MYS.1.29a
玉手次畝火之山乃橿原乃日知之御世従阿礼座師神之盡樛木乃弥継嗣爾天下所知食之乎天爾満倭乎置而青丹吉平山乎超何方御念食可天離夷者雖有石走淡海國乃樂浪乃大津宮爾天下所知食兼天皇之神之御言能大宮者此間等雖聞大殿者此間等雖云春草之茂生有霞立春日之霧流百礒城之大宮處見者悲毛
tama ta suki unebwi no yama no kasipara no piziri no mi yo yu are masi si kamwi no kotogoto tuga no kwi no iya tugitugi ni ame no sita sira si myesi si wo swora ni mitu yamato wo okite awo ni yo si nara yama wo kwoye ika sama ni omoposi myese ka ama zakaru pina ni pa aredo ipa basiru apumi no kuni no sasanami no opotu no miya ni ame no sita sira si myesi kye mu sumyeroki no kamwi no mikoto no opo miya pa koko to kikedomo opo tono pa koko to ipedomo paru kusa no sige ku opwi taru kasumi tati paru pi no kwir e ru momo sikwi no opo miya tokoro mireba kanasi mo
MYS.1.32
古人爾和礼有哉樂浪乃故京乎見者悲寸
inisipye no pito ni ware are ya sasanami no puru ki miyakwo wo mireba kanasi ki
MYS.1.33
樂浪乃國都美神乃浦佐備而荒有京見者悲毛
sasanami no kuni tu mi kamwi no urasabwite are taru miyakwo mireba kanasi mo
MYS.2.183
吾御門千代常登婆爾将榮等念而有之吾志悲毛
wa ga mikadwo ti yo toko toba ni sakaye mu to omopite ari si ware si kanasi mo
MYS.2.189
旦日照嶋乃御門爾欝悒人音毛不為者真浦悲毛
asa pi teru sima no mikadwo ni opoposi ku pito oto mo se neba ma ura ganasi mo
真浦悲毛 ganasi
句4 訓字書き 訓字 複合語l080391
MYS.2.196a
飛鳥明日香乃河之上瀬石橋渡下瀬打橋渡石橋生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴然有鴨綾爾憐宿兄鳥之片戀嬬朝鳥徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa pasi watasi simo tu se ni uti pasi watasu ipa pasi ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu sikare ka mo ayani kanasi mi nuye dori no kata kwopwi duma asa tori no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
MYS.2.196b
飛鳥明日香乃河之上瀬石浪渡下瀬打橋渡石浪生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴所己乎之毛綾爾憐宿兄鳥之片戀為乍朝霧徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa nami watasi simo tu se ni uti pasi watasu ipa nami ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu soko wo si mo ayani kanasi mi nuye dori no kata kwopwi situtu asa gwiri no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
MYS.3.434b
加座皤夜能美保乃浦廻之白管仕見者悲霜無人思丹
kazapaya no mipo no ura mwi no sira tutuzi mireba kana si mo na ki pito omopu ni
見者悲霜 kana si
句3 交ぜ書き 訓字仮名
MYS.3.450a
去左爾波二吾見之此埼乎獨過者情悲喪
yuku sa ni pa puta ri wa ga mi si ko no saki wo pito ri sugureba kokoro kanasi mo
MYS.3.459
見礼杼不飽伊座之君我黄葉乃移伊去者悲喪有香
mi redo aka zu i masi si kimi ga momiti ba no uturi i yukeba kanasi ku mo aru ka
MYS.3.478
挂巻毛文爾恐之吾王皇子之命物乃負能八十伴男乎召集聚率比賜比朝猟爾鹿猪踐起暮猟爾鶉雉履立大御馬之口抑駐御心乎見為明米之活道山木立之繁爾咲花毛移爾家里世間者如此耳奈良之大夫之心振起劔刀腰爾取佩梓弓靭取負而天地与弥遠長爾万代爾如此毛欲得跡憑有之皇子乃御門乃五月蝿成驟驂舎人者白栲爾服取著而常有之咲比振麻比弥日異更經見者悲呂可聞
kake maku mo ayani kasikwo si wa go opo kimi mi kwo no mikoto no mononopu no ya swo tomo no wo wo myesi tudwope adomo pi tama pi asa gari ni sisi pumi okosi yupu gari ni tori pumi tate opomi ma no kuti osape tate mi kokoro wo myesi akira me si ikudi yama ko dati no sizi ni saku pana mo uturopi ni kyeri yo no naka pa kaku nomwi na rasi masura wo no kokoro puri okosi turugi tati kosi ni tori paki adusa yumi yuki tori opite ame tuti to iya topo naga ni yorodu yo ni kaku si mo ga mo to tanom yeri si mi kwo no mikadwo no sa bape nasu sawaku toneri pa sirwo tape ni koromo tori kite tune nari si wema pi puru mapi iya pi kyeni kaparapu mireba kanasi ki rokamo
MYS.4.532
打日指宮爾行兒乎真悲見留者苦聴去者為便無
utipi sasu miya ni yuku kwo wo ma ganasi mi tomureba kurusi yareba subye na si
