爾仕奉等上瀬爾鵜川乎立下瀬爾小網刺渡山川母依弖奉流神乃御代鴨
yasumisisi wa go opo kimi kamu nagara kamu sabwi sesu to yosinwo kapa tagitu kaputi ni taka tono wo taka siri masite nobori tati kuni mi wo se seba tatanaparu awo kaki yama yama tu mi no maturu mi tukwi to paru bye pa pana kazasi moti aki tateba momiti ba kazasi yuki swopu kapa no kamwi mo opomi ke ni tukape maturu to kami tu se ni u kapa wo tati simo tu se ni sade sasi watasu yama kapa mo yori te tukapu ru kamwi no mi yo kamo
MYS.1.77
吾大王物莫御念須賣神乃嗣而賜流吾莫勿久爾
wa go opo kimi mono na omoposi sumye kamwi no tugite tamap ye ru ware na kye na ku ni
須賣神乃 kamwi
句2 訓字書き 訓字 複合語l050218
MYS.2.101
玉葛實不成樹爾波千磐破神曽著常云不成樹別爾
tama kadura mwi nara nu kwi ni pa tipayaburu kamwi zo tuku to pu nara nu kwi goto ni
MYS.2.150
空蝉師神爾不勝者離居而朝嘆君放居而吾戀君玉有者手爾巻持而衣有者脱時毛無吾戀君曽伎賊乃夜夢所見鶴
utusemi si kamwi ni ape neba sakari wite asa nageku kimi sakari wite wa ga kwopuru kimi tama naraba te ni maki motite kinu naraba nuku toki mo na ku wa ga kwopuru kimi so kizo no ywo ime ni mi ye turu
MYS.2.156
三諸之神之神須疑已具耳矣自得見監乍共不寝夜叙多
mimoro no kamwi no kamu sugwi xxx xxx i ne nu ywo zo opo ki
MYS.2.167a
天地之初時久堅之天河原爾八百萬千萬神之神集々座而神分々之時爾天照日女之命天乎婆所知食登葦原乃水穂之國乎天地之依相之極所知行神之命等天雲之八重掻別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神上々座奴吾王皇子之命乃天下所知食世者春花之貴在等望月乃満波之計武跡天下四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗其故皇子之宮人行方不知毛
ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasite kamu pakari pakari si toki ni ama tera su pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kaki wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu agari agari imasi nu wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to ame no sita yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru soko yuwe ni mi kwo no miya pito yuku pye sira zu mo
MYS.2.167b
天地之初時久堅之天河原爾八百萬千萬神之神集々座而神分々之時爾指上日女之命天乎婆所知食登葦原乃水穂之國乎天地之依相之極所知行神之命等天雲之八重雲別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神登座爾之可婆吾王皇子之命乃天下所知食世者春花之貴在等望月乃満波之計武跡食國四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗刺竹之皇子宮人歸邊不知爾為
ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasi kamu pakari pakari si toki ni sasi noboru pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kumo wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu nobori imasi ni sikaba wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to wosu kuni yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru sasutake no mi kwo no miya pito yuku pye sira ni su
MYS.2.204
安見知之吾王高光日之皇子久堅乃天宮爾神随神等座者其乎霜文爾恐美晝波毛日之盡夜羽毛夜之盡臥居雖嘆飽不足香裳
yasumisisi wa go opo kimi taka pikaru pi no mi kwo pisakata no ama tu miya ni kamu nagara kamwi to imaseba soko wo si mo ayani kasikwo mi piru pa mo pi no kotogoto yworu pa mo ywo no kotogoto pusi wi nagekedo aki tara nu kamo
MYS.2.205
王者神西座者天雲之五百重之下爾隠賜奴
opo kimi pa kamwi ni si maseba ama kumo no i po pye ga sita ni kakuri tamapi nu
MYS.2.220
玉藻吉讃岐國者國柄加雖見不飽神柄加幾許貴寸天地日月与共満将行神乃御面跡次来中乃水門従船浮而吾榜来者時風雲居爾吹爾奥見者跡位浪立邊見者白浪散動鯨魚取海乎恐行船乃梶引折而彼此之嶋者雖多名細之狭岑之嶋乃荒礒面爾廬作而見者浪音乃茂濱邊乎敷妙乃枕爾為而荒床自伏君之家知者徃而毛将告妻知者来毛問益乎玉桙之道太爾不知欝悒久待加戀良武愛伎妻等者
tama mo yo si sanuki no kuni pa kuni kara ka miredomo aka nu kamu kara ka kokoda taputwo ki ame tuti pi tukwi to tomo ni tari yuka mu kamwi no mi omo to tugite kuru naka no mina two yu pune ukete wa ga kogi kureba toki tu kaze kumo wi ni puku ni oki mireba towi nami tati pye mireba sira nami sawaku isana tori umi wo kasikwo mi yuku pune no kadi piki worite woti koti no sima pa opo kyedo na kupa si sa mine no sima no ariswo omo ni iporite mireba nami no to no sige ki pama pye wo siki tape no makura ni nasite ara doko ni koro pusu kimi ga ipye siraba yukite mo tuge mu tuma siraba ki mo topa masi wo tama poko no miti dani sira zu opoposi ku mati ka kwopu ramu pasi ki tuma ra pa
MYS.2.230
梓弓手取持而大夫之得物矢手挾立向高圓山爾春野焼野火登見左右燎火乎何如問者玉桙之道来人乃泣涙w霂爾落白妙之衣埿漬而立留吾爾語久何鴨本名言聞者泣耳師所哭語者心曽痛天皇之神之御子之御駕之手火之光曽幾許照而有
adusa yumi te ni tori motite masura wo no satu ya ta basami tati mukapu takamatwo yama ni paru nwo yaku nwo bwi to miru made moyuru pwi wo ika ni to twopeba tama poko no miti kuru pito no naku namita kwo same ni purite sirwo tape no koromo pidutite tati tomari ware ni katara ku nani si ka mo motona toburapu kikeba ne nomwi si naka yu katareba kokoro zo ita ki sumyeroki no kamwi no mi kwo no idemasi no ta bwi no pikari so kokoda teri taru
MYS.3.235a
皇者神二四座者天雲之雷之上爾廬為流鴨
opo kimi pa kamwi ni si maseba ama kumo no ikaduti no upe ni ipora s e ru kamo
MYS.3.235b
王神座者雲隠伊加土山爾宮敷座
opo kimi pa kamwi ni si maseba kumo gakuru ika duti yama ni miya siki imasu
MYS.3.241
皇者神爾之坐者真木乃立荒山中爾海成可聞
opo kimi pa kamwi ni si maseba ma kwi no tatu ara yama naka ni umi wo nasu kamo
MYS.3.260
天降就神乃香山打靡春去来者櫻花木暗茂松風丹池浪飆邊都遍者阿遅村動奥邊者鴨妻喚百式乃大宮人乃去出榜来舟者竿梶母無而佐夫之毛榜与雖思
amori tuku kamwi no kagu yama uti nabiku paru sari kureba sakura bana ko no kure sige ni matu kaze ni ike nami tati pye tu pye ni pa adi mura sawaki oki bye ni pa kamo tuma ywobapi momo sikwi no opo miya pito no makari dete kogi k yeru pune pa sawo kadi mo na kute sabusi mo koga mu to omopedo
MYS.3.295
清江乃野木笶松原遠神我王之幸行處
suminoye no nwo kwi no matu bara topo tu kamwi wa go opo kimi no ide masi dokoro
遠神 kamwi
句2 訓字書き 訓字 複合語l090426
MYS.3.319
奈麻余美乃甲斐乃國打縁流駿河能國与己知其智乃國之三中従出立有不盡能高嶺者天雲毛伊去波伐加利飛鳥母翔毛不上燎火乎雪以滅落雪乎火用消通都言不得名不知霊母座神香聞石花海跡名付而有毛彼山之堤有海曽不盡河跡人乃渡毛其山之水乃當焉日本之山跡國乃鎮十方座祇可間寳十方成有山可聞駿河有不盡能高峯者雖見不飽香聞
namayomino kapwi no kuni uti yosu ru suruga no kuni to koti goti no kuni no mi naka yu ide tat eru puzi no taka ne pa ama kumo mo i yuki pabakari tobu tori mo tobi mo nobora zu moyuru pwi wo yuki moti keti puru yuki wo pwi moti keti tutu ipi mo e zu na duke mo sira zu kususi ku mo imasu kamwi kamo se no umi to na dukete aru mo so no yama no tutum yeru umi so puzi kapa to pito no wataru mo so no yama no midu no tagiti so pi no moto no yamato no kuni no sidume to mo imasu kamwi kamo takara to mo nar eru yama kamo suruga n aru puzi no taka ne pa miredo aka nu kamo
MYS.3.322
皇神祖之神乃御言乃敷座國之盡湯者霜左波爾雖在嶋山之宣國跡極此疑伊豫能高嶺乃射狭庭乃崗爾立而歌思辞思為師三湯之上乃樹村乎見者臣木毛生継爾家里鳴鳥之音毛不更遐代爾神左備将徃行幸處
sumyeroki no kamwi no mikoto no siki mas eru kuni no kotogoto yu pa si mo sapa ni aredomo simayama no yorosi ki kuni to kogosi kamo iyo no taka ne no izanipa no woka ni tata site uta omopi koto omopa si si mi yu no upe no ko mura wo mireba omino kwi mo opwi tugi ni kyeri naku tori no kowe mo kapara zu topo ki yo ni kamu sabwi yuka mu ide masi dokoro
MYS.3.379
久堅之天原従生来神之命奥山乃賢木之枝爾白香付木綿取付而齊戸乎忌穿居竹玉乎繁爾貫垂十六自物膝折伏手弱女之押日取懸如此谷裳吾者祈奈牟君爾不相可聞
pisakata no ama no para ywori are ki taru kamwi no mikoto oku yama no saka kwi no yeda ni sira ka tuke yupu tori tukete ipapi be wo ipapi pori suwe taka tama wo sizi ni nuki tari sisi zimono piza wori pusite tawayamye no osupi tori kake kaku dani mo ware pa kopi na mu kimi ni apazi kamo
MYS.3.382
鷄之鳴東國爾高山者佐波爾雖有朋神之貴山乃儕立乃見皀石山跡神代従人之言嗣國見為築羽乃山矣冬木成時敷時跡不見而徃者益而戀石見雪消為山道尚矣名積叙吾来煎
