ONCOJ語彙素
複合語内部の出現も数えます。表記種別はONCOJが音節ごとに与える注釈によります。
八隅知之我大王乃朝庭取撫賜夕庭伊縁立之御執乃梓弓之奈加弭乃音為奈利朝猟爾今立須良思暮猟爾今他田渚良之御執能梓弓之奈加弭乃音為奈里
yasumisisi wa go opo kimi no asita ni pa tori nade tamapi yupu pye ni pa i yori tata si si mitorasi no adusa no yumi no naka pazu no oto su nari asa gari ni ima tata su rasi yupu gari ni ima tata su rasi mitorasi no adusa no yumi no naka pazu no oto su nari
玉尅春内乃大野爾馬數而朝布麻須等六其草深野
tamakiparu uti no opo nwo ni uma namete asa puma su ramu so no kusa puka nwo
霞立長春日乃晩家流和豆肝之良受村肝乃心乎痛見奴要子鳥卜歎居者珠手次懸乃宜久遠神吾大王乃行幸能山越風乃獨座吾衣手爾朝夕爾還比奴礼婆大夫登念有我母草枕客爾之有者思遣鶴寸乎白土網能浦之海處女等之焼塩乃念曽所焼吾下情
kasumi tatu naga ki paru pi no kure ni kyeru waduki mo sira zu mura kimo no kokoro wo ita mi nuye kwo tori ura nake woreba tama ta suki kake no yorosi ku topo tu kamwi wa go opo kimi no ide masi no yama kwosu kaze no pito ri woru wa ga koromo de ni asa yopi ni kapyera pi nureba masura wo to omop yeru ware mo kusa makura tabi ni si areba omopi yaru taduki wo sira ni ami no ura no ama wotomye ra ga yaku sipo no omopi so yakuru wa ga sita gokoro
打麻乎麻續王白水郎有哉射等籠荷四間乃珠藻苅麻須
uti swo wo womi no opo kimi ama na re ya iragwo no si ma no tama mo kari masu
玉手次畝火之山乃橿原乃日知之御世従阿礼座師神之盡樛木乃弥継嗣爾天下所知食之乎天爾満倭乎置而青丹吉平山乎超何方御念食可天離夷者雖有石走淡海國乃樂浪乃大津宮爾天下所知食兼天皇之神之御言能大宮者此間等雖聞大殿者此間等雖云春草之茂生有霞立春日之霧流百礒城之大宮處見者悲毛
tama ta suki unebwi no yama no kasipara no piziri no mi yo yu are masi si kamwi no kotogoto tuga no kwi no iya tugitugi ni ame no sita sira si myesi si wo swora ni mitu yamato wo okite awo ni yo si nara yama wo kwoye ika sama ni omoposi myese ka ama zakaru pina ni pa aredo ipa basiru apumi no kuni no sasanami no opotu no miya ni ame no sita sira si myesi kye mu sumyeroki no kamwi no mikoto no opo miya pa koko to kikedomo opo tono pa koko to ipedomo paru kusa no sige ku opwi taru kasumi tati paru pi no kwir e ru momo sikwi no opo miya tokoro mireba kanasi mo
玉手次畝火之山乃橿原乃日知之自宮阿礼座師神之盡樛木乃弥継嗣爾天下所知食来虚見倭乎置青丹吉平山越而何方所念計米可天離夷者雖有石走淡海國乃樂浪乃大津宮爾天下所知食兼天皇之神之御言能大宮者此間等雖聞大殿者此間等雖云春草之茂生有霞立春日香霧流夏草香繁成奴留百礒城之大宮處見者左夫思毛
tama ta suki unebwi no yama no kasipara no piziri no miya yu are masi si kamwi no kotogoto tuga no kwi no iya tugitugi ni ame no sita sira si myesi kyeru swora mitu yamato wo oki awo ni yo si nara yama kwoyete ika sama ni omoposi kye me ka ama zakaru pina ni pa aredo ipa basiru apumi no kuni no sasanami no opotu no miya ni ame no sita sira si myesi kye mu sumyeroki no kamwi no mikoto no opo miya pa koko to kikedomo opo tono pa koko to ipedomo paru kusa no sige ku opwi taru kasumi tati paru pi ka kwir e ru natu kusa ka sige ku nari nuru momo sikwi no opo miya tokoro mireba sabusi mo
樂浪之思賀乃辛碕雖幸有大宮人之船麻知兼津
sasanami no siga no kara saki saki ku aredo opo miya pito no pune mati kane tu
左散難弥乃志我能大和太與杼六友昔人二亦母相目八毛
sasanami no siga no opo wada yodomu tomo mukasi no pito ni mata mo apa me ya mo
左散難弥乃比良乃大和太與杼六友昔人二将會跡母戸八
sasanami no pira no opo wada yodomu tomo mukasi no pito ni apa mu to mope ya
八隅知之吾大王之所聞食天下爾國者思毛澤二雖有山川之清河内跡御心乎吉野乃國之花散相秋津乃野邊爾宮柱太敷座波百礒城乃大宮人者船並弖旦川渡舟競夕河渡此川乃絶事奈久此山乃弥高思良珠水激瀧之宮子波見礼跡不飽可問
yasumisisi wa go opo kimi no kikosi myesu ame no sita ni kuni pa si mo sapa ni aredomo yama kapa no kiywo ki kaputi to mi kokoro wo yosinwo no kuni no pana tirapu akidu no nwo pye ni miya basira putwo siki mase ba momo sikwi no opo miya pito pa pune name te asa kapa watari puna gipopi yupu kapa wataru ko no kapa no tayuru koto na ku ko no yama no iya taka sira su midu tagitu taki no miyakwo pa mi redo aka nu kamo
安見知之吾大王神長柄神佐備世須登芳野川多藝津河内爾高殿乎高知座而上立國見乎為勢婆疊付青垣山山神乃奉御調等春部者花挿頭持秋立者黄葉頭刺理逝副川之神母大御食爾仕奉等上瀬爾鵜川乎立下瀬爾小網刺渡山川母依弖奉流神乃御代鴨
yasumisisi wa go opo kimi kamu nagara kamu sabwi sesu to yosinwo kapa tagitu kaputi ni taka tono wo taka siri masite nobori tati kuni mi wo se seba tatanaparu awo kaki yama yama tu mi no maturu mi tukwi to paru bye pa pana kazasi moti aki tateba momiti kazas e ri yuki swopu kapa no kamwi mo opomi ke ni tukape maturu to kami tu se ni u kapa wo tati simo tu se ni sade sasi watasu yama kapa mo yori te tukapu ru kamwi no mi yo kamo
安見知之吾大王神長柄神佐備世須登芳野川多藝津河内爾高殿乎高知座而上立國見乎為勢婆疊付青垣山山神乃奉御調等春部者花挿頭持秋立者黄葉加射之逝副川之神母大御食爾仕奉等上瀬爾鵜川乎立下瀬爾小網刺渡山川母依弖奉流神乃御代鴨
yasumisisi wa go opo kimi kamu nagara kamu sabwi sesu to yosinwo kapa tagitu kaputi ni taka tono wo taka siri masite nobori tati kuni mi wo se seba tatanaparu awo kaki yama yama tu mi no maturu mi tukwi to paru bye pa pana kazasi moti aki tateba momiti ba kazasi yuki swopu kapa no kamwi mo opomi ke ni tukape maturu to kami tu se ni u kapa wo tati simo tu se ni sade sasi watasu yama kapa mo yori te tukapu ru kamwi no mi yo kamo
釼著手節乃埼二今日毛可母大宮人之玉藻苅良武
kusiro tuku tapusi no saki ni kyepu mo ka mo opo miya pito no tama mo karu ramu
八隅知之吾大王高照日之皇子神長柄神佐備世須等太敷為京乎置而隠口乃泊瀬山者真木立荒山道乎石根禁樹押靡坂鳥乃朝越座而玉限夕去来者三雪落阿騎乃大野爾旗須為寸四能乎押靡草枕多日夜取世須古昔念而
yasumisisi wa go opo kimi taka terasu pi no mi kwo kamu nagara kamu sabwi sesu to putwo sika su miyakwo wo okite komori ku no patuse no yama pa ma kwi tatu ara ki yama di wo ipa ga ne sape kwi osi nabe saka tori no asa kwoye masite tama kagiru yupu sari kureba mi yuki puru akwi no opo nwo ni pata susuki sino wo osi nabe kusa makura tabi yadori sesu inisipye omopite
八隅知之吾大王高照日乃皇子荒妙乃藤原我宇倍爾食國乎賣之賜牟登都宮者高所知武等神長柄所念奈戸二天地毛縁而有許曽磐走淡海乃國之衣手能田上山之真木佐苦檜乃嬬手乎物乃布能八十氏河爾玉藻成浮倍流礼其乎取登散和久御民毛家忘身毛多奈不知鴨自物水爾浮居而吾作日之御門爾不知國依巨勢道従我國者常世爾成牟圖負留神龜毛新代登泉乃河爾持越流真木乃都麻手乎百不足五十日太爾作泝須良牟伊蘇波久見者神随爾有之
yasumisisi wa go opo kimi taka terasu pi no mi kwo ara tape no pudipara ga upe ni wosu kuni wo myesi tamapa mu to mi araka pa taka sira sa mu to kamu nagara omoposu nabeni ame tuti mo yorite are koso ipa basiru apumi no kuni no koromo de no tanakami yama no ma kwi saku pi no tumade wo mononopu no ya swo udi kapa ni tama mo nasu uka be nagas e re so wo toru to sawaku mi tami mo ipye wasure mwi mo tana sira zu kamo zimono midu ni uki wite wa ga tukuru pi no mikadwo ni sira nu kuni yosi kose di ywori wa ga kuni pa toko yo ni nara mu pumi op ye ru ayasi ki kame mo arata yo to idumi no kapa ni moti kwos e ru ma kwi no tumade wo momo tara zu ikada ni tukuri nobo su ramu iswopaku mireba kamu nagara na ra si
八隅知之和期大王高照日之皇子麁妙乃藤井我原爾大御門始賜而埴安乃堤上爾在立之見之賜者日本乃青香具山者日經乃大御門爾春山跡之美佐備立有畝火乃此美豆山者日緯能大御門爾弥豆山跡山佐備伊座耳為之青菅山者背友乃大御門爾宣名倍神佐備立有名細吉野乃山者影友乃大御門従雲居爾曽遠久有家留高知也天之御蔭天知也日之御影乃水許曽婆常爾有米御井之清水
yasumisisi wa go opo kimi taka terasu pi no mi kwo ara tape no pudiwi ga para ni opo mikadwo pazime tamapite paniyasu no tutumi no upe ni ari tata si mye si tamapeba yamato no awo kagu yama pa pi no tate no opo mikadwo ni paru yama to simisabwi tat eri unebwi no ko no midu yama pa pi no yoko no opo mikadwo ni midu yama to yama sabwi imasu miminasi no awo suga yama pa so tomo no opo mikadwo ni yorosi nape kamu sabwi tat eri na kupasi yosinwo no yama pa kage tomo no opo mikadwo yu kumo wi ni so topo ku ari kyeru taka siru ya ame no mi kage ame siru ya pi no mi kage no midu kosoba tokosipeni ara me mi wi no ma simidu
藤原之大宮都加倍安礼衝哉處女之友者乏吉呂賀聞
pudipara no opo miya tukape aretugu ya woto mye ga tomo pa tomosi ki rokamo
大夫之鞆乃音為奈利物部乃大臣楯立良思母
masura wo no tomo no oto su nari mononopu no opo mapye tu kimi tate tatu rasi mo
吾大王物莫御念須賣神乃嗣而賜流吾莫勿久爾
wa go opo kimi mono na omoposi sumye kamwi no tugite tamap ye ru ware na kye na ku ni
天皇乃御命畏美柔備爾之家乎擇隠國乃泊瀬乃川爾舼浮而吾行河乃川隈之八十阿不落万段顧為乍玉桙乃道行晩青丹吉楢乃京師乃佐保川爾伊去至而我宿有衣乃上従朝月夜清爾見者栲乃穂爾夜之霜落磐床等川之水凝冷夜乎息言無久通乍作家爾千代二手来座多公与吾毛通武
opo kimi no mikoto kasikwo mi niki bwi ni si ipye wo oki komori ku no patuse no kapa ni pune ukete wa ga yuku kapa no kapa kuma no ya swo kuma oti zu yorodu tabi kapyeri mi situtu tama poko no miti yuki kurasi awo ni yo si nara no miyakwo no sapo gapa ni i yuki itarite wa ga ne taru koromo no upe yu asa duku ywo sayaka ni mireba tape no po ni yworu no simo puri ipa toko to kapa no midu kori samu ki ywo wo yasumu koto na ku kaywopitutu tukur eru ipye ni ti yo madeni ki mase opo kimi yo ware mo kaywopa mu
妹之家毛継而見麻思乎山跡有大嶋嶺爾家母有猿尾
imo ga ipye mo tugite mi masi wo yamato n aru opo sima no ne ni ipye mo ara masi wo
妹之當継而毛見武爾山跡有大嶋嶺爾家居麻之乎
imo ga atari tugite mo mi mu ni yamato n aru opo sima no ne ni ipye wora masi wo
吾里爾大雪落有大原乃古爾之郷爾落巻者後
wa ga satwo ni opo yuki pur eri opopara no puri ni si satwo ni pura maku pa noti
大船之津守之占爾将告登波益為爾知而我二人宿之
opo bune no tu mori ga ura ni nora mu to pa masasini sirite wa ga puta ri ne si
大名兒彼方野邊爾苅草乃束之間毛吾忘目八
opo nakwo wo woti kata nwo pye ni karu kaya no tuka no apida mo ware wasure me ya
大船之泊流登麻里能絶多日二物念痩奴人能兒故爾
opo bune no patu ru tomari no tayu tapi ni mono mopi yase nu pito no kwo yuwe ni
角障經石見之海乃言佐敝久辛乃埼有伊久里爾曽深海松生流荒礒爾曽玉藻者生流玉藻成靡寐之兒乎深海松乃深目手思騰左宿夜者幾毛不有延都多乃別之来者肝向心乎痛念乍顧為騰大舟之渡乃山之黄葉乃散之乱爾妹袖清爾毛不見嬬隠有屋上乃山乃自雲間渡相月乃雖惜隠比来者天傳入日刺奴礼大夫跡念有吾毛敷妙乃衣袖者通而沾奴
tunwosapapu ipami no umi no koto sapyeku kara no saki n aru ikuri ni so pukamiru opu ru ariswo ni so tama mo pa opu ru tama mo nasu nabiki ne si kwo wo pukamiru no puka mete omopedo sa ne si ywo pa ikuda mo ara zu papu tuta no wakare si kureba kimo mukapu kokoro wo ita mi omopitutu kapyeri mi sure do opo bune no watari no yama no momiti ba no tiri no magapi ni imo ga swode saya ni mo mi ye zu tuma gomoru yakami no yama no kumo ma ywori watarapu tukwi no wosi kyedomo kakurwo pi kureba ama tutapu iri pi sasi nure masura wo to omop yeru ware mo siki tape no koromo no swode pa toporite nure nu
角障經石見之海乃言佐敝久辛乃埼有伊久里爾曽深海松生流荒礒爾曽玉藻者生流玉藻成靡寐之兒乎深海松乃深目手思騰左宿夜者幾毛不有延都多乃別之来者肝向心乎痛念乍顧為騰大舟之渡乃山之黄葉乃散之乱爾妹袖清爾毛不見嬬隠有室上山乃自雲間渡相月乃雖惜隠比来者天傳入日刺奴礼大夫跡念有吾毛敷妙乃衣袖者通而沾奴
tunwosapapu ipami no umi no koto sapyeku kara no saki n aru ikuri ni so pukamiru opu ru ariswo ni so tama mo pa opu ru tama mo nasu nabiki ne si kwo wo pukamiru no puka mete omopedo sa ne si ywo pa ikuda mo ara zu papu tuta no wakare si kureba kimo mukapu kokoro wo ita mi omopitutu kapyeri mi sure do opo bune no watari no yama no momiti ba no tiri no magapi ni imo ga swode saya ni mo mi ye zu tuma gomoru murwokami yama no kumo ma ywori watarapu tukwi no wosi kyedomo kakurwo pi kureba ama tutapu iri pi sasi nure masura wo to omop yeru ware mo siki tape no koromo no swode pa toporite nure nu
天原振放見者大王乃御壽者長久天足有
ama no para purisake mireba opo kimi no mi inoti pa naga ku ama tara si tari
八隅知之吾期大王乃大御船待可将戀四賀乃辛埼
yasumisisi wa go opo kimi no opomi pune mati ka kwopu ramu siga no kara saki
神樂浪乃大山守者為誰可山爾標結君毛不有國
sasanami no opo yama mori pa ta ga tame ka yama ni sime yupu kimi mo ara na ku ni
八隅知之和期大王之恐也御陵奉仕流山科乃鏡山爾夜者毛夜之盡晝者母日之盡哭耳呼泣乍在而哉百礒城乃大宮人者去別南
yasumisisi wa go opo kimi no kasikwo ki ya mi paka tukapu ru yamasina no kagami no yama ni yworu pa mo ywo no kotogoto piru pa mo pi no kotogoto ne nomwi wo nakitutu arite ya momo sikwi no opo miya pito pa yuki wakare na mu
八隅知之我大王之暮去者召賜良之明来者問賜良志神岳乃山之黄葉乎今日毛鴨問給麻思明日毛鴨召賜萬旨其山乎振放見乍暮去者綾哀明来者裏佐備晩荒妙乃衣之袖者乾時文無
yasumisisi wa go opo kimi no yupu sareba myesi tamapu rasi ake kureba twopi tamapu rasi kamiwoka no yama no momiti wo kyepu mo ka mo twopi tamapa masi asu mo ka mo myesi tamapa masi so no yama wo purisake mitutu yupu sareba aya ni kanasibwi ake kureba ura sabwi kurasi ara tape no koromo no swode pa puru toki mo na si
明日香能清御原乃宮爾天下所知食之八隅知之吾大王高照日之皇子何方爾所念食可神風乃伊勢能國者奥津藻毛靡足波爾塩氣能味香乎礼流國爾味凝文爾乏寸高照日之御子
asuka no kiywomipara no miya ni ame no sita sira si myesi si yasumisisi wa go opo kimi taka terasu pi no mi kwo ika sama ni omoposi myese ka kamu kaze no ise no kuni pa oki tu mo mo nabiki si nami ni sipo ke nomwi kawor eru kuni ni umakori ayani tomosi ki taka terasu pi no mi kwo
天地之初時久堅之天河原爾八百萬千萬神之神集々座而神分々之時爾天照日女之命天乎婆所知食登葦原乃水穂之國乎天地之依相之極所知行神之命等天雲之八重掻別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神上々座奴吾王皇子之命乃天下所知食世者春花之貴在等望月乃満波之計武跡天下四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗其故皇子之宮人行方不知毛
ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasite kamu pakari pakari si toki ni ama tera su pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kaki wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu agari agari imasi nu wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to ame no sita yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru soko yuwe ni mi kwo no miya pito yuku pye sira zu mo
天地之初時久堅之天河原爾八百萬千萬神之神集々座而神分々之時爾指上日女之命天乎婆所知食登葦原乃水穂之國乎天地之依相之極所知行神之命等天雲之八重雲別而神下座奉之高照日之皇子波飛鳥之浄之宮爾神随太布座而天皇之敷座國等天原石門乎開神登座爾之可婆吾王皇子之命乃天下所知食世者春花之貴在等望月乃満波之計武跡食國四方之人乃大船之思憑而天水仰而待爾何方爾御念食可由縁母無真弓乃岡爾宮柱太布座御在香乎高知座而明言爾御言不御問日月之數多成塗刺竹之皇子宮人歸邊不知爾為
ame tuti no pazime no toki pisakata no ama no kapara ni ya po yorodu ti yorodu kamwi no kamu tudwopi tudwopi imasi kamu pakari pakari si toki ni sasi noboru pirumye no mikoto ame woba sira si myesu to asi para no midu po no kuni wo ame tuti no yoriapi no kipami sira si myesu kamwi no mikoto to ama kumo no ya pye kumo wakite kamu kudasi imase maturi si taka tera su pi no mi kwo pa tobu tori no kiywomi no miya ni kamu nagara putwo siki masite sumyeroki no siki masu kuni to ama no para ipa two wo piraki kamu nobori imasi ni sikaba wa go opo kimi mi kwo no mikoto no ame no sita sira si myesi se ba paru pana no taputwo kara mu to moti dukwi no tata pasi kye mu to wosu kuni yomo no pito no opo bune no omopi tanomite ama tu midu apugite matu ni ika sama ni omoposi myese ka ture mo na ki mayumi no woka ni miya basira putwo siki imasi mi ara ka wo taka siri masite asa gotoni mi koto twopa sa nu pi tukwi no mane ku nari nuru sasutake no mi kwo no miya pito yuku pye sira ni su
毛許呂裳遠春冬片設而幸之宇陀乃大野者所念武鴨
ke koromo wo paru puyu makete ide masi si uda no opo nwo pa omopoye mu kamo
飛鳥明日香乃河之上瀬爾生玉藻者下瀬爾流觸經玉藻成彼依此依靡相之嬬乃命乃多田名附柔膚尚乎劔刀於身副不寐者烏玉乃夜床母荒良無所虚故名具鮫兼天氣田敷藻相屋常念而玉垂乃越能大野之旦露爾玉裳者埿打夕霧爾衣者沾而草枕旅宿鴨為留不相君故
tobu tori no asuka no kapa no kami tu se ni opuru tama mo pa simo tu se ni nagare purabapu tama mo nasu ka yori kaku yori nabik api si tuma no mikoto no tatanaduku niki pada sura wo turugi tati mwi ni swope ne neba nubatama no ywo toko mo aru ramu soko yuwe ni nagusame kane te kedasiku mo apu ya to omopite tamadare no woti no opo nwo no asa tuyu ni tama mo pa piduti yupu gwiri ni koromo pa nurete kusa makura tabi ne ka mo su ru apa nu kimi yuwe
飛鳥明日香乃河之上瀬爾生玉藻者下瀬爾流觸經玉藻成彼依此依靡相之嬬乃命乃多田名附柔膚尚乎劔刀於身副不寐者烏玉乃夜床母阿礼奈牟所虚故名具鮫兼天氣田敷藻公毛相哉登玉垂乃越能大野之旦露爾玉裳者埿打夕霧爾衣者沾而草枕旅宿鴨為留不相君故
tobu tori no asuka no kapa no kami tu se ni opuru tama mo pa simo tu se ni nagare purabapu tama mo nasu ka yori kaku yori nabik api si tuma no mikoto no tatanaduku niki pada sura wo turugi tati mwi ni swope ne neba nubatama no ywo toko mo are na mu soko yuwe ni nagusame kane te kedasiku mo kimi mo apu ya to tamadare no woti no opo nwo no asa tuyu ni tama mo pa piduti yupu gwiri ni koromo pa nurete kusa makura tabi ne ka mo su ru apa nu kimi yuwe
