ONCOJ語彙素
複合語内部の出現も数えます。表記種別はONCOJが音節ごとに与える注釈によります。
三吉野之耳我嶺爾時無曽雪者落家留間無曽雨者零計類其雪乃時無如其雨乃間無如隈毛不落念乍叙来其山道乎
mi yosinwo no mimi ga no mine ni toki na ku so yuki pa puri kyeru ma na ku so ame pa puri kyeru so no yuki no toki na ki ga goto so no ame no ma na ki ga goto kuma mo oti zu omopitutu so ko si so no yama miti wo
三芳野之耳我山爾時自久曽雪者落等言無間曽雨者落等言其雪不時如其雨無間如隈毛不堕思乍叙来其山道乎
mi yosinwo no mimi ga no yama ni toki ziku so yuki pa puru to pu ma na ku so ame pa puru to pu so no yuki no tokizi ki ga goto so no ame no ma na ki ga goto kuma mo oti zu omopitutu so kuru so no yama miti wo
八隅知之吾大王高照日之皇子神長柄神佐備世須等太敷為京乎置而隠口乃泊瀬山者真木立荒山道乎石根禁樹押靡坂鳥乃朝越座而玉限夕去来者三雪落阿騎乃大野爾旗須為寸四能乎押靡草枕多日夜取世須古昔念而
yasumisisi wa go opo kimi taka terasu pi no mi kwo kamu nagara kamu sabwi sesu to putwo sika su miyakwo wo okite komori ku no patuse no yama pa ma kwi tatu ara ki yama di wo ipa ga ne sape kwi osi nabe saka tori no asa kwoye masite tama kagiru yupu sari kureba mi yuki puru akwi no opo nwo ni pata susuki sino wo osi nabe kusa makura tabi yadori sesu inisipye omopite
葦邊行鴨之羽我比爾霜零而寒暮夕倭之所念
asi bye yuku kamo no pa gapi ni simo purite samu ki yupubye pa yamato si omopoyu
天皇乃御命畏美柔備爾之家乎擇隠國乃泊瀬乃川爾舼浮而吾行河乃川隈之八十阿不落万段顧為乍玉桙乃道行晩青丹吉楢乃京師乃佐保川爾伊去至而我宿有衣乃上従朝月夜清爾見者栲乃穂爾夜之霜落磐床等川之水凝冷夜乎息言無久通乍作家爾千代二手来座多公与吾毛通武
opo kimi no mikoto kasikwo mi niki bwi ni si ipye wo oki komori ku no patuse no kapa ni pune ukete wa ga yuku kapa no kapa kuma no ya swo kuma oti zu yorodu tabi kapyeri mi situtu tama poko no miti yuki kurasi awo ni yo si nara no miyakwo no sapo gapa ni i yuki itarite wa ga ne taru koromo no upe yu asa duku ywo sayaka ni mireba tape no po ni yworu no simo puri ipa toko to kapa no midu kori samu ki ywo wo yasumu koto na ku kaywopitutu tukur eru ipye ni ti yo madeni ki mase opo kimi yo ware mo kaywopa mu
居明而君乎者将待奴婆珠能吾黒髪爾霜者零騰文
wi akasite kimi wo ba mata mu nubatama no wa ga kurwo kami ni simo pa puru tomo
吾里爾大雪落有大原乃古爾之郷爾落巻者後
wa ga satwo ni opo yuki pur eri opopara no puri ni si satwo ni pura maku pa noti
吾岡之於可美爾言而令落雪之摧之彼所爾塵家武
wa ga woka no okami ni ipite pura sime si yuki no kudake si soko ni tiri kye mu
挂文忌之伎鴨言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下治賜食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎治跡皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流小角乃音母敵見有虎可s吼登諸人之恊流麻r爾指擧有幡之靡者冬木成春去来者野毎著而有火之風之共靡如久取持流弓波受乃驟三雪落冬乃林爾飃可毛伊巻渡等念麻r聞之恐久引放箭之繁計久大雪乃乱而来礼不奉仕立向之毛露霜之消者消倍久去鳥乃相競端爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾然之毛将有登木綿花乃榮時爾吾大王皇子之御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyu si ki kamo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita wosame tamapi wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo wosame to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru kuda no oto mo ata mi taru twora ka poyuru to moro pito no obiyu ru made ni sasage taru pata no nabiki pa puyu gomori paru sari kureba nwo goto ni tukite aru pwi no kaze no muta nabiku ga goto ku tori mot eru yu pazu no sawaki mi yuki puru puyu no payasi ni tumuzi ka mo i maki wataru to omopu made kiki no kasikwo ku piki panatu ya no sige kyeku opo yuki no midarete ki ta re maturwopa zu tati mukapi si mo tuyu simo no ke na ba ke nu be ku yuku tori no araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni sika si mo ara mu to yupu bana no sakayuru toki ni wa go opo kimi mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
挂文由遊志計礼抒母言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下掃賜而食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎掃部等皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流笛之音波敵見有虎可s吼登諸人之聞或麻泥指擧有幡之靡者冬木成春野焼火乃風之共靡如久取持流弓波受乃驟三雪落由布乃林爾飃可毛伊巻渡等諸人見或麻r引放箭之繁計久霰成曽知余里久礼婆不奉仕立向之毛朝霜之消者消言爾打蟬等安良蘇布波之爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾如是毛安良無等木綿花乃榮時爾刺竹皇子御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyusi kyeredomo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita parapi tamapite wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo para pye to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru puye no oto pa ata mi taru twora ka poyuru to moro pito no kiki matwopu made sasage taru pata no nabiki pa puyu gomori paru nwo yaku pwi no kaze no muta nabiku ga goto ku tori mot eru yu pazu no sawaki mi yuki puru yupu no payasi ni tumuzi ka mo i maki wataru to moro pito no mi matwopu made ni piki panatu ya no sige kyeku arare nasu soti yori kureba maturwopa zu tati mukapi si mo asa simo no ke naba ke to pu ni utusemi to araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni kaku si mo ara mu to yupu bana no sakayuru toki ni sasutake no mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
零雪者安播爾勿落吉隠之猪養乃岡之寒有巻爾
puru yuki pa apani na puri so yonabari no wikapi no woka no samu kara maku ni
梓弓手取持而大夫之得物矢手挾立向高圓山爾春野焼野火登見左右燎火乎何如問者玉桙之道来人乃泣涙w霂爾落白妙之衣埿漬而立留吾爾語久何鴨本名言聞者泣耳師所哭語者心曽痛天皇之神之御子之御駕之手火之光曽幾許照而有
adusa yumi te ni tori motite masura wo no satu ya ta basami tati mukapu takamatwo yama ni paru nwo yaku nwo bwi to miru made moyuru pwi wo ika ni to twopeba tama poko no miti kuru pito no naku namita kwo same ni purite sirwo tape no koromo pidutite tati tomari ware ni katara ku nani si ka mo motona toburapu kikeba ne nomwi si naka yu katareba kokoro zo ita ki sumyeroki no kamwi no mi kwo no idemasi no ta bwi no pikari so kokoda teri taru
矢釣山木立不見落乱雪驪朝樂毛
yaturi yama ko dati mo mi ye zu puri magapu yuki ni ugutuku asita tanwosi mo
苦毛零来雨可神之埼狭野乃渡爾家裳不有國
kurusi ku mo puri kuru ame ka miwa no saki sanwo no watari ni ipye mo ara na ku ni
奥山之菅葉凌零雪乃消者将惜雨莫零行年
oku yama no suga no pa sinwogi puru yuki no ke naba wosi kye mu ame na puri sone
天地之分時従神左備手高貴寸駿河有布士能高嶺乎天原振放見者度日之陰毛隠比照月乃光毛不見白雲母伊去波伐加利時自久曽雪者落家留語告言継将徃不盡能高嶺者
ame tuti no wakare si toki yu kamu sabwite taka ku taputwo ki suruga n aru puzi no taka ne wo ama no para purisake mireba wataru pi no kage mo kakura pi teru tukwi no pikari mo mi ye zu sira kumo mo i yuki pabakari toki ziku so yuki pa puri kyeru katari tugi ipi tugi yuka mu puzi no taka ne pa