tori ga naku aduma no kuni ni taka yama pa sapa ni aredomo puta kamwi no taputwo ki yama no nami tati no migapo si yama to kamu yo ywori pito no ipi tugi kuni mi suru tukupa no yama wo puyu gomori toki zi ki toki to mi zute yukaba masite kwopo si mi yuki ge suru yama miti sura wo nadumi zo wa ga k ye ru
MYS.3.404
千磐破神之社四無有世伐春日之野邊粟種益乎
tipayaburu kamwi no yasiro si na kari seba kasuga no nwo pye ni apa maka masi wo
MYS.3.406
吾祭神者不有大夫爾認有神曽好應祀
wa ga maturu kamwi ni pa ara zu masura wo ni tuki taru kamwi so yo ku maturu be si
MYS.3.443
天雲之向伏國武士登所云人者皇祖神之御門爾外重爾立候内重爾仕奉玉葛弥遠長祖名文継徃物与母父爾妻爾子等爾語而立西日従帶乳根乃母命者齊忌戸乎前坐置而一手者木綿取持一手者和細布奉平間幸座与天地乃神祇乞祷何在歳月日香茵花香君之牛留鳥名津匝来与立居而待監人者王之命恐押光難波國爾荒玉之年經左右二白栲衣不干朝夕在鶴公者何方爾念座可欝蝉乃惜此世乎露霜置而徃監時爾不在之天
ama kumo no muka busu kuni no mononopu to ipa yuru pito pa sumyeroki no kamwi no mi kadwo ni two no pye ni tati samorapi uti no pye ni tukape maturite tama kadura iya topo naga ku oya no na mo tugi yuku mono to omo titi ni tuma ni kwo domo ni katarapite tati ni si pi ywori taratine no papa no mikoto pa ipapi be wo mapye ni suwe okite kata te ni pa yupu tori moti kata te ni pa niki tape maturi tapirake ku ma saki ku mase to ame tuti no kamwi wo kopi nome ika n ara mu tosi tukwi pi ni ka tutuzi pana nipop yeru kimi ga kuro tori no nadusapi ko mu to tatite wite mati kye mu pito pa opo kimi no mikoto kasikwo mi osi teru nanipa no kuni ni ara tama no tosi puru made ni sirwo tape no koromo mo posa zu asa yopi ni ari turu kimi pa ika sama ni omopi mase ka utusemi no wosi ki ko no yo wo tuyu simo no okite ini kye mu toki ni ara zu site
MYS.4.546
三香乃原客之屋取爾珠桙乃道能去相爾天雲之外耳見管言将問縁乃無者情耳咽乍有爾天地神祇辞因而敷細乃衣手易而自妻跡憑有今夜秋夜之百夜乃長有与宿鴨
mika no para tabi no yadori ni tamapoko no miti no yuki api ni ama kumo no yoso nomwi mi tutu koto dopa mu yosi no na kyereba kokoro nomwi musetutu aru ni ame tuti no kamwi koto yosete sikitape no koromo de kapete ono duma to tanom yeru ko yopi aki no ywo no momo ywo no naga sa ari kose nu kamo
MYS.4.549
天地之神毛助与草枕羈行君之至家左右
ame tuti no kamwi mo tasukeyo kusa makura tabi yuku kimi ga ipye ni itaru made
MYS.4.558
千磐破神之社爾我挂師幣者将賜妹爾不相國
tipayaburu kamwi no yasiro ni wa ga kake si nusa pa tabara mu imo ni apa na ku ni
MYS.4.561
不念乎思常云者大野有三笠社之神思知三
omopa nu wo omopu to ipaba oponwo n aru mikasa no mori no kamwi si sira sa mu
MYS.4.605
天地之神理無者社吾念君爾不相死為目
ame tuti no kamwi si kotowari na kupa koso wa ga omopu kimi ni apa zu sini se me
MYS.4.619
押照難波乃菅之根毛許呂爾君之聞四手年深長四云者真十鏡磨師情乎縦手師其日之極浪之共靡珠藻乃云々意者不持大船乃憑有時丹千磐破神哉将離空蝉乃人歟禁良武通為君毛不来座玉梓之使母不所見成奴礼婆痛毛為便無三夜干玉乃夜者須我良爾赤羅引日母至闇雖嘆知師乎無三雖念田付乎白二幼婦常言雲知久手小童之哭耳泣管俳徊君之使乎待八兼手六
osi teru nanipa no suge no nemokoro ni kimi ga kiko site tosi puka ku naga ku si ipeba maswo kagami twogi si kokoro wo yurusi te si so no pi no kipami nami no muta nabiku tama mo no ka ni kaku ni kokoro pa mota zu opo bune no tanom yeru toki ni tipayaburu kamwi ya sake kye mu utusemi no pito ka sapu ramu kaywopa si si kimi mo ki masa zu tamadusa no tukapi mo mi ye zu nari nureba ita mo subye na mi nubatama no yworu pa sugara ni aka ra piku pi mo kururu made nagekedomo sirusi wo na mi omopedomo ta duki wo sira ni tawayamye to ipa ku mo siru ku ta warapa no ne nomwi naki tutu ta motopori kimi ga tukapi wo mati ya kane te mu
MYS.4.655
不念乎思常云者天地之神祇毛知寒邑礼左變
omopa nu wo omopu to ipaba ame tuti no kamwi mo sira sa mu opo re sa kapyeru
MYS.4.743
吾戀者千引乃石乎七許頚二将繋母神之諸伏
wa ga kwopwi pa ti biki no ipa wo nana bakari kubi ni kake mu mo kamwi no manima ni
MYS.5.813
可既麻久波阿夜爾可斯故斯多良志比咩可尾能弥許等可良久爾遠武気多比良宜弖弥許許呂遠斯豆迷多麻布等伊刀良斯弖伊波比多麻比斯麻多麻奈須布多都能伊斯乎世人爾斯咩斯多麻比弖余呂豆余爾伊比都具可祢等和多能曾許意枳都布可延乃宇奈可美乃故布乃波良爾美弖豆可良意可志多麻比弖可武奈何良可武佐備伊麻須久志美多麻伊麻能遠都豆爾多布刀伎呂可儛
kake maku pa ayani kasikwo si tarasipimye kamwi no mikoto kara kuni wo muke tapiragete mi kokoro wo sidume tamapu to i twora site ipapi tamapi si ma tama nasu puta tu no isi wo yo no pito ni simyesi tamapite yorodu yo ni ipi tugu gane to wata no soko oki tu puka ye no unakami no kwopu no para ni mi tedukara oka si tamapite kamu nagara kamusabwi imasu kusi mi tama ima no wotutu ni taputwo ki rokamu
MYS.5.869a
多良志比売可尾能美許等能奈都良須等美多多志世利斯伊志遠多礼美吉
tarasipimye kamwi no mikoto no na tura su to mi tata si s eri si isi wo tare mi ki
MYS.5.869b
多良志比売可尾能美許等能阿由都流等美多多志世利斯伊志遠多礼美吉
tarasipimye kamwi no mikoto no ayu turu to mi tata si s eri si isi wo tare mi ki
MYS.5.894
神代欲理云伝久良久虚見通倭國者皇神能伊都久志吉國言霊能佐吉播布國等加多利継伊比都賀比計理今世能人母許等期等目前爾見在知在人佐播爾満弖播阿礼等母高光日御朝庭神奈我良愛能盛爾天下奏多麻比志家子等撰多麻比天勅旨戴持弖唐能遠境爾都加播佐礼麻加利伊麻勢宇奈原能辺爾母奥爾母神豆麻利宇志播吉伊麻須諸能大御神等船舳爾道引麻遠志天地能大御神等倭大國霊久堅能阿麻能見虚喩阿麻賀気利見渡多麻比事畢還日者又更大御神等船舳爾御手打掛弖墨縄遠播倍多留期等久阿遅可遠志智可能岬欲利大伴御津浜備爾多太泊爾美船播将泊都都美無久佐伎久伊麻志弖速帰座勢
kamwi yo ywori ipi tute kuraku swora mitu yamato no kuni pa sumye kamwi no itukusi ki kuni koto dama no sakipapu kuni to katari tugi ipi tugapi kyeri ima no yo no pito mo kotogoto me no mapye ni mi tari siri tari pito sapa ni miti te pa aredomo taka pikaru pi no mikadwo kamu nagara mede no sakari ni ame no sita mawosi tamapi si ipye no kwo to erabi tamapite opo mikoto itadaki moti te morokwosi no topo ki sakapi ni tukapa sa re makari imase una para no pye ni mo oki ni mo kamu dumari usipaki imasu moromoro no opomi kamwi tati puna no pe ni miti biki mawosi ame tuti no opomi kamwi tati yamato no opo kuni mi tama pisakata no ama no mi swora yu ama gakeri mi watasi tamapi koto wopari kapyera mu pi pa mata sara ni opomi kamwi tati puna no pe ni mi te uti kake te sumi napa wo pape taru goto ku atikawosi tika no saki ywori opotomo no mitu no pama bwi ni tada pate ni mi pune pa pate mu tutumi na ku saki ku imasite paya kapyeri ma se
皇神能 kamwi
句4 訓字書き 訓字 複合語l050218
MYS.5.904
世人之貴慕七種之宝毛我波何為和我中能産礼出有白玉之吾子古日者明星之開朝者敷多倍乃登許能辺佐良受立礼杼毛居礼杼毛登母爾戯礼夕星乃由布弊爾奈礼婆伊射祢余登手乎多豆佐波里父母毛表者奈佐我利三枝之中爾乎祢牟登愛久志我可多良倍婆何時可毛比等等奈理伊弖天安志家口毛与家久母見武登大船乃於毛比多能無爾於毛波奴爾横風乃爾布敷可爾覆来礼婆世武須便乃多杼伎乎之良爾志路多倍乃多須吉乎可気麻蘇鏡弖爾登利毛知弖天神阿布芸許比乃美地祇布之弖額拝可加良受毛可賀利毛神乃末爾麻爾等立阿射里我例乞能米登須臾毛余家久波奈之爾漸漸可多知都久保利朝朝伊布許等夜美霊剋伊乃知多延奴礼立乎杼利足須里佐家婢伏仰武祢宇知奈気吉手爾持流安我古登婆之都世間之道
yo no pito no taputwobi negapu nana kusa no takara mo ware pa nani se mu wa ga naka no uma re ide taru sira tama no wa ga kwo purupi pa aka posi no akuru asita pa siki tape no toko no pye sara zu tat e redomo wo redomo tomo ni tapabu re yupu tudu no yupubye ni nareba iza neyo to te wo tadusapari titi papa mo upe pa na sagari sakikusa no naka n i wo ne mu to utukusi ku si ga katarapeba itu si ka mo pito to nari idete asi kyeku mo yo kyeku mo mi mu to opo bune no omopi tanomu ni omopa nu ni yoko sima kaze no nipubukani opopi ki ta reba se mu subye no tadwoki wo sira ni sirwo tape no tasuki wo kake maswo kagami te ni tori motite ama tu kamwi apugi kopi nomi kuni tu kamwi pusite nuka duki kakara zu mo kakari mo kamwi no manima ni to tati azari ware kopi nomedo simasi ku mo yo kyeku pa na si ni yakuyakuni katati tukupori asanaasana ipu koto yami tamakiparu inoti taye nure tati wodori asi suri sakyebi pusi apugi mune uti nakeki te ni mot e ru a ga kwo tobasi tu yo no naka no miti