飛鳥明日香乃河之上瀬石橋渡下瀬打橋渡石橋生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴然有鴨綾爾憐宿兄鳥之片戀嬬朝鳥徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa pasi watasi simo tu se ni uti pasi watasu ipa pasi ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu sikare ka mo ayani kanasi mi nuye dori no kata kwopwi duma asa tori no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
飛鳥明日香乃河之上瀬石浪渡下瀬打橋渡石浪生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴所己乎之毛綾爾憐宿兄鳥之片戀為乍朝霧徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa nami watasi simo tu se ni uti pasi watasu ipa nami ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu soko wo si mo ayani kanasi mi nuye dori no kata kwopwi situtu asa gwiri no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
明日香川明日谷将見等念八方吾王御名忘世奴
asuka gapa asu dani mi mu to omope ya mo wa go opo kimi no mi na wasure se nu
明日香川明日左倍将見等念香毛吾王御名不所忘
asuka gapa asu sape mi mu to omope kamo wa go opo kimi no mi na wasura ye nu
挂文忌之伎鴨言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下治賜食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎治跡皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流小角乃音母敵見有虎可s吼登諸人之恊流麻r爾指擧有幡之靡者冬木成春去来者野毎著而有火之風之共靡如久取持流弓波受乃驟三雪落冬乃林爾飃可毛伊巻渡等念麻r聞之恐久引放箭之繁計久大雪乃乱而来礼不奉仕立向之毛露霜之消者消倍久去鳥乃相競端爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾然之毛将有登木綿花乃榮時爾吾大王皇子之御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyu si ki kamo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita wosame tamapi wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo wosame to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru kuda no oto mo ata mi taru twora ka poyuru to moro pito no obiyu ru made ni sasage taru pata no nabiki pa puyu gomori paru sari kureba nwo goto ni tukite aru pwi no kaze no muta nabiku ga goto ku tori mot eru yu pazu no sawaki mi yuki puru puyu no payasi ni tumuzi ka mo i maki wataru to omopu made kiki no kasikwo ku piki panatu ya no sige kyeku opo yuki no midarete ki ta re maturwopa zu tati mukapi si mo tuyu simo no ke na ba ke nu be ku yuku tori no araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni sika si mo ara mu to yupu bana no sakayuru toki ni wa go opo kimi mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
挂文由遊志計礼抒母言久母綾爾畏伎明日香乃真神之原爾久堅能天都御門乎懼母定賜而神佐扶跡磐隠座八隅知之吾大王乃所聞見為背友乃國之真木立不破山越而狛劔和射見我原乃行宮爾安母理座而天下掃賜而食國乎定賜等鶏之鳴吾妻乃國之御軍士乎喚賜而千磐破人乎和為跡不奉仕國乎掃部等皇子随任賜者大御身爾大刀取帶之大御手爾弓取持之御軍士乎安騰毛比賜齊流鼓之音者雷之聲登聞麻r吹響流笛之音波敵見有虎可s吼登諸人之聞或麻泥指擧有幡之靡者冬木成春野焼火乃風之共靡如久取持流弓波受乃驟三雪落由布乃林爾飃可毛伊巻渡等諸人見或麻r引放箭之繁計久霰成曽知余里久礼婆不奉仕立向之毛朝霜之消者消言爾打蟬等安良蘇布波之爾渡會乃齊宮従神風爾伊吹或之天雲乎日之目毛不令見常闇爾覆賜而定之水穂之國乎神随太敷座而八隅知之吾大王之天下申賜者万代爾如是毛安良無等木綿花乃榮時爾刺竹皇子御門乎神宮爾装束奉而遣使御門之人毛白妙乃麻衣著埴安乃御門之原爾赤根刺日之盡鹿自物伊波比伏管烏玉能暮爾至者大殿乎振放見乍鶉成伊波比廻雖侍候佐母良比不得者春鳥之佐麻欲比奴礼者嘆毛未過爾憶毛未不盡者言左敝久百濟之原従神葬々伊座而朝毛吉木上宮乎常宮等高之奉而神随安定座奴雖然吾大王之万代跡所念食而作良志之香来山之宮万代爾過牟登念哉天之如振放見乍玉手次懸而将偲恐有騰文
kake maku mo yuyusi kyeredomo ipa ma ku mo ayani kasikwo ki asuka no makamwi no para ni pisakata no ama tu mikadwo wo kasikwo ku mo sadame tamapite kamu sabu to ipa gakuri masu yasumisisi wa go opo kimi no kikosi myesu so t omo no kuni no ma kwi tatu pupa yama kwoyete koma turugi waza mi ga para no kari miya ni amori imasite ame no sita parapi tamapite wosu kuni wo sadame tamapu to tori ga naku aduma no kuni no mi ikusa wo myesi tamapite tipayaburu pito wo yapase to maturwopa nu kuni wo para pye to mi kwo nagara make tamapeba opomi mwi ni tati tori oba si opomi te ni yumi tori mota si mi ikusa wo adomopi tamapi totonopu ru tudumi no oto pa ikaduti no oto to kiku made puki nas e ru puye no oto pa ata mi taru twora ka poyuru to moro pito no kiki matwopu made sasage taru pata no nabiki pa puyu gomori paru nwo yaku pwi no kaze no muta nabiku ga goto ku tori mot eru yu pazu no sawaki mi yuki puru yupu no payasi ni tumuzi ka mo i maki wataru to moro pito no mi matwopu made ni piki panatu ya no sige kyeku arare nasu soti yori kureba maturwopa zu tati mukapi si mo asa simo no ke naba ke to pu ni utusemi to araswopu pasi ni watarapi no ituki no miya yu kamu kaze ni i puki matwopasi ama kumo wo pi no me mo mise zu toko yamwi ni opopi tamapite sadame te si midupo no kuni wo kamu nagara putwo siki masite yasumisisi wa go opo kimi no ame no sita mawosi tamapeba yorodu yo ni kaku si mo ara mu to yupu bana no sakayuru toki ni sasutake no mi kwo no mikadwo wo kamu miya ni yosopi maturite tukapa si si mikadwo no pito mo sirwo tape no asa goromo kite paniyasu no mikadwo no para ni aka ne sasu pi no kotogoto sisi zi mono i papi pusi tutu nubatama no yupu pye ni nareba opo tono wo purisake mitutu udura nasu i papi motopori samorapedo samorapi e neba paru tori no sa maywopi nure ba nageki mo imada sugwi nu ni omopi mo imada tukwi neba koto sapyeku kudara no para yu kamu paburi paburi i masite asamoyosi kwinope no miya wo toko miya to taka ku maturite kamu nagara sidumari masi nu sikaredomo wa go opo kimi no yorodu yo to omoposi myesite tuku ra si si kagu yama no miya yorodu yo ni sugwi mu to omope ya ame no goto purisake mitutu tama ta suki kakete sinwopa mu kasikwo kare domo
哭澤之神社爾三輪須恵雖祷祈我王者高日所知奴
nakisapa no mori ni miwa suwe inoredomo wa go opo kimi pa taka pi sira si nu
安見知之吾王高光日之皇子久堅乃天宮爾神随神等座者其乎霜文爾恐美晝波毛日之盡夜羽毛夜之盡臥居雖嘆飽不足香裳
yasumisisi wa go opo kimi taka pikaru pi no mi kwo pisakata no ama tu miya ni kamu nagara kamwi to imaseba soko wo si mo ayani kasikwo mi piru pa mo pi no kotogoto yworu pa mo ywo no kotogoto pusi wi nagekedo aki tara nu kamo
王者神西座者天雲之五百重之下爾隠賜奴
opo kimi pa kamwi ni si maseba ama kumo no i po pye ga sita ni kakuri tamapi nu
天飛也軽路者吾妹兒之里爾思有者懃欲見騰不已行者入目乎多見真根久徃者人應知見狭根葛後毛将相等大船之思憑而玉蜻磐垣淵之隠耳戀管在爾度日乃晩去之如照月乃雲隠如奥津藻之名延之妹者黄葉乃過伊去等玉梓之使之言者梓弓聲爾聞而将言為便世武為便不知爾聲耳乎聞而有不得者吾戀千重之一隔毛遣悶流情毛有八等吾妹子之不止出見之軽市爾吾立聞者玉手次畝火乃山爾喧鳥之音母不所聞玉桙道行人毛獨谷似之不去者為便乎無見妹之名喚而袖曽振鶴
ama tobu ya karu no miti pa wagimo kwo ga satwo ni si areba nemokoro ni mi maku posi kyedo yama zu yukaba pito me wo opo mi mane ku yukaba pito siri nu be mi sane kadura noti mo apa mu to opo bune no omopi tanomite tama kagiru ipa kaki puti no komori nomwi kwopwi tutu aru ni wataru pi no kure yuku ga goto teru tukwi no kumo gakuru goto oki tu mo no nabiki si imo pa momiti ba no sugwite ini ki to tamadusa no tukapi no ipeba adusa yumi oto ni kikite ipa mu subye se mu subye sira ni oto nomwi wo kikite ari e neba wa ga kwopuru ti pye no pito pye mo nagusamu ru kokoro mo ari ya to wagimo kwo ga yama zu ide mi si karu no iti ni wa ga tati kikeba tama ta suki unebwi no yama ni naku tori no kowe mo kikoye zu tama poko no miti yuku pito mo pito ri dani ni te si yuka neba subye wo na mi imo ga na ywobite swode zo puri turu
天飛也軽路者吾妹兒之里爾思有者懃欲見騰不已行者入目乎多見真根久徃者人應知見狭根葛後毛将相等大船之思憑而玉蜻磐垣淵之隠耳戀管在爾度日乃晩去之如照月乃雲隠如奥津藻之名延之妹者黄葉乃過伊去等玉梓之使之言者梓弓聲耳聞而将言為便世武為便不知爾名耳聞而有不得者吾戀千重之一隔毛遣悶流情毛有八等吾妹子之不止出見之軽市爾吾立聞者玉手次畝火乃山爾喧鳥之音母不所聞玉桙道行人毛獨谷似之不去者為便乎無見妹之名喚而袖曽振鶴
ama tobu ya karu no miti pa wagimo kwo ga satwo ni si areba nemokoro ni mi maku posi kyedo yama zu yukaba pito me wo opo mi mane ku yukaba pito siri nu be mi sane kadura noti mo apa mu to opo bune no omopi tanomite tama kagiru ipa kaki puti no komori nomwi kwopwi tutu aru ni wataru pi no kure yuku ga goto teru tukwi no kumo gakuru goto oki tu mo no nabiki si imo pa momiti ba no sugwite ini ki to tamadusa no tukapi no ipeba adusa yumi oto nomwi kikite ipa mu subye se mu subye sira ni na nomwi wo kikite ari e neba wa ga kwopuru ti pye no pito pye mo nagusamu ru kokoro mo ari ya to wagimo kwo ga yama zu ide mi si karu no iti ni wa ga tati kikeba tama ta suki unebwi no yama ni naku tori no kowe mo kikoye zu tama poko no miti yuku pito mo pito ri dani ni te si yuka neba subye wo na mi imo ga na ywobite swode zo puri turu
打蝉等念之時爾取持而吾二人見之趍出之堤爾立有槻木之己知碁知乃枝之春葉之茂之如久念有之妹者雖有憑有之兒等爾者雖有世間乎背之不得者蜻火之燎流荒野爾白妙之天領巾隠鳥自物朝立伊麻之弖入日成隠去之鹿齒吾妹子之形見爾置有若兒乃乞泣毎取与物之無者烏徳自物腋挟持吾妹子与二人吾宿之枕付嬬屋之内爾晝羽裳浦不樂晩之夜者裳氣衝明之嘆友世武為便不知爾戀友相因乎無見大鳥乃羽易乃山爾吾戀流妹者伊座等人云者石根左久見手名積来之吉雲曽無寸打蝉等念之妹之珠蜻髣髴谷裳不見思者
utusemi to omopi si toki ni tori motite wa ga puta ri mi si pasiri de no tutumi ni tat eru tukwi no kwi no koti goti no ye no paru no pa no sige ki ga goto ku omop yeri si imo ni pa aredo tanom yeri si kwo ra ni pa aredo yo no naka wo so muki si e neba kagirwo pwi no moyu ru ara nwo ni sirwo tape no ama pire gakuri tori zimono asa dati imasite iri pi nasu kakuri ni sikaba wagimo kwo ga katami ni ok yeru midorikwo no kopi naku goto ni tori atapuru mono si na kyereba wotokwo zimono waki basami moti wagimo kwo to puta ri wa ga ne si makura duku tuma ya no uti ni piru pa mo urasabwi kura si yworu pa mo ikiduki aka si nagekedomo se mu subye sira ni kwopuredomo apu yosi wo na mi opo tori no pagapi no yama ni wa ga kwopu ru imo pa i masu to pito no ipeba ipa ne sakumite na dumi ko si yo kyeku mo zo na ki utusemi to omopi si imo ga tama kagiru ponoka ni dani mo mi ye nu omopeba
宇都曽臣等念之時爾取持而吾二人見之趍出之堤爾立有槻木之己知碁知乃枝之春葉之茂之如久念有之妹者雖有憑有之兒等爾者雖有世間乎背之不得者蜻火之燎流荒野爾白妙之天領巾隠鳥自物朝立伊麻之弖入日成隠去之鹿齒吾妹子之形見爾置有若兒乃乞泣毎取与物之無者烏徳自物腋挟持吾妹子与二人吾宿之枕付嬬屋之内爾晝羽裳浦不樂晩之夜者裳氣衝明之嘆友世武為便不知爾戀友相因乎無見大鳥乃羽易乃山爾吾戀流妹者伊座等人云者石根左久見手名積来之吉雲曽無寸打蝉等念之妹之珠蜻髣髴谷裳不見思者
utusomi to omopi si toki ni tori motite wa ga puta ri mi si pasiri de no tutumi ni tat eru tukwi no kwi no koti goti no ye no paru no pa no sige ki ga goto ku omop yeri si imo ni pa aredo tanom yeri si kwo ra ni pa aredo yo no naka wo so muki si e neba kagirwo pwi no moyu ru ara nwo ni sirwo tape no ama pire gakuri tori zimono asa dati imasite iri pi nasu kakuri ni sikaba wagimo kwo ga katami ni ok yeru midorikwo no kopi naku goto ni tori atapuru mono si na kyereba wotokwo zimono waki basami moti wagimo kwo to puta ri wa ga ne si makura duku tuma ya no uti ni piru pa mo urasabwi kura si yworu pa mo ikiduki aka si nagekedomo se mu subye sira ni kwopuredomo apu yosi wo na mi opo tori no pagapi no yama ni wa ga kwopu ru imo pa i masu to pito no ipeba ipa ne sakumite na dumi ko si yo kyeku mo zo na ki utusemi to omopi si imo ga tama kagiru ponoka ni dani mo mi ye nu omopeba
宇都曽臣等念之時携手吾二見之出立百兄槻木虚知期知爾枝刺有如春葉茂如念有之妹庭雖在恃有之妹庭雖有世中背不得者香切火之燎流荒野爾白栲天領巾隠鳥自物朝立伊行而入日成隠西加婆吾妹子之形見爾置有緑兒之乞哭別取委物之無者男自物腋挾持吾妹子与二吾宿之枕附嬬屋内爾日者浦不怜晩之夜者息衝明之雖嘆為便不知雖戀相縁無大鳥羽易山爾汝戀妹座等人云者石根割見而奈積来之好雲叙無宇都曽臣念之妹我灰而座者
utusomi to omopi si toki tadusapete wa ga puta ri mi si ide tati no momo ye tukwi no kwi koti goti ni yeda sas eru goto paru no pa no sige ki ga goto ku omop yeri si imo ni pa aredo tanom yeri si imo ni pa aredo yo no naka wo so muki si e neba kagirwo pwi no moyu ru ara nwo ni sirwo tape no ama pire gakuri tori zimono asa tati i yukite iri pi nasu kakuri ni sikaba wagimo kwo ga katami ni ok yeru midorikwo no kopi naku goto ni tori makasuru mono si na kyereba wotokwo zimono waki basami moti wagimo kwo to puta ri wa ga ne si makura duku tuma ya no uti ni piru pa urasabwi kura si yworu pa ikiduki aka si nagekedomo se mu subye sira ni kwopuredomo apu yosi wo na mi opo tori no pagapi no yama ni na ga kwopuru imo pa imasu to pito no ipeba ipa ne sakumite nadumi ko si yo kyeku mo zo na ki utusomi to omopi si imo ga papi nite maseba
皇者神二四座者天雲之雷之上爾廬為流鴨
opo kimi pa kamwi ni si maseba ama kumo no ikaduti no upe ni ipora s e ru kamo
王神座者雲隠伊加土山爾宮敷座
opo kimi pa kamwi ni si maseba kumo gakuru ika duti yama ni miya siki imasu
大宮之内二手所聞網引為跡網子調流海人之呼聲
opo miya no uti made kikoyu abiki su to agwo totonopu ru ama no ywobi kowe
八隅知之吾大王高光吾日乃皇子乃馬並而三猟立流弱薦乎猟路乃小野爾十六社者伊波比拝目鶉己曽伊波比廻礼四時自物伊波比拝鶉成伊波比毛等保理恐等仕奉而久堅乃天見如久真十鏡仰而雖見春草之益目頬四寸吾於富吉美可聞
yasumisisi wa go opo kimi taka terasu wa ga pi no mi kwo no uma namete mi kari tata s e ru waka komo wo karidi no wo nwo ni sisi kosoba ipapi woroga me udura koso ipapi motopo re sisi zimono ipapi worogami udura nasu ipapi motopori kasikwo mi to tukape maturite pisakata no ame miru goto ku maswo kagami apugite miredo paru kusa no iya medurasi ki wa go opo kimi kamo
久堅乃天歸月乎網爾刺我大王者盖爾為有
pisakata no ame yuku tukwi wo ami ni sasi wa go opo kimi pa kinugasa ni s eri
皇者神爾之坐者真木乃立荒山中爾海成可聞
opo kimi pa kamwi ni si maseba ma kwi no tatu ara yama naka ni umi wo nasu kamo
王者千歳二麻佐武白雲毛三船乃山爾絶日安良米也
opo kimi pa ti tose ni masa mu sira kumo mo mipune no yama ni tayuru pi ara me ya
留火之明大門爾入日哉榜将別家當不見
tomosi bwi no akasi opo two ni iru pi ni ka kogi wakare na mu ipye no atari mi zu
天降付天之芳来山霞立春爾至婆松風爾池浪立而櫻花木乃晩茂爾奥邊波鴨妻喚邊津方爾味村左和伎百礒城之大宮人乃退出而遊船爾波梶棹毛無而不樂毛己具人奈四二
amori tuku ame no kagu yama kasumi tatu paru ni itare ba matu kaze ni ike nami tatite sakura bana ko no kure sige ni oki pye pa kamo tuma ywobapi pye tu pye ni adi mura sawaki momo sikwi no opo miya pito no makari dete aswobu pune ni pa kadi sawo mo na kute sabusi mo kogu pito na si ni
天降就神乃香山打靡春去来者櫻花木暗茂松風丹池浪飆邊都遍者阿遅村動奥邊者鴨妻喚百式乃大宮人乃去出榜来舟者竿梶母無而佐夫之毛榜与雖思
amori tuku kamwi no kagu yama uti nabiku paru sari kureba sakura bana ko no kure sige ni matu kaze ni ike nami tati pye tu pye ni pa adi mura sawaki oki bye ni pa kamo tuma ywobapi momo sikwi no opo miya pito no makari dete kogi k yeru pune pa sawo kadi mo na kute sabusi mo koga mu to omopedo
八隅知之吾大王高輝日之皇子茂座大殿於久方天傳来白雪仕物徃来乍益及常世
yasumisisi wa go opo kimi taka terasu pi no mi kwo sakaye masu opo tono no upe ni pisakata no ama tutapi kuru yuki zimono yuki kaywopitutu iya toko yo made
清江乃野木笶松原遠神我王之幸行處
suminoye no nwo kwi no matu bara topo tu kamwi wa go opo kimi no ide masi dokoro
晝見騰不飽田兒浦大王之命恐夜見鶴鴨
piru miredo aka nu tagwo no ura opo kimi no mikoto kasikwo mi yworu mi turu kamo
大王之遠乃朝庭跡蟻通嶋門乎見者神代之所念
opo kimi no topo no mikadwo to ari gaywopu sima two wo mireba kamu yo si omopoyu
百式紀乃大宮人之飽田津爾船乗将為年之不知久
momo sikwi no opo miya pito no nikitatu ni puna nori si kye mu tosi no sira na ku
安見知之吾王乃敷座在國中者京師所念
yasumisisi wa go opo kimi no siki mas eru kuni no uti ni pa miyakwo si omopoyu
大汝小彦名乃将座志都乃石室者幾代将經
opo namuti sukuna pikwo na no imasi kye mu situ no ipa ya pa iku yo pe ni kye mu
越海之角鹿乃濱従大舟爾真梶貫下勇魚取海路爾出而阿倍寸管我榜行者大夫乃手結我浦爾海未通女塩焼炎草枕客之有者獨為而見知師無美綿津海乃手二巻四而有珠手次懸而之努櫃日本嶋根乎
kwosi no umi no tunwoga no pama yu opo bune ni ma kadi nuki orosi isana tori umi di ni idete apekitutu wa ga kogi yukeba masura wo no tayupi ga ura ni ama woto mye sipo yaku keburi kusa makura tabi ni si areba pito ri site miru sirusi na mi watatumi no te ni maka si taru tama ta suki kakete sinwopi tu yamato sima ne wo
大船二真梶繁貫大王之御命恐礒廻為鴨
opo bune ni ma kadi sizi nuki opo kimi no mikoto kasikwo mi iswo mwi suru kamo
物部乃臣之壮士者大王之任乃随意聞跡云物曽
mononopu no omi no wotokwo pa opo kimi no make no manima ni kiku to ipu mono so
王之親魄相哉豊國乃鏡山乎宮登定流
opo kimi no mutu tama ape ya toyokuni no kagami no yama wo miya to sadamu ru
名湯竹乃十縁皇子狭丹頬相吾大王者隠久乃始瀬乃山爾神左備爾伊都伎坐等玉梓乃人曽言鶴於余頭礼可吾聞都流狂言加我間都流母天地爾悔事乃世間乃悔言者天雲乃曽久敝能極天地乃至流左右二杖策毛不衝毛去而夕衢占問石卜以而吾屋戸爾御諸乎立而枕邊爾齊戸乎居竹玉乎無間貫垂木綿手次可比奈爾懸而天有左佐羅能小野之七相菅手取持而久堅乃天川原爾出立而潔身而麻之乎高山乃石穂乃上爾伊座都類香物
