MYS.1.5
霞立長春日乃晩家流和豆肝之良受村肝乃心乎痛見奴要子鳥卜歎居者珠手次懸乃宜久遠神吾大王乃行幸能山越風乃獨座吾衣手爾朝夕爾還比奴礼婆大夫登念有我母草枕客爾之有者思遣鶴寸乎白土網能浦之海處女等之焼塩乃念曽所焼吾下情
kasumi tatu naga ki paru pi no kure ni kyeru waduki mo sira zu mura kimo no kokoro wo ita mi nuye kwo tori ura nake woreba tama ta suki kake no yorosi ku topo tu kamwi wa go opo kimi no ide masi no yama kwosu kaze no pito ri woru wa ga koromo de ni asa yopi ni kapyera pi nureba masura wo to omop yeru ware mo kusa makura tabi ni si areba omopi yaru taduki wo sira ni ami no ura no ama wotomye ra ga yaku sipo no omopi so yakuru wa ga sita gokoro
MYS.1.60
暮相而朝面無美隠爾加氣長妹之廬利為里計武
yopi ni apite asita omo na mi nabari ni ka ke naga ku imo ga ipo ri s e ri kye mu
氣長妹之 naga
句3 訓字書き 訓字 複合語l007081b
MYS.2.85
君之行氣長成奴山多都祢迎加将行待爾可将待
kimi ga yuki ke naga ku nari nu yama tadune mukape ka yuka mu mati ni ka mata mu
MYS.2.90
君之行氣長久成奴山多豆乃迎乎将徃待爾者不待
kimi ga yuki ke naga ku nari nu yama tadu no mukape wo yuka mu mati ni pa matazi
MYS.2.123
多氣婆奴礼多香根者長寸妹之髪此来不見爾掻入津良武香
takeba nure taka ne ba naga ki imo ga kami ko no koro mi nu ni kaki re tu ramu ka
MYS.2.124
人皆者今波長跡多計登雖言君之見師髪乱有等母
pito mwina pa ima pa naga si to takye to ipedo kimi ga mi si kami midare tari tomo
MYS.2.147
天原振放見者大王乃御壽者長久天足有
ama no para purisake mireba opo kimi no mi inoti pa naga ku ama tara si tari
MYS.2.157
神山之山邊真蘇木綿短木綿如此耳故爾長等思伎
miwa yama no yama pye ma swo yupu mizika yupu kaku nomwi yuwe ni naga si to omopi ki
MYS.2.196a
飛鳥明日香乃河之上瀬石橋渡下瀬打橋渡石橋生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴然有鴨綾爾憐宿兄鳥之片戀嬬朝鳥徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa pasi watasi simo tu se ni uti pasi watasu ipa pasi ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu sikare ka mo ayani kanasi mi nuye dori no kata kwopwi duma asa tori no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
弥遠長久 naga
句67 訓字書き 訓字 複合語l090463
MYS.2.196b
飛鳥明日香乃河之上瀬石浪渡下瀬打橋渡石浪生靡留玉藻毛叙絶者生流打橋生乎為礼流川藻毛叙干者波由流何然毛吾王能立者玉藻之母許呂臥者川藻之如久靡相之宣君之朝宮乎忘賜哉夕宮乎背賜哉宇都曽臣跡念之時春都者花折挿頭秋立者黄葉挿頭敷妙之袖携鏡成雖見不猒三五月之益目頬染所念之君与時々幸而遊賜之御食向木缻之宮乎常宮跡定賜味澤相目辞毛絶奴所己乎之毛綾爾憐宿兄鳥之片戀為乍朝霧徃来為君之夏草乃念之萎而夕星之彼徃此去大船猶預不定見者遣悶流情毛不在其故為便知之也音耳母名耳毛不絶天地之弥遠長久思将徃御名爾懸世流明日香河及万代早布屋師吾王乃形見何此焉
tobu tori no asuka no kapa no kami tu se ni ipa nami watasi simo tu se ni uti pasi watasu ipa nami ni opwi nabik ye ru tama mo mo zo tayureba opuru uti pasi ni opwi wowor eru kapa mo mo zo karureba payuru nani si ka mo wa ga opo kimi no tata seba tama mo no mokoro koya seba kapa mo no goto ku nabik api si yorosi ki kimi ga asa miya wo wasure tamapu ya yupu miya wo so muki tamapu ya utusomi to omopi si toki paru bye pa pana wori kazasi aki tate ba momiti ba kazasi siki tape no swode tadusapari kagami nasu miredomo aka zu moti dukwi no iya medurasi mi omoposi si kimi to tokitoki ide masite aswobi tamapi si mi ke mukapu kwinope no miya wo toko miya to sadame tamapite adisapapu me goto mo taye nu soko wo si mo ayani kanasi mi nuye dori no kata kwopwi situtu asa gwiri no kaywopa su kimi ga natu kusa no omopi sinayete yupu tudu no ka yuki kaku yuki opo bune no tayutapu mireba nagusam uru kokoro mo ara nu soko yuwe ni se mu subye sire ya oto nomwi mo na nomwi mo taye zu ame tuti no iya topo naga ku sinwopi yuka mu mi na ni kaka s eru asuka gapa yorodu yo made ni pasi ki ya si wa go opo kimi no katami ka koko wo
弥遠長久 naga
句67 訓字書き 訓字 複合語l090463
MYS.2.217
秋山下部留妹奈用竹乃騰遠依子等者何方爾念居可栲紲之長命乎露己曽婆朝爾置而夕者消等言霧己曽婆夕立而明者失等言梓弓音聞吾母髣髴見之事悔敷乎布栲乃手枕纒而劔刀身二副寐價牟若草其嬬子者不怜弥可念而寐良武悔弥可念戀良武時不在過去子等我朝露乃如也夕霧乃如也
aki yama no sitap yeru imo naywo take no towo yoru kwo ra pa ika sama ni omopi wore ka taku napa no naga ki inoti wo tuyu kosoba asita ni okite yupu pye pa kiyu to ipe kwiri kosoba yupu pye ni tatite asita pa usu to ipe adusa yumi oto kiku ware mo opo ni mi si koto kuya si ki wo siki tape no ta makura makite turugi tati mwi ni swope ne kye mu waka kusa no so no tuma no kwo pa sabusi mi ka omopite nu ramu kuyasi mi ka omopi kwopu ramu toki nara zu sugwi ni si kwo ra ga asa tuyu no goto yupu gwiri no goto
MYS.3.255a
天離夷之長道従戀来者自明門倭嶋所見
ama zakaru pina no naga ti yu kwopwi kureba akasi no two ywori yamato sima mi yu
夷之長道従 naga
句1 訓字書き 訓字 複合語l090484
MYS.3.255b
天離夷之長道従戀来者自明門家門當見由
ama zakaru pina no naga ti yu kwopwi kureba akasi no two ywori yadwo no atari mi yu
夷之長道従 naga
句1 訓字書き 訓字 複合語l090484
MYS.3.315
見吉野之芳野乃宮者山可良志貴有師水可良思清有師天地与長久萬代爾不改将有行幸之宮
mi yosinwo no yosinwo no miya pa yama kara si taputwo karu ra si kapa kara si sayake karu ra si ame tuti to naga ku pisasi ku yorodu yo ni kapara zu ara mu idemasi no miya
MYS.3.423a
角障經石村之道乎朝不離将歸人乃念乍通計萬口波霍公鳥鳴五月者菖蒲花橘乎玉爾貫蘰爾将為登九月能四具礼能時者黄葉乎折挿頭跡延葛乃弥遠永萬世爾不絶等念而将通君乎婆明日従外爾可聞見牟
tunwosapapu ipare no miti wo asa sara zu yuki kye mu pito no omopitutu kaywopi kye maku pa pototogisu naku satukwi ni pa ayamye gusa pana tatibana wo tama ni nuki kadura ni se mu to nagatukwi no sigure no toki pa momiti ba wo wori kazasamu to papu kuzu no iya topo naga ku yorodu yo ni tayezi to omopite kaywopi kye mu kimi woba asu yu yoso ni ka mo mi mu
