ONCOJ語彙素
複合語内部の出現も数えます。表記種別はONCOJが音節ごとに与える注釈によります。
山常庭村山有等取與呂布天乃香具山騰立國見乎為者國原波煙立龍海原波加萬目立多都怜忄可國曽蜻嶋八間跡能國者
yamato ni pa mura yama are do tori yoropu ame no kagu yama nobori tati kuni mi wo sureba kuni para pa keburi tati tatu una para pa kamame tati tatu uma si kuni so akidu sima yamato no kuni pa
八隅知之我大王乃朝庭取撫賜夕庭伊縁立之御執乃梓弓之奈加弭乃音為奈利朝猟爾今立須良思暮猟爾今他田渚良之御執能梓弓之奈加弭乃音為奈里
yasumisisi wa go opo kimi no asita ni pa tori nade tamapi yupu pye ni pa i yori tata si si mitorasi no adusa no yumi no naka pazu no oto su nari asa gari ni ima tata su rasi yupu gari ni ima tata su rasi mitorasi no adusa no yumi no naka pazu no oto su nari
霞立長春日乃晩家流和豆肝之良受村肝乃心乎痛見奴要子鳥卜歎居者珠手次懸乃宜久遠神吾大王乃行幸能山越風乃獨座吾衣手爾朝夕爾還比奴礼婆大夫登念有我母草枕客爾之有者思遣鶴寸乎白土網能浦之海處女等之焼塩乃念曽所焼吾下情
kasumi tatu naga ki paru pi no kure ni kyeru waduki mo sira zu mura kimo no kokoro wo ita mi nuye kwo tori ura nake woreba tama ta suki kake no yorosi ku topo tu kamwi wa go opo kimi no ide masi no yama kwosu kaze no pito ri woru wa ga koromo de ni asa yopi ni kapyera pi nureba masura wo to omop yeru ware mo kusa makura tabi ni si areba omopi yaru taduki wo sira ni ami no ura no ama wotomye ra ga yaku sipo no omopi so yakuru wa ga sita gokoro
莫囂圓隣之大相七兄爪謁氣吾瀬子之射立為兼五可新何本
xxx xxx wa ga se kwo ga i tata s eri kye mu itu kasi ga moto
高山与耳梨山与相之時立見爾来之伊奈美國波良
kagu yama to miminasi yama to api si toki tatite mi ni ko si inami kuni para
玉手次畝火之山乃橿原乃日知之御世従阿礼座師神之盡樛木乃弥継嗣爾天下所知食之乎天爾満倭乎置而青丹吉平山乎超何方御念食可天離夷者雖有石走淡海國乃樂浪乃大津宮爾天下所知食兼天皇之神之御言能大宮者此間等雖聞大殿者此間等雖云春草之茂生有霞立春日之霧流百礒城之大宮處見者悲毛
tama ta suki unebwi no yama no kasipara no piziri no mi yo yu are masi si kamwi no kotogoto tuga no kwi no iya tugitugi ni ame no sita sira si myesi si wo swora ni mitu yamato wo okite awo ni yo si nara yama wo kwoye ika sama ni omoposi myese ka ama zakaru pina ni pa aredo ipa basiru apumi no kuni no sasanami no opotu no miya ni ame no sita sira si myesi kye mu sumyeroki no kamwi no mikoto no opo miya pa koko to kikedomo opo tono pa koko to ipedomo paru kusa no sige ku opwi taru kasumi tati paru pi no kwir e ru momo sikwi no opo miya tokoro mireba kanasi mo
玉手次畝火之山乃橿原乃日知之自宮阿礼座師神之盡樛木乃弥継嗣爾天下所知食来虚見倭乎置青丹吉平山越而何方所念計米可天離夷者雖有石走淡海國乃樂浪乃大津宮爾天下所知食兼天皇之神之御言能大宮者此間等雖聞大殿者此間等雖云春草之茂生有霞立春日香霧流夏草香繁成奴留百礒城之大宮處見者左夫思毛
tama ta suki unebwi no yama no kasipara no piziri no miya yu are masi si kamwi no kotogoto tuga no kwi no iya tugitugi ni ame no sita sira si myesi kyeru swora mitu yamato wo oki awo ni yo si nara yama kwoyete ika sama ni omoposi kye me ka ama zakaru pina ni pa aredo ipa basiru apumi no kuni no sasanami no opotu no miya ni ame no sita sira si myesi kye mu sumyeroki no kamwi no mikoto no opo miya pa koko to kikedomo opo tono pa koko to ipedomo paru kusa no sige ku opwi taru kasumi tati paru pi ka kwir e ru natu kusa ka sige ku nari nuru momo sikwi no opo miya tokoro mireba sabusi mo
安見知之吾大王神長柄神佐備世須登芳野川多藝津河内爾高殿乎高知座而上立國見乎為勢婆疊付青垣山山神乃奉御調等春部者花挿頭持秋立者黄葉頭刺理逝副川之神母大御食爾仕奉等上瀬爾鵜川乎立下瀬爾小網刺渡山川母依弖奉流神乃御代鴨
yasumisisi wa go opo kimi kamu nagara kamu sabwi sesu to yosinwo kapa tagitu kaputi ni taka tono wo taka siri masite nobori tati kuni mi wo se seba tatanaparu awo kaki yama yama tu mi no maturu mi tukwi to paru bye pa pana kazasi moti aki tateba momiti kazas e ri yuki swopu kapa no kamwi mo opomi ke ni tukape maturu to kami tu se ni u kapa wo tati simo tu se ni sade sasi watasu yama kapa mo yori te tukapu ru kamwi no mi yo kamo
安見知之吾大王神長柄神佐備世須登芳野川多藝津河内爾高殿乎高知座而上立國見乎為勢婆疊付青垣山山神乃奉御調等春部者花挿頭持秋立者黄葉加射之逝副川之神母大御食爾仕奉等上瀬爾鵜川乎立下瀬爾小網刺渡山川母依弖奉流神乃御代鴨
yasumisisi wa go opo kimi kamu nagara kamu sabwi sesu to yosinwo kapa tagitu kaputi ni taka tono wo taka siri masite nobori tati kuni mi wo se seba tatanaparu awo kaki yama yama tu mi no maturu mi tukwi to paru bye pa pana kazasi moti aki tateba momiti ba kazasi yuki swopu kapa no kamwi mo opomi ke ni tukape maturu to kami tu se ni u kapa wo tati simo tu se ni sade sasi watasu yama kapa mo yori te tukapu ru kamwi no mi yo kamo
八隅知之吾大王高照日之皇子神長柄神佐備世須等太敷為京乎置而隠口乃泊瀬山者真木立荒山道乎石根禁樹押靡坂鳥乃朝越座而玉限夕去来者三雪落阿騎乃大野爾旗須為寸四能乎押靡草枕多日夜取世須古昔念而
yasumisisi wa go opo kimi taka terasu pi no mi kwo kamu nagara kamu sabwi sesu to putwo sika su miyakwo wo okite komori ku no patuse no yama pa ma kwi tatu ara ki yama di wo ipa ga ne sape kwi osi nabe saka tori no asa kwoye masite tama kagiru yupu sari kureba mi yuki puru akwi no opo nwo ni pata susuki sino wo osi nabe kusa makura tabi yadori sesu inisipye omopite
東野炎立所見而反見為者月西渡
pimugasi no nwo ni kagirwopwi no tatu mi yete kapyeri mi sureba tukwi katabuki nu
日雙斯皇子命乃馬副而御猟立師斯時者来向
pinamisi no mi kwo no mikoto no uma namete mi kari tata si si toki pa ki mukapu
八隅知之和期大王高照日之皇子麁妙乃藤井我原爾大御門始賜而埴安乃堤上爾在立之見之賜者日本乃青香具山者日經乃大御門爾春山跡之美佐備立有畝火乃此美豆山者日緯能大御門爾弥豆山跡山佐備伊座耳為之青菅山者背友乃大御門爾宣名倍神佐備立有名細吉野乃山者影友乃大御門従雲居爾曽遠久有家留高知也天之御蔭天知也日之御影乃水許曽婆常爾有米御井之清水
yasumisisi wa go opo kimi taka terasu pi no mi kwo ara tape no pudiwi ga para ni opo mikadwo pazime tamapite paniyasu no tutumi no upe ni ari tata si mye si tamapeba yamato no awo kagu yama pa pi no tate no opo mikadwo ni paru yama to simisabwi tat eri unebwi no ko no midu yama pa pi no yoko no opo mikadwo ni midu yama to yama sabwi imasu miminasi no awo suga yama pa so tomo no opo mikadwo ni yorosi nape kamu sabwi tat eri na kupasi yosinwo no yama pa kage tomo no opo mikadwo yu kumo wi ni so topo ku ari kyeru taka siru ya ame no mi kage ame siru ya pi no mi kage no midu kosoba tokosipeni ara me mi wi no ma simidu
大夫之得物矢手挿立向射流圓方波見爾清潔之
masura wo no satu ya ta basami tati mukapi i ru matwokata pa miru ni sayake si
吾勢祜乎倭邊遺登佐夜深而鷄鳴露爾吾立所霑之
wa ga sekwo wo yamato pye yaru to sa ywo pukete aka toki tuyu ni ware tati nure si
足日木乃山之四付二妹待跡吾立所沾山之四附二
asi pikwi no yama no siduku ni imo matu to ware tati nure nu yama no siduku ni
磐代之野中爾立有結松情毛不解古所念
ipasiro no nwo naka ni tat eru musubi matu kokoro mo toke zu inisipye omopoyu
鯨魚取淡海乃海乎奥放而榜来船邊附而榜来船奥津加伊痛勿波祢曽邊津加伊痛莫波祢曽若草乃嬬之念鳥立
isana tori apumi no umi wo oki sakete kogi ki taru pune pye tukite kogi kuru pune oki tu kai ita ku na pane so pye tu kai ita ku na pane so waka kusa no tuma no omopu tori tatu
山振之立儀足山清水酌爾雖行道之白鳴
yama buki no tati yosopi taru yama si midu kumi ni yuka medo miti no sira naku
御立為之嶋乎見時庭多泉流涙止曽金鶴
mi tata si no sima wo miru toki nipa ta dumi nagaruru namita tome zo kane turu
御立為之嶋乎母家跡住鳥毛荒備勿行年替左右
mi tata si no sima wo mo ipye to sumu tori mo ara bwi na yuki so tosi kaparu made
御立為之嶋之荒礒乎今見者不生有之草生爾来鴨
mi tata si no sima no ariswo wo ima mireba opwi zari si kusa opwi ni kyeru kamo
鳥栖立飼之鴈乃兒栖立去者檀岡爾飛反来年
togura tate kapi si kari no kwo su tati na ba mayumi no woka ni tobi kapyeri ko ne
旦覆日之入去者御立之嶋爾下座而嘆鶴鴨
asa gumori pi no iri nure ba mi tata si no sima ni ori wite nageki turu kamo
飛鳥明日香乃河之上瀬石橋渡下瀬打橋渡石橋生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴然有鴨綾爾憐宿兄鳥之片戀嬬朝鳥徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa pasi watasi simo tu se ni uti pasi watasu ipa pasi ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu sikare ka mo ayani kanasi mi nuye dori no kata kwopwi duma asa tori no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
飛鳥明日香乃河之上瀬石浪渡下瀬打橋渡石浪生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴所己乎之毛綾爾憐宿兄鳥之片戀為乍朝霧徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa nami watasi simo tu se ni uti pasi watasu ipa nami ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu soko wo si mo ayani kanasi mi nuye dori no kata kwopwi situtu asa gwiri no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
挂文忌之伎鴨言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下治賜食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎治跡皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流小角乃音母敵見有虎可s吼登諸人之恊流麻r爾指擧有幡之靡者冬木成春去来者野毎著而有火之風之共靡如久取持流弓波受乃驟三雪落冬乃林爾飃可毛伊巻渡等念麻r聞之恐久引放箭之繁計久大雪乃乱而来礼不奉仕立向之毛露霜之消者消倍久去鳥乃相競端爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾然之毛将有登木綿花乃榮時爾吾大王皇子之御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyu si ki kamo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita wosame tamapi wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo wosame to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru kuda no oto mo ata mi taru twora ka poyuru to moro pito no obiyu ru made ni sasage taru pata no nabiki pa puyu gomori paru sari kureba nwo goto ni tukite aru pwi no kaze no muta nabiku ga goto ku tori mot eru yu pazu no sawaki mi yuki puru puyu no payasi ni tumuzi ka mo i maki wataru to omopu made kiki no kasikwo ku piki panatu ya no sige kyeku opo yuki no midarete ki ta re maturwopa zu tati mukapi si mo tuyu simo no ke na ba ke nu be ku yuku tori no araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni sika si mo ara mu to yupu bana no sakayuru toki ni wa go opo kimi mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
挂文由遊志計礼抒母言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下掃賜而食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎掃部等皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流笛之音波敵見有虎可s吼登諸人之聞或麻泥指擧有幡之靡者冬木成春野焼火乃風之共靡如久取持流弓波受乃驟三雪落由布乃林爾飃可毛伊巻渡等諸人見或麻r引放箭之繁計久霰成曽知余里久礼婆不奉仕立向之毛朝霜之消者消言爾打蟬等安良蘇布波之爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾如是毛安良無等木綿花乃榮時爾刺竹皇子御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyusi kyeredomo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita parapi tamapite wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo para pye to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru puye no oto pa ata mi taru twora ka poyuru to moro pito no kiki matwopu made sasage taru pata no nabiki pa puyu gomori paru nwo yaku pwi no kaze no muta nabiku ga goto ku tori mot eru yu pazu no sawaki mi yuki puru yupu no payasi ni tumuzi ka mo i maki wataru to moro pito no mi matwopu made ni piki panatu ya no sige kyeku arare nasu soti yori kureba maturwopa zu tati mukapi si mo asa simo no ke naba ke to pu ni utusemi to araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni kaku si mo ara mu to yupu bana no sakayuru toki ni sasutake no mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
天飛也軽路者吾妹兒之里爾思有者懃欲見騰不已行者入目乎多見真根久徃者人應知見狭根葛後毛将相等大船之思憑而玉蜻磐垣淵之隠耳戀管在爾度日乃晩去之如照月乃雲隠如奥津藻之名延之妹者黄葉乃過伊去等玉梓之使之言者梓弓聲爾聞而将言為便世武為便不知爾聲耳乎聞而有不得者吾戀千重之一隔毛遣悶流情毛有八等吾妹子之不止出見之軽市爾吾立聞者玉手次畝火乃山爾喧鳥之音母不所聞玉桙道行人毛獨谷似之不去者為便乎無見妹之名喚而袖曽振鶴
ama tobu ya karu no miti pa wagimo kwo ga satwo ni si areba nemokoro ni mi maku posi kyedo yama zu yukaba pito me wo opo mi mane ku yukaba pito siri nu be mi sane kadura noti mo apa mu to opo bune no omopi tanomite tama kagiru ipa kaki puti no komori nomwi kwopwi tutu aru ni wataru pi no kure yuku ga goto teru tukwi no kumo gakuru goto oki tu mo no nabiki si imo pa momiti ba no sugwite ini ki to tamadusa no tukapi no ipeba adusa yumi oto ni kikite ipa mu subye se mu subye sira ni oto nomwi wo kikite ari e neba wa ga kwopuru ti pye no pito pye mo nagusamu ru kokoro mo ari ya to wagimo kwo ga yama zu ide mi si karu no iti ni wa ga tati kikeba tama ta suki unebwi no yama ni naku tori no kowe mo kikoye zu tama poko no miti yuku pito mo pito ri dani ni te si yuka neba subye wo na mi imo ga na ywobite swode zo puri turu
天飛也軽路者吾妹兒之里爾思有者懃欲見騰不已行者入目乎多見真根久徃者人應知見狭根葛後毛将相等大船之思憑而玉蜻磐垣淵之隠耳戀管在爾度日乃晩去之如照月乃雲隠如奥津藻之名延之妹者黄葉乃過伊去等玉梓之使之言者梓弓聲耳聞而将言為便世武為便不知爾名耳聞而有不得者吾戀千重之一隔毛遣悶流情毛有八等吾妹子之不止出見之軽市爾吾立聞者玉手次畝火乃山爾喧鳥之音母不所聞玉桙道行人毛獨谷似之不去者為便乎無見妹之名喚而袖曽振鶴
ama tobu ya karu no miti pa wagimo kwo ga satwo ni si areba nemokoro ni mi maku posi kyedo yama zu yukaba pito me wo opo mi mane ku yukaba pito siri nu be mi sane kadura noti mo apa mu to opo bune no omopi tanomite tama kagiru ipa kaki puti no komori nomwi kwopwi tutu aru ni wataru pi no kure yuku ga goto teru tukwi no kumo gakuru goto oki tu mo no nabiki si imo pa momiti ba no sugwite ini ki to tamadusa no tukapi no ipeba adusa yumi oto nomwi kikite ipa mu subye se mu subye sira ni na nomwi wo kikite ari e neba wa ga kwopuru ti pye no pito pye mo nagusamu ru kokoro mo ari ya to wagimo kwo ga yama zu ide mi si karu no iti ni wa ga tati kikeba tama ta suki unebwi no yama ni naku tori no kowe mo kikoye zu tama poko no miti yuku pito mo pito ri dani ni te si yuka neba subye wo na mi imo ga na ywobite swode zo puri turu
打蝉等念之時爾取持而吾二人見之趍出之堤爾立有槻木之己知碁知乃枝之春葉之茂之如久念有之妹者雖有憑有之兒等爾者雖有世間乎背之不得者蜻火之燎流荒野爾白妙之天領巾隠鳥自物朝立伊麻之弖入日成隠去之鹿齒吾妹子之形見爾置有若兒乃乞泣毎取与物之無者烏徳自物腋挟持吾妹子与二人吾宿之枕付嬬屋之内爾晝羽裳浦不樂晩之夜者裳氣衝明之嘆友世武為便不知爾戀友相因乎無見大鳥乃羽易乃山爾吾戀流妹者伊座等人云者石根左久見手名積来之吉雲曽無寸打蝉等念之妹之珠蜻髣髴谷裳不見思者
utusemi to omopi si toki ni tori motite wa ga puta ri mi si pasiri de no tutumi ni tat eru tukwi no kwi no koti goti no ye no paru no pa no sige ki ga goto ku omop yeri si imo ni pa aredo tanom yeri si kwo ra ni pa aredo yo no naka wo so muki si e neba kagirwo pwi no moyu ru ara nwo ni sirwo tape no ama pire gakuri tori zimono asa dati imasite iri pi nasu kakuri ni sikaba wagimo kwo ga katami ni ok yeru midorikwo no kopi naku goto ni tori atapuru mono si na kyereba wotokwo zimono waki basami moti wagimo kwo to puta ri wa ga ne si makura duku tuma ya no uti ni piru pa mo urasabwi kura si yworu pa mo ikiduki aka si nagekedomo se mu subye sira ni kwopuredomo apu yosi wo na mi opo tori no pagapi no yama ni wa ga kwopu ru imo pa i masu to pito no ipeba ipa ne sakumite na dumi ko si yo kyeku mo zo na ki utusemi to omopi si imo ga tama kagiru ponoka ni dani mo mi ye nu omopeba
宇都曽臣等念之時爾取持而吾二人見之趍出之堤爾立有槻木之己知碁知乃枝之春葉之茂之如久念有之妹者雖有憑有之兒等爾者雖有世間乎背之不得者蜻火之燎流荒野爾白妙之天領巾隠鳥自物朝立伊麻之弖入日成隠去之鹿齒吾妹子之形見爾置有若兒乃乞泣毎取与物之無者烏徳自物腋挟持吾妹子与二人吾宿之枕付嬬屋之内爾晝羽裳浦不樂晩之夜者裳氣衝明之嘆友世武為便不知爾戀友相因乎無見大鳥乃羽易乃山爾吾戀流妹者伊座等人云者石根左久見手名積来之吉雲曽無寸打蝉等念之妹之珠蜻髣髴谷裳不見思者
utusomi to omopi si toki ni tori motite wa ga puta ri mi si pasiri de no tutumi ni tat eru tukwi no kwi no koti goti no ye no paru no pa no sige ki ga goto ku omop yeri si imo ni pa aredo tanom yeri si kwo ra ni pa aredo yo no naka wo so muki si e neba kagirwo pwi no moyu ru ara nwo ni sirwo tape no ama pire gakuri tori zimono asa dati imasite iri pi nasu kakuri ni sikaba wagimo kwo ga katami ni ok yeru midorikwo no kopi naku goto ni tori atapuru mono si na kyereba wotokwo zimono waki basami moti wagimo kwo to puta ri wa ga ne si makura duku tuma ya no uti ni piru pa mo urasabwi kura si yworu pa mo ikiduki aka si nagekedomo se mu subye sira ni kwopuredomo apu yosi wo na mi opo tori no pagapi no yama ni wa ga kwopu ru imo pa i masu to pito no ipeba ipa ne sakumite na dumi ko si yo kyeku mo zo na ki utusemi to omopi si imo ga tama kagiru ponoka ni dani mo mi ye nu omopeba
宇都曽臣等念之時携手吾二見之出立百兄槻木虚知期知爾枝刺有如春葉茂如念有之妹庭雖在恃有之妹庭雖有世中背不得者香切火之燎流荒野爾白栲天領巾隠鳥自物朝立伊行而入日成隠西加婆吾妹子之形見爾置有緑兒之乞哭別取委物之無者男自物腋挾持吾妹子与二吾宿之枕附嬬屋内爾日者浦不怜晩之夜者息衝明之雖嘆為便不知雖戀相縁無大鳥羽易山爾汝戀妹座等人云者石根割見而奈積来之好雲叙無宇都曽臣念之妹我灰而座者
utusomi to omopi si toki tadusapete wa ga puta ri mi si ide tati no momo ye tukwi no kwi koti goti ni yeda sas eru goto paru no pa no sige ki ga goto ku omop yeri si imo ni pa aredo tanom yeri si imo ni pa aredo yo no naka wo so muki si e neba kagirwo pwi no moyu ru ara nwo ni sirwo tape no ama pire gakuri tori zimono asa tati i yukite iri pi nasu kakuri ni sikaba wagimo kwo ga katami ni ok yeru midorikwo no kopi naku goto ni tori makasuru mono si na kyereba wotokwo zimono waki basami moti wagimo kwo to puta ri wa ga ne si makura duku tuma ya no uti ni piru pa urasabwi kura si yworu pa ikiduki aka si nagekedomo se mu subye sira ni kwopuredomo apu yosi wo na mi opo tori no pagapi no yama ni na ga kwopuru imo pa imasu to pito no ipeba ipa ne sakumite nadumi ko si yo kyeku mo zo na ki utusomi to omopi si imo ga papi nite maseba
