ONCOJ語彙素
複合語内部の出現も数えます。表記種別はONCOJが音節ごとに与える注釈によります。
冬木成春去来者不喧有之鳥毛来鳴奴不開有之花毛佐家礼抒山乎茂入而毛不取草深執手母不見秋山乃木葉乎見而者黄葉乎婆取而曽思努布青乎者置而曽歎久曽許之恨之秋山吾者
puyu gomori paru sari kureba naka zari si tori mo ki naki nu saka zari si pana mo sak yeredo yama wo sige mi irite mo tora zu kusa puka mi tori te mo mi zu aki yama no ko no pa wo mite pa momiti woba tori te so sinwopu awo ki woba okite so nage ku soko si uramye si aki yama ware pa
八隅知之吾大王之所聞食天下爾國者思毛澤二雖有山川之清河内跡御心乎吉野乃國之花散相秋津乃野邊爾宮柱太敷座波百礒城乃大宮人者船並弖旦川渡舟競夕河渡此川乃絶事奈久此山乃弥高思良珠水激瀧之宮子波見礼跡不飽可問
yasumisisi wa go opo kimi no kikosi myesu ame no sita ni kuni pa si mo sapa ni aredomo yama kapa no kiywo ki kaputi to mi kokoro wo yosinwo no kuni no pana tirapu akidu no nwo pye ni miya basira putwo siki mase ba momo sikwi no opo miya pito pa pune name te asa kapa watari puna gipopi yupu kapa wataru ko no kapa no tayuru koto na ku ko no yama no iya taka sira su midu tagitu taki no miyakwo pa mi redo aka nu kamo
安見知之吾大王神長柄神佐備世須登芳野川多藝津河内爾高殿乎高知座而上立國見乎為勢婆疊付青垣山山神乃奉御調等春部者花挿頭持秋立者黄葉頭刺理逝副川之神母大御食爾仕奉等上瀬爾鵜川乎立下瀬爾小網刺渡山川母依弖奉流神乃御代鴨
yasumisisi wa go opo kimi kamu nagara kamu sabwi sesu to yosinwo kapa tagitu kaputi ni taka tono wo taka siri masite nobori tati kuni mi wo se seba tatanaparu awo kaki yama yama tu mi no maturu mi tukwi to paru bye pa pana kazasi moti aki tateba momiti kazas e ri yuki swopu kapa no kamwi mo opomi ke ni tukape maturu to kami tu se ni u kapa wo tati simo tu se ni sade sasi watasu yama kapa mo yori te tukapu ru kamwi no mi yo kamo
安見知之吾大王神長柄神佐備世須登芳野川多藝津河内爾高殿乎高知座而上立國見乎為勢婆疊付青垣山山神乃奉御調等春部者花挿頭持秋立者黄葉加射之逝副川之神母大御食爾仕奉等上瀬爾鵜川乎立下瀬爾小網刺渡山川母依弖奉流神乃御代鴨
yasumisisi wa go opo kimi kamu nagara kamu sabwi sesu to yosinwo kapa tagitu kaputi ni taka tono wo taka siri masite nobori tati kuni mi wo se seba tatanaparu awo kaki yama yama tu mi no maturu mi tukwi to paru bye pa pana kazasi moti aki tateba momiti ba kazasi yuki swopu kapa no kamwi mo opomi ke ni tukape maturu to kami tu se ni u kapa wo tati simo tu se ni sade sasi watasu yama kapa mo yori te tukapu ru kamwi no mi yo kamo
玉葛花耳開而不成有者誰戀爾有目吾孤悲念乎
tama kadura pana nomwi sakite nara zaru pa ta ga kwopwi ni ara me a pa kwopwi mopu wo
吾妹兒爾戀乍不有者秋芽之咲而散去流花爾有猿尾
wa g imo kwo ni kwopwitutu ara zupa aki pagwi no sakite tiri nu ru pana ni ara masi wo
天地之初時久堅之天河原爾八百萬千萬神之神集々座而神分々之時爾天照日女之命天乎婆所知食登葦原乃水穂之國乎天地之依相之極所知行神之命等天雲之八重掻別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神上々座奴吾王皇子之命乃天下所知食世者春花之貴在等望月乃満波之計武跡天下四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗其故皇子之宮人行方不知毛
ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasite kamu pakari pakari si toki ni ama tera su pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kaki wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu agari agari imasi nu wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to ame no sita yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru soko yuwe ni mi kwo no miya pito yuku pye sira zu mo
天地之初時久堅之天河原爾八百萬千萬神之神集々座而神分々之時爾指上日女之命天乎婆所知食登葦原乃水穂之國乎天地之依相之極所知行神之命等天雲之八重雲別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神登座爾之可婆吾王皇子之命乃天下所知食世者春花之貴在等望月乃満波之計武跡食國四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗刺竹之皇子宮人歸邊不知爾為
ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasi kamu pakari pakari si toki ni sasi noboru pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kumo wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu nobori imasi ni sikaba wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to wosu kuni yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru sasutake no mi kwo no miya pito yuku pye sira ni su
飛鳥明日香乃河之上瀬石橋渡下瀬打橋渡石橋生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴然有鴨綾爾憐宿兄鳥之片戀嬬朝鳥徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa pasi watasi simo tu se ni uti pasi watasu ipa pasi ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu sikare ka mo ayani kanasi mi nuye dori no kata kwopwi duma asa tori no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
飛鳥明日香乃河之上瀬石浪渡下瀬打橋渡石浪生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴所己乎之毛綾爾憐宿兄鳥之片戀為乍朝霧徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa nami watasi simo tu se ni uti pasi watasu ipa nami ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu soko wo si mo ayani kanasi mi nuye dori no kata kwopwi situtu asa gwiri no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
挂文忌之伎鴨言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下治賜食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎治跡皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流小角乃音母敵見有虎可s吼登諸人之恊流麻r爾指擧有幡之靡者冬木成春去来者野毎著而有火之風之共靡如久取持流弓波受乃驟三雪落冬乃林爾飃可毛伊巻渡等念麻r聞之恐久引放箭之繁計久大雪乃乱而来礼不奉仕立向之毛露霜之消者消倍久去鳥乃相競端爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾然之毛将有登木綿花乃榮時爾吾大王皇子之御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyu si ki kamo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita wosame tamapi wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo wosame to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru kuda no oto mo ata mi taru twora ka poyuru to moro pito no obiyu ru made ni sasage taru pata no nabiki pa puyu gomori paru sari kureba nwo goto ni tukite aru pwi no kaze no muta nabiku ga goto ku tori mot eru yu pazu no sawaki mi yuki puru puyu no payasi ni tumuzi ka mo i maki wataru to omopu made kiki no kasikwo ku piki panatu ya no sige kyeku opo yuki no midarete ki ta re maturwopa zu tati mukapi si mo tuyu simo no ke na ba ke nu be ku yuku tori no araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni sika si mo ara mu to yupu bana no sakayuru toki ni wa go opo kimi mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
挂文由遊志計礼抒母言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下掃賜而食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎掃部等皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流笛之音波敵見有虎可s吼登諸人之聞或麻泥指擧有幡之靡者冬木成春野焼火乃風之共靡如久取持流弓波受乃驟三雪落由布乃林爾飃可毛伊巻渡等諸人見或麻r引放箭之繁計久霰成曽知余里久礼婆不奉仕立向之毛朝霜之消者消言爾打蟬等安良蘇布波之爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾如是毛安良無等木綿花乃榮時爾刺竹皇子御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyusi kyeredomo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita parapi tamapite wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo para pye to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru puye no oto pa ata mi taru twora ka poyuru to moro pito no kiki matwopu made sasage taru pata no nabiki pa puyu gomori paru nwo yaku pwi no kaze no muta nabiku ga goto ku tori mot eru yu pazu no sawaki mi yuki puru yupu no payasi ni tumuzi ka mo i maki wataru to moro pito no mi matwopu made ni piki panatu ya no sige kyeku arare nasu soti yori kureba maturwopa zu tati mukapi si mo asa simo no ke naba ke to pu ni utusemi to araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni kaku si mo ara mu to yupu bana no sakayuru toki ni sasutake no mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
天降付天之芳来山霞立春爾至婆松風爾池浪立而櫻花木乃晩茂爾奥邊波鴨妻喚邊津方爾味村左和伎百礒城之大宮人乃退出而遊船爾波梶棹毛無而不樂毛己具人奈四二
amori tuku ame no kagu yama kasumi tatu paru ni itare ba matu kaze ni ike nami tatite sakura bana ko no kure sige ni oki pye pa kamo tuma ywobapi pye tu pye ni adi mura sawaki momo sikwi no opo miya pito no makari dete aswobu pune ni pa kadi sawo mo na kute sabusi mo kogu pito na si ni
天降就神乃香山打靡春去来者櫻花木暗茂松風丹池浪飆邊都遍者阿遅村動奥邊者鴨妻喚百式乃大宮人乃去出榜来舟者竿梶母無而佐夫之毛榜与雖思
amori tuku kamwi no kagu yama uti nabiku paru sari kureba sakura bana ko no kure sige ni matu kaze ni ike nami tati pye tu pye ni pa adi mura sawaki oki bye ni pa kamo tuma ywobapi momo sikwi no opo miya pito no makari dete kogi k yeru pune pa sawo kadi mo na kute sabusi mo koga mu to omopedo
伊勢海之奥津白浪花爾欲得褁而妹之家褁為
ise no umi no oki tu sira nami pana ni moga tutumite imo ga ipye dutwo ni se mu
青丹吉寧樂乃京師者咲花乃薫如今盛有
awo ni yo si nara no miyakwo pa saku pana no nipopu ga goto ku ima sakari n ari
藤浪之花者盛爾成来平城京乎御念八君
pudi nami no pana pa sakari ni nari ni kyeri nara no miyakwo wo omoposu ya kimi
妹家爾開有花之梅花實之成名者左右将為
imo ga ipye ni saki taru pana no ume no pana mwi ni si nari na ba ka mo kaku mo se mu
梅花開而落去登人者雖云吾標結之枝将有八方
ume no pana sakite tiri nu to pito pa ipedo wa ga sime yupi si yeda ni ara me ya mo
石竹之其花爾毛我朝旦手取持而不戀日将無
nadesikwo no so no pana ni moga asanasana te ni tori motite kwopwi nu pi na kye mu
角障經石村之道乎朝不離将歸人乃念乍通計萬口波霍公鳥鳴五月者菖蒲花橘乎玉爾貫蘰爾将為登九月能四具礼能時者黄葉乎折挿頭跡延葛乃弥遠永萬世爾不絶等念而将通君乎婆明日従外爾可聞見牟
tunwosapapu ipare no miti wo asa sara zu yuki kye mu pito no omopitutu kaywopi kye maku pa pototogisu naku satukwi ni pa ayamye gusa pana tatibana wo tama ni nuki kadura ni se mu to nagatukwi no sigure no toki pa momiti ba wo wori kazasamu to papu kuzu no iya topo naga ku yorodu yo ni tayezi to omopite kaywopi kye mu kimi woba asu yu yoso ni ka mo mi mu
角障經石村之道乎朝不離将歸人乃念乍通計萬口波霍公鳥鳴五月者菖蒲花橘乎貫交蘰爾将為登九月能四具礼能時者黄葉乎折挿頭跡田葛根乃弥遠長爾大舟之念憑而将通君乎従明日者外爾可聞見牟
tunwosapapu ipare no miti wo asa sara zu yuki kye mu pito no omopitutu kaywopi kye maku pa pototogisu naku satukwi ni pa ayamye gusa pana tatibana wo nuki mazipe kadura ni se mu to nagatukwi no sigure no toki pa momiti ba wo wori kazasamu to kuzu no ne no iya topo naga ni opo bune no omopi tanomite kaywopi kye mu kimi wo asu yu pa yoso ni ka mo mi mu
天雲之向伏國武士登所云人者皇祖神之御門爾外重爾立候内重爾仕奉玉葛弥遠長祖名文継徃物与母父爾妻爾子等爾語而立西日従帶乳根乃母命者齊忌戸乎前坐置而一手者木綿取持一手者和細布奉平間幸座与天地乃神祇乞祷何在歳月日香茵花香君之牛留鳥名津匝来与立居而待監人者王之命恐押光難波國爾荒玉之年經左右二白栲衣不干朝夕在鶴公者何方爾念座可欝蝉乃惜此世乎露霜置而徃監時爾不在之天
ama kumo no muka busu kuni no mononopu to ipa yuru pito pa sumyeroki no kamwi no mi kadwo ni two no pye ni tati samorapi uti no pye ni tukape maturite tama kadura iya topo naga ku oya no na mo tugi yuku mono to omo titi ni tuma ni kwo domo ni katarapite tati ni si pi ywori taratine no papa no mikoto pa ipapi be wo mapye ni suwe okite kata te ni pa yupu tori moti kata te ni pa niki tape maturi tapirake ku ma saki ku mase to ame tuti no kamwi wo kopi nome ika n ara mu tosi tukwi pi ni ka tutuzi pana nipop yeru kimi ga kuro tori no nadusapi ko mu to tatite wite mati kye mu pito pa opo kimi no mikoto kasikwo mi osi teru nanipa no kuni ni ara tama no tosi puru made ni sirwo tape no koromo mo posa zu asa yopi ni ari turu kimi pa ika sama ni omopi mase ka utusemi no wosi ki ko no yo wo tuyu simo no okite ini kye mu toki ni ara zu site
如是耳有家類物乎芽子花咲而有哉跡問之君波母
kaku nomwi ni ari kyeru mono wo pagwi no pana sakite ari ya to twopi si kimi pa mo
吾屋前爾花曽咲有其乎見杼情毛不行愛八師妹之有世婆水鴨成二人雙居手折而毛令見麻思物乎打蝉乃借有身在者露霜乃消去之如久足日木乃山道乎指而入日成隠去可婆曽許念爾胸己所痛言毛不得名付毛不知跡無世間爾有者将為須辨毛奈思
wa ga nipa ni pana so saki taru so wo miredo kokoro mo yuka zu pasikiyasi imo ga ari seba mi kamo nasu puta ri narabi wi ta worite mo mise masi mono wo utusemi no kar eru mwi nareba tuyu simo no ke nuru ga goto ku asi pikwi no yama di wo sasite iri pi nasu kakuri ni si kaba soko mopu ni mune koso itame ipi mo e zu na duke mo sira zu atwo mo na ki yo no naka ni areba se mu subye mo na si
妹之見師屋前爾花咲時者經去吾泣涙未干爾
imo ga mi si nipa ni pana saki toki pa pe nu wa ga naku namita imada pwi naku ni