弥遠永 naga
句17 訓字書き 訓字 複合語l090463
MYS.3.423b
角障經石村之道乎朝不離将歸人乃念乍通計萬口波霍公鳥鳴五月者菖蒲花橘乎貫交蘰爾将為登九月能四具礼能時者黄葉乎折挿頭跡田葛根乃弥遠長爾大舟之念憑而将通君乎従明日者外爾可聞見牟
tunwosapapu ipare no miti wo asa sara zu yuki kye mu pito no omopitutu kaywopi kye maku pa pototogisu naku satukwi ni pa ayamye gusa pana tatibana wo nuki mazipe kadura ni se mu to nagatukwi no sigure no toki pa momiti ba wo wori kazasamu to kuzu no ne no iya topo naga ni opo bune no omopi tanomite kaywopi kye mu kimi wo asu yu pa yoso ni ka mo mi mu
弥遠長爾 naga
句17 訓字書き 訓字 複合語l090463
MYS.3.443
天雲之向伏國武士登所云人者皇祖神之御門爾外重爾立候内重爾仕奉玉葛弥遠長祖名文継徃物与母父爾妻爾子等爾語而立西日従帶乳根乃母命者齊忌戸乎前坐置而一手者木綿取持一手者和細布奉平間幸座与天地乃神祇乞祷何在歳月日香茵花香君之牛留鳥名津匝来与立居而待監人者王之命恐押光難波國爾荒玉之年經左右二白栲衣不干朝夕在鶴公者何方爾念座可欝蝉乃惜此世乎露霜置而徃監時爾不在之天
ama kumo no muka busu kuni no mononopu to ipa yuru pito pa sumyeroki no kamwi no mi kadwo ni two no pye ni tati samorapi uti no pye ni tukape maturite tama kadura iya topo naga ku oya no na mo tugi yuku mono to omo titi ni tuma ni kwo domo ni katarapite tati ni si pi ywori taratine no papa no mikoto pa ipapi be wo mapye ni suwe okite kata te ni pa yupu tori moti kata te ni pa niki tape maturi tapirake ku ma saki ku mase to ame tuti no kamwi wo kopi nome ika n ara mu tosi tukwi pi ni ka tutuzi pana nipop yeru kimi ga kuro tori no nadusapi ko mu to tatite wite mati kye mu pito pa opo kimi no mikoto kasikwo mi osi teru nanipa no kuni ni ara tama no tosi puru made ni sirwo tape no koromo mo posa zu asa yopi ni ari turu kimi pa ika sama ni omopi mase ka utusemi no wosi ki ko no yo wo tuyu simo no okite ini kye mu toki ni ara zu site
弥遠長 naga
句11 訓字書き 訓字 複合語l090463
MYS.3.457
遠長将仕物常念有之君師不座者心神毛奈思
topo naga ku tukape mu mono to omop yeri si kimi imasa neba kokorodwo mo na si
遠長 naga
句0 訓字書き 訓字 複合語l090463
MYS.3.460
栲角乃新羅國従人事乎吉跡所聞而問放流親族兄弟無國爾渡来座而大皇之敷座國爾内日指京思美弥爾里家者左波爾雖在何方爾念鷄目鴨都礼毛奈吉佐保乃山邊爾哭兒成慕来座而布細乃宅乎毛造荒玉乃年緒長久住乍座之物乎生者死云事爾不免物爾之有者憑有之人乃盡草枕客有間爾佐保河乎朝河渡春日野乎背向爾見乍足氷木乃山邊乎指而晩闇跡隠益去礼将言為便将為須敝不知爾徘徊直獨而白細之衣袖不干嘆乍吾泣涙有間山雲居軽引雨爾零寸八
takudunwo no sirakwi no kuni yu pito goto wo yo si to kika site twopi saku ru ugara paragara na ki kuni ni watari ki masite opo kimi no siki masu kuni ni utipi sasu miyakwo simimi ni satwo ipye pa sapa ni aredomo ika sama ni omopi kye me kamo ture mo na ki sapo no yama pye ni naku kwo nasu sitapi ki masite siki tape no ipye wo mo tukuri ara tama no tosi no wo naga ku sumapitutu imasi si mono wo ik yeru mono sinu to ipu koto ni manukare nu mono ni si areba tanom yeri si pito no kotogoto kusa makura tabi n aru potwo ni sapo gapa wo asa kapa watari kasuga nwo wo sogapi ni mitutu asi pikwi no yama pye wo sasite kurekure to kakuri masi nu re ipa mu subye se mu subye sira ni ta motopori tada pito ri site sirwo tape no koromo de posa zu nagekitutu wa ga naku namita arima yama kumo wi tanabiki ame ni puri ki ya
MYS.3.462
従今者秋風寒将吹焉如何獨長夜乎将宿
ima ywori pa aki kaze samu ku puki na mu wo ika ni ka pito ri naga ki ywo wo ne mu
MYS.3.463
長夜乎獨哉将宿跡君之云者過去人之所念久爾
naga ki ywo wo pito ri ya ne mu to kimi ga ipeba sugwi ni si pito no omopoyura ku ni
MYS.3.478
挂巻毛文爾恐之吾王皇子之命物乃負能八十伴男乎召集聚率比賜比朝猟爾鹿猪踐起暮猟爾鶉雉履立大御馬之口抑駐御心乎見為明米之活道山木立之繁爾咲花毛移爾家里世間者如此耳奈良之大夫之心振起劔刀腰爾取佩梓弓靭取負而天地与弥遠長爾万代爾如此毛欲得跡憑有之皇子乃御門乃五月蝿成驟驂舎人者白栲爾服取著而常有之咲比振麻比弥日異更經見者悲呂可聞
kake maku mo ayani kasikwo si wa go opo kimi mi kwo no mikoto no mononopu no ya swo tomo no wo wo myesi tudwope adomo pi tama pi asa gari ni sisi pumi okosi yupu gari ni tori pumi tate opomi ma no kuti osape tate mi kokoro wo myesi akira me si ikudi yama ko dati no sizi ni saku pana mo uturopi ni kyeri yo no naka pa kaku nomwi na rasi masura wo no kokoro puri okosi turugi tati kosi ni tori paki adusa yumi yuki tori opite ame tuti to iya topo naga ni yorodu yo ni kaku si mo ga mo to tanom yeri si mi kwo no mikadwo no sa bape nasu sawaku toneri pa sirwo tape ni koromo tori kite tune nari si wema pi puru mapi iya pi kyeni kaparapu mireba kanasi ki rokamo
弥遠長爾 naga
句29 訓字書き 訓字 複合語l090463
MYS.4.484
一日社人母待吉長氣乎如此耳待者有不得勝
pito pi koso pito mo mati yo ki naga ki ke wo kaku nomwi mataba ari katu masizi
MYS.4.485
神代従生継来者人多國爾波満而味村乃去来者行跡吾戀流君爾之不有者晝波日乃久流留麻弖夜者夜之明流寸食念乍寐宿難爾登阿可思通良久茂長此夜乎
kamu yo ywori are tugi kureba pito sapa ni kuni ni pa mitite adi mura no kaywopi pa yuke do a ga kwopu ru kimi ni si ara neba piru pa pi no kururu made yworu pa ywo no aku ru kipami omopitutu i mo ne gate nito akasi turaku mo naga ki ko no ywo wo
MYS.4.493
置而行者妹将戀可聞敷細乃黒髪布而長此夜乎
okite ikaba imo kwopwi mu kamo sikitape no kurwo kami sikite naga ki ko no ywo wo
MYS.4.536
飫宇能海之塩干乃鹵之片念爾思哉将去道之永手呼
ou no umi no sipo pwi no kata no kata mopi ni omopi ya yuka mu miti no naga te wo
道之永手呼 naga
句4 仮名書き 仮名 複合語l050743
MYS.4.546
三香乃原客之屋取爾珠桙乃道能去相爾天雲之外耳見管言将問縁乃無者情耳咽乍有爾天地神祇辞因而敷細乃衣手易而自妻跡憑有今夜秋夜之百夜乃長有与宿鴨