秋山下部留妹奈用竹乃騰遠依子等者何方爾念居可栲紲之長命乎露己曽婆朝爾置而夕者消等言霧己曽婆夕立而明者失等言梓弓音聞吾母髣髴見之事悔敷乎布栲乃手枕纒而劔刀身二副寐價牟若草其嬬子者不怜弥可念而寐良武悔弥可念戀良武時不在過去子等我朝露乃如也夕霧乃如也
aki yama no sitap yeru imo naywo take no towo yoru kwo ra pa ika sama ni omopi wore ka taku napa no naga ki inoti wo tuyu kosoba asita ni okite yupu pye pa kiyu to ipe kwiri kosoba yupu pye ni tatite asita pa usu to ipe adusa yumi oto kiku ware mo opo ni mi si koto kuya si ki wo siki tape no ta makura makite turugi tati mwi ni swope ne kye mu waka kusa no so no tuma no kwo pa sabusi mi ka omopite nu ramu kuyasi mi ka omopi kwopu ramu toki nara zu sugwi ni si kwo ra ga asa tuyu no goto yupu gwiri no goto
玉藻吉讃岐國者國柄加雖見不飽神柄加幾許貴寸天地日月与共満将行神乃御面跡次来中乃水門従船浮而吾榜来者時風雲居爾吹爾奥見者跡位浪立邊見者白浪散動鯨魚取海乎恐行船乃梶引折而彼此之嶋者雖多名細之狭岑之嶋乃荒礒面爾廬作而見者浪音乃茂濱邊乎敷妙乃枕爾為而荒床自伏君之家知者徃而毛将告妻知者来毛問益乎玉桙之道太爾不知欝悒久待加戀良武愛伎妻等者
tama mo yo si sanuki no kuni pa kuni kara ka miredomo aka nu kamu kara ka kokoda taputwo ki ame tuti pi tukwi to tomo ni tari yuka mu kamwi no mi omo to tugite kuru naka no mina two yu pune ukete wa ga kogi kureba toki tu kaze kumo wi ni puku ni oki mireba towi nami tati pye mireba sira nami sawaku isana tori umi wo kasikwo mi yuku pune no kadi piki worite woti koti no sima pa opo kyedo na kupa si sa mine no sima no ariswo omo ni iporite mireba nami no to no sige ki pama pye wo siki tape no makura ni nasite ara doko ni koro pusu kimi ga ipye siraba yukite mo tuge mu tuma siraba ki mo topa masi wo tama poko no miti dani sira zu opoposi ku mati ka kwopu ramu pasi ki tuma ra pa
直相者相不勝石川爾雲立渡礼見乍将偲
tada no api pa api katu masizi isi kapa ni kumo tati wata re mitutu sinwopa mu
梓弓手取持而大夫之得物矢手挾立向高圓山爾春野焼野火登見左右燎火乎何如問者玉桙之道来人乃泣涙w霂爾落白妙之衣埿漬而立留吾爾語久何鴨本名言聞者泣耳師所哭語者心曽痛天皇之神之御子之御駕之手火之光曽幾許照而有
adusa yumi te ni tori motite masura wo no satu ya ta basami tati mukapu takamatwo yama ni paru nwo yaku nwo bwi to miru made moyuru pwi wo ika ni to twopeba tama poko no miti kuru pito no naku namita kwo same ni purite sirwo tape no koromo pidutite tati tomari ware ni katara ku nani si ka mo motona toburapu kikeba ne nomwi si naka yu katareba kokoro zo ita ki sumyeroki no kamwi no mi kwo no idemasi no ta bwi no pikari so kokoda teri taru
八隅知之吾大王高光吾日乃皇子乃馬並而三猟立流弱薦乎猟路乃小野爾十六社者伊波比拝目鶉己曽伊波比廻礼四時自物伊波比拝鶉成伊波比毛等保理恐等仕奉而久堅乃天見如久真十鏡仰而雖見春草之益目頬四寸吾於富吉美可聞
yasumisisi wa go opo kimi taka terasu wa ga pi no mi kwo no uma namete mi kari tata s e ru waka komo wo karidi no wo nwo ni sisi kosoba ipapi woroga me udura koso ipapi motopo re sisi zimono ipapi worogami udura nasu ipapi motopori kasikwo mi to tukape maturite pisakata no ame miru goto ku maswo kagami apugite miredo paru kusa no iya medurasi ki wa go opo kimi kamo
皇者神爾之坐者真木乃立荒山中爾海成可聞
opo kimi pa kamwi ni si maseba ma kwi no tatu ara yama naka ni umi wo nasu kamo
三吉野之御船乃山爾立雲之常将在跡我思莫苦二
mi yosinwo no mipune no yama ni tatu kumo no tune ni ara mu to wa ga omopa naku ni
葦北乃野坂乃浦従船出為而水嶋爾将去浪立莫勤
asikita no nwosaka no ura yu puna de site midusima ni yuka mu nami tatu na yume
奥浪邊波雖立和我世故我三船乃登麻里瀾立目八方
oki tu nami pye nami tatu tomo wa ga sekwo ga mi pune no tomari nami tata me ya mo
天降付天之芳来山霞立春爾至婆松風爾池浪立而櫻花木乃晩茂爾奥邊波鴨妻喚邊津方爾味村左和伎百礒城之大宮人乃退出而遊船爾波梶棹毛無而不樂毛己具人奈四二
amori tuku ame no kagu yama kasumi tatu paru ni itare ba matu kaze ni ike nami tatite sakura bana ko no kure sige ni oki pye pa kamo tuma ywobapi pye tu pye ni adi mura sawaki momo sikwi no opo miya pito no makari dete aswobu pune ni pa kadi sawo mo na kute sabusi mo kogu pito na si ni
天降就神乃香山打靡春去来者櫻花木暗茂松風丹池浪飆邊都遍者阿遅村動奥邊者鴨妻喚百式乃大宮人乃去出榜来舟者竿梶母無而佐夫之毛榜与雖思
amori tuku kamwi no kagu yama uti nabiku paru sari kureba sakura bana ko no kure sige ni matu kaze ni ike nami tati pye tu pye ni pa adi mura sawaki oki bye ni pa kamo tuma ywobapi momo sikwi no opo miya pito no makari dete kogi k yeru pune pa sawo kadi mo na kute sabusi mo koga mu to omopedo
墨吉乃得名津爾立而見渡者六兒乃泊従出流船人
suminoye no enatu ni tatite mi wataseba mukwo no tomari yu idu ru puna bito
石室戸爾立在松樹汝乎見者昔人乎相見如之
ipa ya two ni tat eru matu no kwi na wo mireba mukasi no pito wo api miru goto si
奈麻余美乃甲斐乃國打縁流駿河能國与己知其智乃國之三中従出立有不盡能高嶺者天雲毛伊去波伐加利飛鳥母翔毛不上燎火乎雪以滅落雪乎火用消通都言不得名不知霊母座神香聞石花海跡名付而有毛彼山之堤有海曽不盡河跡人乃渡毛其山之水乃當焉日本之山跡國乃鎮十方座祇可間寳十方成有山可聞駿河有不盡能高峯者雖見不飽香聞
namayomino kapwi no kuni uti yosu ru suruga no kuni to koti goti no kuni no mi naka yu ide tat eru puzi no taka ne pa ama kumo mo i yuki pabakari tobu tori mo tobi mo nobora zu moyuru pwi wo yuki moti keti puru yuki wo pwi moti keti tutu ipi mo e zu na duke mo sira zu kususi ku mo imasu kamwi kamo se no umi to na dukete aru mo so no yama no tutum yeru umi so puzi kapa to pito no wataru mo so no yama no midu no tagiti so pi no moto no yamato no kuni no sidume to mo imasu kamwi kamo takara to mo nar eru yama kamo suruga n aru puzi no taka ne pa miredo aka nu kamo
皇神祖之神乃御言乃敷座國之盡湯者霜左波爾雖在嶋山之宣國跡極此疑伊豫能高嶺乃射狭庭乃崗爾立而歌思辞思為師三湯之上乃樹村乎見者臣木毛生継爾家里鳴鳥之音毛不更遐代爾神左備将徃行幸處
sumyeroki no kamwi no mikoto no siki mas eru kuni no kotogoto yu pa si mo sapa ni aredomo simayama no yorosi ki kuni to kogosi kamo iyo no taka ne no izanipa no woka ni tata site uta omopi koto omopa si si mi yu no upe no ko mura wo mireba omino kwi mo opwi tugi ni kyeri naku tori no kowe mo kapara zu topo ki yo ni kamu sabwi yuka mu ide masi dokoro
明日香河川余藤不去立霧乃念應過孤悲爾不有國
asuka gapa kapa yodo sara zu tatu kwiri no omopi sugu be ki kwopwi ni ara naku ni
春日乎春日山乃高座之御笠乃山爾朝不離雲居多奈引容鳥能間無數鳴雲居奈須心射左欲比其鳥乃片戀耳二晝者毛日之盡夜者毛夜之盡立而居而念曽吾為流不相兒故荷
paru pi wo kasuga no yama no taka kura no mikasa no yama ni asa sara zu kumo wi tanabiki kapo dori no ma na ku siba naku kumo wi nasu kokoro isaywopi so no tori no kata kwopwi nomwi ni piru pa mo pi no kotogoto yworu pa mo ywo no kotogoto tatite wite omopi so wa ga su ru apa nu kwo yuwe ni
海若者霊寸物香淡路嶋中爾立置而白浪乎伊与爾廻之座待月開乃門従者暮去者塩乎令満明去者塩乎令于塩左為能浪乎恐美淡路嶋礒隠居而何時鴨此夜乃将明跡侍従爾寐乃不勝宿者瀧上乃淺野之雉開去歳立動良之率兒等安倍而榜出牟爾波母之頭氣師
watatumi pa kususi ki mono ka apadi sima naka ni tate okite sira nami wo iyo ni megura si wi mati dukwi akasi no two yu pa yupu sareba sipo wo mita sime ake sareba sipo wo pwi simuru sipo sawi no nami wo kasikwo mi apadi sima iswo gakuri wite itu si ka mo ko no ywo no ake mu to samorapu ni i no ne kate neba taki no upe no asanwo no kigisi ake nu to si tati sawaku rasi iza kwo domo ape te kogi de mu nipa mo siduke si
橘乎屋前爾殖生立而居而後雖悔驗将有八方
tatibana wo yadwo ni uwe oposi tatite wite noti ni kuyu tomo sirusi ara me ya mo
名湯竹乃十縁皇子狭丹頬相吾大王者隠久乃始瀬乃山爾神左備爾伊都伎坐等玉梓乃人曽言鶴於余頭礼可吾聞都流狂言加我間都流母天地爾悔事乃世間乃悔言者天雲乃曽久敝能極天地乃至流左右二杖策毛不衝毛去而夕衢占問石卜以而吾屋戸爾御諸乎立而枕邊爾齊戸乎居竹玉乎無間貫垂木綿手次可比奈爾懸而天有左佐羅能小野之七相菅手取持而久堅乃天川原爾出立而潔身而麻之乎高山乃石穂乃上爾伊座都類香物
nayu take no towo yoru mi kwo sa ni turapu wa go opo kimi pa komori ku no patuse no yama ni kamu sabwi ni ituki imasu to tamadusa no pito so ipi turu oyodure ka wa ga kiki turu tapa koto ka wa ga kiki turu mo ame tuti ni kuyasi ki koto no yo no naka no kuyasi ki koto pa ama kumo no sokupye no kipami ame tuti no itar e ru made ni tuwe tuki mo tuka zu mo yukite yupu ke twopi isi ura motite wa ga yadwo ni mi moro wo tatete makura pye ni ipapi be wo suwe taka dama wo ma na ku nuki tari yupu ta suki kapina ni kakete ame n aru sasara no wo nwo no nana pu suge te ni tori motite pisakata no ama no kapara ni ide tatite misogi te masi wo taka yama no ipa po no upe ni i mase turu kamo
天雲之向伏國武士登所云人者皇祖神之御門爾外重爾立候内重爾仕奉玉葛弥遠長祖名文継徃物与母父爾妻爾子等爾語而立西日従帶乳根乃母命者齊忌戸乎前坐置而一手者木綿取持一手者和細布奉平間幸座与天地乃神祇乞祷何在歳月日香茵花香君之牛留鳥名津匝来与立居而待監人者王之命恐押光難波國爾荒玉之年經左右二白栲衣不干朝夕在鶴公者何方爾念座可欝蝉乃惜此世乎露霜置而徃監時爾不在之天
ama kumo no muka busu kuni no mononopu to ipa yuru pito pa sumyeroki no kamwi no mi kadwo ni two no pye ni tati samorapi uti no pye ni tukape maturite tama kadura iya topo naga ku oya no na mo tugi yuku mono to omo titi ni tuma ni kwo domo ni katarapite tati ni si pi ywori taratine no papa no mikoto pa ipapi be wo mapye ni suwe okite kata te ni pa yupu tori moti kata te ni pa niki tape maturi tapirake ku ma saki ku mase to ame tuti no kamwi wo kopi nome ika n ara mu tosi tukwi pi ni ka tutuzi pana nipop yeru kimi ga kuro tori no nadusapi ko mu to tatite wite mati kye mu pito pa opo kimi no mikoto kasikwo mi osi teru nanipa no kuni ni ara tama no tosi puru made ni sirwo tape no koromo mo posa zu asa yopi ni ari turu kimi pa ika sama ni omopi mase ka utusemi no wosi ki ko no yo wo tuyu simo no okite ini kye mu toki ni ara zu site
挂巻母綾爾恐之言巻毛齊忌志伎可物吾王御子乃命萬代爾食賜麻思大日本久邇乃京者打靡春去奴礼婆山邊爾波花咲乎為里河湍爾波年魚小狭走弥日異榮時爾逆言之狂言登加聞白細爾舎人装束而和豆香山御輿立之而久堅乃天所知奴礼展轉埿打雖泣将為須便毛奈思
kake maku mo ayani kasikwo si ipa maku mo yuyu si ki kamo wa go opo kimi mi kwo no mikoto yorodu yo ni myesi tamapa masi opo yamato kuni no miyakwo pa uti nabiku paru sari nureba yama pye ni pa pana saki wowori kapa se ni pa ayu kwo sa basiri iya pi kyeni sakayuru toki ni oyodure no tapa koto to ka mo sirwo tape ni toneri yosopi te waduka yama mi kosi tata site pisakata no ame sira si nure koi marobi pidu ti nakedomo se mu subye mo na si
白細之袖指可倍弖靡寐吾黒髪乃真白髪爾成極新世爾共将有跡玉緒乃不絶射妹跡結而石事者不果思有之心者不遂白妙之手本矣別丹杵火爾之家従裳出而緑兒乃哭乎毛置而朝霧髣髴為乍山代乃相樂山乃山際徃過奴礼婆将云為便将為便不知吾妹子跡左宿之妻屋爾朝庭出立偲夕爾波入居嘆會腋挾兒乃泣毎雄自毛能負見抱見朝鳥之啼耳哭管雖戀効矣無跡辞不問物爾波在跡吾妹子之入爾之山乎因鹿跡叙念
sirwo tape no swode sasi kapete nabiki nuru wa ga kurwo kami no ma sira ga ni nari na mu kipami arata yo ni tomo ni ara mu to tama no wo no tayezi i imo to musubi te si koto pa patasa zu omop yeri si kokoro pa toge zu sirwo tape no ta moto wo wakare nikibwi ni si ipye yu mo idete midorikwo no naku wo mo okite asa gwiri no obo ni naritutu yamasiro no saga raka yama no yama no ma ni yuki sugwi nureba ipa mu subye se mu subye sira ni wagimo kwo to sa ne si tuma ya ni asita ni pa ide tati sinwopi yupu pye ni pa iri wi nage kapi waki basamu kwo no naku gotoni wotokwo zimono opi mi udaki mi asa tori no ne nomwi naki tutu kwopuredomo sirusi wo na mi to koto twopa nu mono ni pa aredo wagimo kwo ga iri ni si yama wo yosu ka to so omopu
臣女乃匣爾乗有鏡成見津乃濱邊爾狭丹頬相紐解不離吾妹兒爾戀乍居者明晩乃旦霧隠鳴多頭乃哭耳之所哭吾戀流干重乃一隔母名草漏情毛有哉跡家當吾立見者青旗乃葛木山爾多奈引流白雲隠天佐我留夷乃國邊爾直向淡路乎過粟嶋乎背爾見管朝名寸二水手之音喚暮名寸二梶之聲為乍浪上乎五十行左具久美磐間乎射徃廻稲日都麻浦箕乎過而鳥自物魚津左比去者家乃嶋荒礒之宇倍爾打靡四時二生有莫告我奈騰可聞妹爾不告来二計謀
tawayamye no kusi ge ni nor eru kagami nasu mitu no pama pye ni sa ni turapu pimo toki sake zu wagimo kwo ni kwopwitutu woreba ake gure no asa kwiri gakuri naku tadu no ne nomwi si naka yu wa ga kwopu ru ti pye no pito pye mo nagusamoru kokoro mo ari ya to ipye no atari wa ga tati mireba awo pata no kadurakwi yama ni tanabik ye ru sira kumo gakuru ama sagaru pina no kuni pye ni tada mukapu apadi wo sugwi apasima wo sogapi ni mi tutu asa nagi ni kakwo no kowe ywobi yupu nagi ni kadi no to situtu nami no pe wo i yuki sagukumi ipa no ma wo i yuki motopori inabi tuma ura mwi wo sugwite tori zimono nadusapi yukeba ipye no sima no ariswo no upe ni uti nabiki sizi ni opwi taru nanoriso ga nado ka mo imo ni nora zu ki ni kye mu
庭立麻手苅干布暴東女乎忘賜名
nipa ni tatu asade kari posi nunwo sarasu aduma womina wo wasure tamapu na
佐保河乃涯之官能少歴木莫苅焉在乍毛張之来者立隠金
sapo gapa no kwisi no tukasa no siba na kari sone aritutu mo paru si ki taraba tati kakuru gane
天皇之行幸乃随意物部乃八十伴雄与出去之愛夫者天翔哉軽路従玉田次畝火乎見管麻裳吉木道爾入立真土山越良武公者黄葉乃散飛見乍親吾者不念草枕客乎便宜常思乍公将有跡安蘇々二破且者雖知之加須我仁黙然得不在者吾背子之徃乃萬々将追跡者千遍雖念手弱女吾身之有者道守之将問答乎言将遣為便乎不知跡立而爪衝
opo kimi no mi yuki no manima mononopu no ya swo tomonowo to ide yuki si utukusi tuma pa ama tobu ya karu no miti ywori tama ta suki unebwi wo mi tutu asamoyosi kwi di ni iri tati matuti yama kwoyu ramu kimi pa momiti ba no tiri tobu mitutu mutumasi mi ware pa omopa zu kusa makura tabi wo yorosi to omopitutu kimi pa ara mu to aswoswo ni pa katu pa siredomo sikasugani moda e ara neba wa ga sekwo ga yuki no manima ni opa mu to pa ti pye ni omopedo tawayamye no wa ga mwi ni si areba miti mori no twopa mu kotape wo ipi yara mu subye wo sira nito tatite tuma duku
三埼廻之荒礒爾縁五百重浪立毛居毛我念流吉美
mi saki mwi no ariswo ni yosuru i po pye nami tatite mo wite mo wa ga mop ye ru kimi
山跡邊君之立日乃近付者野立鹿毛動而曽鳴
yamato pye ni kimi ga tatu pi no tika dukeba nwo ni tatu sika mo toyomite so naku
春日山朝立雲之不居日無見巻之欲寸君毛有鴨
kasuga yama asa tatu kumo no wi nu pi na ku mi maku no posi ki kimi ni mo aru kamo
出而将去時之波将有乎故妻戀為乍立而可去哉
idete ina mu toki si pa ara mu wo kotosara ni tuma gwopwi situtu tatite inu be si ya
君爾戀痛毛為便無見楢山之小松之下爾立嘆鴨
kimi ni kwopwi ita mo subye na mi nara yama no kwo matu ga sita ni tati nageku kamo
向座而雖見不飽吾妹子二立離徃六田付不知毛
mukapi wite miredomo aka nu wagimo kwo ni tati wakare yuka mu taduki sira zu mo
吾名者毛千名之五百名爾雖立君之名立者惜社泣
wa ga na pa mo ti na no i po na ni tati nu tomo kimi ga na tataba wosimi koso nake
今時者四名之惜雲吾者無妹丹因者千遍立十方
ima si pa si na no wosi kyeku mo ware pa na si imo ni yorite pa ti tabi tatu tomo
月夜爾波門爾出立夕占問足卜乎曽為之行乎欲焉
tuku ywo ni pa kadwo ni ide tati yupu ke twopi a ura wo so se si yuka maku wo pori
一隔山重成物乎月夜好見門爾出立妹可将待
pito pye yama pyenar eru mono wo tuku ywo yo mi kadwo ni ide tati imo ka matu ramu
大野山紀利多知和多流和何那宜久於伎蘇乃可是爾紀利多知和多流
oponwo yama kwiri tati wataru wa ga nageku ok iswo no kaze ni kwiri tati wataru
武都紀多知波流能吉多良婆可久斯許曾烏梅乎乎岐都都多努之岐乎倍米
mutukwi tati paru no ki taraba kaku si koso ume wo wokitutu tanwosi ki wope me
波流能努爾紀理多知和多利布流由岐得比得能美流麻提烏梅能波奈知流
paru no nwo ni kwiri tati watari puru yuki to pito no miru made ume no pana tiru
可須美多都那我岐波流卑乎可謝勢例杼伊野那都可子岐烏梅能波那可毛
kasumi tatu naga ki paru pi wo kazas eredo iya natukasi ki ume no pana kamo
麻都良河波可波能世比可利阿由都流等多多勢流伊毛何毛能須蘇奴例奴
matura gapa kapa no se pikari ayu turu to tata s eru imo ga mo no suswo nure nu
麻都良奈流多麻之麻河波爾阿由都流等多多勢流古良何伊弊遅斯良受毛
matura n aru tama sima kapa ni ayu turu to tata s eru kwo ra ga ipye di sira zu mo
多良志比売可尾能美許等能奈都良須等美多多志世利斯伊志遠多礼美吉
tarasipimye kamwi no mikoto no na tura su to mi tata si s eri si isi wo tare mi ki
多良志比売可尾能美許等能阿由都流等美多多志世利斯伊志遠多礼美吉
tarasipimye kamwi no mikoto no ayu turu to mi tata si s eri si isi wo tare mi ki
風雑雨布流欲乃雨雑雪布流欲波為部母奈久寒之安礼婆堅塩乎取都豆之呂比糟湯酒宇知須須呂比弖之匚夫可比鼻毘之毘之爾志可登阿良農比宜可伎撫而安礼乎於伎弖人者安良自等富己呂倍騰寒之安礼婆麻被引可賀布利布可多衣安里能許等其等伎曾倍騰毛寒夜須良乎和礼欲利母貧人乃父母波飢寒良牟妻子等波吟泣良牟此時者伊可爾之都都可汝代者和多流天地者比呂之等伊倍杼安我多米波狭也奈里奴流日月波安可之等伊倍騰安我多米波照哉多麻波奴人皆可吾耳也之可流和久良婆爾比等等波安流乎比等奈美爾安礼母作乎錦毛奈伎布可多衣乃美留乃其等和和気佐我礼流可可布能尾肩爾打懸布勢伊保能麻宜伊保乃内爾直土爾藁解敷而父母波枕乃可多爾妻子等母波足乃方爾圍居而憂吟可麻度柔播火気布伎多弖受許之伎爾波久毛能須可伎弖飯炊事毛和須礼提奴延鳥乃能杼与比居爾伊等乃伎提短物乎端伎流等云之如楚取五十戸良我許恵波寝屋度麻弖来立呼比奴可久婆可里須部奈伎物能可世間乃道
kaze mazipe ame puru ywo no ame mazipe yuki puru ywo pa subye mo na ku samu ku si areba kata sipo wo twori tudusiropi kasu yu zake uti susuropite sipabukapi pana bisibisi ni sika to ara nu pige kaki nadete are wo okite pito pa arazi to pokoropedo samu ku si areba asa pusuma piki kagapuri nunwo kata kinu ari no kotogoto ki sopedomo samu ki ywo sura wo ware ywori mo madusi ki pito no titi papa pa uwe kogoyu ramu mye kwo domo pa kopu kopu naku ramu ko no toki pa ika ni situtu ka na ga yo pa wataru ame tuti pa piro si to ipedo a ga tame pa sa ku ya nari nuru pi tukwi pa akasi to ipedo a ga tame pa teri ya tamapa nu pito mwina ka a nomwi ya sikaru wakurabani pito to pa aru wo pito nami ni are mo tukuru wo wata mo na ki nunwo kata kinu no miru no goto wawake sagar eru kakapu nomwi kata ni uti kake puse ipo no mage ipo no uti ni pita tuti ni wara toki sikite titi papa pa makura no kata ni mye kwo domo pa atwo no kata ni kakumi wite urepe sa maywopi kamadwo ni pa po ke puki tate zu kosiki ni pa kumo no su kakite ipi kasiku koto mo wasurete nuye dori no nodoyopi woru ni itonokite mizika ki mono wo pasi kiru to ip eru ga goto ku simoto toru satwo wosa ga kowe pa ne ya dwo made ki tati ywoba pi nu kaku bakari subye na ki mo noka yo no naka no miti
