ONCOJ語彙素
複合語内部の出現も数えます。表記種別はONCOJが音節ごとに与える注釈によります。
山常庭村山有等取與呂布天乃香具山騰立國見乎為者國原波煙立龍海原波加萬目立多都怜忄可國曽蜻嶋八間跡能國者
yamato ni pa mura yama are do tori yoropu ame no kagu yama nobori tati kuni mi wo sureba kuni para pa keburi tati tatu una para pa kamame tati tatu uma si kuni so akidu sima yamato no kuni pa
三吉野之耳我嶺爾時無曽雪者落家留間無曽雨者零計類其雪乃時無如其雨乃間無如隈毛不落念乍叙来其山道乎
mi yosinwo no mimi ga no mine ni toki na ku so yuki pa puri kyeru ma na ku so ame pa puri kyeru so no yuki no toki na ki ga goto so no ame no ma na ki ga goto kuma mo oti zu omopitutu so ko si so no yama miti wo
三芳野之耳我山爾時自久曽雪者落等言無間曽雨者落等言其雪不時如其雨無間如隈毛不堕思乍叙来其山道乎
mi yosinwo no mimi ga no yama ni toki ziku so yuki pa puru to pu ma na ku so ame pa puru to pu so no yuki no tokizi ki ga goto so no ame no ma na ki ga goto kuma mo oti zu omopitutu so kuru so no yama miti wo
春過而夏来良之白妙能衣乾有天之香来山
paru sugwite natu ki taru rasi sirwo tape no koromo posi tari ame no kagu yama
玉手次畝火之山乃橿原乃日知之御世従阿礼座師神之盡樛木乃弥継嗣爾天下所知食之乎天爾満倭乎置而青丹吉平山乎超何方御念食可天離夷者雖有石走淡海國乃樂浪乃大津宮爾天下所知食兼天皇之神之御言能大宮者此間等雖聞大殿者此間等雖云春草之茂生有霞立春日之霧流百礒城之大宮處見者悲毛
tama ta suki unebwi no yama no kasipara no piziri no mi yo yu are masi si kamwi no kotogoto tuga no kwi no iya tugitugi ni ame no sita sira si myesi si wo swora ni mitu yamato wo okite awo ni yo si nara yama wo kwoye ika sama ni omoposi myese ka ama zakaru pina ni pa aredo ipa basiru apumi no kuni no sasanami no opotu no miya ni ame no sita sira si myesi kye mu sumyeroki no kamwi no mikoto no opo miya pa koko to kikedomo opo tono pa koko to ipedomo paru kusa no sige ku opwi taru kasumi tati paru pi no kwir e ru momo sikwi no opo miya tokoro mireba kanasi mo
玉手次畝火之山乃橿原乃日知之自宮阿礼座師神之盡樛木乃弥継嗣爾天下所知食来虚見倭乎置青丹吉平山越而何方所念計米可天離夷者雖有石走淡海國乃樂浪乃大津宮爾天下所知食兼天皇之神之御言能大宮者此間等雖聞大殿者此間等雖云春草之茂生有霞立春日香霧流夏草香繁成奴留百礒城之大宮處見者左夫思毛
tama ta suki unebwi no yama no kasipara no piziri no miya yu are masi si kamwi no kotogoto tuga no kwi no iya tugitugi ni ame no sita sira si myesi kyeru swora mitu yamato wo oki awo ni yo si nara yama kwoyete ika sama ni omoposi kye me ka ama zakaru pina ni pa aredo ipa basiru apumi no kuni no sasanami no opotu no miya ni ame no sita sira si myesi kye mu sumyeroki no kamwi no mikoto no opo miya pa koko to kikedomo opo tono pa koko to ipedomo paru kusa no sige ku opwi taru kasumi tati paru pi ka kwir e ru natu kusa ka sige ku nari nuru momo sikwi no opo miya tokoro mireba sabusi mo
八隅知之吾大王之所聞食天下爾國者思毛澤二雖有山川之清河内跡御心乎吉野乃國之花散相秋津乃野邊爾宮柱太敷座波百礒城乃大宮人者船並弖旦川渡舟競夕河渡此川乃絶事奈久此山乃弥高思良珠水激瀧之宮子波見礼跡不飽可問
yasumisisi wa go opo kimi no kikosi myesu ame no sita ni kuni pa si mo sapa ni aredomo yama kapa no kiywo ki kaputi to mi kokoro wo yosinwo no kuni no pana tirapu akidu no nwo pye ni miya basira putwo siki mase ba momo sikwi no opo miya pito pa pune name te asa kapa watari puna gipopi yupu kapa wataru ko no kapa no tayuru koto na ku ko no yama no iya taka sira su midu tagitu taki no miyakwo pa mi redo aka nu kamo
八隅知之吾大王高照日乃皇子荒妙乃藤原我宇倍爾食國乎賣之賜牟登都宮者高所知武等神長柄所念奈戸二天地毛縁而有許曽磐走淡海乃國之衣手能田上山之真木佐苦檜乃嬬手乎物乃布能八十氏河爾玉藻成浮倍流礼其乎取登散和久御民毛家忘身毛多奈不知鴨自物水爾浮居而吾作日之御門爾不知國依巨勢道従我國者常世爾成牟圖負留神龜毛新代登泉乃河爾持越流真木乃都麻手乎百不足五十日太爾作泝須良牟伊蘇波久見者神随爾有之
yasumisisi wa go opo kimi taka terasu pi no mi kwo ara tape no pudipara ga upe ni wosu kuni wo myesi tamapa mu to mi araka pa taka sira sa mu to kamu nagara omoposu nabeni ame tuti mo yorite are koso ipa basiru apumi no kuni no koromo de no tanakami yama no ma kwi saku pi no tumade wo mononopu no ya swo udi kapa ni tama mo nasu uka be nagas e re so wo toru to sawaku mi tami mo ipye wasure mwi mo tana sira zu kamo zimono midu ni uki wite wa ga tukuru pi no mikadwo ni sira nu kuni yosi kose di ywori wa ga kuni pa toko yo ni nara mu pumi op ye ru ayasi ki kame mo arata yo to idumi no kapa ni moti kwos e ru ma kwi no tumade wo momo tara zu ikada ni tukuri nobo su ramu iswopaku mireba kamu nagara na ra si
八隅知之和期大王高照日之皇子麁妙乃藤井我原爾大御門始賜而埴安乃堤上爾在立之見之賜者日本乃青香具山者日經乃大御門爾春山跡之美佐備立有畝火乃此美豆山者日緯能大御門爾弥豆山跡山佐備伊座耳為之青菅山者背友乃大御門爾宣名倍神佐備立有名細吉野乃山者影友乃大御門従雲居爾曽遠久有家留高知也天之御蔭天知也日之御影乃水許曽婆常爾有米御井之清水
yasumisisi wa go opo kimi taka terasu pi no mi kwo ara tape no pudiwi ga para ni opo mikadwo pazime tamapite paniyasu no tutumi no upe ni ari tata si mye si tamapeba yamato no awo kagu yama pa pi no tate no opo mikadwo ni paru yama to simisabwi tat eri unebwi no ko no midu yama pa pi no yoko no opo mikadwo ni midu yama to yama sabwi imasu miminasi no awo suga yama pa so tomo no opo mikadwo ni yorosi nape kamu sabwi tat eri na kupasi yosinwo no yama pa kage tomo no opo mikadwo yu kumo wi ni so topo ku ari kyeru taka siru ya ame no mi kage ame siru ya pi no mi kage no midu kosoba tokosipeni ara me mi wi no ma simidu
浦佐夫流情佐麻祢之久堅乃天之四具礼能流相見者
urasaburu kokoro sa mane si pisakata no ame no sigure no nagar apu mireba
明日香能清御原乃宮爾天下所知食之八隅知之吾大王高照日之皇子何方爾所念食可神風乃伊勢能國者奥津藻毛靡足波爾塩氣能味香乎礼流國爾味凝文爾乏寸高照日之御子
asuka no kiywomipara no miya ni ame no sita sira si myesi si yasumisisi wa go opo kimi taka terasu pi no mi kwo ika sama ni omoposi myese ka kamu kaze no ise no kuni pa oki tu mo mo nabiki si nami ni sipo ke nomwi kawor eru kuni ni umakori ayani tomosi ki taka terasu pi no mi kwo
天地之初時久堅之天河原爾八百萬千萬神之神集々座而神分々之時爾天照日女之命天乎婆所知食登葦原乃水穂之國乎天地之依相之極所知行神之命等天雲之八重掻別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神上々座奴吾王皇子之命乃天下所知食世者春花之貴在等望月乃満波之計武跡天下四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗其故皇子之宮人行方不知毛
ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasite kamu pakari pakari si toki ni ama tera su pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kaki wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu agari agari imasi nu wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to ame no sita yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru soko yuwe ni mi kwo no miya pito yuku pye sira zu mo
天地之初時久堅之天河原爾八百萬千萬神之神集々座而神分々之時爾指上日女之命天乎婆所知食登葦原乃水穂之國乎天地之依相之極所知行神之命等天雲之八重雲別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神登座爾之可婆吾王皇子之命乃天下所知食世者春花之貴在等望月乃満波之計武跡食國四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗刺竹之皇子宮人歸邊不知爾為
ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasi kamu pakari pakari si toki ni sasi noboru pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kumo wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu nobori imasi ni sikaba wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to wosu kuni yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru sasutake no mi kwo no miya pito yuku pye sira ni su
久堅乃天見如久仰見之皇子乃御門之荒巻惜毛
pisakata no ame miru goto ku apugi mi si mi kwo no mikadwo no are maku wosi mo
天地与共将終登念乍奉仕之情違奴
ame tuti to tomo ni wope mu to omopitutu tukape maturi si kokoro tagapi nu
飛鳥明日香乃河之上瀬石橋渡下瀬打橋渡石橋生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴然有鴨綾爾憐宿兄鳥之片戀嬬朝鳥徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa pasi watasi simo tu se ni uti pasi watasu ipa pasi ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu sikare ka mo ayani kanasi mi nuye dori no kata kwopwi duma asa tori no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
飛鳥明日香乃河之上瀬石浪渡下瀬打橋渡石浪生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴所己乎之毛綾爾憐宿兄鳥之片戀為乍朝霧徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa nami watasi simo tu se ni uti pasi watasu ipa nami ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu soko wo si mo ayani kanasi mi nuye dori no kata kwopwi situtu asa gwiri no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
挂文忌之伎鴨言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下治賜食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎治跡皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流小角乃音母敵見有虎可s吼登諸人之恊流麻r爾指擧有幡之靡者冬木成春去来者野毎著而有火之風之共靡如久取持流弓波受乃驟三雪落冬乃林爾飃可毛伊巻渡等念麻r聞之恐久引放箭之繁計久大雪乃乱而来礼不奉仕立向之毛露霜之消者消倍久去鳥乃相競端爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾然之毛将有登木綿花乃榮時爾吾大王皇子之御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyu si ki kamo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita wosame tamapi wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo wosame to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru kuda no oto mo ata mi taru twora ka poyuru to moro pito no obiyu ru made ni sasage taru pata no nabiki pa puyu gomori paru sari kureba nwo goto ni tukite aru pwi no kaze no muta nabiku ga goto ku tori mot eru yu pazu no sawaki mi yuki puru puyu no payasi ni tumuzi ka mo i maki wataru to omopu made kiki no kasikwo ku piki panatu ya no sige kyeku opo yuki no midarete ki ta re maturwopa zu tati mukapi si mo tuyu simo no ke na ba ke nu be ku yuku tori no araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni sika si mo ara mu to yupu bana no sakayuru toki ni wa go opo kimi mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