nayu take no towo yoru mi kwo sa ni turapu wa go opo kimi pa komori ku no patuse no yama ni kamu sabwi ni ituki imasu to tamadusa no pito so ipi turu oyodure ka wa ga kiki turu tapa koto ka wa ga kiki turu mo ame tuti ni kuyasi ki koto no yo no naka no kuyasi ki koto pa ama kumo no sokupye no kipami ame tuti no itar e ru made ni tuwe tuki mo tuka zu mo yukite yupu ke twopi isi ura motite wa ga yadwo ni mi moro wo tatete makura pye ni ipapi be wo suwe taka dama wo ma na ku nuki tari yupu ta suki kapina ni kakete ame n aru sasara no wo nwo no nana pu suge te ni tori motite pisakata no ama no kapara ni ide tatite misogi te masi wo taka yama no ipa po no upe ni i mase turu kamo
角障經石村之道乎朝不離将歸人乃念乍通計萬口波霍公鳥鳴五月者菖蒲花橘乎貫交蘰爾将為登九月能四具礼能時者黄葉乎折挿頭跡田葛根乃弥遠長爾大舟之念憑而将通君乎従明日者外爾可聞見牟
tunwosapapu ipare no miti wo asa sara zu yuki kye mu pito no omopitutu kaywopi kye maku pa pototogisu naku satukwi ni pa ayamye gusa pana tatibana wo nuki mazipe kadura ni se mu to nagatukwi no sigure no toki pa momiti ba wo wori kazasamu to kuzu no ne no iya topo naga ni opo bune no omopi tanomite kaywopi kye mu kimi wo asu yu pa yoso ni ka mo mi mu
大皇之命恐大荒城乃時爾波不有跡雲隠座
opo kimi no mikoto kasikwo mi opo ara kwi no toki ni pa ara nedo kumo gakuri masu
天雲之向伏國武士登所云人者皇祖神之御門爾外重爾立候内重爾仕奉玉葛弥遠長祖名文継徃物与母父爾妻爾子等爾語而立西日従帶乳根乃母命者齊忌戸乎前坐置而一手者木綿取持一手者和細布奉平間幸座与天地乃神祇乞祷何在歳月日香茵花香君之牛留鳥名津匝来与立居而待監人者王之命恐押光難波國爾荒玉之年經左右二白栲衣不干朝夕在鶴公者何方爾念座可欝蝉乃惜此世乎露霜置而徃監時爾不在之天
ama kumo no muka busu kuni no mononopu to ipa yuru pito pa sumyeroki no kamwi no mi kadwo ni two no pye ni tati samorapi uti no pye ni tukape maturite tama kadura iya topo naga ku oya no na mo tugi yuku mono to omo titi ni tuma ni kwo domo ni katarapite tati ni si pi ywori taratine no papa no mikoto pa ipapi be wo mapye ni suwe okite kata te ni pa yupu tori moti kata te ni pa niki tape maturi tapirake ku ma saki ku mase to ame tuti no kamwi wo kopi nome ika n ara mu tosi tukwi pi ni ka tutuzi pana nipop yeru kimi ga kuro tori no nadusapi ko mu to tatite wite mati kye mu pito pa opo kimi no mikoto kasikwo mi osi teru nanipa no kuni ni ara tama no tosi puru made ni sirwo tape no koromo mo posa zu asa yopi ni ari turu kimi pa ika sama ni omopi mase ka utusemi no wosi ki ko no yo wo tuyu simo no okite ini kye mu toki ni ara zu site
栲角乃新羅國従人事乎吉跡所聞而問放流親族兄弟無國爾渡来座而大皇之敷座國爾内日指京思美弥爾里家者左波爾雖在何方爾念鷄目鴨都礼毛奈吉佐保乃山邊爾哭兒成慕来座而布細乃宅乎毛造荒玉乃年緒長久住乍座之物乎生者死云事爾不免物爾之有者憑有之人乃盡草枕客有間爾佐保河乎朝河渡春日野乎背向爾見乍足氷木乃山邊乎指而晩闇跡隠益去礼将言為便将為須敝不知爾徘徊直獨而白細之衣袖不干嘆乍吾泣涙有間山雲居軽引雨爾零寸八
takudunwo no sirakwi no kuni yu pito goto wo yo si to kika site twopi saku ru ugara paragara na ki kuni ni watari ki masite opo kimi no siki masu kuni ni utipi sasu miyakwo simimi ni satwo ipye pa sapa ni aredomo ika sama ni omopi kye me kamo ture mo na ki sapo no yama pye ni naku kwo nasu sitapi ki masite siki tape no ipye wo mo tukuri ara tama no tosi no wo naga ku sumapitutu imasi si mono wo ik yeru mono sinu to ipu koto ni manukare nu mono ni si areba tanom yeri si pito no kotogoto kusa makura tabi n aru potwo ni sapo gapa wo asa kapa watari kasuga nwo wo sogapi ni mitutu asi pikwi no yama pye wo sasite kurekure to kakuri masi nu re ipa mu subye se mu subye sira ni ta motopori tada pito ri site sirwo tape no koromo de posa zu nagekitutu wa ga naku namita arima yama kumo wi tanabiki ame ni puri ki ya
挂巻母綾爾恐之言巻毛齊忌志伎可物吾王御子乃命萬代爾食賜麻思大日本久邇乃京者打靡春去奴礼婆山邊爾波花咲乎為里河湍爾波年魚小狭走弥日異榮時爾逆言之狂言登加聞白細爾舎人装束而和豆香山御輿立之而久堅乃天所知奴礼展轉埿打雖泣将為須便毛奈思
kake maku mo ayani kasikwo si ipa maku mo yuyu si ki kamo wa go opo kimi mi kwo no mikoto yorodu yo ni myesi tamapa masi opo yamato kuni no miyakwo pa uti nabiku paru sari nureba yama pye ni pa pana saki wowori kapa se ni pa ayu kwo sa basiri iya pi kyeni sakayuru toki ni oyodure no tapa koto to ka mo sirwo tape ni toneri yosopi te waduka yama mi kosi tata site pisakata no ame sira si nure koi marobi pidu ti nakedomo se mu subye mo na si
吾王天所知牟登不思者於保爾曽見谿流和豆香蘇麻山
wa go opo kimi ame sira sa mu to omopa neba obo ni so mi kyeru waduka swoma yama
足桧木乃山左倍光咲花乃散去如寸吾王香聞
asi pikwi no yama sape pikari saku pana no tiri nuru goto ki wa go opo kimi kamo
挂巻毛文爾恐之吾王皇子之命物乃負能八十伴男乎召集聚率比賜比朝猟爾鹿猪踐起暮猟爾鶉雉履立大御馬之口抑駐御心乎見為明米之活道山木立之繁爾咲花毛移爾家里世間者如此耳奈良之大夫之心振起劔刀腰爾取佩梓弓靭取負而天地与弥遠長爾万代爾如此毛欲得跡憑有之皇子乃御門乃五月蝿成驟驂舎人者白栲爾服取著而常有之咲比振麻比弥日異更經見者悲呂可聞
kake maku mo ayani kasikwo si wa go opo kimi mi kwo no mikoto no mononopu no ya swo tomo no wo wo myesi tudwope adomo pi tama pi asa gari ni sisi pumi okosi yupu gari ni tori pumi tate opomi ma no kuti osape tate mi kokoro wo myesi akira me si ikudi yama ko dati no sizi ni saku pana mo uturopi ni kyeri yo no naka pa kaku nomwi na rasi masura wo no kokoro puri okosi turugi tati kosi ni tori paki adusa yumi yuki tori opite ame tuti to iya topo naga ni yorodu yo ni kaku si mo ga mo to tanom yeri si mi kwo no mikadwo no sa bape nasu sawaku toneri pa sirwo tape ni koromo tori kite tune nari si wema pi puru mapi iya pi kyeni kaparapu mireba kanasi ki rokamo
天皇之行幸乃随意物部乃八十伴雄与出去之愛夫者天翔哉軽路従玉田次畝火乎見管麻裳吉木道爾入立真土山越良武公者黄葉乃散飛見乍親吾者不念草枕客乎便宜常思乍公将有跡安蘇々二破且者雖知之加須我仁黙然得不在者吾背子之徃乃萬々将追跡者千遍雖念手弱女吾身之有者道守之将問答乎言将遣為便乎不知跡立而爪衝
opo kimi no mi yuki no manima mononopu no ya swo tomonowo to ide yuki si utukusi tuma pa ama tobu ya karu no miti ywori tama ta suki unebwi wo mi tutu asamoyosi kwi di ni iri tati matuti yama kwoyu ramu kimi pa momiti ba no tiri tobu mitutu mutumasi mi ware pa omopa zu kusa makura tabi wo yorosi to omopitutu kimi pa ara mu to aswoswo ni pa katu pa siredomo sikasugani moda e ara neba wa ga sekwo ga yuki no manima ni opa mu to pa ti pye ni omopedo tawayamye no wa ga mwi ni si areba miti mori no twopa mu kotape wo ipi yara mu subye wo sira nito tatite tuma duku
大船之念憑師君之去者吾者将戀名直相左右二
opo bune no omopi tanomi si kimi ga inaba ware pa kwopwi mu na tada ni apu madeni
大船乎榜乃進爾磐爾觸覆者覆妹爾因而者
opo bune wo kogi no susumi ni ipa ni pure kapyeraba kapyere imo ni yorite pa
不相念人乎思者大寺之餓鬼之後爾額衝如
api omopa nu pito wo omopu pa opo tera no gakwi no siri pye ni nuka duku ga goto
押照難波乃菅之根毛許呂爾君之聞四手年深長四云者真十鏡磨師情乎縦手師其日之極浪之共靡珠藻乃云々意者不持大船乃憑有時丹千磐破神哉将離空蝉乃人歟禁良武通為君毛不来座玉梓之使母不所見成奴礼婆痛毛為便無三夜干玉乃夜者須我良爾赤羅引日母至闇雖嘆知師乎無三雖念田付乎白二幼婦常言雲知久手小童之哭耳泣管俳徊君之使乎待八兼手六
osi teru nanipa no suge no nemokoro ni kimi ga kiko site tosi puka ku naga ku si ipeba maswo kagami twogi si kokoro wo yurusi te si so no pi no kipami nami no muta nabiku tama mo no ka ni kaku ni kokoro pa mota zu opo bune no tanom yeru toki ni tipayaburu kamwi ya sake kye mu utusemi no pito ka sapu ramu kaywopa si si kimi mo ki masa zu tamadusa no tukapi mo mi ye zu nari nureba ita mo subye na mi nubatama no yworu pa sugara ni aka ra piku pi mo kururu made nagekedomo sirusi wo na mi omopedomo ta duki wo sira ni tawayamye to ipa ku mo siru ku ta warapa no ne nomwi naki tutu ta motopori kimi ga tukapi wo mati ya kane te mu
百礒城之大宮人者雖多有情爾乗而所念妹
momo sikwi no opo miya pito pa opo karedo kokoro ni norite omopoyuru imo
大王能等保乃朝庭等斯良農比筑紫國爾泣子那須斯多比枳摩斯提伊企陀爾母伊摩陀夜周米受年月母伊摩他阿良祢婆許許呂由母於母波奴阿比陀爾宇知那毘枳許夜斯努礼伊波牟須弊世武須弊斯良爾石木乎母刀比佐気斯良受伊弊那良婆迦多知波阿良牟乎宇良売斯企伊毛乃美許等能阿礼乎婆母伊可爾世与等可爾保鳥能布多利那良毘為可多良比斯許許呂曾牟企弖伊弊社可利摩須
opo kimi no topo no mikadwo to siranupi tukusi no kuni ni naku kwo nasu sitapi ki masite iki dani mo imada yasume zu tosi tukwi mo imada ara neba kokoro yu mo omopa nu apida ni uti nabiki koyasi nure ipa mu subye se mu subye sira ni ipa kwi wo mo twopi sake sira zu ipye n araba katati pa ara mu wo uramyesi ki imo no mikoto no are woba mo ika ni seyo to ka nipo dori no puta ri narabi wi katarapi si kokoro so mukite ipye zakari imasu
父母乎美礼婆多布斗斯妻子美礼婆米具斯宇都久志余能奈迦波加久叙許等和理母智騰利乃可可良波志母与宇既具都遠由久弊斯良祢婆奴伎都流其等久布美奴伎提由久智布比等波伊波紀欲利奈利提志比等迦奈何名能良佐祢阿米弊由迦婆奈何麻爾麻爾都智奈良婆大王伊摩周許能提羅周日月能斯多波阿麻久毛能牟迦夫周伎波美多爾具久能佐和多流伎波美企許斯遠周久爾能麻保良叙可爾迦久爾保志伎麻爾麻爾斯可爾波阿羅慈迦
titi papa wo mireba taputwo si mye kwo mireba megu si utukusi yo no naka pa kaku zo kotowari moti dori no kakarapasi mo yo yuku pye sira neba uke gutu wo nukituru goto ku pumi nukite yuku t ipu pito pa ipa kwi ywori nari de si pito ka na ga na nora sane ame pye yukaba na ga manima ni tuti naraba opo kimi imasu ko no terasu pi tukwi no sita pa ama kumo no muka busu kipami taniguku no sa wataru kipami kikosi wosu kuni no mapora zo ka ni kaku ni posi ki manima ni sika ni pa arazi ka
神代欲理云伝久良久虚見通倭國者皇神能伊都久志吉國言霊能佐吉播布國等加多利継伊比都賀比計理今世能人母許等期等目前爾見在知在人佐播爾満弖播阿礼等母高光日御朝庭神奈我良愛能盛爾天下奏多麻比志家子等撰多麻比天勅旨戴持弖唐能遠境爾都加播佐礼麻加利伊麻勢宇奈原能辺爾母奥爾母神豆麻利宇志播吉伊麻須諸能大御神等船舳爾道引麻遠志天地能大御神等倭大國霊久堅能阿麻能見虚喩阿麻賀気利見渡多麻比事畢還日者又更大御神等船舳爾御手打掛弖墨縄遠播倍多留期等久阿遅可遠志智可能岬欲利大伴御津浜備爾多太泊爾美船播将泊都都美無久佐伎久伊麻志弖速帰座勢
kamwi yo ywori ipi tute kuraku swora mitu yamato no kuni pa sumye kamwi no itukusi ki kuni koto dama no sakipapu kuni to katari tugi ipi tugapi kyeri ima no yo no pito mo kotogoto me no mapye ni mi tari siri tari pito sapa ni miti te pa aredomo taka pikaru pi no mikadwo kamu nagara mede no sakari ni ame no sita mawosi tamapi si ipye no kwo to erabi tamapite opo mikoto itadaki moti te morokwosi no topo ki sakapi ni tukapa sa re makari imase una para no pye ni mo oki ni mo kamu dumari usipaki imasu moromoro no opomi kamwi tati puna no pe ni miti biki mawosi ame tuti no opomi kamwi tati yamato no opo kuni mi tama pisakata no ama no mi swora yu ama gakeri mi watasi tamapi koto wopari kapyera mu pi pa mata sara ni opomi kamwi tati puna no pe ni mi te uti kake te sumi napa wo pape taru goto ku atikawosi tika no saki ywori opotomo no mitu no pama bwi ni tada pate ni mi pune pa pate mu tutumi na ku saki ku imasite paya kapyeri ma se
世人之貴慕七種之宝毛我波何為和我中能産礼出有白玉之吾子古日者明星之開朝者敷多倍乃登許能辺佐良受立礼杼毛居礼杼毛登母爾戯礼夕星乃由布弊爾奈礼婆伊射祢余登手乎多豆佐波里父母毛表者奈佐我利三枝之中爾乎祢牟登愛久志我可多良倍婆何時可毛比等等奈理伊弖天安志家口毛与家久母見武登大船乃於毛比多能無爾於毛波奴爾横風乃爾布敷可爾覆来礼婆世武須便乃多杼伎乎之良爾志路多倍乃多須吉乎可気麻蘇鏡弖爾登利毛知弖天神阿布芸許比乃美地祇布之弖額拝可加良受毛可賀利毛神乃末爾麻爾等立阿射里我例乞能米登須臾毛余家久波奈之爾漸漸可多知都久保利朝朝伊布許等夜美霊剋伊乃知多延奴礼立乎杼利足須里佐家婢伏仰武祢宇知奈気吉手爾持流安我古登婆之都世間之道
yo no pito no taputwobi negapu nana kusa no takara mo ware pa nani se mu wa ga naka no uma re ide taru sira tama no wa ga kwo purupi pa aka posi no akuru asita pa siki tape no toko no pye sara zu tat e redomo wo redomo tomo ni tapabu re yupu tudu no yupubye ni nareba iza neyo to te wo tadusapari titi papa mo upe pa na sagari sakikusa no naka n i wo ne mu to utukusi ku si ga katarapeba itu si ka mo pito to nari idete asi kyeku mo yo kyeku mo mi mu to opo bune no omopi tanomu ni omopa nu ni yoko sima kaze no nipubukani opopi ki ta reba se mu subye no tadwoki wo sira ni sirwo tape no tasuki wo kake maswo kagami te ni tori motite ama tu kamwi apugi kopi nomi kuni tu kamwi pusite nuka duki kakara zu mo kakari mo kamwi no manima ni to tati azari ware kopi nomedo simasi ku mo yo kyeku pa na si ni yakuyakuni katati tukupori asanaasana ipu koto yami tamakiparu inoti taye nure tati wodori asi suri sakyebi pusi apugi mune uti nakeki te ni mot e ru a ga kwo tobasi tu yo no naka no miti
安見知之和期大王之常宮等仕奉流左日鹿野由背匕爾所見奥嶋清波瀲爾風吹者白浪左和伎潮干者玉藻苅管神代従然曽尊吉玉津嶋夜麻
yasumisisi wa go opo kimi no toko miya to tukape matur e ru sa pika nwo yu so ga pi ni mi yuru oki tu sima kiywo ki nagisa ni kaze pukeba sira nami sawaki sipo pureba tama mo kari tutu kamu yo ywori sika so taputwo ki tamatusima yama
足引之御山毛清落多藝都芳野河之河瀬乃浄乎見者上邊者千鳥數鳴下邊者河津都麻喚百礒城乃大宮人毛越乞爾思自仁思有者毎見文丹乏玉葛絶事無萬代爾如是霜願跡天地之神乎曽祷恐有等毛
asipiki no mi yama mo saya ni oti tagitu yosinwo no kapa no kapa no se no kiywo ki wo mireba kami bye ni pa ti dori siba naki simo bye ni pa kapadu tuma ywobu momo sikwi no opo miya pito mo woti koti ni sizi ni si areba miru gotoni ayani tomosi mi tama kadura tayuru koto na ku yorodu yo ni kaku si moga mo to ame tuti no kamwi wo so inoru kasikwo kare domo
萬代見友将飽八三芳野乃多藝都河内乃大宮所
yorodu yo ni mi tomo aka me ya mi yosinwo no tagitu kaputi no opo miya tokoro
八隅知之和期大王乃高知為芳野宮者立名附青垣隠河次乃清河内曽春部者花咲乎遠里秋去者霧立渡其山之弥益々爾此河之絶事無百石木能大宮人者常将通
yasumisisi wa go opo kimi no taka sira su yosinwo no miya pa tatanaduku awo kaki gomori kapa nami no kiywo ki kaputi so paru bye pa pana saki wowori aki sareba kwiri tati wataru so no yama no iya masumasu ni ko no kapa no tayuru koto na ku momo sikwi no opo miya pito pa tune ni kaywopa mu
安見知之和期大王波見吉野乃飽津之小野笶野上者跡見居置而御山者射目立渡朝猟爾十六履起之夕狩爾十里蹋立馬並而御猟曽立為春之茂野爾
yasumisisi wa go opo kimi pa mi yosinwo no akidu no wo nwo no nwo no pe ni pa tomi suwe okite mi yama ni pa ime tate watasi asa gari ni sisi pumi okosi yupu gari ni tori pumi tate uma namete mi kari so tata su paru no sige nwo ni
荒野等丹里者雖有大王之敷座時者京師跡成宿
ara nwo ra ni satwo pa aredomo opo kimi no siki masu toki pa miyakwo to nari nu
天地之遠我如日月之長我如臨照難波乃宮爾和期大王國所知良之御食都國日之御調等淡路乃野嶋之海子乃海底奥津伊久利二鰒珠左盤爾潜出船並而仕奉之貴見礼者
ame tuti no topo ki ga goto pi tukwi no naga ki ga goto osi teru nanipa no miya ni wa go opo kimi kuni sira su rasi mi ke tu kuni pi no mi tukwi to apadi no nwosima no ama no wata no soko oki tu ikuri ni apabi tama sapa ni kaduki de pune namete tukape maturu si taputwo si mireba
八隅知之吾大王乃神随高所知流稲見野能大海乃原笶荒妙藤井乃浦爾鮪釣等海人船散動塩焼等人曽左波爾有浦乎吉美宇倍毛釣者為濱乎吉美諾毛塩焼蟻徃来御覧母知師清白濱
yasumisisi wa go opo kimi no kamu nagara taka sira si masu inami nwo no op umi no para no ara tape no pudi wi no ura ni sibi turu to ama bune sawaki sipo yaku to pito so sapa ni aru ura wo yo mi ube mo turi pa su pama wo yo mi ube mo sipo yaku ari gaywopi mye saku mo siru si kiywo ki sira pama
真葛延春日之山者打靡春去徃跡山上丹霞田名引高圓爾鴬鳴沼物部乃八十友能壮者折木四哭之来継比日如此續常丹有脊者友名目而遊物尾馬名目而徃益里乎待難丹吾為春乎决巻毛綾爾恐言巻毛湯々敷有跡豫兼而知者千鳥鳴其佐保川丹石二生菅根取而之努布草解除而益乎徃水丹潔而益乎天皇之御命恐百礒城之大宮人之玉桙之道毛不出戀比日
ma kuzu papu kasuga no yama pa uti nabiku paru sari yuku to yama no pe ni kasumi tanabiki takamatwo ni ugupisu naki nu mononopu no ya swo tomo no wo pa kari ga ne no ki tugu ko no koro kaku tugite tune ni ari se ba tomo namete aswoba mu mono wo uma namete yuka masi satwo wo mati gate ni wa ga se si paru wo kake maku mo ayani kasikwo si ipa maku mo yuyusi ku ara mu to arakazime kanete siri seba ti dori naku so no sapo gapa ni ipa ni opuru suga no ne torite sinwopu kusa parape te masi wo yuku midu ni misogi te masi wo opo kimi no mikoto kasikwo mi momo sikwi no opo miya pito no tama poko no miti ni mo ide zu kwopuru ko no koro
大王之界賜跡山守居守云山爾不入者不止
opo kimi no sakapi tamapu to yama mori suwe moru to ipu yama ni ira zupa yamazi
刺竹之大宮人乃家跡住佐保能山乎者思哉毛君
sasutake no opo miya pito no ipye to sumu sapo no yama woba omopu ya mo kimi
八隅知之吾大王乃御食國者日本毛此間毛同登曽念
yasumisisi wa go opo kimi no wosu kuni pa yamato mo koko mo oyazi to so omopu
大汝小彦名能神社者名著始鷄目名耳乎名兒山跡負而吾戀之干重之一重裳奈具佐米七國
opo namuti sukuna pikwo na no kamwi kosoba na duke some kye me na nomwi wo nagwo yama to opite wa ga kwopwi no ti pye no pito pye mo nagusame naku ni
八隅知之我大王之見給芳野宮者山高雲曽軽引河速弥湍之聲曽清寸神佐備而見者貴久宜名倍見者清之此山乃盡者耳社此河乃絶者耳社百師紀能大宮所止時裳有目