挂巻母綾爾恐之言巻毛齊忌志伎可物吾王御子乃命萬代爾食賜麻思大日本久邇乃京者打靡春去奴礼婆山邊爾波花咲乎為里河湍爾波年魚小狭走弥日異榮時爾逆言之狂言登加聞白細爾舎人装束而和豆香山御輿立之而久堅乃天所知奴礼展轉埿打雖泣将為須便毛奈思
kake maku mo ayani kasikwo si ipa maku mo yuyu si ki kamo wa go opo kimi mi kwo no mikoto yorodu yo ni myesi tamapa masi opo yamato kuni no miyakwo pa uti nabiku paru sari nureba yama pye ni pa pana saki wowori kapa se ni pa ayu kwo sa basiri iya pi kyeni sakayuru toki ni oyodure no tapa koto to ka mo sirwo tape ni toneri yosopi te waduka yama mi kosi tata site pisakata no ame sira si nure koi marobi pidu ti nakedomo se mu subye mo na si
足桧木乃山左倍光咲花乃散去如寸吾王香聞
asi pikwi no yama sape pikari saku pana no tiri nuru goto ki wa go opo kimi kamo
挂巻毛文爾恐之吾王皇子之命物乃負能八十伴男乎召集聚率比賜比朝猟爾鹿猪踐起暮猟爾鶉雉履立大御馬之口抑駐御心乎見為明米之活道山木立之繁爾咲花毛移爾家里世間者如此耳奈良之大夫之心振起劔刀腰爾取佩梓弓靭取負而天地与弥遠長爾万代爾如此毛欲得跡憑有之皇子乃御門乃五月蝿成驟驂舎人者白栲爾服取著而常有之咲比振麻比弥日異更經見者悲呂可聞
kake maku mo ayani kasikwo si wa go opo kimi mi kwo no mikoto no mononopu no ya swo tomo no wo wo myesi tudwope adomo pi tama pi asa gari ni sisi pumi okosi yupu gari ni tori pumi tate opomi ma no kuti osape tate mi kokoro wo myesi akira me si ikudi yama ko dati no sizi ni saku pana mo uturopi ni kyeri yo no naka pa kaku nomwi na rasi masura wo no kokoro puri okosi turugi tati kosi ni tori paki adusa yumi yuki tori opite ame tuti to iya topo naga ni yorodu yo ni kaku si mo ga mo to tanom yeri si mi kwo no mikadwo no sa bape nasu sawaku toneri pa sirwo tape ni koromo tori kite tune nari si wema pi puru mapi iya pi kyeni kaparapu mireba kanasi ki rokamo
河上乃伊都藻之花乃何時々々来益我背子時自異目八方
kapa no pe no itu mo no pana no itu mo itu mo ki mase wa ga sekwo toki zi kye me ya mo
初花之可散物乎人事乃繁爾因而止息比者鴨
patu pana no tiru be ki mono wo pito goto no sige ki ni yorite yodomu koro kamo
春之雨者弥布落爾梅花未咲久伊等若美可聞
paru no ame pa iya siki puru ni ume no pana imada saka na ku ito waka mi kamo
浦若見花咲難寸梅乎殖而人之事重三念曽吾為類
ura waka mi pana saki kata ki ume wo uwete pito no koto sige mi omopi so wa ga su ru
伊毛何美斯阿布知乃波那波知利奴倍斯和何那久那美多伊摩陀飛那久爾
imo ga mi si aputi no pana pa tiri nu be si wa ga naku namita imada pwi naku ni
世間能周弊奈伎物能波年月波奈何流流其等斯等利都都伎意比久留母能波毛毛久佐爾勢米余利伎多流之路多倍乃袖布利可伴之久礼奈為乃阿可毛須蘇毘伎余知古良等手多豆佐波利提阿蘇比家武等伎能佐迦利乎等等尾迦祢周具斯野利都礼美奈乃和多迦具漏伎可美爾伊都乃麻可斯毛乃布利家武爾能保奈須都祢奈利斯恵麻比麻欲毘伎散久伴奈能宇都呂比爾家利余乃奈可伴可久乃未奈良之麻須良遠乃遠刀古佐備周等都流伎多智許志爾刀利波枳佐都由美乎多爾伎利物知提阿迦胡麻爾志都久良宇知意伎波比能利提阿蘇比阿留伎斯余乃奈迦野都祢爾阿利家留遠等咩良何佐那周伊多斗乎意斯比良伎伊多度利与利提麻多麻提乃多麻提佐斯迦閇佐祢斯欲能伊久陀母阿羅祢婆多都可豆慧許志爾多何祢提可由既婆比等爾伊等波延可久由既婆比等爾迩久麻延意余斯遠波迦久能尾奈良志多摩枳波流伊能知遠志家騰世武周弊母奈斯
yo no naka no subye na ki mono pa tosi tukwi pa nagaruru goto si tori tutuki opi kuru mono pa momo kusa ni seme yori ki taru sirwo tape no swode puri kapasi kurenawi no aka mo suswo biki yoti kwo ra to te tadusaparite aswobi kye mu toki no sakari wo todomwi kane sugusi yari ture mina no wata ka gurwo ki kami ni itu no ma ka simo no puri kye mu ni no po nasu tune nari si wemapi maywobiki saku pana no uturopi ni kyeri yo no naka pa kaku nomwi na rasi masura wo no wotokwosabwi su to turugi tati kosi ni twori paki satu yumi wo ta nigiri motite aka gwoma ni situ kura uti oki papi norite aswobi aruki si yo no naka ya tune ni ari kyeru wotomye ra ga sa nasu ita two wo osi piraki i tadwori yorite ma tama de no tama de sasi kape sa ne si ywo no ikuda mo ara neba ta tuka duwe kosi ni taganete ka yukeba pito ni itopa ye kaku yukeba pito ni nikuma ye oyosi wo pa kaku nomwi na rasi tamakiparu inoti wosi kyedo se mu subye mo na si
烏梅能波奈伊麻佐家留期等知利須義受和我覇能曾能爾阿利己世奴加毛
ume no pana ima sak yeru goto tiri sugwi zu wagapye no sono ni ari kose nu kamo
烏梅能波奈佐吉多留僧能能阿遠也疑波可豆良爾須倍久奈利爾家良受夜
ume no pana saki taru sono no awo yagwi pa kadura ni su be ku nari ni kyera zu ya
波流佐礼婆麻豆佐久耶登能烏梅能波奈比等利美都都夜波流比久良佐武
paru sareba madu saku yadwo no ume no pana pito ri mitutu ya paru pi kurasa mu
余能奈可波古飛斯宜志恵夜加久之阿良婆烏梅能波奈爾母奈良麻之勿能怨
yo no naka pa kwopwi sige si we ya kaku si araba ume no pana ni mo nara masi monowo
烏梅能波奈伊麻佐可利奈理意母布度知加射之爾斯弖奈伊麻佐可利奈理
ume no pana ima sakari nari omopu dwoti kazasi ni si tena ima sakari nari
阿乎夜奈義烏梅等能波奈乎遠理可射之能弥弖能能知波知利奴得母與斯
awo yanagwi ume to no pana wo wori kazasi nomite no noti pa tiri nu tomo yo si
和何則能爾宇米能波奈知流比佐可多能阿米欲里由吉能那何列久流加母
wa ga sono ni ume no pana tiru pisakata no ame ywori yuki no nagare kuru kamo
烏梅能波奈知良久波伊豆久志可須我爾許能紀能夜麻爾由企波布理都都
ume no pana tiraku pa iduku sikasugani ko no kwi no yama ni yuki pa puritutu
烏梅乃波奈知良麻久怨之美和我曾乃乃多気乃波也之爾于具比須奈久母
ume no pana tira maku wosi mi wa ga sono no take no payasi ni ugupisu naku mo
烏梅能波奈佐岐多流曾能能阿遠夜疑遠加豆良爾志都都阿素毘久良佐奈
ume no pana saki taru sono no awo yagwi wo kadura ni situtu aswobi kurasana
有知奈毘久波流能也奈宜等和我夜度能烏梅能波奈等遠伊可爾可和可武
uti nabiku paru no yanagwi to wa ga yadwo no ume no pana to wo ika ni ka waka mu
比等期等爾乎理加射之都都阿蘇倍等母伊夜米豆良之岐烏梅能波奈加母
pito gotoni wori kazasitutu aswobedomo iya medurasi ki ume no pana kamo
烏梅能波奈佐企弖知理奈波佐久良婆那都伎弖佐久倍久奈利爾弖阿良受也
ume no pana sakite tiri naba sakura bana tugite saku be ku nari nite ara zu ya
萬世爾得之波岐布得母烏梅能波奈多由流己等奈久佐吉和多流倍子
yorodu yo ni tosi pa ki pu tomo ume no pana tayuru koto na ku saki wataru be si
波流奈例婆宇倍母佐枳多流烏梅能波奈岐美乎於母布得用伊母祢奈久爾
paru nareba ube mo saki taru ume no pana kimi wo omopu to ywo i mo ne naku ni
烏梅能波奈乎利弖加射世留母呂比得波家布能阿比太波多努斯久阿流倍斯
ume no pana worite kazas eru moro pito pa kyepu no apida pa tanwosi ku aru be si
烏梅能波奈伊麻佐可利奈理毛毛等利能己恵能古保志枳波流岐多流良斯
ume no pana ima sakari nari momo tori no kowe no kwoposi ki paru ki taru rasi
波流佐良婆阿波武等母比之烏梅能波奈家布能阿素毘爾阿比日都流可母
paru saraba apa mu to mopi si ume no pana kyepu no aswobi ni api mi turu kamo
烏梅能波奈多乎利加射志弖阿蘇倍等母阿岐太良奴比波家布爾志阿利家利
ume no pana ta wori kazasite aswobedomo aki dara nu pi pa kyepu ni si ari kyeri
波流能努爾奈久夜于隅比須奈都気牟得和何弊能曾能爾于米何波奈佐久
paru no nwo ni naku ya ugupisu natuke mu to wagapye no sono ni ume ga pana saku
烏梅能波奈知利麻我比多流乎加肥爾波宇具比須奈久母波流加多麻気弖
ume no pana tiri magapi taru woka bwi ni pa ugupisu naku mo paru kata makete
波流能努爾紀理多知和多利布流由岐得比得能美流麻提烏梅能波奈知流
paru no nwo ni kwiri tati watari puru yuki to pito no miru made ume no pana tiru
波流楊那宜可豆良爾乎利志烏梅能波奈多礼可有可倍志佐加豆岐能倍爾
paru yanagwi kadura ni wori si ume no pana tare ka ukabe si saka duki no pe ni
于遇比須能於登企久奈倍爾烏梅能波奈和企弊能曾能爾佐伎弖知流美由
ugupisu no oto kiku napeni ume no pana wagipye no sono ni sakite tiru miyu
宇梅能波奈乎理加射之都都毛呂比登能阿蘇夫遠美礼婆弥夜古之叙毛布
ume no pana wori kazasitutu moro pito no aswobu wo mireba miyakwo si zo mopu
伊母我陛迩由岐可母不流登弥流麻提爾許許陀母麻我不烏梅能波奈可母
imo ga pye ni yuki ka mo puru to miru madeni kokoda mo magapu ume no pana kamo
宇具比須能麻知迦弖爾勢斯宇米我波奈知良須阿利許曾意母布故我多米
ugupisu no mati kate ni se si ume ga pana tira zu ari koso omopu kwo ga tame
可須美多都那我岐波流卑乎可謝勢例杼伊野那都可子岐烏梅能波那可毛
kasumi tatu naga ki paru pi wo kazas eredo iya natukasi ki ume no pana kamo
能許利多流由棄仁末自例留宇梅能半奈半也久奈知利曾由吉波気奴等勿
nokori taru yuki ni mazir eru ume no pana paya ku na tiri so yuki pa ke nu tomo
由吉能伊呂遠有婆比弖佐家留有米能波奈伊麻左加利奈利弥牟必登母我聞
yuki no iro wo ubapite sak yeru ume no pana ima sakari nari mi mu pito moga mo
和我夜度爾左加里爾散家留宇梅能波奈知流倍久奈里奴美牟必登聞我母
wa ga yadwo ni sakari ni sak yeru ume no pana tiru be ku nari nu miru pito moga mo
烏梅能波奈伊米爾加多良久美也備多流波奈等阿例母布左気爾于可倍許曾
ume no pana ime ni kataraku miyabwi taru pana to are mopu sake ni ukabe koso
烏梅能波奈伊米爾加多良久伊多豆良爾阿例乎知良須奈左気爾于可倍許曾
ume no pana ime ni kataraku itadura ni are wo tirasu na sake ni ukabe koso
於久礼為天那我古飛世殊波弥曾能不乃于梅能波奈爾忘奈良麻之母能乎
okure wite naga kwopwi se zupa mi sono pu no ume no pana ni mo nara masi monowo
山高三白木綿花落多藝追瀧之河内者雖見不飽香聞
yama taka mi sira yupu bana ni oti tagitu taki no kaputi pa miredo aka nu kamo
泊瀬女造木綿花三吉野瀧乃水沫開来受屋
patuse mye no tukuru yupu bana mi yosinwo no taki no minawa ni saki ni kyera zu ya
八隅知之和期大王乃高知為芳野宮者立名附青垣隠河次乃清河内曽春部者花咲乎遠里秋去者霧立渡其山之弥益々爾此河之絶事無百石木能大宮人者常将通
yasumisisi wa go opo kimi no taka sira su yosinwo no miya pa tatanaduku awo kaki gomori kapa nami no kiywo ki kaputi so paru bye pa pana saki wowori aki sareba kwiri tati wataru so no yama no iya masumasu ni ko no kapa no tayuru koto na ku momo sikwi no opo miya pito pa tune ni kaywopa mu
指進乃粟栖乃小野之芽花将落時爾之行而手向六
sasizumi no kurusu no wo nwo no pagwi no pana tira mu toki ni si yukite ta muke mu
白雲乃龍田山乃露霜爾色附時丹打超而客行公者五百隔山伊去割見賊守筑紫爾至山乃曽伎野之衣寸見世常伴部乎班遣之山彦乃将應極谷潜乃狭渡極國方乎見之賜而冬木成春去行者飛鳥乃早御来龍田道之岳邊乃路爾丹管土乃将薫時能櫻花将開時爾山多頭能迎参出六公之来益者
sira kumo no tatuta no yama no tuyu simo ni iro duku toki ni uti kwoyete tabi yuku kimi pa i po pye yama i yuki sakumi ata mamoru tukusi ni itari yama no soki nwo no soki mi yo to tomo no bye wo akati tukapa si yama bikwo no kotape mu kipami taniguku no sa wataru kipami kuni kata wo mye si tamapite puyu gomori paru sari yukaba tobu tori no paya ku ki masane tatuta di no woka pye no miti ni nitutuzi no nipopa mu toki no sakura bana saki na mu toki ni yama tadu no mukape mawi de mu kimi ga ki masa ba
橘者實左倍花左倍其葉左倍枝爾霜雖降益常葉之樹
tatibana pa mwi sape pana sape so no pa sape ye ni simo puredo iya toko pa no kwi
八隅知之吾大王乃高敷為日本國者皇祖乃神之御代自敷座流國爾之有者阿礼将座御子之嗣継天下所知座跡八百萬千年矣兼而定家牟平城京師者炎乃春爾之成者春日山御笠之野邊爾櫻花木晩牢皃鳥者間無數鳴露霜乃秋去来者射駒山飛火賀㟴丹芽乃枝乎石辛見散之狭男壮鹿者妻呼令動山見者山裳見皃石里見者里裳住吉物負之八十伴緒乃打經而思煎敷者天地乃依會限萬世丹榮将徃迹思煎石大宮尚矣恃有之名良乃京矣新世乃事爾之有者皇之引乃真爾真荷春花乃遷日易村鳥乃旦立徃者刺竹之大宮人能踏平之通之道者馬裳不行人裳徃莫者荒爾異類香聞
yasumisisi wa go opo kimi no taka sika su yamato no kuni pa sumyeroki no kamwi no mi yo ywori siki mas e ru kuni ni si areba are masa mu mi kwo no tugi tugi ame no sita sira si imase to ya po yorodu ti tose wo kanete sadame kye mu nara no miyakwo pa kagirwopwi no paru ni si nareba kasuga yama mikasa no nwo pye ni sakura bana ko no kure komori kapo dori pa ma na ku siba naku tuyu simo no aki sari kureba ikwoma yama tobupwi ga take ni pagwi no ye wo sigarami tirasi sa wo sika pa tuma ywobi toyomu yama mireba yama mo mi gaposi satwo mireba satwo mo sumi yo si mononopu no ya swo tomo no wo no uti papete omop ye ri siku pa ame tuti no yoriapi no kagiri yorodu yo ni sakaye yuka mu to omop yeri si opo miya sura wo tanom yeri si nara no miyakwo wo arata yo no koto ni si areba opo kimi no piki no manima ni paru pana no uturo pi kapari mura tori no asa dati yukeba sasutake no opo miya pito no pumi nara si kaywopi si miti pa uma mo yuka zu pito mo yuka neba are ni kyeru kamo
明津神吾皇之天下八嶋之中爾國者霜多雖有里者霜澤爾雖有山並之宜國跡川次之立合郷跡山代乃鹿脊山際爾宮柱太敷奉高知為布當乃宮者河近見湍音叙清山近見鳥賀鳴慟秋去者山裳動響爾左男鹿者妻呼令響春去者岡邊裳繁爾巌者花開乎呼理痛怜布當乃原甚貴大宮處諾己曽吾大王者君之随所聞賜而刺竹乃大宮此跡定異等霜
aki tu kamwi wa go opo kimi no ame no sita ya sima no uti ni kuni pa si mo sapa ni aredomo satwo pa si mo sapa ni aredomo yama nami no yorosi ki kuni to kapa nami no tati apu satwo to yamasiro no kase yama no ma ni miya basira putwo siki maturi taka sira su putagi no miya pa kapa tika mi se no oto zo kiywo ki yama tika mi tori ga ne toyomu aki sareba yama mo todoro ni sa wo sika pa tuma ywobi toyome paru sareba woka pye mo sizi ni ipapo ni pa pana saki wowori ana omosirwo putagi no para ito taputwo opo miya tokoro ube si koso wa go opo kimi pa kimi nagara kika si tamapite sasutake no opo miya koko to sadame kye rasi mo
吾皇神乃命乃高所知布當乃宮者百樹成山者木高之落多藝都湍音毛清之鴬乃来鳴春部者巌者山下耀錦成花咲乎呼里左壮鹿乃妻呼秋者天霧合之具礼乎疾狭丹頬歴黄葉散乍八千年爾安礼衝之乍天下所知食跡百代爾母不可易大宮處