世間乎宇之等夜佐之等於母倍杼母飛立可祢都鳥爾之安良祢婆
yo no naka wo u si to yasasi to omopedomo tobi tati kane tu tori ni si ara neba
大伴御津松原可吉掃弖和礼立待速帰座勢
opotomo no mitu no matu bara kaki paki te ware tati mata mu paya kapyeri ma se
難破津爾美船泊農等吉許延許婆紐解佐気弖多知婆志利勢武
nanipa tu ni mi bune pate nu to kikoye koba pimo toki sakete tati basiri se mu
世人之貴慕七種之宝毛我波何為和我中能産礼出有白玉之吾子古日者明星之開朝者敷多倍乃登許能辺佐良受立礼杼毛居礼杼毛登母爾戯礼夕星乃由布弊爾奈礼婆伊射祢余登手乎多豆佐波里父母毛表者奈佐我利三枝之中爾乎祢牟登愛久志我可多良倍婆何時可毛比等等奈理伊弖天安志家口毛与家久母見武登大船乃於毛比多能無爾於毛波奴爾横風乃爾布敷可爾覆来礼婆世武須便乃多杼伎乎之良爾志路多倍乃多須吉乎可気麻蘇鏡弖爾登利毛知弖天神阿布芸許比乃美地祇布之弖額拝可加良受毛可賀利毛神乃末爾麻爾等立阿射里我例乞能米登須臾毛余家久波奈之爾漸漸可多知都久保利朝朝伊布許等夜美霊剋伊乃知多延奴礼立乎杼利足須里佐家婢伏仰武祢宇知奈気吉手爾持流安我古登婆之都世間之道
yo no pito no taputwobi negapu nana kusa no takara mo ware pa nani se mu wa ga naka no uma re ide taru sira tama no wa ga kwo purupi pa aka posi no akuru asita pa siki tape no toko no pye sara zu tat e redomo wo redomo tomo ni tapabu re yupu tudu no yupubye ni nareba iza neyo to te wo tadusapari titi papa mo upe pa na sagari sakikusa no naka n i wo ne mu to utukusi ku si ga katarapeba itu si ka mo pito to nari idete asi kyeku mo yo kyeku mo mi mu to opo bune no omopi tanomu ni omopa nu ni yoko sima kaze no nipubukani opopi ki ta reba se mu subye no tadwoki wo sira ni sirwo tape no tasuki wo kake maswo kagami te ni tori motite ama tu kamwi apugi kopi nomi kuni tu kamwi pusite nuka duki kakara zu mo kakari mo kamwi no manima ni to tati azari ware kopi nomedo simasi ku mo yo kyeku pa na si ni yakuyakuni katati tukupori asanaasana ipu koto yami tamakiparu inoti taye nure tati wodori asi suri sakyebi pusi apugi mune uti nakeki te ni mot e ru a ga kwo tobasi tu yo no naka no miti
味凍綾丹乏敷鳴神乃音耳聞師三芳野之真木立山湯見降者川之瀬毎開来者朝霧立夕去者川津鳴奈拝紐不解客爾之有者吾耳為而清川原乎見良久之惜蒙
umakori ayani tomo si ku naru kamwi no oto nomwi kiki si mi yosinwo no ma kwi tatu yama yu mi oroseba kapa no se gotoni ake kureba asa gwiri tati yupu sareba kapadu naku nabe pimo toka nu tabi ni si areba wa nomwi site kiywo ki kapara wo mi raku si wosi mo
茜刺日不並二吾戀吉野之河乃霧丹立乍
akane sasu pi narabe naku ni wa ga kwopwi pa yosinwo no kapa no kwiri ni tatitutu
八隅知之和期大王乃高知為芳野宮者立名附青垣隠河次乃清河内曽春部者花咲乎遠里秋去者霧立渡其山之弥益々爾此河之絶事無百石木能大宮人者常将通
yasumisisi wa go opo kimi no taka sira su yosinwo no miya pa tatanaduku awo kaki gomori kapa nami no kiywo ki kaputi so paru bye pa pana saki wowori aki sareba kwiri tati wataru so no yama no iya masumasu ni ko no kapa no tayuru koto na ku momo sikwi no opo miya pito pa tune ni kaywopa mu
安見知之和期大王波見吉野乃飽津之小野笶野上者跡見居置而御山者射目立渡朝猟爾十六履起之夕狩爾十里蹋立馬並而御猟曽立為春之茂野爾
yasumisisi wa go opo kimi pa mi yosinwo no akidu no wo nwo no nwo no pe ni pa tomi suwe okite mi yama ni pa ime tate watasi asa gari ni sisi pumi okosi yupu gari ni tori pumi tate uma namete mi kari so tata su paru no sige nwo ni
風吹者浪可将立跡伺候爾都太乃細江爾浦隠居
kaze pukeba nami ka tata mu to samorapi ni tuda no poso ye ni ura gakuri wori
烏玉乃夜霧立而不清照有月夜乃見者悲沙
nubatama no ywo gwiri no tatite opoposi ku ter eru tuku ywo no mireba kanasi sa
茂岡爾神佐備立而榮有千代松樹乃歳之不知久
sige woka ni kamu sabwi tatite sakaye taru ti yo matu no kwi no tosi no sira na ku
月立而直三日月之眉根掻氣長戀之君爾相有鴨
tukwi tatite tada mikadukwi no maywo ne kaki ke naga ku kwopwi si kimi ni ap yeru kamo
大夫者御猟爾立之未通女等者赤裳須素引清濱備乎
masura wo pa mi kari ni tata si wotomye ra pa aka mo suswo biku kiywo ki pama bwi wo
八隅知之吾大王乃高敷為日本國者皇祖乃神之御代自敷座流國爾之有者阿礼将座御子之嗣継天下所知座跡八百萬千年矣兼而定家牟平城京師者炎乃春爾之成者春日山御笠之野邊爾櫻花木晩牢皃鳥者間無數鳴露霜乃秋去来者射駒山飛火賀㟴丹芽乃枝乎石辛見散之狭男壮鹿者妻呼令動山見者山裳見皃石里見者里裳住吉物負之八十伴緒乃打經而思煎敷者天地乃依會限萬世丹榮将徃迹思煎石大宮尚矣恃有之名良乃京矣新世乃事爾之有者皇之引乃真爾真荷春花乃遷日易村鳥乃旦立徃者刺竹之大宮人能踏平之通之道者馬裳不行人裳徃莫者荒爾異類香聞
yasumisisi wa go opo kimi no taka sika su yamato no kuni pa sumyeroki no kamwi no mi yo ywori siki mas e ru kuni ni si areba are masa mu mi kwo no tugi tugi ame no sita sira si imase to ya po yorodu ti tose wo kanete sadame kye mu nara no miyakwo pa kagirwopwi no paru ni si nareba kasuga yama mikasa no nwo pye ni sakura bana ko no kure komori kapo dori pa ma na ku siba naku tuyu simo no aki sari kureba ikwoma yama tobupwi ga take ni pagwi no ye wo sigarami tirasi sa wo sika pa tuma ywobi toyomu yama mireba yama mo mi gaposi satwo mireba satwo mo sumi yo si mononopu no ya swo tomo no wo no uti papete omop ye ri siku pa ame tuti no yoriapi no kagiri yorodu yo ni sakaye yuka mu to omop yeri si opo miya sura wo tanom yeri si nara no miyakwo wo arata yo no koto ni si areba opo kimi no piki no manima ni paru pana no uturo pi kapari mura tori no asa dati yukeba sasutake no opo miya pito no pumi nara si kaywopi si miti pa uma mo yuka zu pito mo yuka neba are ni kyeru kamo
立易古京跡成者道之志婆草長生爾異煎
tati kapari puru ki miyakwo to nari nureba miti no siba kusa naga ku opwi ni kyeri
名付西奈良乃京之荒行者出立毎爾嘆思益
natuki ni si nara no miyakwo no are yukeba ide tatu goto ni nageki si masaru
明津神吾皇之天下八嶋之中爾國者霜多雖有里者霜澤爾雖有山並之宜國跡川次之立合郷跡山代乃鹿脊山際爾宮柱太敷奉高知為布當乃宮者河近見湍音叙清山近見鳥賀鳴慟秋去者山裳動響爾左男鹿者妻呼令響春去者岡邊裳繁爾巌者花開乎呼理痛怜布當乃原甚貴大宮處諾己曽吾大王者君之随所聞賜而刺竹乃大宮此跡定異等霜
aki tu kamwi wa go opo kimi no ame no sita ya sima no uti ni kuni pa si mo sapa ni aredomo satwo pa si mo sapa ni aredomo yama nami no yorosi ki kuni to kapa nami no tati apu satwo to yamasiro no kase yama no ma ni miya basira putwo siki maturi taka sira su putagi no miya pa kapa tika mi se no oto zo kiywo ki yama tika mi tori ga ne toyomu aki sareba yama mo todoro ni sa wo sika pa tuma ywobi toyome paru sareba woka pye mo sizi ni ipapo ni pa pana saki wowori ana omosirwo putagi no para ito taputwo opo miya tokoro ube si koso wa go opo kimi pa kimi nagara kika si tamapite sasutake no opo miya koko to sadame kye rasi mo
咲花乃色者不易百石城乃大宮人叙立易奚流
saku pana no iro pa kapara zu momo sikwi no opo miya pito zo tati kapari kyeru
天海丹雲之波立月船星之林丹榜隠所見
ame no umi ni kumo no nami tati tukwi no pune posi no payasi ni kogi kakuru miyu
此月之此間来者且今跡香毛妹之出立待乍将有
ko no tukwi no koko ni ki tareba ima to ka mo imo ga ide tati matitutu aru ramu
痛足河々浪立奴巻目之由槻我高仁雲居立有良志
anasi gapa kapa nami tati nu makimoku no yutukwi ga take ni kumo wi tat eru rasi
足引之山河之瀬之響苗爾弓月高雲立渡
asipiki no yama gapa no se no naru nabe ni yutukwi ga take ni kumo tati wataru
大海爾嶋毛不在爾海原絶塔浪爾立有白雲
opo umi ni sima mo ara naku ni una para no tayutapu nami ni tat eru sira gumo
徃川之過去人之手不折者裏觸立三和之桧原者
yuku kapa no sugwi ni si pito no ta wora neba urabure tat eri mi wa no pi para pa
山際爾渡秋沙乃行将居其河瀬爾浪立勿湯目
yama no ma ni wataru akisa no yukite wi mu so no kapa no se ni nami tatu na yume
清湍爾千鳥妻喚山際爾霞立良武甘南備乃里
kiywo ki se ni ti dori tuma ywobi yama no ma ni kasumi tatu ramu kamunabwi no satwo
琴取者嘆先立盖毛琴之下樋爾嬬哉匿有
koto toreba nageki saki datu kedasiku mo koto no sita bwi ni tuma ya komor eru
千早人氏川浪乎清可毛旅去人之立難為
tipaya pito udi kapa nami wo kiywo mi ka mo tabi yuku pito no tati gate ni suru
志長鳥居名野乎来者有間山夕霧立宿者無而
sinaga dori wina nwo wo kureba arima yama yupu gwiri tati nu yadori pa na kute
志長鳥猪名乃浦廻乎榜来者夕霧立宿者無而
sinaga dori wina no uramwi wo kogi kureba yupu gwiri tati nu yadori pa na kute
難波方塩干丹立而見渡者淡路嶋爾多豆渡所見
nanipa gata sipo pwi ni tatite mi wataseba apadi no sima ni tadu wataru miyu
圓方之湊之渚鳥浪立也妻唱立而邊近著毛
matwokata no minatwo no su dori nami tate ya tuma ywobi tatete pye ni tika duku mo
印南野者徃過奴良之天傳日笠浦波立見
inami nwo pa yuki sugwi nu rasi ama dutapu pikasa no ura ni nami tat eri miyu
思賀麻江者許藝須疑奴良思天傳日笠浦波立見
sikama ye pa kogi sugwi nu rasi ama dutapu pikasa no ura ni nami tat eri miyu
海人小船帆毳張流登見左右荷鞆之浦廻二浪立有所見
ama wo bune po ka mo par e ru to miru made ni tomo no uramwi ni nami tat eri miyu
大海之水底豊三立浪之将依思有礒之清左
opo umi no mina soko toyomi tatu nami no yora mu to omop yeru iswo no sayake sa
若浦爾白浪立而奥風寒暮者山跡之所念
waka no ura ni sira nami tatite oki tu kaze samu ki yupubye pa yamato si omopoyu
綿之底奥己具舟乎於邊将因風毛吹額波不立而
wata no soko oki kogu pune wo pye ni yose mu kaze mo puka nu ka nami tata zusite
神前荒石毛不所見浪立奴従何處将行与奇道者無荷
miwa ga saki ariswo mo mi ye zu nami tati nu iduku yu yuka mu yokwi di pa na si ni
礒立奥邊乎見者海藻苅舟海人榜出良之鴨翔所見
iswo ni tati oki pye wo mireba me kari bune ama kogi du rasi kamo kakeru miyu
風早之三穂乃浦廻乎榜舟之船人動浪立良下
kazapaya no mipo no uramwi wo kogu pune no puna bito sawaku nami tatu rasi mo
天霧相日方吹羅之水莖之岡水門爾波立渡
amagwir api pi kata puku rasi midu kukwi no woka no minatwo ni nami tati wataru
大海之礒本由須理立波之将依念有濱之浄奚久
opo umi no iswo moto yusuri tatu nami no yora mu to omop yeru pama no kiywo kyeku
足引之山行暮宿借者妹立待而宿将借鴨
asipiki no yama yuki kurasi yadwo karaba imo tati matite yadwo kasa mu kamo
之加乃白水郎之燒塩煙風乎疾立者不上山爾軽引
sika no ama no sipo yaku keburi kaze wo ita mi tati pa nobora zu yama ni tanabiku
神樂浪之思我津乃白水郎者吾無二潜者莫為浪雖不立
sasanami no siga tu no ama pa ware na si ni kaduki pa na se so nami tata zu tomo
大船爾梶之母有奈牟君無爾潜為八方波雖不起
opo bune ni kadi si mo aranamu kimi na si ni kaduki se me ya mo nami tata zu tomo
橋立倉椅山立白雲見欲我為苗立白雲
pasi tate no kurapasi yama ni tat eru sira kumo mi maku pori wa ga suru nabeni tat eru sira kumo
春日尚田立羸公哀若草孋無公田立羸
paru pi sura ta ni tati tukaru kimi pa kanasi mo waka kusa no tuma na ki kimi si ta ni tati tukaru
開木代来背社草勿手折己時立雖榮草勿手折
yamasiro no kuse no yasiro no kusa na ta wori so wa ga toki to tati sakayu tomo kusa na ta wori so
朝月日向山月立所見遠妻持在人看乍偲
asa duku pi mukapi no yama ni tukwi tat eri miyu topo duma wo moti taru pito si mitutu sinwopa mu
南淵之細川山立檀弓束纒及人二不所知
minabuti no posokapa yama ni tatu mayumi yuduka maku made pito ni sira yezi
向峯爾立有桃樹将成哉等人曽耳言為汝情勤
muka tu wo ni tat eru momo no kwi nara mu ka to pito so sasayaku na ga kokoro yume
石倉之小野従秋津爾發渡雲西裳在哉時乎思将待
ipakura no wo nwo yu akidu ni tati wataru kumo ni si mo are ya toki wo si mata mu
水隠爾氣衝餘早川之瀬者立友人二将言八方
mi gomori ni ikiduki amari paya kapa no se ni pa tatu tomo pito ni ipa me ya mo
隠口乃泊瀬山爾霞立棚引雲者妹爾鴨在武
komori ku no patuse no yama ni kasumi tati tanabiku kumo pa imo ni ka mo ara mu
霞立春日之里梅花山下風爾落許須莫湯目
kasumi tatu kasuga no satwo no ume no pana yama no arasi ni tiri kosu na yume
霞立春日里之梅花波奈爾将問常吾念奈久爾
kasumi tatu kasuga no satwo no ume no pana panani twopa mu to wa ga omopa na ku ni
霞立野上乃方爾行之可波鴬鳴都春爾成良思
kasumi tatu nwo no pe no kata ni yuki sikaba ugupisu naki tu paru ni naru rasi
隠耳居者欝悒奈具左武登出立聞者来鳴日晩
komori nomwi woreba ibuse mi nagusamu to ide tati kikeba ki naku pigurasi
足引乃許乃間立八十一霍公鳥如此聞始而後将戀可聞
asipiki no ko no ma tati kuku pototogisu kaku kiki somete noti kwopwi mu kamo
天漢相向立而吾戀之君来益奈利紐解設奈
ama no gapa api muki tatite wa ga kwopwi si kimi ki masu nari pimo toki make na
牽牛者織女等天地之別時由伊奈宇之呂河向立思空不安久爾嘆空不安久爾青浪爾望者多要奴白雲爾渧者盡奴如是耳也伊伎都枳乎良牟如是耳也戀都追安良牟佐丹塗之小船毛賀茂玉纒之真可伊毛我母朝奈藝爾伊可伎渡夕塩爾伊許藝渡久方之天河原爾天飛也領巾可多思吉真玉手乃玉手指更餘宿毛寐而師可聞秋爾安良受登母
pikwo posi pa tanabata tu mye to ame tuti no wakare si toki yu inausiro kapa ni muki tati omopu swora yasu kye na ku ni nageku swora yasu kye na ku ni awo nami ni nozomi pa taye nu sira kumo ni namita pa tukwi nu kaku nomwi ya ikiduki wora mu kaku nomwi ya kwopwi tutu ara mu sa ni nuri no wo bune moga mo tama maki no ma kai moga mo asa nagi ni i kaki watari yupu sipo ni i kogi watari pisakata no ama no kapara ni ama tobu ya pire katasiki ma tama de no tama de sasi kape amata ywo mo ne te si kamo aki ni ara zu tomo
牽牛者織女等天地之別時由伊奈宇之呂河向立思空不安久爾嘆空不安久爾青浪爾望者多要奴白雲爾渧者盡奴如是耳也伊伎都枳乎良牟如是耳也戀都追安良牟佐丹塗之小船毛賀茂玉纒之小棹毛何毛朝奈藝爾伊可伎渡夕倍爾毛伊許藝渡久方之天河原爾天飛也領巾可多思吉真玉手乃玉手指更餘宿毛伊毛左祢而師加秋不待登毛
pikwo posi pa tanabata tu mye to ame tuti no wakare si toki yu inausiro kapa ni muki tati omopu swora yasu kye na ku ni nageku swora yasu kye na ku ni awo nami ni nozomi pa taye nu sira kumo ni namita pa tukwi nu kaku nomwi ya ikiduki wora mu kaku nomwi ya kwopwi tutu ara mu sa ni nuri no wo bune moga mo tama maki no wo sawo moga mo asa nagi ni i kaki watari yupu pe ni mo i kogi watari pisakata no ama no kapara ni ama tobu ya pire katasiki ma tama de no tama de sasi kape amata ywo mo imo sa ne te sika aki mata zu tomo
天漢伊刀河浪者多々祢杼母伺候難之近此瀬呼
ama no gapa itwo kapa nami pa tata nedomo samorapi gata si tika ki ko no se wo
牽牛之迎嬬船己藝出良之天漢原爾霧之立波
pikwo posi no tuma mukape bune kogi du rasi ama no kapara ni kwiri no tat eru pa
霞立天河原爾待君登伊徃還爾裳襴所沾
kasumi tatu ama no kapara ni kimi matu to i kaywopu potwo ni mo no suswo nure nu
秋立而幾日毛不有者此宿流朝開之風者手本寒母
aki tatite iku ka mo ara neba ko no ne nu ru asake no kaze pa ta moto samu si mo
棹壮鹿之来立鳴野之秋芽子者露霜負而落去之物乎
sa wo sika no ki tati naku nwo no aki pagwi pa tuyu simo opite tiri ni si mono wo
棹壮鹿之朝立野邊乃秋芽子爾玉跡見左右置有白露
sa wo sika no asa tatu nwo pye no aki pagwi ni tama to miru made ok yeru sira tuyu
荒玉之月立左右二来不益者夢西見乍思曽吾勢思
ara tama no tukwi tatu made ni ki masa neba ime ni si mitutu omopi so wa ga se si
叩々物乎念者将言為便将為々便毛奈之妹与吾手携而旦者庭爾出立夕者床打拂白細乃袖指代而佐寐之夜也常爾有家類足日木能山鳥許曽婆峯向爾嬬問為云打蝉乃人有我哉如何為跡可一日一夜毛離居而嘆戀良武許己念者胸許曽痛其故爾情奈具夜登高圓乃山爾毛野爾母打行而遊徃杼花耳丹穂日手有者毎見益而所思奈何為而忘物曽戀云物呼
nemokoro ni mono wo omopeba ipa mu subye se mu subye mo na si imo to ware te tadusaparite asita ni pa nipa ni ide tati yupu pye ni pa toko uti parapi sirwo tape no swode sasi kapete sa ne si ywo ya tune ni ari kyeru asi pikwi no yama dori kosoba wo mukapi ni tuma dopi su to ipe utusemi no pito n aru ware ya nani su to ka pito pi pito ywo mo sakari wite nageki kwopu ramu koko omopeba mune koso ita ki soko yuweni kokoro nagu ya to takamatwo no yama ni mo nwo ni mo uti yukite aswobi arukedo pana nomwi nipopite areba miru gotoni masite omopoyu ika nisite wasure mu mono so kwopwi to ipu mono wo
衣手乃名木之川邊乎春雨吾立沾等家念良武可
koromo de no nakwi no kapa pye wo paru same ni ware tati nuru to ipye omopu ramu ka
黒玉夜霧立衣手高屋於霏霺麻天爾
nubatama no ywo gwiri pa tati nu koromo de no takaya no upe ni tanabiku madeni
水長鳥安房爾繼有梓弓末乃珠名者胸別之廣吾妹腰細之須軽娘子之其姿之端正爾如花咲而立者玉桙乃道徃人者己行道者不去而不召爾門至奴指並隣之君者預己妻離而不乞爾鎰左倍奉人皆乃如是迷有者容艶縁而曽妹者多波礼弖有家留
sinaga tori apa ni tugi taru adusa yumi suwe no tamana pa muna wake no piro ki wa g imo kosi boso no sugaru wotomye no so no kapo no kirakirasi ki ni pana no goto wemite tat ereba tama poko no miti yuku pito pa ono ga yuku miti pa yuka zute ywoba naku ni kadwo ni itari nu sasi narabu twonari no kimi pa arakazime ono duma karete kopa naku ni kagi sape maturu pito mwina no kaku matwop yereba kapo yo ki ni yorite so imo pa taparete ari kyeru
金門爾之人乃夾立者夜中母身者田菜不知出曽相夾
kana two ni si pito no ki tateba ywo naka ni mo mwi pa tanasira zu idete so api kyeru
春日之霞時爾墨吉之岸爾出居而釣船之得乎良布見者古之事曽所念水江之浦嶋兒之堅魚釣鯛釣矜及七日家爾毛不夾而海界乎過而榜行爾海若神之女爾邂爾伊許藝趍相誂良比言成之賀婆加吉結常代爾至海若神之宮乃内隔之細有殿爾携二人入居而耆不爲死不爲而永世爾有家留物乎世間之愚人乃吾妹兒爾告而語久須臾者家歸而父母爾事毛告良比如明日吾者夾南登言家礼婆妹之答久常世邊復變夾而如今埓相跡奈良婆此篋開勿勤常曽己良久爾堅目師事乎墨吉爾還夾而家見跡宅毛見金手里見跡里毛見金手恠常所許爾念久従家出而三歳之間爾垣毛無家滅目八跡此筥乎開而見手歯如本家者埓有登玉篋小披爾白雲之自箱出而常世邊棚引去者立走叨袖振反側足受利四管頓情消失奴若有之皮毛皺奴黒有之髪毛白斑奴由奈由奈波氣左倍絶而後遂壽死祁流水江之浦嶋子之家地見
paru no pi no kasum yeru toki ni suminoye no kwisi ni ide wite turi bune no toworapu mireba inisipye no koto so omopoyuru miduno ye no urasima no kwo ga katuwo turi tapi turi pokori nanu ka made ipye ni mo ko zute una saka wo sugwite kogi yuku ni watatumi no kamwi no wotomye ni tamasaka ni i kogi mukapi api atorapi koto nari sikaba kaki musubi toko yo ni itari watatumi no kamwi no miya no uti no pye no tape naru tono ni tadusapari puta ri iri wite oi mo se zu sini mo se zusite naga ki yo ni ari kyeru mono wo yo no naka no oroka pito no wagimo kwo ni tugete katara ku simasi ku pa ipye ni kapyerite titi papa ni koto mo kata rapi asu no goto ware pa ki na mu to ipi kyereba imo ga ip yera ku toko yo pye ni mata kapyeri kite ima no goto apa mu to naraba ko no kusige piraku na yume to sokorakuni kata me si koto wo suminoye ni kapyeri ki tarite ipye mire do ipye mo mi kanete satwo mire do satwo mo mi kanete ayasi to soko ni omopa ku ipye yu idete mi tose no apida ni kaki mo na ku ipye use me ya to ko no pakwo wo pirakite mi teba moto no goto ipye pa ara mu to tama kusige sukwosi piraku ni sira kumo no pakwo ywori idete toko yo pye ni tanabiki nure ba tati pasiri sakyebi swode puri koi marobi asi zuri situtu tatimatini kokoro ke use nu waka kari si pada mo siwami nu kurwo kari si kami mo sirake nu yunayuna pa iki sape tayete noti tupi ni inoti sini kyeru miduno ye no urasima no kwo ga ipye tokoro mi yu