yasumisisi wa go opo kimi no myesi tamapu yosinwo no miya pa yama taka mi kumo so tanabiku kapa paya mi se no oto so kiywo ki kamu sabwite mireba taputwo ku yorosi nape mireba sayake si ko no yama no tukwiba nomwi koso ko no kapa no tayeba nomwi koso momo sikwi no opo miya tokoro yamu toki mo ara me
石上振乃尊者弱女乃或爾縁而馬自物縄取附肉自物弓笶圍而王命恐天離夷部爾退古衣又打山従還来奴香聞
iswo no kami puru no mikoto pa tawayamye no matwopi ni yorite uma zimono napa tori tuke sisi zi mono yumi ya kakumite opo kimi no mikoto kasikwo mi ama zakaru pina bye ni makaru puru koromo matuti no yama yu kapyeri ko nu kamo
王命恐見刺並土左國爾出座耶吾背乃公矣繋巻裳湯々石恐石住吉乃荒人神船舳爾牛吐賜付賜将嶋之埼前依賜将礒乃埼前荒浪風爾不令遇莫管見身疾不有急令變賜根本國部爾
opo kimi no mikoto kasikwo mi sasi narabu twosa no kuni ni ide masu ya wa ga se no kimi wo kake maku mo yuyusi kasikwo si suminoye no ara pito gamwi puna no pe ni usipaki tamapi tuki tamapa mu sima no saki zaki yori tamapa mu iswo no saki zaki ara ki nami kaze ni apase zu tutumi na ku yamapi arase zu sumuyake ku kapyesi tamapa ne moto no kuni pye ni
百礒城乃大宮人者今日毛鴨暇无跡里爾不出将有
momo sikwi no opo miya pito pa kyepu mo ka mo itoma wo na mi to satwo ni ide zu ara mu
天皇之行幸之随吾妹子之手枕不巻月曽歴去家留
opo kimi no mi yuki no manima wagimo kwo ga ta makura maka zu tukwi so pe ni kyeru
八隅知之吾大王乃高敷為日本國者皇祖乃神之御代自敷座流國爾之有者阿礼将座御子之嗣継天下所知座跡八百萬千年矣兼而定家牟平城京師者炎乃春爾之成者春日山御笠之野邊爾櫻花木晩牢皃鳥者間無數鳴露霜乃秋去来者射駒山飛火賀㟴丹芽乃枝乎石辛見散之狭男壮鹿者妻呼令動山見者山裳見皃石里見者里裳住吉物負之八十伴緒乃打經而思煎敷者天地乃依會限萬世丹榮将徃迹思煎石大宮尚矣恃有之名良乃京矣新世乃事爾之有者皇之引乃真爾真荷春花乃遷日易村鳥乃旦立徃者刺竹之大宮人能踏平之通之道者馬裳不行人裳徃莫者荒爾異類香聞
yasumisisi wa go opo kimi no taka sika su yamato no kuni pa sumyeroki no kamwi no mi yo ywori siki mas e ru kuni ni si areba are masa mu mi kwo no tugi tugi ame no sita sira si imase to ya po yorodu ti tose wo kanete sadame kye mu nara no miyakwo pa kagirwopwi no paru ni si nareba kasuga yama mikasa no nwo pye ni sakura bana ko no kure komori kapo dori pa ma na ku siba naku tuyu simo no aki sari kureba ikwoma yama tobupwi ga take ni pagwi no ye wo sigarami tirasi sa wo sika pa tuma ywobi toyomu yama mireba yama mo mi gaposi satwo mireba satwo mo sumi yo si mononopu no ya swo tomo no wo no uti papete omop ye ri siku pa ame tuti no yoriapi no kagiri yorodu yo ni sakaye yuka mu to omop yeri si opo miya sura wo tanom yeri si nara no miyakwo wo arata yo no koto ni si areba opo kimi no piki no manima ni paru pana no uturo pi kapari mura tori no asa dati yukeba sasutake no opo miya pito no pumi nara si kaywopi si miti pa uma mo yuka zu pito mo yuka neba are ni kyeru kamo
明津神吾皇之天下八嶋之中爾國者霜多雖有里者霜澤爾雖有山並之宜國跡川次之立合郷跡山代乃鹿脊山際爾宮柱太敷奉高知為布當乃宮者河近見湍音叙清山近見鳥賀鳴慟秋去者山裳動響爾左男鹿者妻呼令響春去者岡邊裳繁爾巌者花開乎呼理痛怜布當乃原甚貴大宮處諾己曽吾大王者君之随所聞賜而刺竹乃大宮此跡定異等霜
aki tu kamwi wa go opo kimi no ame no sita ya sima no uti ni kuni pa si mo sapa ni aredomo satwo pa si mo sapa ni aredomo yama nami no yorosi ki kuni to kapa nami no tati apu satwo to yamasiro no kase yama no ma ni miya basira putwo siki maturi taka sira su putagi no miya pa kapa tika mi se no oto zo kiywo ki yama tika mi tori ga ne toyomu aki sareba yama mo todoro ni sa wo sika pa tuma ywobi toyome paru sareba woka pye mo sizi ni ipapo ni pa pana saki wowori ana omosirwo putagi no para ito taputwo opo miya tokoro ube si koso wa go opo kimi pa kimi nagara kika si tamapite sasutake no opo miya koko to sadame kye rasi mo
三日原布當乃野邊清見社大宮處定異等霜
mika no para putagi no nwopye wo kiywo mi koso opo miya tokoro sadame kye rasi mo
山高来川乃湍清石百世左右神之味将徃大宮所
yama taka ku kapa no se kiywo si momo yo made kamu simwi yuka mu opo miya tokoro
吾皇神乃命乃高所知布當乃宮者百樹成山者木高之落多藝都湍音毛清之鴬乃来鳴春部者巌者山下耀錦成花咲乎呼里左壮鹿乃妻呼秋者天霧合之具礼乎疾狭丹頬歴黄葉散乍八千年爾安礼衝之乍天下所知食跡百代爾母不可易大宮處
wa go opo kimi kamwi no mikoto no taka sira su putagi no miya pa momo kwi mo ku yama pa ko daka si oti tagitu se no oto mo kiywo si ugupisu no ki naku paru bye pa ipapo ni pa yama sita pikari nisiki nasu pana saki wowori sa wo sika no tuma ywobu aki pa ama gwir apu sigure wo ita mi sa ni turapu momiti tiritutu ya ti tose ni are tuga si tutu ame no sita sira si myesa mu to momo yo ni mo kaparu masizi ki opo miya tokoro
泉川徃瀬乃水之絶者許曽大宮地遷徃目
idumi gapa yuku se no midu no tayeba koso opo miya tokoro uturopi yuka me
布當山山並見者百代爾毛不可易大宮處
putagi yama yama nami mireba momo yo ni mo kaparu masizi ki opo miya tokoro
三香原久邇乃京者荒去家里大宮人乃遷去礼者
mika no para kuni no miyakwo pa are ni kyeri opo miya pito no uturopi nu reba
咲花乃色者不易百石城乃大宮人叙立易奚流
saku pana no iro pa kapara zu momo sikwi no opo miya pito zo tati kapari kyeru
安見知之吾大王乃在通名庭乃宮者不知魚取海片就而玉拾濱邊乎近見朝羽振浪之聲夕薙丹櫂合之聲所聆暁之寐覺爾聞者海石之塩干乃共汭渚爾波千鳥妻呼葭部爾波鶴鳴動視人乃語丹為者聞人之視巻欲為御食向味原宮者雖見不飽香聞
yasumisisi wa go opo kimi no ari gaywopu nanipa no miya pa isana tori umi kata dukite tama piripu pama pye wo tika mi asa pa puru nami no oto sawaku yupu nagi ni kadi no oto kikoyu aka toki no ne zame ni kikeba ikuri no sipo pwi no muta ura su ni pa ti dori tuma ywobi asi pye ni pa tadu ga ne toyomu miru pito no katari ni sureba kiku pito no mi maku pori suru mi ke mukapu adipu no miya pa miredo aka nu kamo
濱清浦愛見神世自千船湊大和太乃濱
pama kiywo mi ura urupasi mi kamu yo ywori ti pune no paturu opo wada no pama
百師木之大宮人之退出而遊今夜之月清左
momo sikwi no opo miya pito no makari dete aswobu ko yopi no tukwi no sayake sa
大海爾嶋毛不在爾海原絶塔浪爾立有白雲
opo umi ni sima mo ara naku ni una para no tayutapu nami ni tat eru sira gumo
大王之御笠山之帶爾為流細谷川之音乃清也
opo kimi no mikasa no yama no obi ni s e ru poso tani gapa no oto no sayake sa
今敷者見目屋跡念之三芳野之大川余杼乎今日見鶴鴨
ima siku pa mi me ya to omopi si mi yosinwo no opo kapa yodo wo kyepu mi turu kamo
大海爾荒莫吹四長鳥居名之湖爾舟泊左右手
opo umi ni arasi na puki so sinaga dori wina no minatwo ni pune paturu made
大海之水底豊三立浪之将依思有礒之清左
opo umi no mina soko toyomi tatu nami no yora mu to omop yeru iswo no sayake sa
黒牛乃海紅丹穂經百礒城乃大宮人四朝入為良霜
kurwousi no umi kurenawi nipopu momo sikwi no opo miya pito si asari su rasi mo
大海之波者畏然有十方神乎齊祀而船出為者如何
opo umi no nami pa kasikwo si sikare domo kamwi wo inorite puna de seba ika ni
大海之礒本由須理立波之将依念有濱之浄奚久
opo umi no iswo moto yusuri tatu nami no yora mu to omop yeru pama no kiywo kyeku
大船爾梶之母有奈牟君無爾潜為八方波雖不起
opo bune ni kadi si mo aranamu kimi na si ni kaduki se me ya mo nami tata zu tomo
大舟乎荒海爾榜出八船多氣吾見之兒等之目見者知之母
opo bune wo ar umi ni kogi de ya pune take wa ga mi si kwo ra ga ma mi pa siru si mo
百師木乃大宮人之踏跡所奥浪来不依有勢婆不失有麻思乎
momo sikwi no opo miya pito no pumi si atwo dokoro oki tu nami ki yose zari seba use zara masi wo
夏影房之下邇衣裁吾妹裏儲吾為裁者差大裁
natu kage no tuma ya no sita ni kinu tatu wagimo ura makete wa ga tame tataba yaya opo ni tate
大海候水門事有従何方君吾率凌
opo umi wo mamoru minatwo ni koto si araba idupye yu kimi ga wa wo wi sinwoga mu
冬隠春乃大野乎焼人者焼不足香文吾情熾
puyu gomori paru no opo nwo wo yaku pito pa yaki tara ne ka mo wa ga kokoro yaku
大船爾真梶繁貫水手出去之奥者将深潮者干去友
opo bune ni ma kadi sizi nuki kogi de naba oki pa puka kye mu sipo pa pwi nu tomo
玉手次不懸時無氣緒爾吾念公者虚蝉之世人有者大王之命恐夕去者鶴之妻喚難波方三津埼従大舶爾二梶繁貫白浪乃高荒海乎嶋傳伊別徃者留有吾者幣引齊乍公乎者将待早還万世
tama ta suki kake nu toki na ku iki no wo ni wa ga omopu kimi pa utusemi no yo no pito n areba opo kimi no mikoto kasikwo mi yupu sareba tadu ga tuma ywobu nanipa gata mitu no saki ywori opo bune ni ma kadi sizi nuki sira nami no taka ki ar umi wo sima dutapi i wakare yukaba todomar eru ware pa nusa piki ipapitutu kimi wo ba mata mu paya kapyeri mase
皇之御笠乃山能秋黄葉今日之鍾礼爾散香過奈牟
opo kimi no mikasa no yama no momiti ba pa kyepu no sigure ni tiri ka sugwi na mu
大口能真神之原爾零雪者甚莫零家母不有國
opo kuti no makamwi no para ni puru yuki pa ita ku na puri so ipye mo ara na ku ni
白埼者幸在待大船爾眞梶繁貫又埓顧
sira saki pa saki ku ari mate opo bune ni ma kadi sizi nuki mata kapyeri mi mu
大瀧乎過而夏箕爾傍爲而浄川瀬見何明沙
opo tagi wo sugwite natumwi ni tika dukite kiywo ki kapa se wo miru ga sayake sa
級照片足羽河之左丹塗大橋之上従紅赤裳數十引山藍用揩衣服而直獨伊渡爲兒者若草乃夫香有良武橿實之獨歟埓宿問巻乃欲我妹之家乃不知久
sinateru katasipa gapa no sa ni nuri no opo pasi no upe yu kurenawi no aka mo suswo biki yama awi moti sur eru kinu kite tada pito ri i watara su kwo pa waka kusa no tuma ka aru ramu kasi no mwi no pito ri ka nu ramu topa maku no posi ki wa g imo ga ipye no sira na ku
大橋之頭爾家有者心悲久獨去兒爾屋戸借申尾
opo pasi no tume ni ipye araba ma kanasi ku pito ri yuku kwo ni yadwo kasa masi wo
人跡成事者難乎和久良婆爾成吾身者死毛生毛公之随意常念乍有之間爾虚蝉乃代人有者大王之御命恐美天離夷治爾登朝鳥之朝立爲管群鳥之群立行者留居而吾者埓戀奈不見久有者
pito to naru koto pa kata ki wo wakurabani nar eru wa ga mwi pa sini mo iki mo kimi ga manima to omopitutu ari si apida ni utusemi no yo no pito n areba opo kimi no mi koto kasikwo mi ama zakaru pina wosame ni to asa tori no asa dati si tutu mura tori no mura tati yukaba tomari wite ware pa kwopwi mu na mi zu pisa n araba
虚蝉乃世人有者大王之御命恐弥礒城嶋能日本國乃石上振里爾紐不解丸寐乎爲者吾衣有服者奈礼奴毎見戀者雖益色二山上復有山者一可知美冬夜之明毛不得呼五十母不宿二吾齒曽戀流妹之直香仁
utusemi no yo no pito nareba opo kimi no mi koto kasikwo mi sikwi sima no yamato no kuni no iswo no kami puru no satwo ni pimo toka zu maro ne wo sureba wa ga ki taru koromo pa nare nu miru goto ni kwopwi pa masaredo iro ni ideba pito siri nu be mi puyu no ywo no akasi mo e nu wo i mo ne zuni ware pa so kwopuru imo ga tadaka ni
百礒城大宮人之蘰有垂柳者雖見不飽鴨
momo sikwi no opo miya pito no kadurak yeru sidari yanagwi pa miredo aka nu kamo
百礒城之大宮人者暇有也梅乎挿頭而此間集有
momo sikwi no opo miya pito pa itoma are ya ume wo kazasite koko ni tudwop yeru
春草之繁吾戀大海方徃浪之千重積
paru kusa no sige ki wa ga kwopwi opo umi no pye ni yuku nami no ti pye ni tumori nu
従蒼天徃来吾等須良汝故天漢道名積而叙来
opo swora yu kaywopu ware sura nare yuweni ama no kapa di wo nadumite zo ko si
乾坤之初時従天漢射向居而一年丹兩遍不遭妻戀爾物念人天漢安乃川原乃有通出々乃渡丹具穂船乃艫丹裳舳丹裳船装真梶繁抜旗芒本葉裳具世丹秋風乃吹来夕丹天河白浪凌落沸速湍渉稚草乃妻手枕迹大舟乃思憑而滂来等六其夫乃子我荒珠乃年緒長思来之戀将盡七月七日之夕者吾毛悲焉
ame tuti no pazime no toki yu ama no gapa i mukapi worite pito tose ni puta tabi apa nu tuma gwopwi ni mono omopu pito ama no gapa yasu no kapara no ari gaywopu ide no watari ni sopo bune no tomo ni mo pe ni mo puna yosopi ma kadi sizi nuki pata susuki moto pa mo soyo ni aki kaze no puki kuru yopi ni ama no gapa sira nami sinwogi oti tagitu paya se watarite waka kusa no tuma ga te maku to opo bune no omopi tanomite kogi ku ramu so no tuma no kwo ga ara tama no tosi no wo naga ku omopi ko si kwopwi wo tukusa mu pumi tukwi no nanu ka no yopi pa ware mo kanasi mo
真葛原名引秋風毎吹阿太乃大野之芽子花散
ma kuzu para nabiku aki kaze puku gotoni ada no opo nwo no pagwi no pana tiru
海原乃路爾乗哉吾戀居大舟之由多爾將有人兒由惠爾
una para no miti ni norite ya wa ga kwopwi wora mu opo bune no yuta ni aru ramu pito no kwo yuweni
大船香取海慍下何有人物不念有
opo bune no katori no umi ni ikari orosi ika naru pito ka mono omopa zara mu
大土採雖盡世中盡不得物戀在
opo tuti mo tori tukusa medo yo no naka no tukusi e nu mono pa kwopwi ni si ari kyeri
大野小雨被敷木本時依來我念人
opo nwo ra ni kwo same puri siku ko no moto ni toki to yori kone wa ga omopu pito
大野跡状不知印結有不得吾眷
opo nwo ra ni tadwoki mo sira zu sime yupite ari so kane turu wa ga kwopuraku pa
大船眞楫繁拔榜間極太戀年在如何
opo bune ni ma kadi sizi nuki kogu potwo mo kokodaku kwopwisi tosi ni araba ika ni
霰零遠津大浦爾縁浪縦毛依十万憎不有君
arare puri topo tu opo ura ni yosuru nami yosi mo yosu tomo niku kara na ku ni
大船乃絶多經海爾重石下何如爲鴨吾戀將止
opo bune no tayutapu umi ni ikari orosi ika ni seba ka mo wa ga kwopwi yama mu
大船之艫毛舳毛依浪依友吾者君之任意
opo bune no tomo ni mo pe ni mo yosuru nami yosu tomo ware pa kimi ga manima ni
大海二立良武浪者間將有公二戀等九止時毛梨
opo umi ni tatu ramu nami pa apida ara me kimi ni kwopu raku yamu toki mo na si
大船爾葦荷苅積四美見似裳妹心爾乗來鴨
opo bune ni asi ni kari tumi simimi ni mo imo pa kokoro ni nori ni kyeru kamo
王之御笠爾縫有在間菅有管雖看事無吾妹
opo kimi no mi kasa ni nup yeru arima suge ari tutu miredo koto na ki wa g imo
大海之荒礒之渚鳥朝名旦名見巻欲乎不所見公可聞
opo umi no ariswo no su dori asa n asa na mi maku posi ki wo mi ye nu kimi kamo
大方者何鴨将戀言擧不為妹爾依宿牟年者近綬
opo kata pa nani ka mo kwopwi mu koto age se zu imo ni yori ne mu tosi pa tika ki wo
大王之塩焼海部乃藤衣穢者雖為弥希将見毛
opo kimi no sipo yaku ama no pudi koromo nare pa suredomo iya medurasi mo
大海之底乎深目而結義之妹心者疑毛無
opo umi no soko wo puka mete musubi te si imo ga kokoro pa utagapi mo na si
丹波道之大江乃山之真玉葛絶牟乃心我不思
tanipadi no opo ye no yama no matamadura taye mu no kokoro wa ga omopa naku ni
度會大川邊若歴木吾久在者妹戀鴨
watarapi no opo kapa no pye no waka pisa gwi wa ga pisa naraba imo kwopwi mu kamo
三雪零越乃大山行過而何日可我里乎将見
mi yuki puru kwosi no opo yama yuki sugwite idure no pi ni ka wa ga satwo wo mi mu
八隅知之和期大皇高照日之皇子之聞食御食都國神風之伊勢乃國者國見者之毛山見者高貴之河見者左夜氣久清之水門成海毛廣之見渡嶋名高之己許乎志毛間細美香母挂巻毛文爾恐山邊乃五十師乃原爾内日刺大宮都可倍朝日奈須目細毛暮日奈須浦細毛春山之四名比盛而秋山之色名付思吉百礒城之大宮人者天地与日月共万代爾母我
yasumisisi wa go opo kimi taka terasu pi no mi kwo no kikosi wosu mi ke tu kuni kamu kaze no ise no kuni pa kuni mireba si mo yama mireba taka ku taputwo si kapa mireba saya kyeku kiywo si minatwo nasu umi mo yutake si mi watasu sima mo na taka si koko wo si mo ma gupasi mi ka mo kake maku mo ayani kasikwo ki yama no pye no isi no para ni utipi sasu opo miya tukape asa pi nasu ma gupasi mo yupu pi nasu ura gupasi mo paru yama no sinapi sakayete aki yama no iro natukasi ki momo sikwi no opo miya pito pa ame tuti to pi tukwi to tomo ni yorodu yo ni moga
王命恐雖見不飽楢山越而眞木積泉河乃速瀬竿刺渡千速振氏渡乃多企都瀬乎見乍渡而近江道乃相坂山丹手向爲吾越徃者樂浪乃志我能韓埼幸有者又反見道前八十阿毎嗟乍吾過徃者弥遠丹里離來奴弥高二山文越來奴劔刀鞘従拔出而伊香胡山如何吾将爲徃邊不知而
opo kimi no mi koto kasikwo mi miredo aka nu nara yama kwoyete ma kwi tumu idumi no kapa no paya ki se wo sawo sasi watari tipayaburu udi no watari no tagitu se wo mitutu watarite apumi di no apusaka yama ni ta muke site wa ga kwoye yukeba sasanami no siga no kara saki saki ku araba mata kapyeri mi mu miti no kuma ya swo kuma goto ni nagekitutu wa ga sugwi yukeba iya topo ni satwo sakari ki nu iya taka ni yama mo kwoye ki nu turugi tati saya yu nuki idete ikagwo yama ika ni ka wa ga se mu yuku pye sira zute
大舟能思憑君故爾盡心者惜雲梨
opo bune no omopi tanom yeru kimi yuwe ni tukusu kokoro pa wosi kye ku mo na si
三諸之神奈備山従登能陰雨者落來奴雨霧相風左倍吹奴大口乃眞神之原従思管還爾之人家爾到伎也
mimoro no kamunabwi yama yu tono gumori ame pa puri ki nu ama gwirapi kaze sape puki nu opo kuti no makamwi no para yu omopi tutu kapyeri ni si pito ipye ni itari ki ya
爲須部乃田付叨不知石根乃興凝敷道乎石床笶根延門叨朝庭出居而嘆夕庭入居而思白桍乃吾衣袖叨折反獨之寐者野干玉黒髪布而人寐味眠不睡而大舟乃徃良行羅二思乍吾睡夜等呼讀文将敢鴨
se mu subye no taduki wo sira ni ipa ga ne no kogosi ki miti wo ipa toko no ne bap yeru kadwo wo asita ni pa ide wite nageki yupu pye ni pa iri wite sinwopi sirwo tape no wa ga koromo de wo wori kapyesi pito ri si nureba nubatama no kurwo kami sikite pito no nuru uma i pa ne zute opo bune no yukurayukura ni omopitutu wa ga nuru ywo ra wo yomi mo ape mu kamo
吾背子者待跡不來鴈音文動而寒烏玉乃宵文深去來左夜深跡阿下乃吹者立待爾吾衣袖爾置霜文氷丹左叡渡落雪母凍渡奴今更君來目八左奈葛後文将會常大舟乃思憑迹現庭君者不相夢谷相所見欲天之足夜爾
wa ga sekwo pa matedo ki masa zu kari ga ne mo toyomite samu si nubatama no ywo mo puke ni kyeri sa ywo puku to a ra si no pukeba tati matu ni wa ga koromo de ni oku simo mo pi ni saye watari puru yuki mo kopori watari nu imasara ni kimi ki masa me ya sana kadura noti mo apa mu to opo bune no omopi tanome do ututu ni pa kimi ni pa apa zu ime ni dani apu to mi ye koso ame no tari ywo ni
大船之思憑而木妨己弥遠長我念有君爾依而者言之故毛無有欲得木綿手次肩荷取懸忌戸乎齊穿居玄黄之神祇二衣吾祈甚毛爲便無見