wa go opo kimi kamwi no mikoto no taka sira su putagi no miya pa momo kwi mo ku yama pa ko daka si oti tagitu se no oto mo kiywo si ugupisu no ki naku paru bye pa ipapo ni pa yama sita pikari nisiki nasu pana saki wowori sa wo sika no tuma ywobu aki pa ama gwir apu sigure wo ita mi sa ni turapu momiti tiritutu ya ti tose ni are tuga si tutu ame no sita sira si myesa mu to momo yo ni mo kaparu masizi ki opo miya tokoro
三香原久邇乃京師者山高河之瀬清在吉迹人者雖云在吉跡吾者雖念故去之里爾四有者國見跡人毛不通里見者家裳荒有波之異耶如此在家留可三諸著鹿脊山際爾開花之色目列敷百鳥之音名束敷在杲石住吉里乃荒樂苦惜哭
mika no para kuni no miyakwo pa yama taka mi kapa no se kiywo mi sumi yo si to pito pa ipedomo ari yo si to ware pa omopedo puri ni si satwo ni si areba kuni mire do pito mo kaywopa zu satwo mireba ipye mo are tari pasikiyasi kaku ari kyeru ka mi moro tuku kase yama no ma ni saku pana no iro medurasi ku momo tori no kowe natukasi ku ari gaposi sumi yo ki satwo no aru raku wosi mo
咲花乃色者不易百石城乃大宮人叙立易奚流
saku pana no iro pa kapara zu momo sikwi no opo miya pito zo tati kapari kyeru
泊瀬川白木綿花爾堕多藝都瀬清跡見爾来之吾乎
patuse gapa sira yupu bana ni oti tagitu se wo sayake mi to mi ni ko si ware wo
嶋廻為等礒爾見之花風吹而波者雖縁不取不止
sima mwi su to iswo ni mi si pana kaze pukite nami pa yosu tomo tora zu pa yamazi
足代過而絲鹿乃山之櫻花不散在南還来万代
ate sugwite itoka no yama no sakura bana tira zu ara namu kapyeri kuru made
吾妹子見偲奥藻花開在我告与
wagimo kwo to mitutu sinwopa mu oki tu mo no pana saki taraba ware ni tuge koso
道邊之草深由利乃花咲爾咲之柄二妻常可云也
miti no pye no kusa puka yuri no pana wemi ni wemi si ga kara ni tuma to ipu be si ya
佐伯山于花以之哀我手鴛取而者花散鞆
sapeki yama u no pana mot eru kanasi ki ga te wo si tori teba pana pa tiru tomo
梓弓引津邊在莫謂花及採不相有目八方勿謂花
adusa yumi pikitu bye ni aru nanoriso no pana tumu madeni apa zara me ya mo nanoriso no pana
海底奥玉藻之名乗曽花妹与吾此何有跡莫語之花
wata no soko oki tu tama mo no nanoriso no pana imo to ware to koko ni si ari to nanoriso no pana
是山黄葉下花矣我小端見反戀
ko no yama no momiti no sita no pana wo wa ga patupatuni mite napo kwopwi ni kyeri
波之吉也思吾家乃毛桃本繁花耳開而不成在目八方
pasikiyasi wagipye no ke momo moto sige ku pana nomwi sakite nara zu ara me ya mo
向岳之若楓木下枝取花待伊間爾嘆鶴鴨
muka tu wo no waka katura no kwi sidu ye tori pana matu i ma ni nageki turu kamo
氣緒爾念有吾乎山治左能花爾香公之移奴良武
iki no wo ni omop yeru ware wo yama disa no pana ni ka kimi ga uturopi nu ramu
秋去者影毛将為跡吾蒔之韓藍之花乎誰採家牟
aki saraba utusi mo se mu to wa ga maki si kara awi no pana wo tare ka tumi kye mu
欲見戀管待之秋芽子者花耳開而不成可毛将有
mi maku pori kwopwi tutu mati si aki pagwi pa pana nomwi sakite nara zu kamo ara mu
吾妹子之屋前之秋芽子自花者實成而許曽戀益家礼
wagimo kwo ga yadwo no aki pagwi pana ywori pa mwi ni narite koso kwopwi masari kyere
鏡成吾見之君乎阿婆乃野之花橘之珠爾拾都
kagami nasu wa ga mi si kimi wo aba no nwo no pana tatibana no tama ni piripi tu
玉梓之妹者花可毛足日木乃此山影爾麻氣者失留
tamadusa no imo pa pana kamo asi pikwi no ko no yama kage ni makeba use nuru
沫雪香薄太礼爾零登見左右二流倍散波何物之花其毛
awa yuki ka padare ni puru to miru madeni nagara pe tiru pa nani no pana so mo
去年春伊許自而殖之吾屋外之若樹梅者花咲爾家里
kozo no paru i kozi te uwe si wa ga yadwo no waka kwi no ume pa pana saki ni kyeri
足比奇乃山櫻花日並而如是開有者甚戀目夜裳
asi pikwi no yama sakura bana pi narabete kaku saki taraba ita ku kwopwi me ya mo
吾勢子爾令見常念之梅花其十方不所見雪乃零有者
wa ga se kwo ni mise mu to omopi si ume no pana sore to mo mi ye zu yuki no pur ereba
𡢳嬬等之頭挿乃多米爾遊士之蘰之多米等敷座流國乃波多弖爾開爾鶏類櫻花能丹穂日波母安奈爾
wotomye ra ga kazasi no tame ni miyabwi wo no kadura no tame to siki mas e ru kuni no pata te ni saki ni kyeru sakura no pana no nipopi pa mo anani
去年之春相有之君爾戀爾手師櫻花者迎来良之母
kozo no paru ap yeri si kimi ni kwopwi nite si sakura no pana pa mukape kye rasi mo
霜雪毛未過者不思爾春日里爾梅花見都
simo yuki mo imada sugwi neba omopa nu ni kasuga no satwo ni ume no pana mi tu
河津鳴甘南備河爾陰所見而今香開良武山振乃花
kapadu naku kamunabwi kapa ni kage mi yete ima ka saku ramu yama buki no pana
霞立春日之里梅花山下風爾落許須莫湯目
kasumi tatu kasuga no satwo no ume no pana yama no arasi ni tiri kosu na yume
霞立春日里之梅花波奈爾将問常吾念奈久爾
kasumi tatu kasuga no satwo no ume no pana panani twopa mu to wa ga omopa na ku ni
風交雪者雖零實爾不成吾宅之梅乎花爾令落莫
kaze mazipe yuki pa puru tomo mwi ni nara nu wagipye no ume wo pana ni tirasu na
吾屋外爾蒔之瞿麥何時毛花爾咲奈武名蘇經乍見武
wa ga yadwo ni maki si nadesikwo itu si ka mo pana ni saki na mu naswo petutu mi mu
闇夜有者宇倍毛不来座梅花開月夜爾伊而麻左自常屋
yamwi n araba ube mo ki masazi ume no pana sak yeru tuku ywo ni ide masazi to ya
此花乃一与能内爾百種乃言曽隠有於保呂可爾為莫
ko no pana no pito yo no uti ni momo kusa no koto so komor eru oporoka ni su na
此花乃一与能裏波百種乃言持不勝而所折家良受也
ko no pana no pito yo no uti pa momo kusa no koto moti kanete wora ye kyera zu ya
室戸在櫻花者今毛香聞松風疾地爾落良武
yadwo ni aru sakura no pana pa ima mo ka mo matu kaze paya mi tuti ni tiru ramu
世間毛常爾師不有者室戸爾有櫻花乃不所比日可聞
yo no naka mo tune ni si ara neba yadwo ni aru sakura no pana no tir eru koro kamo
晝者咲夜者戀宿合歡木花君耳将見哉和氣佐倍爾見代
piru pa saki yworu pa kwopwi nuru nebu no pana kimi nomwi mi me ya wake sape ni mi yo
吾妹子之形見乃合歡木者花耳爾咲而盖實爾不成鴨
wagimo kwo ga katami no nebu pa pana nomwi ni sakite kedasiku mwi ni narazi kamo
霍公鳥来鳴令響宇乃花能共也来之登問麻思物乎
pototogisu ki naki toyomosu u no pana no tomo ni ya ko si to twopa masi mono wo
橘之花散里乃霍公鳥片戀為乍鳴日四曽多寸
tatibana no pana tiru satwo no pototogisu kata kwopwi situtu naku pi si so opo ki
宇能花毛未開者霍公鳥佐保乃山邊来鳴令響
u no pana mo imada saka neba pototogisu sapo no yama pye ni ki naki toyomosu
我屋戸前乃花橘爾霍公鳥今社鳴米友爾相流時
wa ga yadwo no pana tatibana ni pototogisu ima koso naka me tomo ni ap ye ru toki
皆人之待師宇能花雖落奈久霍公鳥吾将忘哉
mwina pito no mati si u no pana tiri nu tomo naku pototogisu ware wasure me ya
吾背子之屋戸乃橘花乎吉美鳴霍公鳥見曽吾来之
wa ga sekwo ga yadwo no tatibana pana wo yo mi naku pototogisu mi ni so wa ga ko si
吾屋前之花橘乎霍公鳥来不喧地爾令落常香
wa ga yadwo no pana tatibana wo pototogisu ki naka zu tuti ni tirasi te mu to ka
宇乃花能過者惜香霍公鳥雨間毛不置従此間喧渡
u no pana no sugwiba wosi mi ka pototogisu ama ma mo oka zu ko yu naki wataru
君家乃花橘者成爾家利花有時爾相益物乎
kimi ga ipye no panatatibana pa nari ni kyeri pana n aru toki ni apa masi mono wo
吾屋前之瞿麥乃花盛有手折而一目令見兒毛我母
wa ga yadwo no nadesikwo no pana sakari nari ta worite pito me mise mu kwo moga mo
霍公鳥鳴峯乃上能宇乃花之猒事有哉君之不来益
pototogisu naku wo no upe no u no pana no u ki koto are ya kimi ga ki masa nu
五月之花橘乎為君珠爾社貫零巻惜美
satukwi no pana tatibana wo kimi ga tame tama ni turanuku tira maku wosi mi
吾妹兒之家乃垣内乃佐由理花由利登云者不欲云二似
wagimo kwo ga ipye no kakitu no sa yuri bana yuri to ip yeru pa ina to ipu ni ni mu
暇無五月乎尚爾吾妹兒我花橘乎不見可将過
itoma na mi satukwi wo surani wagimo kwo ga pana tatibana wo mi zu ka sugusa mu
伊加登伊可等有吾屋前爾百枝刺於布流橘玉爾貫五月乎近美安要奴我爾花咲爾家里朝爾食爾出見毎氣緒爾吾念妹爾銅鏡清月夜爾直一眼令覩麻而爾波落許須奈由米登云管幾許吾守物乎宇礼多伎也志許霍公鳥暁之裏悲爾雖追雖追尚来鳴而徒地爾令散者為便乎奈美攀而手折都見末世吾妹兒
ika to ika to aru wa ga yadwo ni momo ye sasi opuru tatibana tama ni nuku satukwi wo tika mi aye nu gani pana saki ni kyeri asa ni ke ni ide miru goto ni iki no wo ni wa ga omopu imo ni maswo kagami kiywo ki tuku ywo ni tada pito me misuru madeni pa tiri kosu na yume to ipi tutu kokodaku mo wa ga moru mono wo ureta ki ya siko pototogisu aka toki no ura ganasi ki ni opedo opedo napo si ki nakite itadura ni tuti ni tiraseba subye wo na mi yodite ta wori tu mi mase wagimo kwo
妹之見而後毛将鳴霍公鳥花橘乎地爾落津
imo ga mite noti mo nakanamu pototogisu pana tatibana wo tuti ni tirasi tu
瞿麥者咲而落去常人者雖言吾標之野乃花爾有目八方
nadesikwo pa sakite tiri nu to pito pa ipedo wa ga sime si nwo no pana ni ara me ya mo
秋芽者可咲有良之吾屋戸之淺茅之花乃散去見者
aki pagwi pa saku be ku aru rasi wa ga yadwo no asa di ga pana no tiri yuku mireba
伊香山野邊爾開有芽子見者公之家有尾花之所念
ikagwo yama nwo pye ni saki taru pagwi mireba kimi ga ipye n aru wo bana si omopoyu
秋野爾咲有花乎指折可伎數者七種花
aki no nwo ni saki taru pana wo oyobi wori kaki kazwopureba nana kusa no pana
芽之花乎花葛花瞿麦之花姫部志又藤袴朝皃之花
pagwi no pana wo bana kuzu pana nadesikwo no pana wominapyesi mata pudibakama asa gapo no pana
吾岳爾棹壮鹿来鳴先芽之花嬬問爾来鳴棹壮鹿
wa ga woka ni sa wo sika ki naku patu pagwi no pana tuma dopi ni ki naku sa wo sika
吾岳之秋芽花風乎痛可落成将見人裳欲得
wa ga woka no aki pagwi no pana kaze wo ita mi tiru be ku nari nu mi mu pito moga mo
咲花毛乎曽呂波猒奥手有長意爾尚不如家里
saku pana mo wosoro pa aki nu okute naru naga ki kokoro ni napo sika zu kyeri
射目立而跡見乃岳邊之瞿麦花總手折吾者将去寧樂人之為
ime tatete tomi no woka pye no nadesikwo no pana pusa ta wori ware pa yuki na mu nara pito no tame
秋付者尾花我上爾置露乃應消毛吾者所念香聞
aki dukeba wo bana ga upe ni oku tuyu no ke nu be ku mo a pa omopoyuru kamo
吾屋戸乃草花上之白露乎不令消而玉爾貫物爾毛我
wa ga yadwo no wo bana ga upe no sira tuyu wo keta zute tama ni nuku mono ni moga
秋野之草花我末乎押靡而来之久毛知久相流君可聞
aki no nwo no wo bana ga ure wo osi nabete ko siku mo siru ku ap ye ru kimi kamo
目頬布君之家有波奈須為寸穂出秋乃過良久惜母
medurasi ki kimi ga ipye n aru pana susuki po ni iduru aki no sugu raku wosi mo
高圓之秋野上乃瞿麦之花丁壮香見人之挿頭師瞿麦之花
takamatwo no aki no nwo no upe no nadesikwo no pana ura waka mi pito no kazasi si nadesikwo no pana
毎朝吾見屋戸乃瞿麦之花爾毛君波有許世奴香裳
asa gotoni wa ga miru yadwo no nadesikwo no pana ni mo kimi pa ari kose nu kamo
吾屋前之芽子花咲有見来益今二日許有者将落
wa ga yadwo no pagwi pana sak yeri mi ni ki mase ima putu ka bakari araba tiri na mu
叩々物乎念者将言為便将為々便毛奈之妹与吾手携而旦者庭爾出立夕者床打拂白細乃袖指代而佐寐之夜也常爾有家類足日木能山鳥許曽婆峯向爾嬬問為云打蝉乃人有我哉如何為跡可一日一夜毛離居而嘆戀良武許己念者胸許曽痛其故爾情奈具夜登高圓乃山爾毛野爾母打行而遊徃杼花耳丹穂日手有者毎見益而所思奈何為而忘物曽戀云物呼
nemokoro ni mono wo omopeba ipa mu subye se mu subye mo na si imo to ware te tadusaparite asita ni pa nipa ni ide tati yupu pye ni pa toko uti parapi sirwo tape no swode sasi kapete sa ne si ywo ya tune ni ari kyeru asi pikwi no yama dori kosoba wo mukapi ni tuma dopi su to ipe utusemi no pito n aru ware ya nani su to ka pito pi pito ywo mo sakari wite nageki kwopu ramu koko omopeba mune koso ita ki soko yuweni kokoro nagu ya to takamatwo no yama ni mo nwo ni mo uti yukite aswobi arukedo pana nomwi nipopite areba miru gotoni masite omopoyu ika nisite wasure mu mono so kwopwi to ipu mono wo
高圓之野邊乃容花面影爾所見乍妹者忘不勝裳
takamatwo no nwo pye no kapo bana omo kage ni mi yetutu imo pa wasure kane tu mo
波太須珠寸尾花逆葺黒木用造有室者迄萬代
pada susuki wo bana saka puki kurwo kwi moti tukur eru ipye pa yorodu yo madeni
吾岳爾盛開有梅花遺有雪乎乱鶴鴨
wa ga woka ni sakari ni sak yeru ume no pana nokor eru yuki wo magape turu kamo
沫雪爾所落開有梅花君之許遣者与曽倍弖牟可聞
awa yuki ni pura yete sak yeru ume no pana kimi gari yaraba yosope te mu kamo
棚霧合雪毛零奴可梅花不開之代爾曽倍而谷将見
tanagwirapi yuki mo pura nu ka ume no pana saka nu ga siro ni sopete dani mi mu
引攀而折者可落梅花袖爾古寸入津染者雖染
piki yodite woraba tiru be mi ume no pana swode ni kwoki re tu simaba simu tomo
吾屋前之冬木乃上爾零雪乎梅花香常打見都流香裳
wa ga yadwo no puyu kwi no upe ni puru yuki wo ume no pana ka to uti mi turu kamo
梅花枝爾可散登見左右二風爾乱而雪曽落久類
ume no pana yeda ni ka tiru to miru made ni kaze ni midarete yuki so puri kuru
十二月爾者沫雪零跡不知可毛梅花開含不有而
sipasu ni pa awa yuki puru to sira ne ka mo ume no pana saku pupum yera zusite
今日零之雪爾競而我屋前之冬木梅者花開二家里
kyepu puri si yuki ni kipopite wa ga yadwo no puyu kwi no ume pa pana saki ni kyeri
沫雪乃比日續而如此落者梅始花散香過南
awa yuki no ko no koro tugite kaku puraba ume no patu pana tiri ka sugwi na mu
梅花折毛不折毛見都礼杼母今夜能花爾尚不如家利
ume no pana wori mo wora zu mo mi turedomo ko yopi no pana ni napo sika zu kyeri
如今心乎常爾念有者先咲花乃地爾将落八方
ima no goto kokoro wo tune ni omop yeraba madu saku pana no tuti ni oti me ya mo
酒杯爾梅花浮念共飲而後者落去登母与之
saka duki ni ume no pana ukabe omopu dwoti nomite no noti pa tiri nu tomo yo si
梅花令落冬風音耳聞之吾妹乎見良久志吉裳
ume no pana tirasu arasi no oto nomwi ni kiki si wagimo wo mi raku si yo si mo