mika no para tabi no yadori ni tamapoko no miti no yuki api ni ama kumo no yoso nomwi mi tutu koto dopa mu yosi no na kyereba kokoro nomwi musetutu aru ni ame tuti no kamwi koto yosete sikitape no koromo de kapete ono duma to tanom yeru ko yopi aki no ywo no momo ywo no naga sa ari kose nu kamo
MYS.4.587
吾形見々管之努波世荒珠年之緒長吾毛将思
wa ga katami mi tutu sinwo pa se ara tama no tosi no wo naga ku ware mo sinwopa mu
MYS.4.619
押照難波乃菅之根毛許呂爾君之聞四手年深長四云者真十鏡磨師情乎縦手師其日之極浪之共靡珠藻乃云々意者不持大船乃憑有時丹千磐破神哉将離空蝉乃人歟禁良武通為君毛不来座玉梓之使母不所見成奴礼婆痛毛為便無三夜干玉乃夜者須我良爾赤羅引日母至闇雖嘆知師乎無三雖念田付乎白二幼婦常言雲知久手小童之哭耳泣管俳徊君之使乎待八兼手六
osi teru nanipa no suge no nemokoro ni kimi ga kiko site tosi puka ku naga ku si ipeba maswo kagami twogi si kokoro wo yurusi te si so no pi no kipami nami no muta nabiku tama mo no ka ni kaku ni kokoro pa mota zu opo bune no tanom yeru toki ni tipayaburu kamwi ya sake kye mu utusemi no pito ka sapu ramu kaywopa si si kimi mo ki masa zu tamadusa no tukapi mo mi ye zu nari nureba ita mo subye na mi nubatama no yworu pa sugara ni aka ra piku pi mo kururu made nagekedomo sirusi wo na mi omopedomo ta duki wo sira ni tawayamye to ipa ku mo siru ku ta warapa no ne nomwi naki tutu ta motopori kimi ga tukapi wo mati ya kane te mu
MYS.4.620
従元長謂管不令恃者如是念二相益物歟
pazime ywori naga ku ipi tutu tanome zupa kakaru omopi ni apa masi mono ka
MYS.4.648
不相見而氣長久成奴比日者奈何好去哉言借吾妹
api mi zute ke naga ku nari nu ko no koro pa ika ni saki ku ya ipukasi wagimo
MYS.4.661
戀々而相有時谷愛寸事盡手四長常念者
kwopwi kwopwite ap yeru toki dani utukusi ki koto tuku si teyo naga ku to omopaba
MYS.4.704
栲縄之永命乎欲苦波不絶而人乎欲見社
taku napa no naga ki inoti wo pori siku pa taye zute pito wo mi maku pore koso
MYS.5.846
可須美多都那我岐波流卑乎可謝勢例杼伊野那都可子岐烏梅能波那可毛
kasumi tatu naga ki paru pi wo kazas eredo iya natukasi ki ume no pana kamo
MYS.5.864
於久礼為天那我古飛世殊波弥曾能不乃于梅能波奈爾忘奈良麻之母能乎
okure wite naga kwopwi se zupa mi sono pu no ume no pana ni mo nara masi monowo
那我古飛世殊波 naga
句1 仮名書き 仮名 複合語l050300
MYS.5.867
枳美可由伎気那我久奈理奴奈良遅那留志満乃己太知母可牟佐飛仁家里
kimi ga yuki ke naga ku nari nu nara di n aru sima no ko dati mo kamusabwi ni kyeri
MYS.5.884
國遠伎路乃長手遠意保意保斯久計布夜須疑南己等騰比母奈久
kuni topo ki miti no naga te wo obobosi ku kyepu ya sugwi na mu koto dopi mo na ku
路乃長手遠 naga
句1 訓字書き 訓字 複合語l050743
MYS.5.888a
都祢斯良農道乃長手袁久礼久礼等伊可爾可由迦牟可利弖波奈斯爾
tune sira nu miti no naga te wo kurekureto ika ni ka yuka mu karite pa na si ni
道乃長手袁 naga
句1 訓字書き 訓字 複合語l050743
MYS.5.888b
都祢斯良農道乃長手袁久礼久礼等伊可爾可由迦牟可例比波奈之爾
tune sira nu miti no naga te wo kurekureto ika ni ka yuka mu karepi pa na si ni
道乃長手袁 naga
句1 訓字書き 訓字 複合語l050743
MYS.5.891a
一世爾波二遍美延農知知波波袁意伎弖夜奈何久阿我和加礼南
pito yo ni pa puta tabi mi ye nu titi papa wo okite ya naga ku a ga wakare na mu
MYS.5.891b
一世爾波二遍美延農知知波波袁意伎弖夜奈何久阿我和相別南
pito yo ni pa puta tabi mi ye nu titi papa wo okite ya naga ku api wakare na mu
MYS.5.897
霊剋内限者平気久安久母阿良牟遠事母無母裳无阿良牟遠世間能宇計久都良計久伊等能伎提痛伎瘡爾波鹹塩遠灌知布何其等久益益母重馬荷爾表荷打等伊布計等能其等老爾弖阿留我身上爾病遠等加弖阿礼婆昼波母歎加比久良志夜波母息豆伎阿可志年長久夜美志渡礼婆月累憂吟比許等許等波斯奈奈等思騰五月蠅奈周佐和久児等遠宇都弖弖波死波不知見乍阿礼婆心波母延農可爾可久爾思和豆良比祢能尾志奈可由
tamakiparu uti no kagiri pa tapirake ku yasu ku mo ara mu wo koto mo na ku mo mo na ku ara mu wo yo no naka no u kyeku tura kyeku itonokite ita ki kizu ni pa kara sipo wo sosoku t ipu ga goto ku masumasu mo omo ki uma ni ni upa ni utu to ipu koto no goto oi nite aru wa ga mwi no upe ni yamapi wo to kupape te areba piru pa mo nage kapi kurasi yworu pa mo iki duki akasi tosi naga ku yami si wata reba tukwi kasane urepe sa maywo pi koto koto pa sinana to omope do sa bape nasu sawaku kwo domo wo ututete pa sini pa sira zu mitutu areba kokoro pa moye nu ka ni kaku ni omopi wadurapi ne nomwi si naka yu
MYS.6.933
天地之遠我如日月之長我如臨照難波乃宮爾和期大王國所知良之御食都國日之御調等淡路乃野嶋之海子乃海底奥津伊久利二鰒珠左盤爾潜出船並而仕奉之貴見礼者
ame tuti no topo ki ga goto pi tukwi no naga ki ga goto osi teru nanipa no miya ni wa go opo kimi kuni sira su rasi mi ke tu kuni pi no mi tukwi to apadi no nwosima no ama no wata no soko oki tu ikuri ni apabi tama sapa ni kaduki de pune namete tukape maturu si taputwo si mireba
MYS.6.940
不欲見野乃淺茅押靡左宿夜之氣長在者家之小篠生
inami nwo no asa di osi nabe sa nuru ywo no ke naga ku si areba ipye si sinwopa yu
氣長在者 naga
句3 訓字書き 訓字 複合語l007081b
MYS.6.942
味澤相妹目不數見而敷細乃枕毛不巻櫻皮纒作流舟二真梶貫吾榜来者淡路乃野嶋毛過伊奈美嬬辛荷乃嶋之嶋際従吾宅乎見者青山乃曽許十方不見白雲毛千重爾成来沼許伎多武流浦乃盡徃隠嶋乃埼々隈毛不置憶曽吾来客乃氣長弥
adisapapu imo ga mekarete siki tape no makura mo maka zu kanipa maki tukur e ru pune ni ma kadi nuki wa ga kogi kureba apadi no nwosima mo sugwi inami tuma karani no sima no sima no ma yu wagipye wo mireba awo yama no soko to mo mi ye zu sira kumo mo ti pye ni nari ki nu kogi tamuru ura no kotogoto yuki kakuru sima no saki zaki kuma mo oka zu omopi so wa ga kuru tabi no ke naga mi
客乃氣長弥 naga
句24 訓字書き 訓字 複合語l007081b
MYS.6.975
如是為管在久乎好叙霊剋短命乎長欲為流
kaku si tutu ara ku wo yo mi zo tamakiparu mizika ki inoti wo naga ku pori su ru
MYS.6.985
天爾座月讀壮子幣者将為今夜乃長者五百夜継許増
ame ni masu tuku yomi wotokwo mapi pa se mu ko yopi no naga sa i po ywo tugi koso
MYS.6.993
月立而直三日月之眉根掻氣長戀之君爾相有鴨