神乃末爾麻爾等 kamwi
句48 訓字書き 訓字
MYS.6.913
味凍綾丹乏敷鳴神乃音耳聞師三芳野之真木立山湯見降者川之瀬毎開来者朝霧立夕去者川津鳴奈拝紐不解客爾之有者吾耳為而清川原乎見良久之惜蒙
umakori ayani tomo si ku naru kamwi no oto nomwi kiki si mi yosinwo no ma kwi tatu yama yu mi oroseba kapa no se gotoni ake kureba asa gwiri tati yupu sareba kapadu naku nabe pimo toka nu tabi ni si areba wa nomwi site kiywo ki kapara wo mi raku si wosi mo
鳴神乃 kamwi
句2 訓字書き 訓字 複合語l099999
MYS.6.920
足引之御山毛清落多藝都芳野河之河瀬乃浄乎見者上邊者千鳥數鳴下邊者河津都麻喚百礒城乃大宮人毛越乞爾思自仁思有者毎見文丹乏玉葛絶事無萬代爾如是霜願跡天地之神乎曽祷恐有等毛
asipiki no mi yama mo saya ni oti tagitu yosinwo no kapa no kapa no se no kiywo ki wo mireba kami bye ni pa ti dori siba naki simo bye ni pa kapadu tuma ywobu momo sikwi no opo miya pito mo woti koti ni sizi ni si areba miru gotoni ayani tomosi mi tama kadura tayuru koto na ku yorodu yo ni kaku si moga mo to ame tuti no kamwi wo so inoru kasikwo kare domo
MYS.6.963
大汝小彦名能神社者名著始鷄目名耳乎名兒山跡負而吾戀之干重之一重裳奈具佐米七國
opo namuti sukuna pikwo na no kamwi kosoba na duke some kye me na nomwi wo nagwo yama to opite wa ga kwopwi no ti pye no pito pye mo nagusame naku ni
MYS.6.1020.1021
王命恐見刺並土左國爾出座耶吾背乃公矣繋巻裳湯々石恐石住吉乃荒人神船舳爾牛吐賜付賜将嶋之埼前依賜将礒乃埼前荒浪風爾不令遇莫管見身疾不有急令變賜根本國部爾
opo kimi no mikoto kasikwo mi sasi narabu twosa no kuni ni ide masu ya wa ga se no kimi wo kake maku mo yuyusi kasikwo si suminoye no ara pito gamwi puna no pe ni usipaki tamapi tuki tamapa mu sima no saki zaki yori tamapa mu iswo no saki zaki ara ki nami kaze ni apase zu tutumi na ku yamapi arase zu sumuyake ku kapyesi tamapa ne moto no kuni pye ni
MYS.6.1023
大埼乃神之小濱者雖小百船純毛過迹云莫國
oposaki no kamwi no wo bama pa seba kyedomo momo puna bito mo sugu to ipa naku ni
MYS.6.1047
八隅知之吾大王乃高敷為日本國者皇祖乃神之御代自敷座流國爾之有者阿礼将座御子之嗣継天下所知座跡八百萬千年矣兼而定家牟平城京師者炎乃春爾之成者春日山御笠之野邊爾櫻花木晩牢皃鳥者間無數鳴露霜乃秋去来者射駒山飛火賀㟴丹芽乃枝乎石辛見散之狭男壮鹿者妻呼令動山見者山裳見皃石里見者里裳住吉物負之八十伴緒乃打經而思煎敷者天地乃依會限萬世丹榮将徃迹思煎石大宮尚矣恃有之名良乃京矣新世乃事爾之有者皇之引乃真爾真荷春花乃遷日易村鳥乃旦立徃者刺竹之大宮人能踏平之通之道者馬裳不行人裳徃莫者荒爾異類香聞
yasumisisi wa go opo kimi no taka sika su yamato no kuni pa sumyeroki no kamwi no mi yo ywori siki mas e ru kuni ni si areba are masa mu mi kwo no tugi tugi ame no sita sira si imase to ya po yorodu ti tose wo kanete sadame kye mu nara no miyakwo pa kagirwopwi no paru ni si nareba kasuga yama mikasa no nwo pye ni sakura bana ko no kure komori kapo dori pa ma na ku siba naku tuyu simo no aki sari kureba ikwoma yama tobupwi ga take ni pagwi no ye wo sigarami tirasi sa wo sika pa tuma ywobi toyomu yama mireba yama mo mi gaposi satwo mireba satwo mo sumi yo si mononopu no ya swo tomo no wo no uti papete omop ye ri siku pa ame tuti no yoriapi no kagiri yorodu yo ni sakaye yuka mu to omop yeri si opo miya sura wo tanom yeri si nara no miyakwo wo arata yo no koto ni si areba opo kimi no piki no manima ni paru pana no uturo pi kapari mura tori no asa dati yukeba sasutake no opo miya pito no pumi nara si kaywopi si miti pa uma mo yuka zu pito mo yuka neba are ni kyeru kamo
MYS.6.1050
明津神吾皇之天下八嶋之中爾國者霜多雖有里者霜澤爾雖有山並之宜國跡川次之立合郷跡山代乃鹿脊山際爾宮柱太敷奉高知為布當乃宮者河近見湍音叙清山近見鳥賀鳴慟秋去者山裳動響爾左男鹿者妻呼令響春去者岡邊裳繁爾巌者花開乎呼理痛怜布當乃原甚貴大宮處諾己曽吾大王者君之随所聞賜而刺竹乃大宮此跡定異等霜
aki tu kamwi wa go opo kimi no ame no sita ya sima no uti ni kuni pa si mo sapa ni aredomo satwo pa si mo sapa ni aredomo yama nami no yorosi ki kuni to kapa nami no tati apu satwo to yamasiro no kase yama no ma ni miya basira putwo siki maturi taka sira su putagi no miya pa kapa tika mi se no oto zo kiywo ki yama tika mi tori ga ne toyomu aki sareba yama mo todoro ni sa wo sika pa tuma ywobi toyome paru sareba woka pye mo sizi ni ipapo ni pa pana saki wowori ana omosirwo putagi no para ito taputwo opo miya tokoro ube si koso wa go opo kimi pa kimi nagara kika si tamapite sasutake no opo miya koko to sadame kye rasi mo
MYS.6.1053
吾皇神乃命乃高所知布當乃宮者百樹成山者木高之落多藝都湍音毛清之鴬乃来鳴春部者巌者山下耀錦成花咲乎呼里左壮鹿乃妻呼秋者天霧合之具礼乎疾狭丹頬歴黄葉散乍八千年爾安礼衝之乍天下所知食跡百代爾母不可易大宮處
wa go opo kimi kamwi no mikoto no taka sira su putagi no miya pa momo kwi mo ku yama pa ko daka si oti tagitu se no oto mo kiywo si ugupisu no ki naku paru bye pa ipapo ni pa yama sita pikari nisiki nasu pana saki wowori sa wo sika no tuma ywobu aki pa ama gwir apu sigure wo ita mi sa ni turapu momiti tiritutu ya ti tose ni are tuga si tutu ame no sita sira si myesa mu to momo yo ni mo kaparu masizi ki opo miya tokoro
MYS.6.1065
八千桙之神乃御世自百船之泊停跡八嶋國百船純乃定而師三犬女乃浦者朝風爾浦浪左和寸夕浪爾玉藻者来依白沙清濱部者去還雖見不飽諾石社見人毎爾語嗣偲家良思吉百世歴而所偲将徃清白濱
yatipoko no kamwi no mi yo ywori momo pune no paturu tomari to ya sima kuni momo puna pito no sadame te si minumye no ura pa asa kaze ni ura nami sawaki yupu nami ni tama mo pa ki yoru sira managwo kiywo ki pama bye pa yuki kapyeri miredomo aka zu ube si koso miru pito goto ni katari tugi sinwopi kye rasi ki momo yo pete sinwopa ye yuka mu kiywo ki sira pama
MYS.7.1092
動神之音耳聞巻向之桧原山乎今日見鶴鴨
naru kamwi no oto nomwi kiki si makimuku no pi para no yama wo kyepu mi turu kamo
MYS.7.1133
皇祖神之神宮人冬薯蕷葛弥常敷爾吾反将見
sumye gamwi no kamwi no miya pito tokorotura iya toko siku ni ware kapyeri mi mu
皇祖神之 gamwi
句0 訓字書き 訓字 複合語l050218
MYS.7.1216
塩満者如何将為跡香方便海之神我戸渡海部未通女等
sipo mitaba ika ni se mu to ka watatumi no kamwi ga two wataru ama wotomye domo
MYS.7.1232
大海之波者畏然有十方神乎齊祀而船出為者如何
opo umi no nami pa kasikwo si sikare domo kamwi wo inorite puna de seba ika ni
MYS.7.1247
大穴道少御神作妹勢能山見吉
oponamuti sukuna mi kamwi no tukura si si imo se no yama wo miraku si yo si mo
MYS.7.1310
雲隠小嶋神之恐者目間心間哉
kumo gakuru kwo sima no kamwi no kasikwo kyeba me koso pyedat ere kokoro pyedate ya
MYS.7.1369
天雲近光而響神之見者恐不見者悲毛
ama kumo ni tika ku pikarite naru kamwi no mireba kasikwo si mi neba kanasi mo
MYS.7.1403
三幣帛取神之祝我鎮齊杉原燎木伐殆之國手斧所取奴
mi nusa tori kamwi no papuri ga ituku sugwi para taki gwi kori potopoto sikuni te wono tora ye nu
MYS.9.1740
春日之霞時爾墨吉之岸爾出居而釣船之得乎良布見者古之事曽所念水江之浦嶋兒之堅魚釣鯛釣矜及七日家爾毛不夾而海界乎過而榜行爾海若神之女爾邂爾伊許藝趍相誂良比言成之賀婆加吉結常代爾至海若神之宮乃内隔之細有殿爾携二人入居而耆不爲死不爲而永世爾有家留物乎世間之愚人乃吾妹兒爾告而語久須臾者家歸而父母爾事毛告良比如明日吾者夾南登言家礼婆妹之答久常世邊復變夾而如今埓相跡奈良婆此篋開勿勤常曽己良久爾堅目師事乎墨吉爾還夾而家見跡宅毛見金手里見跡里毛見金手恠常所許爾念久従家出而三歳之間爾垣毛無家滅目八跡此筥乎開而見手歯如本家者埓有登玉篋小披爾白雲之自箱出而常世邊棚引去者立走叨袖振反側足受利四管頓情消失奴若有之皮毛皺奴黒有之髪毛白斑奴由奈由奈波氣左倍絶而後遂壽死祁流水江之浦嶋子之家地見