挂文由遊志計礼抒母言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下掃賜而食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎掃部等皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流笛之音波敵見有虎可s吼登諸人之聞或麻泥指擧有幡之靡者冬木成春野焼火乃風之共靡如久取持流弓波受乃驟三雪落由布乃林爾飃可毛伊巻渡等諸人見或麻r引放箭之繁計久霰成曽知余里久礼婆不奉仕立向之毛朝霜之消者消言爾打蟬等安良蘇布波之爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾如是毛安良無等木綿花乃榮時爾刺竹皇子御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyusi kyeredomo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita parapi tamapite wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo para pye to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru puye no oto pa ata mi taru twora ka poyuru to moro pito no kiki matwopu made sasage taru pata no nabiki pa puyu gomori paru nwo yaku pwi no kaze no muta nabiku ga goto ku tori mot eru yu pazu no sawaki mi yuki puru yupu no payasi ni tumuzi ka mo i maki wataru to moro pito no mi matwopu made ni piki panatu ya no sige kyeku arare nasu soti yori kureba maturwopa zu tati mukapi si mo asa simo no ke naba ke to pu ni utusemi to araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni kaku si mo ara mu to yupu bana no sakayuru toki ni sasutake no mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
久堅之天所知流君故爾日月毛不知戀渡鴨
pisakata no ame sira si nu ru kimi yuwe ni pi tukwi mo sira zu kwopwi wataru kamo
玉藻吉讃岐國者國柄加雖見不飽神柄加幾許貴寸天地日月与共満将行神乃御面跡次来中乃水門従船浮而吾榜来者時風雲居爾吹爾奥見者跡位浪立邊見者白浪散動鯨魚取海乎恐行船乃梶引折而彼此之嶋者雖多名細之狭岑之嶋乃荒礒面爾廬作而見者浪音乃茂濱邊乎敷妙乃枕爾為而荒床自伏君之家知者徃而毛将告妻知者来毛問益乎玉桙之道太爾不知欝悒久待加戀良武愛伎妻等者
tama mo yo si sanuki no kuni pa kuni kara ka miredomo aka nu kamu kara ka kokoda taputwo ki ame tuti pi tukwi to tomo ni tari yuka mu kamwi no mi omo to tugite kuru naka no mina two yu pune ukete wa ga kogi kureba toki tu kaze kumo wi ni puku ni oki mireba towi nami tati pye mireba sira nami sawaku isana tori umi wo kasikwo mi yuku pune no kadi piki worite woti koti no sima pa opo kyedo na kupa si sa mine no sima no ariswo omo ni iporite mireba nami no to no sige ki pama pye wo siki tape no makura ni nasite ara doko ni koro pusu kimi ga ipye siraba yukite mo tuge mu tuma siraba ki mo topa masi wo tama poko no miti dani sira zu opoposi ku mati ka kwopu ramu pasi ki tuma ra pa
八隅知之吾大王高光吾日乃皇子乃馬並而三猟立流弱薦乎猟路乃小野爾十六社者伊波比拝目鶉己曽伊波比廻礼四時自物伊波比拝鶉成伊波比毛等保理恐等仕奉而久堅乃天見如久真十鏡仰而雖見春草之益目頬四寸吾於富吉美可聞
yasumisisi wa go opo kimi taka terasu wa ga pi no mi kwo no uma namete mi kari tata s e ru waka komo wo karidi no wo nwo ni sisi kosoba ipapi woroga me udura koso ipapi motopo re sisi zimono ipapi worogami udura nasu ipapi motopori kasikwo mi to tukape maturite pisakata no ame miru goto ku maswo kagami apugite miredo paru kusa no iya medurasi ki wa go opo kimi kamo
久堅乃天歸月乎網爾刺我大王者盖爾為有
pisakata no ame yuku tukwi wo ami ni sasi wa go opo kimi pa kinugasa ni s eri
天降付天之芳来山霞立春爾至婆松風爾池浪立而櫻花木乃晩茂爾奥邊波鴨妻喚邊津方爾味村左和伎百礒城之大宮人乃退出而遊船爾波梶棹毛無而不樂毛己具人奈四二
amori tuku ame no kagu yama kasumi tatu paru ni itare ba matu kaze ni ike nami tatite sakura bana ko no kure sige ni oki pye pa kamo tuma ywobapi pye tu pye ni adi mura sawaki momo sikwi no opo miya pito no makari dete aswobu pune ni pa kadi sawo mo na kute sabusi mo kogu pito na si ni
苦毛零来雨可神之埼狭野乃渡爾家裳不有國
kurusi ku mo puri kuru ame ka miwa no saki sanwo no watari ni ipye mo ara na ku ni
奥山之菅葉凌零雪乃消者将惜雨莫零行年
oku yama no suga no pa sinwogi puru yuki no ke naba wosi kye mu ame na puri sone
見吉野之芳野乃宮者山可良志貴有師水可良思清有師天地与長久萬代爾不改将有行幸之宮
mi yosinwo no yosinwo no miya pa yama kara si taputwo karu ra si kapa kara si sayake karu ra si ame tuti to naga ku pisasi ku yorodu yo ni kapara zu ara mu idemasi no miya
天地之分時従神左備手高貴寸駿河有布士能高嶺乎天原振放見者度日之陰毛隠比照月乃光毛不見白雲母伊去波伐加利時自久曽雪者落家留語告言継将徃不盡能高嶺者
ame tuti no wakare si toki yu kamu sabwite taka ku taputwo ki suruga n aru puzi no taka ne wo ama no para purisake mireba wataru pi no kage mo kakura pi teru tukwi no pikari mo mi ye zu sira kumo mo i yuki pabakari toki ziku so yuki pa puri kyeru katari tugi ipi tugi yuka mu puzi no taka ne pa
雨零者将盖跡念有笠乃山人爾莫令盖霑者漬跡裳
ame puraba ki mu to omop eru kasa no yama pito ni na ki sime nure pa pitu tomo
名湯竹乃十縁皇子狭丹頬相吾大王者隠久乃始瀬乃山爾神左備爾伊都伎坐等玉梓乃人曽言鶴於余頭礼可吾聞都流狂言加我間都流母天地爾悔事乃世間乃悔言者天雲乃曽久敝能極天地乃至流左右二杖策毛不衝毛去而夕衢占問石卜以而吾屋戸爾御諸乎立而枕邊爾齊戸乎居竹玉乎無間貫垂木綿手次可比奈爾懸而天有左佐羅能小野之七相菅手取持而久堅乃天川原爾出立而潔身而麻之乎高山乃石穂乃上爾伊座都類香物
nayu take no towo yoru mi kwo sa ni turapu wa go opo kimi pa komori ku no patuse no yama ni kamu sabwi ni ituki imasu to tamadusa no pito so ipi turu oyodure ka wa ga kiki turu tapa koto ka wa ga kiki turu mo ame tuti ni kuyasi ki koto no yo no naka no kuyasi ki koto pa ama kumo no sokupye no kipami ame tuti no itar e ru made ni tuwe tuki mo tuka zu mo yukite yupu ke twopi isi ura motite wa ga yadwo ni mi moro wo tatete makura pye ni ipapi be wo suwe taka dama wo ma na ku nuki tari yupu ta suki kapina ni kakete ame n aru sasara no wo nwo no nana pu suge te ni tori motite pisakata no ama no kapara ni ide tatite misogi te masi wo taka yama no ipa po no upe ni i mase turu kamo
天雲之向伏國武士登所云人者皇祖神之御門爾外重爾立候内重爾仕奉玉葛弥遠長祖名文継徃物与母父爾妻爾子等爾語而立西日従帶乳根乃母命者齊忌戸乎前坐置而一手者木綿取持一手者和細布奉平間幸座与天地乃神祇乞祷何在歳月日香茵花香君之牛留鳥名津匝来与立居而待監人者王之命恐押光難波國爾荒玉之年經左右二白栲衣不干朝夕在鶴公者何方爾念座可欝蝉乃惜此世乎露霜置而徃監時爾不在之天
ama kumo no muka busu kuni no mononopu to ipa yuru pito pa sumyeroki no kamwi no mi kadwo ni two no pye ni tati samorapi uti no pye ni tukape maturite tama kadura iya topo naga ku oya no na mo tugi yuku mono to omo titi ni tuma ni kwo domo ni katarapite tati ni si pi ywori taratine no papa no mikoto pa ipapi be wo mapye ni suwe okite kata te ni pa yupu tori moti kata te ni pa niki tape maturi tapirake ku ma saki ku mase to ame tuti no kamwi wo kopi nome ika n ara mu tosi tukwi pi ni ka tutuzi pana nipop yeru kimi ga kuro tori no nadusapi ko mu to tatite wite mati kye mu pito pa opo kimi no mikoto kasikwo mi osi teru nanipa no kuni ni ara tama no tosi puru made ni sirwo tape no koromo mo posa zu asa yopi ni ari turu kimi pa ika sama ni omopi mase ka utusemi no wosi ki ko no yo wo tuyu simo no okite ini kye mu toki ni ara zu site
栲角乃新羅國従人事乎吉跡所聞而問放流親族兄弟無國爾渡来座而大皇之敷座國爾内日指京思美弥爾里家者左波爾雖在何方爾念鷄目鴨都礼毛奈吉佐保乃山邊爾哭兒成慕来座而布細乃宅乎毛造荒玉乃年緒長久住乍座之物乎生者死云事爾不免物爾之有者憑有之人乃盡草枕客有間爾佐保河乎朝河渡春日野乎背向爾見乍足氷木乃山邊乎指而晩闇跡隠益去礼将言為便将為須敝不知爾徘徊直獨而白細之衣袖不干嘆乍吾泣涙有間山雲居軽引雨爾零寸八
takudunwo no sirakwi no kuni yu pito goto wo yo si to kika site twopi saku ru ugara paragara na ki kuni ni watari ki masite opo kimi no siki masu kuni ni utipi sasu miyakwo simimi ni satwo ipye pa sapa ni aredomo ika sama ni omopi kye me kamo ture mo na ki sapo no yama pye ni naku kwo nasu sitapi ki masite siki tape no ipye wo mo tukuri ara tama no tosi no wo naga ku sumapitutu imasi si mono wo ik yeru mono sinu to ipu koto ni manukare nu mono ni si areba tanom yeri si pito no kotogoto kusa makura tabi n aru potwo ni sapo gapa wo asa kapa watari kasuga nwo wo sogapi ni mitutu asi pikwi no yama pye wo sasite kurekure to kakuri masi nu re ipa mu subye se mu subye sira ni ta motopori tada pito ri site sirwo tape no koromo de posa zu nagekitutu wa ga naku namita arima yama kumo wi tanabiki ame ni puri ki ya
挂巻母綾爾恐之言巻毛齊忌志伎可物吾王御子乃命萬代爾食賜麻思大日本久邇乃京者打靡春去奴礼婆山邊爾波花咲乎為里河湍爾波年魚小狭走弥日異榮時爾逆言之狂言登加聞白細爾舎人装束而和豆香山御輿立之而久堅乃天所知奴礼展轉埿打雖泣将為須便毛奈思
kake maku mo ayani kasikwo si ipa maku mo yuyu si ki kamo wa go opo kimi mi kwo no mikoto yorodu yo ni myesi tamapa masi opo yamato kuni no miyakwo pa uti nabiku paru sari nureba yama pye ni pa pana saki wowori kapa se ni pa ayu kwo sa basiri iya pi kyeni sakayuru toki ni oyodure no tapa koto to ka mo sirwo tape ni toneri yosopi te waduka yama mi kosi tata site pisakata no ame sira si nure koi marobi pidu ti nakedomo se mu subye mo na si
吾王天所知牟登不思者於保爾曽見谿流和豆香蘇麻山
wa go opo kimi ame sira sa mu to omopa neba obo ni so mi kyeru waduka swoma yama
挂巻毛文爾恐之吾王皇子之命物乃負能八十伴男乎召集聚率比賜比朝猟爾鹿猪踐起暮猟爾鶉雉履立大御馬之口抑駐御心乎見為明米之活道山木立之繁爾咲花毛移爾家里世間者如此耳奈良之大夫之心振起劔刀腰爾取佩梓弓靭取負而天地与弥遠長爾万代爾如此毛欲得跡憑有之皇子乃御門乃五月蝿成驟驂舎人者白栲爾服取著而常有之咲比振麻比弥日異更經見者悲呂可聞