真悲見 ganasi
句2 訓字書き 訓字 複合語l007105
MYS.4.556
筑紫船未毛不来者豫荒振公乎見之悲左
tukusi bune imada mo ko neba arakazime araburu kimi wo miru ga kanasi sa
MYS.5.793
余能奈可波牟奈之伎母乃等志流等伎子伊与余麻須万須加奈之可利家理
yo no naka pa munasi ki mono to siru toki si iyoyo masumasu kanasi kari kyeri
加奈之可利家理 kanasi
句4 仮名書き 仮名
MYS.5.890b
出弖由伎斯日乎可俗閇都都家布家布等阿袁麻多周良武波波我迦奈斯佐
ide te yuki si pi wo kazwopetutu kyepu kyepu to a wo mata su ramu papa ga kanasi sa
波波我迦奈斯佐 kanasi
句4 仮名書き 仮名
MYS.6.982
烏玉乃夜霧立而不清照有月夜乃見者悲沙
nubatama no ywo gwiri no tatite opoposi ku ter eru tuku ywo no mireba kanasi sa
MYS.7.1130
神左振磐根己凝敷三芳野之水分山乎見者悲毛
kamu saburu ipane kogosi ki mi yosinwo no mikumari yama wo mireba kanasi mo
MYS.7.1184
鳥自物海二浮居而奥浪驂乎聞者數悲哭
tori zimono umi ni uki wite oki tu nami sawaku wo kikeba amata kanasi mo
MYS.7.1238
竹嶋乃阿戸白波者動友吾家思五百入鉇染
takasima no a two sira nami pa sawaku tomo ware pa ipye omopu ipori kanasi mi
MYS.7.1259
佐伯山于花以之哀我手鴛取而者花散鞆
sapeki yama u no pana mot eru kanasi ki ga te wo si tori teba pana pa tiru tomo
MYS.7.1285
春日尚田立羸公哀若草孋無公田立羸
paru pi sura ta ni tati tukaru kimi pa kanasi mo waka kusa no tuma na ki kimi si ta ni tati tukaru
MYS.7.1369
天雲近光而響神之見者恐不見者悲毛
ama kumo ni tika ku pikarite naru kamwi no mireba kasikwo si mi neba kanasi mo
MYS.8.1442
難波邊爾人之行礼波後居而春菜採兒乎見之悲也
nanipa pye ni pito no yuk ye reba okure wite waka na tumu kwo wo miru ga kanasi sa
MYS.8.1507
伊加登伊可等有吾屋前爾百枝刺於布流橘玉爾貫五月乎近美安要奴我爾花咲爾家里朝爾食爾出見毎氣緒爾吾念妹爾銅鏡清月夜爾直一眼令覩麻而爾波落許須奈由米登云管幾許吾守物乎宇礼多伎也志許霍公鳥暁之裏悲爾雖追雖追尚来鳴而徒地爾令散者為便乎奈美攀而手折都見末世吾妹兒
ika to ika to aru wa ga yadwo ni momo ye sasi opuru tatibana tama ni nuku satukwi wo tika mi aye nu gani pana saki ni kyeri asa ni ke ni ide miru goto ni iki no wo ni wa ga omopu imo ni maswo kagami kiywo ki tuku ywo ni tada pito me misuru madeni pa tiri kosu na yume to ipi tutu kokodaku mo wa ga moru mono wo ureta ki ya siko pototogisu aka toki no ura ganasi ki ni opedo opedo napo si ki nakite itadura ni tuti ni tiraseba subye wo na mi yodite ta wori tu mi mase wagimo kwo
裏悲爾 ganasi
句23 訓字書き 訓字 複合語l080391
MYS.8.1612
神佐夫等不許者不有秋草乃結之紐乎解者悲哭
kamu sabu to inabu ni pa ara ne aki kusa no musubi si pimo wo toku pa kanasi mo
MYS.9.1690
高嶋之阿渡川波者驟鞆吾者家思宿加奈之弥
takasima no adwo kapa nami pa sawaku tomo ware pa ipye omopu yadori kanasi mi
MYS.9.1743
大橋之頭爾家有者心悲久獨去兒爾屋戸借申尾
opo pasi no tume ni ipye araba ma kanasi ku pito ri yuku kwo ni yadwo kasa masi wo
心悲久 kanasi
句2 訓字書き 訓字 複合語l007105
MYS.9.1796
黄葉之過去子等携遊礒麻見者悲裳
momiti ba no sugwi ni si kwo ra to tadusapari aswobi si iswo wo mireba kanasi mo
MYS.9.1801
古之益荒丁子各競妻問爲祁牟葦屋乃菟名日處女乃奥城矣吾立見者永世乃語爾爲乍後人偲爾世武等玉桙乃道邊近磐構作冢矣天雲乃退部乃限此道矣去人毎行因射立嘆日或人者啼爾毛哭乍語嗣偲繼夾處女等賀奥城所吾幷見者悲喪古思者
inisipye no masura wotokwo no api kipopi tuma dopi si kye mu asiya no unapi wotomye no oku tu kwi wo wa ga tati mireba naga ki yo no katari ni situtu noti pito no sinwopi ni se mu to tama poko no miti no pye tika ku ipa kamape tukur eru tuka wo ama kumo no sokupye no kagiri ko no miti wo yuku pito goto ni yuki yorite i tati nageka pi aru pito pa ne ni mo nakitutu katari tugi sinwopi tugi ko si wotomye ra ga oku tu kwi dokoro ware sape ni mireba kanasi mo inisipye omopeba
MYS.10.2089
乾坤之初時従天漢射向居而一年丹兩遍不遭妻戀爾物念人天漢安乃川原乃有通出々乃渡丹具穂船乃艫丹裳舳丹裳船装真梶繁抜旗芒本葉裳具世丹秋風乃吹来夕丹天河白浪凌落沸速湍渉稚草乃妻手枕迹大舟乃思憑而滂来等六其夫乃子我荒珠乃年緒長思来之戀将盡七月七日之夕者吾毛悲焉