tukwi tatite tada mikadukwi no maywo ne kaki ke naga ku kwopwi si kimi ni ap yeru kamo
氣長戀之 naga
句3 訓字書き 訓字 複合語l007081b
MYS.6.1043
霊剋壽者不知松之枝結情者長等曽念
tamakiparu inoti pa sira zu matu ga ye wo musubu kokoro pa naga ku to so omopu
MYS.6.1048
立易古京跡成者道之志婆草長生爾異煎
tati kapari puru ki miyakwo to nari nureba miti no siba kusa naga ku opwi ni kyeri
MYS.7.1072
明日之夕将照月夜者片因爾今夜爾因而夜長有
asu no yopi tera mu tuku ywo pa kata yori ni ko yopi ni yori te ywo naga ku aranamu
MYS.7.1413
庭津鳥可鷄乃垂尾乃乱尾乃長心毛不所念鴨
nipa tu tori ka kye no tari wo no midare wo no naga ki kokoro mo omopoye nu kamo
MYS.8.1548
咲花毛乎曽呂波猒奥手有長意爾尚不如家里
saku pana mo wosoro pa aki nu okute naru naga ki kokoro ni napo sika zu kyeri
MYS.8.1615
大乃浦之其長濱爾縁流浪寛公乎念比日
opo no ura no so no naga pama ni yosu ru nami yutake ku kimi wo omopu ko no koro
MYS.8.1631
今造久邇能京爾秋夜乃長爾獨宿之苦左
ima tukuru kuni no miyakwo ni aki no ywo no naga ki ni pito ri nuru ga kurusi sa
MYS.9.1740
春日之霞時爾墨吉之岸爾出居而釣船之得乎良布見者古之事曽所念水江之浦嶋兒之堅魚釣鯛釣矜及七日家爾毛不夾而海界乎過而榜行爾海若神之女爾邂爾伊許藝趍相誂良比言成之賀婆加吉結常代爾至海若神之宮乃内隔之細有殿爾携二人入居而耆不爲死不爲而永世爾有家留物乎世間之愚人乃吾妹兒爾告而語久須臾者家歸而父母爾事毛告良比如明日吾者夾南登言家礼婆妹之答久常世邊復變夾而如今埓相跡奈良婆此篋開勿勤常曽己良久爾堅目師事乎墨吉爾還夾而家見跡宅毛見金手里見跡里毛見金手恠常所許爾念久従家出而三歳之間爾垣毛無家滅目八跡此筥乎開而見手歯如本家者埓有登玉篋小披爾白雲之自箱出而常世邊棚引去者立走叨袖振反側足受利四管頓情消失奴若有之皮毛皺奴黒有之髪毛白斑奴由奈由奈波氣左倍絶而後遂壽死祁流水江之浦嶋子之家地見
paru no pi no kasum yeru toki ni suminoye no kwisi ni ide wite turi bune no toworapu mireba inisipye no koto so omopoyuru miduno ye no urasima no kwo ga katuwo turi tapi turi pokori nanu ka made ipye ni mo ko zute una saka wo sugwite kogi yuku ni watatumi no kamwi no wotomye ni tamasaka ni i kogi mukapi api atorapi koto nari sikaba kaki musubi toko yo ni itari watatumi no kamwi no miya no uti no pye no tape naru tono ni tadusapari puta ri iri wite oi mo se zu sini mo se zusite naga ki yo ni ari kyeru mono wo yo no naka no oroka pito no wagimo kwo ni tugete katara ku simasi ku pa ipye ni kapyerite titi papa ni koto mo kata rapi asu no goto ware pa ki na mu to ipi kyereba imo ga ip yera ku toko yo pye ni mata kapyeri kite ima no goto apa mu to naraba ko no kusige piraku na yume to sokorakuni kata me si koto wo suminoye ni kapyeri ki tarite ipye mire do ipye mo mi kanete satwo mire do satwo mo mi kanete ayasi to soko ni omopa ku ipye yu idete mi tose no apida ni kaki mo na ku ipye use me ya to ko no pakwo wo pirakite mi teba moto no goto ipye pa ara mu to tama kusige sukwosi piraku ni sira kumo no pakwo ywori idete toko yo pye ni tanabiki nure ba tati pasiri sakyebi swode puri koi marobi asi zuri situtu tatimatini kokoro ke use nu waka kari si pada mo siwami nu kurwo kari si kami mo sirake nu yunayuna pa iki sape tayete noti tupi ni inoti sini kyeru miduno ye no urasima no kwo ga ipye tokoro mi yu
MYS.9.1757
草枕客之憂乎名草漏事毛有哉跡筑波嶺爾登而見者尾花落師付之田井爾鴈泣毛寒夾喧奴新治乃鳥羽能淡海毛秋風爾白浪立奴筑波嶺乃吉久乎見者長氣爾念積夾之憂者息沼
kusa makura tabi no urepe wo nagusamoru koto mo aru ka to tukupa ne ni noborite mireba wo bana tiru situku no ta wi ni kari ga ne mo samu ku ki naki nu nipi bari no toba no apumi mo aki kaze ni sira nami tati nu tukupa ne no yo kye ku wo mireba naga ki ke ni omopi tumi ko si urepe pa yami nu
MYS.9.1774
垂乳根乃母之命乃言爾有者年緒長馮過武也
taratine no papa no mikoto no koto ni araba tosi no wo naga ku tanomi sugusa mu
MYS.9.1801
古之益荒丁子各競妻問爲祁牟葦屋乃菟名日處女乃奥城矣吾立見者永世乃語爾爲乍後人偲爾世武等玉桙乃道邊近磐構作冢矣天雲乃退部乃限此道矣去人毎行因射立嘆日或人者啼爾毛哭乍語嗣偲繼夾處女等賀奥城所吾幷見者悲喪古思者
inisipye no masura wotokwo no api kipopi tuma dopi si kye mu asiya no unapi wotomye no oku tu kwi wo wa ga tati mireba naga ki yo no katari ni situtu noti pito no sinwopi ni se mu to tama poko no miti no pye tika ku ipa kamape tukur eru tuka wo ama kumo no sokupye no kagiri ko no miti wo yuku pito goto ni yuki yorite i tati nageka pi aru pito pa ne ni mo nakitutu katari tugi sinwopi tugi ko si wotomye ra ga oku tu kwi dokoro ware sape ni mireba kanasi mo inisipye omopeba
MYS.9.1809
葦屋之菟名負處女之八年兒之片生之時従小放爾髪多久麻弖爾並居家爾毛不所見虚木綿乃牢而座在者見而師香跡悒憤時之垣廬成人之誂時智弩壮士宇奈比壮士乃廬八燎須酒師競相結婚爲家類時者焼大刀乃手頴押祢利白檀弓靫取負而入水火爾毛埓入跡立向競時爾吾妹子之母爾語久倭文手纒賤吾之故大夫之荒争見者雖生應合有哉完串呂黄泉爾埓待跡隠沼乃下延置而打歎妹之去者血沼壮士其夜夢見取次寸追去祁礼婆後有菟原壮士伊仰天叫於良妣足地牙喫建怒而如己男爾負而者不有跡懸佩之小釼取佩冬蔚蕷都良尋去祁礼婆親族共射歸集永代爾標埓爲跡遐代爾語埓繼常處女墓中爾造置壮士墓此方彼方二造置有故縁聞而雖不知新喪之如毛哭泣鶴鴨
asiya no unapi wotomye no ya tose kwo no kata opwi no toki yu wo banari ni kami taku madeni narabi wiru ipye ni mo mi ye zu utuyupu no komorite woreba mi te si ka to ibusemu toki no kaki po nasu pito no twopu toki tinu wotokwo unapi wotokwo no puse ya taku sususi kipopi api ywobapi si kyeru toki pa yaki tati no ta kami osi neri sira mayumi yuki tori opite midu ni iri pwi ni mo ira mu to tati mukapi kipopi si toki ni wagimo kwo ga papa ni katara ku situ ta maki iyasi ki wa ga yuwe masura wo no araswopu mireba ik yeri tomo apu be ku are ya sisi kusiro yomwi ni mata mu to komori nu no sita pape okite uti nageki imo ga inureba tinu wotokwo so no ywo ime ni mi tori tutu ki opi yuki kyereba okure taru unapi wotokwo i ame apugi sakyebi orabi asi zuri si ki kami takyebwite mokoro wo ni makete pa arazi to kaki paki no wo tati tori paki tokorotura tome yuki k yereba ugara dwoti i yuki tudwopi naga ki yo ni sirusi ni se mu to topo ki yo ni katari tuga mu to wotomye tuka naka ni tukuri oki wotokwo tuka konata kanata ni tukuri ok yeru yuwe yosi kikite sira nedomo nipi mo no goto mo ne naki turu kamo