kake maku mo ayani kasikwo si wa go opo kimi mi kwo no mikoto no mononopu no ya swo tomo no wo wo myesi tudwope adomo pi tama pi asa gari ni sisi pumi okosi yupu gari ni tori pumi tate opomi ma no kuti osape tate mi kokoro wo myesi akira me si ikudi yama ko dati no sizi ni saku pana mo uturopi ni kyeri yo no naka pa kaku nomwi na rasi masura wo no kokoro puri okosi turugi tati kosi ni tori paki adusa yumi yuki tori opite ame tuti to iya topo naga ni yorodu yo ni kaku si mo ga mo to tanom yeri si mi kwo no mikadwo no sa bape nasu sawaku toneri pa sirwo tape ni koromo tori kite tune nari si wema pi puru mapi iya pi kyeni kaparapu mireba kanasi ki rokamo
雨障常為公者久堅乃昨夜雨爾将懲鴨
ama tutumi tune suru kimi pa pisakata no kizo no ywo no ame ni kori ni kye mu kamo
久堅乃雨毛落粳雨乍見於君副而此日令晩
pisakata no ame mo pura nu ka ama tutumi kimi ni tagupite ko no pi kurasa mu
三香乃原客之屋取爾珠桙乃道能去相爾天雲之外耳見管言将問縁乃無者情耳咽乍有爾天地神祇辞因而敷細乃衣手易而自妻跡憑有今夜秋夜之百夜乃長有与宿鴨
mika no para tabi no yadori ni tamapoko no miti no yuki api ni ama kumo no yoso nomwi mi tutu koto dopa mu yosi no na kyereba kokoro nomwi musetutu aru ni ame tuti no kamwi koto yosete sikitape no koromo de kapete ono duma to tanom yeru ko yopi aki no ywo no momo ywo no naga sa ari kose nu kamo
天地之神毛助与草枕羈行君之至家左右
ame tuti no kamwi mo tasukeyo kusa makura tabi yuku kimi ga ipye ni itaru made
天地与共久住波牟等念而有師家之庭羽裳
ame tuti to tomo ni pisasi ku suma pa mu to omopite ari si ipye no nipa pa mo
天地之神理無者社吾念君爾不相死為目
ame tuti no kamwi si kotowari na kupa koso wa ga omopu kimi ni apa zu sini se me
不念乎思常云者天地之神祇毛知寒邑礼左變
omopa nu wo omopu to ipaba ame tuti no kamwi mo sira sa mu opo re sa kapyeru
石上零十方雨二将關哉妹似相武登言義之鬼尾
iswo no kami puru tomo ame ni sapara me ya imo ni apa mu to ipi te si mono wo
久堅之雨之落日乎直獨山邊爾居者欝有来
pisakata no ame no puru pi wo tada pito ri yama pye ni woreba ibuse kari kyeri
春之雨者弥布落爾梅花未咲久伊等若美可聞
paru no ame pa iya siki puru ni ume no pana imada saka na ku ito waka mi kamo
父母乎美礼婆多布斗斯妻子美礼婆米具斯宇都久志余能奈迦波加久叙許等和理母智騰利乃可可良波志母与宇既具都遠由久弊斯良祢婆奴伎都流其等久布美奴伎提由久智布比等波伊波紀欲利奈利提志比等迦奈何名能良佐祢阿米弊由迦婆奈何麻爾麻爾都智奈良婆大王伊摩周許能提羅周日月能斯多波阿麻久毛能牟迦夫周伎波美多爾具久能佐和多流伎波美企許斯遠周久爾能麻保良叙可爾迦久爾保志伎麻爾麻爾斯可爾波阿羅慈迦
titi papa wo mireba taputwo si mye kwo mireba megu si utukusi yo no naka pa kaku zo kotowari moti dori no kakarapasi mo yo yuku pye sira neba uke gutu wo nukituru goto ku pumi nukite yuku t ipu pito pa ipa kwi ywori nari de si pito ka na ga na nora sane ame pye yukaba na ga manima ni tuti naraba opo kimi imasu ko no terasu pi tukwi no sita pa ama kumo no muka busu kipami taniguku no sa wataru kipami kikosi wosu kuni no mapora zo ka ni kaku ni posi ki manima ni sika ni pa arazi ka
阿米都知能等母爾比佐斯久伊比都夏都許能久斯美多麻志可志家良斯母
ame tuti no tomo ni pisasi ku ipi tuge to ko no kusi mi tama sika si kye rasi mo
和何則能爾宇米能波奈知流比佐可多能阿米欲里由吉能那何列久流加母
wa ga sono ni ume no pana tiru pisakata no ame ywori yuki no nagare kuru kamo
余呂豆余爾伊麻志多麻比提阿米能志多麻乎志多麻波祢美加度佐良受弖
yorodu yo ni imasi tamapite ame no sita mawosi tamapane mikadwo sara zute
風雑雨布流欲乃雨雑雪布流欲波為部母奈久寒之安礼婆堅塩乎取都豆之呂比糟湯酒宇知須須呂比弖之匚夫可比鼻毘之毘之爾志可登阿良農比宜可伎撫而安礼乎於伎弖人者安良自等富己呂倍騰寒之安礼婆麻被引可賀布利布可多衣安里能許等其等伎曾倍騰毛寒夜須良乎和礼欲利母貧人乃父母波飢寒良牟妻子等波吟泣良牟此時者伊可爾之都都可汝代者和多流天地者比呂之等伊倍杼安我多米波狭也奈里奴流日月波安可之等伊倍騰安我多米波照哉多麻波奴人皆可吾耳也之可流和久良婆爾比等等波安流乎比等奈美爾安礼母作乎錦毛奈伎布可多衣乃美留乃其等和和気佐我礼流可可布能尾肩爾打懸布勢伊保能麻宜伊保乃内爾直土爾藁解敷而父母波枕乃可多爾妻子等母波足乃方爾圍居而憂吟可麻度柔播火気布伎多弖受許之伎爾波久毛能須可伎弖飯炊事毛和須礼提奴延鳥乃能杼与比居爾伊等乃伎提短物乎端伎流等云之如楚取五十戸良我許恵波寝屋度麻弖来立呼比奴可久婆可里須部奈伎物能可世間乃道
kaze mazipe ame puru ywo no ame mazipe yuki puru ywo pa subye mo na ku samu ku si areba kata sipo wo twori tudusiropi kasu yu zake uti susuropite sipabukapi pana bisibisi ni sika to ara nu pige kaki nadete are wo okite pito pa arazi to pokoropedo samu ku si areba asa pusuma piki kagapuri nunwo kata kinu ari no kotogoto ki sopedomo samu ki ywo sura wo ware ywori mo madusi ki pito no titi papa pa uwe kogoyu ramu mye kwo domo pa kopu kopu naku ramu ko no toki pa ika ni situtu ka na ga yo pa wataru ame tuti pa piro si to ipedo a ga tame pa sa ku ya nari nuru pi tukwi pa akasi to ipedo a ga tame pa teri ya tamapa nu pito mwina ka a nomwi ya sikaru wakurabani pito to pa aru wo pito nami ni are mo tukuru wo wata mo na ki nunwo kata kinu no miru no goto wawake sagar eru kakapu nomwi kata ni uti kake puse ipo no mage ipo no uti ni pita tuti ni wara toki sikite titi papa pa makura no kata ni mye kwo domo pa atwo no kata ni kakumi wite urepe sa maywopi kamadwo ni pa po ke puki tate zu kosiki ni pa kumo no su kakite ipi kasiku koto mo wasurete nuye dori no nodoyopi woru ni itonokite mizika ki mono wo pasi kiru to ip eru ga goto ku simoto toru satwo wosa ga kowe pa ne ya dwo made ki tati ywoba pi nu kaku bakari subye na ki mo noka yo no naka no miti
神代欲理云伝久良久虚見通倭國者皇神能伊都久志吉國言霊能佐吉播布國等加多利継伊比都賀比計理今世能人母許等期等目前爾見在知在人佐播爾満弖播阿礼等母高光日御朝庭神奈我良愛能盛爾天下奏多麻比志家子等撰多麻比天勅旨戴持弖唐能遠境爾都加播佐礼麻加利伊麻勢宇奈原能辺爾母奥爾母神豆麻利宇志播吉伊麻須諸能大御神等船舳爾道引麻遠志天地能大御神等倭大國霊久堅能阿麻能見虚喩阿麻賀気利見渡多麻比事畢還日者又更大御神等船舳爾御手打掛弖墨縄遠播倍多留期等久阿遅可遠志智可能岬欲利大伴御津浜備爾多太泊爾美船播将泊都都美無久佐伎久伊麻志弖速帰座勢
kamwi yo ywori ipi tute kuraku swora mitu yamato no kuni pa sumye kamwi no itukusi ki kuni koto dama no sakipapu kuni to katari tugi ipi tugapi kyeri ima no yo no pito mo kotogoto me no mapye ni mi tari siri tari pito sapa ni miti te pa aredomo taka pikaru pi no mikadwo kamu nagara mede no sakari ni ame no sita mawosi tamapi si ipye no kwo to erabi tamapite opo mikoto itadaki moti te morokwosi no topo ki sakapi ni tukapa sa re makari imase una para no pye ni mo oki ni mo kamu dumari usipaki imasu moromoro no opomi kamwi tati puna no pe ni miti biki mawosi ame tuti no opomi kamwi tati yamato no opo kuni mi tama pisakata no ama no mi swora yu ama gakeri mi watasi tamapi koto wopari kapyera mu pi pa mata sara ni opomi kamwi tati puna no pe ni mi te uti kake te sumi napa wo pape taru goto ku atikawosi tika no saki ywori opotomo no mitu no pama bwi ni tada pate ni mi pune pa pate mu tutumi na ku saki ku imasite paya kapyeri ma se
足引之御山毛清落多藝都芳野河之河瀬乃浄乎見者上邊者千鳥數鳴下邊者河津都麻喚百礒城乃大宮人毛越乞爾思自仁思有者毎見文丹乏玉葛絶事無萬代爾如是霜願跡天地之神乎曽祷恐有等毛
asipiki no mi yama mo saya ni oti tagitu yosinwo no kapa no kapa no se no kiywo ki wo mireba kami bye ni pa ti dori siba naki simo bye ni pa kapadu tuma ywobu momo sikwi no opo miya pito mo woti koti ni sizi ni si areba miru gotoni ayani tomosi mi tama kadura tayuru koto na ku yorodu yo ni kaku si moga mo to ame tuti no kamwi wo so inoru kasikwo kare domo
天地之遠我如日月之長我如臨照難波乃宮爾和期大王國所知良之御食都國日之御調等淡路乃野嶋之海子乃海底奥津伊久利二鰒珠左盤爾潜出船並而仕奉之貴見礼者
ame tuti no topo ki ga goto pi tukwi no naga ki ga goto osi teru nanipa no miya ni wa go opo kimi kuni sira su rasi mi ke tu kuni pi no mi tukwi to apadi no nwosima no ama no wata no soko oki tu ikuri ni apabi tama sapa ni kaduki de pune namete tukape maturu si taputwo si mireba
天爾座月讀壮子幣者将為今夜乃長者五百夜継許増
ame ni masu tuku yomi wotokwo mapi pa se mu ko yopi no naga sa i po ywo tugi koso
御民吾生有驗在天地之榮時爾相樂念者
mi tami ware ik yeru sirusi ari ame tuti no sakayuru toki ni ap ye raku omopeba
従千沼廻雨曽零来四八津之白水郎綱手乾有沾将堪香聞
tinu mwi ywori ame so puri kuru sipa tu no ama ami te tuna pos eri nure ape mu kamo
久堅乃雨者零敷念子之屋戸爾今夜者明而将去
pisakata no ame pa puri siku omopu kwo ga yadwo ni ko yopi pa akasite yuka mu
八隅知之吾大王乃高敷為日本國者皇祖乃神之御代自敷座流國爾之有者阿礼将座御子之嗣継天下所知座跡八百萬千年矣兼而定家牟平城京師者炎乃春爾之成者春日山御笠之野邊爾櫻花木晩牢皃鳥者間無數鳴露霜乃秋去来者射駒山飛火賀㟴丹芽乃枝乎石辛見散之狭男壮鹿者妻呼令動山見者山裳見皃石里見者里裳住吉物負之八十伴緒乃打經而思煎敷者天地乃依會限萬世丹榮将徃迹思煎石大宮尚矣恃有之名良乃京矣新世乃事爾之有者皇之引乃真爾真荷春花乃遷日易村鳥乃旦立徃者刺竹之大宮人能踏平之通之道者馬裳不行人裳徃莫者荒爾異類香聞
yasumisisi wa go opo kimi no taka sika su yamato no kuni pa sumyeroki no kamwi no mi yo ywori siki mas e ru kuni ni si areba are masa mu mi kwo no tugi tugi ame no sita sira si imase to ya po yorodu ti tose wo kanete sadame kye mu nara no miyakwo pa kagirwopwi no paru ni si nareba kasuga yama mikasa no nwo pye ni sakura bana ko no kure komori kapo dori pa ma na ku siba naku tuyu simo no aki sari kureba ikwoma yama tobupwi ga take ni pagwi no ye wo sigarami tirasi sa wo sika pa tuma ywobi toyomu yama mireba yama mo mi gaposi satwo mireba satwo mo sumi yo si mononopu no ya swo tomo no wo no uti papete omop ye ri siku pa ame tuti no yoriapi no kagiri yorodu yo ni sakaye yuka mu to omop yeri si opo miya sura wo tanom yeri si nara no miyakwo wo arata yo no koto ni si areba opo kimi no piki no manima ni paru pana no uturo pi kapari mura tori no asa dati yukeba sasutake no opo miya pito no pumi nara si kaywopi si miti pa uma mo yuka zu pito mo yuka neba are ni kyeru kamo
明津神吾皇之天下八嶋之中爾國者霜多雖有里者霜澤爾雖有山並之宜國跡川次之立合郷跡山代乃鹿脊山際爾宮柱太敷奉高知為布當乃宮者河近見湍音叙清山近見鳥賀鳴慟秋去者山裳動響爾左男鹿者妻呼令響春去者岡邊裳繁爾巌者花開乎呼理痛怜布當乃原甚貴大宮處諾己曽吾大王者君之随所聞賜而刺竹乃大宮此跡定異等霜