久方乃月夜乎清美梅花心開而吾念有公
pisakata no tuku ywo wo kiywo mi ume no pana kokoro pirakete wa ga omop yeru kimi
妹手取而引与治捄手折吾刺可花開鴨
imo ga te wo torite piki yodi pusa ta wori wa ga kazasu be ku pana sak yeru kamo
山高見白木綿花爾落多藝津夏身之川門雖見不飽香開
yama taka mi sira yupu bana ni oti tagitu natumwi no kapa two miredo aka nu kamo
水長鳥安房爾繼有梓弓末乃珠名者胸別之廣吾妹腰細之須軽娘子之其姿之端正爾如花咲而立者玉桙乃道徃人者己行道者不去而不召爾門至奴指並隣之君者預己妻離而不乞爾鎰左倍奉人皆乃如是迷有者容艶縁而曽妹者多波礼弖有家留
sinaga tori apa ni tugi taru adusa yumi suwe no tamana pa muna wake no piro ki wa g imo kosi boso no sugaru wotomye no so no kapo no kirakirasi ki ni pana no goto wemite tat ereba tama poko no miti yuku pito pa ono ga yuku miti pa yuka zute ywoba naku ni kadwo ni itari nu sasi narabu twonari no kimi pa arakazime ono duma karete kopa naku ni kagi sape maturu pito mwina no kaku matwop yereba kapo yo ki ni yorite so imo pa taparete ari kyeru
白雲之龍田山之瀧上之小鞍嶺爾開乎烏流櫻花者山高風之不息者春雨之繼而零者最末枝者落過去祁利下枝爾遺有花者須臾者落莫乱草枕客去君之及還夾
sira kumo no tatuta no yama no tagi no upe no wogura no mine ni saki woworu sakura no pana pa yama taka mi kaze si yama neba paru same no tugite si pureba potu ye pa tiri sugwi ni kyeri sidu ye ni nokor eru pana pa simasi ku pa tiri na magapi so kusa makura tabi yuku kimi ga kapyeri kuru made
吾去者七日者不過龍田彦勤此花乎風爾莫落
wa ga yuki pa nanu ka pa sugwizi tatuta pikwo yume ko no pana wo kaze ni na tirasi
白雲乃立田山乎夕晩爾打越去者瀧上之櫻花者開有者落過祁里含有者可開継許知期智乃花之盛爾雖不見在君之三行者今西應有
sira kumo no tatuta no yama wo yupu gure ni uti kwoye yukeba taki no upe no sakura no pana pa saki taru pa tiri sugwi ni kyeri pupum yeru pa saki tugi nu be si koti goti no pana no sakari ni ara nedomo kimi ga mi yuki pa ima ni si aru be si
暇有者魚津柴比渡向峯之櫻花毛折末思物緒
itoma araba nadusapi watari muka tu wo no sakura no pana mo wora masi mono wo
嶋山乎射徃廻流河副乃丘邊道従昨日己曽吾超夾壮鹿一夜耳宿有之柄二峯上之櫻花者瀧之瀬従落堕而流君之埓見其日左右庭山下之風莫吹登打越而名二負有社爾風祭爲奈
simayama wo i yuki megur eru kapa swopi no woka pye no miti yu kinopu koso wa ga kwoye ko si ka pito ywo nomwi ne tari si karani wo no upe no sakura no pana pa taki no se yu tirapite nagaru kimi ga mi mu so no pi madeni pa yama orosi no kaze na puki so to uti kwoyete na ni op yeru mori ni kaza maturi se na
射行相乃坂之踏本爾開乎烏流櫻花乎令見兒毛欲得
i yuki api no saka no pumoto ni saki woworu sakura no pana wo mise mu kwo mo ga mo
鴬之生卵乃中爾霍公鳥獨所生而己父爾似而者不鳴己母爾似而者不鳴宇能花乃開有野邊従飛翻夾鳴令響橘之花乎居令散終日雖喧聞吉幣者埓爲遐莫去吾屋戸之花橘爾住度鳥
ugupisu no kapigwo no naka ni pototogisu pito ri umarete na ga titi ni nite pa naka zu na ga papa ni nite pa naka zu u no pana no saki taru nwo pye yu tobi kakeri ki naki toyomosi tatibana no pana wo wi tirasi pinemosuni nakedo kiki yo si mapi pa se mu topo ku na yuki so wa ga yadwo no pana tatibana ni sumi watare tori
草枕客之憂乎名草漏事毛有哉跡筑波嶺爾登而見者尾花落師付之田井爾鴈泣毛寒夾喧奴新治乃鳥羽能淡海毛秋風爾白浪立奴筑波嶺乃吉久乎見者長氣爾念積夾之憂者息沼
kusa makura tabi no urepe wo nagusamoru koto mo aru ka to tukupa ne ni noborite mireba wo bana tiru situku no ta wi ni kari ga ne mo samu ku ki naki nu nipi bari no toba no apumi mo aki kaze ni sira nami tati nu tukupa ne no yo kye ku wo mireba naga ki ke ni omopi tumi ko si urepe pa yami nu
絶等寸笶山之峯上乃櫻花埓開春部者君之埓思
tayuraki no yama no wo no pe no sakura bana saka mu paru pye pa kimi si sinwopa mu
鶏鳴吾妻乃國爾古昔爾有家留事登至今不絶言夾勝壮鹿乃眞間乃手兒奈我麻衣爾青衿著直佐麻乎裳者織服而髪谷母掻者不梳履乎谷不著雖行錦綾之中丹裹有齊兒毛妹爾埓及哉望月之滿有面輪二如花咲而立有者夏蟲乃入火之如水門入爾船己具如久歸香具礼人乃言時幾時毛不生物呼何爲跡歟身乎田名知而浪音乃驟湊之奥津城爾妹之臥勢流遠代爾有家類事乎昨日霜埓見我其登毛所念可聞
tori ga naku aduma no kuni ni inisipye ni ari kyeru koto to ima madeni taye zu ipi kuru katusika no mama no tegwona ga asa ginu ni awo kubi tuke pita sa wo wo mo ni pa ori kite kami dani mo kaki pa kedura zu kutu wo dani paka zu yukedomo nisiki aya no naka ni tutum yeru ituki gwo mo imo ni sika me ya moti dukwi no tar eru omowa ni pana no goto wemite tat ereba natu musi no pwi ni iru ga goto minatwo iri ni pune kogu goto ku yuki kagure pito no ipu toki ikubaku mo ik yerazi mono wo nani su to ka mwi wo tana sirite nami no oto no sawaku minatwo no oku tu kwi ni imo ga koyas eru topo ki yo ni ari kyeru koto wo kinopu si mo mi kye mu ga goto mo omopoyuru kamo
梅花開有岳邊爾家居者乏毛不有鴬之音
ume no pana sak yeru woka pye ni ipye woreba tomosi ku mo ara zu ugupisu no kowe
梅花零覆雪乎裹持君令見跡取者消管
ume no pana puri opopu yuki wo tutumi moti kimi ni mise mu to toreba ke ni tutu
梅花咲落過奴然為蟹白雪庭爾零重管
ume no pana saki tiri sugwi nu sikasugani sira yuki nipa ni puri sikiri tutu
山高三零来雪乎梅花落鴨来跡念鶴鴨
yama taka mi puri kuru yuki wo ume no pana tiri ka mo kuru to omopi turu kamo
山高三零来雪乎梅花開香裳落跡念鶴鴨
yama taka mi puri kuru yuki wo ume no pana saki ka mo tiru to omopi turu kamo
梅花取持見者吾屋前之柳乃眉師所念可聞
ume no pana tori moti mireba wa ga yadwo no yanagwi no maywo si omopoyuru kamo
鴬之木傳梅乃移者櫻花之時片設奴
ugupisu no ko tutapu ume no uturopeba sakura no pana no toki kata make nu
櫻花時者雖不過見人之戀盛常今之将落
sakura bana toki pa sugwi nedo miru pito no kwopwi no sakari to ima si tiru ramu
打細爾鳥者雖不喫縄延守巻欲寸梅花鴨
ututape ni tori pa pama nedo sime papete mora maku posi ki ume no pana kamo
馬並而高山部乎白妙丹令艶色有者梅花鴨
uma namete taka no yama pye wo sirwo tape ni nipopasi taru pa ume no pana kamo
花咲而實者不成登裳長氣所念鴨山振之花
pana sakite mwi pa nara ne domo naga ki ke ni omopoyuru kamo yama buki no pana
足日木之山間照櫻花是春雨爾散去鴨
asi pikwi no yama no ma terasu sakura bana ko no paru same ni tiri yuka mu kamo
春雉鳴高圓邊丹櫻花散流歴見人毛我母
kigisi naku takamatwo no pye ni sakura bana tirite nagarapu mi mu pito moga mo
阿保山之佐宿木花者今日毛鴨散乱見人無二
apo yama no sakura no pana pa kyepu mo ka mo tiri magapura mu miru pito na si ni
川津鳴吉野河之瀧上乃馬酔之花會置末勿動
kapadu naku yosinwo no kapa no taki no upe no asibi no pana so pasi ni oku na yume
春雨爾相争不勝而吾屋前之櫻花者開始爾家里
paru same ni araswopi kanete wa ga yadwo no sakura no pana pa saki some ni kyeri
春雨者甚勿零櫻花未見爾散巻惜裳
paru same pa ita ku na puri so sakura bana imada mi naku ni tira maku wosi mo
春去者散巻惜梅花片時者不咲含而毛欲得
paru sareba tira maku wosi ki ume no pana simasi pa saka zu pupumite moga mo
見渡者春日之野邊爾霞立開艶者櫻花鴨
mi wataseba kasuga no nwo pye ni kasumi tati saki nipop yeru pa sakura bana kamo
何時鴨此夜乃将明鴬之木傳落梅花将見
itu si ka mo ko no ywo no ake mu ugupisu no ko tutapi tirasu ume no pana mi mu
住吉之里行之鹿歯春花乃益希見君相有香開
suminoye no satwo yuki sikaba paru pana no iya medurasi ki kimi ni ap yeru kamo
春日在三笠乃山爾月母出奴可母佐紀山爾開有櫻之花乃可見
kasuga n aru mikasa no yama ni tukwi mo ide nu kamo sakwi yama ni sak yeru sakura no pana no mi yu be ku
冬隠春開花手折以千遍限戀渡鴨
puyu gomori paru saku pana wo ta wori moti ti tabi no kagiri kwopwi wataru kamo
出見向岡本繁開在花不成不止
idete miru mukapi no woka ni moto sige ku saki taru pana no nara zu pa yamazi
春去者宇乃花具多思吾越之妹我垣間者荒来鴨
paru sareba u no pana gutasi wa ga kwoye si imo ga kaki ma pa are ni kyeru kamo
梅花咲散苑爾吾将去君之使乎片待香花光
ume no pana saki tiru sono ni ware yuka mu kimi ga tukapi wo kata mati gateri
春野爾霞棚引咲花乃如是成二手爾不逢君可母
paru no nwo ni kasumi tanabiki saku pana no kaku naru madeni apa nu kimi kamo
吾瀬子爾吾戀良久者奥山之馬酔花之今盛有
wa ga se kwo ni wa ga kwopu raku pa oku yama no asibi no pana no ima sakari n ari
梅花四垂柳爾折雜花爾供養者君爾相可毛
ume no pana si dari yanagwi ni wori mazipe pana ni maturaba kimi ni apa mu kamo
梅花吾者不令落青丹吉平城之人来管見之根
ume no pana ware pa tirasazi awo ni yo si nara n aru pito mo ki tutu miru gane
梅花令散春雨多零客爾也君之廬入西留良武
ume no pana tirasu paru same ita ku puru tabi ni ya kimi ga ipori s eru ramu
梅花咲而落去者吾妹乎将来香不来香跡吾待乃木曽
ume no pana sakite tiri na ba wagimo kwo wo ko mu ka kozi ka to a pa matu no kwi so
春山之馬酔花之不悪公爾波思恵也所因友好
paru yama no asibi no pana no niku kara nu kimi ni pa siweya yosa yu tomo yo si
狭野方波實爾雖不成花耳開而所見社戀之名草爾
sa nwo kata pa mwi ni nara zu tomo pana nomwi ni sakite mi ye koso kwopwi no nagusa ni
狭野方波實爾成西乎今更春雨零而花将咲八方
sa nwo kata pa mwi ni nari ni si wo imasara ni paru same purite pana saka me ya mo
梓弓引津邊有莫告藻之花咲及二不會君毳
adusa yumi pikitu bye n aru nanoriso no pana saku made ni apa nu kimi ka mo
川上之伊都藻之花乃何時々々来座吾背子時自異目八方
kapa no upe no itu mo no pana no itu mo itu mo ki mase wa ga sekwo toki zi kye me ya mo
霍公鳥鳴音聞哉宇能花乃開落岳爾田葛引𡢳嬬
pototogisu naku kowe kiku ya u no pana no saki tiru woka ni kuzu piku wotomye
旦霧八重山越而霍公鳥宇能花邊柄鳴越来
asa gwiri no ya pye yama kwoyete pototogisu u no pana pye kara nakite kwoye ki nu
霍公鳥花橘之枝爾居而鳴響者花波散乍
pototogisu pana tatibana no yeda ni wite naki toyomoseba pana pa tiritutu
五月山宇能花月夜霍公鳥雖聞不飽又鳴鴨
sa tukwi yama u no pana tuku ywo pototogisu kikedomo aka zu mata naka nu kamo
霍公鳥来居裳鳴香吾屋前乃花橘乃地二落六見牟
pototogisu ki wi mo naka nu ka wa ga yadwo no pana tatibana no tuti ni oti mu mi mu
宇能花乃散巻惜霍公鳥野出山入来鳴令動
u no pana no tira maku wosi mi pototogisu nwo ni ide yama ni iri ki naki toyomosu
如是許雨之零爾霍公鳥宇乃花山爾猶香将鳴
kaku bakari ame no puraku ni pototogisu u no pana yama ni napo ka naku ramu
風散花橘口刂袖受而為君御跡思鶴鴨
kaze ni tiru pana tatibana wo swode ni ukete kimi ga mi tame to omopi turu kamo
香細寸花橘乎玉貫将送妹者三礼而毛有香
ka gupasi ki pana tatibana wo tama ni nuki okura mu imo pa miturete mo aru ka
霍公鳥来鳴響橘之花散庭乎将見人八孰
pototogisu ki naki toyomosu tatibana no pana tiru nipa wo mi mu pito ya tare
吾屋前之花橘者落爾家里悔時爾相在君鴨
wa ga yadwo no pana tatibana pa tiri ni kyeri kuyasi ki toki ni ap yeru kimi kamo
雨間開而國見毛将為乎故郷之花橘者散家武可聞
ama ma akete kuni mi mo se mu wo puru satwo no pana tatibana pa tiri ni kye mu kamo
野邊見者瞿麦之花咲家里吾待秋者近就良思母
nwo bye mireba nadesikwo no pana saki ni kyeri wa ga matu aki pa tika duku rasi mo
吾妹子爾相市乃花波落不過今咲有如有与奴香聞
wagimo kwo ni aputi no pana pa tiri sugwi zu ima sak yeru goto ari kose nu kamo
不時玉乎曽連有宇能花乃五月乎待者可久有
tokiziku no tama wo so nuk yeru u no pana no sa tukwi wo mataba pisasi ku aru be mi
宇能花乃咲落岳従霍公鳥鳴而沙度公者聞津八
u no pana no saki tiru woka yu pototogisu nakite sa wataru kimi pa kiki tu ya
橘花落里爾通名者山霍公鳥将令響鴨
tatibana no pana tiru satwo ni kaywopi na ba yama pototogisu toyomosa mu kamo
五月山花橘爾霍公鳥隠合時爾逢有公鴨
sa tukwi yama pana tatibana ni pototogisu komorapu toki ni ap yeru kimi kamo
片搓爾絲口刂曽吾搓吾背兒之花橘乎将貫跡母日手
katayori ni ito wo so wa ga yoru wa ga sekwo ga pana tatibana wo nuka mu to mopite
鴬之徃来垣根乃宇能花之厭事有哉君之不来座
ugupisu no kaywopu kaki ne no u no pana no u ki koto are ya kimi ga ki masa nu
宇能花之開登波無二有人爾戀也将渡獨念爾指天
u no pana no saku to pa na si ni aru pito ni kwopwi ya watara mu kata mopi nisite
吾社葉憎毛有目吾屋前之花橘乎見爾波不来鳥屋
ware kosoba niku ku mo ara me wa ga yadwo no pana tatibana wo mi ni pa kozi to ya
隠耳戀者苦瞿麦之花爾開出与朝旦将見
komori nomwi kwopureba kurusi nadesikwo no pana ni saki de yo asanasana mi mu
外耳見筒戀牟紅乃末採花之色不出友
yoso nomwi ni mi tutu kwopwi se mu kurenawi no suwe tumu pana no iro ni ide zu tomo
真葛原名引秋風毎吹阿太乃大野之芽子花散
ma kuzu para nabiku aki kaze puku gotoni ada no opo nwo no pagwi no pana tiru
秋風冷成奴馬並而去来於野行奈芽子花見爾
aki kaze pa suzusi ku nari nu uma namete iza nwo ni yuka na pagwi no pana mi ni
秋風者急々吹来芽子花落巻惜三競立見
aki kaze pa two ku two ku puki ko pagwi no pana tira maku wosi mi kipopi tatu mi mu
人皆者芽子乎秋云縦吾等者乎花之末乎秋跡者将言
pito mwina pa pagwi wo aki to ipu yosi ware pa wo bana ga ure wo aki to pa ipa mu
𡢳嬬等爾行相乃速稲乎苅時成来下芽子花咲
wotomye ra ni yuki api no wase wo karu toki ni nari ni kye ra si mo pagwi no pana saku
朝霧之棚引小野之芽子花今哉散濫未猒爾
asa gwiri no tanabiku wo nwo no pagwi no pana ima ka tiru ramu imada aka naku ni
戀之久者形見爾為与登吾背子我殖之秋芽子花咲爾家里
kwopwi si kupa katami ni se yo to wa ga sekwo ga uwe si aki pagwi pana saki ni kyeri