MYS.10.1860
花咲而實者不成登裳長氣所念鴨山振之花
pana sakite mwi pa nara ne domo naga ki ke ni omopoyuru kamo yama buki no pana
MYS.10.1894
霞發春永日戀暮夜深去妹相鴨
kasumi tatu paru no naga pi wo kwopwi kurasi ywo no puke nureba imo ni apa nu kamo
MYS.10.1921
不明公乎相見而菅根乃長春日乎孤悲渡鴨
obobosi ku kimi wo api mite suga no ne no naga ki paru pi wo kwopwi wataru kamo
MYS.10.1925
朝戸出乃君之儀乎曲不見而長春日乎戀八九良三
asa two de no kimi ga sugata wo yo ku mi zute naga ki paru pi wo kwopwi ya kurasa mu
MYS.10.1934
相不念妹哉本名菅根乃長春日乎念晩牟
api omopa nu imo wo ya motona suga no ne no naga ki paru pi wo omopi kurasa mu
MYS.10.1936
相不念将有兒故玉緒長春日乎念晩久
api omopa zu aru ramu kwo yuwe tama no wo no naga ki paru pi wo omopi kurasa ku
MYS.10.2016
真氣長戀心自白風妹音所聴紐解徃名
ma ke naga ku kwopuru kokoro yu aki kaze ni imo ga oto kikoyu pimo toki yuka na
MYS.10.2017
戀敷者氣長物乎今谷乏之牟可哉可相夜谷
kwopwi siku pa ke naga ki mono wo ima dani mo tomo simu be si ya apu be ki ywo dani
氣長物乎 naga
句1 訓字書き 訓字 複合語l007081b
MYS.10.2038
不合者氣長物乎天漢隔又哉吾戀将居
apa naku pa ke naga ki mono wo ama no gapa pyedatete mata ya wa ga kwopwi wora mu
氣長物乎 naga
句1 訓字書き 訓字 複合語l007081b
MYS.10.2039
戀家口氣長物乎可合有夕谷君之不来益有良武
kwopwisi kyeku ke naga ki mono wo apu be karu yopi dani kimi ga ki masa zaru ramu
氣長物乎 naga
句1 訓字書き 訓字 複合語l007081b
MYS.10.2073
真氣長河向立有之袖今夜巻跡念之吉沙
ma ke naga ku kapa ni muki tati ari si swode ko yopi maka mu to omopaku ga yo sa
MYS.10.2079
戀日者食長物乎今夜谷令乏應哉可相物乎
kwopuru pi pa ke naga ki mono wo ko yopi dani tomosimu be si ya apu be ki mono wo
食長物乎 naga
句1 訓字書き 訓字 複合語l007081b
MYS.10.2080
織女之今夜相奈婆如常明日乎阻而年者将長
tanabata no ko yopi api naba tune no goto asu wo pyedatete tosi pa naga kye mu
MYS.10.2089
乾坤之初時従天漢射向居而一年丹兩遍不遭妻戀爾物念人天漢安乃川原乃有通出々乃渡丹具穂船乃艫丹裳舳丹裳船装真梶繁抜旗芒本葉裳具世丹秋風乃吹来夕丹天河白浪凌落沸速湍渉稚草乃妻手枕迹大舟乃思憑而滂来等六其夫乃子我荒珠乃年緒長思来之戀将盡七月七日之夕者吾毛悲焉
ame tuti no pazime no toki yu ama no gapa i mukapi worite pito tose ni puta tabi apa nu tuma gwopwi ni mono omopu pito ama no gapa yasu no kapara no ari gaywopu ide no watari ni sopo bune no tomo ni mo pe ni mo puna yosopi ma kadi sizi nuki pata susuki moto pa mo soyo ni aki kaze no puki kuru yopi ni ama no gapa sira nami sinwogi oti tagitu paya se watarite waka kusa no tuma ga te maku to opo bune no omopi tanomite kogi ku ramu so no tuma no kwo ga ara tama no tosi no wo naga ku omopi ko si kwopwi wo tukusa mu pumi tukwi no nanu ka no yopi pa ware mo kanasi mo
MYS.10.2092
天地跡別之時従久方乃天驗常定大王天之河原爾璞月累而妹爾相時候跡立待爾吾衣手爾秋風之吹反者立座多土伎乎不知村肝心不欲解衣思乱而何時跡吾待今夜此川行長有得鴨
ame tuti to wakare si toki yu pisakata no ama tu sirusi to sadame te si ama no kapara ni ara tama no tukwi wo kasanete imo ni apu toki samorapu to tati matu ni wa ga koromo de ni aki kaze no puki kapyerapeba tatite wite tadwoki wo sira ni mura kimo no kokoro isaywopi toki kinu no omopi midarete itu si ka to wa ga matu ko yopi ko no kapa no nagare no naga ku ari kose nu kamo
MYS.10.2109
我屋前之芽子之若末長秋風之吹南時爾将開跡思手
wa ga yadwo no pagwi no ure naga si aki kaze no puki na mu toki ni saka mu to omopi te
MYS.10.2262
秋芽子乎令落長雨之零比者一起居而戀夜曽大寸
aki pagwi wo tirasu nag ame no puru koro pa pito ri okwi wite kwopuru ywo so opo ki
令落長雨之 nag
句1 訓字書き 訓字 複合語l090486
MYS.10.2278
戀日之氣長有者吾苑圃能辛藍花之色出爾来
kwopuru pi no ke naga ku areba wa ga sono no kara awi no pana no iro ni ide ni kyeri
氣長有者 naga
句1 訓字書き 訓字 複合語l007081b
MYS.10.2282
長夜乎於君戀乍不生者開而落西花有益乎
naga ki ywo wo kimi ni kwopwitutu ik yera zupa sakite tiri ni si pana nara masi wo
MYS.10.2302
或者之痛情無跡将念秋之長夜乎寤臥耳
kedasiku mo ana kokoro na to omopu ramu aki no naga ywo wo i ne pusaku nomwi
秋之長夜乎 naga
句3 訓字書き 訓字 複合語l090489
MYS.10.2303
秋夜乎長跡雖言積西戀盡者短有家里
aki no ywo wo naga si to ipedo tumori ni si kwopwi wo tukuseba mizika ku ari kyeri
MYS.10.2305
旅尚襟解物乎事繁三丸宿吾為長此夜
tabi ni sura obi toku mono wo koto sige mi maro ne ware pa su naga ki ko no ywo wo
MYS.10.2334
阿和雪千重零敷戀為来食永我見偲
awa yuki pa ti pye ni puri sikye kwopwi si kyeku ke naga ki ware pa mitutu sinwopa mu
食永我 naga
句3 訓字書き 訓字 複合語l007081b
MYS.10.2347
海小船泊瀬乃山爾落雪之消長戀師君之音曽為流
ama wo bune patuse no yama ni puru yuki no ke naga ku kwopwi si kimi ga oto so su ru
消長戀師 naga
句3 訓字書き 訓字 複合語l007081b
MYS.11.2358
何爲命本名永欲爲雖生吾念妹安不相
nani se mu ni inoti wo motona naga ku pori se mu ik yeri tomo wa ga omopu imo ni yasu ku apa naku ni
MYS.11.2416
千早振神持在命誰爲長欲爲
tipayaburu kamwi no mota s eru inoti woba ta ga tame ni ka mo naga ku pori se mu
MYS.11.2534
不相思人之故可璞之年緒長言戀將居
api omopa nu pito no yuwe ni ka ara tama no tosi no wo naga ku wa ga kwopwi wora mu
MYS.11.2614b
眉根掻誰乎香將見跡思乍氣長戀之妹爾相鴨
maywo ne kaki tare wo ka mi mu to omopitutu ke naga ku kwopwi si imo ni ap yeru kamo