aki tu kamwi wa go opo kimi no ame no sita ya sima no uti ni kuni pa si mo sapa ni aredomo satwo pa si mo sapa ni aredomo yama nami no yorosi ki kuni to kapa nami no tati apu satwo to yamasiro no kase yama no ma ni miya basira putwo siki maturi taka sira su putagi no miya pa kapa tika mi se no oto zo kiywo ki yama tika mi tori ga ne toyomu aki sareba yama mo todoro ni sa wo sika pa tuma ywobi toyome paru sareba woka pye mo sizi ni ipapo ni pa pana saki wowori ana omosirwo putagi no para ito taputwo opo miya tokoro ube si koso wa go opo kimi pa kimi nagara kika si tamapite sasutake no opo miya koko to sadame kye rasi mo
吾皇神乃命乃高所知布當乃宮者百樹成山者木高之落多藝都湍音毛清之鴬乃来鳴春部者巌者山下耀錦成花咲乎呼里左壮鹿乃妻呼秋者天霧合之具礼乎疾狭丹頬歴黄葉散乍八千年爾安礼衝之乍天下所知食跡百代爾母不可易大宮處
wa go opo kimi kamwi no mikoto no taka sira su putagi no miya pa momo kwi mo ku yama pa ko daka si oti tagitu se no oto mo kiywo si ugupisu no ki naku paru bye pa ipapo ni pa yama sita pikari nisiki nasu pana saki wowori sa wo sika no tuma ywobu aki pa ama gwir apu sigure wo ita mi sa ni turapu momiti tiritutu ya ti tose ni are tuga si tutu ame no sita sira si myesa mu to momo yo ni mo kaparu masizi ki opo miya tokoro
天海丹雲之波立月船星之林丹榜隠所見
ame no umi ni kumo no nami tati tukwi no pune posi no payasi ni kogi kakuru miyu
可融雨者莫零吾妹子之形見之服吾下爾著有
toporu be ku ame pa na puri so wagimo kwo ga katami no koromo ware sita ni k yeri
烏玉之吾黒髪爾落名積天之露霜取者消乍
nubatama no wa ga kurwo kami ni puri nadumu ame no tuyu simo toreba ke nitutu
雨者零借廬者作何暇爾吾兒之塩干爾玉者将拾
ame pa puru kar ipo pa tukuru itu no ma ni agwo no sipo pwi ni tama pa piripa mu
佐左浪乃連庫山爾雲居者雨會零智否反来吾背
sasa nami no namikura yama ni kumo wireba ame so puru t ipu kapyeri ko wa ga se
天在日賣菅原草莫苅嫌弥那綿香烏髪飽田志付勿
ame ni aru pimyesuga para no kusa na kari sone mina no wata ka gurwo ki kami ni akuta si tuku mo
甚多毛不零雨故庭立水太莫逝人之應知
panapada mo pura nu ame yuwe nipa tadumi ita ku na yuki so pito no siru be ku
久堅之雨爾波不著乎恠毛吾袖者干時無香
pisakata no ame ni pa ki nu wo ayasi ku mo wa ga koromo de pa puru toki na ki ka
山振之咲有野邊乃都保須美礼此春之雨爾盛奈里鶏利
yama buki no saki taru nwo pye no tubosumire ko no paru no ame ni sakari nari kyeri
夏儲而開有波祢受久方乃雨打零者将移香
natu makete saki taru panezu pisakata no ame uti puraba uturopi na mu ka
牽牛者織女等天地之別時由伊奈宇之呂河向立思空不安久爾嘆空不安久爾青浪爾望者多要奴白雲爾渧者盡奴如是耳也伊伎都枳乎良牟如是耳也戀都追安良牟佐丹塗之小船毛賀茂玉纒之真可伊毛我母朝奈藝爾伊可伎渡夕塩爾伊許藝渡久方之天河原爾天飛也領巾可多思吉真玉手乃玉手指更餘宿毛寐而師可聞秋爾安良受登母
pikwo posi pa tanabata tu mye to ame tuti no wakare si toki yu inausiro kapa ni muki tati omopu swora yasu kye na ku ni nageku swora yasu kye na ku ni awo nami ni nozomi pa taye nu sira kumo ni namita pa tukwi nu kaku nomwi ya ikiduki wora mu kaku nomwi ya kwopwi tutu ara mu sa ni nuri no wo bune moga mo tama maki no ma kai moga mo asa nagi ni i kaki watari yupu sipo ni i kogi watari pisakata no ama no kapara ni ama tobu ya pire katasiki ma tama de no tama de sasi kape amata ywo mo ne te si kamo aki ni ara zu tomo
牽牛者織女等天地之別時由伊奈宇之呂河向立思空不安久爾嘆空不安久爾青浪爾望者多要奴白雲爾渧者盡奴如是耳也伊伎都枳乎良牟如是耳也戀都追安良牟佐丹塗之小船毛賀茂玉纒之小棹毛何毛朝奈藝爾伊可伎渡夕倍爾毛伊許藝渡久方之天河原爾天飛也領巾可多思吉真玉手乃玉手指更餘宿毛伊毛左祢而師加秋不待登毛
pikwo posi pa tanabata tu mye to ame tuti no wakare si toki yu inausiro kapa ni muki tati omopu swora yasu kye na ku ni nageku swora yasu kye na ku ni awo nami ni nozomi pa taye nu sira kumo ni namita pa tukwi nu kaku nomwi ya ikiduki wora mu kaku nomwi ya kwopwi tutu ara mu sa ni nuri no wo bune moga mo tama maki no wo sawo moga mo asa nagi ni i kaki watari yupu pe ni mo i kogi watari pisakata no ama no kapara ni ama tobu ya pire katasiki ma tama de no tama de sasi kape amata ywo mo imo sa ne te sika aki mata zu tomo
待時而落鍾礼能雨零収開朝香山之将黄變
toki matite pur eru sigure no ame yami nu ake mu asita ka yama no momita mu
鍾礼能雨無間零者三笠山木末歴色附爾家里
sigure no ame ma na ku si pureba mikasa yama ko n ure amaneku iro duki ni kyeri
明日香河逝廻丘之秋芽子者今日零雨爾落香過奈牟
asuka gapa yuki mwiru woka no aki pagwi pa kyepu puru ame ni tiri ka sugwi na mu
雨晴而清照有此月夜又更而雲勿田菜引
ame parete kiywo ku teri taru ko no tuku ywo mata sara nisite kumo na tanabiki
秋之雨爾所沾乍居者雖賎吾妹之屋戸志所念香聞
aki no ame ni nuretutu woreba iyasi kyedo wagimo ga yadwo si omopoyuru kamo
希将見人爾令見跡黄葉乎手折曽我来師雨零久仁
medurasi ki pito ni mise mu to momiti ba wo ta wori so wa ga ko si ame no pura ku ni
平山乃峯之黄葉取者落鍾礼能雨師無間零良志
nara yama no mine no momiti ba toreba tiru sigure no ame si ma na ku puru rasi
隠口乃始瀬山者色附奴鍾礼乃雨者零爾家良思母
komori ku no patuse no yama pa iro duki nu sigure no ame pa puri ni kye rasi mo
思具礼能雨無間莫零紅爾丹保敝流山之落巻惜毛
sigure no ame ma na ku na puri so kurenawi ni ni pop yeru yama no tira maku wosi mo
朝裳吉木方徃君我信土山越濫今日曽雨莫零根
asamoyosi kwi pye yuku kimi ga matuti yama kwoyu ramu kyepu zo ame na puri so ne
衣手常陸國二並筑波乃山乎欲見君夾座登熱爾汗可伎奈氣木根取嘯鳴登峯上乎公爾令見者男神毛許賜女神毛千羽日給而時登無雲居雨零筑波嶺乎清照言借石國之眞保良乎委曲爾示賜者歡登紐之緒解而家如解而曽遊打靡春見麻之従者夏草之茂者雖在今日之樂者
koromo de pitati no kuni no puta narabu tukupa no yama wo mi maku pori kimi ki mas eri to atu kyeku ni ase kaki nage ko no ne tori usobuki nobori wo no upe wo kimi ni misureba wo kamwi mo yurusi tamapi mye kamwi mo tipapi tamapite toki to na ku kumo wi ame puru tukupa ne wo saya ni terasite ipukari si kuni no mapora wo tubaraka ni simyesi tamapeba uresi mi to pimo no wo tokite ipye no goto tokete zo aswobu uti nabiku paru mi masi yu pa natu kusa no sige ku pa aredo kyepu no tanwosi sa
掻霧之雨零夜乎霍公鳥鳴而去成a怜其鳥
kaki kwira si ame no puru ywo wo pototogisu nakite yuku nari apare so no tori
久堅乃天漢爾上瀬爾珠橋渡之下湍爾船浮居雨零而風不吹登毛風吹而雨不落等物裳不令濕不息夾益常玉橋渡須
pisakata no ama no kapa ni kami tu se ni tama pasi wata si simo tu se ni pune uke suwe ame purite kaze puka zu tomo kaze pukite ame pura zu tomo mo nurasa zu yama zu ki mase to tama pasi wata su
客人之宿埓爲野爾霜降者吾子羽裹天乃鶴群
tabi pito no yadori se mu nwo ni simo puraba wa ga kwo pa gukumye ame no tadu mura
葦屋之菟名負處女之八年兒之片生之時従小放爾髪多久麻弖爾並居家爾毛不所見虚木綿乃牢而座在者見而師香跡悒憤時之垣廬成人之誂時智弩壮士宇奈比壮士乃廬八燎須酒師競相結婚爲家類時者焼大刀乃手頴押祢利白檀弓靫取負而入水火爾毛埓入跡立向競時爾吾妹子之母爾語久倭文手纒賤吾之故大夫之荒争見者雖生應合有哉完串呂黄泉爾埓待跡隠沼乃下延置而打歎妹之去者血沼壮士其夜夢見取次寸追去祁礼婆後有菟原壮士伊仰天叫於良妣足地牙喫建怒而如己男爾負而者不有跡懸佩之小釼取佩冬蔚蕷都良尋去祁礼婆親族共射歸集永代爾標埓爲跡遐代爾語埓繼常處女墓中爾造置壮士墓此方彼方二造置有故縁聞而雖不知新喪之如毛哭泣鶴鴨
asiya no unapi wotomye no ya tose kwo no kata opwi no toki yu wo banari ni kami taku madeni narabi wiru ipye ni mo mi ye zu utuyupu no komorite woreba mi te si ka to ibusemu toki no kaki po nasu pito no twopu toki tinu wotokwo unapi wotokwo no puse ya taku sususi kipopi api ywobapi si kyeru toki pa yaki tati no ta kami osi neri sira mayumi yuki tori opite midu ni iri pwi ni mo ira mu to tati mukapi kipopi si toki ni wagimo kwo ga papa ni katara ku situ ta maki iyasi ki wa ga yuwe masura wo no araswopu mireba ik yeri tomo apu be ku are ya sisi kusiro yomwi ni mata mu to komori nu no sita pape okite uti nageki imo ga inureba tinu wotokwo so no ywo ime ni mi tori tutu ki opi yuki kyereba okure taru unapi wotokwo i ame apugi sakyebi orabi asi zuri si ki kami takyebwite mokoro wo ni makete pa arazi to kaki paki no wo tati tori paki tokorotura tome yuki k yereba ugara dwoti i yuki tudwopi naga ki yo ni sirusi ni se mu to topo ki yo ni katari tuga mu to wotomye tuka naka ni tukuri oki wotokwo tuka konata kanata ni tukuri ok yeru yuwe yosi kikite sira nedomo nipi mo no goto mo ne naki turu kamo
久方之天芳山此夕霞霏雨微春立下
pisakata no ame no kagu yama ko no yupu pye kasumi tanabiku paru tatu ra si mo
春之雨爾有来物乎立隠妹之家道爾此日晩都
paru no ame ni ari kyeru mono wo tati kakuri imo ga ipye di ni ko no pi kurasi tu
如是許雨之零爾霍公鳥宇乃花山爾猶香将鳴
kaku bakari ame no puraku ni pototogisu u no pana yama ni napo ka naku ramu
見渡者向野邊乃石竹之落巻惜毛雨莫零行年
mi wataseba mukapi no nwo bye no nadesikwo no tira maku wosi mo ame na puri so ne
天地等別之時従自孋然叙年而在金待吾者
ame tuti to wakare si toki yu ono duma pa sika zo tosi ni aru aki matu ware pa
此夕零来雨者男星之早滂船之賀伊乃散鴨
ko no yupubye puri kuru ame pa pikwo posi no paya kogu pune no kai no tiri kamo
乾坤之初時従天漢射向居而一年丹兩遍不遭妻戀爾物念人天漢安乃川原乃有通出々乃渡丹具穂船乃艫丹裳舳丹裳船装真梶繁抜旗芒本葉裳具世丹秋風乃吹来夕丹天河白浪凌落沸速湍渉稚草乃妻手枕迹大舟乃思憑而滂来等六其夫乃子我荒珠乃年緒長思来之戀将盡七月七日之夕者吾毛悲焉
ame tuti no pazime no toki yu ama no gapa i mukapi worite pito tose ni puta tabi apa nu tuma gwopwi ni mono omopu pito ama no gapa yasu no kapara no ari gaywopu ide no watari ni sopo bune no tomo ni mo pe ni mo puna yosopi ma kadi sizi nuki pata susuki moto pa mo soyo ni aki kaze no puki kuru yopi ni ama no gapa sira nami sinwogi oti tagitu paya se watarite waka kusa no tuma ga te maku to opo bune no omopi tanomite kogi ku ramu so no tuma no kwo ga ara tama no tosi no wo naga ku omopi ko si kwopwi wo tukusa mu pumi tukwi no nanu ka no yopi pa ware mo kanasi mo
狛錦紐解易之天人乃妻問夕叙吾裳将偲