吾待之秋者来奴雖然芽子之花曽毛未開家類
wa ga mati si aki pa ki tari nu sikaredomo pagwi no pana so mo imada saka zu kyeru
欲見吾待戀之秋芽子者枝毛思美三荷花開二家里
mi maku pori wa ga mati kwopwi si aki pagwi pa yeda mo simimi ni pana saki ni kyeri
秋芽子者於鴈不相常言有者香音乎聞而者花爾散去流
aki pagwi pa kari ni apazi to ip yereba ka kowe wo kikite pa pana ni tiri nuru
秋芽子者於鴈不相常言有可聞音乎聞而者花爾散去流
aki pagwi pa kari ni apazi to ip yere ka mo kowe wo kikite pa pana ni tiri nuru
秋野之草花我末鳴百舌鳥音聞濫香片聞吾妹
aki no nwo no wo bana ga ure ni naku mozu no kowe kiki kye mu ka kata kiku wagimo
暮立之雨落毎春日野之尾花之上乃白霧所念
yupu dati no ame puru gotoni kasuga nwo no wo bana ga upe no sira tuyu omopoyu
暮立之打零者春日野之尾花之上乃白霧所念
yupu dati no ame uti pureba kasuga nwo no wo bana ga upe no sira tuyu omopoyu
吾屋戸之麻花押靡置露爾手觸吾妹兒落巻毛将見
wa ga yadwo no wo bana osi nabe oku tuyu ni te pure wagimo kwo tira maku mo mi mu
日来之秋風寒芽子之花令散白露置爾来下
ko no koro no aki kaze samu si pagwi no pana tirasu sira tuyu oki ni kye ra si mo
秋芽子之下葉乃黄葉於花継時過去者後将戀鴨
aki pagwi no sita ba no momiti pana ni tugi toki sugwi yukaba noti kwopwi mu kamo
芽子之花開乃乎再入緒見代跡可聞月夜之清戀益良國
pagwi no pana saki no wowori wo mi yo to ka mo tuku ywo no kiywo ki kwopwi masa raku ni
芽子花咲有野邊日晩之乃鳴奈流共秋風吹
pagwi no pana saki taru nwo pye ni pigurasi no naku naru napeni aki no kaze puku
秋野尾花末生靡心妹依鴨
aki no nwo no wo bana ga ure no opwi nabiki kokoro pa imo ni yori ni kyeru kamo
道邊之乎花我下之思草今更爾何物可将念
miti no pye no wo bana ga sita no omopi gusa imasara ni nado mono ka omopa mu
秋就者水草花乃阿要奴蟹思跡不知直爾不相在者
aki dukeba mi kusa no pana no aye nu gani omopedo sirazi tada ni apa zareba
何為等加君乎将猒秋芽子乃其始花之歡寸物乎
nani su to ka kimi wo itopa mu aki pagwi no so no patu pana no uresi ki mono wo
展轉戀者死友灼然色庭不出朝容皃之花
koi marobi kwopwi pa sinu tomo itisirwo ku iro ni pa idezi asa gapo no pana
左小壮鹿之入野乃為酢寸初尾花何時加妹之手将枕
sa wo sika no irinwo no susuki patu wo bana itu si ka imo ga te wo makuraka mu
戀日之氣長有者吾苑圃能辛藍花之色出爾来
kwopuru pi no ke naga ku areba wa ga sono no kara awi no pana no iro ni ide ni kyeri
吾郷爾今咲花乃娘部四不堪情尚戀二家里
wa ga satwo ni ima saku pana no wominapyesi ape nu kokoro ni napo kwopwi ni kyeri
芽子花咲有乎見者君不相真毛久二成来鴨
pagwi no pana sak yeru wo mireba kimi ni apa zu makoto mo pisa ni nari ni kyeru kamo
長夜乎於君戀乍不生者開而落西花有益乎
naga ki ywo wo kimi ni kwopwitutu ik yera zupa sakite tiri ni si pana nara masi wo
秋芽子之花野乃為酢寸穂庭不出吾戀度隠嬬波母
aki pagwi no pana nwo no susuki po ni pa ide zu wa ga kwopwi wataru komori duma pa mo
石走間々生有㒵花乃花西有来在筒見者
isi pasi no mama ni opwi taru kapo bana no pana ni si ari kyeri ari tutu mireba
蜒野之尾花苅副秋芽子之花乎葺核君之借廬
akidu nwo no wo bana kari swope aki pagwi no pana wo puka sane kimi ga kar ipo ni
誰苑之梅花毛久堅之消月夜爾幾許散来
ta ga sono no ume no pana so mo pisakata no kiywo ki tuku ywo ni kokoda tiri kuru
梅花先開枝乎手折而者裹常名付而与副手六香聞
ume no pana madu saku yeda wo ta wori te ba tutwo to na dukete yosope te mu kamo
来可視人毛不有爾吾家有梅之早花落十方吉
kite mi be ki pito mo ara naku ni wagipye n aru ume no patu pana tiri nu tomo yo si
雪寒三咲者不開梅花縦比来者然而毛有金
yuki samu mi saki ni pa saka nu ume no pana yosi ko no koro pa kakute mo aru gane
梅花其跡毛不所見零雪之市白兼名間使遣者
ume no pana sore to mo mi ye zu puru yuki no itisirwo kye mu na ma dukapi yaraba
梅花其跡毛不所見零雪爾間使遣者其将知奈
ume no pana sore to mo mi ye zu puru yuki ni ma dukapi yaraba sore to sira mu na
路邊壹師花灼然人皆知我戀妻
miti no bye no itisi no pana no itisirwo ku pito mwina siri nu wa ga kwopwi duma wo
路邊壹師花灼然人知爾家里繼而之念者
miti no bye no itisi no pana no itisirwo ku pito siri ni kyeri tugite si omopeba
花細葦垣越爾直一目相視之兒故千遍嘆津
pana gupasi asi kaki gwosi ni tada pito me api mi si kwo yuwe ti tabi nageki tu
吾妹子之奈何跡裳吾不思者含花之穂應咲
wa g imo kwo ga nani to mo ware wo omopa neba pupum yeru pana no po ni saki nu be si
隠庭戀而死鞆三苑原之鶏冠草花乃色二出目八方
komori ni pa kwopwite sinu tomo mi sono pu no karaawi no pana no iro ni ide me ya mo
開花者雖過時有我戀流心中者止時毛梨
saku pana pa suguru toki aredo wa ga kwopu ru kokoro no uti pa yamu toki mo na si
紅花西有者衣袖爾染着持而可行所念
kurenawi no pana ni si araba koromo de ni some tuke motite yuku be ku omopoyu
白香付木綿者花物事社者何時之真坂毛常不所忘
sirakatuku yupu pa pana mono koto kosoba itu no masaka mo tune wasura ye ne
櫻花開哉散及見誰此所見散行
sakura bana saki ka mo tiru to miru made ni tare kamo koko ni mi yete tiri yuku
三諸者人之守山本邊者馬酔木花開末邊方椿花開浦妙山曽泣兒守山
mimoro pa pito no moru yama moto pye pa asibi pana saki suwe pye pa tubaki pana saku ura gupasi yama zo naku kwo moru yama
相坂乎打出而見者淡海之海白木綿花爾浪立渡
apusaka wo uti idete mireba apumi no umi sira yupu bana ni nami tati wataru
近江之海泊八十有八十嶋之嶋之埼邪伎安利立有花橘乎末枝爾毛知引懸仲枝爾伊加流我懸下枝爾比米乎懸己之母乎取久乎不知己之父乎取久乎思良爾伊蘇婆比座与伊可流我等比米登
apumi no umi tomari ya swo ari ya swo sima no sima no saki zaki ari tat eru pana tatibana wo potu ye ni moti piki kake naka tu ye ni ikaruga kake sidu ye ni pime wo kake na ga papa wo tora ku wo sira ni na ga titi wo tora ku wo si ra ni i swobapi woru yo ikaruga to pime to
春去者花咲乎呼里秋付者丹之穂爾黄色味酒乎神名火山之帶丹爲留明日香之河乃速瀬爾生玉藻之打靡情者因而朝露之消者可消戀久毛知久毛相隠都麻鴨
paru sareba pana saki wowori aki dukeba ni no po ni momitu uma sake wo kamunabwi yama no obi ni s e ru asuka no kapa no paya ki se ni opuru tama mo no uti nabiki kokoro pa yorite asa tuyu no ke na ba ke nu be ku kwopura ku mo siru ku mo ap yeru komori duma kamo
物不念道行去毛青山乎振放見者茵花香未通女櫻花盛未通女汝乎曽母吾丹依云吾叨毛曽汝丹依云荒山毛人師依者余所留跡序云汝心勤
mono mopa zu miti yuku yuku mo awo yama wo purisake mireba tutuzi pana nipoye wotomye sakura bana sakaye wotomye nare wo so mo ware ni yosu to ipu ware wo mo so nare ni yosu to ipu ara yama mo pito si yosureba yoso ru to zo ipu na ga kokoro yume
物不念路行去裳青山乎振酒見者都追慈花爾太遥越賣作樂花佐可遥越賣汝乎叙母吾爾依云吾乎叙物汝爾依云汝者如何念也念社歳八年乎斬髪与知子乎過橘之末枝乎須具里此川之下母長久汝心待
mono mopa zu miti yuku yuku mo awo yama wo purisake mireba tutuzi bana nipoye wotomye sakura bana sakaye wotomye nare wo zo mo ware ni yosu to ipu ware wo zo mo nare ni yosu to ipu na pa ika ni omopu ya omope koso tosi no ya tose wo kiri kami no yoti kwo wo sugwi tatibana no potu ye wo suguri ko no kapa no sita ni mo naga ku na ga kokoro mate
高山与海社者山随如此毛現海随然眞有目人者花物曽空蝉与人
taka yama to umi kosoba yama nagara kaku mo utusi ku umi nagara sika makoto n ara me pito pa pana mono so utusemi no yo pito
安思我里乃波故祢能祢呂乃爾古具佐能波奈都豆麻奈礼也比母登可受祢牟
asigari no pakwone no ne ro no nikwo gusa no pana tu duma nare ya pimo toka zu ne mu
古非思家波素弖毛布良武乎牟射志野乃宇家良我波奈乃伊呂爾豆奈由米
kwopwisi kyeba swode mo pura mu wo muzasi nwo no ukyera ga pana no iro n idu na yume
伊可爾思弖古非波可伊毛爾武蔵野乃宇家良我波奈乃伊呂爾弖受安良牟
ika nisite kwopwiba ka imo ni muzasi nwo no ukyera ga pana no iro n ide zu ara mu
和我世故乎安杼可母伊波武牟射志野乃宇家良我波奈乃登吉奈伎母能乎
wa ga sekwo wo ado ka mo ipa mu muzasi nwo no ukyera ga pana no toki na ki monowo
波奈治良布己能牟可都乎乃乎那能乎能比自爾都久麻提伎美我与母賀母
pana dirapu ko no muka tu wo no wona no wo no pizi ni tuku made kimi ga yo moga mo
安齊可我多志保悲乃由多爾於毛敞良婆宇家良我波奈乃伊呂爾弖米也母
azekagata sipo pwi no yuta ni omop yeraba ukyera ga pana no iro n ide me ya mo
宇知比佐都美夜能瀬河伯能可保婆奈能孤悲天香眠良武伎曾母許余比毛
utipi sasu miya no se kapa no kapo bana no kwopwite ka nu ramu kiso mo ko yopi mo
乎佐刀奈流波奈多知波奈乎比伎余治弖乎良無登須礼杼宇良和可美許曾
wo satwo n aru pana tatibana wo piki yodite wora mu to suredo ura waka mi koso
美夜自呂乃須可敞爾多弖流可保我波奈莫佐吉伊弖曾祢許米弖思努波武
miyaziro no su ka pye ni tat eru kapo ga pana na saki ide sone komete sinwopa mu
奈波之呂乃古奈宜我波奈乎伎奴爾須里奈流留麻爾末仁安是可加奈思家
napa siro no kwo nagwi ga pana wo kinu ni suri naruru manima ni aze ka kanasi kye
天地等登毛爾母我毛等於毛比都都安里家牟毛能乎波之家也思伊敞乎波奈礼弖奈美能宇倍由奈豆佐比伎爾弖安良多麻能月日毛伎倍奴可里我祢母都芸弖伎奈気婆多良知祢能波波母都未良母安佐都由爾毛能須蘇比都知由布疑里爾己呂毛弖奴礼弖左伎久之毛安流良牟其登久伊弖見都追麻都良牟母能乎世間能比登乃奈気伎波安比於毛波奴君爾安礼也母安伎波疑能知良敞流野辺乃波都乎花可里保爾布伎弖久毛婆奈礼等保伎久爾敞能都由之毛能佐武伎山辺爾夜杼里世流良牟
ame tuti to tomo ni moga mo to omopitutu ari kye mu monowo pasikyeyasi ipye wo panarete nami no upe yu nadusapi ki nite ara tama no tukwi pi mo ki pe nu kari ga ne mo tugite ki nakeba taratine no papa mo tuma ra mo asa tuyu ni mo no suswo piduti yupu gwiri ni koromo de nurete saki ku si mo aru ramu goto ku ide mi tutu matu ramu monowo yo no naka no pito no nageki pa api omopa nu kimi ni are ya mo aki pagwi no tirap eru nwo pye no patu wo pana kar ipo ni pukite kumo banare topo ki kuni pye no tuyu simo no samu ki yama bye ni yadori s eru ramu
和我夜度乃波奈多知婆奈波伊多都良爾和利可須具良牟見流比等奈思爾
wa ga yadwo no pana tatibana pa itadura ni tiri ka sugura mu mi ru pito na si ni
春去者挿頭爾將爲跡我念之櫻花者散去流香聞
paru saraba kazasi ni se mu to wa ga mopi si sakura no pana pa tiri ni kye ru kamo
妹之名爾繋有櫻花開者常哉將戀弥年之羽爾
imo ga na ni kake taru sakura pana sakaba tune ni ya kwopwi mu iya tosi no pa ni
暮立之雨打零者春日野之草花之末乃白露於母保遊
yupu dati no ame uti pureba kasuga nwo no wo bana ga ure no sira tuyu omopoyu
成棗寸三二粟嗣延田葛乃後毛將相跡葵花咲
nasi natume kimi ni apa tugi papu kuzu no noti mo apa mu to apupi pana saku
伊刀古名兄乃君居々而物爾伊行跡波韓國乃虎云神乎生取爾八頭取持來其皮乎多々弥爾刺八重疊平群乃山爾四月与五月間爾藥猟仕流時爾足引乃此片山爾二立伊智比何本爾梓弓八多婆佐弥比米加夫良八多婆左弥宍待跡吾居時爾佐男鹿乃來立嘆久頓爾吾可死王爾吾仕牟吾角者御笠乃波夜詩吾耳者御墨坩吾目良波眞墨乃鏡吾爪者御弓之弓波受吾毛等者御筆波夜斯吾皮者御箱皮爾吾宍者御奈麻須波夜志吾伎毛母御奈麻須波夜之吾美義波御塩乃波夜之耆矣奴吾身一爾七重花佐久八重花生跡白賞尼白賞尼
itwokwo na se no kimi wori worite mono ni i yuku to pa kara kuni no twora to ipu kamwi wo ike dori ni ya tu tori moti ki so no kapa wo tatami ni sasi ya pye datami pyeguri no yama ni udukwi to satukwi to no ma ni kusuri gari tukapu ru toki ni asipiki no ko no kata yama ni puta tu tatu itipi ga moto ni adusa yumi ya tu ta basami pime kabura ya tu ta basami sisi matu to wa ga woru toki ni sa wo sika no ki tati nageka ku tatimatini ware pa sinu be si opo kimi ni ware pa tukape mu wa ga tunwo pa mi kasa no payasi wa ga mimi pa mi sumi no tubo wa ga me ra pa masumi no kagami wa ga tume pa mi yumi no yu pazu wa ga ke ra pa mi pumite payasi wa ga kapa pa mi pakwo no kapa ni wa ga sisi pa mi namasu payasi wa ga kimo mo mi namasu payasi wa ga mige pa mi sipo no payasi oi taru yatukwo wa ga mwi pito tu ni nana pye pana saku ya pye pana saku to mawosi payasa ne mawosi payasa ne
民布由都芸芳流波吉多礼登烏梅能芳奈君爾之安良祢婆遠久人毛奈之
mi puyu tugi paru pa ki taredo u me no pana kimi ni si ara neba woku pito mo na si
烏梅乃花美夜万等之美爾安里登母也如此乃未君波見礼登安可爾勢牟
u me no pana mi yama to simi ni ari tomo ya kaku nomwi kimi pa mi redo aka ni se mu
春雨爾毛延之楊奈疑可烏梅乃花登母爾於久礼奴常乃物能香聞
paru same ni moye si yanagwi ka u me no pana tomo ni okure nu tune no mono kamo
宇梅乃花伊都波乎良自等伊登波祢登佐吉乃盛波乎思吉物奈利
u me no pana itu pa worazi to itopa nedo saki no sakari pa wosi ki mono nari
御苑布能百木乃宇梅乃落花之安米爾登妣安我里雪登敷里家牟
mi sono pu no momo kwi no u me no tiru pana no ame ni tobi agari yuki to puri kye mu
山背乃久爾能美夜古波春佐礼播花咲乎乎理秋佐礼婆黄葉爾保比於婆勢流泉河乃可美都瀬爾宇知橋和多之余登瀬爾波宇枳橋和多之安里我欲比都加倍麻都良武万代麻弖爾
yamasiro no kuni no miyakwo pa paru sareba pana saki wowori aki sareba momiti ba nipopi oba s eru idumi no kapa no kami tu se ni uti pasi watasi yodo se ni pa uki pasi watasi ari gaywopi tukape matura mu yorodu yo madeni
多知婆奈波常花爾毛歟保登等芸須周無等来鳴者伎可奴日奈家牟
tatibana pa toko pana ni moga pototogisu sumu to ki nakaba kika nu pi na kye mu
保登等芸須安不知能枝爾由吉底居者花波知良牟奈珠登見流麻泥
pototogisu aputi no ye ni yukite wiba pana pa tira mu na tama to mi ru made
保登等芸須夜音奈都可思安美指者花者須具登毛可礼受加奈可牟
pototogisu ywo kowe natukasi ami sasaba pana pa sugu tomo kare zu ka naka mu
鶉鳴布流之登比等波於毛敞礼騰花橘乃爾保敷許乃屋度
udura naki puru si to pito pa omop yeredo pana tatibana no nipopu ko no yadwo
麻都能波奈花可受爾之毛和我勢故我於母敞良奈久爾母登奈佐吉都追