ame tuti no pazime no toki yu ama no gapa i mukapi worite pito tose ni puta tabi apa nu tuma gwopwi ni mono omopu pito ama no gapa yasu no kapara no ari gaywopu ide no watari ni sopo bune no tomo ni mo pe ni mo puna yosopi ma kadi sizi nuki pata susuki moto pa mo soyo ni aki kaze no puki kuru yopi ni ama no gapa sira nami sinwogi oti tagitu paya se watarite waka kusa no tuma ga te maku to opo bune no omopi tanomite kogi ku ramu so no tuma no kwo ga ara tama no tosi no wo naga ku omopi ko si kwopwi wo tukusa mu pumi tukwi no nanu ka no yopi pa ware mo kanasi mo
MYS.10.2137
朝爾徃鴈之鳴音者如吾物念可毛聲之悲
tutwo ni yuku kari no naku ne pa wa ga goto ku mono omope ka mo kowe no kanasi ki
MYS.11.2360
人祖未通女兒居守山邊柄朝々通公不來哀
pito no oya no wotomye kwo suwete moru yama pye kara asanasana kaywopi si kimi ga ko neba kanasi mo
MYS.12.2967
年之經者見管偲登妹之言思衣乃縫目見者哀裳
tosi no peba mi tutu sinwopye to imo ga ipi si koromo no nupi me mireba kanasi mo
MYS.12.3095
朝烏早勿鳴吾背子之旦開之容儀見者悲毛
asa garasu paya ku na naki so wa ga sekwo ga asake no sugata mireba kanasi mo
MYS.12.3115
氣緒爾言氣築之妹尚乎人妻有跡聞者悲毛
iki no wo ni wa ga ikiduki si imo sura wo pito duma nari to kikeba kanasi mo
MYS.12.3141
草枕客之悲有苗爾妹乎相見而後将戀可聞
kusa makura tabi no kanasi ku aru napeni imo wo api mite noti kwopwi mu kamo
MYS.13.3336
鳥音之所聞海爾高山麻障所爲而奥藻麻枕所爲蛾葉之衣谷不服爾不知魚取海之濱邊爾浦裳無所宿有人者母父爾眞名子爾可有六若荨之妻香有異六思布言傳八跡家問者家乎母不告名問跡名谷母不告哭兒如言谷不語思鞆悲物者世間有世間有
tori ga ne no kikoyuru umi ni taka yama wo pyedati ni nasite oki tu mo wo makura ni nasi pimusi pa no kinu dani ki zu ni isana tori umi no pama pye ni ura mo na ku tomar eru pito pa omo titi ni mana gwo ni ka ara mu waka kusa no tuma ka ari kye mu omopo si ki koto tute mu ya to ipye twopeba ipye wo mo nora zu na wo twope do na dani mo nora zu naku kwo nasu koto dani twopa zu omope domo kanasi ki mono pa yo no naka ni ari yo no naka ni ari
MYS.13.3337
母父毛妻毛子等毛高々二來跡待異六人之悲紗
omo titi mo tuma mo kwo domo mo takataka ni ko mu to mati kye mu pito no kanasi sa
MYS.13.3340
母父裳妻裳子等裳高々丹來将跡待人乃悲
omo titi mo tuma mo kwo domo mo takataka ni ko mu to matu ramu pito no kanasi sa
MYS.13.3342
細潭偃爲公矣今日々々跡将來跡将待妻之可奈思母
oki tu mo ni koyas eru kimi wo kyepu kyepu to ko mu to matu ramu tuma si kanasi mo
MYS.14.3351
筑波祢爾由伎可母布良留伊奈乎可母加奈思吉児呂我爾努保佐流可母
tukupa ne ni yuki ka mo pur aru ina wo kamo kanasi ki kwo ro ga ninwo pos aru kamo
加奈思吉児呂我 kanasi
句3 仮名書き 仮名
MYS.14.3358b
麻可奈思美奴良久波思家良久佐奈良久波伊豆能多可祢能奈流佐波奈須与
ma kanasi mi nuraku pa si kyeraku sa naraku pa idu no taka ne no naru sapa nasu yo
麻可奈思美 kanasi
句0 仮名書き 仮名 複合語l007105
MYS.14.3366
麻可奈思美佐祢爾和波由久可麻久良能美奈能瀬河伯爾思保美都奈武賀
ma kanasi mi sa ne ni wa pa yuku kamakura no minanosegapa ni sipo mitu namu ka
麻可奈思美 kanasi
句0 仮名書き 仮名 複合語l007105
MYS.14.3372
相模治乃余呂伎能波麻乃麻奈胡奈須児良波可奈之久於毛波流留可毛
sagamu di no yoroki no pama no managwo nasu kwo ra pa kanasi ku omopa ruru kamo
児良波可奈之久 kanasi
句3 仮名書き 仮名
MYS.14.3373
多麻河伯爾左良須弖豆久利佐良左良爾奈仁曾許能児乃己許太可奈之伎
tama gapa ni sarasu te dukuri sarasarani nani so ko no kwo no kokoda kanasi ki
己許太可奈之伎 kanasi
句4 仮名書き 仮名
MYS.14.3386
爾保杼里能可豆思加和世乎爾倍須登毛曾能可奈之伎乎刀爾多弖米也母
nipodori no kadusika wase wo nipe su tomo so no kanasi ki wo two ni tate me ya mo
曾能可奈之伎乎 kanasi
句3 仮名書き 仮名
MYS.14.3403
安我古非波麻左香毛可奈思久佐麻久良多胡能伊利野乃於久母可奈思母
a ga kwopwi pa masaka mo kanasi kusa makura tagwo no iri nwo no oku mo kanasi mo
麻左香毛可奈思 kanasi
句1 仮名書き 仮名
於久母可奈思母 kanasi
句4 仮名書き 仮名
MYS.14.3408