koma nisiki pimo toki kapa si ame pito no tuma dopu yopi zo ware mo sinwopa mu
天地跡別之時従久方乃天驗常定大王天之河原爾璞月累而妹爾相時候跡立待爾吾衣手爾秋風之吹反者立座多土伎乎不知村肝心不欲解衣思乱而何時跡吾待今夜此川行長有得鴨
ame tuti to wakare si toki yu pisakata no ama tu sirusi to sadame te si ama no kapara ni ara tama no tukwi wo kasanete imo ni apu toki samorapu to tati matu ni wa ga koromo de ni aki kaze no puki kapyerapeba tatite wite tadwoki wo sira ni mura kimo no kokoro isaywopi toki kinu no omopi midarete itu si ka to wa ga matu ko yopi ko no kapa no nagare no naga ku ari kose nu kamo
鴈鳴之来喧牟日及見乍将有此芽子原爾雨勿零根
kari ga ne no ki naka mu pi made mitutu ara mu ko no pagwi para ni ame na puri so ne
白露爾荒争金手咲芽子散惜兼雨莫零根
sira tuyu ni ara swopi kanete sak yeru pagwi tiraba wosi kye mu ame na puri so ne
暮立之雨落毎春日野之尾花之上乃白霧所念
yupu dati no ame puru gotoni kasuga nwo no wo bana ga upe no sira tuyu omopoyu
暮立之打零者春日野之尾花之上乃白霧所念
yupu dati no ame uti pureba kasuga nwo no wo bana ga upe no sira tuyu omopoyu
九月乃鍾礼乃雨丹沾通春日之山者色付丹来
nagatukwi no sigure no ame ni nure topori kasuga no yama pa iro duki ni kyeri
四具礼能雨無間之零者真木葉毛争不勝而色付爾家里
sigure no ame ma na ku si pureba ma kwi no pa mo araswopi kanete iro duki ni kyeri
灼然四具礼乃雨者零勿國大城山者色付爾家里
itisirwo ku sigure no ame pa pura na ku ni opokwi no yama pa iro duki ni kyeri
君之家乃黄葉早者落四具礼乃雨爾所沾良之母
kimi ga ipye no momiti ba paya ku tiri ni kyeri sigure no ame ni nure ni kye rasi mo
天海月船浮桂梶懸而滂所見月人壮子
ame no umi ni tukwi no pune uke katura kadi kakete kogu miyu tukwi pito wotokwo
不念爾四具礼乃雨者零有跡天雲霽而月夜清焉
omopa nu ni sigure no ame pa puri tare do ama kumo parete tuku ywo sayake si
秋芽子乎令落長雨之零比者一起居而戀夜曽大寸
aki pagwi wo tirasu nag ame no puru koro pa pito ri okwi wite kwopuru ywo so opo ki
九月四具礼乃雨之山霧烟寸吾胸誰乎見者将息
nagatukwi no sigure no ame no yama gwiri no ibuse ki a ga mune ta wo miba yama mu
十月四具礼乃雨降山霧烟寸吾胸誰乎見者将息
kamunadukwi sigure no ame puri yama gwiri no ibuse ki a ga mune ta wo miba yama mu
雨零者瀧都山川於石觸君之摧情者不持
ame pureba tagitu yama gapa ipa ni pure kimi ga kudaka mu kokoro pa motazi
健男之念乱而隠在其妻天地通雖光所顯目八方
masura wo no omopi midarete kakus eru so no tuma ame tuti ni topori teru tomo arapare me ya mo
大夫乃思多鶏備弖隠在其妻天地通雖光所顯目八方
masura wo no omopi takyebwite kakus eru so no tuma ame tuti ni topori teru tomo arapare me ya mo
天在一棚橋何將行穉草妻所云足壮嚴
ame ni aru pito tu tana pasi ika ni ka yuka mu waka kusa no tuma gari to ipeba asi yosopi se mu
天地言名絶有汝吾相事止
ame tuti to ipu na no tayete araba koso imasi to ware to apu koto yama me
雷神小動刺雲雨零耶君將留
naru kamwi no sukwosi toyomite sasi kumori ame mo pura nu ka kimi wo todome mu
吾背子之使乎待跡笠毛不著出乍其見之雨落久爾
wa ga sekwo ga tukapi wo matu to kasa mo ki zu idetutu so mi si ame no pura ku ni
辛衣君爾内着欲見戀其晩師之雨零日乎
kara koromo kimi ni uti kise mi maku pori kwopwi so kura si si ame no puru pi wo
妹門去過不勝都久方乃雨毛零奴可其乎因將爲
imo ga kadwo yuki sugwi kane tu pisakata no ame mo pura nu ka so wo yosi ni se mu
天地之依相極玉緒之不絶常念妹之當見津
ame tuti no yoriapi no kipami tama no wo no tayezi to omopu imo ga atari mi tu
幾多毛不零雨故吾背子之三名乃幾許瀧毛動響二
ikubaku mo pura nu ame yuwe wa ga sekwo ga mi na no kokodaku taki mo todoro ni
天地爾小不至大夫跡思之吾耶雄心毛無寸
ame tuti ni sukwosi itara nu masura wo to omopi si ware ya wo gokoro mo na ki
登能雲入雨零川之左射礼浪間無毛君者所念鴨
tono gumori ame puru kapa no sazare nami ma na ku mo kimi pa omopoyuru kamo
君之當見乍母将居伊駒山雲莫蒙雨者雖零
kimi ga atari mitutu mo wora mu i kwoma yama kumo na tanabiki ame pa puru tomo
吾勢子之使乎待跡笠不著出乍曽見之雨零爾
wa ga se kwo ga tukapi wo matu to kasa mo ki zu idetutu so mi si ame no puraku ni
無心雨爾毛有鹿人目守乏妹爾今日谷相乎
kokoro na ki ame ni mo aru ka pito me mori tomosi ki imo ni kyepu dani apa mu wo
雨毛零夜毛更深利今更君将行哉紐解設名
ame mo puri ywo mo puke ni kye ri imasara ni kimi yuka me ya mo pimo toki make na
久堅乃雨零日乎我門爾蓑笠不蒙而来有人哉誰
pisakata no ame no puru pi wo wa ga kadwo ni mino kasa ki zute k yeru pito ya tare
纒向之病足乃山爾雲居乍雨者雖零所沾乍焉来
makimuku no anasi no yama ni kumo witutu ame pa puredomo nuretutu so ko si
十月鍾礼乃雨丹沾乍哉君之行疑宿可借疑
kamunadukwi sigure no ame ni nuretutu ka kimi ga yuku ramu yadwo ka karu ramu
八隅知之和期大皇高照日之皇子之聞食御食都國神風之伊勢乃國者國見者之毛山見者高貴之河見者左夜氣久清之水門成海毛廣之見渡嶋名高之己許乎志毛間細美香母挂巻毛文爾恐山邊乃五十師乃原爾内日刺大宮都可倍朝日奈須目細毛暮日奈須浦細毛春山之四名比盛而秋山之色名付思吉百礒城之大宮人者天地与日月共万代爾母我
yasumisisi wa go opo kimi taka terasu pi no mi kwo no kikosi wosu mi ke tu kuni kamu kaze no ise no kuni pa kuni mireba si mo yama mireba taka ku taputwo si kapa mireba saya kyeku kiywo si minatwo nasu umi mo yutake si mi watasu sima mo na taka si koko wo si mo ma gupasi mi ka mo kake maku mo ayani kasikwo ki yama no pye no isi no para ni utipi sasu opo miya tukape asa pi nasu ma gupasi mo yupu pi nasu ura gupasi mo paru yama no sinapi sakayete aki yama no iro natukasi ki momo sikwi no opo miya pito pa ame tuti to pi tukwi to tomo ni yorodu yo ni moga
天地乎歎乞祷幸有者又反見思我能韓埼
ame tuti wo nageki kopi nomi saki ku araba mata kapyeri mi mu siga no kara saki
天有哉月日如吾思有君之日異老落惜文
ame n aru ya tukwi pi no goto ku wa ga omop yeru kimi ga pi ni kyeni oyu raku wosi mo
蜻嶋倭之國者神柄跡言擧不爲國雖然吾者事上爲天地之神文甚吾念心不知哉徃影乃月文經徃者玉限日文累念戸鴨胸不安戀烈鴨心痛末逐爾君丹不會者吾命乃生極戀乍文吾者将度犬馬鏡正目君乎相見天者社吾戀八鬼目
akidu sima yamato no kuni pa kamu kara to koto age se nu kuni sikaredomo ware pa koto age su ame tuti no kamwi mo panapada wa ga omopu kokoro sira zu ya yuku kage no tukwi mo pe yukeba tama kagiru pi mo kasanari omo pe ka mo mune yasu kara nu kwopu re ka mo kokoro no ita ki suwe tupi ni kimi ni apa zupa wa ga inoti no ik yera mu kipami kwopwitutu mo ware pa watara mu maswo kagami tadame ni kimi wo api mi te ba koso wa ga kwopwi yama me
荒玉之年者來去而玉梓之使之不來者霞立長春日乎天地丹思足椅帶乳根笶母之養蚕之眉隠氣衝渡吾戀心中少人丹言物西不有者松根松事遠天傳日之闇者白木綿之吾衣袖裳通手沾沼
ara tama no tosi pa ki yukite tamadusa no tukapi no ko neba kasumi tatu naga ki paru pi wo ame tuti ni omopi tara pasi taratine no papa ga kapu kwo no maywo komori ikiduki watari wa ga kwopuru kokoro no uti wo pito ni ipu mono ni si ara neba matu ga ne no matu koto topo ku ama tutapu pi no kure nure ba sirwo tape no wa ga koromo de mo topori te nure nu
三諸之神奈備山従登能陰雨者落來奴雨霧相風左倍吹奴大口乃眞神之原従思管還爾之人家爾到伎也
mimoro no kamunabwi yama yu tono gumori ame pa puri ki nu ama gwirapi kaze sape puki nu opo kuti no makamwi no para yu omopi tutu kapyeri ni si pito ipye ni itari ki ya
百不足山田道乎浪雲乃愛妻跡不語別之來者速川之徃文不知衣袂笶反裳不知馬自物立而爪衝爲須部乃田付乎白粉物部乃八十乃心叨天地二念足橋玉相者君來益八跡吾嗟八尺之嗟玉桙乃道來人乃立留何常問者答遣田付乎不知散釣相君名曰者色出人可知足日木能山従出月待跡人者云而君待吾乎
momo tara zu yama ta no miti wo nami kumo no utukusi tuma to katarapa zu wakare si kureba paya kapa no yuku mo sira ni koromo de no kapyeru mo sira ni uma zimono tatite tuma duki se mu subye no taduki wo sira ni mononopu no ya swo no kokoro wo ame tuti ni omopi tara pasi tama apaba kimi ki masu ya to wa ga nageku ya saka no nageki tama poko no miti kuru pito no tati tomari ika ni to twopaba kotape yaru taduki wo sira ni saniturapu kimi ga na ipaba iro ni idete pito siri nu be mi asi pikwi no yama ywori iduru tukwi matu to pito ni pa ipite kimi matu ware wo
吾背子者待跡不來鴈音文動而寒烏玉乃宵文深去來左夜深跡阿下乃吹者立待爾吾衣袖爾置霜文氷丹左叡渡落雪母凍渡奴今更君來目八左奈葛後文将會常大舟乃思憑迹現庭君者不相夢谷相所見欲天之足夜爾
wa ga sekwo pa matedo ki masa zu kari ga ne mo toyomite samu si nubatama no ywo mo puke ni kyeri sa ywo puku to a ra si no pukeba tati matu ni wa ga koromo de ni oku simo mo pi ni saye watari puru yuki mo kopori watari nu imasara ni kimi ki masa me ya sana kadura noti mo apa mu to opo bune no omopi tanome do ututu ni pa kimi ni pa apa zu ime ni dani apu to mi ye koso ame no tari ywo ni
菅根之根毛一伏三向凝呂爾吾念有妹爾緑而者言之禁毛無在乞常齊戸乎石相穿居竹珠乎無間貫垂天地之神祇乎曽吾祈甚毛爲便無見
suga no ne no nemokorogoro ni wa ga omop yeru imo ni yorite pa koto no sape mo na ku ari koso to ipapi be wo ipapi pori suwe taka tama wo ma na ku nuki tare ame tuti no kamwi wo zo a ga nomu ita mo subye na mi
玉手次不懸時無吾念有君爾依者倭文幣乎手取持而竹珠叨之自二貫垂天地之神叨曽吾乞痛毛須部奈見
tama ta suki kake nu toki na ku wa ga omop yeru kimi ni yorite pa situ nusa wo te ni tori motite taka tama wo sizi ni nuki tare ame tuti no kamwi wo zo wa ga kopu ita mo subye na mi
乾坤乃神乎祷而吾戀公以必不相在目八方
ame tuti no kamwi wo inorite wa ga kwopuru kimi i kanarazu apa zara me ya mo
大船之思憑而木妨己弥遠長我念有君爾依而者言之故毛無有欲得木綿手次肩荷取懸忌戸乎齊穿居玄黄之神祇二衣吾祈甚毛爲便無見
opo bune no omopi tanomite sana kadura iya topo naga ku wa ga omop yeru kimi ni yorite pa koto no yuwe mo na ku ari koso to yupu ta suki kata ni tori kake ipapi be wo ipapi pori suwe ame tuti no kamwi ni zo wa ga nomu ita mo subye na mi
三吉野之御金高爾間無序雨者落云不時曽雪者落云其雨無間如彼雪不時如間不落吾者曽戀妹之正香爾
mi yosinwo no mikane no take ni ma na ku zo ame pa puru to ipu tokiziku so yuki pa puru to ipu so no ame no ma na ki ga goto so no yuki no tokizi ki ga goto ma mo oti zu ware pa so kwopuru imo ga tadaka ni