草枕客之憂乎名草漏事毛有哉跡筑波嶺爾登而見者尾花落師付之田井爾鴈泣毛寒夾喧奴新治乃鳥羽能淡海毛秋風爾白浪立奴筑波嶺乃吉久乎見者長氣爾念積夾之憂者息沼
kusa makura tabi no urepe wo nagusamoru koto mo aru ka to tukupa ne ni noborite mireba wo bana tiru situku no ta wi ni kari ga ne mo samu ku ki naki nu nipi bari no toba no apumi mo aki kaze ni sira nami tati nu tukupa ne no yo kye ku wo mireba naga ki ke ni omopi tumi ko si urepe pa yami nu
男神爾雲立登斯具礼零沾通友吾埓反哉
wo no kamwi ni kumo tati nobori sigure puri nure toporu tomo ware kapyera me ya
三諸之神邊山爾立向三垣乃山爾秋芽子之妻巻六跡朝月夜明巻鴦視足日木乃山響令動喚立鳴毛
mimoro no kamunabwi yama ni tati mukapu mikaki no yama ni aki pagwi no tuma wo maka mu to asa duku ywo ake maku wosi mi asi pikwi no yama bikwo toyome ywobi tate naku mo
天漢霧立渡且今日々々々吾待君之船出爲等霜
ama no gapa kwiri tati wataru kyepu kyepu to wa ga matu kimi si puna de su rasi mo
海津路乃名木名六時毛渡七六加九多都波二船出可爲八
umi tu di no nagwi na mu toki mo watara namu kaku tatu nami ni puna de su be si ya
人跡成事者難乎和久良婆爾成吾身者死毛生毛公之随意常念乍有之間爾虚蝉乃代人有者大王之御命恐美天離夷治爾登朝鳥之朝立爲管群鳥之群立行者留居而吾者埓戀奈不見久有者
pito to naru koto pa kata ki wo wakurabani nar eru wa ga mwi pa sini mo iki mo kimi ga manima to omopitutu ari si apida ni utusemi no yo no pito n areba opo kimi no mi koto kasikwo mi ama zakaru pina wosame ni to asa tori no asa dati si tutu mura tori no mura tati yukaba tomari wite ware pa kwopwi mu na mi zu pisa n araba
立易月重而難不遇核不所忘面影思天
tati kapari tukwi kasanarite apa nedomo sane wasura ye zu omokage ni site
妹等許今木乃嶺茂立嬬待木者古人見祁牟
imo ra gari imakwi no mine ni sigeri tatu tuma matu no kwi pa puru pito mi kye mu
塩氣立荒礒丹者雖在徃水之過去妹之方見等曽夾
sipo ke tatu ariswo ni pa aredo yuku midu no sugwi ni si imo ga kata mi to so ko si
古之益荒丁子各競妻問爲祁牟葦屋乃菟名日處女乃奥城矣吾立見者永世乃語爾爲乍後人偲爾世武等玉桙乃道邊近磐構作冢矣天雲乃退部乃限此道矣去人毎行因射立嘆日或人者啼爾毛哭乍語嗣偲繼夾處女等賀奥城所吾幷見者悲喪古思者
inisipye no masura wotokwo no api kipopi tuma dopi si kye mu asiya no unapi wotomye no oku tu kwi wo wa ga tati mireba naga ki yo no katari ni situtu noti pito no sinwopi ni se mu to tama poko no miti no pye tika ku ipa kamape tukur eru tuka wo ama kumo no sokupye no kagiri ko no miti wo yuku pito goto ni yuki yorite i tati nageka pi aru pito pa ne ni mo nakitutu katari tugi sinwopi tugi ko si wotomye ra ga oku tu kwi dokoro ware sape ni mireba kanasi mo inisipye omopeba
鶏鳴吾妻乃國爾古昔爾有家留事登至今不絶言夾勝壮鹿乃眞間乃手兒奈我麻衣爾青衿著直佐麻乎裳者織服而髪谷母掻者不梳履乎谷不著雖行錦綾之中丹裹有齊兒毛妹爾埓及哉望月之滿有面輪二如花咲而立有者夏蟲乃入火之如水門入爾船己具如久歸香具礼人乃言時幾時毛不生物呼何爲跡歟身乎田名知而浪音乃驟湊之奥津城爾妹之臥勢流遠代爾有家類事乎昨日霜埓見我其登毛所念可聞
tori ga naku aduma no kuni ni inisipye ni ari kyeru koto to ima madeni taye zu ipi kuru katusika no mama no tegwona ga asa ginu ni awo kubi tuke pita sa wo wo mo ni pa ori kite kami dani mo kaki pa kedura zu kutu wo dani paka zu yukedomo nisiki aya no naka ni tutum yeru ituki gwo mo imo ni sika me ya moti dukwi no tar eru omowa ni pana no goto wemite tat ereba natu musi no pwi ni iru ga goto minatwo iri ni pune kogu goto ku yuki kagure pito no ipu toki ikubaku mo ik yerazi mono wo nani su to ka mwi wo tana sirite nami no oto no sawaku minatwo no oku tu kwi ni imo ga koyas eru topo ki yo ni ari kyeru koto wo kinopu si mo mi kye mu ga goto mo omopoyuru kamo
勝壮鹿之眞間之井見者立平之水汲家武手兒名之所念
katusika no mama no wi mireba tati narasi midu kuma si kye mu tegwona si omopoyu
葦屋之菟名負處女之八年兒之片生之時従小放爾髪多久麻弖爾並居家爾毛不所見虚木綿乃牢而座在者見而師香跡悒憤時之垣廬成人之誂時智弩壮士宇奈比壮士乃廬八燎須酒師競相結婚爲家類時者焼大刀乃手頴押祢利白檀弓靫取負而入水火爾毛埓入跡立向競時爾吾妹子之母爾語久倭文手纒賤吾之故大夫之荒争見者雖生應合有哉完串呂黄泉爾埓待跡隠沼乃下延置而打歎妹之去者血沼壮士其夜夢見取次寸追去祁礼婆後有菟原壮士伊仰天叫於良妣足地牙喫建怒而如己男爾負而者不有跡懸佩之小釼取佩冬蔚蕷都良尋去祁礼婆親族共射歸集永代爾標埓爲跡遐代爾語埓繼常處女墓中爾造置壮士墓此方彼方二造置有故縁聞而雖不知新喪之如毛哭泣鶴鴨
asiya no unapi wotomye no ya tose kwo no kata opwi no toki yu wo banari ni kami taku madeni narabi wiru ipye ni mo mi ye zu utuyupu no komorite woreba mi te si ka to ibusemu toki no kaki po nasu pito no twopu toki tinu wotokwo unapi wotokwo no puse ya taku sususi kipopi api ywobapi si kyeru toki pa yaki tati no ta kami osi neri sira mayumi yuki tori opite midu ni iri pwi ni mo ira mu to tati mukapi kipopi si toki ni wagimo kwo ga papa ni katara ku situ ta maki iyasi ki wa ga yuwe masura wo no araswopu mireba ik yeri tomo apu be ku are ya sisi kusiro yomwi ni mata mu to komori nu no sita pape okite uti nageki imo ga inureba tinu wotokwo so no ywo ime ni mi tori tutu ki opi yuki kyereba okure taru unapi wotokwo i ame apugi sakyebi orabi asi zuri si ki kami takyebwite mokoro wo ni makete pa arazi to kaki paki no wo tati tori paki tokorotura tome yuki k yereba ugara dwoti i yuki tudwopi naga ki yo ni sirusi ni se mu to topo ki yo ni katari tuga mu to wotomye tuka naka ni tukuri oki wotokwo tuka konata kanata ni tukuri ok yeru yuwe yosi kikite sira nedomo nipi mo no goto mo ne naki turu kamo
久方之天芳山此夕霞霏雨微春立下
pisakata no ame no kagu yama ko no yupu pye kasumi tanabiku paru tatu ra si mo
巻向之桧原丹立流春霞欝之思者名積米八方
makimuku no pi para ni tat e ru paru kasumi obo ni si omopaba nadumi ko me ya mo
打霏春立奴良志吾門之柳乃宇礼爾鴬鳴都
uti nabiku paru tati nu rasi wa ga kadwo no yanagwi no ure ni ugupisu naki tu
昨日社年者極之賀春霞春日山爾速立爾来
kinopu koso tosi pa pate sika paru kasumi kasuga no yama ni paya tati ni kyeri
見雪者未冬有然為蟹春霞立梅者散乍
yuki mireba imada puyu nari sikasugani paru kasumi tati ume pa tiritutu
見渡者春日之野邊爾霞立開艶者櫻花鴨
mi wataseba kasuga no nwo pye ni kasumi tati saki nipop yeru pa sakura bana kamo
春之雨爾有来物乎立隠妹之家道爾此日晩都
paru no ame ni ari kyeru mono wo tati kakuri imo ga ipye di ni ko no pi kurasi tu
春日野爾煙立所見𡢳嬬等四春野之菟芽子採而煮良思文
kasuga nwo ni keburi tatu miyu wotomye ra si paru nwo no upagwi tumite ni rasi mo
春霞立春日野乎徃還吾者相見弥年之黄土
paru kasumi tatu kasuga nwo wo yuki kapyeri ware pa api mi mu iya tosi no pa ni
霞發春永日戀暮夜深去妹相鴨
kasumi tatu paru no naga pi wo kwopwi kurasi ywo no puke nureba imo ni apa nu kamo
春霞立爾之日従至今日吾戀不止本之繁家波
paru kasumi tati ni si pi ywori kyepu madeni wa ga kwopwi yama zu moto no sige kyeba
春霞立爾之日従至今日吾戀不止片念爾指天
paru kasumi tati ni si pi ywori kyepu madeni wa ga kwopwi yama zu kata mopi nisite
左丹頬經妹乎念登霞立春日毛晩爾戀度可母
sa ni turapu imo wo omopu to kasumi tatu paru pi mo kure ni kwopwi wataru kamo
霊寸春吾山之於爾立霞雖立雖座君之随意
tamakiparu wa ga yama no upe ni tatu kasumi tatu tomo u tomo kimi ga manima ni
見渡者春日之野邊立霞見巻之欲君之容儀香
mi wataseba kasuga no nwo pye ni tatu kasumi mi maku no posi ki kimi ga sugata ka
戀乍毛今日者暮都霞立明日之春日乎如何将晩
kwopwitutu mo kyepu pa kurasi tu kasumi tatu asu no paru pi wo ika ni kurasa mu
春去者先鳴鳥乃鴬之事先立之君乎之将待
paru sareba madu naku tori no ugupisu no koto saki dati si kimi wo si mata mu
大夫之出立向故郷之神名備山爾明来者柘之左枝爾暮去者小松之若末爾里人之聞戀麻田山彦乃答響萬田霍公鳥都麻戀為良思左夜中爾鳴
masura wo no ide tati mukapu puru satwo no kamunabwi yama ni ake kureba tumi no sa yeda ni yupu sareba kwo matu ga ure ni satwo bito no kiki kwopuru made yama bikwo no api toyomu made pototogisu tuma gwopwi su rasi sa ywo naka ni naku
思子之衣将摺爾々保比与嶋之榛原秋不立友
omopu kwo ga koromo sura mu ni nipopi koso sima no pari para aki tata zu tomo
天漢安渡丹船浮而秋立待等妹告与具
ama no gapa yasu no watari ni pune ukete aki tati matu to imo ni tuge koso
天漢已向立而戀等爾事谷将告孋言及者
ama no gapa i mukapi tatite kwopu ramu ni koto dani tuge mu tuma to ipu made pa
牽牛与織女今夜相天漢門爾浪立勿謹
pikwo posi to tanabata tu mye to ko yopi apu ama no kapa two ni nami tatu na yume
天漢霧立度牽牛之楫音所聞夜深徃
ama no gapa kwiri tati watari pikwo posi no kadi no oto kikoyu ywo no puke yukeba
君舟今滂来良之天漢霧立度此川瀬
kimi ga pune ima kogi ku rasi ama no gapa kwiri tati wataru ko no kapa no se ni
秋風爾河浪起蹔八十舟津三舟停
aki kaze ni kapa nami tati nu simasi kupa ya swo no puna tu ni mi pune todomeyo
天漢河門立吾戀之君来奈里紐解待
ama no gapa kapa two ni tatite wa ga kwopwi si kimi ki masu nari pimo toki mata mu
天河川向立吾戀之君来奈里紐解待
ama no gapa kapa ni muki tati wa ga kwopwi si kimi ki masu nari pimo toki mata mu
風吹而河浪起引船丹度裳来夜不降間爾
kaze pukite kapa nami tati nu piki pune ni watari mo ko nu ka ywo no puke nu ma ni
年丹装吾舟滂天河風者吹友浪立勿忌
tosi ni yosopu wa ga pune koga mu ama no gapa kaze pa puku tomo nami tatu na yume
天河浪者立友吾舟者率滂出夜之不深間爾
ama no gapa nami pa tatu tomo wa ga pune pa iza kogi ide mu ywo no puke nu ma ni
天漢霧立上棚幡乃雲衣能飄袖鴨
ama no gapa kwiri tati noboru tanabata no kumo no koromo no kapyeru swode kamo
天原振放見者天漢霧立渡公者来良志
ama no para purisake mireba ama no gapa kwiri tati wataru kimi pa ki nu rasi
真氣長河向立有之袖今夜巻跡念之吉沙
ma ke naga ku kapa ni muki tati ari si swode ko yopi maka mu to omopaku ga yo sa
秋風乃吹西日従天漢瀬爾出立待登告許曽
aki kaze no puki ni si pi ywori ama no gapa se ni ide tatite matu to tuge koso
天地跡別之時従久方乃天驗常定大王天之河原爾璞月累而妹爾相時候跡立待爾吾衣手爾秋風之吹反者立座多土伎乎不知村肝心不欲解衣思乱而何時跡吾待今夜此川行長有得鴨
ame tuti to wakare si toki yu pisakata no ama tu sirusi to sadame te si ama no kapara ni ara tama no tukwi wo kasanete imo ni apu toki samorapu to tati matu ni wa ga koromo de ni aki kaze no puki kapyerapeba tatite wite tadwoki wo sira ni mura kimo no kokoro isaywopi toki kinu no omopi midarete itu si ka to wa ga matu ko yopi ko no kapa no nagare no naga ku ari kose nu kamo
秋風者急々吹来芽子花落巻惜三競立見
aki kaze pa two ku two ku puki ko pagwi no pana tira maku wosi mi kipopi tatu mi mu
此夜等者沙夜深去良之鴈鳴乃所聞空従月立度
ko no ywo ra pa sa ywo puke nu rasi kari ga ne no kikoyuru swora yu tukwi tati wataru
秋夜霧發渡凡々夢見妹形矣
aki no ywo no kwiri tati watari opoposi ku ime ni so mi turu imo ga sugata wo
秋去者鴈飛越龍田山立而毛居而毛君乎思曽念
aki sareba kari tobi kwoyuru tatuta yama tatite mo wite mo kimi wo si so omopu
立座態不知雖念妹不告間使不來
tatite wite tadwoki mo sira zu omopedomo imo ni tuge neba ma dukapi mo ko zu
雲谷灼發意追見乍居及直相
kumo dani mo siru ku si tataba kokoro yari mitutu mo ara mu tada ni apu made ni
春楊葛山發雲立座妹念
paru yanagwi kadurakwi yama ni tatu kumo no tatite mo wite mo imo wo si so omopu
礒上立廻香瀧心哀何深目念始
iswo no upe ni tat eru murwo no kwi nemokoro ni nani ka pukamete omopi some kye mu
味酒之三毛侶乃山爾立月之見我欲君我馬之音曽爲
uma sake no mi moro no yama ni tatu tukwi no mi ga posi kimi ga uma no oto so suru
吾背子爾直相者社名者立米事之通爾何其故
wa ga sekwo ni tada ni apaba koso na pa tata me koto no kaywopi ni nani so soko yuwe
立念居毛曽念紅之赤裳下引去之儀乎
tatite omopi wite mo so omopu kurenawi no aka mo suswo biki ini si sugata wo
古衣打棄人者秋風之立來時爾物念物其
puru koromo utituru pito pa aki kaze no tati kuru toki ni mono mopu mono so
宮材引泉之追馬喚犬二立民乃息時無戀渡可聞
miya kwi piku idumi no soma ni tatu tami no ikopu toki na ku kwopwi wataru kamo
君之服三笠之山爾居雲乃立者繼流戀爲鴨
kimi ga kiru mikasa no yama ni wiru kumo no tateba tuga ru ru kwopwi mo suru kamo
河千鳥住澤上爾立霧之市白兼名相言始而言
kapa ti dori sumu sapa no upe ni tatu kwiri no itisirwo kye mu na api ipi some teba
妹之名毛吾名毛立者惜社布仕能高嶺之燎乍渡
imo ga na mo wa ga na mo tataba wosi mi koso puzi no taka ne no moyetutu watare
君名毛妾名毛立者惜己曽不盡乃高山之燎乍毛居
kimi ga na mo wa ga na mo tataba wosi mi koso puzi no taka ne no moyetutu mo wore
物部乃八十氏川之急瀬立不得戀毛吾爲鴨
mononopu no ya swo udi kapa no paya ki se ni tati e nu kwopwi mo ware pa suru kamo
物部乃八十氏川之急瀬立而毛君者忘金津藻
mononopu no ya swo udi kapa no paya ki se ni tatite mo kimi pa wasure kane tu mo
風不吹浦爾浪立無名乎吾者負香逢者無二
kaze puka nu ura ni nami tatu na ki na wo mo ware pa op yeru ka apu to pa na si ni
風不吹浦爾浪立無名乎吾者負香女跡念而
kaze puka nu ura ni nami tatu na ki na wo mo ware pa op yeru ka womina to omopite
大海二立良武浪者間將有公二戀等九止時毛梨
opo umi ni tatu ramu nami pa apida ara me kimi ni kwopu raku yamu toki mo na si
道邊草冬野丹履干吾立待跡妹告乞
miti no pye no kusa wo puyu nwo ni pumi karasi ware tati matu to imo ni tuge koso
木間従移歴月之影惜俳徊爾左夜深去家里
ko no ma ywori uturopu tukwi no kage wo wosi mi tati motoporu ni sa ywo puke ni kyeri
巌上爾立小松名惜人爾者不云戀渡鴨
ipa no upe ni tat eru kwo matu no na wo wosi mi pito ni pa ipa zu kwopwi wataru kamo
淺葉野立神古菅根惻隠誰故吾不戀
asapa nwo ni tati kamusa buru suga no ne no nemokoro tare yuwe wa ga kwopwi naku ni
誰葉野爾立志奈比垂菅根惻隠誰故吾不戀
takapa nwo ni tati sinapi taru suga no ne no nemokoro tare yuwe wa ga kwopwi naku ni
立而居為便乃田時毛今者無妹爾不相而月之經去者
tatite wite subye no tadoki mo ima pa na si imo ni apa zute tukwi no pe nure ba
立而居為便乃田時毛今者無君之目不見而月之經去者
tatite wite subye no tadoki mo ima pa na si kimi ga me mi zute tukwi no pe nure ba
立居田時毛不知吾意天津空有土者踐鞆
tatite wite tadoki mo sira zu wa ga kokoro ama tu swora nari tuti pa pume domo
夕々吾立待爾若雲君不来益者應辛苦
yopi yopi ni wa ga tati matu ni kedasi ku mo kimi ki masa zupa kurusi karu be si
海石榴市之八十衢爾立平之結紐乎解巻惜毛
tubaiti no ya swo no timata ni tati nara si musubi si pimo wo toka maku wosi mo
月夜好門爾出立足占為而徃時禁八妹二不相有
tuku ywo yo mi kadwo ni ide tati asi ura site yuku toki sape ya imo ni apa zu ara mu
佐保川之川浪不立静雲君二副而明日兼欲得
sapo gapa no kapa nami tata zu siduke ku mo kimi ni tagupite asu sape moga mo
君者不来吾者故無立浪之敷和備思如此而不来跡也
kimi pa ko zu ware pa yuwe na ku tatu nami no sikusiku wabwisi kakute kozi to ya
思出時者為便無佐保山爾立雨霧乃應消所念
omopi iduru toki pa subye na mi sapo yama ni tatu ama gwiri no ke nu be ku omopoyu
遠津人猟道之池爾住鳥之立毛居毛君乎之曽念
topo tu pito karidi no ike ni sumu tori no tatite mo wite mo kimi wo si so omopu
玉桙之道爾出立別来之日従于念忘時無
tama poko no miti ni ide tati wakare ko si pi ywori omopu ni wasururu toki na si
霞立春長日乎奥香無不知山道乎戀乍可将来
kasumi tatu paru no naga pi wo oku ka na ku sira nu yama di wo kwopwitutu ka ko mu
磐城山直越来益礒埼許奴美乃濱爾吾立将待
ipakwi yama tada kwoye ki mase iswosaki no konumi no pama ni ware tati mata mu
足桧木乃片山雉立徃牟君爾後而打四鶏目八方
asi pikwi no kata yama kigisi tati yuka mu kimi ni okurete utusi kye me ya mo
葦原笶水穂之國丹手向爲跡天降座兼五百万千万神之神代従云續來在甘南備乃三諸山者春去者春霞立秋徃者紅丹穂經甘甞備乃三諸乃神之帶爲明日香之河之水尾速生多米難石枕蘿生左右二新夜乃好去通牟事計夢爾令見社劔刀齊祭神二師座者
asi para no midupo no kuni ni ta muke su to amori masi kye mu i po yorodu ti yorodu kamwi no kamu yo ywori ipi tugi ki taru kamunabwi no mi moro no yama pa paru sareba paru kasumi tati aki yukeba kurenawi nipopu kamunabwi no mimoro no kamwi no obi ni s eru asuka no kapa no mi wo paya mi opwi tame kata ki isi makura koke musu made ni arata ywo no saki ku kaywopa mu koto pakari ime ni mise koso turugi tati ipapi matur eru kamwi ni si maseba
相坂乎打出而見者淡海之海白木綿花爾浪立渡
apusaka wo uti idete mireba apumi no umi sira yupu bana ni nami tati wataru
近江之海泊八十有八十嶋之嶋之埼邪伎安利立有花橘乎末枝爾毛知引懸仲枝爾伊加流我懸下枝爾比米乎懸己之母乎取久乎不知己之父乎取久乎思良爾伊蘇婆比座与伊可流我等比米登
apumi no umi tomari ya swo ari ya swo sima no sima no saki zaki ari tat eru pana tatibana wo potu ye ni moti piki kake naka tu ye ni ikaruga kake sidu ye ni pime wo kake na ga papa wo tora ku wo sira ni na ga titi wo tora ku wo si ra ni i swobapi woru yo ikaruga to pime to
荒玉之年者來去而玉梓之使之不來者霞立長春日乎天地丹思足椅帶乳根笶母之養蚕之眉隠氣衝渡吾戀心中少人丹言物西不有者松根松事遠天傳日之闇者白木綿之吾衣袖裳通手沾沼
ara tama no tosi pa ki yukite tamadusa no tukapi no ko neba kasumi tatu naga ki paru pi wo ame tuti ni omopi tara pasi taratine no papa ga kapu kwo no maywo komori ikiduki watari wa ga kwopuru kokoro no uti wo pito ni ipu mono ni si ara neba matu ga ne no matu koto topo ku ama tutapu pi no kure nure ba sirwo tape no wa ga koromo de mo topori te nure nu
打延而思之小野者不遠其里人之標結等聞手師日従立良久乃田付毛不知居久乃於久鴨不知親之己之家尚乎草枕客宿之如久思空不安物乎嗟空過之不得物乎天雲之行莫々蘆垣乃思乱而乱麻乃麻笥乎無登吾戀流千重乃一重母人不令知本名也戀牟氣之緒爾爲而