opo bune no omopi tanomite sana kadura iya topo naga ku wa ga omop yeru kimi ni yorite pa koto no yuwe mo na ku ari koso to yupu ta suki kata ni tori kake ipapi be wo ipapi pori suwe ame tuti no kamwi ni zo wa ga nomu ita mo subye na mi
三芳野之眞木立山爾青生山菅之根乃慇懃吾念君者天皇之遣之万々夷離國治爾登群鳥之朝立行者後有我可将戀奈客有者君可将思言牟爲便将爲須便不知延津田乃歸之別之數惜物可聞
mi yosinwo no ma kwi tatu yama ni awo ku opuru yama suga no ne no nemokoro ni wa ga omopu kimi pa opo kimi no make no manima ni pina zakaru kuni wosame ni to mura tori no asa tati inaba okure taru ware ka kwopwi na mu tabi n araba kimi ka sinwopa mu ipa mu subye se mu subye sira ni papu tuta no yuki no wakare no amata wosi ki mono kamo
三芳野之眞木立山爾青生山菅之根乃慇懃吾念君者王命恐天踈夷治爾等群鳥之朝立行者後有我可将戀奈客有者君可将思足日木山之木末爾延津田乃別之數惜物可聞
mi yosinwo no ma kwi tatu yama ni awo ku opuru yama suga no ne no nemokoro ni wa ga omopu kimi pa opo kimi no mi koto kasikwo mi ama zakaru pina wosame ni to mura tori no asa tati inaba okure taru ware ka kwopwi na mu tabi n araba kimi ka sinwopa mu asi pikwi no yama no konure ni papu tuta no wakare no amata wosi ki mono kamo
紀伊國之室之江邊爾千年爾障事無万世爾如是将在登大舟之思恃而出立之清瀲爾朝名寸二來依深海松夕難岐爾來依縄法深海松之深目思子等遠縄法之引者絶登夜散度人之行之屯爾鳴兒成行取左具利梓弓弓腹振起志乃岐羽矣二手狭離兼人斯悔戀思者
kwi no kuni no murwo no ye no pye ni ti tose ni saparu koto na ku yorodu yo ni kaku si mo ara mu to opo bune no omopi tanomite idetati no kiywo ki nagisa ni asa nagi ni ki yoru puka miru yupu nagi ni ki yoru napa nori puka miru no pukame si kwo ra wo napa nori no pikeba tayu to ya satwo bito no yuki no tudwopi ni naku kwo nasu yuki tori saguri adusa yumi yu bara puri okosi sinokipa wo puta tu ta basami panati kye mu pito si kuti wosi kwopuraku omopeba
挂纒毛文恐藤原王都志弥美爾人下満雖有君下大座常徃向年緒長仕來君之御門乎如天仰而見乍雖畏思憑而何時可聞日足座而十五月之多田波思家武登吾思皇子命者春避者殖槻於之遠人待之下道湯登之而國見所遊九月之四具礼乃秋者大殿之砌志美弥爾露負而靡芽乎珠手次懸而所偲三雪零冬朝者刺楊根張梓矣御手二所取賜而所遊我王矣烟立春日暮喚犬追馬鏡雖見不飽者万歳如是霜欲得常大船之憑有時爾妖言目鴨迷大殿矣振放見者白細布餝奉而内日刺宮舎人方雪穂麻衣服者夢鴨現前鴨跡雲入夜之迷間朝裳吉城於道従角障經石村乎見乍神葬々奉者徃道之田付叨不知雖思印乎無見雖歎奥香乎無見御袖徃觸之松矣言不問木雖在荒玉之立月毎天原振放見管珠手次懸而思名雖恐有
kake maku mo aya ni kasikwo si pudipara no miyakwo simimi ni pito pa si mo mitite aredomo kimi pa si mo opo ku imase do yuki mukapu tosi no wo naga ku tukape ko si kimi no mikadwo wo ame no goto apugite mitutu kasikwo kyedo omopi tanomite itu si ka mo pitara si masite moti dukwi no tatapasi kye mu to wa ga omopu mi kwo no mikoto pa paru sareba uwe tukwi ga upe no topo tu pito matu no sita di yu nobora site kuni mi aswobasi nagatukwi no sigure no aki pa opo tono no migiri simimi ni tuyu opite nabik yeru pagwi wo tama ta suki kakete sinwopa si mi yuki puru puyu no asita pa sasi yanagwi ne pari adusa wo opomi te ni tora si tamapite aswobasi si wa ga opo kimi wo kasumi tatu paru no pi gurasi maswo kagami miredo aka neba yorodu yo ni kaku si moga mo to opo bune no tanom yeru toki ni oyodure ni me ka mo matwop yeru opo tono wo purisake mireba sirwo tape ni kazari maturite utipi sasu miya no toneri mo tape no po no asa ginu k yereba ime kamo ututu kamo to kumori ywo no matwop yeru potwo ni asamoyosi kwinope no miti yu tunwosapapu ipare wo mitutu kamu paburi paburi matureba yuku miti no taduki wo sira ni omopedomo sirusi wo na mi nagekedomo oku ka wo na mi opomi swode yuki pure si matu wo koto twopa nu kwi ni pa aredomo ara tama no tatu tukwi goto ni ama no para purisake mi tutu tama ta suki kakete sinwopa na kasikwo karedomo
挂纒毛文恐藤原王都志弥美爾人下満雖有君下大座常徃向年緒長仕來君之御門乎如天仰而見乍雖畏思憑而何時可聞日足座而十五月之多田波思家武登吾思皇子命者春避者殖槻於之遠人待之下道湯登之而國見所遊九月之四具礼乃秋者大殿之砌志美弥爾露負而靡芽乎珠手次懸而所偲三雪零冬朝者刺楊根張梓矣御手二所取賜而所遊我王矣烟立春日暮喚犬追馬鏡雖見不飽者万歳如是霜欲得常大船之憑有時爾妖言目鴨迷大殿矣振放見者白細布餝奉而内日刺宮舎人方雪穂麻衣服者夢鴨現前鴨跡雲入夜之迷間朝裳吉城於道従角障經石村乎見乍神葬々奉者徃道之田付叨不知雖思印乎無見雖歎奥香乎無見御袖徃觸之松矣言不問木雖在荒玉之立月毎天原振放見管珠手次懸而思名雖恐有
kake maku mo aya ni kasikwo si pudipara no miyakwo simimi ni pito pa si mo mitite aredomo kimi pa si mo opo ku imase do yuki mukapu tosi no wo naga ku tukape ko si kimi no mikadwo wo ame no goto apugite mitutu kasikwo kyedo omopi tanomite itu si ka mo pitara si masite moti dukwi no tatapasi kye mu to wa ga omopu mi kwo no mikoto pa paru sareba uwe tukwi ga upe no topo tu pito matu no sita di yu nobora site kuni mi aswobasi nagatukwi no sigure no aki pa opo tono no migiri simimi ni tuyu opite nabik yeru pagwi wo tama ta suki kakete sinwopa si mi yuki puru puyu no asita pa sasi yanagwi ne pari adusa wo opomi te ni tora si tamapite aswobasi si wa ga opo kimi wo kasumi tatu paru no pi kurasi maswo kagami miredo aka neba yorodu yo ni kaku si moga mo to opo bune no tanom yeru toki ni oyodure ni me ka mo matwop yeru opo tono wo purisake mireba sirwo tape ni kazari maturite utipi sasu miya no toneri pa tape no po no asa ginu k yereba ime kamo ututu kamo to kumori ywo no matwop yeru potwo ni asamoyosi kwinope no miti yu tunwosapapu ipare wo mitutu kamu paburi paburi matureba yuku miti no taduki wo sira ni omopedomo sirusi wo na mi nagekedomo oku ka wo na mi opomi swode yuki pure si matu wo koto twopa nu kwi ni pa aredomo ara tama no tatu tukwi goto ni ama no para purisake mi tutu tama ta suki kakete sinwopa na kasikwo karedomo
角障經石村山丹白栲懸有雲者皇可聞
tunwosapapu ipare no yama ni sirwo tape ni kakar eru kumo pa wa ga opo kimi kamo
礒城嶋之日本國爾何方御念食可津礼毛無城上宮爾大殿乎都可倍奉而殿隠々座者朝者召而使夕者召而使遣之舎人之子等者行鳥之群而待有雖待不召賜者劔刀磨之心乎天雲爾念散之展轉土打哭杼母飽不足可聞
sikwi sima no yamato no kuni ni ika sama ni omoposi myese ka ture mo na ki kwinope no miya ni opo tono wo tukape maturite tono gomori komori imaseba asita ni pa myesite tukapi yupu pye ni pa myesite tukapi tukapa si si toneri no kwo ra pa yuku tori no muragarite mati ari matedo myesi tamapa neba turugi tati twogi si kokoro wo ama kumo ni omopi pararakasi koi marobi piduti nake domo aki dara nu kamo
百小竹之三野王金厩立而飼駒角厩立而飼駒草社者取而飼曰戸水社者挹而飼曰戸何然大分青馬之鳴立鶴
momo sinwo no minwo no opo kimi nisi no uma ya tatete kapu kwoma pimugasi no uma ya tatete kapu kwoma kusa kosoba torite kapu to i pe midu kosoba kumite kapu to i pe nani si ka mo asi ge no uma no ibaye tati turu
白雲之棚曳國之青雲之向伏國乃天雲下有人者妾耳鴨君爾戀濫吾耳鴨夫君爾戀礼薄天地満言戀鴨胸之病有念鴨意之痛妾戀叙日爾異爾益何時橋物不戀時等者不有友是九月乎吾背子之偲丹爲与得千世爾物偲渡登万代爾語都我部等始而之此九月之過莫呼伊多母爲便無見荒玉之月乃易者将爲須部乃田度伎乎不知石根之許凝敷道之石床之根延門爾朝庭出座而嘆夕庭入座戀乍烏玉之黒髪敷而人寐味寐者不宿爾大船之行良行良爾思乍吾寐夜等者數物不敢鴨
sira kumo no tanabiku kuni no awo kumo no muka busu kuni no ama kumo no sita n aru pito pa a nomwi ka mo kimi ni kwopu ramu a nomwi ka mo kimi ni kwopu reba ame tuti ni miti tarapasite kwopure ka mo mune no yami taru omope ka mo kokoro no ita ki a ga kwopwi zo pi ni kye ni masaru itu pa si mo kwopwi nu toki to pa ara ne domo ko no nagatukwi wo wa ga sekwo ga sinwopi ni se yo to ti yo ni mo sinwopi watare to yorodu yo ni katari tugapye to katari site ko no nagatukwi no sugwi maku wo ita mo subye na mi ara tama no tukwi no kapareba se mu subye no tadwoki wo sira ni ipa ga ne no kogosi ki miti no ipa toko no ne bap yeru kadwo ni asita ni pa ide wite nageki yupu pye ni pa iri wi kwopwitutu nubatama no kurwo kami sikite pito no nuru uma i pa ne zu ni opo bune no yukurayukura ni omopitutu wa ga nuru ywo ra pa yomi mo ape nu kamo
王之御命恐秋津嶋倭雄過而大伴之御津之濱邊従大舟爾眞梶繁貫旦名伎爾水手之音爲乍夕名寸爾梶音爲乍行師君何時來座登大卜置而齊度爾狂言哉人之言釣我心盡之山之黄葉之散過去常公之正香乎
opo kimi no mi koto kasikwo mi akidu sima yamato wo sugwite opotomo no mitu no pama pye yu opo bune ni ma kadi sizi nuki asa nagi ni kako no kowe situtu yupu nagi ni kadi no to situtu yuki si kimi itu ki masa mu to ura okite ipapi wataru ni tapa koto ya pito no ipi turu wa ga kokoro tukusi no yama no momiti ba no tiri sugwi ni ki to kimi ga tadaka wo
此月者君将來跡大舟之思憑而何時可登吾待居者黄葉之過行跡玉梓之使之云者螢成髣髴聞而大土乎火穂跡而立居而去方毛不知朝霧乃思或而杖不足八尺乃嘆々友記乎無見跡何所鹿君之将座跡天雲乃行之随爾所射宍乃行文将死跡思友道之不知者獨居而君爾戀爾哭耳思所泣
ko no tukwi pa kimi ki masa mu to opo bune no omopi tanomite itu si ka to wa ga mati woreba momiti ba no sugwite ini ki to tamadusa no tukapi no ipeba potaru nasu ponoka ni kikite opo tuti wo ponopo to pumite tatite wite yuku pye mo sira zu asa gwiri no omopi matwopite tuwe tara zu ya saka no nageki nageke domo sirusi wo na mito iduku ni ka kimi ga masa mu to ama kumo no yuki no manima ni i yu sisi no yuki mo sina mu to omope domo miti no sira neba pito ri wite kimi ni kwopuru ni ne nomwi si naka yu
可美都気努伊奈良能奴麻乃於保為具左与曾爾見之欲波伊麻許曾麻左礼
kami tu kenwo inara no numa no opo wi gusa yoso ni mi si ywo pa ima koso masare
於保伎美乃美己等可思古美可奈之伊毛我多麻久良波奈礼欲太知伎努可母
opo kimi no mi koto kasikwo mi kanasi imo ga ta makura panare ywo dati ki nwo kamo
於毛可多能和須礼牟之太波於抱野呂爾多奈婢久君母乎見都追思努波牟
omo kata no wasure mu sida pa opo nwo ro ni tanabiku kumo wo mi tutu sinwopa mu
可良須等布於保乎曾杼里能麻左弖爾毛伎麻左奴伎美乎許呂久等曾奈久
karasu to pu opo woso dori no masadeni mo ki masa nu kimi wo koroku to so naku
於保夫祢乎倍由毛登母由毛可多米提之許曾能左刀妣等阿良波左米可母
opo bune wo pe yu mo tomo yu mo katame te si koso no satwo bito arapasa me kamo
大船爾伊母能流母能爾安良麻勢婆羽具久美母知弖由可麻之母能乎
opo bune ni imo noru mono ni ara maseba pa gukumi motite yuka masi monowo
大船乎安流美爾伊太之伊麻須君都追牟許等奈久波也可敞里麻勢
opo bune wo ar umi ni idasi imasu kimi tutumu koto na ku paya kapyeri mase
於保夫祢爾麻可治之目奴伎宇奈波良乎許芸弖天和多流月人乎登姑
opo bune ni ma kadi sizi nuki una para wo kogi dete wataru tukwi pito wotokwo
安佐散礼婆伊毛我手爾麻久可我美奈須美津能波麻備爾於保夫祢爾真可治之自奴伎可良久爾爾和多理由加武等多太牟加布美奴面乎左指天之保麻知弖美乎妣伎由気婆於伎敞爾波之良奈美多可美宇良未欲理許芸弖和多礼婆和伎毛故爾安波治乃之麻波由布左礼婆久毛為可久里奴左欲布気弖由久敞乎之良爾安我己許呂安可志能宇良爾布祢等米弖宇伎祢乎詞都追和多都美能於枳敞乎見礼婆伊射理須流安麻能乎等女波小船乗都良良爾宇家里安香等吉能之保美知久礼婆安之辨爾波多豆奈伎和多流安左奈芸爾布奈弖乎世牟等船人毛鹿子毛許恵欲妣柔保等里能奈豆左比由気婆伊敝之麻婆久毛為爾美延奴安我毛敞流許己呂奈具也等波夜久伎弖美牟等於毛比弖於保夫祢乎許芸和我由気婆於伎都奈美多可久多知伎奴与曾能未爾見都追須疑由伎多麻能宇良爾布祢乎等杼米弖波麻備欲里宇良伊蘇乎見都追奈久古奈須祢能未之奈可由和多都美能多麻伎能多麻乎伊敞都刀爾伊毛爾也良牟等比里比登里素弖爾波伊礼弖可敞之也流都可比奈家礼婆毛弖礼杼毛之留思乎奈美等麻多於伎都流可毛
asa sareba imo ga te ni maku kagami nasu mi tu no pama bwi ni opo bune ni ma kadi sizi nuki kara kuni ni watari yuka mu to tada mukapu minume wo sasite sipo matite miwo biki yukeba oki pye ni pa sira nami taka mi ura mwi ywori kogite watareba wagimo kwo ni apadi no sima pa yupu sareba kumo wi kakuri nu sa ywo pukete yuku pye wo sira ni a ga kokoro akasi no ura ni pune tomete uki ne wo situtu watatumi no oki pye wo mi reba izari suru ama no woto mye pa wo bune nori turara ni uk yeri aka toki no sipo miti kureba asi bye ni pa tadu naki wataru asa nagi ni puna de wo se mu to puna bito mo kakwo mo kowe ywobi nipodori no nadusapi yukeba ipyesima pa kumo wi ni mi ye nu a ga mop yeru kokoro nagu ya to paya ku kite mi mu to omopite opo bune wo kogi wa ga yukeba oki tu nami taka ku tati ki nu yoso nomwi ni mi tutu sugwi yuki tama no ura ni pune wo todomete pama bwi ywori ura iswo wo mi tutu naku kwo nasu ne nomwi si naka yu watatumi no ta maki no tama wo ipye dutwo ni imo ni yara mu to piripi tori swode ni pa irete kapyesi yaru tukapi na kyereba mot eredomo sirusi wo na mito mata oki turu kamo
大船爾可之布里多弖天波麻芸欲伎麻里布能宇良爾也杼里可世麻之
opo pune ni kasi puri tatete pama giywo ki maripu no ura ni yadori ka se masi
筑紫道能可太能於保之麻思末志久母見祢婆古非思吉伊毛乎於伎弖伎奴
tukusi di no kada no opo sima simasi ku mo mi neba kwopwisi ki imo wo okite ki nu
於保伎美能美許等可之故美於保夫祢能由伎能麻爾末爾夜杼里須流可母
opo kimi no mi koto kasikwo mi opo bune no yuki no manima ni yadori suru kamo
於保伎美能等保能美可度登於毛敞礼杼気奈我久之安礼婆古非爾家流可母
opo kimi no topo no mikadwo to omop yeredo ke naga ku si areba kwopwi ni kyeru kamo
於保夫祢爾真可治之自奴伎等吉麻都等和礼波於毛倍杼月曽倍爾家流
opo bune ni ma kadi sizi nuki toki matu to ware pa omopedo tukwi zo pe ni kyeru
安乎爾与之奈良能於保知波由吉余家杼許能山道波由伎安之可里家利
awo ni yo si nara no opo ti pa yuki yo kyedo ko no yama miti pa yuki asi kari kyeri
佐須太気能大宮人者伊麻毛可母比等奈夫理能未許能美多流良武
sasutake no opo miya pito pa ima mo ka mo pito naburi nomwi konomi taru ramu
佐須太気能大宮人者伊麻左倍也比等奈夫理能未許能美多流良武
sasutake no opo miya pito pa ima sape ya pito naburi nomwi konomi taru ramu
緑子之若子蚊見庭垂乳爲母所懐褨襁平生蚊見庭結經方衣氷津裏丹縫服頸着之童子蚊見庭結幡袂着衣服我矣丹因子等何四千庭三名之綿蚊黒爲髪尾信櫛持於是蚊寸垂取束擧而裳纒見解乱童兒丹成見羅丹津蚊經色丹名着來紫之大綾之衣墨江之遠里小野之眞榛持丹穂之爲衣丹狛錦紐丹縫着刺部重部波累服打十八爲麻續兒等蟻衣之寶之子等蚊打栲者經而織布日曝之朝手作尾信巾裳成者之寸丹取爲支屋所經稻寸丁女蚊妻問迹我丹所來爲彼方之二綾裏沓飛鳥飛鳥壯蚊霖禁縫爲黒沓刺佩而庭立住退莫立禁尾迹女蚊髣髴聞而我丹所來爲水縹絹帶尾引帶成韓帶丹取爲海神之殿蓋丹飛翔爲輕如來腰細丹取餝氷眞十鏡己蚊果取雙懸而還氷見乍春避而野邊尾廻者面白見我矣思經蚊狭野津鳥來鳴翔經秋僻而山邊尾徃者名津蚊爲迹我矣思經蚊天雲裳行田菜引還立路尾所來者打氷刺宮尾見名刺竹之舎人壮裳忍經等氷還等氷見乍誰子其迹哉所思而在如是所爲故爲古部狭々寸爲我哉端寸八爲今日八方子等丹五十狭迩迹哉所思而在如是所爲故爲古部之賢人藻後之世之竪監將爲迹老人矣送爲車持還來持還來
midorikwo no waku gwo ga mwi ni pa taratisi papa ni udaka ye pimutuki no papu kwo gami ni pa yupu kata ginu pitura ni nupi ki kubi tuki no warapa ga mwi ni pa yupi pata no swode tuke goromo ki si ware wo nipopi yoru kwo ra ga yoti ni pa mina no wata ka gurwo si kami wo ma kusi moti koko ni kaki tari tori tukane agete mo maki mi toki midari warapa ni nasi mi sa ni tukapu iro ni natukasi ki murasaki no opo aya no kinu suminoye no topo satwo wo nwo no ma pari moti ni posi si kinu ni koma nisiki pimo ni nupi tuke sasa pu kasana pu nami kasane ki uti swo ya si womi no kwo ra arikinu no takara no kwo ra ga uti tape pa pete oru nunwo pi sarasi no asa te dukuri wo pire mo nasu pasi ki ni tori siki ipye ni puru inaki womina ga tuma dopu to ware ni okose si wotikata no puta aya sita kutu tobu tori no asuka wotokwo ga nag ame imi nupi si kurwo kutu sasi pakite nipa ni tatazumye makari na tati to sapuru wotomye ga pono kikite ware ni okose si mipanada no kinu no obi wo piki obi nasu kara obi ni tora si watatumi no tono no iraka ni tobi kakeru sugaru no goto ki kosi boso ni tori kazarapi maswo kagami tori name kakete ono ga kapo kapyerapi mitutu paru sarite nwo pye wo megureba omosirwo mi ware wo omo pe ka sa nwo tu tori ki naki kakerapu aki sarite yama pye wo yukeba natukasi to ware wo omo pe ka ama kumo mo yuki tanabik yeru kapyeri tati miti wo kureba utipi sasu miya womina sasutake no toneri wotokwo mo sino burapi kapye rapi mitutu ta ga kwo so to ya omopa yete aru kaku no goto se rare si yuweni inisipye sazaki si ware ya pasikiyasi kyepu ya mo kwo ra ni isa ni to ya omopa yete aru kaku no goto serare si yuweni inisipye no sakasi ki pito mo noti no yo no kagami ni se mu to oi pito wo okuri si kuruma moti kapyeri ko si moti kapyeri ko si
寺々之女餓鬼申久大神乃男餓鬼被給而其子將播
tera dera no mye gakwi mawosa ku opo miwa no wo gakwi tabarite so no kwo umapa mu
烏玉之斐太乃大黒毎見巨勢乃小黒之所念可聞
nubatama no pida no opo gurwo miru goto ni kose no wo gurwo si omopoyuru kamo
王之不遣爾情進爾行之荒雄良奥爾袖振
opo kimi no tukapa sa naku ni sakasira ni yuki si ara wo ra oki ni swode puru
大船爾小船引副可豆久登毛志賀乃荒雄爾潜將相八方
opo bune ni wo bune piki swope kaduku tomo sika no ara wo ni kaduki apa me ya mo
伊刀古名兄乃君居々而物爾伊行跡波韓國乃虎云神乎生取爾八頭取持來其皮乎多々弥爾刺八重疊平群乃山爾四月与五月間爾藥猟仕流時爾足引乃此片山爾二立伊智比何本爾梓弓八多婆佐弥比米加夫良八多婆左弥宍待跡吾居時爾佐男鹿乃來立嘆久頓爾吾可死王爾吾仕牟吾角者御笠乃波夜詩吾耳者御墨坩吾目良波眞墨乃鏡吾爪者御弓之弓波受吾毛等者御筆波夜斯吾皮者御箱皮爾吾宍者御奈麻須波夜志吾伎毛母御奈麻須波夜之吾美義波御塩乃波夜之耆矣奴吾身一爾七重花佐久八重花生跡白賞尼白賞尼