何爲而戀止物序天地乃神乎祷迹吾八思益
ika nisite kwopwi yamu mono zo ame tuti no kamwi wo inore do ware pa omopi masaru
天地之神尾母吾者祷而寸戀云物者都不止來
ame tuti no kamwi wo mo ware pa inori te ki kwopwi to ipu mono pa sane yama zu kyeri
隠口乃泊瀬乃國爾左結婚丹吾來者棚雲利雪者零來左雲理雨者落來野鳥雉動家鳥可鶏毛鳴左夜者明此夜者昶奴入而且将眠此戸開爲
komori ku no patuse no kuni ni sa ywobapi ni wa ga kureba tana kumo ri yuki pa puri ku sa gumo ri ame pa puri ku nwo tu tori kigisi pa toyomu ipye tu tori kakye mo naku sa ywo pa ake ko no ywo pa ake nu irite katu ne mu ko no two piraka se
挂纒毛文恐藤原王都志弥美爾人下満雖有君下大座常徃向年緒長仕來君之御門乎如天仰而見乍雖畏思憑而何時可聞日足座而十五月之多田波思家武登吾思皇子命者春避者殖槻於之遠人待之下道湯登之而國見所遊九月之四具礼乃秋者大殿之砌志美弥爾露負而靡芽乎珠手次懸而所偲三雪零冬朝者刺楊根張梓矣御手二所取賜而所遊我王矣烟立春日暮喚犬追馬鏡雖見不飽者万歳如是霜欲得常大船之憑有時爾妖言目鴨迷大殿矣振放見者白細布餝奉而内日刺宮舎人方雪穂麻衣服者夢鴨現前鴨跡雲入夜之迷間朝裳吉城於道従角障經石村乎見乍神葬々奉者徃道之田付叨不知雖思印乎無見雖歎奥香乎無見御袖徃觸之松矣言不問木雖在荒玉之立月毎天原振放見管珠手次懸而思名雖恐有
kake maku mo aya ni kasikwo si pudipara no miyakwo simimi ni pito pa si mo mitite aredomo kimi pa si mo opo ku imase do yuki mukapu tosi no wo naga ku tukape ko si kimi no mikadwo wo ame no goto apugite mitutu kasikwo kyedo omopi tanomite itu si ka mo pitara si masite moti dukwi no tatapasi kye mu to wa ga omopu mi kwo no mikoto pa paru sareba uwe tukwi ga upe no topo tu pito matu no sita di yu nobora site kuni mi aswobasi nagatukwi no sigure no aki pa opo tono no migiri simimi ni tuyu opite nabik yeru pagwi wo tama ta suki kakete sinwopa si mi yuki puru puyu no asita pa sasi yanagwi ne pari adusa wo opomi te ni tora si tamapite aswobasi si wa ga opo kimi wo kasumi tatu paru no pi gurasi maswo kagami miredo aka neba yorodu yo ni kaku si moga mo to opo bune no tanom yeru toki ni oyodure ni me ka mo matwop yeru opo tono wo purisake mireba sirwo tape ni kazari maturite utipi sasu miya no toneri mo tape no po no asa ginu k yereba ime kamo ututu kamo to kumori ywo no matwop yeru potwo ni asamoyosi kwinope no miti yu tunwosapapu ipare wo mitutu kamu paburi paburi matureba yuku miti no taduki wo sira ni omopedomo sirusi wo na mi nagekedomo oku ka wo na mi opomi swode yuki pure si matu wo koto twopa nu kwi ni pa aredomo ara tama no tatu tukwi goto ni ama no para purisake mi tutu tama ta suki kakete sinwopa na kasikwo karedomo
挂纒毛文恐藤原王都志弥美爾人下満雖有君下大座常徃向年緒長仕來君之御門乎如天仰而見乍雖畏思憑而何時可聞日足座而十五月之多田波思家武登吾思皇子命者春避者殖槻於之遠人待之下道湯登之而國見所遊九月之四具礼乃秋者大殿之砌志美弥爾露負而靡芽乎珠手次懸而所偲三雪零冬朝者刺楊根張梓矣御手二所取賜而所遊我王矣烟立春日暮喚犬追馬鏡雖見不飽者万歳如是霜欲得常大船之憑有時爾妖言目鴨迷大殿矣振放見者白細布餝奉而内日刺宮舎人方雪穂麻衣服者夢鴨現前鴨跡雲入夜之迷間朝裳吉城於道従角障經石村乎見乍神葬々奉者徃道之田付叨不知雖思印乎無見雖歎奥香乎無見御袖徃觸之松矣言不問木雖在荒玉之立月毎天原振放見管珠手次懸而思名雖恐有
kake maku mo aya ni kasikwo si pudipara no miyakwo simimi ni pito pa si mo mitite aredomo kimi pa si mo opo ku imase do yuki mukapu tosi no wo naga ku tukape ko si kimi no mikadwo wo ame no goto apugite mitutu kasikwo kyedo omopi tanomite itu si ka mo pitara si masite moti dukwi no tatapasi kye mu to wa ga omopu mi kwo no mikoto pa paru sareba uwe tukwi ga upe no topo tu pito matu no sita di yu nobora site kuni mi aswobasi nagatukwi no sigure no aki pa opo tono no migiri simimi ni tuyu opite nabik yeru pagwi wo tama ta suki kakete sinwopa si mi yuki puru puyu no asita pa sasi yanagwi ne pari adusa wo opomi te ni tora si tamapite aswobasi si wa ga opo kimi wo kasumi tatu paru no pi kurasi maswo kagami miredo aka neba yorodu yo ni kaku si moga mo to opo bune no tanom yeru toki ni oyodure ni me ka mo matwop yeru opo tono wo purisake mireba sirwo tape ni kazari maturite utipi sasu miya no toneri pa tape no po no asa ginu k yereba ime kamo ututu kamo to kumori ywo no matwop yeru potwo ni asamoyosi kwinope no miti yu tunwosapapu ipare wo mitutu kamu paburi paburi matureba yuku miti no taduki wo sira ni omopedomo sirusi wo na mi nagekedomo oku ka wo na mi opomi swode yuki pure si matu wo koto twopa nu kwi ni pa aredomo ara tama no tatu tukwi goto ni ama no para purisake mi tutu tama ta suki kakete sinwopa na kasikwo karedomo
白雲之棚曳國之青雲之向伏國乃天雲下有人者妾耳鴨君爾戀濫吾耳鴨夫君爾戀礼薄天地満言戀鴨胸之病有念鴨意之痛妾戀叙日爾異爾益何時橋物不戀時等者不有友是九月乎吾背子之偲丹爲与得千世爾物偲渡登万代爾語都我部等始而之此九月之過莫呼伊多母爲便無見荒玉之月乃易者将爲須部乃田度伎乎不知石根之許凝敷道之石床之根延門爾朝庭出座而嘆夕庭入座戀乍烏玉之黒髪敷而人寐味寐者不宿爾大船之行良行良爾思乍吾寐夜等者數物不敢鴨
sira kumo no tanabiku kuni no awo kumo no muka busu kuni no ama kumo no sita n aru pito pa a nomwi ka mo kimi ni kwopu ramu a nomwi ka mo kimi ni kwopu reba ame tuti ni miti tarapasite kwopure ka mo mune no yami taru omope ka mo kokoro no ita ki a ga kwopwi zo pi ni kye ni masaru itu pa si mo kwopwi nu toki to pa ara ne domo ko no nagatukwi wo wa ga sekwo ga sinwopi ni se yo to ti yo ni mo sinwopi watare to yorodu yo ni katari tugapye to katari site ko no nagatukwi no sugwi maku wo ita mo subye na mi ara tama no tukwi no kapareba se mu subye no tadwoki wo sira ni ipa ga ne no kogosi ki miti no ipa toko no ne bap yeru kadwo ni asita ni pa ide wite nageki yupu pye ni pa iri wi kwopwitutu nubatama no kurwo kami sikite pito no nuru uma i pa ne zu ni opo bune no yukurayukura ni omopitutu wa ga nuru ywo ra pa yomi mo ape nu kamo
欲見者雲居所見愛十羽能松原小子等率和出将見琴酒者國丹放甞別避者宅仁離南乾坤之神志恨之草枕此羈之氣爾妻應離哉
mi posi ki pa kumo wi ni mi yuru urupasi ki toba no matu bara warapa domo iza wa ide mi mu koto sake ba kuni ni sake namu koto sakeba ipye ni sake namu ame tuti no kamwi si uramye si kusa makura ko no tabi no ke ni tuma saku be si ya
可奈刀田乎安良我伎麻由美比賀刀礼婆阿米乎万刀能須伎美乎等麻刀母
kana two da wo ara gaki ma yu mi pi ga tworeba ame wo matwo nosu kimi wo to matwo mo
安米都知能可未乎許比都都安礼麻多武波夜伎万世伎美麻多勢久流思母
ame tuti no kamwi wo kopitutu are mata mu paya ki mase kimi mataba kurusi mo
天地等登毛爾母我毛等於毛比都都安里家牟毛能乎波之家也思伊敞乎波奈礼弖奈美能宇倍由奈豆佐比伎爾弖安良多麻能月日毛伎倍奴可里我祢母都芸弖伎奈気婆多良知祢能波波母都未良母安佐都由爾毛能須蘇比都知由布疑里爾己呂毛弖奴礼弖左伎久之毛安流良牟其登久伊弖見都追麻都良牟母能乎世間能比登乃奈気伎波安比於毛波奴君爾安礼也母安伎波疑能知良敞流野辺乃波都乎花可里保爾布伎弖久毛婆奈礼等保伎久爾敞能都由之毛能佐武伎山辺爾夜杼里世流良牟
ame tuti to tomo ni moga mo to omopitutu ari kye mu monowo pasikyeyasi ipye wo panarete nami no upe yu nadusapi ki nite ara tama no tukwi pi mo ki pe nu kari ga ne mo tugite ki nakeba taratine no papa mo tuma ra mo asa tuyu ni mo no suswo piduti yupu gwiri ni koromo de nurete saki ku si mo aru ramu goto ku ide mi tutu matu ramu monowo yo no naka no pito no nageki pa api omopa nu kimi ni are ya mo aki pagwi no tirap eru nwo pye no patu wo pana kar ipo ni pukite kumo banare topo ki kuni pye no tuyu simo no samu ki yama bye ni yadori s eru ramu
毛母布祢乃波都流対馬能安佐治山志具礼能安米爾毛美多比爾家里
momo pune no paturu tusima no asadi yama sigure no ame ni momitapi ni kyeri
君我由久道乃奈我弖乎久里多多祢也伎保呂煩散牟安米能火毛我母
kimi ga yuku miti no nagate wo kuri tatane yaki porobosa mu ame no pwi moga mo
安米都知能可未奈伎毛能爾安良婆許曾安我毛布伊毛爾安波受思仁世米
ame tuti no kamwi na ki mono ni araba koso a ga mopu imo ni apa zu sini se me
安米都知乃曾許比能宇良爾安我其等久伎美爾故布良牟比等波左祢安良自
ame tuti no sokopi no ura ni a ga goto ku kimi ni kwopura mu pito pa sane arazi
緑子之若子蚊見庭垂乳爲母所懐褨襁平生蚊見庭結經方衣氷津裏丹縫服頸着之童子蚊見庭結幡袂着衣服我矣丹因子等何四千庭三名之綿蚊黒爲髪尾信櫛持於是蚊寸垂取束擧而裳纒見解乱童兒丹成見羅丹津蚊經色丹名着來紫之大綾之衣墨江之遠里小野之眞榛持丹穂之爲衣丹狛錦紐丹縫着刺部重部波累服打十八爲麻續兒等蟻衣之寶之子等蚊打栲者經而織布日曝之朝手作尾信巾裳成者之寸丹取爲支屋所經稻寸丁女蚊妻問迹我丹所來爲彼方之二綾裏沓飛鳥飛鳥壯蚊霖禁縫爲黒沓刺佩而庭立住退莫立禁尾迹女蚊髣髴聞而我丹所來爲水縹絹帶尾引帶成韓帶丹取爲海神之殿蓋丹飛翔爲輕如來腰細丹取餝氷眞十鏡己蚊果取雙懸而還氷見乍春避而野邊尾廻者面白見我矣思經蚊狭野津鳥來鳴翔經秋僻而山邊尾徃者名津蚊爲迹我矣思經蚊天雲裳行田菜引還立路尾所來者打氷刺宮尾見名刺竹之舎人壮裳忍經等氷還等氷見乍誰子其迹哉所思而在如是所爲故爲古部狭々寸爲我哉端寸八爲今日八方子等丹五十狭迩迹哉所思而在如是所爲故爲古部之賢人藻後之世之竪監將爲迹老人矣送爲車持還來持還來
midorikwo no waku gwo ga mwi ni pa taratisi papa ni udaka ye pimutuki no papu kwo gami ni pa yupu kata ginu pitura ni nupi ki kubi tuki no warapa ga mwi ni pa yupi pata no swode tuke goromo ki si ware wo nipopi yoru kwo ra ga yoti ni pa mina no wata ka gurwo si kami wo ma kusi moti koko ni kaki tari tori tukane agete mo maki mi toki midari warapa ni nasi mi sa ni tukapu iro ni natukasi ki murasaki no opo aya no kinu suminoye no topo satwo wo nwo no ma pari moti ni posi si kinu ni koma nisiki pimo ni nupi tuke sasa pu kasana pu nami kasane ki uti swo ya si womi no kwo ra arikinu no takara no kwo ra ga uti tape pa pete oru nunwo pi sarasi no asa te dukuri wo pire mo nasu pasi ki ni tori siki ipye ni puru inaki womina ga tuma dopu to ware ni okose si wotikata no puta aya sita kutu tobu tori no asuka wotokwo ga nag ame imi nupi si kurwo kutu sasi pakite nipa ni tatazumye makari na tati to sapuru wotomye ga pono kikite ware ni okose si mipanada no kinu no obi wo piki obi nasu kara obi ni tora si watatumi no tono no iraka ni tobi kakeru sugaru no goto ki kosi boso ni tori kazarapi maswo kagami tori name kakete ono ga kapo kapyerapi mitutu paru sarite nwo pye wo megureba omosirwo mi ware wo omo pe ka sa nwo tu tori ki naki kakerapu aki sarite yama pye wo yukeba natukasi to ware wo omo pe ka ama kumo mo yuki tanabik yeru kapyeri tati miti wo kureba utipi sasu miya womina sasutake no toneri wotokwo mo sino burapi kapye rapi mitutu ta ga kwo so to ya omopa yete aru kaku no goto se rare si yuweni inisipye sazaki si ware ya pasikiyasi kyepu ya mo kwo ra ni isa ni to ya omopa yete aru kaku no goto serare si yuweni inisipye no sakasi ki pito mo noti no yo no kagami ni se mu to oi pito wo okuri si kuruma moti kapyeri ko si moti kapyeri ko si