爾比多夜麻祢爾波都可奈那和爾余曾利波之奈流児良師安夜爾可奈思母
nipita yama ne ni pa tuka nana wa ni yosori pasi naru kwo ra si ayani kanasi mo
安夜爾可奈思母 kanasi
句4 仮名書き 仮名
MYS.14.3412
賀美都家野久路保乃祢呂乃久受葉我多可奈師家児良爾伊夜射可里久母
kami tu kyenwo kurwopo no ne ro no kuzu pa gata kanasi kye kwo ra ni iya zakari ku mo
可奈師家児良爾 kanasi
句3 仮名書き 仮名
MYS.14.3451
左奈都良能乎可爾安波麻伎可奈之伎我古麻波多具等毛和波素登毛波自
sanatura no woka ni apa maki kanasi ki ga kwoma pa tagu tomo wa pa swo to mo pazi
MYS.14.3462
安志比奇乃夜末佐波妣登乃比登佐波爾麻奈登伊布児我安夜爾可奈思佐
asipikwi no yama sapa bito no pito sapa ni mana to ipu kwo ga ayani kanasi sa
安夜爾可奈思佐 kanasi
句4 仮名書き 仮名
MYS.14.3465
巨麻爾思吉比毛登伎佐気弖奴流我倍爾安杼世呂登可母安夜爾可奈之伎
koma nisiki pimo toki sakete nuru gapeni ado sero to ka mo ayani kanasi ki
安夜爾可奈之伎 kanasi
句4 仮名書き 仮名
MYS.14.3466
麻可奈思美奴礼婆許登爾豆佐祢奈敞波己許呂乃緒呂爾能里弖可奈思母
ma kanasi mi nureba koto n idu sa ne napeba kokoro no wo ro ni norite kanasi mo
麻可奈思美 kanasi
句0 仮名書き 仮名 複合語l007105
能里弖可奈思母 kanasi
句4 仮名書き 仮名
MYS.14.3479
安可見夜麻久左祢可利曾気安波須賀倍安良蘇布伊毛之安夜爾可奈之毛
akamiyama kusa ne kari soke apa su gape araswopu imo si ayani kanasi mo
安夜爾可奈之毛 kanasi
句4 仮名書き 仮名
MYS.14.3480
於保伎美乃美己等可思古美可奈之伊毛我多麻久良波奈礼欲太知伎努可母
opo kimi no mi koto kasikwo mi kanasi imo ga ta makura panare ywo dati ki nwo kamo
MYS.14.3486
可奈思伊毛乎由豆加奈倍麻伎母許呂乎乃許登等思伊波婆伊夜可多麻斯爾
kanasi imo wo yuduka nabe maki mokoro wo no koto to si ipaba iya kata masi ni
MYS.14.3500
牟良佐伎波根乎可母乎布流比等乃児能宇良我奈之家乎祢乎遠敞奈久爾
murasaki pa ne wo ka mo wopuru pito no kwo no ura ganasi kye wo ne wo wope naku ni
宇良我奈之家乎 ganasi
句3 仮名書き 仮名 複合語l080391
MYS.14.3517
思良久毛能多要爾之伊毛乎阿是西呂等許己呂爾能里弖許己婆可那之家
sira kumo no taye ni si imo wo aze sero to kokoro ni norite kokoba kanasi kye
許己婆可那之家 kanasi
句4 仮名書き 仮名
MYS.14.3533
比登乃児乃可奈思家之太波波麻渚杼里安奈由牟古麻能乎之家口母奈思
pito no kwo no kanasi kye sida pa pamasu dori anayumu kwoma no wosi kyeku mo na si
可奈思家之太波 kanasi
句1 仮名書き 仮名
MYS.14.3537a
久敞胡之爾武芸波武古宇馬能波都波都爾安比見之児良之安夜爾可奈思母
kupye gwosi ni mugi pamu kwo uma no patupatuni api mi si kwo ra si ayani kanasi mo
安夜爾可奈思母 kanasi
句4 仮名書き 仮名
MYS.14.3537b
宇麻勢胡之牟伎波武古麻能波都波都爾仁必波太布礼思古呂之可奈思母
umase gwosi mugi pamu kwoma no patupatuni nipi pada pure si kwo ro si kanasi mo
古呂之可奈思母 kanasi
句4 仮名書き 仮名
MYS.14.3548
奈流世呂爾木都能余須奈須伊等能伎提可奈思家世呂爾比等佐敞余須母
naru se ro ni kotu no yosu nasu itonokite kanasi kye se ro ni pito sapye yosu mo
可奈思家世呂爾 kanasi
句3 仮名書き 仮名
MYS.14.3549
多由比我多志保弥知和多流伊豆由可母加奈之伎世呂我和賀利可欲波牟
tayupi gata sipo miti wataru idu yu ka mo kanasi ki se ro ga wa gari kaywopa mu
加奈之伎世呂我 kanasi
句3 仮名書き 仮名
MYS.14.3551
阿遅可麻能可多爾左久奈美比良湍爾母比毛登久毛能可加奈思家乎於吉弖
adikama no kata ni saku nami pira se ni mo pimo toku mono ka kanasi kye wo okite
加奈思家乎於吉弖 kanasi
句4 仮名書き 仮名
MYS.14.3556
思保夫祢能於可礼婆可奈之左宿都礼婆比登其等思気志那乎杼可母思武
sipo bune no ok areba kanasi sa ne tureba pito goto sikye si na wo do ka mo si mu
於可礼婆可奈之 kanasi
句1 仮名書き 仮名
MYS.14.3564
古須気呂乃宇良布久可是能安騰須酒香可奈之家児呂乎於毛比須吾左牟
kwo suge ro no ura puku kaze no ado su su ka kanasi kye kwo ro wo omopi sugwosa mu
可奈之家児呂乎 kanasi
句3 仮名書き 仮名
MYS.14.3567
於伎弖伊可婆伊毛婆麻可奈之母知弖由久安都佐能由美乃由都可爾母我毛
okite ikaba imo pa ma kanasi motite yuku adusa no yumi no yu tuka ni moga mo
伊毛婆麻可奈之 kanasi
句1 仮名書き 仮名 複合語l007105
MYS.14.3576
奈波之呂乃古奈宜我波奈乎伎奴爾須里奈流留麻爾末仁安是可加奈思家
napa siro no kwo nagwi ga pana wo kinu ni suri naruru manima ni aze ka kanasi kye
安是可加奈思家 kanasi
句4 仮名書き 仮名
MYS.14.3577
可奈思伊毛乎伊都知由可米等夜麻須気乃曾我比爾宿思久伊麻之久夜思母
kanasi imo wo iduti yuka me to yama suge no sogapi ni ne siku ima si kuyasi mo