matu no pana pana kazu ni si mo wa ga sekwo ga omop yera naku ni motona sakitutu
伊毛我伊敞爾伊久里能母里乃藤花伊麻許牟春母都祢加久之見牟
imo ga ipye ni ikuri no mori no pudi no pana ima ko mu paru mo tune kaku si mi mu
安麻射加流比奈乎佐米爾等大王能麻気乃麻爾末爾出而許之和礼乎於久流登青丹余之奈良夜麻須芸低泉河伎欲吉可波良爾馬駐和可礼之時爾好去而安礼可敞理許牟平久伊波比低待登可多良比低許之比乃伎波美多麻保許能道乎多騰保美山河能敞奈里低安礼婆孤悲之家口気奈我枳物能乎見麻久保里念間爾多麻豆左能使乃家礼婆宇礼之美登安我麻知刀敷爾於餘豆礼能多波許登等可毛波之伎余思奈弟乃美許等奈爾之加母時之波安良牟乎波太須酒吉穂出秋乃芽子花爾保敞流屋戸乎安佐爾波爾伊泥多知奈良之暮庭爾敷美多比良気受佐保能宇知乃里乎徃過安之比紀乃山能許奴礼爾白雲爾多知多奈妣久登安礼爾都気都流
ama zakaru pina wosame ni to opo kimi no make no manima ni idete ko si ware wo okuru to awo ni yo si nara yama sugwite idumi gapa kiywo ki kapara ni uma todome wakare si toki ni ma saki kute are kapyeri ko mu tapirake ku ipapite mate to katarapite ko si pi no kipami tama poko no miti wo ta dopo mi yama kapa no pyenarite areba kwopwisi kyeku ke naga ki monowo mi maku pori omopu apida ni tamadusa no tukapi no k yereba uresi mito a ga mati twopu ni oyodure no tapa koto to ka mo pasikiyosi na oto no mikoto nani si ka mo toki si pa ara mu wo pada susuki po n iduru aki no pagwi no pana nipop yeru yadwo wo asa nipa ni ide tati narasi yupu nipa ni pumi tapirage zu sapo no uti no satwo wo yuki sugwi asipikwi no yama no konure ni sira kumo ni tati tanabiku to are ni tuge turu
世間波加受奈枳物能可春花乃知里能麻我比爾思奴倍吉於母倍婆
yo no naka pa kazu na ki mono ka paru pana no tiri no magapi ni sinu be ki omopeba
波流能波奈伊麻波左加里爾仁保布良牟乎里低加射佐武多治可良毛我母
paru no pana ima pa sakari ni nipopu ramu worite kazasa mu ta dikara moga mo
宇具比須乃奈枳知良須良武春花伊都思香伎美登多乎里加射左牟
ugupisu no naki tirasu ramu paru no pana itu si ka kimi to ta wori kazasa mu
宇具比須能伎奈久夜麻夫伎宇多賀多母伎美我手敷礼受波奈知良米夜母
ugupisu no ki naku yama buki utagatamo kimi ga te pure zu pana tirame ya mo
於保吉民能麻気乃麻爾麻爾之奈射加流故之乎袁佐米爾伊泥低許之麻須良和礼須良余能奈可乃都祢之奈家礼婆宇知奈妣伎登許爾己伊布之伊多家苦乃日異麻世婆可奈之家口許己爾思出伊良奈家久曾許爾念出奈家久蘇良夜須家奈久爾於母布蘇良久流之伎母能乎安之比紀能夜麻伎敞奈里低多麻保許乃美知能等保家婆間使毛遣縁毛奈美於母保之吉許等毛可欲波受多麻伎波流伊能知乎之家登勢牟須辨能多騰吉乎之良爾隠居而念奈気加比奈具佐牟流許己呂波奈之爾春花乃佐家流左加里爾於毛敷度知多乎里可射佐受波流乃野能之気美登妣久久鴬音太爾伎加受乎登売良我春菜都麻須等久礼奈為能赤裳乃須蘇能波流佐米爾爾保比比豆知弖加欲敷良牟時盛乎居多豆良爾須具之夜里都礼思努波勢流君之心乎宇流波之美此夜須我浪爾伊母祢受爾今日毛之売良爾孤悲都追曾乎流
opo kimi no make no manima ni sinazakaru kwosi wo wosame ni idete ko si masura ware sura yo no naka no tune si na kyereba uti nabiki toko ni koi pusi ita kyeku no pi ni kyeni maseba kanasi kyeku koko ni omopi de irana kyeku soko ni omopi de nageku swora yasu kye naku ni omopu swora kurusi ki monowo asipikwi no yama ki pyenarite tama poko no miti no topo kyeba ma dukapi mo yaru yosi mo na mi omoposi ki koto mo kaywopa zu tamakiparu inoti wosi kyedo se mu subye no tadoki wo sira ni komori wite omopi nagekapi nagusamuru kokoro pa na si ni paru pana no sak yeru sakari ni omopu dwoti ta wori kazasa zu paru no nwo no sikemi tobi kuku ugupisu no kowe dani kika zu wotomye ra ga paru na tuma su to kurenawi no aka mo no suswo no paru same ni nipopi pidutite kaywopu ramu toki no sakari wo itadura ni sugusi yari ture sinwopa s eru kimi ga kokoro wo urupasi mi ko no ywo sugara ni i mo ne zuni kyepu mo simyera ni kwopwitutu so woru
安之比奇能夜麻佐久良婆奈比等目太爾伎美等之見低婆安礼古非米夜母
asipikwi no yama sakura bana pito me dani kimi to si mi teba are kwopwi me ya mo
憶保枳美能弥許等可之古美安之比奇能夜麻野佐波良受安麻射可流比奈毛乎佐牟流麻須良袁夜奈迩可母能毛布安乎爾余之奈良治伎可欲布多麻豆佐能都可比多要米也己母理古非伊枳豆伎和多利之多毛比爾奈気可布和賀勢伊爾之敞由伊比都芸久良之餘乃奈加波可受奈枳毛能曾奈具佐牟流己等母安良牟等佐刀毘等能安礼迩都具良久夜麻備爾波佐久良婆奈知利可保等利能麻奈久之婆奈久春野爾須美礼乎都牟等之路多倍乃蘇泥乎利可敞之久礼奈為能安可毛須蘇妣伎乎登売良波於毛比美太礼弖伎美麻都等宇良呉悲須奈理己許呂具志伊謝美爾由加奈許等波多奈由比
opo kimi no mi koto kasikwo mi asipikwi no yama nwo sapara zu ama zakaru pina mo wosamuru masura wo ya nani ka mono mopu awo ni yo si nara di ki kaywopu tamadusa no tukapi taye me ya komori kwopwi ikiduki watari sita mopi ni nagekapu wa ga se inisipye yu ipi tugi ku rasi yo no naka pa kazu na ki mono so nagusamuru koto mo ara mu to satwo bito no are ni tuguraku yama bwi ni pa sakura bana tiri kapo tori no ma na ku siba naku paru no nwo ni sumire wo tumu to sirwo tape no swode wori kapyesi kurenawi no aka mo suswo biki wotomye ra pa omopi midarete kimi matu to ura gwopwi su nari kokorogu si iza mi ni yukana koto pa tanayupi
妹毛吾毛許己呂波於夜自多具敞礼登伊夜奈都可之久相見婆登許波都波奈爾情具之眼具之毛奈之爾波思家夜之安我於久豆麻大王能美許登加之古美阿之比奇能夜麻古要奴由伎安麻射加流比奈乎左米爾等別来之曾乃日乃伎波美荒璞能登之由吉我敞利春花乃宇都呂布麻泥爾相見祢婆伊多母須敞奈美之伎多倍能蘇泥可敞之都追宿夜於知受伊米爾波見礼登宇都追爾之多太爾安良祢婆孤悲之家口知敞爾都母里奴近在者加敞利爾太仁母宇知由吉低妹我多麻久良佐之加倍低祢天蒙許万思乎多麻保己乃路波之騰保久関左閇爾敞奈里低安礼許曾与思恵夜之餘志播安良武曾霍公鳥来鳴牟都奇爾伊都之加母波夜久奈里那牟宇乃花能爾保敞流山乎余曾能未母布里佐気見都追淡海路爾伊由伎能里多知青丹吉奈良乃吾家爾奴要鳥能宇良奈気之都追思多恋爾於毛比宇良夫礼可度爾多知由布気刀比都追吾乎麻都等奈須良牟妹乎安比低早見牟
imo mo ware mo kokoro pa oyazi tagup yeredo iya natukasi ku api mire ba toko patu pana ni kokoro gu si megu si mo na si ni pasikyeyasi a ga oku duma opo kimi no mi koto kasikwomi asipikwi no yama kwoye nu yuki ama zakaru pina wosame ni to wakare ko si so no pi no kipami ara tama no tosi yuki gapyeri paru pana no uturopu madeni api mi neba ita mo subye na mi siki tape no swode kapyesitutu nuru ywo oti zu ime ni pa mi redo ututu ni si tada ni ara neba kwopwisi kyeku ti pye ni tumori nu tika ku araba kapyeri ni dani mo uti yukite imo ga ta makura sasi kapete nete mo ko masi wo tama poko no miti pa si dopo ku seki sapeni pyenarite are koso yosi we ya si yosi pa ara mu so pototogisu ki naka mu tukwi ni itu si ka mo paya ku nari na mu u no pana no nipop yeru yama wo yoso nomwi mo purisake mi tutu apumi di ni i yuki nori tati awo ni yo si nara no wagipye ni nuye dori no ura nake situtu sita gwopwi ni omopi urabure kadwo ni tati yupu ke twopitutu a wo matu to nasu ramu imo wo apite paya mi mu
春花能宇都路布麻泥爾相見祢婆月日餘美都追伊母麻都良牟曾
paru pana no uturwopu madeni api mi neba tukwi pi yomitutu imo matu ramu so
多麻爾奴久波奈多知婆奈乎等毛之美思己能和我佐刀爾伎奈可受安流良之
tama ni nuku pana tatibana wo tomosi mi si ko no wa ga satwo ni ki naka zu aru rasi
伊美都河泊伊由伎米具礼流多麻久之気布多我美山者波流波奈乃佐家流左加利爾安吉能葉乃爾保敞流等伎爾出立低布里佐気見礼婆可牟加良夜曾許婆多敷刀伎夜麻可良夜見我保之加良武須売可未能須蘇未乃夜麻能之夫多爾能佐吉乃安里蘇爾阿佐奈芸爾余須流之良奈美由敷奈芸爾美知久流之保能伊夜麻之爾多由流許登奈久伊爾之敞由伊麻乃乎都豆爾可久之許曾見流比登其等爾加気低之努波米
imidu kapa i yuki megur eru tama kusige putagami yama pa paru pana no sak yeru sakari ni aki no pa no nipop yeru toki ni ide tati te purisake mi reba kamu kara ya sokoba taputwo ki yama kara ya mi ga posi kara mu sumye kamwi no suswo mwi no yama no sibutani no saki no ariswo ni asa nagi ni yosuru sira nami yupu nagi ni miti kuru sipo no iya masi ni tayuru koto na ku inisipye yu ima no wotutu ni kaku si koso mi ru pito gotoni kakete sinwopa me
物能乃敷能夜蘇等母乃乎能於毛布度知許己呂也良武等宇麻奈米低宇知久知夫利乃之良奈美能安利蘇爾与須流之夫多爾能佐吉多母登保理麻都太要能奈我波麻須義低宇奈比河波伎欲吉勢其等爾宇加波多知可由吉加久遊岐見都礼騰母曾許母安加爾等布勢能宇弥爾布祢宇気須恵低於伎敞許芸辺爾己伎見礼婆奈芸左爾波安遅牟良佐和伎之麻未爾波許奴礼波奈左吉許己婆久毛見乃佐夜気吉加多麻久之気布多我弥夜麻爾波布都多能由伎波和可礼受安里我欲比伊夜登之能波爾於母布度知可久思安蘇婆牟異麻母見流其等
mononopu no ya swo tomo no wo no omopu dwoti kokoro yara mu to uma namete utikutiburino sira nami no ariswo ni yosuru sibutani no saki ta motopori matudaye no naga pama sugwite unapi kapa kiywo ki se gotoni u kapa tati ka yuki kaku yuki mi turedomo soko mo aka nito puse no umi ni pune uke suwete oki pye kogi pye ni kogi mi reba nagisa ni pa adi mura sawaki sima mwi ni pa konure pana saki kokobaku mo mi no sayake ki ka tama kusige putagami yama ni papu tuta no yuki pa wakare zu ari gaywopi iya tosi no pa ni omopu dwoti kaku si aswoba mu ima mo mi ru goto
布治奈美波佐岐弖知理爾伎宇能波奈波伊麻曾佐可理等安之比奇能夜麻爾毛野爾毛保登等芸須奈伎之等与米婆宇知奈妣久許己呂毛之努爾曾己乎之母宇良胡非之美等於毛布度知宇麻宇知牟礼弖多豆佐波理伊泥多知美礼婆伊美豆河泊美奈刀能須登利安佐奈芸爾可多爾安佐里之思保美弖婆都麻欲妣可波須等母之伎爾美都追須疑由伎之夫多爾能安利蘇乃佐伎爾於枳追奈美余勢久流多麻母可多与理爾可都良爾都久理伊毛我多米低爾麻吉母知弖宇良具波之布勢能美豆宇弥爾阿麻夫祢爾麻可治加伊奴吉之路多倍能蘇泥布理可辺之阿登毛比弖和賀己芸由気婆乎布能佐伎波奈知利麻我比奈伎佐爾波阿之賀毛佐和伎佐射礼奈美多知弖毛為弖母己芸米具利美礼登母安可受安伎佐良婆毛美知能等伎爾波流佐良婆波奈能佐可利爾可毛加久母伎美我麻爾麻等可久之許曾美母安吉良米米多由流比安良米也
pudi nami pa sakite tiri ni ki u no pana pa ima so sakari to asipikwi no yama ni mo nwo ni mo pototogisu naki si toyomeba uti nabiku kokoro mo sinwo ni soko wo si mo ura gwopwisi mito omopu dwoti uma uti murete tadusapari ide tati mireba imidu kapa minatwo no su dori asa nagi ni kata ni asari si sipo miteba tuma ywobi kapasu tomosi ki ni mitutu sugwi yuki sibutani no ariswo no saki ni oki tu nami yose kuru tama mo katayori ni kadura ni tukuri imo ga tame te ni maki motite ura gupasi puse no midu umi ni ama bune ni ma kadi kainuki sirwo tape no swode puri kapyesi adomopite wa ga kogi yukeba wopu no saki pana tiri magapi nagisa ni pa asi gamo sawaki sazare nami tatite mo wite mo kogi meguri miredomo aka zu aki saraba momiti no toki ni paru saraba pana no sakari ni ka mo kaku mo kimi ga manima nito kaku si koso mi mo akirame me tayuru pi ara me ya
和我夜度能花橘乎波奈其米爾多麻爾曾安我奴久麻多婆苦流之美
wa ga yadwo no pana tatibana wo pana gome ni tama ni so a ga nuku mataba kurusi mi
安遠迩与之奈良乎伎波奈礼阿麻射可流比奈爾波安礼登和賀勢故乎見都追志乎礼婆於毛比夜流許等母安利之乎於保伎美乃美許等可之古美乎須久爾能許等登理毛知弖和可久佐能安由比多豆久利無良等理能安佐太知伊奈婆於久礼多流阿礼也可奈之伎多妣爾由久伎美可母孤悲無於毛布蘇良夜須久安良祢婆奈気可久乎等騰米毛可祢低見和多勢婆宇能婆奈夜麻乃保等登芸須祢能未之奈可由安佐疑理能美太流流許己呂許登爾伊泥弖伊波婆由遊思美刀奈美夜麻多牟気能可味爾奴佐麻都里安我許比能麻久波之家夜之吉美賀多太可乎麻佐吉久毛安里多母等保利都奇多多婆等伎毛可波佐受奈泥之故我波奈乃佐可里爾阿比見之米等曾
awo ni yo si nara wo ki panare ama zakaru pina ni pa aredo wa ga sekwo wo mi tutu si woreba omopi yaru koto mo ari si wo opo kimi no mi koto kasikwo mi wosu kuni no koto tori motite waka kusa no ayupi ta dukuri mura tori no asa dati inaba okure taru are ya kanasi ki tabi ni yuku kimi ka mo kwopwi mu omopu swora yasu ku ara neba nagekaku wo todome mo kanete mi wataseba u no pana yama no pototogisu ne nomwi si naka yu asa gwiri no midaruru kokoro koto ni idete ipaba yuyusi mi twonami yama tamuke no kamwi ni nusa maturi a ga kopi nomaku pasikyeyasi kimi ga tadaka wo ma saki ku mo ari ta motopori tukwi tataba toki mo kapasa zu nadesikwo ga pana no sakari ni api mi sime to so
宇良故非之和賀勢能伎美波奈泥之故我波奈爾毛我母奈安佐奈佐奈見牟
ura gwopwisi wa ga se no kimi pa nadesikwo ga pana ni moga mo na asanasana mi mu
宇梅能波奈佐伎知流曾能爾和礼由可牟伎美我都可比乎可多麻知我底良
ume no pana saki tiru sono ni ware yuka mu kimi ga tukapi wo kata mati gatera
宇能花能佐久都奇多知奴保等登芸須伎奈吉等与米余敷布美多里登母
u no pana no saku tukwi tati nu pototogisu ki naki toyomeyo pupumi tari tomo
桜花今曾盛等雖人云我佐不之毛支美止之不里者
sakura bana ima so sakari to pito pa ipedo ware pa sabusi mo kimi to si ara neba
和我勢故我布流伎可吉都能佐久良婆奈伊麻太敷布賣利比等目見爾許祢
wa ga sekwo ga puru ki kakitu no sakura bana imada pupum yeri pito me mi ni kone
安夫良火乃比可里爾見由流和我可豆良佐由利能波奈能恵麻波之伎香母
abura pwi no pikari ni mi yuru wa ga kadura sa yuri no pana no wemapasi ki kamo
等毛之火能比可里爾見由流左由理婆奈由利毛安波牟等於母比曾米弖伎
tomosi pwi no pikari ni mi yuru sa yuri bana yuri mo apa mu to omopi some te ki
左由理婆奈由里毛安波牟等於毛倍許曾伊末能麻左可母宇流波之美須礼
sa yuri bana yuri mo apa mu to omope koso ima no masaka mo urupasi mi sure
高御座安麻乃日継登須賣呂伎能可未能美許登能伎己之乎須久爾能麻保良爾山乎之毛佐波爾於保美等百鳥能来居弖奈久許恵春佐礼婆伎吉乃可奈之母伊豆礼乎可和枳弖之努波无宇能花乃佐久月多弖婆米都良之久鳴保等登芸須安夜女具佐珠奴久麻泥爾比流久良之欲和多之伎気騰伎久其等爾許己呂都呉枳弖宇知奈気伎安波礼能登里等伊波奴登枳奈思
taka mi kura ama no pi tugi to sumyeroki no kamwi no mikoto no kikosi wosu kuni no mapora ni yama wo si mo sapa ni opo mito momo tori no ki wi te naku kowe paru sareba kiki no kanasi mo idure wo ka wakite sinwopa mu u no pana no saku tukwi tateba medurasi ku naku pototogisu ayamye gusa tama nuku madeni piru kurasi ywo watasi kikedo kiku gotoni kokorotugwokite uti nageki apare no tori to ipa nu toki na si
宇能花能登聞爾之奈気婆保等登芸須伊夜米豆良之毛名能里奈久奈倍
u no pana no tomo ni si nakeba pototogisu iya medurasi mo na nori naku nape