氣長戀之 naga
句3 訓字書き 訓字 複合語l007081b
MYS.11.2631
夜干玉之黒髪色天長夜叨手枕之上爾妹待覧蚊
nubatama no kurwo kami sikite naga ki ywo wo ta makura no upe ni imo matu ramu ka
MYS.11.2802a
念友念毛金津足檜之山鳥尾之永此夜乎
omope domo omopi mo kane tu asipikwi no yama dori no wo no naga ki ko no ywo wo
MYS.11.2814
吾戀者名草目金津眞氣長夢不所見而年之經去礼者
wa ga kwopwi pa nagusame kane tu ma ke naga ku ime ni mi ye zute tosi no pe nu reba
MYS.11.2815
眞氣永夢毛不所見雖絶吾之片戀者止時毛不有
ma ke naga ku ime ni mo mi ye zu taye nu tomo wa ga kata kwopwi pa yamu toki mo arazi
MYS.12.2865
玉釼巻宿妹母有者許増夜之長毛歡有倍吉
tama kusiro maki nuru imo mo araba koso ywo no naga ki mo uresi karu be ki
MYS.12.2868
戀乍毛後将相跡思許増己命乎長欲為礼
kwopwitutu mo noti mo apa mu to omope koso ono ga inoti wo naga ku pori su re
MYS.12.2890
夜干玉之夜乎長鴨吾背子之夢爾夢西所見還良武
nubatama no ywo wo naga mi ka mo wa ga sekwo ga ime ni ime ni si mi ye kapyeru ramu
MYS.12.2891
荒玉之年緒長如此戀者信吾命全有目八面
ara tama no tosi no wo naga ku kaku kwopwiba makoto wa ga inoti mata kara me ya mo
MYS.12.2935
璞之年緒永何時左右鹿我戀将居壽不知而
ara tama no tosi no wo naga ku itu made ka wa ga kwopwi wora mu inoti sira zute
MYS.12.2943
我命之長欲家口偽乎好為人乎執許乎
wa ga inoti no naga ku posi kyeku itupari wo yo ku suru pito wo torapu bakari wo
MYS.12.2972
赤帛之純裏衣長欲我念君之不所見比者鴨
aka kinu no pitura no kinu naga ku pori wa ga omopu kimi ga mi ye nu koro kamo
MYS.12.3050
春日野爾淺茅標結断米也登吾念人者弥遠長爾
kasuga nwo ni asa di sime yupi taye me ya to wa ga omopu pito pa iya topo naga ni
弥遠長爾 naga
句4 訓字書き 訓字 複合語l090463
MYS.12.3082
君爾不相久成宿玉緒之長命之惜雲無
kimi ni apa zu pisasi ku nari nu tama no wo no naga ki inoti no wosi kye ku mo na si
MYS.12.3132
莫去跡變毛来哉常顧爾雖徃不歸道之長手矣
na yuki so to kapyeri mo ku ya to kapyeri mi ni yukedo kapyera zu miti no naga te wo
道之長手矣 naga
句4 訓字書き 訓字 複合語l050743
MYS.12.3150
霞立春長日乎奥香無不知山道乎戀乍可将来
kasumi tatu paru no naga pi wo oku ka na ku sira nu yama di wo kwopwitutu ka ko mu
MYS.12.3152
玉勝間安倍嶋山之暮露爾旅宿得為也長此夜乎
tama katuma abe simayama no yupu tuyu ni tabi ne e se me ya naga ki ko no ywo wo
MYS.12.3193b
玉勝間嶋熊山之暮霧爾長戀為乍寐不勝可母
tama katuma sima kuma yama no yupu gwiri ni naga kwopwi situtu i ne kate nu kamo
長戀為乍 naga
句3 訓字書き 訓字 複合語l050300
MYS.12.3207
荒玉乃年緒永照月不猒君八明日別南
ara tama no tosi no wo naga ku teru tukwi no aka zaru kimi ya asu wakare na mu
MYS.12.3219
豊國乃聞之長濱去晩日之昏去者妹食序念
toyokuni no kiku no naga pama yuki kurasi pi no kure nure ba imo wo si so omopu
聞之長濱 naga
句1 訓字書き 訓字 複合語l090680
MYS.13.3245
天橋文長雲鴨高山文高雲鴨月夜見乃持有越水伊取來而公奉而越得之旱物
ama pasi mo naga ku moga mo taka yama mo taka ku moga mo tuku ywomi no mot eru woti midu i tori kite kimi ni maturite woti e simu mono
MYS.13.3248
式嶋之山跡之土丹人多満而雖有藤浪乃思纒若草乃思就西君目二戀八将明長此夜乎
sikwi sima no yamato no kuni ni pito sapa ni mitite aredomo pudi nami no omopi matupari waka kusa no omopi tuki ni si kimi ga me ni kwopwi ya akasa mu naga ki ko no ywo wo
MYS.13.3258
荒玉之年者來去而玉梓之使之不來者霞立長春日乎天地丹思足椅帶乳根笶母之養蚕之眉隠氣衝渡吾戀心中少人丹言物西不有者松根松事遠天傳日之闇者白木綿之吾衣袖裳通手沾沼
ara tama no tosi pa ki yukite tamadusa no tukapi no ko neba kasumi tatu naga ki paru pi wo ame tuti ni omopi tara pasi taratine no papa ga kapu kwo no maywo komori ikiduki watari wa ga kwopuru kokoro no uti wo pito ni ipu mono ni si ara neba matu ga ne no matu koto topo ku ama tutapu pi no kure nure ba sirwo tape no wa ga koromo de mo topori te nure nu
MYS.13.3288
大船之思憑而木妨己弥遠長我念有君爾依而者言之故毛無有欲得木綿手次肩荷取懸忌戸乎齊穿居玄黄之神祇二衣吾祈甚毛爲便無見
opo bune no omopi tanomite sana kadura iya topo naga ku wa ga omop yeru kimi ni yorite pa koto no yuwe mo na ku ari koso to yupu ta suki kata ni tori kake ipapi be wo ipapi pori suwe ame tuti no kamwi ni zo wa ga nomu ita mo subye na mi
弥遠長 naga
句3 訓字書き 訓字 複合語l090463
MYS.13.3292
打蝉之命乎長有社等留吾者五十羽旱将待
utusemi no inoti wo naga ku ari koso to tomar eru ware pa ipapite mata mu
MYS.13.3307
然有社年乃八歳叨鑚髪乃吾同子叨過橘末枝乎過而此河能下文長汝情待
sikare koso tosi no ya tose wo kiri kami no yoti kwo wo sugwi tatibana no potu ye wo sugwite ko no kapa no sita ni mo naga ku na ga kokoro mate
MYS.13.3309
物不念路行去裳青山乎振酒見者都追慈花爾太遥越賣作樂花佐可遥越賣汝乎叙母吾爾依云吾乎叙物汝爾依云汝者如何念也念社歳八年乎斬髪与知子乎過橘之末枝乎須具里此川之下母長久汝心待
mono mopa zu miti yuku yuku mo awo yama wo purisake mireba tutuzi bana nipoye wotomye sakura bana sakaye wotomye nare wo zo mo ware ni yosu to ipu ware wo zo mo nare ni yosu to ipu na pa ika ni omopu ya omope koso tosi no ya tose wo kiri kami no yoti kwo wo sugwi tatibana no potu ye wo suguri ko no kapa no sita ni mo naga ku na ga kokoro mate
MYS.13.3323
師名立都久麻左野方息長之遠智能小菅不連爾伊苅持來不敷爾伊苅持來而置而吾乎令偲息長之遠智能子菅
sinatatu tukuma sanwo kata oki naga no woti no kwo suge ama naku ni i kari moti ki sika naku ni i kari moti kite okite ware wo sinwopa su oki naga no woti no kwo suge
MYS.13.3324a
挂纒毛文恐藤原王都志弥美爾人下満雖有君下大座常徃向年緒長仕來君之御門乎如天仰而見乍雖畏思憑而何時可聞日足座而十五月之多田波思家武登吾思皇子命者春避者殖槻於之遠人待之下道湯登之而國見所遊九月之四具礼乃秋者大殿之砌志美弥爾露負而靡芽乎珠手次懸而所偲三雪零冬朝者刺楊根張梓矣御手二所取賜而所遊我王矣烟立春日暮喚犬追馬鏡雖見不飽者万歳如是霜欲得常大船之憑有時爾妖言目鴨迷大殿矣振放見者白細布餝奉而内日刺宮舎人方雪穂麻衣服者夢鴨現前鴨跡雲入夜之迷間朝裳吉城於道従角障經石村乎見乍神葬々奉者徃道之田付叨不知雖思印乎無見雖歎奥香乎無見御袖徃觸之松矣言不問木雖在荒玉之立月毎天原振放見管珠手次懸而思名雖恐有