MYS.15.3584
和可礼奈波宇良我奈之家武安我許呂母之多爾乎伎麻勢多太爾安布麻弖爾
wakare naba ura ganasi kye mu a ga koromo sita ni wo ki mase tada ni apu madeni
宇良我奈之家武 ganasi
句1 仮名書き 仮名 複合語l080391
MYS.15.3639
奈美能宇倍爾宇伎祢世之欲比安杼毛倍香許己呂我奈之久伊米爾美要都流
nami no upe ni uki ne se si ywopi ado mope ka kokoro ganasi ku ime ni mi ye turu
許己呂我奈之久 ganasi
句3 仮名書き 仮名
MYS.15.3686
多婢奈礼婆於毛比多要弖毛安里都礼杼伊敞爾安流伊毛之於母比我奈思母
tabi nareba omopi tayete mo ari turedo ipye ni aru imo si omopi ganasi mo
於母比我奈思母 ganasi
句4 仮名書き 仮名
MYS.15.3693
毛美知葉能知里奈牟山爾夜杼里奴流君乎麻都良牟比等之可奈之母
momiti ba no tiri na mu yama ni yadori nuru kimi wo matu ramu pito no kanasi mo
比等之可奈之母 kanasi
句4 仮名書き 仮名
MYS.15.3727
知里比治能可受爾母安良奴和礼由恵爾於毛比和夫良牟伊母我可奈思佐
tiri pidi no kazu ni mo ara nu ware yuweni omopi wabu ramu imo ga kanasi sa
伊母我可奈思佐 kanasi
句4 仮名書き 仮名
MYS.15.3752
波流乃日能宇良我奈之伎爾於久礼為弖君爾古非都都宇都之家米也母
paru no pi no ura ganasi ki ni okure wite kimi ni kwopwitutu utusi kye me ya mo
宇良我奈之伎爾 ganasi
句1 仮名書き 仮名 複合語l080391
MYS.17.3958
麻佐吉久登伊比低之物能乎白雲爾多知多奈妣久登伎気婆可奈思物
ma saki ku to ipi te si mono wo sira kumo ni tati tanabiku to kikeba kanasi mo
伎気婆可奈思物 kanasi
句4 仮名書き 仮名
MYS.17.3969
於保吉民能麻気乃麻爾麻爾之奈射加流故之乎袁佐米爾伊泥低許之麻須良和礼須良余能奈可乃都祢之奈家礼婆宇知奈妣伎登許爾己伊布之伊多家苦乃日異麻世婆可奈之家口許己爾思出伊良奈家久曾許爾念出奈家久蘇良夜須家奈久爾於母布蘇良久流之伎母能乎安之比紀能夜麻伎敞奈里低多麻保許乃美知能等保家婆間使毛遣縁毛奈美於母保之吉許等毛可欲波受多麻伎波流伊能知乎之家登勢牟須辨能多騰吉乎之良爾隠居而念奈気加比奈具佐牟流許己呂波奈之爾春花乃佐家流左加里爾於毛敷度知多乎里可射佐受波流乃野能之気美登妣久久鴬音太爾伎加受乎登売良我春菜都麻須等久礼奈為能赤裳乃須蘇能波流佐米爾爾保比比豆知弖加欲敷良牟時盛乎居多豆良爾須具之夜里都礼思努波勢流君之心乎宇流波之美此夜須我浪爾伊母祢受爾今日毛之売良爾孤悲都追曾乎流
opo kimi no make no manima ni sinazakaru kwosi wo wosame ni idete ko si masura ware sura yo no naka no tune si na kyereba uti nabiki toko ni koi pusi ita kyeku no pi ni kyeni maseba kanasi kyeku koko ni omopi de irana kyeku soko ni omopi de nageku swora yasu kye naku ni omopu swora kurusi ki monowo asipikwi no yama ki pyenarite tama poko no miti no topo kyeba ma dukapi mo yaru yosi mo na mi omoposi ki koto mo kaywopa zu tamakiparu inoti wosi kyedo se mu subye no tadoki wo sira ni komori wite omopi nagekapi nagusamuru kokoro pa na si ni paru pana no sak yeru sakari ni omopu dwoti ta wori kazasa zu paru no nwo no sikemi tobi kuku ugupisu no kowe dani kika zu wotomye ra ga paru na tuma su to kurenawi no aka mo no suswo no paru same ni nipopi pidutite kaywopu ramu toki no sakari wo itadura ni sugusi yari ture sinwopa s eru kimi ga kokoro wo urupasi mi ko no ywo sugara ni i mo ne zuni kyepu mo simyera ni kwopwitutu so woru
MYS.17.3975
和賀勢故迩古非須敞奈可利安之可伎能保可爾奈気加布安礼之可奈思母
wa ga sekwo ni kwopwi subye na kari asi kaki no poka ni nagekapu are si kanasi mo
安礼之可奈思母 kanasi
句4 仮名書き 仮名
MYS.17.4008
安遠迩与之奈良乎伎波奈礼阿麻射可流比奈爾波安礼登和賀勢故乎見都追志乎礼婆於毛比夜流許等母安利之乎於保伎美乃美許等可之古美乎須久爾能許等登理毛知弖和可久佐能安由比多豆久利無良等理能安佐太知伊奈婆於久礼多流阿礼也可奈之伎多妣爾由久伎美可母孤悲無於毛布蘇良夜須久安良祢婆奈気可久乎等騰米毛可祢低見和多勢婆宇能婆奈夜麻乃保等登芸須祢能未之奈可由安佐疑理能美太流流許己呂許登爾伊泥弖伊波婆由遊思美刀奈美夜麻多牟気能可味爾奴佐麻都里安我許比能麻久波之家夜之吉美賀多太可乎麻佐吉久毛安里多母等保利都奇多多婆等伎毛可波佐受奈泥之故我波奈乃佐可里爾阿比見之米等曾
awo ni yo si nara wo ki panare ama zakaru pina ni pa aredo wa ga sekwo wo mi tutu si woreba omopi yaru koto mo ari si wo opo kimi no mi koto kasikwo mi wosu kuni no koto tori motite waka kusa no ayupi ta dukuri mura tori no asa dati inaba okure taru are ya kanasi ki tabi ni yuku kimi ka mo kwopwi mu omopu swora yasu ku ara neba nagekaku wo todome mo kanete mi wataseba u no pana yama no pototogisu ne nomwi si naka yu asa gwiri no midaruru kokoro koto ni idete ipaba yuyusi mi twonami yama tamuke no kamwi ni nusa maturi a ga kopi nomaku pasikyeyasi kimi ga tadaka wo ma saki ku mo ari ta motopori tukwi tataba toki mo kapasa zu nadesikwo ga pana no sakari ni api mi sime to so