itwokwo na se no kimi wori worite mono ni i yuku to pa kara kuni no twora to ipu kamwi wo ike dori ni ya tu tori moti ki so no kapa wo tatami ni sasi ya pye datami pyeguri no yama ni udukwi to satukwi to no ma ni kusuri gari tukapu ru toki ni asipiki no ko no kata yama ni puta tu tatu itipi ga moto ni adusa yumi ya tu ta basami pime kabura ya tu ta basami sisi matu to wa ga woru toki ni sa wo sika no ki tati nageka ku tatimatini ware pa sinu be si opo kimi ni ware pa tukape mu wa ga tunwo pa mi kasa no payasi wa ga mimi pa mi sumi no tubo wa ga me ra pa masumi no kagami wa ga tume pa mi yumi no yu pazu wa ga ke ra pa mi pumite payasi wa ga kapa pa mi pakwo no kapa ni wa ga sisi pa mi namasu payasi wa ga kimo mo mi namasu payasi wa ga mige pa mi sipo no payasi oi taru yatukwo wa ga mwi pito tu ni nana pye pana saku ya pye pana saku to mawosi payasa ne mawosi payasa ne
忍照八難波乃小江爾廬作難麻理弖居葦河爾乎王召跡何爲牟爾吾乎召良米夜明久吾知事乎歌人跡和乎召良米夜笛吹跡和乎召良米夜琴引跡和乎召良米夜彼此毛命受牟跡今日々々跡飛鳥爾到雖置々勿爾到雖不策都久怒爾到東中門由参納來弖命受例婆馬爾己曽布毛太志可久物牛爾己曽鼻縄波久例足引乃此片山乃毛武爾礼乎五百枝波伎垂天光夜日乃異爾干佐比豆留夜辛碓爾舂庭立手碓子爾舂忍光八難波乃小江乃始垂乎辛久垂來弖陶人乃所作龜乎今日徃明日取持來吾目良爾塩漆給腊賞毛腊賞毛
osi teru ya nanipa no wo ye ni ipo tukuri namarite woru asi gani wo opo kimi myesu to nani se mu ni wa wo myesu rame ya akirake ku wa ga siru koto wo uta pito to wa wo myesu rame ya puye puki to wa wo myesu rame ya koto piki to wa wo myesu rame ya ka mo kaku mo mi koto uke mu to kyepu kyepu to asuka ni itari tatedomo okina ni itari tukanedomo tukunwo ni itari pimugasi no naka no mikadwo yu mawi ri ki te mi koto uku reba uma ni koso pumodasi kaku mono usi ni koso pana duna pakure asipiki no ko no kata yama no momu nire wo i po ye pagi tari ama teru ya pi no kye ni posi sapiduru ya kara usu ni tuki nipa ni tatu te usu ni tuki osi teru ya nanipa no wo ye no patu tari wo kara ku tari ki te suwe pito no tukur eru kame wo kyepu yukite asu tori moti ki wa ga me ra ni sipo nuri tamapi kitapi payasu mo kitapi payasu mo
大海乃於久可母之良受由久和礼乎何時伎麻佐武等問之児良波母
opo umi no okuka mo sira zu yuku ware wo itu ki masa mu to twopi si kwo ra pa mo
大船乃宇倍爾之居婆安麻久毛乃多度伎毛思良受歌乞和我世
opo pune no upe ni si wore ba ama kumo no tadwoki mo sira zu utapi koso wa ga se
楯並而伊豆美乃河波乃水緒多要受都可倍麻都良牟大宮所
tata namete idumi no kapa no mi wo taye zu tukape matura mu opo miya tokoro
布流由吉乃之路髪麻泥爾大皇爾都可倍麻都礼婆貴久母安流香
puru yuki no sirwo kami madeni opo kimi ni tukape matureba taputwo ku mo aru ka
大宮能宇知爾毛刀爾毛比賀流麻泥零流白雪見礼杼安可奴香聞
opo miya no uti ni mo two ni mo pikaru made pur e ru sira yuki mi redo aka nu kamo
安麻射加流比奈乎佐米爾等大王能麻気乃麻爾末爾出而許之和礼乎於久流登青丹余之奈良夜麻須芸低泉河伎欲吉可波良爾馬駐和可礼之時爾好去而安礼可敞理許牟平久伊波比低待登可多良比低許之比乃伎波美多麻保許能道乎多騰保美山河能敞奈里低安礼婆孤悲之家口気奈我枳物能乎見麻久保里念間爾多麻豆左能使乃家礼婆宇礼之美登安我麻知刀敷爾於餘豆礼能多波許登等可毛波之伎余思奈弟乃美許等奈爾之加母時之波安良牟乎波太須酒吉穂出秋乃芽子花爾保敞流屋戸乎安佐爾波爾伊泥多知奈良之暮庭爾敷美多比良気受佐保能宇知乃里乎徃過安之比紀乃山能許奴礼爾白雲爾多知多奈妣久登安礼爾都気都流
ama zakaru pina wosame ni to opo kimi no make no manima ni idete ko si ware wo okuru to awo ni yo si nara yama sugwite idumi gapa kiywo ki kapara ni uma todome wakare si toki ni ma saki kute are kapyeri ko mu tapirake ku ipapite mate to katarapite ko si pi no kipami tama poko no miti wo ta dopo mi yama kapa no pyenarite areba kwopwisi kyeku ke naga ki monowo mi maku pori omopu apida ni tamadusa no tukapi no k yereba uresi mito a ga mati twopu ni oyodure no tapa koto to ka mo pasikiyosi na oto no mikoto nani si ka mo toki si pa ara mu wo pada susuki po n iduru aki no pagwi no pana nipop yeru yadwo wo asa nipa ni ide tati narasi yupu nipa ni pumi tapirage zu sapo no uti no satwo wo yuki sugwi asipikwi no yama no konure ni sira kumo ni tati tanabiku to are ni tuge turu
大王能麻気能麻爾麻爾大夫之情布里於許之安思比奇能山坂古延弖安麻射加流比奈爾久太理伎伊伎太爾毛伊麻太夜須米受年月毛伊久良母阿良奴爾宇都世美能代人奈礼婆宇知奈妣吉等許爾許伊布之伊多家苦之日異益多良知祢乃波波能美許等乃大船乃由久良由久良爾思多呉非爾伊都可聞許武等麻多須良牟情左夫之苦波之吉与志都麻能美許登母安気久礼婆門爾餘里多知己呂母泥乎遠理加敞之都追由布佐礼婆登許宇知波良比奴婆多麻能黒髪之吉低伊都之加登奈気可須良牟曾伊母毛勢母和可伎児等毛波乎知許知爾佐和吉奈久良牟多麻保己能美知乎多騰保弥間使毛夜流余之母奈之於母保之伎許登都低夜良受孤布流爾思情波母要奴多麻伎波流伊乃知乎之家騰世牟須辨能多騰伎乎之良爾加苦思低也安良志乎須良爾奈気枳布勢良武
opo kimi no make no manima ni masura wo no kokoro puri okosi asipikwi no yama zaka kwoyete ama zakaru pina ni kudari ki iki dani mo imada yasume zu tosi tukwi mo ikura mo ara nu ni utusemi no yo no pito nareba uti nabiki toko ni koi pusi ita kyeku si pi ni kyeni masaru taratine no papa no mikoto no opo pune no yukurayukura ni sita gwopwi ni itu ka mo ko mu to mata su ramu kokoro sabusi ku pasikiyosi tuma no mikoto mo ake kureba two ni yori tati koromo de wo wori kapyesitutu yupu sareba toko uti parapi nubatama no kurwo kami sikite itu si ka to nageka su ramu so imo mo se mo waka ki kwo domo pa woti koti ni sawaki naku ramu tama poko no miti wo ta dopo mi ma dukapi mo yaru yosi mo na si omoposi ki koto tute yara zu kwopuru ni si kokoro pa moye nu tamakiparu inoti wosi kyedo se mu subye no tadoki wo sira ni kaku site ya ara si wo surani nageki puse ramu
於保吉民能麻気乃麻爾麻爾之奈射加流故之乎袁佐米爾伊泥低許之麻須良和礼須良余能奈可乃都祢之奈家礼婆宇知奈妣伎登許爾己伊布之伊多家苦乃日異麻世婆可奈之家口許己爾思出伊良奈家久曾許爾念出奈家久蘇良夜須家奈久爾於母布蘇良久流之伎母能乎安之比紀能夜麻伎敞奈里低多麻保許乃美知能等保家婆間使毛遣縁毛奈美於母保之吉許等毛可欲波受多麻伎波流伊能知乎之家登勢牟須辨能多騰吉乎之良爾隠居而念奈気加比奈具佐牟流許己呂波奈之爾春花乃佐家流左加里爾於毛敷度知多乎里可射佐受波流乃野能之気美登妣久久鴬音太爾伎加受乎登売良我春菜都麻須等久礼奈為能赤裳乃須蘇能波流佐米爾爾保比比豆知弖加欲敷良牟時盛乎居多豆良爾須具之夜里都礼思努波勢流君之心乎宇流波之美此夜須我浪爾伊母祢受爾今日毛之売良爾孤悲都追曾乎流
opo kimi no make no manima ni sinazakaru kwosi wo wosame ni idete ko si masura ware sura yo no naka no tune si na kyereba uti nabiki toko ni koi pusi ita kyeku no pi ni kyeni maseba kanasi kyeku koko ni omopi de irana kyeku soko ni omopi de nageku swora yasu kye naku ni omopu swora kurusi ki monowo asipikwi no yama ki pyenarite tama poko no miti no topo kyeba ma dukapi mo yaru yosi mo na mi omoposi ki koto mo kaywopa zu tamakiparu inoti wosi kyedo se mu subye no tadoki wo sira ni komori wite omopi nagekapi nagusamuru kokoro pa na si ni paru pana no sak yeru sakari ni omopu dwoti ta wori kazasa zu paru no nwo no sikemi tobi kuku ugupisu no kowe dani kika zu wotomye ra ga paru na tuma su to kurenawi no aka mo no suswo no paru same ni nipopi pidutite kaywopu ramu toki no sakari wo itadura ni sugusi yari ture sinwopa s eru kimi ga kokoro wo urupasi mi ko no ywo sugara ni i mo ne zuni kyepu mo simyera ni kwopwitutu so woru
憶保枳美能弥許等可之古美安之比奇能夜麻野佐波良受安麻射可流比奈毛乎佐牟流麻須良袁夜奈迩可母能毛布安乎爾余之奈良治伎可欲布多麻豆佐能都可比多要米也己母理古非伊枳豆伎和多利之多毛比爾奈気可布和賀勢伊爾之敞由伊比都芸久良之餘乃奈加波可受奈枳毛能曾奈具佐牟流己等母安良牟等佐刀毘等能安礼迩都具良久夜麻備爾波佐久良婆奈知利可保等利能麻奈久之婆奈久春野爾須美礼乎都牟等之路多倍乃蘇泥乎利可敞之久礼奈為能安可毛須蘇妣伎乎登売良波於毛比美太礼弖伎美麻都等宇良呉悲須奈理己許呂具志伊謝美爾由加奈許等波多奈由比
opo kimi no mi koto kasikwo mi asipikwi no yama nwo sapara zu ama zakaru pina mo wosamuru masura wo ya nani ka mono mopu awo ni yo si nara di ki kaywopu tamadusa no tukapi taye me ya komori kwopwi ikiduki watari sita mopi ni nagekapu wa ga se inisipye yu ipi tugi ku rasi yo no naka pa kazu na ki mono so nagusamuru koto mo ara mu to satwo bito no are ni tuguraku yama bwi ni pa sakura bana tiri kapo tori no ma na ku siba naku paru no nwo ni sumire wo tumu to sirwo tape no swode wori kapyesi kurenawi no aka mo suswo biki wotomye ra pa omopi midarete kimi matu to ura gwopwi su nari kokorogu si iza mi ni yukana koto pa tanayupi
妹毛吾毛許己呂波於夜自多具敞礼登伊夜奈都可之久相見婆登許波都波奈爾情具之眼具之毛奈之爾波思家夜之安我於久豆麻大王能美許登加之古美阿之比奇能夜麻古要奴由伎安麻射加流比奈乎左米爾等別来之曾乃日乃伎波美荒璞能登之由吉我敞利春花乃宇都呂布麻泥爾相見祢婆伊多母須敞奈美之伎多倍能蘇泥可敞之都追宿夜於知受伊米爾波見礼登宇都追爾之多太爾安良祢婆孤悲之家口知敞爾都母里奴近在者加敞利爾太仁母宇知由吉低妹我多麻久良佐之加倍低祢天蒙許万思乎多麻保己乃路波之騰保久関左閇爾敞奈里低安礼許曾与思恵夜之餘志播安良武曾霍公鳥来鳴牟都奇爾伊都之加母波夜久奈里那牟宇乃花能爾保敞流山乎余曾能未母布里佐気見都追淡海路爾伊由伎能里多知青丹吉奈良乃吾家爾奴要鳥能宇良奈気之都追思多恋爾於毛比宇良夫礼可度爾多知由布気刀比都追吾乎麻都等奈須良牟妹乎安比低早見牟
imo mo ware mo kokoro pa oyazi tagup yeredo iya natukasi ku api mire ba toko patu pana ni kokoro gu si megu si mo na si ni pasikyeyasi a ga oku duma opo kimi no mi koto kasikwomi asipikwi no yama kwoye nu yuki ama zakaru pina wosame ni to wakare ko si so no pi no kipami ara tama no tosi yuki gapyeri paru pana no uturopu madeni api mi neba ita mo subye na mi siki tape no swode kapyesitutu nuru ywo oti zu ime ni pa mi redo ututu ni si tada ni ara neba kwopwisi kyeku ti pye ni tumori nu tika ku araba kapyeri ni dani mo uti yukite imo ga ta makura sasi kapete nete mo ko masi wo tama poko no miti pa si dopo ku seki sapeni pyenarite are koso yosi we ya si yosi pa ara mu so pototogisu ki naka mu tukwi ni itu si ka mo paya ku nari na mu u no pana no nipop yeru yama wo yoso nomwi mo purisake mi tutu apumi di ni i yuki nori tati awo ni yo si nara no wagipye ni nuye dori no ura nake situtu sita gwopwi ni omopi urabure kadwo ni tati yupu ke twopitutu a wo matu to nasu ramu imo wo apite paya mi mu
安遠迩与之奈良乎伎波奈礼阿麻射可流比奈爾波安礼登和賀勢故乎見都追志乎礼婆於毛比夜流許等母安利之乎於保伎美乃美許等可之古美乎須久爾能許等登理毛知弖和可久佐能安由比多豆久利無良等理能安佐太知伊奈婆於久礼多流阿礼也可奈之伎多妣爾由久伎美可母孤悲無於毛布蘇良夜須久安良祢婆奈気可久乎等騰米毛可祢低見和多勢婆宇能婆奈夜麻乃保等登芸須祢能未之奈可由安佐疑理能美太流流許己呂許登爾伊泥弖伊波婆由遊思美刀奈美夜麻多牟気能可味爾奴佐麻都里安我許比能麻久波之家夜之吉美賀多太可乎麻佐吉久毛安里多母等保利都奇多多婆等伎毛可波佐受奈泥之故我波奈乃佐可里爾阿比見之米等曾
awo ni yo si nara wo ki panare ama zakaru pina ni pa aredo wa ga sekwo wo mi tutu si woreba omopi yaru koto mo ari si wo opo kimi no mi koto kasikwo mi wosu kuni no koto tori motite waka kusa no ayupi ta dukuri mura tori no asa dati inaba okure taru are ya kanasi ki tabi ni yuku kimi ka mo kwopwi mu omopu swora yasu ku ara neba nagekaku wo todome mo kanete mi wataseba u no pana yama no pototogisu ne nomwi si naka yu asa gwiri no midaruru kokoro koto ni idete ipaba yuyusi mi twonami yama tamuke no kamwi ni nusa maturi a ga kopi nomaku pasikyeyasi kimi ga tadaka wo ma saki ku mo ari ta motopori tukwi tataba toki mo kapasa zu nadesikwo ga pana no sakari ni api mi sime to so
大王乃等保能美可度曾美雪落越登名爾於敞流安麻射可流比奈爾之安礼婆夜麻高美河登保之呂思野乎比呂美久佐許曾之既吉安由波之流奈都能左加利等之麻都等里鵜養我登母波由久加波乃伎欲吉瀬其等爾可賀里左之奈豆左比能保流露霜乃安伎爾伊多礼婆野毛佐波爾等里須太家里等麻須良乎能登母伊射奈比弖多加波之母安麻多安礼婆矢形尾乃安我大黒爾之良奴里能鈴登里都気弖朝獵爾伊保都登里多弖暮獵爾知登理布美多低於敷其等迩由流須許等奈久手放毛乎知母可夜須伎許礼乎於伎低麻多波安里我多之左奈良敞流多可波奈家牟等情爾波於毛比保許里弖恵麻比都追和多流安比太爾多夫礼多流之許都於吉奈乃許等太爾母吾爾波都気受等乃具母利安米能布流日乎等我理須等名乃未乎能里弖三嶋野乎曾我比爾見都追二上山登妣古要低久母我久理可気理伊爾伎等可敞理伎弖之波夫礼都具礼呼久餘思乃曾許爾奈家礼婆伊敷須敞能多騰伎乎之良爾心爾波火佐倍毛要都追於母比孤悲伊伎豆吉安麻利気太之久毛安布許等安里也等安之比奇能乎低母許乃毛爾等奈美波里母利敞乎須恵低知波夜夫流神社爾低流鏡之都爾等里蘇倍己比能美弖安我麻都等吉爾乎登売良我伊米爾都具良久奈我古敷流曾能保追多加波麻追太要乃波麻由伎具良之都奈之等流比美乃江過弖多古能之麻等妣多毛登保里安之我母乃須太久奮江爾乎等都日毛伎能敷母安里追知加久安良婆伊麻布都可太未等保久安良婆奈奴可乃乎知波須疑米也母伎奈牟和我勢故祢毛許呂爾奈孤悲曾余等曾伊麻爾都気都流
opo kimi no topo no mikadwo so mi yuki puru kwosi to na ni op yeru ama zakaru pina ni si areba yama taka mi kapa toposiro si nwo wo piro mi kusa koso sigye ki ayu pasiru natu no sakari to sima tu tori u kapi ga tomo pa yuku kapa no kiywo ki se gotoni kagari sasi nadusapi noboru tuyu simo no aki ni itareba nwo mo sapa ni tori sudak yeri to masura wo no tomo izanapite taka pa si mo amata aredomo ya kata wo no a ga opo kurwo ni sira nuri no suzu tori tukete asa kari ni i po tu tori tate yupu kari ni ti dori pumi tate opu gotoni yurusu koto na ku ta banare mo woti mo ka yasu ki kore wo okite mata pa ari gata si sa narab yeru taka pa na kye mu to kokoro ni pa omopi pokorite wemapitutu wataru apida ni tabure taru siko tu okina no koto dani mo ware ni pa tuge zu tonogumori ame no puru pi wo to gari su to na nomwi wo norite misima nwo wo sogapini mi tutu putagami no yama tobi kwoyete kumo gakuri kakeri ini ki to kapyeri kite sipabure tugure woku yosi no soko ni na kyereba ipu subye no tadoki wo sira ni kokoro ni pa pwi sape moyetutu omopi kwopwi ikiduki amari kedasiku mo apu koto ari ya to asipikwi no wotemo konomo ni tonami pari mori bye wo suwete tipayaburu kamwi no yasiro ni teru kagami situ ni tori swope kopi nomite a ga matu toki ni wotomye ra ga ime ni tuguraku na ga kwopuru so no potu taka pa matudaye no pama yuki gurasi tunasi toru pimi no ye sugwi te takwo no sima tobi ta motopori asi gamo no sudaku puruye ni woto tu pi mo kinopu mo ari tu tika ku araba ima putu ka damwi topo ku araba nanu ka no woti pa sugwi me ya mo ki na mu wa ga sekwo nemokoro ni na kwopwi so yo to so ima ni tuge turu
布勢能宇良乎由吉底之見弖婆毛母之綺能於保美夜比等爾可多利都芸底牟
puse no ura wo yukite si mi teba momo sikwi no opo miya pito ni katari tugi te mu
保里江爾波多麻之可麻之乎大皇乎美敷祢許我牟登可年弖之里勢婆
pori ye ni pa tama sika masi wo opo kimi wo mi pune koga mu to kanete siri seba
多知婆奈能之多泥流爾波爾等能多弖天佐可弥豆伎伊麻須和我於保伎美可母
tatibana no sita deru nipa ni tono tatete saka miduki imasu wa ga opo kimi kamo
等許余物能己能多知婆奈能伊夜弖里爾和期大皇波伊麻毛見流其登
toko yo mono ko no tatibana no iya teri ni wa go opo kimi pa ima mo mi ru goto
大皇波等吉波爾麻佐牟多知婆奈能等能乃多知婆奈比多底里爾之弖
opo kimi pa tokipa ni masa mu tatibana no tono no tatibana pita teri nisite
葦原能美豆保國乎安麻久太利之良志賣之家流須賣呂伎能神乃美許等能御代可佐祢天乃日嗣等之良志久流伎美能御代御代之伎麻世流四方國爾波山河乎比呂美安都美等多弖麻都流御調寶波可蘇倍衣受都久之毛可祢都之加礼騰母吾大王乃毛呂比登乎伊射奈比多麻比善事乎波自米多麻比弖久我祢可毛多之気久安良牟登於母保之弖之多奈夜麻須爾鶏鳴東國乃美知能久乃小田在山爾金有等麻宇之多麻敞礼御心乎安吉良米多麻比天地乃神安比宇豆奈比皇御祖乃御霊多須気弖遠代爾可可里之許登乎朕御世爾安良波之弖安礼婆御食國波左可延牟物能登可牟奈我良於毛保之賣之弖毛能乃布能八十伴雄乎麻都呂倍乃牟気乃麻爾麻爾老人毛女童児毛之我願心太良比爾撫賜治賜婆許己乎之母安夜爾多敷刀美宇礼之家久伊余与於母比弖大伴乃遠都神祖乃其名乎婆大来目主等於比母知弖都加倍之官海行者美都久屍山行者草牟須屍大皇乃敞爾許曾死米可敞里見波勢自等許等太弖大夫乃伎欲吉彼名乎伊爾之敞欲伊麻乃乎追通爾奈我佐敞流於夜乃子等毛曾大伴等佐伯乃氏者人祖乃立流辞立人子者祖名不絶大君爾麻都呂不物能等伊比都雅流許等能都可左曾梓弓手爾等差と母知弖釼大刀許之爾等里波伎安佐麻毛利由布能麻毛利爾大王乃三門乃麻毛利和礼乎於吉弖比等波安良自等伊夜多低於毛比之麻左流大皇乃御言能左吉乃聞者貴美
asi para no midupo no kuni wo ama kudari sira si myesi kyeru sumyeroki no kamwi no mikoto no mi yo kasane ama no pi tugi to sira si kuru kimi no mi yo mi yo siki mas eru yomo no kuni ni pa yama kapa wo piro mi atu mito tate maturu mi tukwi takara pa kazwope e zu tukusi mo kane tu sikaredomo wa go opo kimi no moro pito wo izanapi tamapi yo ki koto wo pazime tamapite ku gane ka mo tasike ku ara mu to omoposite sita nayama su ni tori ga naku aduma no kuni no mitinoku no wo da n aru yama ni ku gane ari to mausi tamap yere mi kokoro wo akirame tamapi ama tuti no kamwi api udunapi sumyeroki no mi tama tasukete topo ki yo ni kakari si koto wo wa ga mi yo ni arapasite areba wosu kuni pa sakaye mu mono to kamu nagara omoposi myesite mononopu no ya swo tomo no wo wo maturope no muke no manima ni oi pito mo womina warapa mo si ga negapu kokoro darapi ni nade tamapi wosame tamape ba koko wo si mo ayani taputwo mi uresi kyeku iyoyo omopite opotomo no topo tu kamu oya no so no na woba opo kume nusi to opi motite tukape si tukasa umi yukaba miduku kabane yama yukaba kusa musu kabane opo kimi no pye ni koso sina me kapyeri mi pa sezi to koto date masura wo no kiywo ki so no na wo inisipye ywo ima no wotutu ni nagasap yeru oya no kwo domo so opotomo to sapa no udi pa pito no oya no tatu ru koto date pito no kwo pa oya no na tata zu opo kimi ni maturwopu mono to ipi tug yeru koto no tukasa so adusa yumi te ni tori motite turugi tati kosi ni tori paki asa mamori yupu no mamori ni opo kimi no mi kadwo no mamori ware wo okite pito pa arazi to iya tate omopi si masaru opo kimi no mi koto no saki no kikeba taputwo mi
葦原能美豆保國乎安麻久太利之良志賣之家流須賣呂伎能神乃美許等能御代可佐祢天乃日嗣等之良志久流伎美能御代御代之伎麻世流四方國爾波山河乎比呂美安都美等多弖麻都流御調寶波可蘇倍衣受都久之毛可祢都之加礼騰母吾大王乃毛呂比登乎伊射奈比多麻比善事乎波自米多麻比弖久我祢可毛多之気久安良牟登於母保之弖之多奈夜麻須爾鶏鳴東國乃美知能久乃小田在山爾金有等麻宇之多麻敞礼御心乎安吉良米多麻比天地乃神安比宇豆奈比皇御祖乃御霊多須気弖遠代爾可可里之許登乎朕御世爾安良波之弖安礼婆御食國波左可延牟物能登可牟奈我良於毛保之賣之弖毛能乃布能八十伴雄乎麻都呂倍乃牟気乃麻爾麻爾老人毛女童児毛之我願心太良比爾撫賜治賜婆許己乎之母安夜爾多敷刀美宇礼之家久伊余与於母比弖大伴乃遠都神祖乃其名乎婆大来目主等於比母知弖都加倍之官海行者美都久屍山行者草牟須屍大皇乃敞爾許曾死米可敞里見波勢自等許等太弖大夫乃伎欲吉彼名乎伊爾之敞欲伊麻乃乎追通爾奈我佐敞流於夜乃子等毛曾大伴等佐伯乃氏者人祖乃立流辞立人子者祖名不絶大君爾麻都呂不物能等伊比都雅流許等能都可左曾梓弓手爾等差と母知弖釼大刀許之爾等里波伎安佐麻毛利由布能麻毛利爾大王乃三門乃麻毛利和礼乎於吉弖比等波安良自等伊夜多低於毛比之麻左流大皇乃御言能左吉乎貴久之安礼婆