田兒之浦従打出而見者真白衣不盡能高嶺爾雪波零家留
tagwo no ura yu uti idete mireba ma sirwo ni so puzi no taka ne ni yuki pa puri kyeru
奈麻余美乃甲斐乃國打縁流駿河能國与己知其智乃國之三中従出立有不盡能高嶺者天雲毛伊去波伐加利飛鳥母翔毛不上燎火乎雪以滅落雪乎火用消通都言不得名不知霊母座神香聞石花海跡名付而有毛彼山之堤有海曽不盡河跡人乃渡毛其山之水乃當焉日本之山跡國乃鎮十方座祇可間寳十方成有山可聞駿河有不盡能高峯者雖見不飽香聞
namayomino kapwi no kuni uti yosu ru suruga no kuni to koti goti no kuni no mi naka yu ide tat eru puzi no taka ne pa ama kumo mo i yuki pabakari tobu tori mo tobi mo nobora zu moyuru pwi wo yuki moti keti puru yuki wo pwi moti keti tutu ipi mo e zu na duke mo sira zu kususi ku mo imasu kamwi kamo se no umi to na dukete aru mo so no yama no tutum yeru umi so puzi kapa to pito no wataru mo so no yama no midu no tagiti so pi no moto no yamato no kuni no sidume to mo imasu kamwi kamo takara to mo nar eru yama kamo suruga n aru puzi no taka ne pa miredo aka nu kamo
不盡嶺爾零置雪者六月十五日消者其夜布里家利
puzi no ne ni puri oku yuki pa minadukwi no moti ni ke nureba so no ywo puri kyeri
雨不零殿雲流夜之潤濕跡戀乍居寸君待香光
puri pura zu tono gumoru ywo pa nure pitu to kwopwitutu wori ki kimi mati gateri
雨零者将盖跡念有笠乃山人爾莫令盖霑者漬跡裳
ame puraba ki mu to omop eru kasa no yama pito ni na ki sime nure pa pitu tomo
霰零吉志美我高嶺乎險跡草取叵奈和妹手乎取
arare puri kwisimi ga take wo sagasi mi to kusa tori panati imo ga te wo toru
栲角乃新羅國従人事乎吉跡所聞而問放流親族兄弟無國爾渡来座而大皇之敷座國爾内日指京思美弥爾里家者左波爾雖在何方爾念鷄目鴨都礼毛奈吉佐保乃山邊爾哭兒成慕来座而布細乃宅乎毛造荒玉乃年緒長久住乍座之物乎生者死云事爾不免物爾之有者憑有之人乃盡草枕客有間爾佐保河乎朝河渡春日野乎背向爾見乍足氷木乃山邊乎指而晩闇跡隠益去礼将言為便将為須敝不知爾徘徊直獨而白細之衣袖不干嘆乍吾泣涙有間山雲居軽引雨爾零寸八
takudunwo no sirakwi no kuni yu pito goto wo yo si to kika site twopi saku ru ugara paragara na ki kuni ni watari ki masite opo kimi no siki masu kuni ni utipi sasu miyakwo simimi ni satwo ipye pa sapa ni aredomo ika sama ni omopi kye me kamo ture mo na ki sapo no yama pye ni naku kwo nasu sitapi ki masite siki tape no ipye wo mo tukuri ara tama no tosi no wo naga ku sumapitutu imasi si mono wo ik yeru mono sinu to ipu koto ni manukare nu mono ni si areba tanom yeri si pito no kotogoto kusa makura tabi n aru potwo ni sapo gapa wo asa kapa watari kasuga nwo wo sogapi ni mitutu asi pikwi no yama pye wo sasite kurekure to kakuri masi nu re ipa mu subye se mu subye sira ni ta motopori tada pito ri site sirwo tape no koromo de posa zu nagekitutu wa ga naku namita arima yama kumo wi tanabiki ame ni puri ki ya
久堅乃雨毛落粳雨乍見於君副而此日令晩
pisakata no ame mo pura nu ka ama tutumi kimi ni tagupite ko no pi kurasa mu
道相而咲之柄爾零雪乃消者消香二戀云君妹
miti ni apite wema si si karani puru yuki no ke naba ke nu gani kwopu to pu wagimo
石上零十方雨二将關哉妹似相武登言義之鬼尾
iswo no kami puru tomo ame ni sapara me ya imo ni apa mu to ipi te si mono wo
久堅之雨之落日乎直獨山邊爾居者欝有来
pisakata no ame no puru pi wo tada pito ri yama pye ni woreba ibuse kari kyeri
春之雨者弥布落爾梅花未咲久伊等若美可聞
paru no ame pa iya siki puru ni ume no pana imada saka na ku ito waka mi kamo
世間能周弊奈伎物能波年月波奈何流流其等斯等利都都伎意比久留母能波毛毛久佐爾勢米余利伎多流遠等咩良何遠等咩佐備周等可羅多麻乎多母等爾麻可志余知古良等手多豆佐波利提阿蘇比家武等伎能佐迦利乎等等尾迦祢周具斯野利都礼美奈乃和多迦具漏伎可美爾伊都乃麻可斯毛乃布利家武久礼奈為乃意母提乃宇倍爾伊豆久由可斯和何伎多利斯麻須良遠乃遠刀古佐備周等都流伎多智許志爾刀利波枳佐都由美乎多爾伎利物知提阿迦胡麻爾志都久良宇知意伎波比能利提阿蘇比阿留伎斯余乃奈迦野都祢爾阿利家留遠等咩良何佐那周伊多斗乎意斯比良伎伊多度利与利提麻多麻提乃多麻提佐斯迦閇佐祢斯欲能伊久陀母阿羅祢婆多都可豆慧許志爾多何祢提可由既婆比等爾伊等波延可久由既婆比等爾迩久麻延意余斯遠波迦久能尾奈良志多摩枳波流伊能知遠志家騰世武周弊母奈斯
yo no naka no subye na ki mono pa tosi tukwi pa nagaruru goto si tori tutuki opi kuru mono pa momo kusa ni seme yori ki taru wotomye ra ga wotomyesabwi su to kara tama wo ta moto ni maka si yoti kwo ra to te tadusaparite aswobi kye mu toki no sakari wo todomwi kane sugusi yari ture mina no wata ka gurwo ki kami ni itu no ma ka simo no puri kye mu kurenawi no omote no upe ni iduku yu ka siwa ga ki tari si masura wo no wotwokwosabwi su to turugi tati kosi ni twori paki satu yumi wo ta nigiri motite aka gwoma ni situ kura uti oki papi norite aswobi aruki si yo no naka ya tune ni ari kyeru wotomye ra ga sa nasu ita two wo osi piraki i tadwori yorite ma tama de no tama de sasi kape sa ne si ywo no ikuda mo ara neba ta tuka duwe kosi ni taganete ka yukeba pito ni itopa ye kaku yukeba pito ni nikuma ye oyosi wo pa kaku nomwi na rasi tamakiparu inoti wosi kyedo se mu subye mo na si
世間能周弊奈伎物能波年月波奈何流流其等斯等利都都伎意比久留母能波毛毛久佐爾勢米余利伎多流之路多倍乃袖布利可伴之久礼奈為乃阿可毛須蘇毘伎余知古良等手多豆佐波利提阿蘇比家武等伎能佐迦利乎等等尾迦祢周具斯野利都礼美奈乃和多迦具漏伎可美爾伊都乃麻可斯毛乃布利家武爾能保奈須都祢奈利斯恵麻比麻欲毘伎散久伴奈能宇都呂比爾家利余乃奈可伴可久乃未奈良之麻須良遠乃遠刀古佐備周等都流伎多智許志爾刀利波枳佐都由美乎多爾伎利物知提阿迦胡麻爾志都久良宇知意伎波比能利提阿蘇比阿留伎斯余乃奈迦野都祢爾阿利家留遠等咩良何佐那周伊多斗乎意斯比良伎伊多度利与利提麻多麻提乃多麻提佐斯迦閇佐祢斯欲能伊久陀母阿羅祢婆多都可豆慧許志爾多何祢提可由既婆比等爾伊等波延可久由既婆比等爾迩久麻延意余斯遠波迦久能尾奈良志多摩枳波流伊能知遠志家騰世武周弊母奈斯
yo no naka no subye na ki mono pa tosi tukwi pa nagaruru goto si tori tutuki opi kuru mono pa momo kusa ni seme yori ki taru sirwo tape no swode puri kapasi kurenawi no aka mo suswo biki yoti kwo ra to te tadusaparite aswobi kye mu toki no sakari wo todomwi kane sugusi yari ture mina no wata ka gurwo ki kami ni itu no ma ka simo no puri kye mu ni no po nasu tune nari si wemapi maywobiki saku pana no uturopi ni kyeri yo no naka pa kaku nomwi na rasi masura wo no wotokwosabwi su to turugi tati kosi ni twori paki satu yumi wo ta nigiri motite aka gwoma ni situ kura uti oki papi norite aswobi aruki si yo no naka ya tune ni ari kyeru wotomye ra ga sa nasu ita two wo osi piraki i tadwori yorite ma tama de no tama de sasi kape sa ne si ywo no ikuda mo ara neba ta tuka duwe kosi ni taganete ka yukeba pito ni itopa ye kaku yukeba pito ni nikuma ye oyosi wo pa kaku nomwi na rasi tamakiparu inoti wosi kyedo se mu subye mo na si
烏梅能波奈知良久波伊豆久志可須我爾許能紀能夜麻爾由企波布理都都
ume no pana tiraku pa iduku sikasugani ko no kwi no yama ni yuki pa puritutu
波流能努爾紀理多知和多利布流由岐得比得能美流麻提烏梅能波奈知流
paru no nwo ni kwiri tati watari puru yuki to pito no miru made ume no pana tiru
伊母我陛迩由岐可母不流登弥流麻提爾許許陀母麻我不烏梅能波奈可母
imo ga pye ni yuki ka mo puru to miru madeni kokoda mo magapu ume no pana kamo