阿礼也可奈之伎 kanasi
句17 仮名書き 仮名
MYS.17.4016
売比能野能須須吉於之奈倍布流由伎爾夜度加流家敷之可奈之久於毛倍遊
myepi no nwo no susuki osi nabe puru yuki ni yadwo karu kyepu si kanasi ku omopoyu
可奈之久於毛倍遊 kanasi
句4 仮名書き 仮名
MYS.18.4089
高御座安麻乃日継登須賣呂伎能可未能美許登能伎己之乎須久爾能麻保良爾山乎之毛佐波爾於保美等百鳥能来居弖奈久許恵春佐礼婆伎吉乃可奈之母伊豆礼乎可和枳弖之努波无宇能花乃佐久月多弖婆米都良之久鳴保等登芸須安夜女具佐珠奴久麻泥爾比流久良之欲和多之伎気騰伎久其等爾許己呂都呉枳弖宇知奈気伎安波礼能登里等伊波奴登枳奈思
taka mi kura ama no pi tugi to sumyeroki no kamwi no mikoto no kikosi wosu kuni no mapora ni yama wo si mo sapa ni opo mito momo tori no ki wi te naku kowe paru sareba kiki no kanasi mo idure wo ka wakite sinwopa mu u no pana no saku tukwi tateba medurasi ku naku pototogisu ayamye gusa tama nuku madeni piru kurasi ywo watasi kikedo kiku gotoni kokorotugwokite uti nageki apare no tori to ipa nu toki na si
伎吉乃可奈之母 kanasi
句11 仮名書き 仮名
MYS.18.4106
於保奈牟知須久奈比古奈野神代欲里伊比都芸家良久父母乎見波多布刀久妻子見波可奈之久米具之宇都世美能余乃許等和利止可久佐末爾伊比家流物能乎世人能多都流許等太弖知左能花佐家流沙加利爾波之吉余之曾能都末能古等安沙余比爾恵美美恵末須毛宇知奈気支可多里家末久波等己之部爾可久之母安良米也天地能可未許等余勢天春花能佐可里裳安良牟等末多之家牟等吉能沙加利曾波奈礼居弖奈介可須移母我何時可毛都可比能許牟等末多須良无心左夫之苦南吹雪消益而射水河流水沫能余留弊奈美左夫流其児爾比毛能緒能移都我利安比弖爾保騰里能布多理雙坐那呉能宇美能於支乎布可米天左度波世流支美我許己呂能須敞母須敞奈佐
opo namuti sukuna bikwo na no kamwi yo ywori ipi tugi k yeraku titi papa wo mire ba taputwo ku mye kwo mire ba kanasi ku megu si utusemi no yo no kotowari to kaku sama ni ipi k yeraku monowo yo no pito no taturu koto date tisa no pana sak yeru sakari ni pasikiyosi so no tuma no kwo to asa yopi ni wemi mi wema zu mo uti nageki katari kye maku pa tokosipyeni kaku si mo ara me ya ama tuti no kamwi koto yosete paru pana no sakari mo ara mu to mata si kye mu toki no sakari so panare wite nakyeka su imo ga itu si ka mo tukapi no ko mu to mata su ramu kokoro sabusi ku minami puki yuki ke masarite imidu kapa nagaru minawa no yoru pye na mi saburu so no kwo ni pimo no wo no i tugari apite nipodori no puta ri narabi wi nagwo no umi no oki wo pukamete sadwopa s eru kimi ga kokoro no subye mo subye na sa
可奈之久米具之 kanasi
句7 仮名書き 仮名
MYS.19.4141
春儲而物悲爾三更而羽振鳴志藝誰田爾加須牟
paru makete mono ganasi ki ni sa ywo pukete pa buki naku sigi ta ga ta ni ka sumu
MYS.19.4149
足引之八峯之雉鳴響朝開之霞見者可奈之母
asipiki no ya tu wo no kigisi naki toyomu asake no kasumi mireba kanasi mo
MYS.19.4177
和我勢故等手携而暁來者出立向暮去者振放見都追念暢見奈疑之山爾八峯爾波霞多奈婢伎谿敞爾波海石榴花咲宇良悲春之過者霍公鳥伊也之伎喧奴獨耳聞婆不怜毛君与吾隔而戀流礪波山飛超去而明立者松之狭枝爾暮去者向月而菖蒲玉貫麻泥爾鳴等余米安寐不令宿君乎奈夜麻勢
wa ga sekwo to te tadusaparite ake kureba ide tati mukapi yupu sareba purisake mi tutu omopi nobe mi nagwi si yama ni ya tu wo ni pa kasumi tanabiki tani pye pa tubaki pana saki ura ganasi ni paru si sugureba pototogisu iya siki naki nu pito ri nomwi kike ba sabusi mo kimi to are to pyedatete kwopu ru twonami yama tobi kwoye yukite ake tataba matu no sa yeda ni yupu saraba tukwi ni mukapite ayamye gusa tama nuku madeni naki toyome yasu i ne sime zu kimi wo nayamase
宇良悲 ganasi
句12 訓字書き 訓字 複合語l080391
MYS.19.4211
古爾有家流和射乃久須婆之伎事跡言継知努乎登古宇奈比壮子乃宇都勢美能名乎競争登玉剋壽毛須底弖相争爾嬬問為家留嬬等之聞者悲左春花乃爾太要盛而秋葉之爾保比爾照有惜身之壮尚大夫之語勞美父母爾啓別而離家海邊爾出立朝暮爾滿來潮之八隔浪爾靡珠藻乃節間毛惜命乎露霜之過麻之爾家礼奥墓乎此間定而後代之聞継人毛伊也遠爾思努比爾勢餘等黄楊小櫛之賀左志家良之生而靡有