uti papete omopi si wo nwo pa topo kara nu so no satwo bito no sime yupu to kiki te si pi ywori tat e raku no taduki mo sira zu wora ku no okuka mo sira zu nikibwi ni si wa ga ipye sura wo kusa makura tabi ne no goto ku omopu swora yasu kara nu mono wo nageku swora sugu si e nu mono wo ama kumo no yukurayukura ni asi kaki no omopi midarete midare wo no woke wo na mi to wa ga kwopu ru ti pye no pito pye mo pito sire zu motona ya kwopwi mu iki no wo nisi te
百不足山田道乎浪雲乃愛妻跡不語別之來者速川之徃文不知衣袂笶反裳不知馬自物立而爪衝爲須部乃田付乎白粉物部乃八十乃心叨天地二念足橋玉相者君來益八跡吾嗟八尺之嗟玉桙乃道來人乃立留何常問者答遣田付乎不知散釣相君名曰者色出人可知足日木能山従出月待跡人者云而君待吾乎
momo tara zu yama ta no miti wo nami kumo no utukusi tuma to katarapa zu wakare si kureba paya kapa no yuku mo sira ni koromo de no kapyeru mo sira ni uma zimono tatite tuma duki se mu subye no taduki wo sira ni mononopu no ya swo no kokoro wo ame tuti ni omopi tara pasi tama apaba kimi ki masu ya to wa ga nageku ya saka no nageki tama poko no miti kuru pito no tati tomari ika ni to twopaba kotape yaru taduki wo sira ni saniturapu kimi ga na ipaba iro ni idete pito siri nu be mi asi pikwi no yama ywori iduru tukwi matu to pito ni pa ipite kimi matu ware wo
妾背兒者雖待來不益天原振左氣見者黒玉之夜毛深去來左夜深而荒風乃吹者立待留吾袖爾零雪者凍渡奴今更公來座哉左奈葛後毛相得名草武類心乎持而二袖持床打拂卯管庭君爾波不相夢谷相跡所見社天之足夜乎
wa ga sekwo pa matedo ki masa zu ama no para purisake mireba nubatama no ywo mo puke ni kyeri sa ywo pukete arasi no pukeba tati mat e ru wa ga koromo de ni puru yuki pa kopori watari nu imasara ni kimi ki masa me ya sana kadura noti mo apa mu to nagusamuru kokoro wo motite ma swode moti toko uti parapi ututu ni pa kimi ni pa apa zu ime ni dani apu to mi ye koso ama no tari ywo wo
吾背子者待跡不來鴈音文動而寒烏玉乃宵文深去來左夜深跡阿下乃吹者立待爾吾衣袖爾置霜文氷丹左叡渡落雪母凍渡奴今更君來目八左奈葛後文将會常大舟乃思憑迹現庭君者不相夢谷相所見欲天之足夜爾
wa ga sekwo pa matedo ki masa zu kari ga ne mo toyomite samu si nubatama no ywo mo puke ni kyeri sa ywo puku to a ra si no pukeba tati matu ni wa ga koromo de ni oku simo mo pi ni saye watari puru yuki mo kopori watari nu imasara ni kimi ki masa me ya sana kadura noti mo apa mu to opo bune no omopi tanome do ututu ni pa kimi ni pa apa zu ime ni dani apu to mi ye koso ame no tari ywo ni
三芳野之眞木立山爾青生山菅之根乃慇懃吾念君者天皇之遣之万々夷離國治爾登群鳥之朝立行者後有我可将戀奈客有者君可将思言牟爲便将爲須便不知延津田乃歸之別之數惜物可聞
mi yosinwo no ma kwi tatu yama ni awo ku opuru yama suga no ne no nemokoro ni wa ga omopu kimi pa opo kimi no make no manima ni pina zakaru kuni wosame ni to mura tori no asa tati inaba okure taru ware ka kwopwi na mu tabi n araba kimi ka sinwopa mu ipa mu subye se mu subye sira ni papu tuta no yuki no wakare no amata wosi ki mono kamo
三芳野之眞木立山爾青生山菅之根乃慇懃吾念君者王命恐天踈夷治爾等群鳥之朝立行者後有我可将戀奈客有者君可将思足日木山之木末爾延津田乃別之數惜物可聞
mi yosinwo no ma kwi tatu yama ni awo ku opuru yama suga no ne no nemokoro ni wa ga omopu kimi pa opo kimi no mi koto kasikwo mi ama zakaru pina wosame ni to mura tori no asa tati inaba okure taru ware ka kwopwi na mu tabi n araba kimi ka sinwopa mu asi pikwi no yama no konure ni papu tuta no wakare no amata wosi ki mono kamo
見渡爾妹等者立志是方爾吾者立而思虚不安國嘆虚不安國左丹柒之小舟毛鴨玉纒之小楫毛鴨榜渡乍毛相語益遠
mi watasi ni imo ra pa tata si ko no kata ni ware pa tatite omopu swora yasu kye na ku ni nageku swora yasu kye na ku ni sa ni nuri no wo bune moga mo tama maki no wo kadi moga mo kogi wataritutu mo katarapa masi wo
己母理久乃波都世乃加波乃乎知可多爾伊母良波多々志己乃加多爾和礼波多知弖思虚不安國嘆虚不安國左丹柒之小舟毛鴨玉纒之小楫毛鴨榜渡乍毛相語益遠
komori ku no patuse no kapa no woti kata ni imo ra pa tata si ko no kata ni ware pa tatite omopu swora yasu kye na ku ni nageku swora yasu kye na ku ni sa ni nuri no wo bune moga mo tama maki no wo kadi moga mo kogi wataritutu mo katarapa masi wo
隠口乃長谷小國夜延爲吾天皇寸与奥床仁母者睡有外床丹父者寐有起立者母可知出行者父可知野干玉之夜者昶去奴幾許雲不念如隠孋香聞
komori ku no patuse wo guni ni ywobapi se su wa ga sumyero ki yo oku toko ni papa pa i ne tari two doko ni titi pa i ne tari okwi tataba papa siri nu be si idete yukaba titi siri nu be si nubatama no ywo pa ake yuki nu kokoda ku mo omopu goto nara nu komori duma kamo
木國之濱因云鰒珠将拾跡云而妹乃山勢能山越而行之君何時來座跡玉桙之道爾出立夕卜乎吾問之可婆夕卜之吾爾告良久吾妹兒哉汝待君者奥浪來因白珠邊浪之緑流白珠求跡曽君之不來益拾登曽公者不來益久有今七日許早有者今二日許将有等曽君者聞之二々勿戀吾妹
kwi no kuni no pama ni yoru to ipu apabi tama piripa mu to ipite imo no yama se no yama kwoyete yuki si kimi itu ki masa mu to tama poko no miti ni ide tati yupu ura wo wa ga twopi sikaba yupu ura no ware ni tugu raku wa g imo kwo ya na ga matu kimi pa oki tu nami ki yoru sira tama pye tu nami no yosu ru sira tama motomu to so kimi ga ki masa nu piripu to so kimi pa ki masa nu pisa ni araba ima nanu ka bakari paya ku araba ima putu ka bakari ara mu to so kimi pa kiko si si na kwopwi so wa g imo
挂纒毛文恐藤原王都志弥美爾人下満雖有君下大座常徃向年緒長仕來君之御門乎如天仰而見乍雖畏思憑而何時可聞日足座而十五月之多田波思家武登吾思皇子命者春避者殖槻於之遠人待之下道湯登之而國見所遊九月之四具礼乃秋者大殿之砌志美弥爾露負而靡芽乎珠手次懸而所偲三雪零冬朝者刺楊根張梓矣御手二所取賜而所遊我王矣烟立春日暮喚犬追馬鏡雖見不飽者万歳如是霜欲得常大船之憑有時爾妖言目鴨迷大殿矣振放見者白細布餝奉而内日刺宮舎人方雪穂麻衣服者夢鴨現前鴨跡雲入夜之迷間朝裳吉城於道従角障經石村乎見乍神葬々奉者徃道之田付叨不知雖思印乎無見雖歎奥香乎無見御袖徃觸之松矣言不問木雖在荒玉之立月毎天原振放見管珠手次懸而思名雖恐有
kake maku mo aya ni kasikwo si pudipara no miyakwo simimi ni pito pa si mo mitite aredomo kimi pa si mo opo ku imase do yuki mukapu tosi no wo naga ku tukape ko si kimi no mikadwo wo ame no goto apugite mitutu kasikwo kyedo omopi tanomite itu si ka mo pitara si masite moti dukwi no tatapasi kye mu to wa ga omopu mi kwo no mikoto pa paru sareba uwe tukwi ga upe no topo tu pito matu no sita di yu nobora site kuni mi aswobasi nagatukwi no sigure no aki pa opo tono no migiri simimi ni tuyu opite nabik yeru pagwi wo tama ta suki kakete sinwopa si mi yuki puru puyu no asita pa sasi yanagwi ne pari adusa wo opomi te ni tora si tamapite aswobasi si wa ga opo kimi wo kasumi tatu paru no pi gurasi maswo kagami miredo aka neba yorodu yo ni kaku si moga mo to opo bune no tanom yeru toki ni oyodure ni me ka mo matwop yeru opo tono wo purisake mireba sirwo tape ni kazari maturite utipi sasu miya no toneri mo tape no po no asa ginu k yereba ime kamo ututu kamo to kumori ywo no matwop yeru potwo ni asamoyosi kwinope no miti yu tunwosapapu ipare wo mitutu kamu paburi paburi matureba yuku miti no taduki wo sira ni omopedomo sirusi wo na mi nagekedomo oku ka wo na mi opomi swode yuki pure si matu wo koto twopa nu kwi ni pa aredomo ara tama no tatu tukwi goto ni ama no para purisake mi tutu tama ta suki kakete sinwopa na kasikwo karedomo
挂纒毛文恐藤原王都志弥美爾人下満雖有君下大座常徃向年緒長仕來君之御門乎如天仰而見乍雖畏思憑而何時可聞日足座而十五月之多田波思家武登吾思皇子命者春避者殖槻於之遠人待之下道湯登之而國見所遊九月之四具礼乃秋者大殿之砌志美弥爾露負而靡芽乎珠手次懸而所偲三雪零冬朝者刺楊根張梓矣御手二所取賜而所遊我王矣烟立春日暮喚犬追馬鏡雖見不飽者万歳如是霜欲得常大船之憑有時爾妖言目鴨迷大殿矣振放見者白細布餝奉而内日刺宮舎人方雪穂麻衣服者夢鴨現前鴨跡雲入夜之迷間朝裳吉城於道従角障經石村乎見乍神葬々奉者徃道之田付叨不知雖思印乎無見雖歎奥香乎無見御袖徃觸之松矣言不問木雖在荒玉之立月毎天原振放見管珠手次懸而思名雖恐有
kake maku mo aya ni kasikwo si pudipara no miyakwo simimi ni pito pa si mo mitite aredomo kimi pa si mo opo ku imase do yuki mukapu tosi no wo naga ku tukape ko si kimi no mikadwo wo ame no goto apugite mitutu kasikwo kyedo omopi tanomite itu si ka mo pitara si masite moti dukwi no tatapasi kye mu to wa ga omopu mi kwo no mikoto pa paru sareba uwe tukwi ga upe no topo tu pito matu no sita di yu nobora site kuni mi aswobasi nagatukwi no sigure no aki pa opo tono no migiri simimi ni tuyu opite nabik yeru pagwi wo tama ta suki kakete sinwopa si mi yuki puru puyu no asita pa sasi yanagwi ne pari adusa wo opomi te ni tora si tamapite aswobasi si wa ga opo kimi wo kasumi tatu paru no pi kurasi maswo kagami miredo aka neba yorodu yo ni kaku si moga mo to opo bune no tanom yeru toki ni oyodure ni me ka mo matwop yeru opo tono wo purisake mireba sirwo tape ni kazari maturite utipi sasu miya no toneri pa tape no po no asa ginu k yereba ime kamo ututu kamo to kumori ywo no matwop yeru potwo ni asamoyosi kwinope no miti yu tunwosapapu ipare wo mitutu kamu paburi paburi matureba yuku miti no taduki wo sira ni omopedomo sirusi wo na mi nagekedomo oku ka wo na mi opomi swode yuki pure si matu wo koto twopa nu kwi ni pa aredomo ara tama no tatu tukwi goto ni ama no para purisake mi tutu tama ta suki kakete sinwopa na kasikwo karedomo
百小竹之三野王金厩立而飼駒角厩立而飼駒草社者取而飼曰戸水社者挹而飼曰戸何然大分青馬之鳴立鶴
momo sinwo no minwo no opo kimi nisi no uma ya tatete kapu kwoma pimugasi no uma ya tatete kapu kwoma kusa kosoba torite kapu to i pe midu kosoba kumite kapu to i pe nani si ka mo asi ge no uma no ibaye tati turu
玉桙之道去人者足桧木之山行野徃直海川徃渡不知魚取海道荷出而惶八神之渡者吹風母和者不吹立浪母踈不立跡座浪之立塞道麻誰心勞跡鴨直渡異六直渡異六
tama poko no miti yuku pito pa asi pikwi no yama yuki nwo yuki nipatadumi kapa yuki watari isana tori umi di ni idete kasikwo ki ya kamwi no watari pa puku kaze mo nodoni pa puka zu tatu nami mo obo ni pa tata nu towi nami no tati sapu miti wo ta ga kokoro itapasi to ka mo tada watari kye mu tada watari kye mu
玉桙之道爾出立葦引乃野行山行潦川徃渉鯨名取海路丹出而吹風裳箟跡丹者不吹立浪裳箟跡丹者不起恐耶神之渡乃敷浪乃寄濱部丹高山矣部立丹置而細潭矣枕丹巻而占裳無偃爲公者母父之愛子丹裳在将稚草之妻裳有将等家問跡家道裳不云名矣問跡名谷裳不告誰之言矣勞鴨腫浪能恐海矣直渉異将
tama poko no miti ni ide tati asipiki no nwo yuki yama yuki nipatadumi kapa yuki watari isana tori umi di ni idete puku kaze mo nodoni pa puka zu tatu nami mo nodoni pa tata nu kasikwo ki ya kamwi no watari no siki nami no yosuru pama bye ni taka yama wo pyedate ni okite oki tu mo wo makura ni makite ura mo na ku koyas eru kimi pa omo titi ga managwo ni mo ara mu waka kusa no tuma mo ara mu ipye twope do ipye di mo ipa zu na wo twope do na dani mo nora zu ta ga koto wo itapasi mi ka mo towi nami no kasikwo ki umi wo tada watari kye mu
此月者君将來跡大舟之思憑而何時可登吾待居者黄葉之過行跡玉梓之使之云者螢成髣髴聞而大土乎火穂跡而立居而去方毛不知朝霧乃思或而杖不足八尺乃嘆々友記乎無見跡何所鹿君之将座跡天雲乃行之随爾所射宍乃行文将死跡思友道之不知者獨居而君爾戀爾哭耳思所泣
ko no tukwi pa kimi ki masa mu to opo bune no omopi tanomite itu si ka to wa ga mati woreba momiti ba no sugwite ini ki to tamadusa no tukapi no ipeba potaru nasu ponoka ni kikite opo tuti wo ponopo to pumite tatite wite yuku pye mo sira zu asa gwiri no omopi matwopite tuwe tara zu ya saka no nageki nageke domo sirusi wo na mito iduku ni ka kimi ga masa mu to ama kumo no yuki no manima ni i yu sisi no yuki mo sina mu to omope domo miti no sira neba pito ri wite kimi ni kwopuru ni ne nomwi si naka yu
可豆思加乃麻万能宇良未乎許具布祢能布奈妣等佐和久奈美多都良思母
kadusika no mama no ura mwi wo kogu pune no puna bito sawaku nami tatu rasi mo
阿良多麻能伎倍乃波也之爾奈乎多弖天由伎可都麻思自移乎佐伎太多尼
aratama no kipe no payasi ni na wo tatete yuki katu masizi i wo saki datane
伊豆乃宇美爾多都思良奈美能安里都追毛都芸奈牟毛能乎美太礼志米梅楊
idu no umi ni tatu sira nami no aritutu mo tugi na mu monowo midare sime me ya
武蔵野乃乎具奇我吉芸志多知和可礼伊爾之与比欲利世呂爾安波奈布与
muzasi nwo no wo guki ga kigisi tati wakare ini si yopi ywori se ro ni apa napu yo
乎豆久波乃祢呂爾都久多思安比太欲波佐波太奈利努乎万多祢天武可聞
wo dukupa no ne ro ni tuku tasi apida ywo pa sapada nari nwo wo mata ne te mu kamo
乎都久波乃之気吉許能麻欲多都登利能目由可汝乎見牟左祢射良奈久爾
wo tukupa no sike ki ko no ma ywo tatu tori no me yu ka na wo mi mu sa ne zara naku ni
伊香保呂能夜左可能為提爾多都努自能安良波路万代母佐祢乎佐祢弖婆
ikapo ro no ya saka no wide ni tatu nwozi no araparwo made mo sa ne wo sa ne teba
宇良毛奈久和我由久美知爾安乎夜宜乃波里弖多弖礼婆物能毛比豆都母
ura mo na ku wa ga yuku miti ni awo yagwi no parite tat ereba mono mopi du tu mo
久佐可気乃安努奈由可武等波里之美知阿努波由加受弖阿良久佐太知奴
kusa kage no anwo na yuka mu to pari si miti anwo pa yuka zute ara kusa dati nu
思路多倍乃許呂母能素弖乎麻久良我欲安麻許伎久見由奈美多都奈由米
sirwo tape no koromo no swode wo makuraga ywo ama kogi ku mi yu nami tatu na yume
爾波爾多都安佐提古夫須麻許余比太爾都麻余之許西祢安佐提古夫須麻
nipa ni tatu asa te kwo busuma ko yopi dani tuma yosi kosene asa te kwo busuma
古非思家婆伎麻世和我勢古可伎都楊疑宇礼都美可良思和礼多知麻多牟
kwopwisi kyeba ki mase wa ga sekwo kakitu yagwi ure tumi karasi ware tati mata mu
宇倍児奈波和奴爾故布奈毛多刀都久能努賀奈敞由家婆故布思可流奈母
ube kwo na pa wanu ni kwopu namo tatwo tuku no nwoganapye yukyeba kwopusi karu namo
宇倍児奈波和奴爾故布奈毛多刀都久能奴我奈敞由家杼和奴賀由乃敞波
ube kwo na pa wanu ni kwopu namo tatwo tuku no nuganapye yukyedo wanu ga yunopyeba
於保伎美乃美己等可思古美可奈之伊毛我多麻久良波奈礼欲太知伎努可母
opo kimi no mi koto kasikwo mi kanasi imo ga ta makura panare ywo dati ki nwo kamo
阿我於毛乃和須礼牟之太波久爾波布利祢爾多都久毛乎見都追之努波西
a ga omo no wasure mu sida pa kuni papuri ne ni tatu kumo wo mi tutu sinwopa se
水都等利乃多多武与曾比爾伊母能良爾毛乃伊波受伎爾弖於毛比可祢都母
mi du tori no tata mu yosopi ni imo no ra ni mono ipa zu ki nite omopi kane tu mo
於能我乎遠於保爾奈於毛比曾爾波爾多知恵麻須我可良爾古麻爾安布毛能乎
ono ga wo wo opo ni na omopi so nipa ni tati wema su ga kara ni kwoma ni apu monowo
安乎楊木能波良路可波刀爾奈乎麻都等西美度波久末受多知度奈良須母
awo ya gwi no par arwo kapa two ni na wo matu to se midwo pa kuma zu tati dwo narasu mo
麻都我宇良爾佐和恵宇良太知麻比登其等於毛抱須奈母呂和賀母抱乃須毛
matu ga ura ni sawawe ura dati ma pito goto omoposu namo ro wa ga mopo nosu mo
比多我多能伊蘇乃和可米乃多知美太要和乎可麻都那毛伎曾毛己余必母
pita gata no iswo no wakame no tati midaye wa wo ka matu namo kiso mo ko yopi mo
佐伎母理爾多知之安佐気乃可奈刀弖爾手婆奈礼乎思美奈吉思児良婆母
saki mori ni tati si asake no kana two de ni ta banare wosi mi naki si kwo ra pa mo
安之能葉爾由布宜里多知弖可母我鳴乃左牟伎由布敞思奈乎波思努波牟
asi no pa ni yupu gwiri tatite kamo ga ne no samu ki yupu pye si na woba sinwopa mu
美夜自呂乃須可敞爾多弖流可保我波奈莫佐吉伊弖曾祢許米弖思努波武
miyaziro no su ka pye ni tat eru kapo ga pana na saki ide sone komete sinwopa mu
君之由久海辺乃夜杼爾奇里多多婆安我多知奈気久伊伎等之理麻勢
kimi ga yuku umi bye no yado ni kwiri tataba a ga tati nageku iki to siri mase
秋佐良婆安比見牟毛能乎奈爾之可母奇里爾多都倍久奈気伎之麻佐牟
aki saraba api mi mu monowo nani si ka mo kwiri ni tatu be ku nageki si masa mu
真幸而伊毛我伊波伴伐於伎都奈美知敞爾多都等母佐波里安良米也母
ma saki kute imo ga ipaba oki tu nami ti pye ni tatu tomo sapari ara me ya mo
和多都美能於伎津之良奈美多知久良思安麻乎等女等母思麻我久流見由
watatumi no oki tu sira nami tati ku rasi ama woto mye domo sima gakuru mi yu
波奈礼蘇爾多弖流牟漏能木宇多我多毛比佐之伎時乎須疑爾家流香母
panare swo ni tat eru murwo no kwi utagatamo pisasi ki toki wo sugwi ni kyeru kamo
安佐散礼婆伊毛我手爾麻久可我美奈須美津能波麻備爾於保夫祢爾真可治之自奴伎可良久爾爾和多理由加武等多太牟加布美奴面乎左指天之保麻知弖美乎妣伎由気婆於伎敞爾波之良奈美多可美宇良未欲理許芸弖和多礼婆和伎毛故爾安波治乃之麻波由布左礼婆久毛為可久里奴左欲布気弖由久敞乎之良爾安我己許呂安可志能宇良爾布祢等米弖宇伎祢乎詞都追和多都美能於枳敞乎見礼婆伊射理須流安麻能乎等女波小船乗都良良爾宇家里安香等吉能之保美知久礼婆安之辨爾波多豆奈伎和多流安左奈芸爾布奈弖乎世牟等船人毛鹿子毛許恵欲妣柔保等里能奈豆左比由気婆伊敝之麻婆久毛為爾美延奴安我毛敞流許己呂奈具也等波夜久伎弖美牟等於毛比弖於保夫祢乎許芸和我由気婆於伎都奈美多可久多知伎奴与曾能未爾見都追須疑由伎多麻能宇良爾布祢乎等杼米弖波麻備欲里宇良伊蘇乎見都追奈久古奈須祢能未之奈可由和多都美能多麻伎能多麻乎伊敞都刀爾伊毛爾也良牟等比里比登里素弖爾波伊礼弖可敞之也流都可比奈家礼婆毛弖礼杼毛之留思乎奈美等麻多於伎都流可毛
asa sareba imo ga te ni maku kagami nasu mi tu no pama bwi ni opo bune ni ma kadi sizi nuki kara kuni ni watari yuka mu to tada mukapu minume wo sasite sipo matite miwo biki yukeba oki pye ni pa sira nami taka mi ura mwi ywori kogite watareba wagimo kwo ni apadi no sima pa yupu sareba kumo wi kakuri nu sa ywo pukete yuku pye wo sira ni a ga kokoro akasi no ura ni pune tomete uki ne wo situtu watatumi no oki pye wo mi reba izari suru ama no woto mye pa wo bune nori turara ni uk yeri aka toki no sipo miti kureba asi bye ni pa tadu naki wataru asa nagi ni puna de wo se mu to puna bito mo kakwo mo kowe ywobi nipodori no nadusapi yukeba ipyesima pa kumo wi ni mi ye nu a ga mop yeru kokoro nagu ya to paya ku kite mi mu to omopite opo bune wo kogi wa ga yukeba oki tu nami taka ku tati ki nu yoso nomwi ni mi tutu sugwi yuki tama no ura ni pune wo todomete pama bwi ywori ura iswo wo mi tutu naku kwo nasu ne nomwi si naka yu watatumi no ta maki no tama wo ipye dutwo ni imo ni yara mu to piripi tori swode ni pa irete kapyesi yaru tukapi na kyereba mot eredomo sirusi wo na mito mata oki turu kamo
可之布江爾多豆奈吉和多流之可能宇良爾於保都之良奈美多知之久良思母
kasipu ye ni tadu naki wataru sika no ura ni oki tu sira nami tati si ku rasi mo
由布豆久欲可気多知与里安比安麻能我波許具布奈妣等乎見流我等母之佐
yupu duku ywo kage tati yori api ama no gapa kogu puna bito wo mi ru ga tomosi sa
可良等麻里能許乃宇良奈美多多奴日者安礼杼母伊敞爾古非奴日者奈之
karatomari noko no ura nami tata nu pi pa aredomo ipye ni kwopwi nu pi pa na si
於吉都奈美多可久多都日爾安敞利伎等美夜古能比等波伎吉弖家牟可母
oki tu nami taka ku tatu pi ni ap yeri ki to miyakwo no pito pa kiki te kye mu kamo
伎美乎於毛比安我古非万久波安良多麻乃多都追奇其等爾与久流日毛安良自
kimi wo omopi a ga kwopwi maku pa ara tama no tatu tukwi gotoni yokuru pi mo arazi
之保非奈婆麻多母和礼許牟伊射遊賀武於伎都志保佐為多可久多知伎奴