paru no pi no kasum yeru toki ni suminoye no kwisi ni ide wite turi bune no toworapu mireba inisipye no koto so omopoyuru miduno ye no urasima no kwo ga katuwo turi tapi turi pokori nanu ka made ipye ni mo ko zute una saka wo sugwite kogi yuku ni watatumi no kamwi no wotomye ni tamasaka ni i kogi mukapi api atorapi koto nari sikaba kaki musubi toko yo ni itari watatumi no kamwi no miya no uti no pye no tape naru tono ni tadusapari puta ri iri wite oi mo se zu sini mo se zusite naga ki yo ni ari kyeru mono wo yo no naka no oroka pito no wagimo kwo ni tugete katara ku simasi ku pa ipye ni kapyerite titi papa ni koto mo kata rapi asu no goto ware pa ki na mu to ipi kyereba imo ga ip yera ku toko yo pye ni mata kapyeri kite ima no goto apa mu to naraba ko no kusige piraku na yume to sokorakuni kata me si koto wo suminoye ni kapyeri ki tarite ipye mire do ipye mo mi kanete satwo mire do satwo mo mi kanete ayasi to soko ni omopa ku ipye yu idete mi tose no apida ni kaki mo na ku ipye use me ya to ko no pakwo wo pirakite mi teba moto no goto ipye pa ara mu to tama kusige sukwosi piraku ni sira kumo no pakwo ywori idete toko yo pye ni tanabiki nure ba tati pasiri sakyebi swode puri koi marobi asi zuri situtu tatimatini kokoro ke use nu waka kari si pada mo siwami nu kurwo kari si kami mo sirake nu yunayuna pa iki sape tayete noti tupi ni inoti sini kyeru miduno ye no urasima no kwo ga ipye tokoro mi yu
MYS.9.1753
衣手常陸國二並筑波乃山乎欲見君夾座登熱爾汗可伎奈氣木根取嘯鳴登峯上乎公爾令見者男神毛許賜女神毛千羽日給而時登無雲居雨零筑波嶺乎清照言借石國之眞保良乎委曲爾示賜者歡登紐之緒解而家如解而曽遊打靡春見麻之従者夏草之茂者雖在今日之樂者
koromo de pitati no kuni no puta narabu tukupa no yama wo mi maku pori kimi ki mas eri to atu kyeku ni ase kaki nage ko no ne tori usobuki nobori wo no upe wo kimi ni misureba wo kamwi mo yurusi tamapi mye kamwi mo tipapi tamapite toki to na ku kumo wi ame puru tukupa ne wo saya ni terasite ipukari si kuni no mapora wo tubaraka ni simyesi tamapeba uresi mi to pimo no wo tokite ipye no goto tokete zo aswobu uti nabiku paru mi masi yu pa natu kusa no sige ku pa aredo kyepu no tanwosi sa
MYS.9.1759
鷲住筑波乃山之裳羽服津乃其津乃上爾率而未通女壮士之徃集加賀布嬥謌爾他妻爾吾毛交牟吾妻爾他毛言問此山乎牛掃神之従夾不禁行事叙今日耳者目串毛勿見事毛咎莫
wasi no sumu tukupa no yama no mopakitu no so no tu no upe ni adomopi te wotomye wotokwo no yuki tudwopi kagapu kagapi ni pito duma ni ware mo mazipara mu a ga tuma ni pito mo koto dopye ko no yama wo usipaku kamwi no mukasi ywori isame nu waza zo kyepu nomwi pa megu si mo na mi so koto mo togamu na
MYS.9.1760
男神爾雲立登斯具礼零沾通友吾埓反哉
wo no kamwi ni kumo tati nobori sigure puri nure toporu tomo ware kapyera me ya
MYS.9.1770
三諸乃神能於婆勢流泊瀬河水尾之不斷者吾忘礼米也
mi moro no kamwi no oba s eru patuse gapa miwo si taye zupa ware wasu re me ya
MYS.9.1773
神南備神依板爾爲杉乃念母不過戀之茂爾
kamunabwi no kamwi yori ita ni suru sugwi no omopi mo sugwi zu kwopwi no sige ki ni
神依板爾 kamwi
句1 訓字書き 訓字 複合語l090005
MYS.9.1784
海若之何神乎齊祈者歟徃方毛夾方毛船之早兼
watatumi no idure no kamwi wo inoraba ka yuku sa mo ku sa mo pune no paya kye mu
MYS.9.1800
小垣内之麻矣引干妹名根之作服異六白細乃紐緒毛不解一重結帶矣三重結苦伎爾仕奉而今谷裳國爾退而父妣毛妻矣毛埓見跡思乍徃祁牟君者鳥鳴東國能恐耶神之三坂爾和膚乃服寒等丹烏玉乃髪者乱而邦問跡國矣毛不告家問跡家矣毛不云益荒夫乃去能進爾此間偃有
wo kakitu no asa wo piki posi imo na ne ga tukuri kise kye mu sirwo tape no pimo wo mo toka zu pito pye yupu obi wo mi pye yupi kurusi ki ni tukape maturite ima dani mo kuni ni makarite titi papa mo tuma wo mo mi mu to omopitutu yuki kye mu kimi pa tori ga naku aduma no kuni no kasikwo ki ya kamwi no mi saka ni niki pada no koromo samu ra ni nubatama no kami pa midarete kuni twope do kuni wo mo nora zu ipye twope do ipye wo mo ipa zu masura wo no yuki no manima ni koko ni koyas eru
MYS.9.1804
父母賀成乃任爾箸向弟乃命者朝露乃銷易杵壽神之共荒競不勝而葦原乃水穂之國爾家無哉又還不夾遠津國黄泉乃界丹蔓都多乃各々向々天雲乃別石徃者闇夜成思迷匍匐所射十六乃意矣痛葦垣之思乱而春鳥能啼耳鳴乍味澤相宵晝不知蜻蜒火之心所燎管悲悽別焉
titi papa ga nasi no manima ni pasi mukapu oto no mikoto pa asa tuyu no ke yasu ki inoti kamwi no muta araswopi kanete asi para no midupo no kuni ni ipye na mi ya mata kapyeri ko nu topo tu kuni yomwi no sakapi ni papu tuta no ono ga mukimuki ama kumo no wakare si yukeba yamwi ywo nasu omopi matwo papi i yu sisi no kokoro wo ita mi asi kaki no omopi midarete paru tori no ne nomwi nakitutu adisapapu yworu piru sira zu kagirwo pwi no kokoro moye tutu kanasibwi wakaru
MYS.10.2002
八千戈神自御世乏孋人知爾来告思者
yatipoko no kamwi no mi yo ywori tomosi duma pito siri ni kyeri tugite si omopeba
MYS.11.2416
千早振神持在命誰爲長欲爲
tipayaburu kamwi no mota s eru inoti woba ta ga tame ni ka mo naga ku pori se mu
MYS.11.2418
何名負神幣嚮奉者吾念妹夢谷見
ika nara mu na opu kamwi ni ta muke seba wa ga omopu imo wo ime ni dani mi mu
MYS.11.2508
皇祖乃神御門乎懼見等侍従時爾相流公鴨
sumyeroki no kamwi no mikadwo wo kasikwo mi to samorapu toki ni ap yeru kimi kamo
MYS.11.2513
雷神小動刺雲雨零耶君將留
naru kamwi no sukwosi toyomite sasi kumori ame mo pura nu ka kimi wo todome mu
MYS.11.2514
雷神小動雖不零吾將留妹留者
naru kamwi no sukwosi toyomite pura zu tomo ware pa todomara mu imo si todomeba
MYS.11.2658
天雲之八重雲隠鳴神之音耳爾八方聞度南
ama kumo no ya pye kumo gakur eru naru kamwi no oto nomwi ni ya mo kiki watari na mu
MYS.11.2659
争者神毛悪爲縦咲八師世副流君之悪有莫君爾
araswopeba kamwi mo nikuma su yosi we ya si yosopuru kimi ga niku ku ara na ku ni
MYS.11.2660
夜並而君乎來座跡千石破神社乎不祈日者無
ywo narabete kimi wo ki mase to tipayaburu kamwi no yasiro wo noma nu pi pa na si
MYS.11.2661
靈治波布神毛吾者打棄乞四惠也壽之恡無
tama dipapu kamwi mo ware wo ba utute koso siweya inoti no wosi kyeku mo na si
MYS.11.2662
吾妹兒又毛相等千羽八振神社乎不祷日者無
wagimo kwo ni mata mo apa mu to tipayaburu kamwi no yasiro wo noma nu pi pa na si
MYS.11.2663
千葉破神之伊垣毛可越今者吾名之惜無
tipayaburu kamwi no i kaki mo kwoye nu be si ima pa wa ga na no wosi kyeku mo na si
MYS.12.3015
如神所聞瀧之白浪乃面知君之不所見比日
kamwi no goto kikoyuru tagi no sira nami no omo siru kimi ga mi ye nu ko no koro
MYS.12.3100
不想乎想常云者真鳥住卯名手乃社之神思将御知
omopa nu wo omopu to ipaba ma tori sumu unate no mori no kamwi si sira sa mu
MYS.13.3227
葦原笶水穂之國丹手向爲跡天降座兼五百万千万神之神代従云續來在甘南備乃三諸山者春去者春霞立秋徃者紅丹穂經甘甞備乃三諸乃神之帶爲明日香之河之水尾速生多米難石枕蘿生左右二新夜乃好去通牟事計夢爾令見社劔刀齊祭神二師座者
asi para no midupo no kuni ni ta muke su to amori masi kye mu i po yorodu ti yorodu kamwi no kamu yo ywori ipi tugi ki taru kamunabwi no mi moro no yama pa paru sareba paru kasumi tati aki yukeba kurenawi nipopu kamunabwi no mimoro no kamwi no obi ni s eru asuka no kapa no mi wo paya mi opwi tame kata ki isi makura koke musu made ni arata ywo no saki ku kaywopa mu koto pakari ime ni mise koso turugi tati ipapi matur eru kamwi ni si maseba
MYS.13.3236
空見津倭國青丹吉常山越而山代之管木之原血速舊于遅乃渡瀧屋之阿後尼之原尾千歳爾闕事無万歳爾有通将得山科之石田之社之須馬神爾奴左取向而吾者越徃相坂山遠
swora mitu yamato no kuni awo ni yo si nara yama kwoyete yamasiro no tutukwi no para tipayaburu udi no watari tagituya no agwone no para wo ti tose ni kakuru koto na ku yorodu yo ni ari gaywopa mu to yamasina no ipata no mori no sumye kamwi ni nusa tori mukete ware pa kwoye yuku apusaka yama wo
須馬神爾 kamwi
句16 訓字書き 訓字 複合語l050218
MYS.13.3250
蜻嶋倭之國者神柄跡言擧不爲國雖然吾者事上爲天地之神文甚吾念心不知哉徃影乃月文經徃者玉限日文累念戸鴨胸不安戀烈鴨心痛末逐爾君丹不會者吾命乃生極戀乍文吾者将度犬馬鏡正目君乎相見天者社吾戀八鬼目
akidu sima yamato no kuni pa kamu kara to koto age se nu kuni sikaredomo ware pa koto age su ame tuti no kamwi mo panapada wa ga omopu kokoro sira zu ya yuku kage no tukwi mo pe yukeba tama kagiru pi mo kasanari omo pe ka mo mune yasu kara nu kwopu re ka mo kokoro no ita ki suwe tupi ni kimi ni apa zupa wa ga inoti no ik yera mu kipami kwopwitutu mo ware pa watara mu maswo kagami tadame ni kimi wo api mi te ba koso wa ga kwopwi yama me
MYS.13.3284
菅根之根毛一伏三向凝呂爾吾念有妹爾緑而者言之禁毛無在乞常齊戸乎石相穿居竹珠乎無間貫垂天地之神祇乎曽吾祈甚毛爲便無見