風雑雨布流欲乃雨雑雪布流欲波為部母奈久寒之安礼婆堅塩乎取都豆之呂比糟湯酒宇知須須呂比弖之匚夫可比鼻毘之毘之爾志可登阿良農比宜可伎撫而安礼乎於伎弖人者安良自等富己呂倍騰寒之安礼婆麻被引可賀布利布可多衣安里能許等其等伎曾倍騰毛寒夜須良乎和礼欲利母貧人乃父母波飢寒良牟妻子等波吟泣良牟此時者伊可爾之都都可汝代者和多流天地者比呂之等伊倍杼安我多米波狭也奈里奴流日月波安可之等伊倍騰安我多米波照哉多麻波奴人皆可吾耳也之可流和久良婆爾比等等波安流乎比等奈美爾安礼母作乎錦毛奈伎布可多衣乃美留乃其等和和気佐我礼流可可布能尾肩爾打懸布勢伊保能麻宜伊保乃内爾直土爾藁解敷而父母波枕乃可多爾妻子等母波足乃方爾圍居而憂吟可麻度柔播火気布伎多弖受許之伎爾波久毛能須可伎弖飯炊事毛和須礼提奴延鳥乃能杼与比居爾伊等乃伎提短物乎端伎流等云之如楚取五十戸良我許恵波寝屋度麻弖来立呼比奴可久婆可里須部奈伎物能可世間乃道
kaze mazipe ame puru ywo no ame mazipe yuki puru ywo pa subye mo na ku samu ku si areba kata sipo wo twori tudusiropi kasu yu zake uti susuropite sipabukapi pana bisibisi ni sika to ara nu pige kaki nadete are wo okite pito pa arazi to pokoropedo samu ku si areba asa pusuma piki kagapuri nunwo kata kinu ari no kotogoto ki sopedomo samu ki ywo sura wo ware ywori mo madusi ki pito no titi papa pa uwe kogoyu ramu mye kwo domo pa kopu kopu naku ramu ko no toki pa ika ni situtu ka na ga yo pa wataru ame tuti pa piro si to ipedo a ga tame pa sa ku ya nari nuru pi tukwi pa akasi to ipedo a ga tame pa teri ya tamapa nu pito mwina ka a nomwi ya sikaru wakurabani pito to pa aru wo pito nami ni are mo tukuru wo wata mo na ki nunwo kata kinu no miru no goto wawake sagar eru kakapu nomwi kata ni uti kake puse ipo no mage ipo no uti ni pita tuti ni wara toki sikite titi papa pa makura no kata ni mye kwo domo pa atwo no kata ni kakumi wite urepe sa maywopi kamadwo ni pa po ke puki tate zu kosiki ni pa kumo no su kakite ipi kasiku koto mo wasurete nuye dori no nodoyopi woru ni itonokite mizika ki mono wo pasi kiru to ip eru ga goto ku simoto toru satwo wosa ga kowe pa ne ya dwo made ki tati ywoba pi nu kaku bakari subye na ki mo noka yo no naka no miti
従千沼廻雨曽零来四八津之白水郎綱手乾有沾将堪香聞
tinu mwi ywori ame so puri kuru sipa tu no ama ami te tuna pos eri nure ape mu kamo
橘者實左倍花左倍其葉左倍枝爾霜雖降益常葉之樹
tatibana pa mwi sape pana sape so no pa sape ye ni simo puredo iya toko pa no kwi
奥山之真木葉凌零雪乃零者雖益地爾落目八方
oku yama no ma kwi no pa sinwogi puru yuki no puri pa masu tomo tuti ni oti me ya mo
久堅乃雨者零敷念子之屋戸爾今夜者明而将去
pisakata no ame pa puri siku omopu kwo ga yadwo ni ko yopi pa akasite yuka mu
吾屋戸乃君松樹爾零雪乃行者不去待西将待
wa ga yadwo no kimi matu no kwi ni puru yuki no yuki ni pa yukazi mati ni si mata mu
可融雨者莫零吾妹子之形見之服吾下爾著有
toporu be ku ame pa na puri so wagimo kwo ga katami no koromo ware sita ni k yeri
烏玉之吾黒髪爾落名積天之露霜取者消乍
nubatama no wa ga kurwo kami ni puri nadumu ame no tuyu simo toreba ke nitutu
雨者零借廬者作何暇爾吾兒之塩干爾玉者将拾
ame pa puru kar ipo pa tukuru itu no ma ni agwo no sipo pwi ni tama pa piripa mu
佐左浪乃連庫山爾雲居者雨會零智否反来吾背
sasa nami no namikura yama ni kumo wireba ame so puru t ipu kapyeri ko wa ga se
霰零鹿嶋之埼乎浪高過而夜将行戀敷物乎
arare puri kasima no saki wo nami taka mi sugwite ya yuka mu kwopo si ki mono wo
丸雪降遠江吾跡川楊雖苅亦生云余跡川楊
arare puri topo tu apumi no ato kapa yanagwi kari tu tomo mata mo opu to pu ato kapa yanagwi
如是為而也尚哉将老三雪零大荒木野之小竹爾不有九二
kaku site ya napo ya oi na mu mi yuki puru opoarakwi nwo no sinwo ni ara na ku ni
甚多毛不零雨故庭立水太莫逝人之應知
panapada mo pura nu ame yuwe nipa tadumi ita ku na yuki so pito no siru be ku
沫雪香薄太礼爾零登見左右二流倍散波何物之花其毛
awa yuki ka padare ni puru to miru madeni nagara pe tiru pa nani no pana so mo
吾勢子爾令見常念之梅花其十方不所見雪乃零有者
wa ga se kwo ni mise mu to omopi si ume no pana sore to mo mi ye zu yuki no pur ereba
従明日者春菜将採跡標之野爾昨日毛今日母雪波布利管
asu ywori pa waka na tuma mu to sime si nwo ni kinopu mo kyepu mo yuki pa puritutu
含有常言之梅我枝今旦零四沫雪二相而将開可聞
pupum yeri to ipi si ume ga ye kyesa puri si awa yuki ni apite saki nu ramu kamo
時者今者春爾成跡三雪零遠山邊爾霞多奈婢久
toki pa ima pa paru ni nari nu to mi yuki puru topo ki yama pye ni kasumi tanabiku
春雨乃敷布零爾高圓山能櫻者何如有良武
paru same no sikusiku puru ni takamatwo no yama no sakura pa ika ni ka aru ramu
打霧之雪者零乍然為我二吾宅乃苑爾鴬鳴裳
uti kwirasi yuki pa puritutu sikasugani wagipye no sono ni ugupisu naku mo
風交雪者雖零實爾不成吾宅之梅乎花爾令落莫
kaze mazipe yuki pa puru tomo mwi ni nara nu wagipye no ume wo pana ni tirasu na
夏儲而開有波祢受久方乃雨打零者将移香
natu makete saki taru panezu pisakata no ame uti puraba uturopi na mu ka
經毛無緯毛不定未通女等之織黄葉爾霜莫零
tate mo na ku nuki mo sadame zu wotomye ra ga or eru momiti ni simo na puri sone
待時而落鍾礼能雨零収開朝香山之将黄變
toki matite pur eru sigure no ame yami nu ake mu asita ka yama no momita mu
鍾礼能雨無間零者三笠山木末歴色附爾家里
sigure no ame ma na ku si pureba mikasa yama ko n ure amaneku iro duki ni kyeri
明日香河逝廻丘之秋芽子者今日零雨爾落香過奈牟
asuka gapa yuki mwiru woka no aki pagwi pa kyepu puru ame ni tiri ka sugwi na mu
春日野爾鍾礼零所見明日従者黄葉頭刺牟高圓乃山
kasuga nwo ni sigure puru miyu asu ywori pa momiti kaza sa mu takamatwo no yama
希将見人爾令見跡黄葉乎手折曽我来師雨零久仁
medurasi ki pito ni mise mu to momiti ba wo ta wori so wa ga ko si ame no pura ku ni
平山乃峯之黄葉取者落鍾礼能雨師無間零良志
nara yama no mine no momiti ba toreba tiru sigure no ame si ma na ku puru rasi
隠口乃始瀬山者色附奴鍾礼乃雨者零爾家良思母
komori ku no patuse no yama pa iro duki nu sigure no ame pa puri ni kye rasi mo
思具礼能雨無間莫零紅爾丹保敝流山之落巻惜毛
sigure no ame ma na ku na puri so kurenawi ni ni pop yeru yama no tira maku wosi mo
大口能真神之原爾零雪者甚莫零家母不有國
opo kuti no makamwi no para ni puru yuki pa ita ku na puri so ipye mo ara na ku ni
沫雪保杼呂保杼呂爾零敷者平城京師所念可聞
awa yuki no podoropodoro ni puri sikeba nara no miyakwo si omopoyuru kamo
沫雪爾所落開有梅花君之許遣者与曽倍弖牟可聞
awa yuki ni pura yete sak yeru ume no pana kimi gari yaraba yosope te mu kamo
棚霧合雪毛零奴可梅花不開之代爾曽倍而谷将見
tanagwirapi yuki mo pura nu ka ume no pana saka nu ga siro ni sopete dani mi mu
天霧之雪毛零奴可灼然此五柴爾零巻乎将見
amagwira si yuki mo pura nu ka itisirwo ku ko no itu siba ni pura maku wo mi mu
吾屋前之冬木乃上爾零雪乎梅花香常打見都流香裳
wa ga yadwo no puyu kwi no upe ni puru yuki wo ume no pana ka to uti mi turu kamo
梅花枝爾可散登見左右二風爾乱而雪曽落久類
ume no pana yeda ni ka tiru to miru made ni kaze ni midarete yuki so puri kuru
十二月爾者沫雪零跡不知可毛梅花開含不有而
sipasu ni pa awa yuki puru to sira ne ka mo ume no pana saku pupum yera zusite
今日零之雪爾競而我屋前之冬木梅者花開二家里
kyepu puri si yuki ni kipopite wa ga yadwo no puyu kwi no ume pa pana saki ni kyeri
池邊乃松之末葉爾零雪者五百重零敷明日左倍母将見