inisipye ni ari kyeru waza no kusubasi ki koto to ipi tugu tinu wotokwo unapi wotokwo no utusemi no na wo araswopu to tamakiparu inoti mo sutete araswopi ni tuma dopi si kyeru wotomye ra ga kikeba kanasi sa paru pana no nipoye sakayete aki no pa no nipopi ni ter eru atarasi ki mwi no sakari sura masura wo no koto itapasi mi titi papa ni mawosi wakarete ipye zakari umi bye ni ide tati asa yopi ni miti kuru sipo no ya pye nami ni nabiku tama mo no pusi no ma mo wosi ki inoti wo tuyu simo no sugwi masi ni kyere oku tu kwi wo koko to sadamete noti no yo no kiki tugu pito mo iya topo ni sinwopi ni seyo to tuge wo gusi sika sasi kye rasi opwite nabik yeri
MYS.19.4214
天地之初時従宇都曽美能八十伴男者大王爾麻都呂布物跡定有官爾之在者天皇之命恐夷放國乎治等足日木山河阻風雲爾言者雖通正不遇日之累者思戀氣衝居爾玉桙之道來人之傳言爾吾爾語良久波之伎餘之君者比來宇良佐備弖嘆息伊麻須世間之猒家口都良家苦開花毛時爾宇都呂布宇都勢美毛无常阿里家利足千根之御母之命何如可毛時之波将有乎眞鏡見礼杼母不飽珠緒之惜盛爾立霧之失去如久置露之消去之如玉藻成靡許伊臥逝水之留不得常枉言哉人之云都流逆言乎人之告都流梓弧爪夜音之遠音爾毛聞者悲弥庭多豆水流涕留可祢都母
ame tuti no pazime no toki yu utusomi no ya swo tomo no wo pa opo kimi ni maturwopu mono to sadamar eru tukasa ni si areba opo kimi no mi koto kasikwo mi pina zakaru kuni wo wosamu to asipikwi no yama kapa pyenari kaze kumo ni koto pa kaywopedo tada ni apa zu pi no kasanareba omopi kwopwi ikiduki woru ni tama poko no miti kuru pito no tute koto ni ware ni katar aku pasikiyosi kimi pa ko no koro urasabwite nagekapi imasu yo no naka no u kyeku tura kyeku saku pana mo toki ni uturopu utusemi mo tune na ku ari kyeri taratine no mi papa no mikoto nani si ka mo toki si pa ara mu wo maswo kagami mi redomo aka zu tama no wo no wosi ki sakari ni tatu kwiri no use yuku goto ku oku tuyu no ke nuru ga goto ku tama mo nasu nabiki koi pusi yuku midu no todomwi kane tu to maga koto ya pito no ipi turu oyodure wo pito no tuge turu adusa yumi tuma piku ywo to no topo to ni mo kikeba kanasi mi nipa tadumi nagaruru namita todomwi kane tu mo
MYS.19.4242
天雲乃去還奈牟毛能由恵爾念曽吾為流別悲美
ama kumo no yuki kapyeri na mu mono yuweni omopi zo wa ga su ru wakare kanasi mi
MYS.19.4279
能登河乃後者相牟之麻之久母別等伊倍婆可奈之久母在香
noto gapa no noti ni pa apa mu simasi ku mo wakaru to ipeba kanasi ku mo aru ka
可奈之久母在香 kanasi
句4 仮名書き 仮名
MYS.19.4290
春野爾霞多奈毘伎宇良悲許能暮影爾鴬奈久母
paru no nwo ni kasumi tanabiki ura ganasi ko no yupu kage ni ugupisu naku mo
宇良悲 ganasi
句2 訓字書き 訓字 複合語l080391
MYS.19.4292
宇良宇良爾照流春日爾比婆理安我里情悲毛比登里志於母倍婆
uraura ni ter eru paru pi ni pibari agari kokoro kanasi mo pito ri si omopeba
MYS.20.4333
等里我奈久安豆麻乎等故能都麻和可礼可奈之久安里家牟等之能乎奈我美
tori ga naku aduma wotokwo no tuma wakare kanasi ku ari kye mu tosi no wo naga mi
可奈之久安里家牟 kanasi
句3 仮名書き 仮名
MYS.20.4338
多多美気米牟良自加已蘇乃波奈利蘇乃波波乎波奈例弖由久我加奈之佐
tatamikeme murazi ga iswo no panar iswo no papa wo panarete yuku ga kanasi sa
由久我加奈之佐 kanasi
句4 仮名書き 仮名
MYS.20.4343
和呂多比波多比等於米保等已比爾志弖古米知夜須良牟和加美可奈志母
waro tabi pa tabi to omepodo ipi nisite kwo meti yasu ramu wa ga mi kanasi mo
和加美可奈志母 kanasi
句4 仮名書き 仮名
MYS.20.4369
都久波禰乃佐由流能波奈能由等許爾母可奈之家伊母曾比留毛可奈之祁
tukupa ne no sa yuru no pana no yu toko ni mo kanasi kye imo so piru mo kanasi kye
可奈之家伊母曾 kanasi
句3 仮名書き 仮名
比留毛可奈之祁 kanasi
句4 仮名書き 仮名
MYS.20.4387
知波乃奴乃古乃弖加之波能保保麻例等阿夜爾加奈之美於枳弖他加枳奴
tiba no nu no kwo no te kasipa no popom aredo ayani kanasi mi okite taka ki nu
阿夜爾加奈之美 kanasi
句3 仮名書き 仮名
MYS.20.4391
久爾具爾乃夜之里乃加美爾奴佐麻都理阿加古比須奈牟伊母賀加奈志作
kuni guni no yasiro no kami ni nusa maturi a ka kwopi su namu imo ga kanasi sa
伊母賀加奈志作 kanasi
句4 仮名書き 仮名