suga no ne no nemokorogoro ni wa ga omop yeru imo ni yorite pa koto no sape mo na ku ari koso to ipapi be wo ipapi pori suwe taka tama wo ma na ku nuki tare ame tuti no kamwi wo zo a ga nomu ita mo subye na mi
MYS.13.3286
玉手次不懸時無吾念有君爾依者倭文幣乎手取持而竹珠叨之自二貫垂天地之神叨曽吾乞痛毛須部奈見
tama ta suki kake nu toki na ku wa ga omop yeru kimi ni yorite pa situ nusa wo te ni tori motite taka tama wo sizi ni nuki tare ame tuti no kamwi wo zo wa ga kopu ita mo subye na mi
MYS.13.3287
乾坤乃神乎祷而吾戀公以必不相在目八方
ame tuti no kamwi wo inorite wa ga kwopuru kimi i kanarazu apa zara me ya mo
MYS.13.3288
大船之思憑而木妨己弥遠長我念有君爾依而者言之故毛無有欲得木綿手次肩荷取懸忌戸乎齊穿居玄黄之神祇二衣吾祈甚毛爲便無見
opo bune no omopi tanomite sana kadura iya topo naga ku wa ga omop yeru kimi ni yorite pa koto no yuwe mo na ku ari koso to yupu ta suki kata ni tori kake ipapi be wo ipapi pori suwe ame tuti no kamwi ni zo wa ga nomu ita mo subye na mi
MYS.13.3290
古之神乃時従會計良思今心文常不所忘
inisipye no kamwi no toki ywori api kye rasi ima no kokoro mo tune wasura ye zu
MYS.13.3306
何爲而戀止物序天地乃神乎祷迹吾八思益
ika nisite kwopwi yamu mono zo ame tuti no kamwi wo inore do ware pa omopi masaru
MYS.13.3308
天地之神尾母吾者祷而寸戀云物者都不止來
ame tuti no kamwi wo mo ware pa inori te ki kwopwi to ipu mono pa sane yama zu kyeri
MYS.13.3335
玉桙之道去人者足桧木之山行野徃直海川徃渡不知魚取海道荷出而惶八神之渡者吹風母和者不吹立浪母踈不立跡座浪之立塞道麻誰心勞跡鴨直渡異六直渡異六
tama poko no miti yuku pito pa asi pikwi no yama yuki nwo yuki nipatadumi kapa yuki watari isana tori umi di ni idete kasikwo ki ya kamwi no watari pa puku kaze mo nodoni pa puka zu tatu nami mo obo ni pa tata nu towi nami no tati sapu miti wo ta ga kokoro itapasi to ka mo tada watari kye mu tada watari kye mu
MYS.13.3339
玉桙之道爾出立葦引乃野行山行潦川徃渉鯨名取海路丹出而吹風裳箟跡丹者不吹立浪裳箟跡丹者不起恐耶神之渡乃敷浪乃寄濱部丹高山矣部立丹置而細潭矣枕丹巻而占裳無偃爲公者母父之愛子丹裳在将稚草之妻裳有将等家問跡家道裳不云名矣問跡名谷裳不告誰之言矣勞鴨腫浪能恐海矣直渉異将
tama poko no miti ni ide tati asipiki no nwo yuki yama yuki nipatadumi kapa yuki watari isana tori umi di ni idete puku kaze mo nodoni pa puka zu tatu nami mo nodoni pa tata nu kasikwo ki ya kamwi no watari no siki nami no yosuru pama bye ni taka yama wo pyedate ni okite oki tu mo wo makura ni makite ura mo na ku koyas eru kimi pa omo titi ga managwo ni mo ara mu waka kusa no tuma mo ara mu ipye twope do ipye di mo ipa zu na wo twope do na dani mo nora zu ta ga koto wo itapasi mi ka mo towi nami no kasikwo ki umi wo tada watari kye mu
MYS.13.3346
欲見者雲居所見愛十羽能松原小子等率和出将見琴酒者國丹放甞別避者宅仁離南乾坤之神志恨之草枕此羈之氣爾妻應離哉
mi posi ki pa kumo wi ni mi yuru urupasi ki toba no matu bara warapa domo iza wa ide mi mu koto sake ba kuni ni sake namu koto sakeba ipye ni sake namu ame tuti no kamwi si uramye si kusa makura ko no tabi no ke ni tuma saku be si ya
MYS.14.3421
伊香保祢爾可未奈那里曾祢和我倍爾波由恵波奈家杼母児良爾与里弖曾
ikapo ne ni kamwi na nari sone wa ga pe ni pa yuwe pa na kyedomo kwo ra ni yorite so
MYS.14.3566
和伎毛古爾安我古非思奈婆曾和敞可毛加未爾於保世牟己許呂思良受弖
wagimo kwo ni a ga kwopwi sinaba sowapye kamo kamwi ni opose mu kokoro sira zute
MYS.15.3599
月余美能比可里乎伎欲美神嶋乃伊素未乃宇良由船出須和礼波
tuku yomi no pikari wo kiywo mi kamwi sima no iswo mwi no ura yu puna de su ware pa
MYS.15.3682
安米都知能可未乎許比都都安礼麻多武波夜伎万世伎美麻多勢久流思母
ame tuti no kamwi wo kopitutu are mata mu paya ki mase kimi mataba kurusi mo
MYS.15.3740
安米都知能可未奈伎毛能爾安良婆許曾安我毛布伊毛爾安波受思仁世米
ame tuti no kamwi na ki mono ni araba koso a ga mopu imo ni apa zu sini se me
MYS.16.3811
左耳通良布君之三言等玉梓乃使毛不來者憶病吾身一曽千磐破神爾毛莫負卜部座龜毛莫焼曽戀之久爾痛吾身曽伊知白苦身爾染保里村肝乃心碎而將死命爾波可爾成奴今更君可吾乎喚足千根乃母之御事歟百不足八十乃衢爾夕占爾毛卜爾毛曽問應死吾之故
saniturapu kimi ga mi koto to tamadusa no tukapi mo ko neba omopi yamu wa ga mwi pito ri zo tipayaburu kamwi ni mo na opose ura bye mase kame mo na yaki so kwopwi siku ni ita ki wa ga mwi zo itisirwo ku mwi ni simi topori mura kimo no kokoro kudakete sina mu inoti nipaka ni nari nu imasara ni kimi ka wa wo ywobu taratine no papa no mikoto ka momo tara zu ya swo no timata ni yupuke ni mo ura ni mo so twopu sinu be ki wa ga yuwe
MYS.16.3831
池神力土儛可母白鷺乃桙啄持而飛渡良武
ike gamwi no rikizi mapi kamo sira sagi no poko kupi motite tobi wataru ramu
MYS.16.3884
伊夜彦神乃布本今日良毛加鹿乃伏良武皮服著而角附奈我良
iyapikwo kamwi no pumoto ni kyepu ra mo ka sika no pusu ramu kapa koromo kite tunwo tuki nagara
MYS.16.3885
伊刀古名兄乃君居々而物爾伊行跡波韓國乃虎云神乎生取爾八頭取持來其皮乎多々弥爾刺八重疊平群乃山爾四月与五月間爾藥猟仕流時爾足引乃此片山爾二立伊智比何本爾梓弓八多婆佐弥比米加夫良八多婆左弥宍待跡吾居時爾佐男鹿乃來立嘆久頓爾吾可死王爾吾仕牟吾角者御笠乃波夜詩吾耳者御墨坩吾目良波眞墨乃鏡吾爪者御弓之弓波受吾毛等者御筆波夜斯吾皮者御箱皮爾吾宍者御奈麻須波夜志吾伎毛母御奈麻須波夜之吾美義波御塩乃波夜之耆矣奴吾身一爾七重花佐久八重花生跡白賞尼白賞尼
itwokwo na se no kimi wori worite mono ni i yuku to pa kara kuni no twora to ipu kamwi wo ike dori ni ya tu tori moti ki so no kapa wo tatami ni sasi ya pye datami pyeguri no yama ni udukwi to satukwi to no ma ni kusuri gari tukapu ru toki ni asipiki no ko no kata yama ni puta tu tatu itipi ga moto ni adusa yumi ya tu ta basami pime kabura ya tu ta basami sisi matu to wa ga woru toki ni sa wo sika no ki tati nageka ku tatimatini ware pa sinu be si opo kimi ni ware pa tukape mu wa ga tunwo pa mi kasa no payasi wa ga mimi pa mi sumi no tubo wa ga me ra pa masumi no kagami wa ga tume pa mi yumi no yu pazu wa ga ke ra pa mi pumite payasi wa ga kapa pa mi pakwo no kapa ni wa ga sisi pa mi namasu payasi wa ga kimo mo mi namasu payasi wa ga mige pa mi sipo no payasi oi taru yatukwo wa ga mwi pito tu ni nana pye pana saku ya pye pana saku to mawosi payasa ne mawosi payasa ne
MYS.16.3888
奥國領君之柒屋形黄柒乃屋形神之門渡
oki tu kuni usipaku kimi ga nuri yakata ki nuri no yakata kamwi ga two wataru
MYS.17.3930
美知乃奈可久爾都美可未波多妣由伎母之思良奴伎美乎米具美多麻波奈
miti no naka kuni tu mi kamwi pa tabi yuki mo si sira nu kimi wo megumi tamapana
MYS.17.3985
伊美都河泊伊由伎米具礼流多麻久之気布多我美山者波流波奈乃佐家流左加利爾安吉能葉乃爾保敞流等伎爾出立低布里佐気見礼婆可牟加良夜曾許婆多敷刀伎夜麻可良夜見我保之加良武須売可未能須蘇未乃夜麻能之夫多爾能佐吉乃安里蘇爾阿佐奈芸爾余須流之良奈美由敷奈芸爾美知久流之保能伊夜麻之爾多由流許登奈久伊爾之敞由伊麻乃乎都豆爾可久之許曾見流比登其等爾加気低之努波米
imidu kapa i yuki megur eru tama kusige putagami yama pa paru pana no sak yeru sakari ni aki no pa no nipop yeru toki ni ide tati te purisake mi reba kamu kara ya sokoba taputwo ki yama kara ya mi ga posi kara mu sumye kamwi no suswo mwi no yama no sibutani no saki no ariswo ni asa nagi ni yosuru sira nami yupu nagi ni miti kuru sipo no iya masi ni tayuru koto na ku inisipye yu ima no wotutu ni kaku si koso mi ru pito gotoni kakete sinwopa me
須売可未能 kamwi
句14 仮名書き 仮名 複合語l050218
MYS.17.4000
安麻射可流比奈爾名可加須古思能奈可久奴知許登其等夜麻波之母之自爾安礼登毛加波波之母佐波爾由気等毛須売加未能宇之波伎伊麻須爾比可波能曾能多知夜麻爾等許奈都爾由伎布理之伎弖於婆勢流可多加比河波能伎欲吉瀬爾安佐欲比其等爾多都奇利能於毛比須疑米夜安理我欲比伊夜登之能播仁余増能未母布利佐気見都都余呂豆餘能可多良比具佐等伊末太見奴比等爾母都気牟於登能未毛名能未母伎吉低登母之夫流我祢
ama zakaru pina ni na kaka su kwosi no naka kun uti kotogoto yama pa si mo sizi ni aredomo kapa pa si mo sapa ni yukedomo sumye kamwi no usipaki imasu nipikapa no so no tati yama ni toko natu ni yuki puri sikite oba s eru katakapi kapa no kiywo ki se ni asa ywopi gotoni tatu kwiri no omopi sugwi me ya ari gaywopi iya tosi no pa ni yoso nomwi mo purisake mi tutu yorodu yo no katarapi gusa to imada mi nu pito ni mo tuge mu oto nomwi mo na nomwi mo kikite tomosiburu gane
須売加未能 kamwi