ike no pye no matu no ura ba ni puru yuki pa i po pye puri sikye asu sape mo mi mu
沫雪乃比日續而如此落者梅始花散香過南
awa yuki no ko no koro tugite kaku puraba ume no patu pana tiri ka sugwi na mu
高山之菅葉之努藝零雪之消跡可曰毛戀乃繁鶏鳩
taka yama no suga no pa sinwogi puru yuki no ke nu to ipu be ku mo kwopwi no sige kyeku
吾背兒与二有見麻世波幾許香此零雪之懽有麻思
wa ga sekwo to puta ri mi maseba ikubaku ka ko no puru yuki no uresi kara masi
真木乃於爾零置有雪乃敷布毛所念可聞佐夜問吾背
ma kwi no upe ni puri ok yeru yuki no sikusiku mo omopoyuru kamo sa ywo twopye wa ga se
沫雪乃庭爾零敷寒夜乎手枕不纒一香聞将宿
awa yuki no nipa ni puri siki samu ki ywo wo ta makura maka zu pito ri ka mo ne mu
朝裳吉木方徃君我信土山越濫今日曽雨莫零根
asamoyosi kwi pye yuku kimi ga matuti yama kwoyu ramu kyepu zo ame na puri so ne
御食向南淵山之巌者落波太列可削遺有
mi ke mukapu minabuti yama no ipapo ni pa puri si padare ka kiye nokori taru
前玉之小埼乃沼爾鴨曽翼霧己尾爾零置流霜乎掃等爾有斯
sakitama no wosaki no numa ni kamo zo pane kwiru ono ga wo ni puri ok ye ru simo wo parapu to ni a ra si
白雲之龍田山之瀧上之小鞍嶺爾開乎烏流櫻花者山高風之不息者春雨之繼而零者最末枝者落過去祁利下枝爾遺有花者須臾者落莫乱草枕客去君之及還夾
sira kumo no tatuta no yama no tagi no upe no wogura no mine ni saki woworu sakura no pana pa yama taka mi kaze si yama neba paru same no tugite si pureba potu ye pa tiri sugwi ni kyeri sidu ye ni nokor eru pana pa simasi ku pa tiri na magapi so kusa makura tabi yuku kimi ga kapyeri kuru made
衣手常陸國二並筑波乃山乎欲見君夾座登熱爾汗可伎奈氣木根取嘯鳴登峯上乎公爾令見者男神毛許賜女神毛千羽日給而時登無雲居雨零筑波嶺乎清照言借石國之眞保良乎委曲爾示賜者歡登紐之緒解而家如解而曽遊打靡春見麻之従者夏草之茂者雖在今日之樂者
koromo de pitati no kuni no puta narabu tukupa no yama wo mi maku pori kimi ki mas eri to atu kyeku ni ase kaki nage ko no ne tori usobuki nobori wo no upe wo kimi ni misureba wo kamwi mo yurusi tamapi mye kamwi mo tipapi tamapite toki to na ku kumo wi ame puru tukupa ne wo saya ni terasite ipukari si kuni no mapora wo tubaraka ni simyesi tamapeba uresi mi to pimo no wo tokite ipye no goto tokete zo aswobu uti nabiku paru mi masi yu pa natu kusa no sige ku pa aredo kyepu no tanwosi sa
掻霧之雨零夜乎霍公鳥鳴而去成a怜其鳥
kaki kwira si ame no puru ywo wo pototogisu nakite yuku nari apare so no tori
男神爾雲立登斯具礼零沾通友吾埓反哉
wo no kamwi ni kumo tati nobori sigure puri nure toporu tomo ware kapyera me ya
久堅乃天漢爾上瀬爾珠橋渡之下湍爾船浮居雨零而風不吹登毛風吹而雨不落等物裳不令濕不息夾益常玉橋渡須
pisakata no ama no kapa ni kami tu se ni tama pasi wata si simo tu se ni pune uke suwe ame purite kaze puka zu tomo kaze pukite ame pura zu tomo mo nurasa zu yama zu ki mase to tama pasi wata su
三越道之雪零山乎埓越日者留有吾乎懸而小竹葉背
mi kwosi di no yuki puru yama wo kwoye mu pi pa tomar eru ware wo kakete sinwopa se
客人之宿埓爲野爾霜降者吾子羽裹天乃鶴群
tabi pito no yadori se mu nwo ni simo puraba wa ga kwo pa gukumye ame no tadu mura
打靡春去来者然為蟹天雲霧相雪者零管
uti nabiku paru sari kureba sikasugani ama kumo kwirapu yuki pa puri tutu
梅花零覆雪乎裹持君令見跡取者消管
ume no pana puri opopu yuki wo tutumi moti kimi ni mise mu to toreba ke ni tutu
梅花咲落過奴然為蟹白雪庭爾零重管
ume no pana saki tiri sugwi nu sikasugani sira yuki nipa ni puri sikiri tutu
今更雪零目八方蜻火之燎留春部常成西物乎
imasara ni yuki pura me ya mo kagirwo pwi no moyu ru paru bye to nari ni si mono wo
風交雪者零乍然為蟹霞田菜引春去爾来
kaze maziri yuki pa puritutu sikasugani kasumi tanabiki paru sari ni kyeri
山際爾鴬喧而打靡春跡雖念雪落布沼
yama no ma ni ugupisu nakite uti nabiku paru to omopedo yuki puri siki nu
峯上爾零置雪師風之共此聞散良思春者雖有
wo no upe ni puri ok yeru yuki si kaze no muta koko ni tiru rasi paru ni pa aredomo
梅枝爾鳴而移徙鴬之翼白妙爾沫雪曽落
ume ga ye ni nakite uturopu ugupisu no pane sirwo tape ni awa yuki so puru
山高三零来雪乎梅花落鴨来跡念鶴鴨
yama taka mi puri kuru yuki wo ume no pana tiri ka mo kuru to omopi turu kamo
山高三零来雪乎梅花開香裳落跡念鶴鴨
yama taka mi puri kuru yuki wo ume no pana saki ka mo tiru to omopi turu kamo
山際爾雪者零管然為我二此河楊波毛延爾家留可聞
yama no ma ni yuki pa puri tutu sikasugani ko no kapa yagwi pa moye ni kyeru kamo
春雨者甚勿零櫻花未見爾散巻惜裳
paru same pa ita ku na puri so sakura bana imada mi naku ni tira maku wosi mo
今徃而聞物爾毛我明日香川春雨零而瀧津湍音乎
ima yukite kiku mono ni moga asuka gapa paru same purite tagi tu se no oto wo
吾背子爾戀而為便莫春雨之零別不知出而来可聞
wa ga sekwo ni kwopwite subye na mi paru same no puru waki sira zu idete ko si kamo
春雨爾衣甚将通哉七日四零者七日不来哉
paru same ni koromo pa ita ku topora me ya nanu ka si puraba nanu ka kozi to ya
梅花令散春雨多零客爾也君之廬入西留良武
ume no pana tirasu paru same ita ku puru tabi ni ya kimi ga ipori s eru ramu
狭野方波實爾成西乎今更春雨零而花将咲八方
sa nwo kata pa mwi ni nari ni si wo imasara ni paru same purite pana saka me ya mo
春雨之不止零々吾戀人之目尚矣不令相見
paru same no yama zu puru puru wa ga kwopuru pito no me sura wo api mise naku ni
吾妹子爾戀乍居者春雨之彼毛知如不止零乍
wagimo kwo ni kwopwitutu woreba paru same no sore mo siru goto yama zu puritutu
如是許雨之零爾霍公鳥宇乃花山爾猶香将鳴
kaku bakari ame no puraku ni pototogisu u no pana yama ni napo ka naku ramu
見渡者向野邊乃石竹之落巻惜毛雨莫零行年
mi wataseba mukapi no nwo bye no nadesikwo no tira maku wosi mo ame na puri so ne
此夕零来雨者男星之早滂船之賀伊乃散鴨
ko no yupubye puri kuru ame pa pikwo posi no paya kogu pune no kai no tiri kamo
竿志鹿之心相念秋芽子之鍾礼零丹落僧惜毛
sa wo sika no kokoro api omopu aki pagwi no sigure no puru ni tira ku si wosi mo
鴈鳴之来喧牟日及見乍将有此芽子原爾雨勿零根
kari ga ne no ki naka mu pi made mitutu ara mu ko no pagwi para ni ame na puri so ne
白露爾荒争金手咲芽子散惜兼雨莫零根
sira tuyu ni ara swopi kanete sak yeru pagwi tiraba wosi kye mu ame na puri so ne
天雲之外鴈鳴従聞之薄垂霜零寒此夜者
ama kumo no yoso ni kari ga ne kiki si ywori padare simo puri samu si ko no ywo pa
押照難波穿江之葦邊者鴈宿有疑霜乃零爾
osi teru nanipa pori ye no asi pye ni pa kari ne taru kamo simo no puraku ni
庭草爾村雨落而蟋蟀之鳴音聞者秋付爾家里
nipa kusa ni mura same purite koporogi no naku kowe kikeba aki duki ni kyeri
暮立之雨落毎春日野之尾花之上乃白霧所念
yupu dati no ame puru gotoni kasuga nwo no wo bana ga upe no sira tuyu omopoyu
暮立之打零者春日野之尾花之上乃白霧所念
yupu dati no ame uti pureba kasuga nwo no wo bana ga upe no sira tuyu omopoyu
朝露爾染始秋山爾鍾礼莫零在渡金
asa tuyu ni nipopi some taru aki yama ni sigure na puri so ari wataru gane
大坂乎吾越来者二上爾黄葉流志具礼零乍
oposaka wo wa ga kwoye kureba putakami ni momiti ba nagaru sigure puritutu
四具礼能雨無間之零者真木葉毛争不勝而色付爾家里