asi para no midupo no kuni wo ama kudari sira si myesi kyeru sumyeroki no kamwi no mikoto no mi yo kasane ama no pi tugi to sira si kuru kimi no mi yo mi yo siki mas eru yomo no kuni ni pa yama kapa wo piro mi atu mito tate maturu mi tukwi takara pa kazwope e zu tukusi mo kane tu sikaredomo wa go opo kimi no moro pito wo izanapi tamapi yo ki koto wo pazime tamapite ku gane ka mo tasike ku ara mu to omoposite sita nayama su ni tori ga naku aduma no kuni no mitinoku no wo da n aru yama ni ku gane ari to mausi tamap yere mi kokoro wo akirame tamapi ama tuti no kamwi api udunapi sumyeroki no mi tama tasukete topo ki yo ni kakari si koto wo wa ga mi yo ni arapasite areba wosu kuni pa sakaye mu mono to kamu nagara omoposi myesite mononopu no ya swo tomo no wo wo maturope no muke no manima ni oi pito mo womina warapa mo si ga negapu kokoro darapi ni nade tamapi wosame tamape ba koko wo si mo ayani taputwomi uresi kyeku iyoyo omopite opotomo no topo tu kamu oya no so no na woba opo kume nusi to opi motite tukape si tukasa umi yukaba miduku kabane yama yukaba kusa musu kabane opo kimi no pye ni koso sina me kapyeri mi pa sezi to koto date masura wo no kiywo ki so no na wo inisipye ywo ima no wotutu ni nagasap yeru oya no kwo domo so opotomo to sapa no udi pa pito no oya no tatu ru koto date pito no kwo pa oya no na tata zu opo kimi ni maturwopu mono to ipi tug yeru koto no tukasa so adusa yumi te ni tori motite turugi tati kosi ni tori paki asa mamori yupu no mamori ni opo kimi no mi kadwo no mamori ware wo okite pito pa arazi to iya tate omopi si masaru opo kimi no mi koto no saki wo taputwo ku si areba
大夫能許己呂於毛保由於保伎美能美許登乃佐吉乎聞者多布刀美
masura wo no kokoro omopoyu opo kimi no mi koto no saki wo kikeba taputwo mi
大夫能許己呂於毛保由於保伎美能美許登乃佐吉能貴久之安礼婆
masura wo no kokoro omopoyu opo kimi no mi koto no saki no taputwo ku si areba
多可美久良安麻乃日嗣等天下志良之賣師家類須賣呂伎乃可未能美許等能可之古久母波自米多麻比弖多不刀久母左太米多麻敞流美与之努能許乃於保美夜爾安里我欲比賣之多麻布良之毛能乃敷能夜蘇等母能乎毛於能我於弊流於能我名負弖大王乃麻気能麻久麻久此河能多由流許等奈久此山能伊夜都芸都芸爾可久之許曾都可倍麻都良米伊夜等保奈我爾
taka mi kura ama no pi tugi to ame no sita sirasi myesi kyeru sumyeroki no kamwi no mikoto no kasikwo ku mo pazime tamapite taputwo ku mo sadame tamap yeru mi yosinwo no ko no opo miya ni ari gaywopi myesi tamapu rasi mononopu no ya swo tomonowo mo ono ga op yeru ono ga na opi te opo kimi no make no manima ni ko no kapa no tayuru koto na ku ko no yama no iya tugitugi ni kaku si koso tukape matura me iya topo naga ni
伊爾之敞乎於母保須良之母和期於保伎美余思努乃美夜乎安里我欲比賣須
inisipye wo omoposu rasi mo wa go opo kimi yosinwo no miya wo ari gaywopi myesu
於保奈牟知須久奈比古奈野神代欲里伊比都芸家良久父母乎見波多布刀久妻子見波可奈之久米具之宇都世美能余乃許等和利止可久佐末爾伊比家流物能乎世人能多都流許等太弖知左能花佐家流沙加利爾波之吉余之曾能都末能古等安沙余比爾恵美美恵末須毛宇知奈気支可多里家末久波等己之部爾可久之母安良米也天地能可未許等余勢天春花能佐可里裳安良牟等末多之家牟等吉能沙加利曾波奈礼居弖奈介可須移母我何時可毛都可比能許牟等末多須良无心左夫之苦南吹雪消益而射水河流水沫能余留弊奈美左夫流其児爾比毛能緒能移都我利安比弖爾保騰里能布多理雙坐那呉能宇美能於支乎布可米天左度波世流支美我許己呂能須敞母須敞奈佐
opo namuti sukuna bikwo na no kamwi yo ywori ipi tugi k yeraku titi papa wo mire ba taputwo ku mye kwo mire ba kanasi ku megu si utusemi no yo no kotowari to kaku sama ni ipi k yeraku monowo yo no pito no taturu koto date tisa no pana sak yeru sakari ni pasikiyosi so no tuma no kwo to asa yopi ni wemi mi wema zu mo uti nageki katari kye maku pa tokosipyeni kaku si mo ara me ya ama tuti no kamwi koto yosete paru pana no sakari mo ara mu to mata si kye mu toki no sakari so panare wite nakyeka su imo ga itu si ka mo tukapi no ko mu to mata su ramu kokoro sabusi ku minami puki yuki ke masarite imidu kapa nagaru minawa no yoru pye na mi saburu so no kwo ni pimo no wo no i tugari apite nipodori no puta ri narabi wi nagwo no umi no oki wo pukamete sadwopa s eru kimi ga kokoro no subye mo subye na sa
於保支見能等保能美可等等末支太末不官乃末爾末美由支布流古之爾久多利来安良多末能等之乃五年之吉多倍乃手枕末可受比毛等可須末呂宿乎須礼波移夫勢美等情奈具左爾奈泥之故乎屋戸爾末枳於保之夏能能佐由利比伎宇恵天開花乎移弖見流其等爾那泥之古我曾乃波奈豆末爾左由理花由利母安波無等奈具佐無流許己呂之奈久波安末射可流比奈爾一日毛安流部久母安礼也
opo kimi no topo no mikado to maki tamapu tukasa no manima mi yuki puru kwosi ni kudari ki ara tama no tosi no itu tose siki tape no ta makura maka zu pimo toka zu maro ne wo sureba ibuse mito kokoro nagusa ni nadesikwo wo yadwo ni maki oposi natu no nwo no sa yuri piki uwete saku pana wo ide mi ru gotoni nadesikwo ga so no pana duma ni sa yuri bana yuri mo apa mu to nagusamuru kokoro si na kupa ama zakaru pina ni pito pi mo aru be ku mo are ya
於保支見能末支能末爾末爾等里毛知低都可布流久爾能年内能許登可多祢母知多末保許能美知爾伊天多知伊波祢布美也末古衣野由支弥夜故敞爾末為之和我世乎安良多末乃等之由吉我弊理月可佐祢美奴日佐末祢美故敷流曾良夜須久之安良祢波保止止支須支奈久五月能安夜女具佐余母疑可豆良伎左加美都伎安蘇比奈具礼止射水河雪消溢而逝水能伊夜末思爾乃未多豆我奈久奈呉江能須気能根毛己呂爾於母比武須保礼奈介伎都都安我末川君我許登乎波里可敞利末可利天夏野能佐由利能波奈能花咲爾爾布夫爾恵美天阿波之多流今日乎波自米低鏡奈須可久之都祢見牟於毛我波利世須
opo kimi no maki no manima ni tori motite tukapuru kuni no tosi no uti no koto katane moti tama poko no miti ni ide tati ipa ne pumi yama kwoye nwo yuki miyakwo pye ni mawi si wa ga se wo ara tama no tosi yuki gapyeri tukwi kasane mi nu pi sa mane mi kwopuru sora yasu ku si ara neba pototogisu ki naku satukwi no ayamye gusa yomogwi kaduraki saka miduki aswobi naguredo imidu kapa yuki ke papurite yuku midu no iya masini nomwi tadu ga naku nagwo ye no suge no nemokoro ni omopi musubore nagekitutu a ga matu kimi ga koto wopari kapyeri makarite natu no nwo no sa yuri no pana no pana wemi ni nipubuni wemite apa si taru kyepu wo pazimete kagami nasu kaku si tune mi mu omo gapari se zu
春日爾張流柳乎取持而見者京之大路所念
paru no pi ni par eru yanagwi wo tori motite mireba miyakwo no opo ti omopoyu
安志比奇乃山坂超而去更年緒奈我久科坂在故志爾之須米婆大王之敷座國者京師乎母此間毛於夜自等心爾波念毛能可良語左氣見左久流人眼乏等於毛比志繁曽己由恵爾情奈具也等秋附婆芽子開爾保布石瀬野爾馬太伎由吉氐乎知許知爾鳥布美立白塗之小鈴毛由良爾安波勢也理布里左氣見都追伊伎騰保流許己呂能宇知乎思延宇礼之備奈我良枕附都麻屋之内爾鳥座由比須恵弖曽我飼眞白部乃多可
asipikwi no yama saka kwoyete yuki kaparu tosi no wo naga ku sinazakaru kwosi ni si sumeba opo kimi no siki masu kuni pa miyakwo wo mo koko mo oyazi to kokoro ni pa omopu monokara katari sake mi sakuru pito me tomosi mi to omopi si sige si soko yuweni kokoro nagu ya to aki duke ba pagwi saki nipopu ipase nwo ni uma daki yukite woti koti ni tori pumi tate sira nuri no kwo suzu mo yura ni apase yari purisake mitutu ikidoporu kokoro no uti wo omopi nobe uresibwi nagara makura duku tuma ya no uti ni to gura yupi suwete zo wa ga kapu ma sira pu no taka
天地之初時従宇都曽美能八十伴男者大王爾麻都呂布物跡定有官爾之在者天皇之命恐夷放國乎治等足日木山河阻風雲爾言者雖通正不遇日之累者思戀氣衝居爾玉桙之道來人之傳言爾吾爾語良久波之伎餘之君者比來宇良佐備弖嘆息伊麻須世間之猒家口都良家苦開花毛時爾宇都呂布宇都勢美毛无常阿里家利足千根之御母之命何如可毛時之波将有乎眞鏡見礼杼母不飽珠緒之惜盛爾立霧之失去如久置露之消去之如玉藻成靡許伊臥逝水之留不得常枉言哉人之云都流逆言乎人之告都流梓弧爪夜音之遠音爾毛聞者悲弥庭多豆水流涕留可祢都母
ame tuti no pazime no toki yu utusomi no ya swo tomo no wo pa opo kimi ni maturwopu mono to sadamar eru tukasa ni si areba opo kimi no mi koto kasikwo mi pina zakaru kuni wo wosamu to asipikwi no yama kapa pyenari kaze kumo ni koto pa kaywopedo tada ni apa zu pi no kasanareba omopi kwopwi ikiduki woru ni tama poko no miti kuru pito no tute koto ni ware ni katar aku pasikiyosi kimi pa ko no koro urasabwite nagekapi imasu yo no naka no u kyeku tura kyeku saku pana mo toki ni uturopu utusemi mo tune na ku ari kyeri taratine no mi papa no mikoto nani si ka mo toki si pa ara mu wo maswo kagami mi redomo aka zu tama no wo no wosi ki sakari ni tatu kwiri no use yuku goto ku oku tuyu no ke nuru ga goto ku tama mo nasu nabiki koi pusi yuku midu no todomwi kane tu to maga koto ya pito no ipi turu oyodure wo pito no tuge turu adusa yumi tuma piku ywo to no topo to ni mo kikeba kanasi mi nipa tadumi nagaruru namita todomwi kane tu mo
和多都民能可味能美許等乃美久之宜爾多久波比於伎氐伊都久等布多麻爾末佐里氐於毛敝里之安我故爾波安礼騰宇都世美乃与能許等和利等麻須良乎能比伎能麻爾麻仁之奈謝可流古之地乎左之氐波布都多能和可礼爾之欲理於吉都奈美等乎牟麻欲妣伎於保夫祢能由久良由久良耳於毛可宜爾毛得奈民延都都可久古非婆意伊豆久安我未氣太志安倍牟可母
watatumi no kamwi no mikoto no mi kusige ni takupapi okite ituku to pu tama ni masarite omop yeri si a ga kwo ni pa aredo utusemi no yo no kotowari to masura wo no piki no manima ni sinazakaru kwosi di wo sasite papu tuta no wakare ni si ywori oki tu nami towomu maywobiki opo bune no yukurayukura ni omokage ni motona mi yetutu kaku kwopwiba oi duku a ga mwi kedasi ape mu kamo
大殿之此廻之雪莫踏祢數毛不零雪曽山耳爾零之雪曽由米縁勿人哉莫履祢雪者
opo tono no ko no motopori no yuki na pumi so ne sibasiba mo pura nu yuki zo yama nomwi ni puri si yuki zo yume yoru na pito ya na pumi so ne yuki pa
有都都毛御見多麻波牟曽大殿乃此母等保里能雪奈布美曽祢
ari tutu mo myesi tamapa mu zo opo tono no ko no motopori no yuki na pumi sone
大船爾眞梶繁貫此吾子乎韓國邊遣伊波敝神多智
opo bune ni ma kadi sizi nuki ko no a kwo wo kara kuni pye yaru ipapye kamwi tati
蜻嶋山跡國乎天雲爾磐船浮等母爾倍爾眞可伊繁貫伊許藝都遣國看之勢志氐安母里麻之掃平千代累弥嗣繼爾所知來流天之日繼等神奈我良吾皇乃天下治賜者物乃布能八十友之雄乎撫賜等登能倍賜食國之四方之人乎母安夫左波受賜者従古昔無利之瑞多婢末祢久申多麻比奴手拱而事無御代等天地日月等登聞仁万世爾記續牟曽八隅知之吾大皇秋花之我色色爾見賜明米多麻比酒見附榮流今日之安夜爾貴左
akidu sima yamato no kuni wo ama kumo ni ipa pune ukabe tomo ni pe ni ma kai sizi nuki i kogitutu kuni mi si se site amori masi parapi koto muke ti yo kasane iya tugitugi ni sira si k yeru ama no pi tugi to kamu nagara wa go opo kimi no ame no sita wosame tamapeba mononopu no ya swo tomo no wo wo nade tamapi totonope tamapi wosu kuni no yomo no pito wo mo abusapa zu megumi tamapeba inisipye yu na ka ri si sirusi tabi mane ku mawosi tamapi nu ta udakite koto na ki mi yo to ame tuti pi tukwi to tomo ni yorodu yo ni sirusi tuga mu zo yasumisisi wa go opo kimi aki no pana si ga iro iro ni myesi tamapi akira me tamapi saka miduki sakayu ru kyepu no ayani taputwo sa
古昔爾君之三代經仕家利吾大主波七世申祢
inisipye ni kimi no mi yo pete tukape kyeri wa ga opo nusi pa nana yo mawosa ne
皇者神爾之座者赤駒之腹婆布田為乎京師跡奈之都
opo kimi pa kamwi ni si maseba aka gwoma no para bapu ta wi wo miyakwo to nasi tu
大王者神爾之座者水鳥乃須太久水奴麻乎皇都常成通
opo kimi pa kamwi ni si maseba midu tori no sudaku mi numa wo miyakwo to nasi tu
虚見都山跡乃國波水上波地徃如久船上波床座如大神乃鎮在國曽四舶々能倍奈良倍平安早渡來而還事奏日爾相飮酒曽斯豊御酒者
swora mitu yamato no kuni pa midu no upe pa tuti yuku goto ku pune no upe pa toko ni woru goto opo kamwi no sidumuru kuni so yo tu no pune puna no pe narabe tapirake ku paya watari kite kapyeri goto mawosa mu pi ni api noma mu ki zo ko no toyo mi ki pa
安之比奇能八峯能宇倍能都我能木能伊也繼繼爾松根能絶事奈久青丹余志奈良能京師爾万代爾國所知等安美知之吾大皇乃神奈我良於母保之賣志弖豊宴見為今日者毛能乃布能八十伴雄能嶋山爾安可流橘宇受爾指紐解放而千年保伎保吉等餘毛之恵良恵良爾仕奉乎見之貴者
asipikwi no ya tu wo no upe no tuga no kwi no iya tugitugi ni matu ga ne no tayuru koto na ku awo ni yo si nara no miyakwo ni yorodu yo ni kuni sira sa mu to yasumisisi wa go opo kimi no kamu nagara omoposi myesite toyo no akari myesu kyepu no pi pa mononopu no ya swo tomo no wo no simayama ni akaru tatibana uzu ni sasi pimo toki sakete ti tose poki poki toyomosi werawera ni tukape maturu wo miru ga taputwo sa
牟具良波布伊也之伎屋戸母大皇之座牟等知者玉之可麻思乎
mugura papu iyasi ki yadwo mo opo kimi no masa mu to siraba tama sika masi wo
天地爾足之照而吾大皇之伎座婆可母樂伎小里
ame tuti ni tarapa si terite wa go opo kimi siki mase ba ka mo tanwosi ki wo satwo
天地与相左可延牟等大宮乎都可倍麻都礼婆貴久宇礼之伎
ame tuti to api sakaye mu to opo miya wo tukape matureba taputwo ku uresi ki
大宮能内爾毛外爾母米都良之久布礼留大雪莫踏祢乎之
opo miya no uti ni mo two ni mo medurasi ku pur eru opo yuki na pumi so ne wosi
於保吉美能美許等可之古美伊蘇爾布理宇乃波良和多流知知波波乎於伎弖
opo kimi no mi koto kasikwo mi iswo ni puri uno para wataru titi papa wo okite
天皇乃等保能朝庭等之良奴日筑紫國波安多麻毛流於佐倍乃城曾等聞食四方國爾波比等佐波爾美知弖波安礼杼登利我奈久安豆麻乎能故波伊田牟可比加敞里見世受弖伊佐美多流多家吉軍卒等祢疑多麻比麻気乃麻爾麻爾多良知祢乃波波我目可礼弖若草能都麻乎母麻可受安良多麻能月日余美都都安之我知流難波能美津爾大船爾末加伊之自奴伎安佐奈芸爾可故等登能倍由布思保爾可知比伎乎里安騰母比弖許芸由久伎美波奈美乃間乎伊由伎佐具久美麻佐吉久母波夜久伊多里弖大王乃美許等能麻爾末麻須良男乃許己呂乎母知弖安里米具理事之乎波良婆都都麻波受可敞理伎麻勢登伊波比倍乎等許敞爾須恵弖之路多倍能蘇田遠利加敞之奴婆多麻乃久路加美之伎弖奈我伎気遠麻知可母恋牟波之伎都麻良波
sumyeroki no topo no mikadwo to siranupi tukusi no kuni pa ata mamoru osape no kwi so to kikosi wosu yomo no kuni ni pa pito sapa ni mitite pa aredo tori ga naku aduma wonokwo pa ide mukapi kapyeri mi se zute isami taru takye ki ikusa to negwi tamapi make no manima ni taratine no papa ga me karete waka kusa no tuma wo mo maka zu ara tama no tukwi pi yomitutu asi ga tiru nanipa no mi tu ni opo pune ni ma kai sizi nuki asa nagi ni kakwo totonope yupu sipo ni kadi piki wori adomopite kogi yuku kimi pa nami no ma wo i yuki sagukumi ma saki ku mo paya ku itarite opo kimi no mi koto no manima masura wo no kokoro wo motite ari meguri koto si woparaba tutumapa zu kapyeri ki mase to ipapi be wo toko pye ni suwete sirwo tape no swode wori kapyesi nubatama no kurwo kami sikite naga ki ke wo mati ka mo kwopwi mu pasi ki tuma ra pa
於保伎美乃美許等加志古美伊弖久礼婆和努等里都伎弖伊比之古奈波毛
opo kimi no mi koto kasikwo mi ide kureba wanu tori tukite ipi si kwo na pa mo
天皇乃等保伎美与爾毛於之弖流難波乃久爾爾阿米能之多之良志賣之伎等伊麻能与爾多要受伊比都都可気麻久毛安夜爾可之古志可武奈我良和其大王乃宇知奈妣久春初波春初波夜知久佐爾波奈佐伎爾保比夜麻美礼婆見能等母之久可波美礼婆見乃佐夜気久母能其等爾佐可由流等伎登賣之多麻比安伎良米多麻比之伎麻世流難波宮者伎己之乎須四方乃久爾欲里多弖麻都流美都奇能船者保理江欲里美乎妣伎之都都安佐奈芸爾可治比伎能保理由布之保爾佐乎佐之久太理安治牟良能佐和伎伎保比弖波麻爾伊泥弖海原見礼婆之良奈美乃夜敞乎流我宇倍爾安麻乎夫祢波良良爾宇伎弖於保美気爾都加倍麻都流等乎知許知爾伊射里都利家理曾伎太久毛於芸呂奈伎可毛己伎婆久母由多気伎可母許己見礼婆宇倍之神代由波自米家良思母
sumyeroki no topo ki mi yo ni mo osi teru nanipa no kuni ni ame no sita sira si myesi ki to ima no yo ni taye zu ipitutu kake maku mo ayani kasikwo si kamu nagara wa go opo kimi no uti nabiku paru no pazime pa ya ti kusa ni pana saki nipopi yama mireba mi no tomosi ku kapa mireba mi no sayake ku mono gotoni sakayuru toki to myesi tamapi akirame tamapi siki mas eru nanipa no miya pa kikosi wosu yomo no kuni ywori tate maturu mitukwi no pune pa pori ye ywori miwo biki situtu asa nagi ni kadi piki nobori yupu sipo ni sawo sasi kudari adi mura no sawagi kipopite pama ni idete una para mi reba sira nami no ya pye woru ga upe ni ama wo bune parara ni ukite opo mike ni tukape maturu to woti koti ni izari turi kyeri sokidaku mo ogirona ki kamo kokibaku mo yutake ki kamo koko mi reba ube si kamwi yo yu pazime kye rasi mo
祁布与利波可敞里見奈久弖意富伎美乃之許乃美多弖等伊泥多都和例波
kyepu yori pa kapyerimi na kute opo kimi no siko no mi tate to ide tatu ware pa
於保伎美能美許等爾作例波知知波波乎以波比弊等於枳弖麻為弖枳爾之乎
opo kimi no mi koto ni s areba titi papa wo ipapi bye to okite mawite ki ni si wo
於保伎美能美己等加之古美由美乃美他佐尼加和多良牟奈賀気己乃用乎
opo kimi no mi koto kasikwo mi yumi no mita sa ne ka watara mu naga ke ko no ywo wo
大王乃美己等可之古美都麻和可礼可奈之久波安礼特大夫情布里於許之等里与曾比門出乎須礼婆多良知祢乃波波可伎奈泥若草乃都麻波等里都吉平久和礼波伊波波牟好去而早還来等麻蘇泥毛知奈美太乎能其比牟世比都都言語須礼婆群鳥乃伊泥多知加弖爾等騰己保里可弊里美之都都伊也等保爾國乎伎波奈例伊夜多可爾山乎故要須疑安之我知流難波爾伎為弖由布之保爾船乎宇気須恵安佐奈芸爾倍牟気許我牟等佐毛良布等和我乎流等伎爾春霞之麻未爾多知弖多頭我祢乃悲鳴婆波呂婆呂爾伊弊乎於毛比泥於比曾箭乃曾与等奈流麻泥奈伎吉都流香母
opo kimi no mi koto kasikwo mi tuma wakare kanasi ku pa aredo masura wo no kokoro puri okosi tori yosopi kadwo de wo sureba taratine no papa kaki nade waka kusa no tuma pa tori tuki tapirake ku ware pa ipapa mu ma saki kute paya kapyeri ko to ma swode moti namita wo nogopi musepitutu katarapi sureba mura tori no ide tati kate ni todokopori kapyeri mi situtu iya topo ni kuni wo ki panare iya taka ni yama wo kwoye sugwi asi ga tiru nanipa ni ki wite yupu sipo ni pune wo uke suwe asa nagi ni pe muke koga mu to samorapu to wa ga woru toki ni paru gasumi sima mwi ni tatite tadu ga ne no kanasi ku nake ba paroparo ni ipye wo omopi de opi so ya no soyo to naru made nageki turu kamo