sipo pwi naba mata mo ware ko mu iza yuka mu oki tu sipo sawi taka ku tati ki nu
加思故美等能良受安里思乎美故之治能多武気爾多知弖伊毛我名能里都
kasikwo mito nora zu ari si wo mi kwosi di no ta muke ni tatite imo ga na nori tu
多知可敞里奈気杼毛安礼波之流思奈美於毛比和夫礼弖奴流欲之曾於保伎
tati kapyeri nakedomo are pa sirusi na mi omopi waburete nuru ywo si zo opo ki
家布毛可母美也故奈里世婆見麻久保里爾之能御馬屋乃刀爾多弖良麻之
kyepu mo ka mo miyakwo n ari seba mi maku pori nisi no mi ma ya no two ni tat era masi
緑子之若子蚊見庭垂乳爲母所懐褨襁平生蚊見庭結經方衣氷津裏丹縫服頸着之童子蚊見庭結幡袂着衣服我矣丹因子等何四千庭三名之綿蚊黒爲髪尾信櫛持於是蚊寸垂取束擧而裳纒見解乱童兒丹成見羅丹津蚊經色丹名着來紫之大綾之衣墨江之遠里小野之眞榛持丹穂之爲衣丹狛錦紐丹縫着刺部重部波累服打十八爲麻續兒等蟻衣之寶之子等蚊打栲者經而織布日曝之朝手作尾信巾裳成者之寸丹取爲支屋所經稻寸丁女蚊妻問迹我丹所來爲彼方之二綾裏沓飛鳥飛鳥壯蚊霖禁縫爲黒沓刺佩而庭立住退莫立禁尾迹女蚊髣髴聞而我丹所來爲水縹絹帶尾引帶成韓帶丹取爲海神之殿蓋丹飛翔爲輕如來腰細丹取餝氷眞十鏡己蚊果取雙懸而還氷見乍春避而野邊尾廻者面白見我矣思經蚊狭野津鳥來鳴翔經秋僻而山邊尾徃者名津蚊爲迹我矣思經蚊天雲裳行田菜引還立路尾所來者打氷刺宮尾見名刺竹之舎人壮裳忍經等氷還等氷見乍誰子其迹哉所思而在如是所爲故爲古部狭々寸爲我哉端寸八爲今日八方子等丹五十狭迩迹哉所思而在如是所爲故爲古部之賢人藻後之世之竪監將爲迹老人矣送爲車持還來持還來
midorikwo no waku gwo ga mwi ni pa taratisi papa ni udaka ye pimutuki no papu kwo gami ni pa yupu kata ginu pitura ni nupi ki kubi tuki no warapa ga mwi ni pa yupi pata no swode tuke goromo ki si ware wo nipopi yoru kwo ra ga yoti ni pa mina no wata ka gurwo si kami wo ma kusi moti koko ni kaki tari tori tukane agete mo maki mi toki midari warapa ni nasi mi sa ni tukapu iro ni natukasi ki murasaki no opo aya no kinu suminoye no topo satwo wo nwo no ma pari moti ni posi si kinu ni koma nisiki pimo ni nupi tuke sasa pu kasana pu nami kasane ki uti swo ya si womi no kwo ra arikinu no takara no kwo ra ga uti tape pa pete oru nunwo pi sarasi no asa te dukuri wo pire mo nasu pasi ki ni tori siki ipye ni puru inaki womina ga tuma dopu to ware ni okose si wotikata no puta aya sita kutu tobu tori no asuka wotokwo ga nag ame imi nupi si kurwo kutu sasi pakite nipa ni tatazumye makari na tati to sapuru wotomye ga pono kikite ware ni okose si mipanada no kinu no obi wo piki obi nasu kara obi ni tora si watatumi no tono no iraka ni tobi kakeru sugaru no goto ki kosi boso ni tori kazarapi maswo kagami tori name kakete ono ga kapo kapyerapi mitutu paru sarite nwo pye wo megureba omosirwo mi ware wo omo pe ka sa nwo tu tori ki naki kakerapu aki sarite yama pye wo yukeba natukasi to ware wo omo pe ka ama kumo mo yuki tanabik yeru kapyeri tati miti wo kureba utipi sasu miya womina sasutake no toneri wotokwo mo sino burapi kapye rapi mitutu ta ga kwo so to ya omopa yete aru kaku no goto se rare si yuweni inisipye sazaki si ware ya pasikiyasi kyepu ya mo kwo ra ni isa ni to ya omopa yete aru kaku no goto serare si yuweni inisipye no sakasi ki pito mo noti no yo no kagami ni se mu to oi pito wo okuri si kuruma moti kapyeri ko si moti kapyeri ko si
可流羽須波田廬乃毛等爾吾兄子者二布夫爾咲而立麻爲所見
karuusu pa tabuse no moto ni wa ga sekwo pa nipubuni wemite tati te masu miyu
荒雄良乎將來可不來可等飯盛而門爾出立雖待來不座
ara wo ra wo ko mu ka kozi ka to ipi morite kadwo ni ide tati matedo ki masa nu
伊刀古名兄乃君居々而物爾伊行跡波韓國乃虎云神乎生取爾八頭取持來其皮乎多々弥爾刺八重疊平群乃山爾四月与五月間爾藥猟仕流時爾足引乃此片山爾二立伊智比何本爾梓弓八多婆佐弥比米加夫良八多婆左弥宍待跡吾居時爾佐男鹿乃來立嘆久頓爾吾可死王爾吾仕牟吾角者御笠乃波夜詩吾耳者御墨坩吾目良波眞墨乃鏡吾爪者御弓之弓波受吾毛等者御筆波夜斯吾皮者御箱皮爾吾宍者御奈麻須波夜志吾伎毛母御奈麻須波夜之吾美義波御塩乃波夜之耆矣奴吾身一爾七重花佐久八重花生跡白賞尼白賞尼
itwokwo na se no kimi wori worite mono ni i yuku to pa kara kuni no twora to ipu kamwi wo ike dori ni ya tu tori moti ki so no kapa wo tatami ni sasi ya pye datami pyeguri no yama ni udukwi to satukwi to no ma ni kusuri gari tukapu ru toki ni asipiki no ko no kata yama ni puta tu tatu itipi ga moto ni adusa yumi ya tu ta basami pime kabura ya tu ta basami sisi matu to wa ga woru toki ni sa wo sika no ki tati nageka ku tatimatini ware pa sinu be si opo kimi ni ware pa tukape mu wa ga tunwo pa mi kasa no payasi wa ga mimi pa mi sumi no tubo wa ga me ra pa masumi no kagami wa ga tume pa mi yumi no yu pazu wa ga ke ra pa mi pumite payasi wa ga kapa pa mi pakwo no kapa ni wa ga sisi pa mi namasu payasi wa ga kimo mo mi namasu payasi wa ga mige pa mi sipo no payasi oi taru yatukwo wa ga mwi pito tu ni nana pye pana saku ya pye pana saku to mawosi payasa ne mawosi payasa ne
忍照八難波乃小江爾廬作難麻理弖居葦河爾乎王召跡何爲牟爾吾乎召良米夜明久吾知事乎歌人跡和乎召良米夜笛吹跡和乎召良米夜琴引跡和乎召良米夜彼此毛命受牟跡今日々々跡飛鳥爾到雖置々勿爾到雖不策都久怒爾到東中門由参納來弖命受例婆馬爾己曽布毛太志可久物牛爾己曽鼻縄波久例足引乃此片山乃毛武爾礼乎五百枝波伎垂天光夜日乃異爾干佐比豆留夜辛碓爾舂庭立手碓子爾舂忍光八難波乃小江乃始垂乎辛久垂來弖陶人乃所作龜乎今日徃明日取持來吾目良爾塩漆給腊賞毛腊賞毛
osi teru ya nanipa no wo ye ni ipo tukuri namarite woru asi gani wo opo kimi myesu to nani se mu ni wa wo myesu rame ya akirake ku wa ga siru koto wo uta pito to wa wo myesu rame ya puye puki to wa wo myesu rame ya koto piki to wa wo myesu rame ya ka mo kaku mo mi koto uke mu to kyepu kyepu to asuka ni itari tatedomo okina ni itari tukanedomo tukunwo ni itari pimugasi no naka no mikadwo yu mawi ri ki te mi koto uku reba uma ni koso pumodasi kaku mono usi ni koso pana duna pakure asipiki no ko no kata yama no momu nire wo i po ye pagi tari ama teru ya pi no kye ni posi sapiduru ya kara usu ni tuki nipa ni tatu te usu ni tuki osi teru ya nanipa no wo ye no patu tari wo kara ku tari ki te suwe pito no tukur eru kame wo kyepu yukite asu tori moti ki wa ga me ra ni sipo nuri tamapi kitapi payasu mo kitapi payasu mo
多奈波多之船乗須良之麻蘇鏡吉欲伎月夜爾雲起和多流
tanabata si puna nori su rasi maswo kagami kiywo ki tuku ywo ni kumo tati wataru
安之比奇能山辺爾乎礼婆保登等芸須木際多知久吉奈可奴日波奈之
asipikwi no yama bye ni woreba pototogisu ko no ma tati kuki naka nu pi pa na si
安麻射加流比奈乎佐米爾等大王能麻気乃麻爾末爾出而許之和礼乎於久流登青丹余之奈良夜麻須芸低泉河伎欲吉可波良爾馬駐和可礼之時爾好去而安礼可敞理許牟平久伊波比低待登可多良比低許之比乃伎波美多麻保許能道乎多騰保美山河能敞奈里低安礼婆孤悲之家口気奈我枳物能乎見麻久保里念間爾多麻豆左能使乃家礼婆宇礼之美登安我麻知刀敷爾於餘豆礼能多波許登等可毛波之伎余思奈弟乃美許等奈爾之加母時之波安良牟乎波太須酒吉穂出秋乃芽子花爾保敞流屋戸乎安佐爾波爾伊泥多知奈良之暮庭爾敷美多比良気受佐保能宇知乃里乎徃過安之比紀乃山能許奴礼爾白雲爾多知多奈妣久登安礼爾都気都流
ama zakaru pina wosame ni to opo kimi no make no manima ni idete ko si ware wo okuru to awo ni yo si nara yama sugwite idumi gapa kiywo ki kapara ni uma todome wakare si toki ni ma saki kute are kapyeri ko mu tapirake ku ipapite mate to katarapite ko si pi no kipami tama poko no miti wo ta dopo mi yama kapa no pyenarite areba kwopwisi kyeku ke naga ki monowo mi maku pori omopu apida ni tamadusa no tukapi no k yereba uresi mito a ga mati twopu ni oyodure no tapa koto to ka mo pasikiyosi na oto no mikoto nani si ka mo toki si pa ara mu wo pada susuki po n iduru aki no pagwi no pana nipop yeru yadwo wo asa nipa ni ide tati narasi yupu nipa ni pumi tapirage zu sapo no uti no satwo wo yuki sugwi asipikwi no yama no konure ni sira kumo ni tati tanabiku to are ni tuge turu
麻佐吉久登伊比低之物能乎白雲爾多知多奈妣久登伎気婆可奈思物
ma saki ku to ipi te si mono wo sira kumo ni tati tanabiku to kikeba kanasi mo
大王能麻気能麻爾麻爾大夫之情布里於許之安思比奇能山坂古延弖安麻射加流比奈爾久太理伎伊伎太爾毛伊麻太夜須米受年月毛伊久良母阿良奴爾宇都世美能代人奈礼婆宇知奈妣吉等許爾許伊布之伊多家苦之日異益多良知祢乃波波能美許等乃大船乃由久良由久良爾思多呉非爾伊都可聞許武等麻多須良牟情左夫之苦波之吉与志都麻能美許登母安気久礼婆門爾餘里多知己呂母泥乎遠理加敞之都追由布佐礼婆登許宇知波良比奴婆多麻能黒髪之吉低伊都之加登奈気可須良牟曾伊母毛勢母和可伎児等毛波乎知許知爾佐和吉奈久良牟多麻保己能美知乎多騰保弥間使毛夜流余之母奈之於母保之伎許登都低夜良受孤布流爾思情波母要奴多麻伎波流伊乃知乎之家騰世牟須辨能多騰伎乎之良爾加苦思低也安良志乎須良爾奈気枳布勢良武
opo kimi no make no manima ni masura wo no kokoro puri okosi asipikwi no yama zaka kwoyete ama zakaru pina ni kudari ki iki dani mo imada yasume zu tosi tukwi mo ikura mo ara nu ni utusemi no yo no pito nareba uti nabiki toko ni koi pusi ita kyeku si pi ni kyeni masaru taratine no papa no mikoto no opo pune no yukurayukura ni sita gwopwi ni itu ka mo ko mu to mata su ramu kokoro sabusi ku pasikiyosi tuma no mikoto mo ake kureba two ni yori tati koromo de wo wori kapyesitutu yupu sareba toko uti parapi nubatama no kurwo kami sikite itu si ka to nageka su ramu so imo mo se mo waka ki kwo domo pa woti koti ni sawaki naku ramu tama poko no miti wo ta dopo mi ma dukapi mo yaru yosi mo na si omoposi ki koto tute yara zu kwopuru ni si kokoro pa moye nu tamakiparu inoti wosi kyedo se mu subye no tadoki wo sira ni kaku site ya ara si wo surani nageki puse ramu
伊泥多多武知加良乎奈美等許母里為弖伎弥爾故布流爾許己呂度母奈思
ide tata mu tikara wo na mito komori wite kimi ni kwopuru ni kokorodwo mo na si
安之可伎能保加爾母伎美我余里多多志孤悲家礼許曾婆伊米爾見要家礼
asi kaki no poka ni kimi ga yori tata si kwopwi kyere kosoba ime ni mi ye kyere
妹毛吾毛許己呂波於夜自多具敞礼登伊夜奈都可之久相見婆登許波都波奈爾情具之眼具之毛奈之爾波思家夜之安我於久豆麻大王能美許登加之古美阿之比奇能夜麻古要奴由伎安麻射加流比奈乎左米爾等別来之曾乃日乃伎波美荒璞能登之由吉我敞利春花乃宇都呂布麻泥爾相見祢婆伊多母須敞奈美之伎多倍能蘇泥可敞之都追宿夜於知受伊米爾波見礼登宇都追爾之多太爾安良祢婆孤悲之家口知敞爾都母里奴近在者加敞利爾太仁母宇知由吉低妹我多麻久良佐之加倍低祢天蒙許万思乎多麻保己乃路波之騰保久関左閇爾敞奈里低安礼許曾与思恵夜之餘志播安良武曾霍公鳥来鳴牟都奇爾伊都之加母波夜久奈里那牟宇乃花能爾保敞流山乎余曾能未母布里佐気見都追淡海路爾伊由伎能里多知青丹吉奈良乃吾家爾奴要鳥能宇良奈気之都追思多恋爾於毛比宇良夫礼可度爾多知由布気刀比都追吾乎麻都等奈須良牟妹乎安比低早見牟
imo mo ware mo kokoro pa oyazi tagup yeredo iya natukasi ku api mire ba toko patu pana ni kokoro gu si megu si mo na si ni pasikyeyasi a ga oku duma opo kimi no mi koto kasikwomi asipikwi no yama kwoye nu yuki ama zakaru pina wosame ni to wakare ko si so no pi no kipami ara tama no tosi yuki gapyeri paru pana no uturopu madeni api mi neba ita mo subye na mi siki tape no swode kapyesitutu nuru ywo oti zu ime ni pa mi redo ututu ni si tada ni ara neba kwopwisi kyeku ti pye ni tumori nu tika ku araba kapyeri ni dani mo uti yukite imo ga ta makura sasi kapete nete mo ko masi wo tama poko no miti pa si dopo ku seki sapeni pyenarite are koso yosi we ya si yosi pa ara mu so pototogisu ki naka mu tukwi ni itu si ka mo paya ku nari na mu u no pana no nipop yeru yama wo yoso nomwi mo purisake mi tutu apumi di ni i yuki nori tati awo ni yo si nara no wagipye ni nuye dori no ura nake situtu sita gwopwi ni omopi urabure kadwo ni tati yupu ke twopitutu a wo matu to nasu ramu imo wo apite paya mi mu
安思比奇能夜麻毛知可吉乎保登等芸須都奇多都麻泥爾奈仁加吉奈可奴
asipikwi no yama mo tika ki wo pototogisu tukwi tatu madeni nani ka ki naka nu
伊美都河泊伊由伎米具礼流多麻久之気布多我美山者波流波奈乃佐家流左加利爾安吉能葉乃爾保敞流等伎爾出立低布里佐気見礼婆可牟加良夜曾許婆多敷刀伎夜麻可良夜見我保之加良武須売可未能須蘇未乃夜麻能之夫多爾能佐吉乃安里蘇爾阿佐奈芸爾余須流之良奈美由敷奈芸爾美知久流之保能伊夜麻之爾多由流許登奈久伊爾之敞由伊麻乃乎都豆爾可久之許曾見流比登其等爾加気低之努波米
imidu kapa i yuki megur eru tama kusige putagami yama pa paru pana no sak yeru sakari ni aki no pa no nipop yeru toki ni ide tati te purisake mi reba kamu kara ya sokoba taputwo ki yama kara ya mi ga posi kara mu sumye kamwi no suswo mwi no yama no sibutani no saki no ariswo ni asa nagi ni yosuru sira nami yupu nagi ni miti kuru sipo no iya masi ni tayuru koto na ku inisipye yu ima no wotutu ni kaku si koso mi ru pito gotoni kakete sinwopa me
奈呉能宇美能意吉都之良奈美志苦思苦爾於毛保要武可母多知和可礼奈婆
nagwo no umi no oki tu sira nami sikusikuni omopoye mu kamo tati wakare naba
物能乃敷能夜蘇等母乃乎能於毛布度知許己呂也良武等宇麻奈米低宇知久知夫利乃之良奈美能安利蘇爾与須流之夫多爾能佐吉多母登保理麻都太要能奈我波麻須義低宇奈比河波伎欲吉勢其等爾宇加波多知可由吉加久遊岐見都礼騰母曾許母安加爾等布勢能宇弥爾布祢宇気須恵低於伎敞許芸辺爾己伎見礼婆奈芸左爾波安遅牟良佐和伎之麻未爾波許奴礼波奈左吉許己婆久毛見乃佐夜気吉加多麻久之気布多我弥夜麻爾波布都多能由伎波和可礼受安里我欲比伊夜登之能波爾於母布度知可久思安蘇婆牟異麻母見流其等
mononopu no ya swo tomo no wo no omopu dwoti kokoro yara mu to uma namete utikutiburino sira nami no ariswo ni yosuru sibutani no saki ta motopori matudaye no naga pama sugwite unapi kapa kiywo ki se gotoni u kapa tati ka yuki kaku yuki mi turedomo soko mo aka nito puse no umi ni pune uke suwete oki pye kogi pye ni kogi mi reba nagisa ni pa adi mura sawaki sima mwi ni pa konure pana saki kokobaku mo mi no sayake ki ka tama kusige putagami yama ni papu tuta no yuki pa wakare zu ari gaywopi iya tosi no pa ni omopu dwoti kaku si aswoba mu ima mo mi ru goto
布治奈美波佐岐弖知理爾伎宇能波奈波伊麻曾佐可理等安之比奇能夜麻爾毛野爾毛保登等芸須奈伎之等与米婆宇知奈妣久許己呂毛之努爾曾己乎之母宇良胡非之美等於毛布度知宇麻宇知牟礼弖多豆佐波理伊泥多知美礼婆伊美豆河泊美奈刀能須登利安佐奈芸爾可多爾安佐里之思保美弖婆都麻欲妣可波須等母之伎爾美都追須疑由伎之夫多爾能安利蘇乃佐伎爾於枳追奈美余勢久流多麻母可多与理爾可都良爾都久理伊毛我多米低爾麻吉母知弖宇良具波之布勢能美豆宇弥爾阿麻夫祢爾麻可治加伊奴吉之路多倍能蘇泥布理可辺之阿登毛比弖和賀己芸由気婆乎布能佐伎波奈知利麻我比奈伎佐爾波阿之賀毛佐和伎佐射礼奈美多知弖毛為弖母己芸米具利美礼登母安可受安伎佐良婆毛美知能等伎爾波流佐良婆波奈能佐可利爾可毛加久母伎美我麻爾麻等可久之許曾美母安吉良米米多由流比安良米也
pudi nami pa sakite tiri ni ki u no pana pa ima so sakari to asipikwi no yama ni mo nwo ni mo pototogisu naki si toyomeba uti nabiku kokoro mo sinwo ni soko wo si mo ura gwopwisi mito omopu dwoti uma uti murete tadusapari ide tati mireba imidu kapa minatwo no su dori asa nagi ni kata ni asari si sipo miteba tuma ywobi kapasu tomosi ki ni mitutu sugwi yuki sibutani no ariswo no saki ni oki tu nami yose kuru tama mo katayori ni kadura ni tukuri imo ga tame te ni maki motite ura gupasi puse no midu umi ni ama bune ni ma kadi kainuki sirwo tape no swode puri kapyesi adomopite wa ga kogi yukeba wopu no saki pana tiri magapi nagisa ni pa asi gamo sawaki sazare nami tatite mo wite mo kogi meguri miredomo aka zu aki saraba momiti no toki ni paru saraba pana no sakari ni ka mo kaku mo kimi ga manima nito kaku si koso mi mo akirame me tayuru pi ara me ya
多麻保許乃美知爾伊泥多知和可礼奈婆見奴日佐麻祢美孤悲思家武可母
tama poko no miti ni ide tati wakare naba mi nu pi sa mane mi kwopwisi kye mu kamo
多麻保許乃美知爾伊泥多知和可礼奈婆不見日久旀戀之家牟可母
tama poko no miti ni ide tati wakare naba mi nu pi pisasi mi kwopwisi kye mu kamo
美夜故敞爾多都日知可豆久安久麻弖爾安比見而由可奈故布流比於保家牟
miyakwo pye ni tatu pi tika duku aku madeni api mite yukana kwopuru pi opo kye mu
安麻射可流比奈爾名可加須古思能奈可久奴知許登其等夜麻波之母之自爾安礼登毛加波波之母佐波爾由気等毛須売加未能宇之波伎伊麻須爾比可波能曾能多知夜麻爾等許奈都爾由伎布理之伎弖於婆勢流可多加比河波能伎欲吉瀬爾安佐欲比其等爾多都奇利能於毛比須疑米夜安理我欲比伊夜登之能播仁余増能未母布利佐気見都都余呂豆餘能可多良比具佐等伊末太見奴比等爾母都気牟於登能未毛名能未母伎吉低登母之夫流我祢
ama zakaru pina ni na kaka su kwosi no naka kun uti kotogoto yama pa si mo sizi ni aredomo kapa pa si mo sapa ni yukedomo sumye kamwi no usipaki imasu nipikapa no so no tati yama ni toko natu ni yuki puri sikite oba s eru katakapi kapa no kiywo ki se ni asa ywopi gotoni tatu kwiri no omopi sugwi me ya ari gaywopi iya tosi no pa ni yoso nomwi mo purisake mi tutu yorodu yo no katarapi gusa to imada mi nu pito ni mo tuge mu oto nomwi mo na nomwi mo kikite tomosiburu gane
阿佐比左之曾我比爾見由流可無奈我良弥奈爾於婆勢流之良久母能知辺乎於之和気安麻曾曾理多可吉多知夜麻布由奈都登和久許等母奈久之路多倍爾遊吉波布里於吉弖伊爾之辺遊阿理吉仁家礼婆許其志可毛伊波能可牟佐備多末伎波流伊久代経爾家牟多知低為弖見礼登毛安夜之弥祢太可美多爾乎布可美等於知多芸都吉欲伎可敷知爾安佐左良受綺利多知和多利由布佐礼婆久毛為多奈毘吉久毛為奈須己許呂毛之努爾多都奇理能於毛比須具佐受由久美豆乃於等母佐夜気久与呂豆余爾伊比都芸由可牟加波之多要受波
asa pi sasi sogapini mi yuru kamu nagara mi na ni oba s eru sira kumo no ti pye wo osi wake ama sosori taka ki tati yama puyu natu to waku koto mo na ku sirwo tape ni yuki pa puri okite inisipye yu ari ki ni kyereba kogosi ka mo ipa no kamusabwi tamakiparu iku yo pe ni kye mu tatite wite mi redomo ayasi mine daka mi tani wo puka mito oti tagitu kiywo ki kaputi ni asa sara zu kwiri tati watari yupu sareba kumo wi tanabiki kumo wi nasu kokoro mo sinwo ni tatu kwiri no omopi sugusa zu yuku midu no oto mo sayake ku yorodu yo ni ipi tugi yuka mu kapa si taye zupa
可伎加蘇布敷多我美夜麻爾可牟佐備弖多低流都我能奇毛等母延毛於夜自得伎波爾波之伎与之和我世乃伎美乎安佐左良受安比弖許登騰比由布佐礼婆手多豆佐波利弖伊美豆河波吉欲伎可布知爾伊泥多知弖和我多知弥礼婆安由能加是伊多久之布気婆美奈刀爾波之良奈美多可弥都麻欲夫等須騰理波佐和久安之可流等安麻乃乎夫祢波伊里延許具加遅能於等多可之曾己乎之毛安夜爾登母志美之怒比都追安蘇夫佐香理乎須売呂伎能乎須久爾奈礼婆美許登母知多知和可礼奈婆吉民婆安礼騰母於久礼多流美知由久和礼播多麻保許乃之良久毛能多奈妣久夜麻乎伊波祢布美古要敞奈利奈婆孤悲之家久気乃奈我家牟曾則許母倍婆許己呂志伊多思保等登芸須多麻爾母我許恵爾安倍奴久手爾麻吉毛知弖安佐欲比爾見都追由可牟乎於伎弖伊加婆乎思
kaki kazwopu putagami yama ni kamusabwite tat eru tuga no kwi moto mo ye mo oyazi tokipa ni pasikiyosi wa ga se no kimi wo asa sara zu apite koto dopi yupu sareba te tadusaparite imidu kapa kiywo ki kaputi ni ide tatite wa ga tati mireba ayu no kaze ita ku si pukeba minatwo ni pa sira nami taka mi tuma ywobu to su dori pa sawaku asi karu to ama no wo bune pa iri ye kogu kadi no oto taka si soko wo si mo ayani tomosi mi sinwopitutu aswobu sakari wo sumyeroki no wosu kuni nareba mikoto moti tati wakareba okure taru kimi pa aredomo tama poko no miti yuku ware pa sira kumo no tanabiku yama wo ipa ne pumi kwoye pyenari naba kwopwisi kyeku ke no naga kye mu so soko mopeba kokoro si ita si pototogisu kowe ni ape nuku tama ni moga te ni maki motite asa ywopi ni mi tutu yuka mu wo okite ikaba wosi