kake maku mo aya ni kasikwo si pudipara no miyakwo simimi ni pito pa si mo mitite aredomo kimi pa si mo opo ku imase do yuki mukapu tosi no wo naga ku tukape ko si kimi no mikadwo wo ame no goto apugite mitutu kasikwo kyedo omopi tanomite itu si ka mo pitara si masite moti dukwi no tatapasi kye mu to wa ga omopu mi kwo no mikoto pa paru sareba uwe tukwi ga upe no topo tu pito matu no sita di yu nobora site kuni mi aswobasi nagatukwi no sigure no aki pa opo tono no migiri simimi ni tuyu opite nabik yeru pagwi wo tama ta suki kakete sinwopa si mi yuki puru puyu no asita pa sasi yanagwi ne pari adusa wo opomi te ni tora si tamapite aswobasi si wa ga opo kimi wo kasumi tatu paru no pi gurasi maswo kagami miredo aka neba yorodu yo ni kaku si moga mo to opo bune no tanom yeru toki ni oyodure ni me ka mo matwop yeru opo tono wo purisake mireba sirwo tape ni kazari maturite utipi sasu miya no toneri mo tape no po no asa ginu k yereba ime kamo ututu kamo to kumori ywo no matwop yeru potwo ni asamoyosi kwinope no miti yu tunwosapapu ipare wo mitutu kamu paburi paburi matureba yuku miti no taduki wo sira ni omopedomo sirusi wo na mi nagekedomo oku ka wo na mi opomi swode yuki pure si matu wo koto twopa nu kwi ni pa aredomo ara tama no tatu tukwi goto ni ama no para purisake mi tutu tama ta suki kakete sinwopa na kasikwo karedomo
MYS.13.3324b
挂纒毛文恐藤原王都志弥美爾人下満雖有君下大座常徃向年緒長仕來君之御門乎如天仰而見乍雖畏思憑而何時可聞日足座而十五月之多田波思家武登吾思皇子命者春避者殖槻於之遠人待之下道湯登之而國見所遊九月之四具礼乃秋者大殿之砌志美弥爾露負而靡芽乎珠手次懸而所偲三雪零冬朝者刺楊根張梓矣御手二所取賜而所遊我王矣烟立春日暮喚犬追馬鏡雖見不飽者万歳如是霜欲得常大船之憑有時爾妖言目鴨迷大殿矣振放見者白細布餝奉而内日刺宮舎人方雪穂麻衣服者夢鴨現前鴨跡雲入夜之迷間朝裳吉城於道従角障經石村乎見乍神葬々奉者徃道之田付叨不知雖思印乎無見雖歎奥香乎無見御袖徃觸之松矣言不問木雖在荒玉之立月毎天原振放見管珠手次懸而思名雖恐有
kake maku mo aya ni kasikwo si pudipara no miyakwo simimi ni pito pa si mo mitite aredomo kimi pa si mo opo ku imase do yuki mukapu tosi no wo naga ku tukape ko si kimi no mikadwo wo ame no goto apugite mitutu kasikwo kyedo omopi tanomite itu si ka mo pitara si masite moti dukwi no tatapasi kye mu to wa ga omopu mi kwo no mikoto pa paru sareba uwe tukwi ga upe no topo tu pito matu no sita di yu nobora site kuni mi aswobasi nagatukwi no sigure no aki pa opo tono no migiri simimi ni tuyu opite nabik yeru pagwi wo tama ta suki kakete sinwopa si mi yuki puru puyu no asita pa sasi yanagwi ne pari adusa wo opomi te ni tora si tamapite aswobasi si wa ga opo kimi wo kasumi tatu paru no pi kurasi maswo kagami miredo aka neba yorodu yo ni kaku si moga mo to opo bune no tanom yeru toki ni oyodure ni me ka mo matwop yeru opo tono wo purisake mireba sirwo tape ni kazari maturite utipi sasu miya no toneri pa tape no po no asa ginu k yereba ime kamo ututu kamo to kumori ywo no matwop yeru potwo ni asamoyosi kwinope no miti yu tunwosapapu ipare wo mitutu kamu paburi paburi matureba yuku miti no taduki wo sira ni omopedomo sirusi wo na mi nagekedomo oku ka wo na mi opomi swode yuki pure si matu wo koto twopa nu kwi ni pa aredomo ara tama no tatu tukwi goto ni ama no para purisake mi tutu tama ta suki kakete sinwopa na kasikwo karedomo
MYS.13.3334
狂言哉人之云鶴玉緒乃長登君者言手師物乎
tapa koto ya pito no ipi turu tama no wo no naga ku to kimi pa ipi te si monowo
MYS.14.3356
不盡能祢乃伊夜等保奈我伎夜麻治乎毛伊母我理登倍婆気爾余婆受吉奴
puzi no ne no iya topo naga ki yama di wo mo imo gari to peba ke ni yoba zu ki nu
伊夜等保奈我伎 naga
句1 仮名書き 仮名 複合語l090463
MYS.15.3608a
安麻射可流比奈乃奈我道乎孤悲久礼婆安可思能門欲里伊敞乃安多里見由
ama zakaru pina no naga di wo kwopwi kureba akasi no two ywori ipye no atari mi yu
MYS.15.3608b
安麻射可流比奈乃奈我道乎孤悲久礼婆安可思能門欲里夜麻等思麻見由
ama zakaru pina no naga di wo kwopwi kureba akasi no two ywori yamato sima mi yu
MYS.15.3668
於保伎美能等保能美可度登於毛敞礼杼気奈我久之安礼婆古非爾家流可母
opo kimi no topo no mikadwo to omop yeredo ke naga ku si areba kwopwi ni kyeru kamo
MYS.15.3680
欲乎奈我美伊能年良延奴爾安之比奇能山妣故等余米佐乎思賀奈君母
ywo wo naga mi i no neraye nu ni asipikwi no yama bikwo toyome sa wo sika naku mo
MYS.15.3684
秋夜乎奈我美爾可安良武奈曾許許波伊能祢良要奴毛比等里奴礼婆可
aki no ywo wo naga mi ni ka ara mu na zo kokoba i no neraye nu mo pito ri nureba ka
MYS.15.3775
安良多麻能等之能乎奈我久安波射礼杼家之伎己許呂乎安我毛波奈久爾
ara tama no tosi no wo naga ku apa zaredo kyesi ki kokoro wo a ga mopa naku ni
MYS.16.3791
緑子之若子蚊見庭垂乳爲母所懐褨襁平生蚊見庭結經方衣氷津裏丹縫服頸着之童子蚊見庭結幡袂着衣服我矣丹因子等何四千庭三名之綿蚊黒爲髪尾信櫛持於是蚊寸垂取束擧而裳纒見解乱童兒丹成見羅丹津蚊經色丹名着來紫之大綾之衣墨江之遠里小野之眞榛持丹穂之爲衣丹狛錦紐丹縫着刺部重部波累服打十八爲麻續兒等蟻衣之寶之子等蚊打栲者經而織布日曝之朝手作尾信巾裳成者之寸丹取爲支屋所經稻寸丁女蚊妻問迹我丹所來爲彼方之二綾裏沓飛鳥飛鳥壯蚊霖禁縫爲黒沓刺佩而庭立住退莫立禁尾迹女蚊髣髴聞而我丹所來爲水縹絹帶尾引帶成韓帶丹取爲海神之殿蓋丹飛翔爲輕如來腰細丹取餝氷眞十鏡己蚊果取雙懸而還氷見乍春避而野邊尾廻者面白見我矣思經蚊狭野津鳥來鳴翔經秋僻而山邊尾徃者名津蚊爲迹我矣思經蚊天雲裳行田菜引還立路尾所來者打氷刺宮尾見名刺竹之舎人壮裳忍經等氷還等氷見乍誰子其迹哉所思而在如是所爲故爲古部狭々寸爲我哉端寸八爲今日八方子等丹五十狭迩迹哉所思而在如是所爲故爲古部之賢人藻後之世之竪監將爲迹老人矣送爲車持還來持還來