MYS.20.4398
大王乃美己等可之古美都麻和可礼可奈之久波安礼特大夫情布里於許之等里与曾比門出乎須礼婆多良知祢乃波波可伎奈泥若草乃都麻波等里都吉平久和礼波伊波波牟好去而早還来等麻蘇泥毛知奈美太乎能其比牟世比都都言語須礼婆群鳥乃伊泥多知加弖爾等騰己保里可弊里美之都都伊也等保爾國乎伎波奈例伊夜多可爾山乎故要須疑安之我知流難波爾伎為弖由布之保爾船乎宇気須恵安佐奈芸爾倍牟気許我牟等佐毛良布等和我乎流等伎爾春霞之麻未爾多知弖多頭我祢乃悲鳴婆波呂婆呂爾伊弊乎於毛比泥於比曾箭乃曾与等奈流麻泥奈伎吉都流香母
opo kimi no mi koto kasikwo mi tuma wakare kanasi ku pa aredo masura wo no kokoro puri okosi tori yosopi kadwo de wo sureba taratine no papa kaki nade waka kusa no tuma pa tori tuki tapirake ku ware pa ipapa mu ma saki kute paya kapyeri ko to ma swode moti namita wo nogopi musepitutu katarapi sureba mura tori no ide tati kate ni todokopori kapyeri mi situtu iya topo ni kuni wo ki panare iya taka ni yama wo kwoye sugwi asi ga tiru nanipa ni ki wite yupu sipo ni pune wo uke suwe asa nagi ni pe muke koga mu to samorapu to wa ga woru toki ni paru gasumi sima mwi ni tatite tadu ga ne no kanasi ku nake ba paroparo ni ipye wo omopi de opi so ya no soyo to naru made nageki turu kamo
可奈之久波安礼特 kanasi
句3 仮名書き 仮名
MYS.20.4399
宇奈波良爾霞多奈妣伎多頭我祢乃可奈之伎与比波久爾弊之於毛保由
una para ni kasumi tanabiki tadu ga ne no kanasi ki yopi pa kuni pye si omopoyu
可奈之伎与比波 kanasi
句3 仮名書き 仮名
MYS.20.4408
大王乃麻気乃麻爾麻爾嶋守爾和我多知久礼婆波波蘇婆能波波能美許等波美母乃須蘇都美安気可伎奈泥知知能未乃知知能美許等波多久頭努能之良比気乃宇倍由奈美太多利奈気伎乃多婆久可胡自母乃多太比等里之低安佐刀泥乃可奈之伎吾子安良多麻乃等之能乎奈我久安比美受波古非之久安流倍之今日太爾母許等騰比勢武等乎之美都都可奈之備麻世若草之都麻母古騰母毛乎知己知爾左波爾可久美為春鳥乃己恵乃佐麻欲比之路多倍乃蘇泥奈伎奴良之多豆佐波里和可礼加弖爾等比伎等騰米之多比之毛能乎天皇乃美許等可之古美多麻保己乃美知爾出立乎可乃佐伎伊多牟流其等爾与呂頭多妣可弊里見之都追波呂波呂爾和可礼之久礼婆於毛布蘇良夜須久母安良受古布流蘇良久流之伎毛乃乎宇都世美乃与能比等奈礼婆多麻伎波流伊能知母之良受海原乃可之古伎美知乎之麻豆多比伊己芸和多利弖安里米具利和我久流麻泥爾多比良気久於夜波伊麻佐祢都都美奈久都麻波麻多世等須美乃延能安我須賣可未爾奴佐麻都利伊能里麻乎之弖奈爾波都爾船乎宇気須恵夜蘇加奴伎可古等登能倍弖安佐婢良伎和波己芸泥奴等伊弊爾都気己曾
opo kimi no make no manima ni sima mori ni wa ga tati kureba papaswo ba no papa no mikoto pa mi mo no suswo tumi age kaki nade titi no mwi no titi no mikoto pa takudunwo no sira pige no upe yu namita tari nageki notabaku kagwo zimono tada pito ri site asa two de no kanasi ki wa ga kwo ara tama no tosi no wo naga ku api mi zupa kwopwisi ku aru be si kyepu dani mo koto dopi se mu to wosimitutu kanasibwi mase waka kusa no tuma mo kwo domo mo woti koti ni sapa ni kakumi wi paru tori no kowe no sa maywopi sirwo tape no swode naki nurasi tadusapari wakare kate nito piki todome sitapi si monowo opo kimi no mi koto kasikwo mi tama poko no miti ni ide tati woka no saki i tamuru gotoni yorodu tabi kapyeri mi situtu paroparo ni wakare si kureba omopu swora yasu ku mo ara zu kwopuru swora kurusi ki monowo utusemi no yo no pito nareba tamakiparu inoti mo sira zu una para no kasikwo ki miti wo sima dutapi i kogi watarite ari meguri wa ga kuru madeni tapirake ku oya pa imasane tutumi na ku tuma pa mata se to suminoye no a ga sumye kamwi ni nusa maturi inori mawosite nanipa tu ni pune wo uke suwe ya swo ka nuki kakwo totonopete asa biraki wa pa kogi de nu to ipye ni tuge koso
可奈之伎吾子 kanasi
句17 仮名書き 仮名
MYS.20.4413
麻久良多之己志爾等里波伎麻可奈之伎西呂我馬伎己無都久乃之良奈久
makura tasi kosi ni tori paki ma kanasi ki se ro ga maki ko mu tuku no sira naku
麻可奈之伎 kanasi
句2 仮名書き 仮名 複合語l007105
MYS.20.4429
宇麻夜奈流奈波多都古麻乃於久流我弁伊毛我伊比之乎於岐弖可奈之毛
uma ya n aru napa tatu kwoma no okuru gapye imo ga ipi si wo okite kanasi mo
於岐弖可奈之毛 kanasi
句4 仮名書き 仮名
MYS.20.4432
佐弁奈弁奴美許登爾阿礼婆可奈之伊毛我多麻久良波奈礼阿夜爾可奈之毛
sapyenapye nu mi koto ni areba kanasi imo ga ta makura panare ayani kanasi mo
阿夜爾可奈之毛 kanasi
句4 仮名書き 仮名