安遠迩与之奈良乎伎波奈礼阿麻射可流比奈爾波安礼登和賀勢故乎見都追志乎礼婆於毛比夜流許等母安利之乎於保伎美乃美許等可之古美乎須久爾能許等登理毛知弖和可久佐能安由比多豆久利無良等理能安佐太知伊奈婆於久礼多流阿礼也可奈之伎多妣爾由久伎美可母孤悲無於毛布蘇良夜須久安良祢婆奈気可久乎等騰米毛可祢低見和多勢婆宇能婆奈夜麻乃保等登芸須祢能未之奈可由安佐疑理能美太流流許己呂許登爾伊泥弖伊波婆由遊思美刀奈美夜麻多牟気能可味爾奴佐麻都里安我許比能麻久波之家夜之吉美賀多太可乎麻佐吉久毛安里多母等保利都奇多多婆等伎毛可波佐受奈泥之故我波奈乃佐可里爾阿比見之米等曾
awo ni yo si nara wo ki panare ama zakaru pina ni pa aredo wa ga sekwo wo mi tutu si woreba omopi yaru koto mo ari si wo opo kimi no mi koto kasikwo mi wosu kuni no koto tori motite waka kusa no ayupi ta dukuri mura tori no asa dati inaba okure taru are ya kanasi ki tabi ni yuku kimi ka mo kwopwi mu omopu swora yasu ku ara neba nagekaku wo todome mo kanete mi wataseba u no pana yama no pototogisu ne nomwi si naka yu asa gwiri no midaruru kokoro koto ni idete ipaba yuyusi mi twonami yama tamuke no kamwi ni nusa maturi a ga kopi nomaku pasikyeyasi kimi ga tadaka wo ma saki ku mo ari ta motopori tukwi tataba toki mo kapasa zu nadesikwo ga pana no sakari ni api mi sime to so
乎加未河伯久礼奈為爾保布乎等売良之葦附等流登湍爾多多須良之
wo kamwi gapa kurenawi nipopu wotomye ra si asi tuki toru to se ni tata su rasi
売比河波能波夜伎瀬其等爾可我里佐之夜蘇登毛乃乎波宇加波多知家里
myepi kapa no paya ki se gotoni kagari sasi ya swo tomonowo pa u kapa tati kyeri
奈呉乃宇美爾布祢之麻志可勢於伎爾伊泥弖奈美多知久夜等見底可敞利許牟
nagwo no umi ni pune simasi kase oki ni idete nami tati ku ya to mi te kapyeri ko mu
奈美多底波奈呉能宇良未爾余流可比乃末奈伎孤悲爾曾等之波倍爾家流
nami tateba nagwo no ura mwi ni yoru kapi no ma na ki kwopwi ni so tosi pa pe ni kyeru
宇能花能佐久都奇多知奴保等登芸須伎奈吉等与米余敷布美多里登母
u no pana no saku tukwi tati nu pototogisu ki naki toyomeyo pupumi tari tomo
高御座安麻乃日継登須賣呂伎能可未能美許登能伎己之乎須久爾能麻保良爾山乎之毛佐波爾於保美等百鳥能来居弖奈久許恵春佐礼婆伎吉乃可奈之母伊豆礼乎可和枳弖之努波无宇能花乃佐久月多弖婆米都良之久鳴保等登芸須安夜女具佐珠奴久麻泥爾比流久良之欲和多之伎気騰伎久其等爾許己呂都呉枳弖宇知奈気伎安波礼能登里等伊波奴登枳奈思
taka mi kura ama no pi tugi to sumyeroki no kamwi no mikoto no kikosi wosu kuni no mapora ni yama wo si mo sapa ni opo mito momo tori no ki wi te naku kowe paru sareba kiki no kanasi mo idure wo ka wakite sinwopa mu u no pana no saku tukwi tateba medurasi ku naku pototogisu ayamye gusa tama nuku madeni piru kurasi ywo watasi kikedo kiku gotoni kokorotugwokite uti nageki apare no tori to ipa nu toki na si
安乎能宇良爾余須流之良奈美伊夜末之爾多知之伎与世久安由乎伊多美可聞
awo no ura ni yosuru sira nami iya masi ni tati siki yose ku ayu wo ita mi kamo
可気麻久母安夜爾加之古思皇神祖乃可見能大御世爾田道間守常世爾和多利夜保許毛知麻為泥許之登吉時支能香久乃菓子乎可之古久母能許之多麻敞礼國毛勢爾於非多知左加延波流左礼婆孫枝毛射都追保登等芸須奈久五月爾波波都波奈乎延太爾多乎理弖乎登女良爾都刀爾母夜里美之路多倍能蘇泥爾毛古伎礼香具播之美於枳弖可良之美安由流実波多麻爾奴伎都追手爾麻吉弖見礼騰毛安加受秋豆気婆之具礼乃雨零阿之比奇能夜麻能許奴礼波久礼奈為爾仁保比知礼止毛多知波奈乃成流其実者比太照爾射夜見我保之久美由気布流冬爾伊多礼婆霜於気騰母其葉毛可礼受常磐奈須伊夜佐加波延爾之可礼許曾神乃御代欲理与呂之奈倍此橘乎等伎自久能可久能木実等名附家良之母
kake maku mo ayani kasikwo si sumyeroki no kami no opomi yo ni tadimamori toko yo ni watari ya poko moti mawi de ko si toki tokizi ku no kaku no ko no mwi wo kasikwo ku mo nokosi tamap yere kuni mo se ni opwi tati sakaye paru sareba pikwo ye moitutu pototogisu naku satukwi ni pa patu pana wo yeda ni ta worite woto mye ra ni tutwo ni mo yari mi sirwo tape no swode ni mo kwok ire ka gupasi mi okite karasi mi ayuru mwi pa tama ni nukitutu te ni makite mi redomo aka zu aki dukeba sigure no ame puri asipikwi no yama no konure pa kurenawi ni nipopi tiredomo tatibana no nar e ru so no mwi pa pita teri ni iya mi gaposi ku mi yuki puru puyu ni itareba simo okedomo so no pa mo kare zu tokipa nasu iya sakabaye ni sikare koso kamwi no mi yo ywori yorosinape ko no tatibana wo tokiziku no kaku no ko no mwi to na duke kye rasi mo
於保支見能末支能末爾末爾等里毛知低都可布流久爾能年内能許登可多祢母知多末保許能美知爾伊天多知伊波祢布美也末古衣野由支弥夜故敞爾末為之和我世乎安良多末乃等之由吉我弊理月可佐祢美奴日佐末祢美故敷流曾良夜須久之安良祢波保止止支須支奈久五月能安夜女具佐余母疑可豆良伎左加美都伎安蘇比奈具礼止射水河雪消溢而逝水能伊夜末思爾乃未多豆我奈久奈呉江能須気能根毛己呂爾於母比武須保礼奈介伎都都安我末川君我許登乎波里可敞利末可利天夏野能佐由利能波奈能花咲爾爾布夫爾恵美天阿波之多流今日乎波自米低鏡奈須可久之都祢見牟於毛我波利世須
opo kimi no maki no manima ni tori motite tukapuru kuni no tosi no uti no koto katane moti tama poko no miti ni ide tati ipa ne pumi yama kwoye nwo yuki miyakwo pye ni mawi si wa ga se wo ara tama no tosi yuki gapyeri tukwi kasane mi nu pi sa mane mi kwopuru sora yasu ku si ara neba pototogisu ki naku satukwi no ayamye gusa yomogwi kaduraki saka miduki aswobi naguredo imidu kapa yuki ke papurite yuku midu no iya masini nomwi tadu ga naku nagwo ye no suge no nemokoro ni omopi musubore nagekitutu a ga matu kimi ga koto wopari kapyeri makarite natu no nwo no sa yuri no pana no pana wemi ni nipubuni wemite apa si taru kyepu wo pazimete kagami nasu kaku si tune mi mu omo gapari se zu
須賣呂伎能之伎麻須久爾能安米能之多四方能美知爾波宇麻乃都米伊都久須伎波美布奈乃倍能伊波都流麻泥爾伊爾之敞欲伊麻乃乎都頭爾万調麻都流都可佐等都久里多流曾能奈里波比乎安米布良受日能可左奈礼婆宇恵之田毛麻吉之波多気毛安佐其登爾之保美可礼由苦曾乎見礼婆許己呂乎伊多美弥騰里児能知許布我其登久安麻都美豆安布芸弖曾麻都安之比奇能夜麻能多乎理爾許能見油流安麻能之良久母和多都美能於枳都美夜敞爾多知和多里等能具毛利安比弖安米母多麻波祢
sumyeroki no siki masu kuni no ame no sita yomo no miti ni pa uma no tume i tukusu kipami puna no pe no i paturu madeni inisipye ywo ima no wotutu ni yorodu tukwi maturu tukasa to tukuri taru so no naripapi wo ame pura zu pi no kasanareba uwe si ta mo maki si patake mo asa gotoni sibomi kare yuku so wo mi reba kokoro wo ita mi midori kwo no ti kopu ga goto ku ama tu midu apugite zo matu asipikwi no yama no tawori ni ko no mi yuru ama no sira kumo watatumi no oki tu miya pye ni tati watari tonogumori apite ame mo tamapane
安麻泥良須可未能御代欲里夜洲能河波奈加爾敞太弖弖牟可比太知蘇泥布利可波之伊吉能乎爾奈気加須古良和多里母理布祢毛麻宇気受波之太爾母和多之弖安良波曾乃倍由母伊由伎和多良之多豆佐波利宇奈我既里為弖於毛保之吉許登母加多良比奈具左牟流許己呂波安良牟乎奈爾之可母安吉爾之安良祢波許等騰比能等毛之伎古良宇都世美能代人和礼毛許己乎之母安夜爾久須之弥往更年乃波其登爾安麻乃波良布里左気見都追伊比都芸爾須礼
ama dera su kamwi no mi yo ywori yasu no kapa naka ni pyedatete mukapi dati swode puri kapasi iki no wo ni nageka su kwo ra watari mori pune mo mauke zu pasi dani mo watasite araba so no pe yu mo i yuki watara si tadusapari unagakeri wite omoposi ki koto mo katarapi nagusamuru kokoro pa ara mu wo nani si ka mo aki ni si ara neba koto dopi no tomosi ki kwo ra utusemi no yo no pito ware mo koko wo si mo ayani kususi mi yuki kaparu tosi no pa gotoni ama no para purisake mi tutu ipi tugi ni sure
夜須能河波許牟可比太知弖等之乃古非気奈我伎古良河都麻度比能欲曾
yasu no kapa komukapi datite tosi no kwopwi ke naga ki kwo ra ga tuma dwopi no ywo so
牟都奇多都波流能波自米爾可久之都追安比之恵美天婆等枳自家米也母
mutukwi tatu paru no pazime ni kaku situtu api si wemi teba tokizi kye me ya mo
春苑紅爾保布桃花下照道爾出立d嬬
paru no sono kurenawi nipopu momo no pana sita deru miti ni ide tatu wotomye
妹之袖我礼枕可牟河湍爾霧多知和多礼左欲布氣奴刀爾
imo ga swode wa re makuraka mu kapa no se ni kwiri tati watare sa ywo puke nu twoni
毎時爾伊夜目都良之久八千種爾草木花左伎喧鳥乃音毛更布耳爾聞眼爾視其等爾宇知嘆之奈要宇良夫礼之努比都追有来波之爾許能久礼能四月之立者欲其母理爾鳴霍公鳥従古昔可多里都藝都流鴬之宇都之眞子可母菖蒲花橘乎嬬良我珠貫麻泥爾赤根刺晝波之賣良爾安之比奇乃八丘飛超夜干玉乃夜者須我良爾暁月爾向而徃還喧等余牟礼杼何如将飽足
toki goto ni iya medurasi ku ya ti kusa ni kusa kwi pana saki naku tori no kowe mo kapara pu mimi ni kiki me ni miru gotoni uti nageki sinaye urabure sinwopitutu ari kyeru pasi ni ko no kure no udukwi si tateba ywo gomori ni naku pototogisu inisipye yu katari tugi turu ugupisu no utusi ma kwo kamo ayamye gusa pana tatibana wo wotomye ra ga tama nuku madeni akane sasu piru pa simyera ni asipikwi no ya tu wo tobi kwoye nubatama no yworu pa sugara ni aka toki no tukwi ni mukapite yuki kapyeri naki toyomuredo ika ni aki dara mu
霍公鳥來喧五月爾咲爾保布花橘乃香吉於夜能御言朝暮爾不聞日麻祢久安麻射可流夷爾之居者安之比奇乃山乃多乎里爾立雲乎余曽能未見都追嘆蘇良夜須家奈久爾念蘇良苦伎毛能乎奈呉乃海部之潜取云眞珠乃見我保之御面多太向将見時麻泥波松柏乃尊安我吉美
pototogisu ki naku satukwi ni saki nipopu pana tatibana no ka gupasi ki oya no mi koto asa yopi ni kika nu pi mane ku ama zakaru pina ni si woreba asipikwi no yama no tawori ni tatu kumo wo yoso nomwi mi tutu nageku swora yasu kye naku ni omopu swora kurusi ki monowo nagwo no ama no kaduki toru to ipu sira tama no mi gaposi mi omowa tada mukapi mi mu toki made pa matu kape no sakaye imasane taputwo ki a ga kimi
和我勢故等手携而暁來者出立向暮去者振放見都追念暢見奈疑之山爾八峯爾波霞多奈婢伎谿敞爾波海石榴花咲宇良悲春之過者霍公鳥伊也之伎喧奴獨耳聞婆不怜毛君与吾隔而戀流礪波山飛超去而明立者松之狭枝爾暮去者向月而菖蒲玉貫麻泥爾鳴等余米安寐不令宿君乎奈夜麻勢
wa ga sekwo to te tadusaparite ake kureba ide tati mukapi yupu sareba purisake mi tutu omopi nobe mi nagwi si yama ni ya tu wo ni pa kasumi tanabiki tani pye pa tubaki pana saki ura ganasi ni paru si sugureba pototogisu iya siki naki nu pito ri nomwi kike ba sabusi mo kimi to are to pyedatete kwopu ru twonami yama tobi kwoye yukite ake tataba matu no sa yeda ni yupu saraba tukwi ni mukapite ayamye gusa tama nuku madeni naki toyome yasu i ne sime zu kimi wo nayamase
舛羅河湍乎尋都追和我勢故波宇可波多多佐祢情奈具左爾
sikura gapa se wo tadune tutu wa ga sekwo pa u kapa tatasane kokoro nagusa ni
桃花紅色爾々保比多流面輪乃宇知爾青柳乃細眉根乎咲麻我理朝影見都追嬬良我手爾取持有眞鏡蓋上山爾許能久礼乃繁谿邊乎呼等余米旦飛渡暮月夜可蘇氣伎野邊遙遙爾喧霍公鳥立久久等羽觸爾知良須藤浪乃花奈都可之美引攀而袖爾古伎礼都染婆染等母
momo no pana kurenawi iro ni nipopi taru omowa no uti ni awo yagwi no poso ki maywo ne wo wemi magari asa kage mi tutu wotomye ra ga te ni tori mot eru maswo kagami putagami yama ni ko no kure no sige ki tani pye wo ywobi toyome asa tobi watari yupu duku ywo kaswoke ki nwo pye ni parwoparwo ni naku pototogisu tati kuku to paburi ni tirasu pudi nami no pana natukasi mi piki yodite swode ni kwok ire tu sima ba simu tomo
月立之日欲里乎伎都追敲自努比麻泥騰伎奈可奴霍公鳥可母
tukwi tati si pi ywori wokitutu uti zinwopi matedo ki naka nu pototogisu kamo
多爾知可久伊敝波乎礼騰母許太加久氐佐刀波安礼騰母保登等藝須伊麻太伎奈加受奈久許恵乎伎可麻久保理登安志多爾波可度爾伊氐多知由布敝爾波多爾乎美和多之古布礼騰毛比等己恵太爾母伊麻太伎己要受
tani tika ku ipye pa woredomo ko daka kute satwo pa aredomo pototogisu imada ki naka zu naku kowe wo kika maku pori to asita ni pa kadwo ni ide tati yupu bye ni pa tani wo mi watasi kwopuredomo pito kowe dani mo imada kikoye zu
古爾有家流和射乃久須婆之伎事跡言継知努乎登古宇奈比壮子乃宇都勢美能名乎競争登玉剋壽毛須底弖相争爾嬬問為家留嬬等之聞者悲左春花乃爾太要盛而秋葉之爾保比爾照有惜身之壮尚大夫之語勞美父母爾啓別而離家海邊爾出立朝暮爾滿來潮之八隔浪爾靡珠藻乃節間毛惜命乎露霜之過麻之爾家礼奥墓乎此間定而後代之聞継人毛伊也遠爾思努比爾勢餘等黄楊小櫛之賀左志家良之生而靡有
inisipye ni ari kyeru waza no kusubasi ki koto to ipi tugu tinu wotokwo unapi wotokwo no utusemi no na wo araswopu to tamakiparu inoti mo sutete araswopi ni tuma dopi si kyeru wotomye ra ga kikeba kanasi sa paru pana no nipoye sakayete aki no pa no nipopi ni ter eru atarasi ki mwi no sakari sura masura wo no koto itapasi mi titi papa ni mawosi wakarete ipye zakari umi bye ni ide tati asa yopi ni miti kuru sipo no ya pye nami ni nabiku tama mo no pusi no ma mo wosi ki inoti wo tuyu simo no sugwi masi ni kyere oku tu kwi wo koko to sadamete noti no yo no kiki tugu pito mo iya topo ni sinwopi ni seyo to tuge wo gusi sika sasi kye rasi opwite nabik yeri
天地之初時従宇都曽美能八十伴男者大王爾麻都呂布物跡定有官爾之在者天皇之命恐夷放國乎治等足日木山河阻風雲爾言者雖通正不遇日之累者思戀氣衝居爾玉桙之道來人之傳言爾吾爾語良久波之伎餘之君者比來宇良佐備弖嘆息伊麻須世間之猒家口都良家苦開花毛時爾宇都呂布宇都勢美毛无常阿里家利足千根之御母之命何如可毛時之波将有乎眞鏡見礼杼母不飽珠緒之惜盛爾立霧之失去如久置露之消去之如玉藻成靡許伊臥逝水之留不得常枉言哉人之云都流逆言乎人之告都流梓弧爪夜音之遠音爾毛聞者悲弥庭多豆水流涕留可祢都母
ame tuti no pazime no toki yu utusomi no ya swo tomo no wo pa opo kimi ni maturwopu mono to sadamar eru tukasa ni si areba opo kimi no mi koto kasikwo mi pina zakaru kuni wo wosamu to asipikwi no yama kapa pyenari kaze kumo ni koto pa kaywopedo tada ni apa zu pi no kasanareba omopi kwopwi ikiduki woru ni tama poko no miti kuru pito no tute koto ni ware ni katar aku pasikiyosi kimi pa ko no koro urasabwite nagekapi imasu yo no naka no u kyeku tura kyeku saku pana mo toki ni uturopu utusemi mo tune na ku ari kyeri taratine no mi papa no mikoto nani si ka mo toki si pa ara mu wo maswo kagami mi redomo aka zu tama no wo no wosi ki sakari ni tatu kwiri no use yuku goto ku oku tuyu no ke nuru ga goto ku tama mo nasu nabiki koi pusi yuku midu no todomwi kane tu to maga koto ya pito no ipi turu oyodure wo pito no tuge turu adusa yumi tuma piku ywo to no topo to ni mo kikeba kanasi mi nipa tadumi nagaruru namita todomwi kane tu mo
鳴鷄者弥及鳴杼落雪之千重爾積許曽吾等立可氐祢
naku tori pa iya siki nake do puru yuki no ti pye ni tume koso ware tati kate ne
虚見都山跡乃國青丹与之平城京師由忍照難波爾久太里住吉乃三津爾舶能利直渡日入國爾所遣和我勢能君乎懸麻久乃由由志恐伎墨吉乃吾大御神舶乃倍爾宇之波伎座船騰毛爾御立座而佐之与良牟礒乃埼埼許藝波底牟泊泊爾荒風浪爾安波世受平久率而可敝理麻世毛等能國家爾
swora mi tu yamato no kuni awo ni yo si nara no miyakwo yu osi teru nanipa ni kudari suminoye no mitu ni puna nori tada watari pi no iru kuni ni tukapa sa ru wa ga se no kimi wo kake maku no yuyusi kasikwo ki suminoye no wa ga opomi kamwi puna no pe ni usipaki imasi puna domo ni mi tati imasite sasi yora mu iswo no saki zaki kogi pate mu tomari tomari ni ara ki kaze nami ni apase zu tapirake ku wite kapyeri mase moto no mikadwo ni
之奈謝可流越爾五箇年住住而立別麻久惜初夜可毛
sinazakaru kwosi ni itu tose sumi sumite tati wakare maku wosi ki yopi kamo
玉桙之道爾出立徃吾者公之事跡乎負而之将去
tama poko no miti ni ide tati yuku ware pa kimi ga kototo wo opite si yuka mu
立而居而待登待可祢伊泥氐來之君爾於是相挿頭都流波疑
tatite wite mate do mati kane idete ko si kimi ni koko ni api kazasi turu pagwi
手束弓手爾取持而朝獦爾君者立之奴多奈久良能野爾
ta tuka yumi te ni tori motite asa kari ni kimi pa tata si nu tanakura no nwo ni
須賣呂伎能御代万代爾如是許曽見為安伎良目米立年之葉爾
sumyeroki no mi yo yorodu yo ni kaku si koso myesi akirame me tatu tosi no pa ni
立別君我伊麻左婆之奇嶋能人者和礼自久伊波比弖麻多牟
tati wakare kimi ga imasaba sikwi sima no pito pa ware zi ku ipapite mata mu
可須美多都春初乎家布能其等見牟登於毛倍波多努之等曾毛布
kasumi tatu paru no pazime wo kyepu no goto mi mu to omopeba tanwosi to so mopu
安吉佐礼婆奇里多知和多流安麻能河波伊之奈弥於可婆都芸弖見牟可母
aki sareba kwiri tati wataru ama no kapa isi nami okaba tugwite mi mu kamo
多可麻刀能秋野乃宇倍能安佐疑里爾都麻欲夫乎之可伊泥多都良武可
takamatwo no aki nwo no upe no asa gwiri ni tuma ywobu wo sika ide tatu ramu ka
阿之可伎能久麻刀爾多知弖和芸毛古我蘇弖母志保保爾奈伎志曾母波由
asikaki no kumatwo ni tatite wagimo kwo ga swode mo sipopo ni naki si so mopa yu
佐伎牟理爾多多牟佐和伎爾伊敞能伊牟何奈流弊伎己等乎伊波須伎奴可母
saki muri ni tata mu sawaki ni ipye no imu ga naru bye ki koto wo ipa zu ki nu kamo
阿志加良能美佐可多麻波理可閇理美須阿例波久江由久阿良志乎母多志夜波婆可流不破乃世伎久江弖和波由久牟麻能都米都久志能佐伎爾知麻利為弖阿例波伊波波牟母呂母呂波佐祁久等麻乎須可閇利久麻弖爾
asikara no mi saka tamapari kaperi mi su are pa kuye yuku ara si wo mo tasi ya pabakaru pupa no seki kuyete wa pa yuku muma no tume tukusi no saki ni timari wite are pa ipapa mu moromoro pa sakye ku to mawosu kaperi ku madeni
祁布与利波可敞里見奈久弖意富伎美乃之許乃美多弖等伊泥多都和例波
kyepu yori pa kapyerimi na kute opo kimi no siko no mi tate to ide tatu ware pa
麻都能気乃奈美多流美礼婆伊波妣等乃和例乎美於久流等多多理之母己呂
matu no ke no nami taru mireba ipa bito no ware wo mi okuru to tat ari si mokoro
都乃久爾乃宇美能奈伎佐爾布奈余曾比多志泥毛等伎爾阿母我米母我母
tu no kuni no umi no nagisa ni puna yosopi tasi de mo toki ni amo ga me moga mo
見和多世婆牟加都乎能倍乃波奈爾保比弖里低多弖流波波之伎多我都麻
mi wataseba muka tu wo no pe no pana nipopi terite tat eru pa pasi ki ta ga tuma
大王乃美己等可之古美都麻和可礼可奈之久波安礼特大夫情布里於許之等里与曾比門出乎須礼婆多良知祢乃波波可伎奈泥若草乃都麻波等里都吉平久和礼波伊波波牟好去而早還来等麻蘇泥毛知奈美太乎能其比牟世比都都言語須礼婆群鳥乃伊泥多知加弖爾等騰己保里可弊里美之都都伊也等保爾國乎伎波奈例伊夜多可爾山乎故要須疑安之我知流難波爾伎為弖由布之保爾船乎宇気須恵安佐奈芸爾倍牟気許我牟等佐毛良布等和我乎流等伎爾春霞之麻未爾多知弖多頭我祢乃悲鳴婆波呂婆呂爾伊弊乎於毛比泥於比曾箭乃曾与等奈流麻泥奈伎吉都流香母
opo kimi no mi koto kasikwo mi tuma wakare kanasi ku pa aredo masura wo no kokoro puri okosi tori yosopi kadwo de wo sureba taratine no papa kaki nade waka kusa no tuma pa tori tuki tapirake ku ware pa ipapa mu ma saki kute paya kapyeri ko to ma swode moti namita wo nogopi musepitutu katarapi sureba mura tori no ide tati kate ni todokopori kapyeri mi situtu iya topo ni kuni wo ki panare iya taka ni yama wo kwoye sugwi asi ga tiru nanipa ni ki wite yupu sipo ni pune wo uke suwe asa nagi ni pe muke koga mu to samorapu to wa ga woru toki ni paru gasumi sima mwi ni tatite tadu ga ne no kanasi ku nake ba paroparo ni ipye wo omopi de opi so ya no soyo to naru made nageki turu kamo
大王乃麻気乃麻爾麻爾嶋守爾和我多知久礼婆波波蘇婆能波波能美許等波美母乃須蘇都美安気可伎奈泥知知能未乃知知能美許等波多久頭努能之良比気乃宇倍由奈美太多利奈気伎乃多婆久可胡自母乃多太比等里之低安佐刀泥乃可奈之伎吾子安良多麻乃等之能乎奈我久安比美受波古非之久安流倍之今日太爾母許等騰比勢武等乎之美都都可奈之備麻世若草之都麻母古騰母毛乎知己知爾左波爾可久美為春鳥乃己恵乃佐麻欲比之路多倍乃蘇泥奈伎奴良之多豆佐波里和可礼加弖爾等比伎等騰米之多比之毛能乎天皇乃美許等可之古美多麻保己乃美知爾出立乎可乃佐伎伊多牟流其等爾与呂頭多妣可弊里見之都追波呂波呂爾和可礼之久礼婆於毛布蘇良夜須久母安良受古布流蘇良久流之伎毛乃乎宇都世美乃与能比等奈礼婆多麻伎波流伊能知母之良受海原乃可之古伎美知乎之麻豆多比伊己芸和多利弖安里米具利和我久流麻泥爾多比良気久於夜波伊麻佐祢都都美奈久都麻波麻多世等須美乃延能安我須賣可未爾奴佐麻都利伊能里麻乎之弖奈爾波都爾船乎宇気須恵夜蘇加奴伎可古等登能倍弖安佐婢良伎和波己芸泥奴等伊弊爾都気己曾