暮立之雨打零者春日野之草花之末乃白露於母保遊
yupu dati no ame uti pureba kasuga nwo no wo bana ga ure no sira tuyu omopoyu
久堅之雨毛落奴可蓮荷爾渟在水乃玉似將有見
pisakata no ame mo pura nu ka patisu pa ni tamar eru midu no tama ni ni taru mi mu
紅爾染而之衣雨零而爾保比波雖爲移波米也毛
kurenawi ni sime te si koromo ame purite nipopi pa su tomo uturo pa me ya mo
天爾有哉神樂良能小野爾茅草苅々々婆可爾鶉乎立毛
ame ni aru ya sasara no wo nwo ni ti gaya kari kaya kari baka ni udura wo tatu mo
御苑布能百木乃宇梅乃落花之安米爾登妣安我里雪登敷里家牟
mi sono pu no momo kwi no u me no tiru pana no ame ni tobi agari yuki to puri kye mu
橘乃爾保敞流香可聞保登等芸須奈久欲乃雨爾宇都路比奴良牟
tatibana no nipop yeru ka kamo pototogisu naku ywo no ame ni uturwopi nu ramu
天下須泥爾於保比低布流雪乃比可里乎見礼婆多敷刀久母安流香
ame no sita sudeni opopite puru yuki no pikari wo mi reba taputwo ku mo aru ka
大王乃等保能美可度曾美雪落越登名爾於敞流安麻射可流比奈爾之安礼婆夜麻高美河登保之呂思野乎比呂美久佐許曾之既吉安由波之流奈都能左加利等之麻都等里鵜養我登母波由久加波乃伎欲吉瀬其等爾可賀里左之奈豆左比能保流露霜乃安伎爾伊多礼婆野毛佐波爾等里須太家里等麻須良乎能登母伊射奈比弖多加波之母安麻多安礼婆矢形尾乃安我大黒爾之良奴里能鈴登里都気弖朝獵爾伊保都登里多弖暮獵爾知登理布美多低於敷其等迩由流須許等奈久手放毛乎知母可夜須伎許礼乎於伎低麻多波安里我多之左奈良敞流多可波奈家牟等情爾波於毛比保許里弖恵麻比都追和多流安比太爾多夫礼多流之許都於吉奈乃許等太爾母吾爾波都気受等乃具母利安米能布流日乎等我理須等名乃未乎能里弖三嶋野乎曾我比爾見都追二上山登妣古要低久母我久理可気理伊爾伎等可敞理伎弖之波夫礼都具礼呼久餘思乃曾許爾奈家礼婆伊敷須敞能多騰伎乎之良爾心爾波火佐倍毛要都追於母比孤悲伊伎豆吉安麻利気太之久毛安布許等安里也等安之比奇能乎低母許乃毛爾等奈美波里母利敞乎須恵低知波夜夫流神社爾低流鏡之都爾等里蘇倍己比能美弖安我麻都等吉爾乎登売良我伊米爾都具良久奈我古敷流曾能保追多加波麻追太要乃波麻由伎具良之都奈之等流比美乃江過弖多古能之麻等妣多毛登保里安之我母乃須太久奮江爾乎等都日毛伎能敷母安里追知加久安良婆伊麻布都可太未等保久安良婆奈奴可乃乎知波須疑米也母伎奈牟和我勢故祢毛許呂爾奈孤悲曾余等曾伊麻爾都気都流
opo kimi no topo no mikadwo so mi yuki puru kwosi to na ni op yeru ama zakaru pina ni si areba yama taka mi kapa toposiro si nwo wo piro mi kusa koso sigye ki ayu pasiru natu no sakari to sima tu tori u kapi ga tomo pa yuku kapa no kiywo ki se gotoni kagari sasi nadusapi noboru tuyu simo no aki ni itareba nwo mo sapa ni tori sudak yeri to masura wo no tomo izanapite taka pa si mo amata aredomo ya kata wo no a ga opo kurwo ni sira nuri no suzu tori tukete asa kari ni i po tu tori tate yupu kari ni ti dori pumi tate opu gotoni yurusu koto na ku ta banare mo woti mo ka yasu ki kore wo okite mata pa ari gata si sa narab yeru taka pa na kye mu to kokoro ni pa omopi pokorite wemapitutu wataru apida ni tabure taru siko tu okina no koto dani mo ware ni pa tuge zu tonogumori ame no puru pi wo to gari su to na nomwi wo norite misima nwo wo sogapini mi tutu putagami no yama tobi kwoyete kumo gakuri kakeri ini ki to kapyeri kite sipabure tugure woku yosi no soko ni na kyereba ipu subye no tadoki wo sira ni kokoro ni pa pwi sape moyetutu omopi kwopwi ikiduki amari kedasiku mo apu koto ari ya to asipikwi no wotemo konomo ni tonami pari mori bye wo suwete tipayaburu kamwi no yasiro ni teru kagami situ ni tori swope kopi nomite a ga matu toki ni wotomye ra ga ime ni tuguraku na ga kwopuru so no potu taka pa matudaye no pama yuki gurasi tunasi toru pimi no ye sugwi te takwo no sima tobi ta motopori asi gamo no sudaku puruye ni woto tu pi mo kinopu mo ari tu tika ku araba ima putu ka damwi topo ku araba nanu ka no woti pa sugwi me ya mo ki na mu wa ga sekwo nemokoro ni na kwopwi so yo to so ima ni tuge turu
安万射可流比奈能都夜故爾安米比度之可久古非須良波伊家流思留事安里
ama zakaru pina no yatukwo ni ame pito si kaku kwopwi suraba ik yeru sirusi ari
多可美久良安麻乃日嗣等天下志良之賣師家類須賣呂伎乃可未能美許等能可之古久母波自米多麻比弖多不刀久母左太米多麻敞流美与之努能許乃於保美夜爾安里我欲比賣之多麻布良之毛能乃敷能夜蘇等母能乎毛於能我於弊流於能我名負弖大王乃麻気能麻久麻久此河能多由流許等奈久此山能伊夜都芸都芸爾可久之許曾都可倍麻都良米伊夜等保奈我爾
taka mi kura ama no pi tugi to ame no sita sirasi myesi kyeru sumyeroki no kamwi no mikoto no kasikwo ku mo pazime tamapite taputwo ku mo sadame tamap yeru mi yosinwo no ko no opo miya ni ari gaywopi myesi tamapu rasi mononopu no ya swo tomonowo mo ono ga op yeru ono ga na opi te opo kimi no make no manima ni ko no kapa no tayuru koto na ku ko no yama no iya tugitugi ni kaku si koso tukape matura me iya topo naga ni
可気麻久母安夜爾加之古思皇神祖乃可見能大御世爾田道間守常世爾和多利夜保許毛知麻為泥許之登吉時支能香久乃菓子乎可之古久母能許之多麻敞礼國毛勢爾於非多知左加延波流左礼婆孫枝毛射都追保登等芸須奈久五月爾波波都波奈乎延太爾多乎理弖乎登女良爾都刀爾母夜里美之路多倍能蘇泥爾毛古伎礼香具播之美於枳弖可良之美安由流実波多麻爾奴伎都追手爾麻吉弖見礼騰毛安加受秋豆気婆之具礼乃雨零阿之比奇能夜麻能許奴礼波久礼奈為爾仁保比知礼止毛多知波奈乃成流其実者比太照爾射夜見我保之久美由気布流冬爾伊多礼婆霜於気騰母其葉毛可礼受常磐奈須伊夜佐加波延爾之可礼許曾神乃御代欲理与呂之奈倍此橘乎等伎自久能可久能木実等名附家良之母
kake maku mo ayani kasikwo si sumyeroki no kami no opomi yo ni tadimamori toko yo ni watari ya poko moti mawi de ko si toki tokizi ku no kaku no ko no mwi wo kasikwo ku mo nokosi tamap yere kuni mo se ni opwi tati sakaye paru sareba pikwo ye moitutu pototogisu naku satukwi ni pa patu pana wo yeda ni ta worite woto mye ra ni tutwo ni mo yari mi sirwo tape no swode ni mo kwok ire ka gupasi mi okite karasi mi ayuru mwi pa tama ni nukitutu te ni makite mi redomo aka zu aki dukeba sigure no ame puri asipikwi no yama no konure pa kurenawi ni nipopi tiredomo tatibana no nar e ru so no mwi pa pita teri ni iya mi gaposi ku mi yuki puru puyu ni itareba simo okedomo so no pa mo kare zu tokipa nasu iya sakabaye ni sikare koso kamwi no mi yo ywori yorosinape ko no tatibana wo tokiziku no kaku no ko no mwi to na duke kye rasi mo
須賣呂伎能之伎麻須久爾能安米能之多四方能美知爾波宇麻乃都米伊都久須伎波美布奈乃倍能伊波都流麻泥爾伊爾之敞欲伊麻乃乎都頭爾万調麻都流都可佐等都久里多流曾能奈里波比乎安米布良受日能可左奈礼婆宇恵之田毛麻吉之波多気毛安佐其登爾之保美可礼由苦曾乎見礼婆許己呂乎伊多美弥騰里児能知許布我其登久安麻都美豆安布芸弖曾麻都安之比奇能夜麻能多乎理爾許能見油流安麻能之良久母和多都美能於枳都美夜敞爾多知和多里等能具毛利安比弖安米母多麻波祢
sumyeroki no siki masu kuni no ame no sita yomo no miti ni pa uma no tume i tukusu kipami puna no pe no i paturu madeni inisipye ywo ima no wotutu ni yorodu tukwi maturu tukasa to tukuri taru so no naripapi wo ame pura zu pi no kasanareba uwe si ta mo maki si patake mo asa gotoni sibomi kare yuku so wo mi reba kokoro wo ita mi midori kwo no ti kopu ga goto ku ama tu midu apugite zo matu asipikwi no yama no tawori ni ko no mi yuru ama no sira kumo watatumi no oki tu miya pye ni tati watari tonogumori apite ame mo tamapane
許能美由流久毛保妣許里弖等能具毛理安米毛布良奴可己許呂太良比爾
ko no mi yuru kumo pobikorite tonogumori ame mo pura nu ka kokoro darapi ni
和我保里之安米波布里伎奴可久之安良波許登安気世受杼母登思波佐可延牟
wa ga pori si ame pa puri ki nu kaku si araba koto age se zu tomo tosi pa sakaye mu
天地之遠始欲俗中波常無毛能等語續奈我良倍伎多礼天原振左氣見婆照月毛盈昃之家里安之比奇能山之木末毛春去婆花開爾保比秋都氣婆露霜負而風交毛美知落家利宇都勢美母如是能未奈良之紅能伊呂母宇都呂比奴婆多麻能黒髪變朝之咲暮加波良比吹風能見要奴我其登久逝水能登麻良奴其等久常毛奈久宇都呂布見者爾波多豆美流渧等騰米可祢都母
ame tuti no topo ki pazime ywo yo no naka pa tune na ki mono to katari tugi nagarape ki tare ama no para puri sake mire ba teru tukwi mo miti kake si kyeri asipikwi no yama no ko n ure mo paru sare ba pana saki nipopi aki dukeba tuyu simo opite kaze mazipe momiti tiri kyeri utusemi mo kaku nomwi na rasi kurenawi no iro mo uturopi nubatama no kurwo kami kapari asa no wemi yupu pye kaparapi puku kaze no mi ye nu ga goto ku yuku midu no tomara nu goto ku tune mo na ku uturopu mireba nipatadumi nagaruru namita todomwi kane tu mo
天地之初時従宇都曽美能八十伴男者大王爾麻都呂布物跡定有官爾之在者天皇之命恐夷放國乎治等足日木山河阻風雲爾言者雖通正不遇日之累者思戀氣衝居爾玉桙之道來人之傳言爾吾爾語良久波之伎餘之君者比來宇良佐備弖嘆息伊麻須世間之猒家口都良家苦開花毛時爾宇都呂布宇都勢美毛无常阿里家利足千根之御母之命何如可毛時之波将有乎眞鏡見礼杼母不飽珠緒之惜盛爾立霧之失去如久置露之消去之如玉藻成靡許伊臥逝水之留不得常枉言哉人之云都流逆言乎人之告都流梓弧爪夜音之遠音爾毛聞者悲弥庭多豆水流涕留可祢都母
ame tuti no pazime no toki yu utusomi no ya swo tomo no wo pa opo kimi ni maturwopu mono to sadamar eru tukasa ni si areba opo kimi no mi koto kasikwo mi pina zakaru kuni wo wosamu to asipikwi no yama kapa pyenari kaze kumo ni koto pa kaywopedo tada ni apa zu pi no kasanareba omopi kwopwi ikiduki woru ni tama poko no miti kuru pito no tute koto ni ware ni katar aku pasikiyosi kimi pa ko no koro urasabwite nagekapi imasu yo no naka no u kyeku tura kyeku saku pana mo toki ni uturopu utusemi mo tune na ku ari kyeri taratine no mi papa no mikoto nani si ka mo toki si pa ara mu wo maswo kagami mi redomo aka zu tama no wo no wosi ki sakari ni tatu kwiri no use yuku goto ku oku tuyu no ke nuru ga goto ku tama mo nasu nabiki koi pusi yuku midu no todomwi kane tu to maga koto ya pito no ipi turu oyodure wo pito no tuge turu adusa yumi tuma piku ywo to no topo to ni mo kikeba kanasi mi nipa tadumi nagaruru namita todomwi kane tu mo
宇能花乎令腐霖雨之始水迩縁木積成将因兒毛我母