保登等芸須伊登祢多家口波橘乃播奈治流等吉爾伎奈吉登余牟流
pototogisu ito neta kyeku pa tatibana no pana tiru toki ni ki naki toyomuru
須賣呂伎能御代佐可延牟等阿頭麻奈流美知乃久夜麻爾金花佐久
sumyeroki no mi yo sakaye mu to aduma n aru mitinoku yama ni ku gane bana saku
珠洲乃安麻能於伎都美可未爾伊和多利弖可都伎等流登伊布安波妣多麻伊保知毛我母波之吉余之都麻乃美許登能許呂毛泥乃和可礼之等吉欲奴婆玉乃夜床加多左里安佐祢我美可伎母気頭良受伊泥低許之月日余美都追奈気久良牟心奈具佐爾保登等芸洲伎奈久五月能安夜女具佐波奈多知婆奈爾奴吉麻自倍可頭良爾世余等都追美低夜良牟
susu no ama no oki tu mi kamwi ni i watarite kaduki toru to ipu apabi tama i po ti moga mo pasikiyosi tuma no mikoto no koromo de no wakare si toki ywo nubatama no ywo doko kata sari asa ne gami kaki mo kedura zu idete ko si tukwi pi yomitutu nageku ramu kokoro nagusa ni pototogisu ki naku satukwi no ayamye gusa pana tatibana ni nuki mazipe kadura ni seyo to tutumite yara mu
白玉乎都都美低夜良婆安夜女具佐波奈多知婆奈爾安倍母奴久我祢
sira tama wo tutumite yaraba ayamye gusa pana tatibana ni ape mo nuku gane
於保奈牟知須久奈比古奈野神代欲里伊比都芸家良久父母乎見波多布刀久妻子見波可奈之久米具之宇都世美能余乃許等和利止可久佐末爾伊比家流物能乎世人能多都流許等太弖知左能花佐家流沙加利爾波之吉余之曾能都末能古等安沙余比爾恵美美恵末須毛宇知奈気支可多里家末久波等己之部爾可久之母安良米也天地能可未許等余勢天春花能佐可里裳安良牟等末多之家牟等吉能沙加利曾波奈礼居弖奈介可須移母我何時可毛都可比能許牟等末多須良无心左夫之苦南吹雪消益而射水河流水沫能余留弊奈美左夫流其児爾比毛能緒能移都我利安比弖爾保騰里能布多理雙坐那呉能宇美能於支乎布可米天左度波世流支美我許己呂能須敞母須敞奈佐
opo namuti sukuna bikwo na no kamwi yo ywori ipi tugi k yeraku titi papa wo mire ba taputwo ku mye kwo mire ba kanasi ku megu si utusemi no yo no kotowari to kaku sama ni ipi k yeraku monowo yo no pito no taturu koto date tisa no pana sak yeru sakari ni pasikiyosi so no tuma no kwo to asa yopi ni wemi mi wema zu mo uti nageki katari kye maku pa tokosipyeni kaku si mo ara me ya ama tuti no kamwi koto yosete paru pana no sakari mo ara mu to mata si kye mu toki no sakari so panare wite nakyeka su imo ga itu si ka mo tukapi no ko mu to mata su ramu kokoro sabusi ku minami puki yuki ke masarite imidu kapa nagaru minawa no yoru pye na mi saburu so no kwo ni pimo no wo no i tugari apite nipodori no puta ri narabi wi nagwo no umi no oki wo pukamete sadwopa s eru kimi ga kokoro no subye mo subye na sa
可気麻久母安夜爾加之古思皇神祖乃可見能大御世爾田道間守常世爾和多利夜保許毛知麻為泥許之登吉時支能香久乃菓子乎可之古久母能許之多麻敞礼國毛勢爾於非多知左加延波流左礼婆孫枝毛射都追保登等芸須奈久五月爾波波都波奈乎延太爾多乎理弖乎登女良爾都刀爾母夜里美之路多倍能蘇泥爾毛古伎礼香具播之美於枳弖可良之美安由流実波多麻爾奴伎都追手爾麻吉弖見礼騰毛安加受秋豆気婆之具礼乃雨零阿之比奇能夜麻能許奴礼波久礼奈為爾仁保比知礼止毛多知波奈乃成流其実者比太照爾射夜見我保之久美由気布流冬爾伊多礼婆霜於気騰母其葉毛可礼受常磐奈須伊夜佐加波延爾之可礼許曾神乃御代欲理与呂之奈倍此橘乎等伎自久能可久能木実等名附家良之母
kake maku mo ayani kasikwo si sumyeroki no kami no opomi yo ni tadimamori toko yo ni watari ya poko moti mawi de ko si toki tokizi ku no kaku no ko no mwi wo kasikwo ku mo nokosi tamap yere kuni mo se ni opwi tati sakaye paru sareba pikwo ye moitutu pototogisu naku satukwi ni pa patu pana wo yeda ni ta worite woto mye ra ni tutwo ni mo yari mi sirwo tape no swode ni mo kwok ire ka gupasi mi okite karasi mi ayuru mwi pa tama ni nukitutu te ni makite mi redomo aka zu aki dukeba sigure no ame puri asipikwi no yama no konure pa kurenawi ni nipopi tiredomo tatibana no nar e ru so no mwi pa pita teri ni iya mi gaposi ku mi yuki puru puyu ni itareba simo okedomo so no pa mo kare zu tokipa nasu iya sakabaye ni sikare koso kamwi no mi yo ywori yorosinape ko no tatibana wo tokiziku no kaku no ko no mwi to na duke kye rasi mo
橘波花爾毛実爾母美都礼騰母移夜時自久爾奈保之見我保之
tatibana pa pana ni mo mwi ni mo mi turedomo iya toki ziku ni napo si mi gaposi
於保支見能等保能美可等等末支太末不官乃末爾末美由支布流古之爾久多利来安良多末能等之乃五年之吉多倍乃手枕末可受比毛等可須末呂宿乎須礼波移夫勢美等情奈具左爾奈泥之故乎屋戸爾末枳於保之夏能能佐由利比伎宇恵天開花乎移弖見流其等爾那泥之古我曾乃波奈豆末爾左由理花由利母安波無等奈具佐無流許己呂之奈久波安末射可流比奈爾一日毛安流部久母安礼也
opo kimi no topo no mikado to maki tamapu tukasa no manima mi yuki puru kwosi ni kudari ki ara tama no tosi no itu tose siki tape no ta makura maka zu pimo toka zu maro ne wo sureba ibuse mito kokoro nagusa ni nadesikwo wo yadwo ni maki oposi natu no nwo no sa yuri piki uwete saku pana wo ide mi ru gotoni nadesikwo ga so no pana duma ni sa yuri bana yuri mo apa mu to nagusamuru kokoro si na kupa ama zakaru pina ni pito pi mo aru be ku mo are ya
奈泥之故我花見流其等爾乎登女良我恵末比能爾保比於母保由流可母
nadesikwo ga pana mi ru gotoni woto mye ra ga wemapi no nipopi omopoyuru kamo
佐由利花由利母相等之多波布流許己呂之奈久波今日母倍米夜母
sa yuri bana yuri mo apa mu to sita bapuru kokoro si na kupa kyepu mo pe me ya mo
於保支見能末支能末爾末爾等里毛知低都可布流久爾能年内能許登可多祢母知多末保許能美知爾伊天多知伊波祢布美也末古衣野由支弥夜故敞爾末為之和我世乎安良多末乃等之由吉我弊理月可佐祢美奴日佐末祢美故敷流曾良夜須久之安良祢波保止止支須支奈久五月能安夜女具佐余母疑可豆良伎左加美都伎安蘇比奈具礼止射水河雪消溢而逝水能伊夜末思爾乃未多豆我奈久奈呉江能須気能根毛己呂爾於母比武須保礼奈介伎都都安我末川君我許登乎波里可敞利末可利天夏野能佐由利能波奈能花咲爾爾布夫爾恵美天阿波之多流今日乎波自米低鏡奈須可久之都祢見牟於毛我波利世須
opo kimi no maki no manima ni tori motite tukapuru kuni no tosi no uti no koto katane moti tama poko no miti ni ide tati ipa ne pumi yama kwoye nwo yuki miyakwo pye ni mawi si wa ga se wo ara tama no tosi yuki gapyeri tukwi kasane mi nu pi sa mane mi kwopuru sora yasu ku si ara neba pototogisu ki naku satukwi no ayamye gusa yomogwi kaduraki saka miduki aswobi naguredo imidu kapa yuki ke papurite yuku midu no iya masini nomwi tadu ga naku nagwo ye no suge no nemokoro ni omopi musubore nagekitutu a ga matu kimi ga koto wopari kapyeri makarite natu no nwo no sa yuri no pana no pana wemi ni nipubuni wemite apa si taru kyepu wo pazimete kagami nasu kaku si tune mi mu omo gapari se zu
由吉乃宇倍爾天礼流都久欲爾烏梅能播奈乎理天於久良牟波之伎故毛我母
yuki no upe ni ter eru tuku ywo ni ume no pana worite oku ramu pasi ki kwo moga mo
春苑紅爾保布桃花下照道爾出立d嬬
paru no sono kurenawi nipopu momo no pana sita deru miti ni ide tatu wotomye
吾園之李花可庭爾落波太礼能未遣在可母
wa ga sono no sumomo no pana ka nipa ni tiru padare no imada nokori taru kamo
物部乃八十嬬等之挹乱寺井之於乃堅香子之花
mononopu no ya swo wotomye ra ga kumi magapu tera wi no upe no katakagwo no pana
漢人毛栰浮而遊云今日曽和我勢故花縵世奈
kara pito mo pune wo ukabete aswobu to pu kyepu so wa ga sekwo pana kadura sena
荒玉能年徃更春去者花耳爾保布安之比奇能山下響墜多藝知流辟田乃河瀬爾年魚兒狭走嶋津鳥鸕養等母奈倍可我理左之奈頭佐比由氣婆吾妹子我可多見我氐良等紅之八塩爾染而於己勢多流服之襴毛等寳利氐濃礼奴
ara tama no tosi yuki kapari paru sareba pana nomwi nipopu asipikwi no yama sita toyomi oti tagiti nagaru sakita no kapa no se ni ayu kwo sa basiru sima tu tori u kapi tomonape kagari sasi nadusapi yukeba wagimo kwo ga kata mi gatera to kurenawi no ya sipo ni somete okose taru koromo no suswo mo toporite nure nu
天地之遠始欲俗中波常無毛能等語續奈我良倍伎多礼天原振左氣見婆照月毛盈昃之家里安之比奇能山之木末毛春去婆花開爾保比秋都氣婆露霜負而風交毛美知落家利宇都勢美母如是能未奈良之紅能伊呂母宇都呂比奴婆多麻能黒髪變朝之咲暮加波良比吹風能見要奴我其登久逝水能登麻良奴其等久常毛奈久宇都呂布見者爾波多豆美流渧等騰米可祢都母
ame tuti no topo ki pazime ywo yo no naka pa tune na ki mono to katari tugi nagarape ki tare ama no para puri sake mire ba teru tukwi mo miti kake si kyeri asipikwi no yama no ko n ure mo paru sare ba pana saki nipopi aki dukeba tuyu simo opite kaze mazipe momiti tiri kyeri utusemi mo kaku nomwi na rasi kurenawi no iro mo uturopi nubatama no kurwo kami kapari asa no wemi yupu pye kaparapi puku kaze no mi ye nu ga goto ku yuku midu no tomara nu goto ku tune mo na ku uturopu mireba nipatadumi nagaruru namita todomwi kane tu mo
毎時爾伊夜目都良之久八千種爾草木花左伎喧鳥乃音毛更布耳爾聞眼爾視其等爾宇知嘆之奈要宇良夫礼之努比都追有来波之爾許能久礼能四月之立者欲其母理爾鳴霍公鳥従古昔可多里都藝都流鴬之宇都之眞子可母菖蒲花橘乎嬬良我珠貫麻泥爾赤根刺晝波之賣良爾安之比奇乃八丘飛超夜干玉乃夜者須我良爾暁月爾向而徃還喧等余牟礼杼何如将飽足
toki goto ni iya medurasi ku ya ti kusa ni kusa kwi pana saki naku tori no kowe mo kapara pu mimi ni kiki me ni miru gotoni uti nageki sinaye urabure sinwopitutu ari kyeru pasi ni ko no kure no udukwi si tateba ywo gomori ni naku pototogisu inisipye yu katari tugi turu ugupisu no utusi ma kwo kamo ayamye gusa pana tatibana wo wotomye ra ga tama nuku madeni akane sasu piru pa simyera ni asipikwi no ya tu wo tobi kwoye nubatama no yworu pa sugara ni aka toki no tukwi ni mukapite yuki kapyeri naki toyomuredo ika ni aki dara mu
毎時弥米頭良之久咲花乎折毛不折毛見良久之余志母
toki goto ni iya medurasi ku saku pana wo wori mo wora zu mo mi raku si yo si mo
霍公鳥來喧五月爾咲爾保布花橘乃香吉於夜能御言朝暮爾不聞日麻祢久安麻射可流夷爾之居者安之比奇乃山乃多乎里爾立雲乎余曽能未見都追嘆蘇良夜須家奈久爾念蘇良苦伎毛能乎奈呉乃海部之潜取云眞珠乃見我保之御面多太向将見時麻泥波松柏乃尊安我吉美
pototogisu ki naku satukwi ni saki nipopu pana tatibana no ka gupasi ki oya no mi koto asa yopi ni kika nu pi mane ku ama zakaru pina ni si woreba asipikwi no yama no tawori ni tatu kumo wo yoso nomwi mi tutu nageku swora yasu kye naku ni omopu swora kurusi ki monowo nagwo no ama no kaduki toru to ipu sira tama no mi gaposi mi omowa tada mukapi mi mu toki made pa matu kape no sakaye imasane taputwo ki a ga kimi
霍公鳥來喧響者草等良牟花橘乎屋戸爾波不殖而
pototogisu ki naki toyomeba kusa tora mu pana tatibana wo yadwo ni pa uwe zusite
春裏之樂終者梅花手折乎伎都追遊爾可有
paru no uti no tanwosi ki wope pa ume no pana ta wori wokitutu aswobu ni aru be si
和我勢故等手携而暁來者出立向暮去者振放見都追念暢見奈疑之山爾八峯爾波霞多奈婢伎谿敞爾波海石榴花咲宇良悲春之過者霍公鳥伊也之伎喧奴獨耳聞婆不怜毛君与吾隔而戀流礪波山飛超去而明立者松之狭枝爾暮去者向月而菖蒲玉貫麻泥爾鳴等余米安寐不令宿君乎奈夜麻勢
wa ga sekwo to te tadusaparite ake kureba ide tati mukapi yupu sareba purisake mi tutu omopi nobe mi nagwi si yama ni ya tu wo ni pa kasumi tanabiki tani pye pa tubaki pana saki ura ganasi ni paru si sugureba pototogisu iya siki naki nu pito ri nomwi kike ba sabusi mo kimi to are to pyedatete kwopu ru twonami yama tobi kwoye yukite ake tataba matu no sa yeda ni yupu saraba tukwi ni mukapite ayamye gusa tama nuku madeni naki toyome yasu i ne sime zu kimi wo nayamase
春過而夏來向者足桧木乃山呼等余米左夜中爾鳴霍公鳥始音乎聞婆奈都可之菖蒲花橘乎貫交可頭良久麻泥爾里響喧渡礼騰母尚之努波由
paru sugwite natu ki mukapeba asipikwi no yama ywobi toyome sa ywo naka ni naku pototogisu patu kowe wo kike ba natukasi ayamye gusa pana tatibana wo nuki mazipe kaduraku madeni satwo toyome naki wata redomo napo si sinwopa yu
山吹乃花執持而都礼毛奈久可礼爾之妹乎之努比都流可毛
yama buki no pana tori motite ture mo na ku kare ni si imo wo sinwopi turu kamo
宇都世美波戀乎繁美登春麻氣氐念繁波引攀而折毛不折毛毎見情奈疑牟等繁山之谿敝爾生流山振乎屋戸爾引殖而朝露爾仁保敝流花乎毎見念者不止戀志繁母
utusemi pa kwopwi wo sige mito paru makete omopi sige kye ba piki yodite wori mo wora zu mo miru gotoni kokoro nagwi mu to sige yama no tani pye ni opuru yama buki wo yadwo ni piki uwete asa tuyu ni nipop yeru pana wo miru goto ni omopi pa yama zu kwopwi si sige si mo
念度知大夫能許乃久礼繁思乎見明良米情也良牟等布勢乃海爾小船都良奈米眞可伊可氣伊許藝米具礼婆乎布能浦爾霞多奈妣伎垂姫爾藤浪咲而濱浄久白波左和伎及及爾戀波末佐礼杼今日耳飽足米夜母如是己曽祢年乃波爾春花之繁盛爾秋葉能黄色時爾安里我欲比見都追思努波米此布勢能海乎
omopu dwoti masura wonokwo no ko no kure no sige ki omopi wo mi aki rame kokoro yara mu to puse no umi ni wo bune turaname ma kai kake i kogi megureba wopu no ura ni kasumi tanabiki taru pimye ni pudi nami sakite pama kiywo ku sira nami sawaki sikusikuni kwopwi pa masaredo kyepu nomwi ni aki dara me ya mo kaku si koso iya tosi no pa ni paru pana no sige ki sakari ni aki no pa no momitapu toki ni ari gaywopi mi tutu sinwopa me ko no puse no umi wo
藤奈美能花盛爾如此許曽浦己藝廻都追年爾之努波米
pudi nami no pana no sakari ni kaku si koso ura kogi mwitutu tosi ni sinwopa me
桃花紅色爾々保比多流面輪乃宇知爾青柳乃細眉根乎咲麻我理朝影見都追嬬良我手爾取持有眞鏡蓋上山爾許能久礼乃繁谿邊乎呼等余米旦飛渡暮月夜可蘇氣伎野邊遙遙爾喧霍公鳥立久久等羽觸爾知良須藤浪乃花奈都可之美引攀而袖爾古伎礼都染婆染等母
momo no pana kurenawi iro ni nipopi taru omowa no uti ni awo yagwi no poso ki maywo ne wo wemi magari asa kage mi tutu wotomye ra ga te ni tori mot eru maswo kagami putagami yama ni ko no kure no sige ki tani pye wo ywobi toyome asa tobi watari yupu duku ywo kaswoke ki nwo pye ni parwoparwo ni naku pototogisu tati kuku to paburi ni tirasu pudi nami no pana natukasi mi piki yodite swode ni kwok ire tu sima ba simu tomo
霍公鳥鳴羽觸爾毛落爾家利盛過良志藤奈美能花
pototogisu naku paburi ni mo tiri ni kyeri sakari sugu rasi pudi nami no pana