opo kimi no make no manima ni sima mori ni wa ga tati kureba papaswo ba no papa no mikoto pa mi mo no suswo tumi age kaki nade titi no mwi no titi no mikoto pa takudunwo no sira pige no upe yu namita tari nageki notabaku kagwo zimono tada pito ri site asa two de no kanasi ki wa ga kwo ara tama no tosi no wo naga ku api mi zupa kwopwisi ku aru be si kyepu dani mo koto dopi se mu to wosimitutu kanasibwi mase waka kusa no tuma mo kwo domo mo woti koti ni sapa ni kakumi wi paru tori no kowe no sa maywopi sirwo tape no swode naki nurasi tadusapari wakare kate nito piki todome sitapi si monowo opo kimi no mi koto kasikwo mi tama poko no miti ni ide tati woka no saki i tamuru gotoni yorodu tabi kapyeri mi situtu paroparo ni wakare si kureba omopu swora yasu ku mo ara zu kwopuru swora kurusi ki monowo utusemi no yo no pito nareba tamakiparu inoti mo sira zu una para no kasikwo ki miti wo sima dutapi i kogi watarite ari meguri wa ga kuru madeni tapirake ku oya pa imasane tutumi na ku tuma pa mata se to suminoye no a ga sumye kamwi ni nusa maturi inori mawosite nanipa tu ni pune wo uke suwe ya swo ka nuki kakwo totonopete asa biraki wa pa kogi de nu to ipye ni tuge koso
安之我良乃美佐可爾多志弖蘇泥布良婆伊波奈流伊毛波佐夜爾美毛可母
asigara no mi saka ni tasite swode puraba ipa n aru imo pa saya ni mi mo kamo
阿良之乎乃伊乎佐太波佐美牟可比多知可奈流麻之都美伊泥弖登阿我久流
ara si wo no i wo sa da pasami mukapi tati kanarumasidumi idete to a ga kuru
多知之奈布伎美我須我多乎和須礼受波与能可芸里爾夜故非和多里奈無
tati sinapu kimi ga sugata wo wasure zupa yo no kagiri ni ya kwopwi watari na mu
保利江己具伊豆手乃船乃可治都久米於等之婆多知奴美乎波也美加母
pori ye kogu idu te no pune no kadi tukume oto siba tati nu miwo paya mi kamo
武良等里乃安佐太知伊爾之伎美我宇倍波左夜加爾伎吉都於毛比之其等久
mura tori no asa dati ini si kimi ga upe pa sayakani kiki tu omopi si goto ku
武良等里乃安佐太知伊爾之伎美我宇倍波左夜加爾伎吉都於毛比志母乃乎
mura tori no asa dati ini si kimi ga upe pa sayakani kiki tu omopi si monowo
時花伊夜米豆良之母加久之許曾賣之安伎良米俛阿伎多都其等爾
toki no pana iya medurasi mo kaku si koso myesi akirame me aki tatu gotoni
安良多末能等之由伎我敞理波流多多婆末豆和我夜度爾宇具比須波奈家
ara tama no tosi yuki gapyeri paru tataba madu wa ga yadwo ni ugupisu pa nakye
都奇余米婆伊麻太冬奈里之可須我爾霞多奈婢久波流多知奴等可
tukwi yomeba imada puyu nari sikasugani kasumi tanabiku paru tati nu to ka
多加麻刀能努乃宇倍能美也波安礼爾家里多多志志伎美能美与等保曾気婆
takamatwo no nwo no upe no miya pa are ni kyeri tata si si kimi no mi yo toposokeba
多加麻刀能乎能宇倍乃美也波安礼奴等母多多志志伎美能美奈和須礼米也
takamatwo no wo no upe no miya pa are nu tomo tata si si kimi no mi na wasure me ya
夜久毛多都伊豆毛夜弊賀岐都麻碁微爾夜弊賀岐都久流曾能夜弊賀岐袁
ya kumwo tatu idumwo ya pye gaki tuma gomwi ni ya pye gaki tukuru so no ya pye gaki wo
夜知富許能迦微能美許登波夜斯麻久爾都麻麻岐迦泥弖登富登富斯故志能久迩迩佐加志賣遠阿理登岐加志弖久波志賣遠阿理登伎許志弖佐用婆比爾阿理多多斯用婆比迩阿理加用婆勢多知賀遠母伊麻陀登迦受弖淤須比遠母伊麻陀登加泥婆遠登賣能那須夜伊多斗遠淤曾夫良比和何多多勢禮婆比許豆良比和何多多勢禮婆阿遠夜麻迩奴延波那伎奴佐怒都登理岐芸斯波登與牟爾波都登理迦祁波那久宇禮多久母那久那留登理加許能登理母宇知夜米許世泥伊斯多布夜阿麻波勢豆加比許登能加多理其登母許遠婆
yatipoko no kamwi no mikoto pa ya sima kuni tuma maki kanete topodoposi kwosi no kuni ni sakasi mye wo ari to kika site kupasi mye wo ari to kikosite sa ywobapi ni ari tata si ywobapi ni ari kaywopa se tati ga wo mo imada toka zute osupi wo mo imada toka neba wotomye no nasu ya itatwo wo osoburapi wa ga tata s ereba pikodurapi wa ga tata s ereba awo yama ni nuye pa naki nu sa nwo tu tori kigisi pa toyomu nipa tu tori kakye pa naku ureta ku mo naku naru tori ka ko no tori mo uti yame kosene isitapuya amapase dukapi koto no katari goto mo ko woba
奴婆多麻能久路岐美祁斯遠麻都夫佐爾登理與曾比淤岐都登理牟那美流登岐波多多芸母許禮婆布佐波受弊都那美曾迩奴岐宇弖蘇迩杼理能阿遠岐美祁斯遠麻都夫佐迩登理與曾比淤岐都登理牟那美流登岐波多多芸母許母布佐波受弊都那美曾迩奴棄宇弖夜麻賀多爾麻岐斯阿多弖都岐曾米紀賀斯流迩斯米許呂母遠麻都夫佐迩登理與曾比淤岐都登理牟那美流登岐波多多芸母許斯與呂志伊刀古夜能伊毛能美許等牟良登理能和賀牟禮伊那婆比気登理能和賀比気伊那婆那迦士登波那波伊布登母夜麻登能比登母登須須岐宇那加夫斯那賀那加佐麻久阿佐阿米能疑理爾多多牟叙和加久佐能都麻能美許登許登能加多理碁登母許遠婆
nubatama no kurwo ki mi kyesi wo ma tubusa ni tori yosopi oki tu tori muna miru toki patatagi mo kore pa pusapa zu pye tu nami so ni nuki ute swoni dori no awo ki mi kyesi wo ma tubusa ni tori yosopi oki tu tori muna miru toki patatagi mo ko mo pusapa zu pye tu nami so ni nuki ute yam agata ni maki si atate tuki some kwi ga siru ni sime koromo wo ma tubusa ni tori yosopi oki tu tori muna miru toki patatagi mo ko si yorosi itwokwoya no imwo no mikoto mura tori no wa ga mure inaba pike tori no wa ga pike inaba nakazi to pa na pa ipu tomo yamato no pito moto susuki una kabusi na ga naka sa maku asa ame no kwiri ni tata mu zo waka kusa no tuma no mikoto koto no katari goto mo ko woba
宇陀能多加紀爾志芸和那波留和賀麻都夜志芸波佐夜良受伊須久波斯久治良佐夜流古那美賀那許波佐婆多知曾婆能微能那祁久袁許紀志斐恵泥宇波那理賀那許波佐婆伊知佐加紀微能意富久袁許紀陀斐恵泥亜亜志夜胡志夜此者伊能碁布曾阿阿志夜胡志夜此者嘲咲者也
uda no taka kwi ni sigi wana paru wa ga matu ya sigi pa sayara zu isukupasi kudira sayaru kwonami ga na kopa saba tati soba no mwi no na kyeku wo kokwisi pwiwene upanari ga na kopa saba itisaka kwi mwi no opo kyeku wo kokwida pwiwene ee siyakwosiya ko pa inogopu so aa siyakwosiya ko pa azawarapu so
加都賀都母伊夜佐岐陀弖流延袁斯麻加牟
katu gatu mo iya saki dat eru ye wo si maka mu
佐韋賀波用久毛多知和多理宇泥備夜麻許能波佐夜芸奴加是布加牟登須
sawi gapa ywo kumwo tati watari unebwi yama ko no pa sayagi nu kaze puka mu to su
佐泥佐斯佐賀牟能袁怒迩毛由流肥能本那迦迩多知弖斗比斯岐美波母
sanesasi sagamu no wo nwo ni mwoyuru pwi no po naka ni tatite twopi si kimi pa mo
比佐迦多能阿米能迦具夜麻斗迦麻迩佐和多流久毘比波煩曾多和夜賀比那袁麻迦牟登波阿禮波須禮杼佐泥牟登波阿禮波意母閇杼那賀祁勢流意須比能須蘇爾都紀多知迩祁理
pisakata no ame no kagu yama two kama ni sa wataru kubi pipaboso tawaya gapina wo maka mu to pa are pa suredo sa ne mu to pa are pa omopedo na ga kyes eru osupi no suswo ni tukwi tati ni kyeri
多迦比迦流比能美古夜須美斯志和賀意富岐美阿良多麻能登斯賀岐布禮婆阿良多麻能都紀波岐閇由久宇倍那宇倍那岐美麻知賀多爾和賀祁勢流意須比能須蘇爾都紀多多那牟余
taka pikaru pi no mi kwo yasumisisi wa ga opo kimi ara tama no tosi ga ki pureba ara tama no tukwi pa ki pe yuku ube na ube na kimi mati gata ni wa ga kyes eru osupi no suswo ni tukwi tatanamu yo
波斯祁夜斯和岐弊能迦多用久毛韋多知久母
pasikyeyasi wagipye no kata ywo kumwo wi tati ku mo
許能美岐波和賀美岐那良受久志能加美登許余迩伊麻須伊波多多須須久那美迦微能加牟菩岐本岐玖流本斯登余本岐本岐母登本斯麻都理許斯美岐叙阿佐受袁勢佐佐
ko no mi ki pa wa ga mi ki nara zu kusi no kami toko yo ni imasu ipa tata su sukuna mi kamwi no kamu poki poki kuruposi toyo poki poki motoposi maturi ko si mi ki zo asa zu wose sasa
知波夜比登宇遅能和多理迩和多理是迩多弖流阿豆佐由美麻由美伊岐良牟登許許呂波母閇杼伊斗良牟登許許呂波母閇杼母登弊波岐美袁淤母比傅須恵幣波伊毛袁淤母比傅伊良那祁久曾許爾淤母比傅加那志祁久許許爾淤母比傅伊岐良受曾久流阿豆佐由美麻由美
tipayapito udi no watari ni watari ze ni tat eru adusa yumi mayumi i kira mu to kokoro pa mopedo i tora mu to kokoro pa mopedo moto pye pa kimi wo omopi de suwe pye pa imwo wo omopi de irana kyeku soko ni omopi de kanasi kyeku koko ni omopi de i kira zu so kuru adusa yumi mayumi
淤志弖流夜那爾波能佐岐用伊傅多知弖和賀久迩美禮波阿波志摩淤能碁呂志摩阿遅摩佐能志摩母美由佐気都志摩美由
osi teru ya nanipa no saki ywo ide tatite wa ga kuni mireba apasima onogoro sima adimasa no sima mo mi yu saketu sima mi yu
都芸泥布夜夜麻志呂賀波袁迦波能煩理迦波能煩禮婆迦波能倍迩淤斐陀弖流佐斯夫袁佐斯夫能紀斯賀斯多迩淤斐陀弖流波毘呂由都麻都婆岐斯賀波那能弖理伊麻斯芝賀波能比呂理伊麻須波淤富岐美呂迦母
tuginepu ya yamasiro gapa wo kapa nobori wa ga noboreba kapa no pe ni opwi dat eru sasibu wo sasibu no kwi si ga sita ni opwi dat eru pa biro yu tu ma tubaki si ga pana no teri imasi si ga pa no pirori imasu pa opo kimi rokamo
夜多能比登母登須宜波古母多受多知迦阿那牟阿多良須賀波良許登袁許曾須宜波良登伊波米阿多良須賀志賣
yata no pito moto suge pa kwo mota zu tati ka are na mu atara suga para koto wo koso suge para to ipa me atara sugasi mye
加良怒袁志本爾夜岐斯賀阿麻里許登爾都久理加岐比久夜由良能斗能斗那加能伊久理爾布禮多都那豆能紀能佐夜佐夜
karanwo wo sipo ni yaki si ga amari koto ni tukuri kaki piku ya yura no two no two naka no ikuri ni pure tatu nadu no kwi no sayasaya
波迩布邪迦和賀多知美禮婆迦芸漏肥能毛由流伊弊牟良都麻賀伊弊能阿多理
panipu zaka wa ga tati mireba kagirwopwi no mwoyuru ipye mura tuma ga ipye no atari
意富麻弊袁麻弊須久泥賀加那斗加宜加久余理許泥阿米多知夜米牟
opo mapye wo mapye sukune ga kana two kage kaku yori kone ame tati yame mu
許母理久能波都世能夜麻能意富袁爾波波多波理陀弖佐袁袁爾波波多波理陀弖意富袁爾斯那加佐陀賣流淤母比豆麻阿波禮都久由美能許夜流許夜理母阿豆佐由美多弖理多弖理母能知母登理美流意母比豆麻阿波禮
komori ku no patuse no yama no opo wo ni pa pata pari date sa wo wo ni pa pata pari date opo wo ni si naka sadam yeru omopi duma apare tuku yumi no koyaru koyari mo adusa yumi tat eri tat eri mo noti mo tori miru omopi duma apare
久佐加辨能許知能夜麻登多多美許母弊具理能夜麻能許知碁知能夜麻能賀比爾多知邪加由流波毘呂久麻加斯母登爾波伊久美陀気淤斐須恵幣爾波多斯美陀気淤斐伊久美陀気伊久美波泥受多斯美陀気多斯爾波韋泥受能知母久美泥牟曾能淤母比豆麻阿波禮
kusaka bye no koti no yama to tatami komo pyeguri no yama no koti goti no yama no kapi ni tati zakayuru pa biro kuma kasi moto ni pa i kumi dake opwi suwe pye ni pa tasimi dake opwi i kumi dake i kumi pa ne zu tasimi dake tasi ni pa wi ne zu noti mo kumi ne mu so no omopi duma apare
麻岐牟久能比志呂乃美夜波阿佐比能比傅流美夜由布比能比賀気流美夜多気能泥能泥陀流美夜許能泥能泥婆布美夜夜本爾余志伊岐豆岐能美夜麻紀佐久比能美加度爾比那閇夜爾淤斐陀弖流毛毛陀流都紀賀延波本都延波阿米袁淤弊理那加都延波阿豆麻袁淤弊理志豆延波比那袁淤弊理本都延能延能宇良婆波那加都延爾淤知布良婆閇那加都延能延能宇良婆波斯毛都延淤知布良婆閇斯豆延能延能宇良婆波阿理岐奴能美弊能古賀佐佐賀世流美豆多麻宇岐爾宇岐志阿夫良淤知那豆佐比美那許袁呂許袁呂爾許斯母阿夜爾加志古志多加比加流比能美古許登能加多理碁登母許袁婆
makimuku no pi siro no miya pa asa pi no pi deru miya yupu pi no pi gakeru miya take no ne no ne daru miya ko no ne no ne bapu miya ya po ni yo si i kiduki no miya ma kwi saku pi no mi kadwo nipi nape ya ni opwi dat eru mwomwo daru tukwi ga ye pa potu ye pa ame wo op yeri naka tu ye pa aduma wo op yeri sidu ye pa pina wo op yeri potu ye no ye no ura ba pa naka tu ye ni oti purabape naka tu ye no ye no ura ba pa simwo tu ye ni oti purabape sidu ye no ye no ura ba pa arikinu no mi pye no kwo ga sasagas eru midu tama uki ni uki si abura oti nadusapi mina koworokoworo ni ko si mo ayani kasikwo si taka pikaru pi no mi kwo koto no katari goto mo ko woba
夜麻登能許能多気知爾古陀加流伊知能都加佐爾比那閇夜爾淤斐陀弖流波毘呂由都麻都婆岐曾賀波能比呂理伊麻志曾能波那能弖理伊麻須多加比迦流比能美古爾登余美岐多弖麻都良勢許登能加多理碁登母許袁婆
yamato no ko no taketi ni kwo dakaru iti no tukasa nipi nape ya ni opwi dat eru pa biro yu tu ma tubaki so ga pa no pirori imasi so no pana no teri imasu taka pikaru pi no mi kwo ni toyo mi ki tate matura se koto no katari goto mo ko woba
夜須美斯志和賀淤富岐美能阿佐斗爾波伊余理陀多志由布斗爾波伊余理陀多須和岐豆紀賀斯多能伊多爾母賀阿世袁
yasumisisi wa ga opo kimi no asa two ni pa i yori data si si yupu two ni pa i yori data su wakidukwi ga sita no ita ni moga ase wo
意富岐美能許許呂袁由良美淤美能古能夜弊能斯婆加岐伊理多多受阿理
opo kimi no kokoro wo yura mi omi no kwo no ya pye no siba kaki iri tata zu ari
斯本勢能那袁理袁美禮婆阿蘇毘久流志毘賀波多傅爾都麻多弖理美由
sipo se no na wori wo mireba aswobi kuru sibi ga patade ni tuma tat eri miyu
夜句茂多莵伊弩毛夜覇餓岐莵磨語味爾夜覇餓枳莵倶盧贈廼夜覇餓岐廻
ya kumo tatu idumo ya pye gaki tuma gome ni ya pye gaki tukuru so no ya pye gaki wo
椰勾毛多莵伊頭毛多鶏流餓波鶏流多知莵頭邏佐波磨枳佐微那辞珥阿波礼
ya kumo tatu idumo takyeru ga pak yeru tati tudura sapa maki sa mwi na si ni apare
波辞枳予辞和芸幣能伽多由区毛位多知区暮
pasikiyosi wagipye no kata yu kumo wi tati ku mo
虚能弥企破和餓弥企那羅儒区之能伽弥等虚予珥伊麻輸伊破多多須周玖那弥伽未能等予保枳保枳茂苔陪之訶武保枳保枳玖流保之摩莵利虚辞弥企層阿佐孺塢齊佐佐
ko no mi ki pa wa ga mi ki nara zu kusi no kami toko yo ni imasu ipa tata su sukuna mi kamwi no toyo poki poki motoposi kamu poki poki kuruposi maturi ko si mi ki so asa zu wose sasa
訶羅怒烏之褒珥椰枳之餓阿摩離虚等珥莵句離訶枳譬句椰由羅能斗能斗那訶能異句離珥敷例多莵那豆能紀能佐椰佐椰
kara nwo wo sipo ni yaki si ga amari koto ni tukuri kaki piku ya yura no two no two naka no ikuri ni pure tatu nadu no kwi no sayasaya
知破椰臂等于泥能和多利珥和多利涅珥多低屡阿豆瑳由瀰摩由瀰伊枳羅牟苔虚虚呂破望閇耐伊斗羅牟苔虚虚呂破望閇耐望苔弊破枳瀰烏於望臂涅須慧弊破伊暮烏於望比涅伊羅那鶏区曾虚珥於望比伽那志鶏区虚虚珥於望臂伊枳羅儒層区屡阿豆瑳由瀰摩由瀰
tipayapito udi no watari ni watari de ni tat eru adusa yumi mayumi i kira mu to kokoro pa mopedo i twora mu to kokoro pa mopedo moto pye pa kimi wo omopi de suwe pye pa imo wo omopi de irana kyeku soko ni omopi kanasi kyeku koko ni omopi i kira zu so kuru adusa yumi mayumi
莵芸泥赴揶莽之呂餓波烏箇破能朋利碗餓能朋例麼箇波区莽珥多知瑳介喩屡毛毛多羅儒揶素麼能紀破於朋耆瀰呂介茂
tuginepu yamasiro gapa wo kapa nobori wa ga noboreba kapa kuma ni tati sakayuru momo tara zu ya swo ba no kwi pa opo kimi rokamo
於朋摩幣烏摩幣輸区泥餓訶那杜加礙訶区多智予羅泥阿梅多知夜梅牟
opo mapye wo mapye sukune ga kana two kage kaku tati yorane ame tati yame mu
飫瀰能古簸多倍能波伽摩鳴那那陛鳴糸爾播爾陀陀始諦阿遥比那陀須暮
omi no kwo pa tape no pakama wo nana pye wosi nipa ni tata site aywopi nadasu mo
野麼等能鳴武羅能陁該儞之之符須登柂例柯擧能居登飫裒磨陛儞麻鳴須飫裒枳瀰賊據鳴枳舸斯題柂磨磨枳能阿娯羅儞陁陁伺絁都魔枳能阿娯羅儞陁陁伺斯斯磨都登倭我伊麻西麼佐謂麻都登倭我陁陁西麼陁倶符羅爾阿武柯枳都枳曾能阿武鳴婀枳豆波野倶譬波賦武志謀飫裒枳瀰儞麼都羅符儺我柯陁播於柯武婀岐豆斯麻野麻登
yamato no womura no take ni sisi pusu to tare ka ko no koto opo mapye ni mawosu opo kimi pa soko wo kika site tama maki no agwora ni tata si situmaki no agwora ni tata si sisi matu to wa ga imaseba sa wi matu to wa ga tata seba takupura ni amu kaki tuki so no amu wo akidu paya kupi papu musi mo opo kimi ni maturapu na ga kata pa oka mu akidu sima yamato
野麼等能鳴武羅能陁該儞之之符須登柂例柯擧能居登飫裒磨陛儞麻鳴須飫裒枳瀰賊據鳴枳舸斯題柂磨磨枳能阿娯羅儞伊麻司絁都魔枳能阿娯羅儞陁陁伺斯斯磨都登倭我伊麻西麼佐謂麻都登倭我陁陁西麼陁倶符羅爾阿武柯枳都枳曾能阿武鳴婀枳豆波野倶譬波賦武志謀舸矩能御等儺儞於婆武登蘇羅瀰豆野麻等能矩儞鳴婀岐豆斯麻登以符
yamato no womura no take ni sisi pusu to tare ka ko no koto opo kimi ni mawosu opo kimi pa soko wo kika site tama maki no agwora ni imasi situmaki no agwora ni tata si sisi matu to wa ga imaseba sa wi matu to wa ga tata seba takupura ni amu kaki tuki so no amu wo akidu paya kupi papu musi mo kaku no goto na ni opa mu to swora mitu yamato no kuni wo akidu sima to ipu
伊儺武斯盧可簸泝比野儺擬寐逗愈凱磨儺弭企於己陀智曾能泥播宇世儒
inamusiro kapa swopi yanagwi midu yukeba nabiki okwi tati so no ne pa use zu
之褒世能儺鳴理鳴弥黎麼阿蘇寐倶屡思寐我簸多泥爾都麻陀低理弥喩
sipose no na wori wo mireba aswobi kuru sibi ga patade ni tuma tat eri miyu
之褒世弥儺斗弥黎麼阿蘇寐倶屡思寐我簸多泥爾都麻陀低理弥喩
minatwo na wori wo mireba aswobi kuru sibi ga patade ni tuma tat eri miyu
飫褒陀致鳴多黎播枳多致低農可儒登慕須衛娑陀志低謀阿波夢登茹於謀賦
opo tati wo tare paki tatite nuka zu tomo suwe patasite mo apa mu to zo omopu
荳母唎矩能簸覩細能可波由那峨例倶屡駄開能以矩美娜開余襄開謨等陛鳴麼荳等爾都倶唎須衛陛鳴麼府曳爾都倶唎符企儺須美母慮我紆陪爾能朋梨陀致倭我弥細麼都奴娑播符以簸例能伊開能美那矢駄府紆鳴謨紆陪爾堤堤那皚矩野須美矢矢倭我於朋枳美能於魔細屡娑佐羅能美於寐能武須弥陀例駄例夜矢比等母紆陪爾泥堤那皚矩
komori ku no patuse no kapa yu nagare kuru take no i kumi dake yo dake moto pye woba koto ni tukuri suwe pye woba puye ni tukuri puki nasu mimoro ga upe ni nobori tati wa ga mi seba tunusapapu ipare no ike no minasitapu uwo mo upe n idete nageku yasumisisi wa ga opo kimi no oba s eru sasara no mi obi no musubi tare tare ya si pito mo upe n idete nageku
柯羅倶爾能基能陪爾陀致底於譜磨故幡比例甫囉須母耶魔等陛武岐底
kara kuni no kwi no pe ni tatite opobakwo pa pire pura su mo yamato pye mukite
柯羅倶爾能基能陪儞陁陁志於譜磨故幡比礼甫羅須彌喩那儞婆陛武岐底
kara kuni no kwi no pe ni tata si opobakwo pa pire pura su miyu nanipa pye mukite
夜酒瀰志斯和餓於朋耆瀰能訶勾理摩須阿摩能椰蘇河礙異泥多多須瀰蘇羅烏瀰礼麼豫呂豆余珥訶勾志茂餓茂知余珥茂訶勾志茂餓茂知余珥茂訶勾志茂餓茂訶志胡瀰弖莵伽倍摩都羅武烏呂餓瀰弖莵伽倍摩都羅武宇多豆紀磨都流
yasumisisi wa ga opo kimi no kakuri masu ama no ya swo kage ide tata su mi swora wo mireba yorodu yo ni kaku si moga mo ti yo ni mo kaku si moga mo ti yo ni kaku si moga mo kasikwomite tukape matu ramu worogamite tukape matu ramu uta duki maturu
武舸都烏爾陁底屢制口羅我儞古泥擧曾倭我底烏騰羅毎柂我佐基泥佐基泥曾母野倭我底騰羅須謀野
muka tu wo ni tat eru se ra ga nikwo de koso wa ga te wo tora me ta ga sakwide sakwide so mo ya wa ga te tora su mo ya
伊磨紀那屢乎武例我禹杯爾倶謨娜尼母旨屢倶之多多婆那爾柯那皚柯武
imakwi n aru mure ga upe ni kumo dani mo siru ku si tataba nani ka nageka mu
宇志呆爾波多多牟止伊閇止奈西乃古何夜蘇志麻加久理和乎弥佐婆志理之
usipo ni pa tata mu to ipedo na se no kwo ga ya swo sima kakuri wa wo mi saba siri si
等許余弊爾久母多智和多留美頭能睿能宇良志麻能古賀許等母知和多流
toko yo pye ni kumo tati wataru midunoye no urasima no kwo ga koto moti wataru
等許与弊爾久母多知和多留多麻久志義波都賀爾阿気志和礼曾加奈志企
toko yo pye ni kumo tati wataru tama kusige patuka ni ake si ware zo kanasi ki
阿麻能波良布理佐兼美礼婆加須美多智伊弊治麻止比天由久弊志良受母
ama no para purisake mireba kasumi tati ipye di madwopite yuku pye sira zu mo
麻須羅遠能佐都夜多波佐美牟加比多知伊流夜麻度加多波麻乃佐夜気佐
masura wo no satu ya ta basami mukapi tati iru ya matwokata pama no sayake sa
麻須良乎乃須須美佐岐多知布賣留阿止乎美都都志乃波牟多太爾阿布麻弖爾麻佐爾阿布麻弖爾
masura wo no susumi saki tati pum yeru ato wo mitutu sinopa mu tada ni apu madeni masani apu madeni
乎止賣良爾乎止古多智蘇比布美奈良須爾詩乃美夜古波与呂豆与乃美夜
wotomye ra ni wotokwo tati swopi pumi narasu nisi no miyakwo pa yorodu yo no miya
National Institute for Japanese Language and Linguistics (2021) “Oxford-NINJAL Corpus of Old Japanese” https://oncoj.ninjal.ac.jp/ (accessed 15 August 2026)
fd34a1b284c5dd1e8008df9d3abcb28cfaf464bf