句8 仮名書き 仮名 複合語l050218
MYS.17.4008
安遠迩与之奈良乎伎波奈礼阿麻射可流比奈爾波安礼登和賀勢故乎見都追志乎礼婆於毛比夜流許等母安利之乎於保伎美乃美許等可之古美乎須久爾能許等登理毛知弖和可久佐能安由比多豆久利無良等理能安佐太知伊奈婆於久礼多流阿礼也可奈之伎多妣爾由久伎美可母孤悲無於毛布蘇良夜須久安良祢婆奈気可久乎等騰米毛可祢低見和多勢婆宇能婆奈夜麻乃保等登芸須祢能未之奈可由安佐疑理能美太流流許己呂許登爾伊泥弖伊波婆由遊思美刀奈美夜麻多牟気能可味爾奴佐麻都里安我許比能麻久波之家夜之吉美賀多太可乎麻佐吉久毛安里多母等保利都奇多多婆等伎毛可波佐受奈泥之故我波奈乃佐可里爾阿比見之米等曾
awo ni yo si nara wo ki panare ama zakaru pina ni pa aredo wa ga sekwo wo mi tutu si woreba omopi yaru koto mo ari si wo opo kimi no mi koto kasikwo mi wosu kuni no koto tori motite waka kusa no ayupi ta dukuri mura tori no asa dati inaba okure taru are ya kanasi ki tabi ni yuku kimi ka mo kwopwi mu omopu swora yasu ku ara neba nagekaku wo todome mo kanete mi wataseba u no pana yama no pototogisu ne nomwi si naka yu asa gwiri no midaruru kokoro koto ni idete ipaba yuyusi mi twonami yama tamuke no kamwi ni nusa maturi a ga kopi nomaku pasikyeyasi kimi ga tadaka wo ma saki ku mo ari ta motopori tukwi tataba toki mo kapasa zu nadesikwo ga pana no sakari ni api mi sime to so
多牟気能可味爾 kamwi
句33 仮名書き 仮名
MYS.17.4009
多麻保許乃美知能可味多知麻比波勢牟安賀於毛布伎美乎奈都可之美勢余
tama poko no miti no kamwi tati mapi pa se mu a ga omopu kimi wo natukasi mi seyo
MYS.17.4011
大王乃等保能美可度曾美雪落越登名爾於敞流安麻射可流比奈爾之安礼婆夜麻高美河登保之呂思野乎比呂美久佐許曾之既吉安由波之流奈都能左加利等之麻都等里鵜養我登母波由久加波乃伎欲吉瀬其等爾可賀里左之奈豆左比能保流露霜乃安伎爾伊多礼婆野毛佐波爾等里須太家里等麻須良乎能登母伊射奈比弖多加波之母安麻多安礼婆矢形尾乃安我大黒爾之良奴里能鈴登里都気弖朝獵爾伊保都登里多弖暮獵爾知登理布美多低於敷其等迩由流須許等奈久手放毛乎知母可夜須伎許礼乎於伎低麻多波安里我多之左奈良敞流多可波奈家牟等情爾波於毛比保許里弖恵麻比都追和多流安比太爾多夫礼多流之許都於吉奈乃許等太爾母吾爾波都気受等乃具母利安米能布流日乎等我理須等名乃未乎能里弖三嶋野乎曾我比爾見都追二上山登妣古要低久母我久理可気理伊爾伎等可敞理伎弖之波夫礼都具礼呼久餘思乃曾許爾奈家礼婆伊敷須敞能多騰伎乎之良爾心爾波火佐倍毛要都追於母比孤悲伊伎豆吉安麻利気太之久毛安布許等安里也等安之比奇能乎低母許乃毛爾等奈美波里母利敞乎須恵低知波夜夫流神社爾低流鏡之都爾等里蘇倍己比能美弖安我麻都等吉爾乎登売良我伊米爾都具良久奈我古敷流曾能保追多加波麻追太要乃波麻由伎具良之都奈之等流比美乃江過弖多古能之麻等妣多毛登保里安之我母乃須太久奮江爾乎等都日毛伎能敷母安里追知加久安良婆伊麻布都可太未等保久安良婆奈奴可乃乎知波須疑米也母伎奈牟和我勢故祢毛許呂爾奈孤悲曾余等曾伊麻爾都気都流
opo kimi no topo no mikadwo so mi yuki puru kwosi to na ni op yeru ama zakaru pina ni si areba yama taka mi kapa toposiro si nwo wo piro mi kusa koso sigye ki ayu pasiru natu no sakari to sima tu tori u kapi ga tomo pa yuku kapa no kiywo ki se gotoni kagari sasi nadusapi noboru tuyu simo no aki ni itareba nwo mo sapa ni tori sudak yeri to masura wo no tomo izanapite taka pa si mo amata aredomo ya kata wo no a ga opo kurwo ni sira nuri no suzu tori tukete asa kari ni i po tu tori tate yupu kari ni ti dori pumi tate opu gotoni yurusu koto na ku ta banare mo woti mo ka yasu ki kore wo okite mata pa ari gata si sa narab yeru taka pa na kye mu to kokoro ni pa omopi pokorite wemapitutu wataru apida ni tabure taru siko tu okina no koto dani mo ware ni pa tuge zu tonogumori ame no puru pi wo to gari su to na nomwi wo norite misima nwo wo sogapini mi tutu putagami no yama tobi kwoyete kumo gakuri kakeri ini ki to kapyeri kite sipabure tugure woku yosi no soko ni na kyereba ipu subye no tadoki wo sira ni kokoro ni pa pwi sape moyetutu omopi kwopwi ikiduki amari kedasiku mo apu koto ari ya to asipikwi no wotemo konomo ni tonami pari mori bye wo suwete tipayaburu kamwi no yasiro ni teru kagami situ ni tori swope kopi nomite a ga matu toki ni wotomye ra ga ime ni tuguraku na ga kwopuru so no potu taka pa matudaye no pama yuki gurasi tunasi toru pimi no ye sugwi te takwo no sima tobi ta motopori asi gamo no sudaku puruye ni woto tu pi mo kinopu mo ari tu tika ku araba ima putu ka damwi topo ku araba nanu ka no woti pa sugwi me ya mo ki na mu wa ga sekwo nemokoro ni na kwopwi so yo to so ima ni tuge turu
MYS.17.4021
乎加未河伯久礼奈為爾保布乎等売良之葦附等流登湍爾多多須良之
wo kamwi gapa kurenawi nipopu wotomye ra si asi tuki toru to se ni tata su rasi
MYS.18.4089
高御座安麻乃日継登須賣呂伎能可未能美許登能伎己之乎須久爾能麻保良爾山乎之毛佐波爾於保美等百鳥能来居弖奈久許恵春佐礼婆伎吉乃可奈之母伊豆礼乎可和枳弖之努波无宇能花乃佐久月多弖婆米都良之久鳴保等登芸須安夜女具佐珠奴久麻泥爾比流久良之欲和多之伎気騰伎久其等爾許己呂都呉枳弖宇知奈気伎安波礼能登里等伊波奴登枳奈思
taka mi kura ama no pi tugi to sumyeroki no kamwi no mikoto no kikosi wosu kuni no mapora ni yama wo si mo sapa ni opo mito momo tori no ki wi te naku kowe paru sareba kiki no kanasi mo idure wo ka wakite sinwopa mu u no pana no saku tukwi tateba medurasi ku naku pototogisu ayamye gusa tama nuku madeni piru kurasi ywo watasi kikedo kiku gotoni kokorotugwokite uti nageki apare no tori to ipa nu toki na si
MYS.18.4094a
葦原能美豆保國乎安麻久太利之良志賣之家流須賣呂伎能神乃美許等能御代可佐祢天乃日嗣等之良志久流伎美能御代御代之伎麻世流四方國爾波山河乎比呂美安都美等多弖麻都流御調寶波可蘇倍衣受都久之毛可祢都之加礼騰母吾大王乃毛呂比登乎伊射奈比多麻比善事乎波自米多麻比弖久我祢可毛多之気久安良牟登於母保之弖之多奈夜麻須爾鶏鳴東國乃美知能久乃小田在山爾金有等麻宇之多麻敞礼御心乎安吉良米多麻比天地乃神安比宇豆奈比皇御祖乃御霊多須気弖遠代爾可可里之許登乎朕御世爾安良波之弖安礼婆御食國波左可延牟物能登可牟奈我良於毛保之賣之弖毛能乃布能八十伴雄乎麻都呂倍乃牟気乃麻爾麻爾老人毛女童児毛之我願心太良比爾撫賜治賜婆許己乎之母安夜爾多敷刀美宇礼之家久伊余与於母比弖大伴乃遠都神祖乃其名乎婆大来目主等於比母知弖都加倍之官海行者美都久屍山行者草牟須屍大皇乃敞爾許曾死米可敞里見波勢自等許等太弖大夫乃伎欲吉彼名乎伊爾之敞欲伊麻乃乎追通爾奈我佐敞流於夜乃子等毛曾大伴等佐伯乃氏者人祖乃立流辞立人子者祖名不絶大君爾麻都呂不物能等伊比都雅流許等能都可左曾梓弓手爾等差と母知弖釼大刀許之爾等里波伎安佐麻毛利由布能麻毛利爾大王乃三門乃麻毛利和礼乎於吉弖比等波安良自等伊夜多低於毛比之麻左流大皇乃御言能左吉乃聞者貴美
asi para no midupo no kuni wo ama kudari sira si myesi kyeru sumyeroki no kamwi no mikoto no mi yo kasane ama no pi tugi to sira si kuru kimi no mi yo mi yo siki mas eru yomo no kuni ni pa yama kapa wo piro mi atu mito tate maturu mi tukwi takara pa kazwope e zu tukusi mo kane tu sikaredomo wa go opo kimi no moro pito wo izanapi tamapi yo ki koto wo pazime tamapite ku gane ka mo tasike ku ara mu to omoposite sita nayama su ni tori ga naku aduma no kuni no mitinoku no wo da n aru yama ni ku gane ari to mausi tamap yere mi kokoro wo akirame tamapi ama tuti no kamwi api udunapi sumyeroki no mi tama tasukete topo ki yo ni kakari si koto wo wa ga mi yo ni arapasite areba wosu kuni pa sakaye mu mono to kamu nagara omoposi myesite mononopu no ya swo tomo no wo wo maturope no muke no manima ni oi pito mo womina warapa mo si ga negapu kokoro darapi ni nade tamapi wosame tamape ba koko wo si mo ayani taputwo mi uresi kyeku iyoyo omopite opotomo no topo tu kamu oya no so no na woba opo kume nusi to opi motite tukape si tukasa umi yukaba miduku kabane yama yukaba kusa musu kabane opo kimi no pye ni koso sina me kapyeri mi pa sezi to koto date masura wo no kiywo ki so no na wo inisipye ywo ima no wotutu ni nagasap yeru oya no kwo domo so opotomo to sapa no udi pa pito no oya no tatu ru koto date pito no kwo pa oya no na tata zu opo kimi ni maturwopu mono to ipi tug yeru koto no tukasa so adusa yumi te ni tori motite turugi tati kosi ni tori paki asa mamori yupu no mamori ni opo kimi no mi kadwo no mamori ware wo okite pito pa arazi to iya tate omopi si masaru opo kimi no mi koto no saki no kikeba taputwo mi
神安比宇豆奈比 kamwi
句37 訓字書き 訓字
MYS.18.4094b
葦原能美豆保國乎安麻久太利之良志賣之家流須賣呂伎能神乃美許等能御代可佐祢天乃日嗣等之良志久流伎美能御代御代之伎麻世流四方國爾波山河乎比呂美安都美等多弖麻都流御調寶波可蘇倍衣受都久之毛可祢都之加礼騰母吾大王乃毛呂比登乎伊射奈比多麻比善事乎波自米多麻比弖久我祢可毛多之気久安良牟登於母保之弖之多奈夜麻須爾鶏鳴東國乃美知能久乃小田在山爾金有等麻宇之多麻敞礼御心乎安吉良米多麻比天地乃神安比宇豆奈比皇御祖乃御霊多須気弖遠代爾可可里之許登乎朕御世爾安良波之弖安礼婆御食國波左可延牟物能登可牟奈我良於毛保之賣之弖毛能乃布能八十伴雄乎麻都呂倍乃牟気乃麻爾麻爾老人毛女童児毛之我願心太良比爾撫賜治賜婆許己乎之母安夜爾多敷刀美宇礼之家久伊余与於母比弖大伴乃遠都神祖乃其名乎婆大来目主等於比母知弖都加倍之官海行者美都久屍山行者草牟須屍大皇乃敞爾許曾死米可敞里見波勢自等許等太弖大夫乃伎欲吉彼名乎伊爾之敞欲伊麻乃乎追通爾奈我佐敞流於夜乃子等毛曾大伴等佐伯乃氏者人祖乃立流辞立人子者祖名不絶大君爾麻都呂不物能等伊比都雅流許等能都可左曾梓弓手爾等差と母知弖釼大刀許之爾等里波伎安佐麻毛利由布能麻毛利爾大王乃三門乃麻毛利和礼乎於吉弖比等波安良自等伊夜多低於毛比之麻左流大皇乃御言能左吉乎貴久之安礼婆