sigure no ame ma na ku si pureba ma kwi no pa mo araswopi kanete iro duki ni kyeri
灼然四具礼乃雨者零勿國大城山者色付爾家里
itisirwo ku sigure no ame pa pura na ku ni opokwi no yama pa iro duki ni kyeri
吾屋戸之淺茅色付吉魚張之夏身之上爾四具礼零疑
wa ga yadwo no asadi iro duku yonabari no natumwi no upe ni sigure puru rasi
左夜深而四具礼勿零秋芽子之本葉之黄葉落巻惜裳
sa ywo pukete sigure na puri so aki pagwi no moto pa no momiti tira maku wosi mo
左小壮鹿之妻喚山之岳邊在早田者不苅霜者雖零
sa wo sika no tuma ywobu yama no woka pye n aru wasada pa karazi simo pa puru tomo
不念爾四具礼乃雨者零有跡天雲霽而月夜清焉
omopa nu ni sigure no ame pa puri tare do ama kumo parete tuku ywo sayake si
一日千重敷布我戀妹當為暮零礼見
pito pi ni pa ti pye sikusiku ni wa ga kwopuru imo ga atari ni sigure pu re mi mu
秋田苅客乃廬入爾四具礼零我袖沾干人無二
aki ta karu tabi no ipori ni sigure puri wa ga swode nure nu posu pito na si ni
玉手次不懸時無吾戀此具礼志零者沾乍毛将行
tama ta suki kake nu toki na si wa ga kwopwi pa sigure si puraba nuretutu mo yuka mu
黄葉乎令落四具礼能零苗爾夜副衣寒一之宿者
momiti ba wo tirasu sigure no puru napeni ywo sape so samu ki pito ri si nureba
天飛也鴈之翅乃覆羽之何處漏香霜之零異牟
ama tobu ya kari no tubasa no opopi ba no iduku morite ka simo no puri kye mu
秋山霜零覆木葉落歳雖行我忘八
aki yama ni simo puri opopi ko no pa tiri tosi pa yuku tomo ware wasure me ya
色付相秋之露霜莫零根妹之手本乎不纒今夜者
iro dukapu aki no tuyu simo na puri so ne imo ga ta moto wo maka nu ko yopi pa
秋芽子乎令落長雨之零比者一起居而戀夜曽大寸
aki pagwi wo tirasu nag ame no puru koro pa pito ri okwi wite kwopuru ywo so opo ki
十月四具礼乃雨降山霧烟寸吾胸誰乎見者将息
kamunadukwi sigure no ame puri yama gwiri no ibuse ki a ga mune ta wo miba yama mu
四具礼零暁月夜紐不解戀君跡居益物
sigure puru aka toki tuku ywo pimo toka zu kwopu ramu kimi to wora masi monowo
雨零者瀧都山川於石觸君之摧情者不持
ame pureba tagitu yama gapa ipa ni pure kimi ga kudaka mu kokoro pa motazi
足曳之山鴨高巻向之木志乃子松二三雪落来
asipiki no yama ka mo taka ki makimuku no kwisi no kwo matu ni mi yuki puri kuru
足引山道不知白戕杙枝母等乎々爾雪落者
asipiki no yama di mo sira zu sira kasi no yeda mo towowo ni yuki no pur ereba
足引山道不知白戕杙枝毛多和々々雪落者
asipiki no yama di mo sira zu sira kasi no yeda mo tawatawa yuki no pur ereba
殊落者袖副沾而可通将落雪之空爾消二管
koto puraba swode sape nurete toporu be ku puri na mu yuki no swora ni ke nitutu
夜乎寒三朝戸乎開出見者庭毛薄太良爾三雪落有
ywo wo samu mi asa two wo piraki ide mireba nipa mo padara ni mi yuki puri tari
夜乎寒三朝戸乎開出見者庭裳保杼呂爾雪曽零而有
ywo wo samu mi asa two wo piraki ide mireba nipa mo podoro ni yuki so puri taru
暮去者衣袖寒之高松之山木毎雪曽零有
yupu sareba koromo de samu si takamatu no yama no kwi gotoni yuki so puri taru
吾袖爾零鶴雪毛流去而妹之手本伊行觸粳
wa ga swode ni puri turu yuki mo nagare yukite imo ga ta moto ni i yuki pure nu ka
沫雪者今日者莫零白妙之袖纒将干人毛不有君
awa yuki pa kyepu pa na puri so sirwo tape no swode maki posa mu pito mo ara na ku ni
甚多毛不零雪故言多毛天三空者陰相管
panapa da mo pura nu yuki yuwe kot ita ku mo ama tu mi swora pa kumorapi tutu
吾背子乎且今々々出見者沫雪零有庭毛保杼呂爾
wa ga sekwo wo ima ka ima ka to ide mireba awa yuki pur eri nipa mo podoro ni
足引山爾白者我屋戸爾昨日暮零之雪疑意
asipiki no yama ni sirwo ki pa wa ga yadwo ni kinopu no yupu pye puri si yuki kamo
零雪虚空可消雖戀相依無月經在
puru yuki no swora ni ke nu be ku kwopuredomo apu yosi na si ni tukwi so pe ni kyeru
阿和雪千重零敷戀為来食永我見偲
awa yuki pa ti pye ni puri sikye kwopwi si kyeku ke naga ki ware pa mitutu sinwopa mu
甚毛夜深勿行道邊之湯小竹之於爾霜降夜焉
panapada mo ywo pukete na yuki miti no bye no yu sasa no upe ni simo no puru ywo wo
小竹葉爾薄太礼零覆消名羽鴨将忘云者益所念
sasa no pa ni padare puri opopi ke naba ka mo wasure mu to ipeba masite omopoyu
霰落板敢風吹寒夜也旗野爾今夜吾獨寐牟
arare puri ita ku kaze puki samu ki ywo ya patanwo ni ko yopi wa ga pito ri ne mu
吉名張乃野木爾零覆白雪乃市白霜将戀吾鴨
yonabari no nwo gwi ni puri opopu sira yuki no itisirwo ku si mo kwopwi mu ware kamo
一眼見之人爾戀良久天霧之零来雪之可消所念
pito me mi si pito ni kwopu raku ama gwira si puri kuru yuki no ke nu be ku omopoyu
如夢君乎相見而天霧之落来雪之可消所念
ime no goto kimi wo api mite ama gwira si puri kuru yuki no ke nu be ku omopoyu
吾背子之言愛美出去者裳引将知雪勿零
wa ga sekwo ga koto utukusi mi idete yukaba mo biki siru kye mu yuki na puri sone
梅花其跡毛不所見零雪之市白兼名間使遣者
ume no pana sore to mo mi ye zu puru yuki no itisirwo kye mu na ma dukapi yaraba
梅花其跡毛不所見零雪爾間使遣者其将知奈
ume no pana sore to mo mi ye zu puru yuki ni ma dukapi yaraba sore to sira mu na
天霧相零来雪之消友於君合常流經度
ama gwirapi puri kuru yuki no kiye nu tomo kimi ni apa mu to nagara pe wataru
海小船泊瀬乃山爾落雪之消長戀師君之音曽為流
ama wo bune patuse no yama ni puru yuki no ke naga ku kwopwi si kimi ga oto so su ru
和射美能嶺徃過而零雪乃猒毛無跡白其兒爾
wazami no mine yuki sugwite puru yuki no itopi mo na si to mawose so no kwo ni
烏玉黒髪山山草小雨零敷益々所思
nubatama no kurwokami yama no yama suge ni kwo same puri siki sikusiku omopoyu
大野小雨被敷木本時依來我念人
opo nwo ra ni kwo same puri siku ko no moto ni toki to yori kone wa ga omopu pito
雷神小動刺雲雨零耶君將留
naru kamwi no sukwosi toyomite sasi kumori ame mo pura nu ka kimi wo todome mu
雷神小動雖不零吾將留妹留者
naru kamwi no sukwosi toyomite pura zu tomo ware pa todomara mu imo si todomeba
吾背子之使乎待跡笠毛不著出乍其見之雨落久爾
wa ga sekwo ga tukapi wo matu to kasa mo ki zu idetutu so mi si ame no pura ku ni
辛衣君爾内着欲見戀其晩師之雨零日乎
kara koromo kimi ni uti kise mi maku pori kwopwi so kura si si ame no puru pi wo
彼方之赤土少屋爾w霂零床共所沾於身副我妹
woti kata no pani pu no wo ya ni kwo same puri toko sape nure nu mwi ni swopye wa g imo
妹門去過不勝都久方乃雨毛零奴可其乎因將爲
imo ga kadwo yuki sugwi kane tu pisakata no ame mo pura nu ka so wo yosi ni se mu
霰零遠津大浦爾縁浪縦毛依十万憎不有君
arare puri topo tu opo ura ni yosuru nami yosi mo yosu tomo niku kara na ku ni
幾多毛不零雨故吾背子之三名乃幾許瀧毛動響二
ikubaku mo pura nu ame yuwe wa ga sekwo ga mi na no kokodaku taki mo todoro ni
登能雲入雨零川之左射礼浪間無毛君者所念鴨
tono gumori ame puru kapa no sazare nami ma na ku mo kimi pa omopoyuru kamo
君之當見乍母将居伊駒山雲莫蒙雨者雖零
kimi ga atari mitutu mo wora mu i kwoma yama kumo na tanabiki ame pa puru tomo
左佐浪之波越安蹔仁落小雨間文置而吾不念國
sasa nami no nami kwosu aza ni puru kwo same apida mo okite wa ga omopa na ku ni
吾勢子之使乎待跡笠不著出乍曽見之雨零爾
wa ga se kwo ga tukapi wo matu to kasa mo ki zu idetutu so mi si ame no puraku ni
雨毛零夜毛更深利今更君将行哉紐解設名