霍公鳥鳴羽觸爾毛落奴倍美袖爾古伎納都藤浪乃花也
pototogisu naku paburi ni mo tiri nu be mi swode ni kwoki re tu pudi nami no pana
霍公鳥喧渡奴等告礼騰毛吾聞都我受花波須疑都追
pototogisu naki watari nu to tugu redomo ware kiki tuga zu pana pa sugwitutu
此間爾之氐曽我比爾所見和我勢故我垣都能谿爾安氣左礼婆榛之狭枝爾暮左礼婆藤之繁美爾遙遙爾鳴霍公鳥吾屋戸能殖木橘花爾知流時乎麻太之美伎奈加奈久曽許波不怨之可礼杼毛谷可多頭伎氐家居有君之聞都都追氣奈久毛宇之
koko nisite sogapi ni mi yuru wa ga sekwo ga kaki tu no tani ni ake sareba pari no sa yeda ni yupu sareba pudi no sigemi ni parwoparwo ni naku pototogisu wa ga yadwo no uwe kwi tatibana pana ni tiru toki wo madasi mi ki naka naku soko pa uramwi zu sikaredomo tani katadukite ipye wi s eru kimi ga kiki tutu tuge naku mo u si
古爾有家流和射乃久須婆之伎事跡言継知努乎登古宇奈比壮子乃宇都勢美能名乎競争登玉剋壽毛須底弖相争爾嬬問為家留嬬等之聞者悲左春花乃爾太要盛而秋葉之爾保比爾照有惜身之壮尚大夫之語勞美父母爾啓別而離家海邊爾出立朝暮爾滿來潮之八隔浪爾靡珠藻乃節間毛惜命乎露霜之過麻之爾家礼奥墓乎此間定而後代之聞継人毛伊也遠爾思努比爾勢餘等黄楊小櫛之賀左志家良之生而靡有
inisipye ni ari kyeru waza no kusubasi ki koto to ipi tugu tinu wotokwo unapi wotokwo no utusemi no na wo araswopu to tamakiparu inoti mo sutete araswopi ni tuma dopi si kyeru wotomye ra ga kikeba kanasi sa paru pana no nipoye sakayete aki no pa no nipopi ni ter eru atarasi ki mwi no sakari sura masura wo no koto itapasi mi titi papa ni mawosi wakarete ipye zakari umi bye ni ide tati asa yopi ni miti kuru sipo no ya pye nami ni nabiku tama mo no pusi no ma mo wosi ki inoti wo tuyu simo no sugwi masi ni kyere oku tu kwi wo koko to sadamete noti no yo no kiki tugu pito mo iya topo ni sinwopi ni seyo to tuge wo gusi sika sasi kye rasi opwite nabik yeri
天地之初時従宇都曽美能八十伴男者大王爾麻都呂布物跡定有官爾之在者天皇之命恐夷放國乎治等足日木山河阻風雲爾言者雖通正不遇日之累者思戀氣衝居爾玉桙之道來人之傳言爾吾爾語良久波之伎餘之君者比來宇良佐備弖嘆息伊麻須世間之猒家口都良家苦開花毛時爾宇都呂布宇都勢美毛无常阿里家利足千根之御母之命何如可毛時之波将有乎眞鏡見礼杼母不飽珠緒之惜盛爾立霧之失去如久置露之消去之如玉藻成靡許伊臥逝水之留不得常枉言哉人之云都流逆言乎人之告都流梓弧爪夜音之遠音爾毛聞者悲弥庭多豆水流涕留可祢都母
ame tuti no pazime no toki yu utusomi no ya swo tomo no wo pa opo kimi ni maturwopu mono to sadamar eru tukasa ni si areba opo kimi no mi koto kasikwo mi pina zakaru kuni wo wosamu to asipikwi no yama kapa pyenari kaze kumo ni koto pa kaywopedo tada ni apa zu pi no kasanareba omopi kwopwi ikiduki woru ni tama poko no miti kuru pito no tute koto ni ware ni katar aku pasikiyosi kimi pa ko no koro urasabwite nagekapi imasu yo no naka no u kyeku tura kyeku saku pana mo toki ni uturopu utusemi mo tune na ku ari kyeri taratine no mi papa no mikoto nani si ka mo toki si pa ara mu wo maswo kagami mi redomo aka zu tama no wo no wosi ki sakari ni tatu kwiri no use yuku goto ku oku tuyu no ke nuru ga goto ku tama mo nasu nabiki koi pusi yuku midu no todomwi kane tu to maga koto ya pito no ipi turu oyodure wo pito no tuge turu adusa yumi tuma piku ywo to no topo to ni mo kikeba kanasi mi nipa tadumi nagaruru namita todomwi kane tu mo
宇能花乎令腐霖雨之始水迩縁木積成将因兒毛我母
u no pana wo kutasu nag ame no pana midu ni yoru kotumi nasu yora mu kwo moga mo
春日野爾伊都久三諸乃梅花榮而在待還來麻泥
kasuga nwo ni ituku mi moro no ume no pana sakayete ari mate kapyeri kuru made
君之家爾殖有芽子之始花乎折而挿頭奈客別度知
kimi ga ipye ni uwe taru pagwi no patu pana wo worite kazasa na tabi wakaru dwoti
蜻嶋山跡國乎天雲爾磐船浮等母爾倍爾眞可伊繁貫伊許藝都遣國看之勢志氐安母里麻之掃平千代累弥嗣繼爾所知來流天之日繼等神奈我良吾皇乃天下治賜者物乃布能八十友之雄乎撫賜等登能倍賜食國之四方之人乎母安夫左波受賜者従古昔無利之瑞多婢末祢久申多麻比奴手拱而事無御代等天地日月等登聞仁万世爾記續牟曽八隅知之吾大皇秋花之我色色爾見賜明米多麻比酒見附榮流今日之安夜爾貴左
akidu sima yamato no kuni wo ama kumo ni ipa pune ukabe tomo ni pe ni ma kai sizi nuki i kogitutu kuni mi si se site amori masi parapi koto muke ti yo kasane iya tugitugi ni sira si k yeru ama no pi tugi to kamu nagara wa go opo kimi no ame no sita wosame tamapeba mononopu no ya swo tomo no wo wo nade tamapi totonope tamapi wosu kuni no yomo no pito wo mo abusapa zu megumi tamapeba inisipye yu na ka ri si sirusi tabi mane ku mawosi tamapi nu ta udakite koto na ki mi yo to ame tuti pi tukwi to tomo ni yorodu yo ni sirusi tuga mu zo yasumisisi wa go opo kimi aki no pana si ga iro iro ni myesi tamapi akira me tamapi saka miduki sakayu ru kyepu no ayani taputwo sa
秋時花種爾有等色別爾見之明良牟流今日之貴左
aki no pana kusagusa ni are do iro gotoni mye si aki ramuru kyepu no taputwo sa
袖垂而伊射吾苑爾鴬乃木傳令落梅花見爾
swode tarete iza wa ga sono ni ugupisu no ko dutapi tirasu ume no pana mi ni
辞繁不相問爾梅花雪爾之乎礼氐宇都呂波牟可母
koto sige mi api twopa naku ni ume no pana yuki ni siworete uturopa mu kamo
梅花開有之中爾布敷賣流波戀哉許母礼留雪乎待等可
ume no pana sak yeru ga naka ni pupum yeru pa kwopwi ya komor eru yuki wo matu to ka
多可麻刀能乎婆奈布伎故酒秋風爾比毛等伎安気奈多太奈良受等母
takamatwo no wo bana puki kwosu aki kaze ni pimo toki akena tada nara zu tomo
夜麻夫伎乃花能左香利爾可久乃其等伎美乎見麻久波知登世爾母我母
yama buki no pana no sakari ni kaku no goto kimi wo mi maku pa ti tose ni moga mo
秋等伊閇婆許己呂曾伊多伎宇多弖家爾花仁奈蘇倍弖見麻久保里香聞
aki to ipeba kokoro so ita ki utate kyeni pana ni naswopete mi maku pori kamo
波都乎婆奈波奈爾見牟登之安麻乃可波弊奈里爾家良之年緒奈我久
patu wo bana pana ni mi mu to si ama no kapa pyenari ni kye rasi tosi no wo naga ku
八千種爾久佐奇乎宇恵弖等伎其等爾佐加牟波奈乎之見都追思努波奈
ya ti gusa ni kusa kwi wo uwete toki gotoni saka mu pana wo si mi tutu sinwopana
秋野爾波伊麻己曾由可米母能乃布能乎等古乎美奈能波奈爾保比見爾
aki nwo ni pa ima koso yuka me mononopu no wotokwo womina no pana nipopi mi ni
等伎騰吉乃波奈波佐家登母奈爾須礼曾波波登布波奈乃佐吉泥己受祁牟
toki doki no pana pa sakedomo nani sure so papa to pu pana no saki de ko zu kye mu
知知波波母波奈爾母我毛夜久佐麻久良多妣波由久等母佐佐己弖由加牟
titi papa mo pana ni moga mo ya kusa makura tabi pa yuku tomo sasakote yuka mu
天皇乃等保伎美与爾毛於之弖流難波乃久爾爾阿米能之多之良志賣之伎等伊麻能与爾多要受伊比都都可気麻久毛安夜爾可之古志可武奈我良和其大王乃宇知奈妣久春初波春初波夜知久佐爾波奈佐伎爾保比夜麻美礼婆見能等母之久可波美礼婆見乃佐夜気久母能其等爾佐可由流等伎登賣之多麻比安伎良米多麻比之伎麻世流難波宮者伎己之乎須四方乃久爾欲里多弖麻都流美都奇能船者保理江欲里美乎妣伎之都都安佐奈芸爾可治比伎能保理由布之保爾佐乎佐之久太理安治牟良能佐和伎伎保比弖波麻爾伊泥弖海原見礼婆之良奈美乃夜敞乎流我宇倍爾安麻乎夫祢波良良爾宇伎弖於保美気爾都加倍麻都流等乎知許知爾伊射里都利家理曾伎太久毛於芸呂奈伎可毛己伎婆久母由多気伎可母許己見礼婆宇倍之神代由波自米家良思母
sumyeroki no topo ki mi yo ni mo osi teru nanipa no kuni ni ame no sita sira si myesi ki to ima no yo ni taye zu ipitutu kake maku mo ayani kasikwo si kamu nagara wa go opo kimi no uti nabiku paru no pazime pa ya ti kusa ni pana saki nipopi yama mireba mi no tomosi ku kapa mireba mi no sayake ku mono gotoni sakayuru toki to myesi tamapi akirame tamapi siki mas eru nanipa no miya pa kikosi wosu yomo no kuni ywori tate maturu mitukwi no pune pa pori ye ywori miwo biki situtu asa nagi ni kadi piki nobori yupu sipo ni sawo sasi kudari adi mura no sawagi kipopite pama ni idete una para mi reba sira nami no ya pye woru ga upe ni ama wo bune parara ni ukite opo mike ni tukape maturu to woti koti ni izari turi kyeri sokidaku mo ogirona ki kamo kokibaku mo yutake ki kamo koko mi reba ube si kamwi yo yu pazime kye rasi mo
桜花伊麻佐可里奈里難波乃海於之弖流宮爾伎許之賣須奈倍
sakura bana ima sakari nari nanipa no umi osi teru miya ni kikosi myesu nape
都久波禰乃佐由流能波奈能由等許爾母可奈之家伊母曾比留毛可奈之祁
tukupa ne no sa yuru no pana no yu toko ni mo kanasi kye imo so piru mo kanasi kye
多都多夜麻見都都古要許之佐久良波奈知利加須疑奈牟和我可敞流刀爾
tatuta yama mi tutu kwoye ko si sakura pana tiri ka sugwi na mu wa ga kapyeru twoni
見和多世婆牟加都乎能倍乃波奈爾保比弖里低多弖流波波之伎多我都麻
mi wataseba muka tu wo no pe no pana nipopi terite tat eru pa pasi ki ta ga tuma
布敷賣里之波奈乃波自米爾許之和礼夜知里奈牟能知爾美夜古敞由可無
pupum yeri si pana no pazime ni ko si ware ya tiri na mu noti ni miyakwo pye yuka mu
比佐可多能安米波布里之久奈弖之故我伊夜波都波奈爾故非之伎和我勢
pisakata no ame pa puri siku nadesikwo ga iya patu pana ni kwopwisi ki wa ga se
和我世故我夜度奈流波疑乃波奈佐可牟安伎能由布敞波和礼乎之努波世
wa ga sekwo ga yadwo n aru pagwi no pana saka mu aki no yupubye pa ware wo sinwopa se
和我夜度爾佐家流奈弖之故麻比波勢牟由米波奈知流奈伊也乎知爾左家
wa ga yadwo ni sak yeru nadesikwo mapi pa se mu yume pana tiru na iya woti ni sakye
麻比之都都伎美我於保世流奈弖之故我波奈乃未等波無伎美奈良奈久爾
mapi situtu kimi ga opos eru nadesikwo ga pana nomwi topa mu kimi nara naku ni
奈弖之故我波奈等里母知弖宇都良宇都良美麻久能富之伎吉美爾母安流加母
nadesikwo ga pana tori motite uturautura mi maku no posi ki kimi ni mo aru kamo
和我勢故我夜度能奈弖之故知良米也母伊夜波都波奈爾佐伎波麻須等母
wa ga sekwo ga yadwo no nadesikwo tira me ya mo iya patu pana ni saki pa masu tomo
宇流波之美安我毛布伎美波奈弖之故我波奈爾奈蘇倍弖美礼杼安可奴香母
urupasi mi a ga mopu kimi pa nadesikwo ga pana ni naswopete miredo aka nu kamo
乎等賣良我多麻毛須蘇婢久許能爾波爾安伎可是不吉弖波奈波知里都都
wotomye ra ga tama mo suswo biku ko no nipa ni aki kaze pukite pana pa tiritutu
安吉加是能布伎古吉之家流波奈能爾波伎欲伎都久欲仁美礼杼安賀奴香母
aki kaze no puki kwoki sik yeru pana no nipa kiywo ki tuku ywo ni miredo aka nu kamo
於久夜麻能之伎美我波奈能奈能其等也之久之久伎美爾故非和多利奈無
oku yama no sikimi ga pana no na no goto ya sikusiku kimi ni kwopwi watari na mu
佐久波奈波宇都呂布等伎安里安之比奇乃夜麻須我乃祢之奈我久波安利家里
saku pana pa uturopu toki ari asipikwi no yama suga no ne si naga ku pa ari kyeri
時花伊夜米豆良之母加久之許曾賣之安伎良米俛阿伎多都其等爾
toki no pana iya medurasi mo kaku si koso myesi akirame me aki tatu gotoni
美牟等伊波婆伊奈等伊波米也宇梅乃波奈知利須具流麻弖伎美我伎麻左奴
mi mu to ipaba ina to ipa me ya ume no pana tiri suguru made kimi ga ki masa nu
宇梅能波奈香乎加具波之美等保家杼母己許呂母之努爾伎美乎之曾於毛布
ume no pana ka wo ka gupasi mi topo kyedomo kokoro mo sinwo ni kimi wo si so mopu
夜知久佐能波奈波宇都呂布等伎波奈流麻都能左要太乎和礼波牟須婆奈
ya ti kusa no pana pa uturopu tokipa naru matu no sa yeda wo ware pa musubana
烏梅能波奈左伎知流波流能奈我伎比乎美礼杼母安加奴伊蘇爾母安流香母
ume no pana saki tiru paru no naga ki pi wo miredomo aka nu iswo ni mo aru kamo
乎之能須牟伎美我許乃之麻家布美礼婆安之婢乃波奈毛左伎爾家流可母
wosi no sumu kimi ga ko no sima kyepu mireba asibi no pana mo saki ni kyeru kamo
伊気美豆爾可気左倍見要低佐伎爾保布安之婢乃波奈乎蘇弖爾古伎礼奈
ike midu ni kage sape mi yete saki nipopu asibi no pana wo swode ni kwoki rena
秋風乃須恵布伎奈婢久波疑能花登毛爾加射左受安比加和可礼牟
aki kaze no suwe puki nabiku pagwi no pana tomo ni kazasa zu api ka wakare mu
伊邪古杼母怒毘流都美迩比流都美迩和賀由久美知能迦具波斯波那多知婆那波本都延波登理韋賀良斯志豆延波比登登理賀良斯美都具理能那迦都延能本都毛理阿迦良袁登賣袁伊邪佐佐婆余良斯那
iza kwo domo nwo biru tumi ni piru tumi ni wa ga yuku miti no ka gupasi pana tatibana pa potu ye pa tori wi garasi sidu ye pa pito tori garasi mi tu guri no naka tu ye no potumwori akara wotomye wo iza sasaba yorasi na
都芸泥布夜夜麻志呂賀波袁迦波能煩理迦波能煩禮婆迦波能倍迩淤斐陀弖流佐斯夫袁佐斯夫能紀斯賀斯多迩淤斐陀弖流波毘呂由都麻都婆岐斯賀波那能弖理伊麻斯芝賀波能比呂理伊麻須波淤富岐美呂迦母
tuginepu ya yamasiro gapa wo kapa nobori wa ga noboreba kapa no pe ni opwi dat eru sasibu wo sasibu no kwi si ga sita ni opwi dat eru pa biro yu tu ma tubaki si ga pana no teri imasi si ga pa no pirori imasu pa opo kimi rokamo
久佐迦延能伊理延能波知須波那婆和須微能佐加理毘登登母志岐呂加母
kusaka ye no iri ye no patisu pana batisu mwi no sakari bito tomosi ki rokamo
夜麻登能許能多気知爾古陀加流伊知能都加佐爾比那閇夜爾淤斐陀弖流波毘呂由都麻都婆岐曾賀波能比呂理伊麻志曾能波那能弖理伊麻須多加比迦流比能美古爾登余美岐多弖麻都良勢許登能加多理碁登母許袁婆
yamato no ko no taketi ni kwo dakaru iti no tukasa nipi nape ya ni opwi dat eru pa biro yu tu ma tubaki so ga pa no pirori imasi so no pana no teri imasu taka pikaru pi no mi kwo ni toyo mi ki tate matura se koto no katari goto mo ko woba
伊装阿芸怒珥比蘆莵眉珥比蘆莵瀰珥和餓喩区瀰智珥伽遇破志波那多智麼那辞豆曳羅波比等未那等利保莵曳波等利委餓羅辞瀰莵遇利能那伽莵曳能府保語茂利阿伽例蘆塢等咩伊装佐伽麼曳那
iza agi nwo ni piru tumi ni piru tumi ni wa ga yuku miti ni ka gupasi pana tatibana sidu ye ra pa pito mwina tori potu ye pa tori wi garasi mi tu guri no naka tu ye no pupo gomori akar eru wotomye iza sakaba ye na
波那具波辞佐区羅能梅涅虚等梅涅麼波椰区波梅涅孺和我梅豆留古羅
pana gupasi sakura no mede koto medeba paya ku pa mede zu wa ga meduru kwo ra
模騰渠等爾娑那播左該騰模那爾騰柯母于都倶之伊母我磨陁左枳串渠農
moto gotoni pana pa sakedomo nani to ka mo utukusi imo ga mata saki de ko nu
National Institute for Japanese Language and Linguistics (2021) “Oxford-NINJAL Corpus of Old Japanese” https://oncoj.ninjal.ac.jp/ (accessed 15 August 2026)
fd34a1b284c5dd1e8008df9d3abcb28cfaf464bf