asi para no midupo no kuni wo ama kudari sira si myesi kyeru sumyeroki no kamwi no mikoto no mi yo kasane ama no pi tugi to sira si kuru kimi no mi yo mi yo siki mas eru yomo no kuni ni pa yama kapa wo piro mi atu mito tate maturu mi tukwi takara pa kazwope e zu tukusi mo kane tu sikaredomo wa go opo kimi no moro pito wo izanapi tamapi yo ki koto wo pazime tamapite ku gane ka mo tasike ku ara mu to omoposite sita nayama su ni tori ga naku aduma no kuni no mitinoku no wo da n aru yama ni ku gane ari to mausi tamap yere mi kokoro wo akirame tamapi ama tuti no kamwi api udunapi sumyeroki no mi tama tasukete topo ki yo ni kakari si koto wo wa ga mi yo ni arapasite areba wosu kuni pa sakaye mu mono to kamu nagara omoposi myesite mononopu no ya swo tomo no wo wo maturope no muke no manima ni oi pito mo womina warapa mo si ga negapu kokoro darapi ni nade tamapi wosame tamape ba koko wo si mo ayani taputwomi uresi kyeku iyoyo omopite opotomo no topo tu kamu oya no so no na woba opo kume nusi to opi motite tukape si tukasa umi yukaba miduku kabane yama yukaba kusa musu kabane opo kimi no pye ni koso sina me kapyeri mi pa sezi to koto date masura wo no kiywo ki so no na wo inisipye ywo ima no wotutu ni nagasap yeru oya no kwo domo so opotomo to sapa no udi pa pito no oya no tatu ru koto date pito no kwo pa oya no na tata zu opo kimi ni maturwopu mono to ipi tug yeru koto no tukasa so adusa yumi te ni tori motite turugi tati kosi ni tori paki asa mamori yupu no mamori ni opo kimi no mi kadwo no mamori ware wo okite pito pa arazi to iya tate omopi si masaru opo kimi no mi koto no saki wo taputwo ku si areba
神安比宇豆奈比 kamwi
句37 訓字書き 訓字
MYS.18.4098
多可美久良安麻乃日嗣等天下志良之賣師家類須賣呂伎乃可未能美許等能可之古久母波自米多麻比弖多不刀久母左太米多麻敞流美与之努能許乃於保美夜爾安里我欲比賣之多麻布良之毛能乃敷能夜蘇等母能乎毛於能我於弊流於能我名負弖大王乃麻気能麻久麻久此河能多由流許等奈久此山能伊夜都芸都芸爾可久之許曾都可倍麻都良米伊夜等保奈我爾
taka mi kura ama no pi tugi to ame no sita sirasi myesi kyeru sumyeroki no kamwi no mikoto no kasikwo ku mo pazime tamapite taputwo ku mo sadame tamap yeru mi yosinwo no ko no opo miya ni ari gaywopi myesi tamapu rasi mononopu no ya swo tomonowo mo ono ga op yeru ono ga na opi te opo kimi no make no manima ni ko no kapa no tayuru koto na ku ko no yama no iya tugitugi ni kaku si koso tukape matura me iya topo naga ni
MYS.18.4101
珠洲乃安麻能於伎都美可未爾伊和多利弖可都伎等流登伊布安波妣多麻伊保知毛我母波之吉余之都麻乃美許登能許呂毛泥乃和可礼之等吉欲奴婆玉乃夜床加多左里安佐祢我美可伎母気頭良受伊泥低許之月日余美都追奈気久良牟心奈具佐爾保登等芸洲伎奈久五月能安夜女具佐波奈多知婆奈爾奴吉麻自倍可頭良爾世余等都追美低夜良牟
susu no ama no oki tu mi kamwi ni i watarite kaduki toru to ipu apabi tama i po ti moga mo pasikiyosi tuma no mikoto no koromo de no wakare si toki ywo nubatama no ywo doko kata sari asa ne gami kaki mo kedura zu idete ko si tukwi pi yomitutu nageku ramu kokoro nagusa ni pototogisu ki naku satukwi no ayamye gusa pana tatibana ni nuki mazipe kadura ni seyo to tutumite yara mu
MYS.18.4106
於保奈牟知須久奈比古奈野神代欲里伊比都芸家良久父母乎見波多布刀久妻子見波可奈之久米具之宇都世美能余乃許等和利止可久佐末爾伊比家流物能乎世人能多都流許等太弖知左能花佐家流沙加利爾波之吉余之曾能都末能古等安沙余比爾恵美美恵末須毛宇知奈気支可多里家末久波等己之部爾可久之母安良米也天地能可未許等余勢天春花能佐可里裳安良牟等末多之家牟等吉能沙加利曾波奈礼居弖奈介可須移母我何時可毛都可比能許牟等末多須良无心左夫之苦南吹雪消益而射水河流水沫能余留弊奈美左夫流其児爾比毛能緒能移都我利安比弖爾保騰里能布多理雙坐那呉能宇美能於支乎布可米天左度波世流支美我許己呂能須敞母須敞奈佐
opo namuti sukuna bikwo na no kamwi yo ywori ipi tugi k yeraku titi papa wo mire ba taputwo ku mye kwo mire ba kanasi ku megu si utusemi no yo no kotowari to kaku sama ni ipi k yeraku monowo yo no pito no taturu koto date tisa no pana sak yeru sakari ni pasikiyosi so no tuma no kwo to asa yopi ni wemi mi wema zu mo uti nageki katari kye maku pa tokosipyeni kaku si mo ara me ya ama tuti no kamwi koto yosete paru pana no sakari mo ara mu to mata si kye mu toki no sakari so panare wite nakyeka su imo ga itu si ka mo tukapi no ko mu to mata su ramu kokoro sabusi ku minami puki yuki ke masarite imidu kapa nagaru minawa no yoru pye na mi saburu so no kwo ni pimo no wo no i tugari apite nipodori no puta ri narabi wi nagwo no umi no oki wo pukamete sadwopa s eru kimi ga kokoro no subye mo subye na sa
可未許等余勢天 kamwi
句25 仮名書き 仮名
MYS.18.4111
可気麻久母安夜爾加之古思皇神祖乃可見能大御世爾田道間守常世爾和多利夜保許毛知麻為泥許之登吉時支能香久乃菓子乎可之古久母能許之多麻敞礼國毛勢爾於非多知左加延波流左礼婆孫枝毛射都追保登等芸須奈久五月爾波波都波奈乎延太爾多乎理弖乎登女良爾都刀爾母夜里美之路多倍能蘇泥爾毛古伎礼香具播之美於枳弖可良之美安由流実波多麻爾奴伎都追手爾麻吉弖見礼騰毛安加受秋豆気婆之具礼乃雨零阿之比奇能夜麻能許奴礼波久礼奈為爾仁保比知礼止毛多知波奈乃成流其実者比太照爾射夜見我保之久美由気布流冬爾伊多礼婆霜於気騰母其葉毛可礼受常磐奈須伊夜佐加波延爾之可礼許曾神乃御代欲理与呂之奈倍此橘乎等伎自久能可久能木実等名附家良之母
kake maku mo ayani kasikwo si sumyeroki no kami no opomi yo ni tadimamori toko yo ni watari ya poko moti mawi de ko si toki tokizi ku no kaku no ko no mwi wo kasikwo ku mo nokosi tamap yere kuni mo se ni opwi tati sakaye paru sareba pikwo ye moitutu pototogisu naku satukwi ni pa patu pana wo yeda ni ta worite woto mye ra ni tutwo ni mo yari mi sirwo tape no swode ni mo kwok ire ka gupasi mi okite karasi mi ayuru mwi pa tama ni nukitutu te ni makite mi redomo aka zu aki dukeba sigure no ame puri asipikwi no yama no konure pa kurenawi ni nipopi tiredomo tatibana no nar e ru so no mwi pa pita teri ni iya mi gaposi ku mi yuki puru puyu ni itareba simo okedomo so no pa mo kare zu tokipa nasu iya sakabaye ni sikare koso kamwi no mi yo ywori yorosinape ko no tatibana wo tokiziku no kaku no ko no mwi to na duke kye rasi mo
MYS.18.4125
安麻泥良須可未能御代欲里夜洲能河波奈加爾敞太弖弖牟可比太知蘇泥布利可波之伊吉能乎爾奈気加須古良和多里母理布祢毛麻宇気受波之太爾母和多之弖安良波曾乃倍由母伊由伎和多良之多豆佐波利宇奈我既里為弖於毛保之吉許登母加多良比奈具左牟流許己呂波安良牟乎奈爾之可母安吉爾之安良祢波許等騰比能等毛之伎古良宇都世美能代人和礼毛許己乎之母安夜爾久須之弥往更年乃波其登爾安麻乃波良布里左気見都追伊比都芸爾須礼
ama dera su kamwi no mi yo ywori yasu no kapa naka ni pyedatete mukapi dati swode puri kapasi iki no wo ni nageka su kwo ra watari mori pune mo mauke zu pasi dani mo watasite araba so no pe yu mo i yuki watara si tadusapari unagakeri wite omoposi ki koto mo katarapi nagusamuru kokoro pa ara mu wo nani si ka mo aki ni si ara neba koto dopi no tomosi ki kwo ra utusemi no yo no pito ware mo koko wo si mo ayani kususi mi yuki kaparu tosi no pa gotoni ama no para purisake mi tutu ipi tugi ni sure
MYS.19.4220
和多都民能可味能美許等乃美久之宜爾多久波比於伎氐伊都久等布多麻爾末佐里氐於毛敝里之安我故爾波安礼騰宇都世美乃与能許等和利等麻須良乎能比伎能麻爾麻仁之奈謝可流古之地乎左之氐波布都多能和可礼爾之欲理於吉都奈美等乎牟麻欲妣伎於保夫祢能由久良由久良耳於毛可宜爾毛得奈民延都都可久古非婆意伊豆久安我未氣太志安倍牟可母
watatumi no kamwi no mikoto no mi kusige ni takupapi okite ituku to pu tama ni masarite omop yeri si a ga kwo ni pa aredo utusemi no yo no kotowari to masura wo no piki no manima ni sinazakaru kwosi di wo sasite papu tuta no wakare ni si ywori oki tu nami towomu maywobiki opo bune no yukurayukura ni omokage ni motona mi yetutu kaku kwopwiba oi duku a ga mwi kedasi ape mu kamo
MYS.19.4235
天雲乎富呂爾布美安太之鳴神毛今日爾益而可之古家米也母
ama kumo wo poroni pumi adasi naru kamwi mo kyepu ni masarite kasikwo kye me ya mo
MYS.19.4236
天地之神者无可礼也愛吾妻離流光神鳴波多嬬携手共将有等念之爾情違奴将言為便将作為便不知爾木綿手次肩爾取挂倭文幣乎手爾取持氐勿令離等和礼波雖禱卷而寐之妹之手本者雲爾多奈妣久