ame mo puri ywo mo puke ni kye ri imasara ni kimi yuka me ya mo pimo toki make na
久堅乃雨零日乎我門爾蓑笠不蒙而来有人哉誰
pisakata no ame no puru pi wo wa ga kadwo ni mino kasa ki zute k yeru pito ya tare
纒向之病足乃山爾雲居乍雨者雖零所沾乍焉来
makimuku no anasi no yama ni kumo witutu ame pa puredomo nuretutu so ko si
三雪零越乃大山行過而何日可我里乎将見
mi yuki puru kwosi no opo yama yuki sugwite idure no pi ni ka wa ga satwo wo mi mu
十月雨間毛不置零爾西者誰里之宿可借益
kamunadukwi ama ma mo oka zu puri ni se ba idure no satwo no yadwo ka kara masi
霹靂之日香天之九月乃鍾礼乃落者鴈音文未來鳴甘南備乃清三田屋乃垣津田乃池之堤之百不足五十槻枝丹水枝指秋赤葉眞割持小鈴文由良爾手弱女爾吾者有友引攀而峯文十遠仁捄手折吾者持而徃公之頭刺荷
kamutoke si kumor eru swora no nagatukwi no sigure no pureba kari ga ne mo imada ki naka nu kamunabwi no kiywo ki mi ta ya no kaki tu ta no ike no tutumi no momo tara zu i tukwi no yeda ni midu ye sasu aki no momiti ba maki mot eru wo suzu mo yura ni tawayamye ni ware pa are domo piki yodite suwe mo towowo ni pusa ta wori a pa motite yuku kimi ga kazasi ni
三諸之神奈備山従登能陰雨者落來奴雨霧相風左倍吹奴大口乃眞神之原従思管還爾之人家爾到伎也
mimoro no kamunabwi yama yu tono gumori ame pa puri ki nu ama gwirapi kaze sape puki nu opo kuti no makamwi no para yu omopi tutu kapyeri ni si pito ipye ni itari ki ya
妾背兒者雖待來不益天原振左氣見者黒玉之夜毛深去來左夜深而荒風乃吹者立待留吾袖爾零雪者凍渡奴今更公來座哉左奈葛後毛相得名草武類心乎持而二袖持床打拂卯管庭君爾波不相夢谷相跡所見社天之足夜乎
wa ga sekwo pa matedo ki masa zu ama no para purisake mireba nubatama no ywo mo puke ni kyeri sa ywo pukete arasi no pukeba tati mat e ru wa ga koromo de ni puru yuki pa kopori watari nu imasara ni kimi ki masa me ya sana kadura noti mo apa mu to nagusamuru kokoro wo motite ma swode moti toko uti parapi ututu ni pa kimi ni pa apa zu ime ni dani apu to mi ye koso ama no tari ywo wo
吾背子者待跡不來鴈音文動而寒烏玉乃宵文深去來左夜深跡阿下乃吹者立待爾吾衣袖爾置霜文氷丹左叡渡落雪母凍渡奴今更君來目八左奈葛後文将會常大舟乃思憑迹現庭君者不相夢谷相所見欲天之足夜爾
wa ga sekwo pa matedo ki masa zu kari ga ne mo toyomite samu si nubatama no ywo mo puke ni kyeri sa ywo puku to a ra si no pukeba tati matu ni wa ga koromo de ni oku simo mo pi ni saye watari puru yuki mo kopori watari nu imasara ni kimi ki masa me ya sana kadura noti mo apa mu to opo bune no omopi tanome do ututu ni pa kimi ni pa apa zu ime ni dani apu to mi ye koso ame no tari ywo ni
三吉野之御金高爾間無序雨者落云不時曽雪者落云其雨無間如彼雪不時如間不落吾者曽戀妹之正香爾
mi yosinwo no mikane no take ni ma na ku zo ame pa puru to ipu tokiziku so yuki pa puru to ipu so no ame no ma na ki ga goto so no yuki no tokizi ki ga goto ma mo oti zu ware pa so kwopuru imo ga tadaka ni
三雪落吉野之高二居雲之外丹見子爾戀度可聞
mi yuki puru yosinwo no take ni wiru kumo no yoso ni mi si kwo ni kwopwi wataru kamo
隠口乃泊瀬乃國爾左結婚丹吾來者棚雲利雪者零來左雲理雨者落來野鳥雉動家鳥可鶏毛鳴左夜者明此夜者昶奴入而且将眠此戸開爲
komori ku no patuse no kuni ni sa ywobapi ni wa ga kureba tana kumo ri yuki pa puri ku sa gumo ri ame pa puri ku nwo tu tori kigisi pa toyomu ipye tu tori kakye mo naku sa ywo pa ake ko no ywo pa ake nu irite katu ne mu ko no two piraka se
挂纒毛文恐藤原王都志弥美爾人下満雖有君下大座常徃向年緒長仕來君之御門乎如天仰而見乍雖畏思憑而何時可聞日足座而十五月之多田波思家武登吾思皇子命者春避者殖槻於之遠人待之下道湯登之而國見所遊九月之四具礼乃秋者大殿之砌志美弥爾露負而靡芽乎珠手次懸而所偲三雪零冬朝者刺楊根張梓矣御手二所取賜而所遊我王矣烟立春日暮喚犬追馬鏡雖見不飽者万歳如是霜欲得常大船之憑有時爾妖言目鴨迷大殿矣振放見者白細布餝奉而内日刺宮舎人方雪穂麻衣服者夢鴨現前鴨跡雲入夜之迷間朝裳吉城於道従角障經石村乎見乍神葬々奉者徃道之田付叨不知雖思印乎無見雖歎奥香乎無見御袖徃觸之松矣言不問木雖在荒玉之立月毎天原振放見管珠手次懸而思名雖恐有
kake maku mo aya ni kasikwo si pudipara no miyakwo simimi ni pito pa si mo mitite aredomo kimi pa si mo opo ku imase do yuki mukapu tosi no wo naga ku tukape ko si kimi no mikadwo wo ame no goto apugite mitutu kasikwo kyedo omopi tanomite itu si ka mo pitara si masite moti dukwi no tatapasi kye mu to wa ga omopu mi kwo no mikoto pa paru sareba uwe tukwi ga upe no topo tu pito matu no sita di yu nobora site kuni mi aswobasi nagatukwi no sigure no aki pa opo tono no migiri simimi ni tuyu opite nabik yeru pagwi wo tama ta suki kakete sinwopa si mi yuki puru puyu no asita pa sasi yanagwi ne pari adusa wo opomi te ni tora si tamapite aswobasi si wa ga opo kimi wo kasumi tatu paru no pi gurasi maswo kagami miredo aka neba yorodu yo ni kaku si moga mo to opo bune no tanom yeru toki ni oyodure ni me ka mo matwop yeru opo tono wo purisake mireba sirwo tape ni kazari maturite utipi sasu miya no toneri mo tape no po no asa ginu k yereba ime kamo ututu kamo to kumori ywo no matwop yeru potwo ni asamoyosi kwinope no miti yu tunwosapapu ipare wo mitutu kamu paburi paburi matureba yuku miti no taduki wo sira ni omopedomo sirusi wo na mi nagekedomo oku ka wo na mi opomi swode yuki pure si matu wo koto twopa nu kwi ni pa aredomo ara tama no tatu tukwi goto ni ama no para purisake mi tutu tama ta suki kakete sinwopa na kasikwo karedomo
挂纒毛文恐藤原王都志弥美爾人下満雖有君下大座常徃向年緒長仕來君之御門乎如天仰而見乍雖畏思憑而何時可聞日足座而十五月之多田波思家武登吾思皇子命者春避者殖槻於之遠人待之下道湯登之而國見所遊九月之四具礼乃秋者大殿之砌志美弥爾露負而靡芽乎珠手次懸而所偲三雪零冬朝者刺楊根張梓矣御手二所取賜而所遊我王矣烟立春日暮喚犬追馬鏡雖見不飽者万歳如是霜欲得常大船之憑有時爾妖言目鴨迷大殿矣振放見者白細布餝奉而内日刺宮舎人方雪穂麻衣服者夢鴨現前鴨跡雲入夜之迷間朝裳吉城於道従角障經石村乎見乍神葬々奉者徃道之田付叨不知雖思印乎無見雖歎奥香乎無見御袖徃觸之松矣言不問木雖在荒玉之立月毎天原振放見管珠手次懸而思名雖恐有
kake maku mo aya ni kasikwo si pudipara no miyakwo simimi ni pito pa si mo mitite aredomo kimi pa si mo opo ku imase do yuki mukapu tosi no wo naga ku tukape ko si kimi no mikadwo wo ame no goto apugite mitutu kasikwo kyedo omopi tanomite itu si ka mo pitara si masite moti dukwi no tatapasi kye mu to wa ga omopu mi kwo no mikoto pa paru sareba uwe tukwi ga upe no topo tu pito matu no sita di yu nobora site kuni mi aswobasi nagatukwi no sigure no aki pa opo tono no migiri simimi ni tuyu opite nabik yeru pagwi wo tama ta suki kakete sinwopa si mi yuki puru puyu no asita pa sasi yanagwi ne pari adusa wo opomi te ni tora si tamapite aswobasi si wa ga opo kimi wo kasumi tatu paru no pi kurasi maswo kagami miredo aka neba yorodu yo ni kaku si moga mo to opo bune no tanom yeru toki ni oyodure ni me ka mo matwop yeru opo tono wo purisake mireba sirwo tape ni kazari maturite utipi sasu miya no toneri pa tape no po no asa ginu k yereba ime kamo ututu kamo to kumori ywo no matwop yeru potwo ni asamoyosi kwinope no miti yu tunwosapapu ipare wo mitutu kamu paburi paburi matureba yuku miti no taduki wo sira ni omopedomo sirusi wo na mi nagekedomo oku ka wo na mi opomi swode yuki pure si matu wo koto twopa nu kwi ni pa aredomo ara tama no tatu tukwi goto ni ama no para purisake mi tutu tama ta suki kakete sinwopa na kasikwo karedomo