意保枳美能美己等可之古美阿乎久牟乃等能妣久夜麻乎古与弖伎怒加牟
opo kimi no mi koto kasikwo mi awo kumu no tonobiku yama wo kwoyote ki nu kamu
大王乃麻気乃麻爾麻爾嶋守爾和我多知久礼婆波波蘇婆能波波能美許等波美母乃須蘇都美安気可伎奈泥知知能未乃知知能美許等波多久頭努能之良比気乃宇倍由奈美太多利奈気伎乃多婆久可胡自母乃多太比等里之低安佐刀泥乃可奈之伎吾子安良多麻乃等之能乎奈我久安比美受波古非之久安流倍之今日太爾母許等騰比勢武等乎之美都都可奈之備麻世若草之都麻母古騰母毛乎知己知爾左波爾可久美為春鳥乃己恵乃佐麻欲比之路多倍乃蘇泥奈伎奴良之多豆佐波里和可礼加弖爾等比伎等騰米之多比之毛能乎天皇乃美許等可之古美多麻保己乃美知爾出立乎可乃佐伎伊多牟流其等爾与呂頭多妣可弊里見之都追波呂波呂爾和可礼之久礼婆於毛布蘇良夜須久母安良受古布流蘇良久流之伎毛乃乎宇都世美乃与能比等奈礼婆多麻伎波流伊能知母之良受海原乃可之古伎美知乎之麻豆多比伊己芸和多利弖安里米具利和我久流麻泥爾多比良気久於夜波伊麻佐祢都都美奈久都麻波麻多世等須美乃延能安我須賣可未爾奴佐麻都利伊能里麻乎之弖奈爾波都爾船乎宇気須恵夜蘇加奴伎可古等登能倍弖安佐婢良伎和波己芸泥奴等伊弊爾都気己曾
opo kimi no make no manima ni sima mori ni wa ga tati kureba papaswo ba no papa no mikoto pa mi mo no suswo tumi age kaki nade titi no mwi no titi no mikoto pa takudunwo no sira pige no upe yu namita tari nageki notabaku kagwo zimono tada pito ri site asa two de no kanasi ki wa ga kwo ara tama no tosi no wo naga ku api mi zupa kwopwisi ku aru be si kyepu dani mo koto dopi se mu to wosimitutu kanasibwi mase waka kusa no tuma mo kwo domo mo woti koti ni sapa ni kakumi wi paru tori no kowe no sa maywopi sirwo tape no swode naki nurasi tadusapari wakare kate nito piki todome sitapi si monowo opo kimi no mi koto kasikwo mi tama poko no miti ni ide tati woka no saki i tamuru gotoni yorodu tabi kapyeri mi situtu paroparo ni wakare si kureba omopu swora yasu ku mo ara zu kwopuru swora kurusi ki monowo utusemi no yo no pito nareba tamakiparu inoti mo sira zu una para no kasikwo ki miti wo sima dutapi i kogi watarite ari meguri wa ga kuru madeni tapirake ku oya pa imasane tutumi na ku tuma pa mata se to suminoye no a ga sumye kamwi ni nusa maturi inori mawosite nanipa tu ni pune wo uke suwe ya swo ka nuki kakwo totonopete asa biraki wa pa kogi de nu to ipye ni tuge koso
於保伎美乃美己等可之古美宇都久之気麻古我弖波奈利之末豆多比由久
opo kimi no mi koto kasikwo mi utukusi ke ma kwo ga te panari sima dutapi yuku
蘆刈爾保里江許具奈流可治能於等波於保美也比等能未奈伎久麻泥爾
asi kari ni pori ye kogu naru kadi no oto pa opo miya pito no mwina kiku madeni
比左加多能安麻能刀比良伎多可知保乃多気爾阿毛理之須賣呂伎能可未能御代欲利波自由美乎多爾芸利母多之麻可胡也乎多婆左美蘇倍弖於保久米能麻須良多祁乎乎佐吉爾多弖由伎登利於保世山河乎伊波祢左久美弖布美等保利久爾麻芸之都都知波夜夫流神乎許等牟伎麻都呂倍奴比等乎母夜波之波吉伎欲米都可倍麻都里弖安吉豆之万夜万登能久爾乃可之波良能宇祢備乃宮爾美也婆之良布刀之利多弖低安米能之多之良志賣之祁流須賣呂伎能安麻能日継等都芸弖久流伎美能御代御代加久左波奴安加吉許己呂乎須賣良弊爾伎波米都久之弖都加倍久流於夜能都可佐等許等太弖低佐豆気多麻敞流宇美乃古能伊也都芸都岐爾美流比等乃可多里都芸弖低伎久比等能可我見爾世武乎安多良之伎吉用伎曾乃名曾於煩呂加爾己許呂於母比弖牟奈許等母於夜乃名多都奈大伴乃宇治等名爾於敞流麻須良乎能等母
pisakata no ama no two piraki takatipo no take ni amori si sumyeroki no kamwi no mi yo ywori pazi yumi wo ta nigwiri motasi makagwoya wo ta basami swopete opo kume no masura takye wo wo saki ni tate yuki tori opose yama kapa wo ipane sakumite pumi topori kuni magi situtu tipayaburu kamwi wo koto muke maturope nu pito wo mo yapasi paki kiywome tukape maturite akidu sima yamato no kuni no kasipara no unebwi no miya ni miya basira putwo siri tatete ame no sita sira si myesi kyeru sumyeroki no ama no pi tugi to tugite kuru kimi no mi yo mi yo kakusapa nu aka ki kokoro wo sumyera bye ni kipame tukusite tukape kuru oya no tukasa to koto datete saduke tamap yeru umi no kwo no iya tugitugi ni miru pito no katari tugitete kiku pito no kagami ni se mu wo atarasi ki kiywo ki so no na so oboroka ni kokoro omopite muna koto mo oya no na tatu na opotomo no udi to na ni op yeru masura wo no tomo
於保吉美乃美許登加之古美於保乃宇良乎曾我比爾美都都美也古敞能保流
opo kimi no mi koto kasikwo mi opo no ura wo sogapini mitutu miyakwo pye noboru
多可麻刀能努敞波布久受乃須恵都比爾知与爾和須礼牟和我於保伎美加母
takamatwo no nwo pye papu kuzu no suwe tupi ni ti yo ni wasure mu wa ga opo kimi kamo
波布久受能多要受之努波牟於保吉美乃賣之思野辺爾波之米由布倍之母
papu kuzu no taye zu sinwopa mu opo kimi no myesi si nwo pye ni pa sime yupu be si mo
於保吉美乃都芸弖賣須良之多加麻刀能努敞美流其等爾祢能未之奈加由
opo kimi no tugite myesu rasi takamatwo no nwo pye miru gotoni ne nomwi si naka yu
夜知富許能迦微能美許登夜阿賀淤富久爾奴斯那許曾波遠迩伊麻世婆宇知微流斯麻能佐岐邪岐加岐微流伊蘇能佐岐淤知受和加久佐能都麻母多勢良米阿波母與賣迩斯阿禮婆那遠岐弖遠波那志那遠岐弖都麻波那斯阿夜加岐能布波夜賀斯多爾牟斯夫須麻爾古夜賀斯多爾多久夫須麻佐夜具賀斯多爾阿和由岐能和加夜流牟泥遠多久豆怒能斯路岐多陀牟岐曾陀多岐多多岐麻那賀理麻多麻傅多麻傅佐斯麻岐毛毛那賀爾伊遠斯那世登與美岐多弖麻都良世
yatipoko no kamwi no mikoto ya a ga opo kuni nusi na koso pa wo ni imaseba uti mwiru sima no saki zaki kaki mwiru iswo no saki oti zu waka kusa no tuma mota s era me a pa mo yo mye ni si areba na wo kite wo pa na si na wo kite tuma pa na si aya kaki no pupaya ga sita ni musibusuma nikwoya ga sita ni taku busuma sayagu ga sita ni awa yuki no wakayaru mune wo takudunwo no sirwo ki tadamuki sodataki tadaki managari ma tama de tama de sasi maki mwomwo naga ni i wo si nase toyo mi ki tate matura se
意佐加能意富牟盧夜爾比登佐波爾岐伊理袁理比登佐波爾伊理袁理登母美都美都斯久米能古賀久夫都都伊伊斯都都伊母知宇知弖斯夜麻牟美都美都斯久米能古賀久夫都都伊伊斯都都伊母知伊麻宇多婆余良斯
osaka no opo murwo ya ni pito sapa ni ki iri wori pito sapa ni iri wori tomo mitumitusi kume no kwo ga kubu tutui isi tutui moti utite si yama mu mitumitusi kume no kwo ra ga kubu tutui isi tutui moti ima utaba yorasi
多迦比迦流比能美古夜須美斯志和賀意富岐美阿良多麻能登斯賀岐布禮婆阿良多麻能都紀波岐閇由久宇倍那宇倍那岐美麻知賀多爾和賀祁勢流意須比能須蘇爾都紀多多那牟余
taka pikaru pi no mi kwo yasumisisi wa ga opo kimi ara tama no tosi ga ki pureba ara tama no tukwi pa ki pe yuku ube na ube na kimi mati gata ni wa ga kyes eru osupi no suswo ni tukwi tatanamu yo
宇美賀由気婆許斯那豆牟意富迦波良能宇恵具佐宇美賀波伊佐用布
umi ga yukeba kosi nadumu opo kapara no uwe gusa umi ga pa isaywopu
都芸泥布夜夜麻志呂賀波袁迦波能煩理迦波能煩禮婆迦波能倍迩淤斐陀弖流佐斯夫袁佐斯夫能紀斯賀斯多迩淤斐陀弖流波毘呂由都麻都婆岐斯賀波那能弖理伊麻斯芝賀波能比呂理伊麻須波淤富岐美呂迦母
tuginepu ya yamasiro gapa wo kapa nobori wa ga noboreba kapa no pe ni opwi dat eru sasibu wo sasibu no kwi si ga sita ni opwi dat eru pa biro yu tu ma tubaki si ga pana no teri imasi si ga pa no pirori imasu pa opo kimi rokamo
美母呂能曾能多迦紀那流意富韋古賀波良意富韋古賀波良迩阿流岐毛牟加布許許呂袁陀迩迦阿比淤母波受阿良牟
mimoro no so no taka kwi n aru opo wi kwo ga para opo wi kwo ga para ni aru kimwo mukapu kokoro wo dani ka api omopa zu ara mu
都芸泥布夜麻志呂賣能許久波母知宇知斯淤富泥泥士漏能斯漏多陀牟岐麻迦受祁婆許曾斯良受登母伊波米
tuginepu ya yamasiro mye no ko kupa moti uti si opo ne ne zirwo no sirwo tadamuki maka zu kyeba koso sira zu to mo ipa me
都芸泥布夜麻斯呂賣能許久波母知宇知斯意富泥佐和佐和爾那賀伊弊勢許曾宇知和多須夜賀波延那須岐伊理麻韋久禮
tuginepu yamasiro mye no ko kupa moti uti si opo ne sawasawa ni na ga ipyese koso uti watasu yagapaye nasu ki iri mawi kure
夜多能比登母登須宜波比登理袁理登母意富岐弥斯與斯登岐許佐婆比登理袁理登母
yata no pito moto suge pa pito ri wori tomo opo kimi si yo si to kikosaba pito ri wori tomo
賣杼理能和賀意富岐美能淤呂須波多他賀多泥呂迦母
mye dori no wa ga opo kimi no orosu pata ta ga tane rokamo
淤富佐迦迩阿布夜袁登賣袁美知斗閇婆多陀迩波能良受當芸麻知袁能流
opo saka ni apu ya wotomye wo miti twopeba tada ni pa nora zu tagima ti wo noru
意富麻弊袁麻弊須久泥賀加那斗加宜加久余理許泥阿米多知夜米牟
opo mapye wo mapye sukune ga kana two kage kaku yori kone ame tati yame mu
意富岐美袁斯麻爾波夫良婆布那阿麻理伊賀弊理許牟叙和賀多多弥由米許登袁許曾多多美登伊波米和賀都麻波由米
opo kimi wo sima ni paburaba puna amari i gapyeri ko mu zo wa ga tatami yume koto wo koso tatami to ipa me wa ga tuma pa yume
許母理久能波都世能夜麻能意富袁爾波波多波理陀弖佐袁袁爾波波多波理陀弖意富袁爾斯那加佐陀賣流淤母比豆麻阿波禮都久由美能許夜流許夜理母阿豆佐由美多弖理多弖理母能知母登理美流意母比豆麻阿波禮
komori ku no patuse no yama no opo wo ni pa pata pari date sa wo wo ni pa pata pari date opo wo ni si naka sadam yeru omopi duma apare tuku yumi no koyaru koyari mo adusa yumi tat eri tat eri mo noti mo tori miru omopi duma apare
美延斯怒能袁牟漏賀多気爾志斯布須登多禮曾意富麻弊爾麻袁須夜須美斯志和賀淤富岐美能斯志麻都登阿具良爾伊麻志斯漏多閇能蘇弖岐蘇那布多古牟良爾阿牟加岐都岐曾能阿牟袁阿岐豆波夜具比加久能碁登那爾淤波牟登蘇良美都夜麻登能久爾袁阿岐豆志麻登布
mi yesinwo no wo murwo ga take ni sisi pusu to tare so opo mapye ni mawosu yasumisisi wa ga opo kimi no sisi matu to agura ni imasi sirwo tape no swote ki swonapu ta kwomura ni amu kaki tuki so no amu wo akidu paya gupi kaku no goto na ni opa mu to swora mitu yamato no kuni wo akidu sima to pu
夜須美斯志和賀意富岐美能阿蘇婆志斯志斯能夜美斯志能宇多岐加斯古美和賀爾宜能煩理斯阿理袁能波理能紀能延陀
yasumisisi wa ga opo kimi no aswobasi si sisi no yami sisi no utaki kasikwo mi wa ga nige nobori si ari wo no pari no kwi no yeda
毛毛志紀能淤富美夜比登波宇豆良登理比禮登理加気弖麻那婆志良袁由岐阿閇爾波須受米宇受須麻理韋弖祁布母加母佐加美豆久良斯多加比加流比能美夜比登許登能加多理碁登母許袁婆
mwomwo siki no opo miya pito pa udura tori pire tori kakete mana basira wo yuki ape nipa suzume uzusumari wite kyepu mo ka mo saka miduku rasi taka pikaru pi no miya pito koto no katari goto mo ko woba
夜須美斯志和賀淤富岐美能阿佐斗爾波伊余理陀多志由布斗爾波伊余理陀多須和岐豆紀賀斯多能伊多爾母賀阿世袁
yasumisisi wa ga opo kimi no asa two ni pa i yori data si si yupu two ni pa i yori data su wakidukwi ga sita no ita ni moga ase wo
意富美夜能袁登都波多傅須美加多夫祁理
opo miya no woto tu patade sumi katabuk yeri
意富多久美袁遅那美許曾須美加多夫祁禮
opo takumi wodina mi koso sumi katabuk yere
意富岐美能許許呂袁由良美淤美能古能夜弊能斯婆加岐伊理多多受阿理
opo kimi no kokoro wo yura mi omi no kwo no ya pye no siba kaki iri tata zu ari
意富岐美能美古能志婆加岐夜布士麻理斯麻理母登本斯岐禮牟志婆加岐夜気牟志婆加岐
opo kimi no mi kwo no siba kaki ya pu zimari simari motoposi kire mu siba kaki yake mu siba kaki
伽牟伽筮能伊齊能于能於費異之珥夜異波臂茂等倍屡之多襄瀰能之多襄瀰能阿誤予阿誤予之多太瀰能異波比茂等倍離于智弖之夜莽務于智弖之夜莽務
kamu kaze no ise no umi no opo isi ni ya i papi motoporu sitadami no sitadami no a gwo yo a gwo yo sitadami no i papi motopori utite si yama mu utite si yama mu
於佐箇廼於朋務露夜珥比苔瑳破而異離烏利苔毛比苔磋破而枳伊離烏利苔毛瀰都瀰都志倶梅能固邏餓勾務都都伊異志都都伊毛智于智弖之夜莽務
osaka no opo murwo ya ni pito sapa ni iri wori tomo pito sapa ni ki iri wori tomo mitumitusi kume no kwo ra ga kubu tutui isi tutui moti utite si yama mu
許能瀰枳破和餓瀰枳那羅孺椰磨等那殊於朋望能農之能介瀰之瀰枳伊句臂佐伊句臂佐
ko no mi ki pa wa ga mi ki nara zu yamato nasu opo mono nusi no kami si mi ki iku pisa iku pisa
飫朋佐介珥莵芸廼煩例屡伊辞務邏塢多誤辞珥固佐縻固辞介低務介茂
opo saka ni tugi nobor eru isi mura wo ta gwosi ni kwosaba kwosi kate mu kamo
莵芸泥赴揶莽之呂餓波烏箇破能朋利碗餓能朋例麼箇波区莽珥多知瑳介喩屡毛毛多羅儒揶素麼能紀破於朋耆瀰呂介茂
tuginepu yamasiro gapa wo kapa nobori wa ga noboreba kapa kuma ni tati sakayuru momo tara zu ya swo ba no kwi pa opo kimi rokamo
莵芸泥赴揶摩之呂謎能許久波茂知于智辞於朋泥佐和佐和珥儺餓伊幣劑許曾于知和多須椰餓波曳儺須企以利摩韋区例
tuginepu yamasiro mye no ko kupa moti uti si opo ne sawasawa ni na ga ipyese koso uti watasu yagapaye nasu ki iri mawi kure
莵芸泥赴夜莽之呂謎能許玖波茂知于知辞於朋泥泥士漏能辞漏多娜武枳摩箇儒鶏麼虚曾辞羅儒等茂伊波梅
tuginepu yamasiro mye no ko kupa moti uti si opo ne ne zirwo no sirwo tadamuki maka zu kyeba koso sira zu to mo ipa me
夜輸瀰始之和我於朋枳瀰波于陪儺于陪儺和例烏斗波輸儺阿企莵辞摩揶莽等能倶珥珥箇利古武等和例破枳箇儒
yasumisisi wa ga opo kimi pa ube na ube na ware wo twopa su na akidu sima yamato no kuni ni kari kwo mu to ware pa kika zu
於朋佐箇珥阿布夜烏等謎烏瀰知度沛麼哆駄珥破能邏孺哆耆摩知烏能流
opo saka ni apu ya wotomye wo miti twopeba tada ni pa nora zu tagima ti wo noru
於褒企瀰烏志摩珥波夫利布儺阿摩利異餓幣利去牟鋤和餓哆哆瀰由梅去等烏許曾哆多瀰等異畔梅和餓莵摩烏由梅
opo kimi wo sima ni paburi puna amari i kapyeri ko mu zo wa ga tatami yume koto wo koso tatami to ipa me wa ga tuma wo yume
於朋摩幣烏摩幣輸区泥餓訶那杜加礙訶区多智予羅泥阿梅多知夜梅牟
opo mapye wo mapye sukune ga kana two kage kaku tati yorane ame tati yame mu
野麼等能鳴武羅能陁該儞之之符須登柂例柯擧能居登飫裒磨陛儞麻鳴須飫裒枳瀰賊據鳴枳舸斯題柂磨磨枳能阿娯羅儞陁陁伺絁都魔枳能阿娯羅儞陁陁伺斯斯磨都登倭我伊麻西麼佐謂麻都登倭我陁陁西麼陁倶符羅爾阿武柯枳都枳曾能阿武鳴婀枳豆波野倶譬波賦武志謀飫裒枳瀰儞麼都羅符儺我柯陁播於柯武婀岐豆斯麻野麻登
yamato no womura no take ni sisi pusu to tare ka ko no koto opo mapye ni mawosu opo kimi pa soko wo kika site tama maki no agwora ni tata si situmaki no agwora ni tata si sisi matu to wa ga imaseba sa wi matu to wa ga tata seba takupura ni amu kaki tuki so no amu wo akidu paya kupi papu musi mo opo kimi ni maturapu na ga kata pa oka mu akidu sima yamato
野麼等能鳴武羅能陁該儞之之符須登柂例柯擧能居登飫裒磨陛儞麻鳴須飫裒枳瀰賊據鳴枳舸斯題柂磨磨枳能阿娯羅儞伊麻司絁都魔枳能阿娯羅儞陁陁伺斯斯磨都登倭我伊麻西麼佐謂麻都登倭我陁陁西麼陁倶符羅爾阿武柯枳都枳曾能阿武鳴婀枳豆波野倶譬波賦武志謀舸矩能御等儺儞於婆武登蘇羅瀰豆野麻等能矩儞鳴婀岐豆斯麻登以符
yamato no womura no take ni sisi pusu to tare ka ko no koto opo kimi ni mawosu opo kimi pa soko wo kika site tama maki no agwora ni imasi situmaki no agwora ni tata si sisi matu to wa ga imaseba sa wi matu to wa ga tata seba takupura ni amu kaki tuki so no amu wo akidu paya kupi papu musi mo kaku no goto na ni opa mu to swora mitu yamato no kuni wo akidu sima to ipu
野須瀰斯志倭我飫褒枳瀰能阿蘇麼斯志志志能宇柁枳舸斯固瀰倭我尼尋能褒利志阿理鳴能宇倍能婆利我曳陀阿西鳴
yasumisisi wa ga opo kimi no aswobasi si sisi no utaki kasikwo mi wa ga nige nobori si ari wo no upe no pari ga yeda ase wo
柯武柯噬能伊制能伊制能奴能娑柯曳鳴伊褒甫流柯枳底志我都矩屡麻泥爾飫褒枳瀰爾柯柁倶都柯陪麻都羅武騰倭我伊能致謀那我倶母鵝騰伊比志柁倶弥播夜阿柁羅陀倶弥播夜
kamu kaze no ise no ise no nwo no sakaye wo i po puru kakite si ga tukuru madeni opo kimi ni kata ku tukape matura mu to wa ga inoti mo naga ku moga to ipi si takumi pa ya atara takumi pa ya
飫褒陀致鳴多黎播枳多致低農可儒登慕須衛娑陀志低謀阿波夢登茹於謀賦
opo tati wo tare paki tatite nuka zu tomo suwe patasite mo apa mu to zo omopu
飫褒枳瀰能耶陛能矩瀰可枳可可梅騰謀儺鳴阿摩之耳弥可可農倶弥柯枳
opo kimi no ya pye no kumi kaki kaka medomo na wo amasizimi kaka nu kumi kaki
於褒枳瀰能瀰於寐能之都波柁夢須寐陀黎陀黎耶始比登謀阿避於牟婆儺倶爾
opo kimi no mi obi no situpata musubi tare tare ya si pito mo api omopa naku ni
謂須能箇瀰賦屡鳴須擬底擧慕摩矩羅柁箇播志須擬慕能娑播爾於褒野該須擬播屡比箇須我鳴須擬逗摩御慕屡鳴佐褒鳴須擬柁摩該爾播謂比佐倍母理柁摩慕比爾瀰逗佐倍母理儺岐曾褒遅喩倶謀柯尋比謎阿婆例
isu no kami puru wo sugwite komo makura takapasi sugwi mono sapa ni opo yake sugwi paru pi kasuga wo sugwi tuma gomoru wo sapo wo sugwi tama ke ni pa ipi sape mori tama mopi ni midu sape mori naki sopoti yuku mo kagepimye apare
荳母唎矩能簸覩細能可波由那峨例倶屡駄開能以矩美娜開余襄開謨等陛鳴麼荳等爾都倶唎須衛陛鳴麼府曳爾都倶唎符企儺須美母慮我紆陪爾能朋梨陀致倭我弥細麼都奴娑播符以簸例能伊開能美那矢駄府紆鳴謨紆陪爾堤堤那皚矩野須美矢矢倭我於朋枳美能於魔細屡娑佐羅能美於寐能武須弥陀例駄例夜矢比等母紆陪爾泥堤那皚矩
komori ku no patuse no kapa yu nagare kuru take no i kumi dake yo dake moto pye woba koto ni tukuri suwe pye woba puye ni tukuri puki nasu mimoro ga upe ni nobori tati wa ga mi seba tunusapapu ipare no ike no minasitapu uwo mo upe n idete nageku yasumisisi wa ga opo kimi no oba s eru sasara no mi obi no musubi tare tare ya si pito mo upe n idete nageku
夜酒瀰志斯和餓於朋耆瀰能訶勾理摩須阿摩能椰蘇河礙異泥多多須瀰蘇羅烏瀰礼麼豫呂豆余珥訶勾志茂餓茂知余珥茂訶勾志茂餓茂知余珥茂訶勾志茂餓茂訶志胡瀰弖莵伽倍摩都羅武烏呂餓瀰弖莵伽倍摩都羅武宇多豆紀磨都流
yasumisisi wa ga opo kimi no kakuri masu ama no ya swo kage ide tata su mi swora wo mireba yorodu yo ni kaku si moga mo ti yo ni mo kaku si moga mo ti yo ni kaku si moga mo kasikwomite tukape matu ramu worogamite tukape matu ramu uta duki maturu
摩蘇餓豫蘇餓能古羅破宇摩奈羅麼譬武伽能古摩多智奈羅麼勾礼能摩差比宇倍之訶茂蘇餓能古羅烏於朋枳瀰能莵伽破須羅志枳
swoga yo swoga no kwo ra pa uma naraba pimuka no kwoma tati naraba kure no ma sapi ube si ka mo swoga no kwo ra wo opo kimi no tukapa su rasi ki
住吉之大倉向而飛者許曾速鳥云目何速鳥
suminoye no opo kura mukite tobaba koso paya tori to ipa me nani ka paya tori
伊加豆知乃比加利乃期止岐己礼乃微波志爾乃於保岐美都祢爾多具覇利於豆閇可良受夜
ikaduti no pikari no goto ki kore no mwi pa sini no opo kimi tune ni tagup yeri odu be kara zu ya
夜須美斯志和己於保支美波多比良気久那何久伊末之弖等与美岐麻都流
yasumisisi wa go opo kimi pa tapirake ku naga ku imasite toyo mi ki maturu
海行波美豆久屍山行波草牟須屍王乃幣爾去曾死米能杼爾波不死
umi yuka ba mi duku kabane yama yuka ba kusa musu kabane opo kimi no pye ni koso sina me nodoni pa sinazi
伊我留我乃止美能乎何波乃多叡婆許曾和何於保支美乃弥奈和須良叡米
ikaruga no tomi no wo gapa no tayeba koso wa ga opo kimi no mi na wasura ye me
美加弥乎須多婆佐美夜麻乃阿遅加気爾比止乃麻乎之志和何於保支美波母
mi kami wosu tabasami yama no adikage ni pito no mawosi si wa ga opo kimi pa mo
National Institute for Japanese Language and Linguistics (2021) “Oxford-NINJAL Corpus of Old Japanese” https://oncoj.ninjal.ac.jp/ (accessed 15 August 2026)
fd34a1b284c5dd1e8008df9d3abcb28cfaf464bf