ame tuti no kamwi pa na kare ya utukusi ki wa ga tuma saka ru pikaru kamwi nari pata wotomye tadusapete tomo ni ara mu to omopi si ni kokoro tagapi nu ipa mu subye se mu subye sira ni yupu ta suki kata ni tori kake situ nusa wo te ni tori motite na sake so to ware pa inoredo makite ne si imo ga tamoto pa kumo ni tanabiku
光神 kamwi
句4 訓字書き 訓字 複合語l090737
MYS.19.4240
大船爾眞梶繁貫此吾子乎韓國邊遣伊波敝神多智
opo bune ni ma kadi sizi nuki ko no a kwo wo kara kuni pye yaru ipapye kamwi tati
MYS.19.4245
虚見都山跡乃國青丹与之平城京師由忍照難波爾久太里住吉乃三津爾舶能利直渡日入國爾所遣和我勢能君乎懸麻久乃由由志恐伎墨吉乃吾大御神舶乃倍爾宇之波伎座船騰毛爾御立座而佐之与良牟礒乃埼埼許藝波底牟泊泊爾荒風浪爾安波世受平久率而可敝理麻世毛等能國家爾
swora mi tu yamato no kuni awo ni yo si nara no miyakwo yu osi teru nanipa ni kudari suminoye no mitu ni puna nori tada watari pi no iru kuni ni tukapa sa ru wa ga se no kimi wo kake maku no yuyusi kasikwo ki suminoye no wa ga opomi kamwi puna no pe ni usipaki imasi puna domo ni mi tati imasite sasi yora mu iswo no saki zaki kogi pate mu tomari tomari ni ara ki kaze nami ni apase zu tapirake ku wite kapyeri mase moto no mikadwo ni
MYS.19.4260
皇者神爾之座者赤駒之腹婆布田為乎京師跡奈之都
opo kimi pa kamwi ni si maseba aka gwoma no para bapu ta wi wo miyakwo to nasi tu
MYS.19.4261
大王者神爾之座者水鳥乃須太久水奴麻乎皇都常成通
opo kimi pa kamwi ni si maseba midu tori no sudaku mi numa wo miyakwo to nasi tu
MYS.19.4264
虚見都山跡乃國波水上波地徃如久船上波床座如大神乃鎮在國曽四舶々能倍奈良倍平安早渡來而還事奏日爾相飮酒曽斯豊御酒者
swora mitu yamato no kuni pa midu no upe pa tuti yuku goto ku pune no upe pa toko ni woru goto opo kamwi no sidumuru kuni so yo tu no pune puna no pe narabe tapirake ku paya watari kite kapyeri goto mawosa mu pi ni api noma mu ki zo ko no toyo mi ki pa
MYS.20.4350
爾波奈加能阿須波乃可美爾古志波佐之阿例波伊波波牟加倍理久麻泥爾
nipa naka no asupa no kami ni kwo siba sasi are pa ipapa mu kaperi ku madeni
MYS.20.4360
天皇乃等保伎美与爾毛於之弖流難波乃久爾爾阿米能之多之良志賣之伎等伊麻能与爾多要受伊比都都可気麻久毛安夜爾可之古志可武奈我良和其大王乃宇知奈妣久春初波春初波夜知久佐爾波奈佐伎爾保比夜麻美礼婆見能等母之久可波美礼婆見乃佐夜気久母能其等爾佐可由流等伎登賣之多麻比安伎良米多麻比之伎麻世流難波宮者伎己之乎須四方乃久爾欲里多弖麻都流美都奇能船者保理江欲里美乎妣伎之都都安佐奈芸爾可治比伎能保理由布之保爾佐乎佐之久太理安治牟良能佐和伎伎保比弖波麻爾伊泥弖海原見礼婆之良奈美乃夜敞乎流我宇倍爾安麻乎夫祢波良良爾宇伎弖於保美気爾都加倍麻都流等乎知許知爾伊射里都利家理曾伎太久毛於芸呂奈伎可毛己伎婆久母由多気伎可母許己見礼婆宇倍之神代由波自米家良思母
sumyeroki no topo ki mi yo ni mo osi teru nanipa no kuni ni ame no sita sira si myesi ki to ima no yo ni taye zu ipitutu kake maku mo ayani kasikwo si kamu nagara wa go opo kimi no uti nabiku paru no pazime pa ya ti kusa ni pana saki nipopi yama mireba mi no tomosi ku kapa mireba mi no sayake ku mono gotoni sakayuru toki to myesi tamapi akirame tamapi siki mas eru nanipa no miya pa kikosi wosu yomo no kuni ywori tate maturu mitukwi no pune pa pori ye ywori miwo biki situtu asa nagi ni kadi piki nobori yupu sipo ni sawo sasi kudari adi mura no sawagi kipopite pama ni idete una para mi reba sira nami no ya pye woru ga upe ni ama wo bune parara ni ukite opo mike ni tukape maturu to woti koti ni izari turi kyeri sokidaku mo ogirona ki kamo kokibaku mo yutake ki kamo koko mi reba ube si kamwi yo yu pazime kye rasi mo
MYS.20.4370
阿良例布理可志麻能可美乎伊能利都都須米良美久佐爾和例波伎爾之乎
arare puri kasima no kami wo inoritutu sumera mi kusa ni ware pa ki ni si wo
MYS.20.4374
阿米都知乃可美乎伊乃里弖佐都夜奴伎都久之乃之麻乎佐之弖伊久和例波
ame tuti no kami wo inorite satu ya nuki tukusi no sima wo sasite iku ware pa
MYS.20.4391
久爾具爾乃夜之里乃加美爾奴佐麻都理阿加古比須奈牟伊母賀加奈志作
kuni guni no yasiro no kami ni nusa maturi a ka kwopi su namu imo ga kanasi sa
MYS.20.4392
阿米都之乃以都例乃可美乎以乃良波加有都久之波波爾麻多己等刀波牟
ame tusi no idure no kami wo inoraba ka utukusi papa ni mata koto twopa mu
MYS.20.4402
知波夜布留賀美乃美佐賀爾奴佐麻都里伊波屓伊能知波意毛知知我多米
tipayaburu kami no mi saka ni nusa maturi ipapu inoti pa omo titi ga tame
MYS.20.4408
大王乃麻気乃麻爾麻爾嶋守爾和我多知久礼婆波波蘇婆能波波能美許等波美母乃須蘇都美安気可伎奈泥知知能未乃知知能美許等波多久頭努能之良比気乃宇倍由奈美太多利奈気伎乃多婆久可胡自母乃多太比等里之低安佐刀泥乃可奈之伎吾子安良多麻乃等之能乎奈我久安比美受波古非之久安流倍之今日太爾母許等騰比勢武等乎之美都都可奈之備麻世若草之都麻母古騰母毛乎知己知爾左波爾可久美為春鳥乃己恵乃佐麻欲比之路多倍乃蘇泥奈伎奴良之多豆佐波里和可礼加弖爾等比伎等騰米之多比之毛能乎天皇乃美許等可之古美多麻保己乃美知爾出立乎可乃佐伎伊多牟流其等爾与呂頭多妣可弊里見之都追波呂波呂爾和可礼之久礼婆於毛布蘇良夜須久母安良受古布流蘇良久流之伎毛乃乎宇都世美乃与能比等奈礼婆多麻伎波流伊能知母之良受海原乃可之古伎美知乎之麻豆多比伊己芸和多利弖安里米具利和我久流麻泥爾多比良気久於夜波伊麻佐祢都都美奈久都麻波麻多世等須美乃延能安我須賣可未爾奴佐麻都利伊能里麻乎之弖奈爾波都爾船乎宇気須恵夜蘇加奴伎可古等登能倍弖安佐婢良伎和波己芸泥奴等伊弊爾都気己曾
opo kimi no make no manima ni sima mori ni wa ga tati kureba papaswo ba no papa no mikoto pa mi mo no suswo tumi age kaki nade titi no mwi no titi no mikoto pa takudunwo no sira pige no upe yu namita tari nageki notabaku kagwo zimono tada pito ri site asa two de no kanasi ki wa ga kwo ara tama no tosi no wo naga ku api mi zupa kwopwisi ku aru be si kyepu dani mo koto dopi se mu to wosimitutu kanasibwi mase waka kusa no tuma mo kwo domo mo woti koti ni sapa ni kakumi wi paru tori no kowe no sa maywopi sirwo tape no swode naki nurasi tadusapari wakare kate nito piki todome sitapi si monowo opo kimi no mi koto kasikwo mi tama poko no miti ni ide tati woka no saki i tamuru gotoni yorodu tabi kapyeri mi situtu paroparo ni wakare si kureba omopu swora yasu ku mo ara zu kwopuru swora kurusi ki monowo utusemi no yo no pito nareba tamakiparu inoti mo sira zu una para no kasikwo ki miti wo sima dutapi i kogi watarite ari meguri wa ga kuru madeni tapirake ku oya pa imasane tutumi na ku tuma pa mata se to suminoye no a ga sumye kamwi ni nusa maturi inori mawosite nanipa tu ni pune wo uke suwe ya swo ka nuki kakwo totonopete asa biraki wa pa kogi de nu to ipye ni tuge koso
安我須賣可未爾 kamwi
句67 仮名書き 仮名 複合語l050218
MYS.20.4426
阿米都之乃可未爾奴佐於伎伊波比都都伊麻世和我世奈阿礼乎之毛波婆
ame tusi no kamwi ni nusa oki ipapitutu imase wa ga se na are wo si mopaba
MYS.20.4465
比左加多能安麻能刀比良伎多可知保乃多気爾阿毛理之須賣呂伎能可未能御代欲利波自由美乎多爾芸利母多之麻可胡也乎多婆左美蘇倍弖於保久米能麻須良多祁乎乎佐吉爾多弖由伎登利於保世山河乎伊波祢左久美弖布美等保利久爾麻芸之都都知波夜夫流神乎許等牟伎麻都呂倍奴比等乎母夜波之波吉伎欲米都可倍麻都里弖安吉豆之万夜万登能久爾乃可之波良能宇祢備乃宮爾美也婆之良布刀之利多弖低安米能之多之良志賣之祁流須賣呂伎能安麻能日継等都芸弖久流伎美能御代御代加久左波奴安加吉許己呂乎須賣良弊爾伎波米都久之弖都加倍久流於夜能都可佐等許等太弖低佐豆気多麻敞流宇美乃古能伊也都芸都岐爾美流比等乃可多里都芸弖低伎久比等能可我見爾世武乎安多良之伎吉用伎曾乃名曾於煩呂加爾己許呂於母比弖牟奈許等母於夜乃名多都奈大伴乃宇治等名爾於敞流麻須良乎能等母
pisakata no ama no two piraki takatipo no take ni amori si sumyeroki no kamwi no mi yo ywori pazi yumi wo ta nigwiri motasi makagwoya wo ta basami swopete opo kume no masura takye wo wo saki ni tate yuki tori opose yama kapa wo ipane sakumite pumi topori kuni magi situtu tipayaburu kamwi wo koto muke maturope nu pito wo mo yapasi paki kiywome tukape maturite akidu sima yamato no kuni no kasipara no unebwi no miya ni miya basira putwo siri tatete ame no sita sira si myesi kyeru sumyeroki no ama no pi tugi to tugite kuru kimi no mi yo mi yo kakusapa nu aka ki kokoro wo sumyera bye ni kipame tukusite tukape kuru oya no tukasa to koto datete saduke tamap yeru umi no kwo no iya tugitugi ni miru pito no katari tugitete kiku pito no kagami ni se mu wo atarasi ki kiywo ki so no na so oboroka ni kokoro omopite muna koto mo oya no na tatu na opotomo no udi to na ni op yeru masura wo no tomo
MYS.20.4499
和我勢故之可久志伎許散婆安米都知乃可未乎許比能美奈我久等曾於毛布
wa ga sekwo si kaku si kikosaba ame tuti no kamwi wo kopi nomi naga ku to so omopu