筑波祢爾由伎可母布良留伊奈乎可母加奈思吉児呂我爾努保佐流可母
tukupa ne ni yuki ka mo pur aru ina wo kamo kanasi ki kwo ro ga ninwo pos aru kamo
阿敞良久波多麻能乎思家也古布良久波布自能多可祢爾布流由伎奈須毛
ap yeraku pa tama no wo sikye ya kwopuraku pa puzi no taka ne ni puru yuki nasu mo
可美都気努伊可抱乃祢呂爾布路与伎能遊吉須宜可提奴伊毛賀伊敞乃安多里
kami tu kenwo ikapo no ne ro ni purwo yoki no yuki sugwi kate nu imo ga ipye no atari
由布左礼婆安之敞爾佐和伎安気久礼婆於伎爾奈都佐布可母須良母都麻等多具比弖和我尾爾波之毛奈布里曾等之路多倍乃波祢左之可倍弖宇知波良比左宿等布毛能乎由久美都能可敞良奴其等久布久可是能美延奴我其登久安刀毛奈吉与能比登爾之弖和可礼爾之伊毛我伎世弖思奈礼其呂母蘇弖加多思吉弖比登里可母祢牟
yupu sareba asi bye ni sawaki ake kureba oki ni nadusapu kamo sura mo tuma to tagupite wa ga wo ni pa simo na puri so to sirwo tape no pane sasi kapete uti parapi sa ne to pu monowo yuku midu no kapyera nu goto ku puku kaze no mi ye nu ga goto ku atwo mo na ki yo no pito nisite wakare ni si imo ga kise te si nare goromo swode kata sikite pito ri ka mo ne mu
烏玉之黒髪所沾而沫雪之零也來座幾許戀者
nubatama no kurwo kami nurete awa yuki no puru ni ya ki masu kokoda kwopureba
暮立之雨打零者春日野之草花之末乃白露於母保遊
yupu dati no ame uti pureba kasuga nwo no wo bana ga ure no sira tuyu omopoyu
久堅之雨毛落奴可蓮荷爾渟在水乃玉似將有見
pisakata no ame mo pura nu ka patisu pa ni tamar eru midu no tama ni ni taru mi mu
紅爾染而之衣雨零而爾保比波雖爲移波米也毛
kurenawi ni sime te si koromo ame purite nipopi pa su tomo uturo pa me ya mo
御苑布能百木乃宇梅乃落花之安米爾登妣安我里雪登敷里家牟
mi sono pu no momo kwi no u me no tiru pana no ame ni tobi agari yuki to puri kye mu
布流由吉乃之路髪麻泥爾大皇爾都可倍麻都礼婆貴久母安流香
puru yuki no sirwo kami madeni opo kimi ni tukape matureba taputwo ku mo aru ka
天下須泥爾於保比低布流雪乃比可里乎見礼婆多敷刀久母安流香
ame no sita sudeni opopite puru yuki no pikari wo mi reba taputwo ku mo aru ka
山乃可比曾許登母見延受乎登都日毛昨日毛今日毛由吉能布礼礼婆
yama no kapi soko to mo mi ye zu woto tu pi mo kinopu mo kyepu mo yuki no pur ereba
新年乃婆自米爾豊乃登之思流須登奈良之雪能敷礼流波
aratasi ki tosi no pazime ni toyo no tosi sirusu to na rasi yuki no pur eru pa
大宮能宇知爾毛刀爾毛比賀流麻泥零流白雪見礼杼安可奴香聞
opo miya no uti ni mo two ni mo pikaru made pur e ru sira yuki mi redo aka nu kamo
庭爾敷流雪波知敞之久思加乃末爾於母比低伎美乎安我麻多奈久爾
nipa ni puru yuki pa ti pye siku sika nomwi ni omopite kimi wo a ga mata naku ni
安麻射可流比奈爾名可加須古思能奈可久奴知許登其等夜麻波之母之自爾安礼登毛加波波之母佐波爾由気等毛須売加未能宇之波伎伊麻須爾比可波能曾能多知夜麻爾等許奈都爾由伎布理之伎弖於婆勢流可多加比河波能伎欲吉瀬爾安佐欲比其等爾多都奇利能於毛比須疑米夜安理我欲比伊夜登之能播仁余増能未母布利佐気見都都余呂豆餘能可多良比具佐等伊末太見奴比等爾母都気牟於登能未毛名能未母伎吉低登母之夫流我祢
ama zakaru pina ni na kaka su kwosi no naka kun uti kotogoto yama pa si mo sizi ni aredomo kapa pa si mo sapa ni yukedomo sumye kamwi no usipaki imasu nipikapa no so no tati yama ni toko natu ni yuki puri sikite oba s eru katakapi kapa no kiywo ki se ni asa ywopi gotoni tatu kwiri no omopi sugwi me ya ari gaywopi iya tosi no pa ni yoso nomwi mo purisake mi tutu yorodu yo no katarapi gusa to imada mi nu pito ni mo tuge mu oto nomwi mo na nomwi mo kikite tomosiburu gane
多知夜麻爾布里於家流由伎乎登己奈都爾見礼等母安可受加武賀良奈良之
tati yama ni puri ok yeru yuki wo toko natu ni mi redomo aka zu kamu kara na rasi
阿佐比左之曾我比爾見由流可無奈我良弥奈爾於婆勢流之良久母能知辺乎於之和気安麻曾曾理多可吉多知夜麻布由奈都登和久許等母奈久之路多倍爾遊吉波布里於吉弖伊爾之辺遊阿理吉仁家礼婆許其志可毛伊波能可牟佐備多末伎波流伊久代経爾家牟多知低為弖見礼登毛安夜之弥祢太可美多爾乎布可美等於知多芸都吉欲伎可敷知爾安佐左良受綺利多知和多利由布佐礼婆久毛為多奈毘吉久毛為奈須己許呂毛之努爾多都奇理能於毛比須具佐受由久美豆乃於等母佐夜気久与呂豆余爾伊比都芸由可牟加波之多要受波
asa pi sasi sogapini mi yuru kamu nagara mi na ni oba s eru sira kumo no ti pye wo osi wake ama sosori taka ki tati yama puyu natu to waku koto mo na ku sirwo tape ni yuki pa puri okite inisipye yu ari ki ni kyereba kogosi ka mo ipa no kamusabwi tamakiparu iku yo pe ni kye mu tatite wite mi redomo ayasi mine daka mi tani wo puka mito oti tagitu kiywo ki kaputi ni asa sara zu kwiri tati watari yupu sareba kumo wi tanabiki kumo wi nasu kokoro mo sinwo ni tatu kwiri no omopi sugusa zu yuku midu no oto mo sayake ku yorodu yo ni ipi tugi yuka mu kapa si taye zupa
多知夜麻爾布理於家流由伎能等許奈都爾気受弖和多流波可無奈我良等曾
tati yama ni puri ok yeru yuki no toko natu ni ke zute wataru pa kamu nagara to so
大王乃等保能美可度曾美雪落越登名爾於敞流安麻射可流比奈爾之安礼婆夜麻高美河登保之呂思野乎比呂美久佐許曾之既吉安由波之流奈都能左加利等之麻都等里鵜養我登母波由久加波乃伎欲吉瀬其等爾可賀里左之奈豆左比能保流露霜乃安伎爾伊多礼婆野毛佐波爾等里須太家里等麻須良乎能登母伊射奈比弖多加波之母安麻多安礼婆矢形尾乃安我大黒爾之良奴里能鈴登里都気弖朝獵爾伊保都登里多弖暮獵爾知登理布美多低於敷其等迩由流須許等奈久手放毛乎知母可夜須伎許礼乎於伎低麻多波安里我多之左奈良敞流多可波奈家牟等情爾波於毛比保許里弖恵麻比都追和多流安比太爾多夫礼多流之許都於吉奈乃許等太爾母吾爾波都気受等乃具母利安米能布流日乎等我理須等名乃未乎能里弖三嶋野乎曾我比爾見都追二上山登妣古要低久母我久理可気理伊爾伎等可敞理伎弖之波夫礼都具礼呼久餘思乃曾許爾奈家礼婆伊敷須敞能多騰伎乎之良爾心爾波火佐倍毛要都追於母比孤悲伊伎豆吉安麻利気太之久毛安布許等安里也等安之比奇能乎低母許乃毛爾等奈美波里母利敞乎須恵低知波夜夫流神社爾低流鏡之都爾等里蘇倍己比能美弖安我麻都等吉爾乎登売良我伊米爾都具良久奈我古敷流曾能保追多加波麻追太要乃波麻由伎具良之都奈之等流比美乃江過弖多古能之麻等妣多毛登保里安之我母乃須太久奮江爾乎等都日毛伎能敷母安里追知加久安良婆伊麻布都可太未等保久安良婆奈奴可乃乎知波須疑米也母伎奈牟和我勢故祢毛許呂爾奈孤悲曾余等曾伊麻爾都気都流
opo kimi no topo no mikadwo so mi yuki puru kwosi to na ni op yeru ama zakaru pina ni si areba yama taka mi kapa toposiro si nwo wo piro mi kusa koso sigye ki ayu pasiru natu no sakari to sima tu tori u kapi ga tomo pa yuku kapa no kiywo ki se gotoni kagari sasi nadusapi noboru tuyu simo no aki ni itareba nwo mo sapa ni tori sudak yeri to masura wo no tomo izanapite taka pa si mo amata aredomo ya kata wo no a ga opo kurwo ni sira nuri no suzu tori tukete asa kari ni i po tu tori tate yupu kari ni ti dori pumi tate opu gotoni yurusu koto na ku ta banare mo woti mo ka yasu ki kore wo okite mata pa ari gata si sa narab yeru taka pa na kye mu to kokoro ni pa omopi pokorite wemapitutu wataru apida ni tabure taru siko tu okina no koto dani mo ware ni pa tuge zu tonogumori ame no puru pi wo to gari su to na nomwi wo norite misima nwo wo sogapini mi tutu putagami no yama tobi kwoyete kumo gakuri kakeri ini ki to kapyeri kite sipabure tugure woku yosi no soko ni na kyereba ipu subye no tadoki wo sira ni kokoro ni pa pwi sape moyetutu omopi kwopwi ikiduki amari kedasiku mo apu koto ari ya to asipikwi no wotemo konomo ni tonami pari mori bye wo suwete tipayaburu kamwi no yasiro ni teru kagami situ ni tori swope kopi nomite a ga matu toki ni wotomye ra ga ime ni tuguraku na ga kwopuru so no potu taka pa matudaye no pama yuki gurasi tunasi toru pimi no ye sugwi te takwo no sima tobi ta motopori asi gamo no sudaku puruye ni woto tu pi mo kinopu mo ari tu tika ku araba ima putu ka damwi topo ku araba nanu ka no woti pa sugwi me ya mo ki na mu wa ga sekwo nemokoro ni na kwopwi so yo to so ima ni tuge turu