u no pana wo kutasu nag ame no pana midu ni yoru kotumi nasu yora mu kwo moga mo
天地之神者无可礼也愛吾妻離流光神鳴波多嬬携手共将有等念之爾情違奴将言為便将作為便不知爾木綿手次肩爾取挂倭文幣乎手爾取持氐勿令離等和礼波雖禱卷而寐之妹之手本者雲爾多奈妣久
ame tuti no kamwi pa na kare ya utukusi ki wa ga tuma saka ru pikaru kamwi nari pata wotomye tadusapete tomo ni ara mu to omopi si ni kokoro tagapi nu ipa mu subye se mu subye sira ni yupu ta suki kata ni tori kake situ nusa wo te ni tori motite na sake so to ware pa inoredo makite ne si imo ga tamoto pa kumo ni tanabiku
蜻嶋山跡國乎天雲爾磐船浮等母爾倍爾眞可伊繁貫伊許藝都遣國看之勢志氐安母里麻之掃平千代累弥嗣繼爾所知來流天之日繼等神奈我良吾皇乃天下治賜者物乃布能八十友之雄乎撫賜等登能倍賜食國之四方之人乎母安夫左波受賜者従古昔無利之瑞多婢末祢久申多麻比奴手拱而事無御代等天地日月等登聞仁万世爾記續牟曽八隅知之吾大皇秋花之我色色爾見賜明米多麻比酒見附榮流今日之安夜爾貴左
akidu sima yamato no kuni wo ama kumo ni ipa pune ukabe tomo ni pe ni ma kai sizi nuki i kogitutu kuni mi si se site amori masi parapi koto muke ti yo kasane iya tugitugi ni sira si k yeru ama no pi tugi to kamu nagara wa go opo kimi no ame no sita wosame tamapeba mononopu no ya swo tomo no wo wo nade tamapi totonope tamapi wosu kuni no yomo no pito wo mo abusapa zu megumi tamapeba inisipye yu na ka ri si sirusi tabi mane ku mawosi tamapi nu ta udakite koto na ki mi yo to ame tuti pi tukwi to tomo ni yorodu yo ni sirusi tuga mu zo yasumisisi wa go opo kimi aki no pana si ga iro iro ni myesi tamapi akira me tamapi saka miduki sakayu ru kyepu no ayani taputwo sa
天地爾足之照而吾大皇之伎座婆可母樂伎小里
ame tuti ni tarapa si terite wa go opo kimi siki mase ba ka mo tanwosi ki wo satwo
天地与相左可延牟等大宮乎都可倍麻都礼婆貴久宇礼之伎
ame tuti to api sakaye mu to opo miya wo tukape matureba taputwo ku uresi ki
天地与久万弖爾万代爾都可倍麻都良牟黒酒白酒乎
ame tuti to pisasi ki madeni yorodu yo ni tukape matura mu kurwo ki sirwo ki wo
天皇乃等保伎美与爾毛於之弖流難波乃久爾爾阿米能之多之良志賣之伎等伊麻能与爾多要受伊比都都可気麻久毛安夜爾可之古志可武奈我良和其大王乃宇知奈妣久春初波春初波夜知久佐爾波奈佐伎爾保比夜麻美礼婆見能等母之久可波美礼婆見乃佐夜気久母能其等爾佐可由流等伎登賣之多麻比安伎良米多麻比之伎麻世流難波宮者伎己之乎須四方乃久爾欲里多弖麻都流美都奇能船者保理江欲里美乎妣伎之都都安佐奈芸爾可治比伎能保理由布之保爾佐乎佐之久太理安治牟良能佐和伎伎保比弖波麻爾伊泥弖海原見礼婆之良奈美乃夜敞乎流我宇倍爾安麻乎夫祢波良良爾宇伎弖於保美気爾都加倍麻都流等乎知許知爾伊射里都利家理曾伎太久毛於芸呂奈伎可毛己伎婆久母由多気伎可母許己見礼婆宇倍之神代由波自米家良思母
sumyeroki no topo ki mi yo ni mo osi teru nanipa no kuni ni ame no sita sira si myesi ki to ima no yo ni taye zu ipitutu kake maku mo ayani kasikwo si kamu nagara wa go opo kimi no uti nabiku paru no pazime pa ya ti kusa ni pana saki nipopi yama mireba mi no tomosi ku kapa mireba mi no sayake ku mono gotoni sakayuru toki to myesi tamapi akirame tamapi siki mas eru nanipa no miya pa kikosi wosu yomo no kuni ywori tate maturu mitukwi no pune pa pori ye ywori miwo biki situtu asa nagi ni kadi piki nobori yupu sipo ni sawo sasi kudari adi mura no sawagi kipopite pama ni idete una para mi reba sira nami no ya pye woru ga upe ni ama wo bune parara ni ukite opo mike ni tukape maturu to woti koti ni izari turi kyeri sokidaku mo ogirona ki kamo kokibaku mo yutake ki kamo koko mi reba ube si kamwi yo yu pazime kye rasi mo
阿米都知乃可美乎伊乃里弖佐都夜奴伎都久之乃之麻乎佐之弖伊久和例波
ame tuti no kami wo inorite satu ya nuki tukusi no sima wo sasite iku ware pa
阿米都之乃以都例乃可美乎以乃良波加有都久之波波爾麻多己等刀波牟
ame tusi no idure no kami wo inoraba ka utukusi papa ni mata koto twopa mu
阿米都之乃可未爾奴佐於伎伊波比都都伊麻世和我世奈阿礼乎之毛波婆
ame tusi no kamwi ni nusa oki ipapitutu imase wa ga se na are wo si mopaba
和我勢故我夜度乃奈弖之故比奈良倍弖安米波布礼杼母伊呂毛可波良受
wa ga sekwo ga yadwo no nadesikwo pi narabete ame pa puredomo iro mo kapara zu
比佐可多能安米波布里之久奈弖之故我伊夜波都波奈爾故非之伎和我勢
pisakata no ame pa puri siku nadesikwo ga iya patu pana ni kwopwisi ki wa ga se
比左加多能安麻能刀比良伎多可知保乃多気爾阿毛理之須賣呂伎能可未能御代欲利波自由美乎多爾芸利母多之麻可胡也乎多婆左美蘇倍弖於保久米能麻須良多祁乎乎佐吉爾多弖由伎登利於保世山河乎伊波祢左久美弖布美等保利久爾麻芸之都都知波夜夫流神乎許等牟伎麻都呂倍奴比等乎母夜波之波吉伎欲米都可倍麻都里弖安吉豆之万夜万登能久爾乃可之波良能宇祢備乃宮爾美也婆之良布刀之利多弖低安米能之多之良志賣之祁流須賣呂伎能安麻能日継等都芸弖久流伎美能御代御代加久左波奴安加吉許己呂乎須賣良弊爾伎波米都久之弖都加倍久流於夜能都可佐等許等太弖低佐豆気多麻敞流宇美乃古能伊也都芸都岐爾美流比等乃可多里都芸弖低伎久比等能可我見爾世武乎安多良之伎吉用伎曾乃名曾於煩呂加爾己許呂於母比弖牟奈許等母於夜乃名多都奈大伴乃宇治等名爾於敞流麻須良乎能等母
pisakata no ama no two piraki takatipo no take ni amori si sumyeroki no kamwi no mi yo ywori pazi yumi wo ta nigwiri motasi makagwoya wo ta basami swopete opo kume no masura takye wo wo saki ni tate yuki tori opose yama kapa wo ipane sakumite pumi topori kuni magi situtu tipayaburu kamwi wo koto muke maturope nu pito wo mo yapasi paki kiywome tukape maturite akidu sima yamato no kuni no kasipara no unebwi no miya ni miya basira putwo siri tatete ame no sita sira si myesi kyeru sumyeroki no ama no pi tugi to tugite kuru kimi no mi yo mi yo kakusapa nu aka ki kokoro wo sumyera bye ni kipame tukusite tukape kuru oya no tukasa to koto datete saduke tamap yeru umi no kwo no iya tugitugi ni miru pito no katari tugitete kiku pito no kagami ni se mu wo atarasi ki kiywo ki so no na so oboroka ni kokoro omopite muna koto mo oya no na tatu na opotomo no udi to na ni op yeru masura wo no tomo
可之故伎也安米乃美加度乎可気都礼婆祢能未之奈加由安佐欲比爾之弖
kasikwo ki ya ame no mi kadwo wo kake tureba ne nomwi si naka yu asa ywopi nisite
和我勢故之可久志伎許散婆安米都知乃可未乎許比能美奈我久等曾於毛布
wa ga sekwo si kaku si kikosaba ame tuti no kamwi wo kopi nomi naga ku to so omopu
奴婆多麻能久路岐美祁斯遠麻都夫佐爾登理與曾比淤岐都登理牟那美流登岐波多多芸母許禮婆布佐波受弊都那美曾迩奴岐宇弖蘇迩杼理能阿遠岐美祁斯遠麻都夫佐迩登理與曾比淤岐都登理牟那美流登岐波多多芸母許母布佐波受弊都那美曾迩奴棄宇弖夜麻賀多爾麻岐斯阿多弖都岐曾米紀賀斯流迩斯米許呂母遠麻都夫佐迩登理與曾比淤岐都登理牟那美流登岐波多多芸母許斯與呂志伊刀古夜能伊毛能美許等牟良登理能和賀牟禮伊那婆比気登理能和賀比気伊那婆那迦士登波那波伊布登母夜麻登能比登母登須須岐宇那加夫斯那賀那加佐麻久阿佐阿米能疑理爾多多牟叙和加久佐能都麻能美許登許登能加多理碁登母許遠婆
nubatama no kurwo ki mi kyesi wo ma tubusa ni tori yosopi oki tu tori muna miru toki patatagi mo kore pa pusapa zu pye tu nami so ni nuki ute swoni dori no awo ki mi kyesi wo ma tubusa ni tori yosopi oki tu tori muna miru toki patatagi mo ko mo pusapa zu pye tu nami so ni nuki ute yam agata ni maki si atate tuki some kwi ga siru ni sime koromo wo ma tubusa ni tori yosopi oki tu tori muna miru toki patatagi mo ko si yorosi itwokwoya no imwo no mikoto mura tori no wa ga mure inaba pike tori no wa ga pike inaba nakazi to pa na pa ipu tomo yamato no pito moto susuki una kabusi na ga naka sa maku asa ame no kwiri ni tata mu zo waka kusa no tuma no mikoto koto no katari goto mo ko woba
阿米那流夜淤登多那婆多能宇那賀世流多麻能美須麻流美須麻流迩阿那陀麻波夜美多迩布多和多良須阿治志貴多迦比古泥能迦微曾也
ame n aru ya oto tana bata no unaga s eru tama no misumaru misumaru ni ana dama pa ya mi tani puta watara su adisikwi takapwikwone no kamwi so
比佐迦多能阿米能迦具夜麻斗迦麻迩佐和多流久毘比波煩曾多和夜賀比那袁麻迦牟登波阿禮波須禮杼佐泥牟登波阿禮波意母閇杼那賀祁勢流意須比能須蘇爾都紀多知迩祁理
pisakata no ame no kagu yama two kama ni sa wataru kubi pipaboso tawaya gapina wo maka mu to pa are pa suredo sa ne mu to pa are pa omopedo na ga kyes eru osupi no suswo ni tukwi tati ni kyeri
比婆理波阿米迩迦気流多迦由玖夜波夜夫佐和気佐邪岐登良佐泥
pibari pa ame ni kakeru taka yuku ya payabusawake sazaki tora sane
意富麻弊袁麻弊須久泥賀加那斗加宜加久余理許泥阿米多知夜米牟
opo mapye wo mapye sukune ga kana two kage kaku yori kone ame tati yame mu
麻岐牟久能比志呂乃美夜波阿佐比能比傅流美夜由布比能比賀気流美夜多気能泥能泥陀流美夜許能泥能泥婆布美夜夜本爾余志伊岐豆岐能美夜麻紀佐久比能美加度爾比那閇夜爾淤斐陀弖流毛毛陀流都紀賀延波本都延波阿米袁淤弊理那加都延波阿豆麻袁淤弊理志豆延波比那袁淤弊理本都延能延能宇良婆波那加都延爾淤知布良婆閇那加都延能延能宇良婆波斯毛都延淤知布良婆閇斯豆延能延能宇良婆波阿理岐奴能美弊能古賀佐佐賀世流美豆多麻宇岐爾宇岐志阿夫良淤知那豆佐比美那許袁呂許袁呂爾許斯母阿夜爾加志古志多加比加流比能美古許登能加多理碁登母許袁婆
makimuku no pi siro no miya pa asa pi no pi deru miya yupu pi no pi gakeru miya take no ne no ne daru miya ko no ne no ne bapu miya ya po ni yo si i kiduki no miya ma kwi saku pi no mi kadwo nipi nape ya ni opwi dat eru mwomwo daru tukwi ga ye pa potu ye pa ame wo op yeri naka tu ye pa aduma wo op yeri sidu ye pa pina wo op yeri potu ye no ye no ura ba pa naka tu ye ni oti purabape naka tu ye no ye no ura ba pa simwo tu ye ni oti purabape sidu ye no ye no ura ba pa arikinu no mi pye no kwo ga sasagas eru midu tama uki ni uki si abura oti nadusapi mina koworokoworo ni ko si mo ayani kasikwo si taka pikaru pi no mi kwo koto no katari goto mo ko woba
阿妹奈屡夜乙登多奈婆多廼汗奈餓勢屡多磨廼弥素磨屡廼阿奈陁磨波夜弥多爾輔柁和柁邏須阿泥素企多伽避顧祢
ame n aru ya oto tana bata no unaga s eru tama no misumaru no ana tama pa ya mi tani puta watara su adisukitakapikwone
比佐箇多能阿梅箇儺麼多謎廼利餓於瑠箇儺麼多波椰歩佐和気能瀰於須譬鵝泥
pisakata no ame kanabata mye dori ga oru kana bata payabusawake no mi osupi gane
破夜歩佐波阿梅珥能朋利等弭箇既梨伊莵岐餓宇倍能娑奘岐等羅佐泥
payabusa pa ame ni nobori tobi kakeri ituki ga upe no sazaki tora sane
於朋摩幣烏摩幣輸区泥餓訶那杜加礙訶区多智予羅泥阿梅多知夜梅牟
opo mapye wo mapye sukune ga kana two kage kaku tati yorane ame tati yame mu
美阿止都久留伊志乃比鼻伎波阿米爾伊多利都知佐閇由須礼知知波波賀多米爾毛呂比止乃多米爾
mi ato tukuru isi no pibiki pa ame ni itari tuti sape yusure titi papa ga tame ni moro pito no tame ni
National Institute for Japanese Language and Linguistics (2021) “Oxford-NINJAL Corpus of Old Japanese” https://oncoj.ninjal.ac.jp/ (accessed 15 August 2026)
fd34a1b284c5dd1e8008df9d3abcb28cfaf464bf