売比能野能須須吉於之奈倍布流由伎爾夜度加流家敷之可奈之久於毛倍遊
myepi no nwo no susuki osi nabe puru yuki ni yadwo karu kyepu si kanasi ku omopoyu
美之麻野爾可須美多奈妣伎之可須我爾伎乃敷毛家布毛由伎波敷里都追
misima nwo ni kasumi tanabiki sikasugani kinopu mo kyepu mo yuki pa puritutu
可気麻久母安夜爾加之古思皇神祖乃可見能大御世爾田道間守常世爾和多利夜保許毛知麻為泥許之登吉時支能香久乃菓子乎可之古久母能許之多麻敞礼國毛勢爾於非多知左加延波流左礼婆孫枝毛射都追保登等芸須奈久五月爾波波都波奈乎延太爾多乎理弖乎登女良爾都刀爾母夜里美之路多倍能蘇泥爾毛古伎礼香具播之美於枳弖可良之美安由流実波多麻爾奴伎都追手爾麻吉弖見礼騰毛安加受秋豆気婆之具礼乃雨零阿之比奇能夜麻能許奴礼波久礼奈為爾仁保比知礼止毛多知波奈乃成流其実者比太照爾射夜見我保之久美由気布流冬爾伊多礼婆霜於気騰母其葉毛可礼受常磐奈須伊夜佐加波延爾之可礼許曾神乃御代欲理与呂之奈倍此橘乎等伎自久能可久能木実等名附家良之母
kake maku mo ayani kasikwo si sumyeroki no kami no opomi yo ni tadimamori toko yo ni watari ya poko moti mawi de ko si toki tokizi ku no kaku no ko no mwi wo kasikwo ku mo nokosi tamap yere kuni mo se ni opwi tati sakaye paru sareba pikwo ye moitutu pototogisu naku satukwi ni pa patu pana wo yeda ni ta worite woto mye ra ni tutwo ni mo yari mi sirwo tape no swode ni mo kwok ire ka gupasi mi okite karasi mi ayuru mwi pa tama ni nukitutu te ni makite mi redomo aka zu aki dukeba sigure no ame puri asipikwi no yama no konure pa kurenawi ni nipopi tiredomo tatibana no nar e ru so no mwi pa pita teri ni iya mi gaposi ku mi yuki puru puyu ni itareba simo okedomo so no pa mo kare zu tokipa nasu iya sakabaye ni sikare koso kamwi no mi yo ywori yorosinape ko no tatibana wo tokiziku no kaku no ko no mwi to na duke kye rasi mo
於保支見能等保能美可等等末支太末不官乃末爾末美由支布流古之爾久多利来安良多末能等之乃五年之吉多倍乃手枕末可受比毛等可須末呂宿乎須礼波移夫勢美等情奈具左爾奈泥之故乎屋戸爾末枳於保之夏能能佐由利比伎宇恵天開花乎移弖見流其等爾那泥之古我曾乃波奈豆末爾左由理花由利母安波無等奈具佐無流許己呂之奈久波安末射可流比奈爾一日毛安流部久母安礼也
opo kimi no topo no mikado to maki tamapu tukasa no manima mi yuki puru kwosi ni kudari ki ara tama no tosi no itu tose siki tape no ta makura maka zu pimo toka zu maro ne wo sureba ibuse mito kokoro nagusa ni nadesikwo wo yadwo ni maki oposi natu no nwo no sa yuri piki uwete saku pana wo ide mi ru gotoni nadesikwo ga so no pana duma ni sa yuri bana yuri mo apa mu to nagusamuru kokoro si na kupa ama zakaru pina ni pito pi mo aru be ku mo are ya
須賣呂伎能之伎麻須久爾能安米能之多四方能美知爾波宇麻乃都米伊都久須伎波美布奈乃倍能伊波都流麻泥爾伊爾之敞欲伊麻乃乎都頭爾万調麻都流都可佐等都久里多流曾能奈里波比乎安米布良受日能可左奈礼婆宇恵之田毛麻吉之波多気毛安佐其登爾之保美可礼由苦曾乎見礼婆許己呂乎伊多美弥騰里児能知許布我其登久安麻都美豆安布芸弖曾麻都安之比奇能夜麻能多乎理爾許能見油流安麻能之良久母和多都美能於枳都美夜敞爾多知和多里等能具毛利安比弖安米母多麻波祢
sumyeroki no siki masu kuni no ame no sita yomo no miti ni pa uma no tume i tukusu kipami puna no pe no i paturu madeni inisipye ywo ima no wotutu ni yorodu tukwi maturu tukasa to tukuri taru so no naripapi wo ame pura zu pi no kasanareba uwe si ta mo maki si patake mo asa gotoni sibomi kare yuku so wo mi reba kokoro wo ita mi midori kwo no ti kopu ga goto ku ama tu midu apugite zo matu asipikwi no yama no tawori ni ko no mi yuru ama no sira kumo watatumi no oki tu miya pye ni tati watari tonogumori apite ame mo tamapane
許能美由流久毛保妣許里弖等能具毛理安米毛布良奴可己許呂太良比爾
ko no mi yuru kumo pobikorite tonogumori ame mo pura nu ka kokoro darapi ni
和我保里之安米波布里伎奴可久之安良波許登安気世受杼母登思波佐可延牟
wa ga pori si ame pa puri ki nu kaku si araba koto age se zu tomo tosi pa sakaye mu
許能之具礼伊多久奈布里曽和藝毛故爾美勢牟我多米爾母美知等里氐牟
ko no sigure ita ku na puri so wagimo kwo ni mise mu ga tame ni momiti tori te mu
大殿之此廻之雪莫踏祢數毛不零雪曽山耳爾零之雪曽由米縁勿人哉莫履祢雪者
opo tono no ko no motopori no yuki na pumi so ne sibasiba mo pura nu yuki zo yama nomwi ni puri si yuki zo yume yoru na pito ya na pumi so ne yuki pa
落雪乎腰爾奈都美弖参來之印毛有香年之初爾
puru yuki wo kosi ni nadumite mawiri ko si sirusi mo aru ka tosi no pazime ni
打羽振鷄者鳴等母如此許零敷雪爾君伊麻左米也母
uti pa buki tori pa naku tomo kaku bakari puri siku yuki ni kimi imasa me ya mo
鳴鷄者弥及鳴杼落雪之千重爾積許曽吾等立可氐祢
naku tori pa iya siki nake do puru yuki no ti pye ni tume koso ware tati kate ne
白雪能布里之久山乎越由加牟君乎曽母等奈伊吉能乎爾念
sira yuki no puri siku yama wo kwoye yuka mu kimi wo so motona iki no wo ni omopu
大宮能内爾毛外爾母米都良之久布礼留大雪莫踏祢乎之
opo miya no uti ni mo two ni mo medurasi ku pur eru opo yuki na pumi so ne wosi
御苑布能竹林爾鴬波之波奈吉爾之乎雪波布利都都
mi sono pu no take no payasi ni ugupisu pa siba naki ni si wo yuki pa puritutu
河渚爾母雪波布礼礼之宮裏智杼利鳴良之為牟等己呂奈美
kapa su ni mo yuki pa pur ere si miya no uti ni tidori naku rasi wi mu tokoro na mi
阿良例布理可志麻能可美乎伊能利都都須米良美久佐爾和例波伎爾之乎
arare puri kasima no kami wo inoritutu sumera mi kusa ni ware pa ki ni si wo
麻都我延乃都知爾都久麻泥布流由伎乎美受弖也伊毛我許母里乎流良牟
matu ga ye no tuti ni tuku made puru yuki wo mi zute ya imo ga komori woru ramu
和我勢故我夜度乃奈弖之故比奈良倍弖安米波布礼杼母伊呂毛可波良受
wa ga sekwo ga yadwo no nadesikwo pi narabete ame pa puredomo iro mo kapara zu
比佐可多能安米波布里之久奈弖之故我伊夜波都波奈爾故非之伎和我勢
pisakata no ame pa puri siku nadesikwo ga iya patu pana ni kwopwisi ki wa ga se
高山乃伊波保爾於布流須我乃根能祢母許呂其呂爾布里於久白雲
taka yama no ipapo ni opuru suga no ne no nemokorogoro ni puri oku sira yuki
波都由伎波知敞爾布里之家故非之久能於保加流和礼波美都都之努波牟
patu yuki pa ti pye ni puri sikye kwopwisi ku no opo karu ware pa mitutu sinwopa mu
三雪布流布由波祁布能未鴬乃奈加牟春敞波安須爾之安流良之
mi yuki puru puyu pa kyepu nomwi ugupisu no naka mu paru pye pa asu ni si aru rasi
新年乃始乃波都波流能家布敷流由伎能伊夜之家余其騰
atarasi ki tosi no pazime no patu paru no kyepu puru yuki no iya sikye yo goto
宇都久志伎乎米乃佐佐波爾阿羅礼布理志毛布留等毛奈加礼曾禰袁米乃佐佐波
utukusi ki wome no sasapa ni arare puri simo puru tomo na kare sone wome no sasaba
阿羅礼布楼耆資麼加多皚塢嵯峨紫弥苫区縒刀理我泥底伊母我堤塢刀楼
arare puru kisima ga take wo sagasi mito kusa twori kanete imo ga te wo tworu
National Institute for Japanese Language and Linguistics (2021) “Oxford-NINJAL Corpus of Old Japanese” https://oncoj.ninjal.ac.jp/ (accessed 15 August 2026)
fd34a1b284c5dd1e8008df9d3abcb28cfaf464bf