midorikwo no waku gwo ga mwi ni pa taratisi papa ni udaka ye pimutuki no papu kwo gami ni pa yupu kata ginu pitura ni nupi ki kubi tuki no warapa ga mwi ni pa yupi pata no swode tuke goromo ki si ware wo nipopi yoru kwo ra ga yoti ni pa mina no wata ka gurwo si kami wo ma kusi moti koko ni kaki tari tori tukane agete mo maki mi toki midari warapa ni nasi mi sa ni tukapu iro ni natukasi ki murasaki no opo aya no kinu suminoye no topo satwo wo nwo no ma pari moti ni posi si kinu ni koma nisiki pimo ni nupi tuke sasa pu kasana pu nami kasane ki uti swo ya si womi no kwo ra arikinu no takara no kwo ra ga uti tape pa pete oru nunwo pi sarasi no asa te dukuri wo pire mo nasu pasi ki ni tori siki ipye ni puru inaki womina ga tuma dopu to ware ni okose si wotikata no puta aya sita kutu tobu tori no asuka wotokwo ga nag ame imi nupi si kurwo kutu sasi pakite nipa ni tatazumye makari na tati to sapuru wotomye ga pono kikite ware ni okose si mipanada no kinu no obi wo piki obi nasu kara obi ni tora si watatumi no tono no iraka ni tobi kakeru sugaru no goto ki kosi boso ni tori kazarapi maswo kagami tori name kakete ono ga kapo kapyerapi mitutu paru sarite nwo pye wo megureba omosirwo mi ware wo omo pe ka sa nwo tu tori ki naki kakerapu aki sarite yama pye wo yukeba natukasi to ware wo omo pe ka ama kumo mo yuki tanabik yeru kapyeri tati miti wo kureba utipi sasu miya womina sasutake no toneri wotokwo mo sino burapi kapye rapi mitutu ta ga kwo so to ya omopa yete aru kaku no goto se rare si yuweni inisipye sazaki si ware ya pasikiyasi kyepu ya mo kwo ra ni isa ni to ya omopa yete aru kaku no goto serare si yuweni inisipye no sakasi ki pito mo noti no yo no kagami ni se mu to oi pito wo okuri si kuruma moti kapyeri ko si moti kapyeri ko si
霖禁 nag
句53 訓字書き 訓字 複合語l090486
MYS.16.3813
吾命者惜雲不有散追良布君爾依而曽長欲爲
wa ga inoti pa wosi ku mo ara zu saniturapu kimi ni yorite zo naga ku pori suru
MYS.16.3822
橘寺之長屋爾吾率宿之童女波奈理波髪上都良武可
tatibana no tera no naga ya ni wa ga wi ne si unawi panari pa kami age tu ramu ka
寺之長屋爾 naga
句1 訓字書き 訓字 複合語l090488
MYS.16.3823
橘之光有長屋爾吾率宿之宇奈爲放爾髪擧都良武香
tatibana no ter eru naga ya ni wa ga wi ne si unawi panari ni kami age tu ramu ka
光有長屋爾 naga
句1 訓字書き 訓字 複合語l090488
MYS.17.3957
安麻射加流比奈乎佐米爾等大王能麻気乃麻爾末爾出而許之和礼乎於久流登青丹余之奈良夜麻須芸低泉河伎欲吉可波良爾馬駐和可礼之時爾好去而安礼可敞理許牟平久伊波比低待登可多良比低許之比乃伎波美多麻保許能道乎多騰保美山河能敞奈里低安礼婆孤悲之家口気奈我枳物能乎見麻久保里念間爾多麻豆左能使乃家礼婆宇礼之美登安我麻知刀敷爾於餘豆礼能多波許登等可毛波之伎余思奈弟乃美許等奈爾之加母時之波安良牟乎波太須酒吉穂出秋乃芽子花爾保敞流屋戸乎安佐爾波爾伊泥多知奈良之暮庭爾敷美多比良気受佐保能宇知乃里乎徃過安之比紀乃山能許奴礼爾白雲爾多知多奈妣久登安礼爾都気都流
ama zakaru pina wosame ni to opo kimi no make no manima ni idete ko si ware wo okuru to awo ni yo si nara yama sugwite idumi gapa kiywo ki kapara ni uma todome wakare si toki ni ma saki kute are kapyeri ko mu tapirake ku ipapite mate to katarapite ko si pi no kipami tama poko no miti wo ta dopo mi yama kapa no pyenarite areba kwopwisi kyeku ke naga ki monowo mi maku pori omopu apida ni tamadusa no tukapi no k yereba uresi mito a ga mati twopu ni oyodure no tapa koto to ka mo pasikiyosi na oto no mikoto nani si ka mo toki si pa ara mu wo pada susuki po n iduru aki no pagwi no pana nipop yeru yadwo wo asa nipa ni ide tati narasi yupu nipa ni pumi tapirage zu sapo no uti no satwo wo yuki sugwi asipikwi no yama no konure ni sira kumo ni tati tanabiku to are ni tuge turu
気奈我枳物能乎 naga
句23 仮名書き 仮名 複合語l007081b
MYS.17.3991
物能乃敷能夜蘇等母乃乎能於毛布度知許己呂也良武等宇麻奈米低宇知久知夫利乃之良奈美能安利蘇爾与須流之夫多爾能佐吉多母登保理麻都太要能奈我波麻須義低宇奈比河波伎欲吉勢其等爾宇加波多知可由吉加久遊岐見都礼騰母曾許母安加爾等布勢能宇弥爾布祢宇気須恵低於伎敞許芸辺爾己伎見礼婆奈芸左爾波安遅牟良佐和伎之麻未爾波許奴礼波奈左吉許己婆久毛見乃佐夜気吉加多麻久之気布多我弥夜麻爾波布都多能由伎波和可礼受安里我欲比伊夜登之能波爾於母布度知可久思安蘇婆牟異麻母見流其等
mononopu no ya swo tomo no wo no omopu dwoti kokoro yara mu to uma namete utikutiburino sira nami no ariswo ni yosuru sibutani no saki ta motopori matudaye no naga pama sugwite unapi kapa kiywo ki se gotoni u kapa tati ka yuki kaku yuki mi turedomo soko mo aka nito puse no umi ni pune uke suwete oki pye kogi pye ni kogi mi reba nagisa ni pa adi mura sawaki sima mwi ni pa konure pana saki kokobaku mo mi no sayake ki ka tama kusige putagami yama ni papu tuta no yuki pa wakare zu ari gaywopi iya tosi no pa ni omopu dwoti kaku si aswoba mu ima mo mi ru goto
奈我波麻須義低 naga
句11 仮名書き 仮名 複合語l090680
MYS.17.4006
可伎加蘇布敷多我美夜麻爾可牟佐備弖多低流都我能奇毛等母延毛於夜自得伎波爾波之伎与之和我世乃伎美乎安佐左良受安比弖許登騰比由布佐礼婆手多豆佐波利弖伊美豆河波吉欲伎可布知爾伊泥多知弖和我多知弥礼婆安由能加是伊多久之布気婆美奈刀爾波之良奈美多可弥都麻欲夫等須騰理波佐和久安之可流等安麻乃乎夫祢波伊里延許具加遅能於等多可之曾己乎之毛安夜爾登母志美之怒比都追安蘇夫佐香理乎須売呂伎能乎須久爾奈礼婆美許登母知多知和可礼奈婆吉民婆安礼騰母於久礼多流美知由久和礼播多麻保許乃之良久毛能多奈妣久夜麻乎伊波祢布美古要敞奈利奈婆孤悲之家久気乃奈我家牟曾則許母倍婆許己呂志伊多思保等登芸須多麻爾母我許恵爾安倍奴久手爾麻吉毛知弖安佐欲比爾見都追由可牟乎於伎弖伊加婆乎思
kaki kazwopu putagami yama ni kamusabwite tat eru tuga no kwi moto mo ye mo oyazi tokipa ni pasikiyosi wa ga se no kimi wo asa sara zu apite koto dopi yupu sareba te tadusaparite imidu kapa kiywo ki kaputi ni ide tatite wa ga tati mireba ayu no kaze ita ku si pukeba minatwo ni pa sira nami taka mi tuma ywobu to su dori pa sawaku asi karu to ama no wo bune pa iri ye kogu kadi no oto taka si soko wo si mo ayani tomosi mi sinwopitutu aswobu sakari wo sumyeroki no wosu kuni nareba mikoto moti tati wakareba okure taru kimi pa aredomo tama poko no miti yuku ware pa sira kumo no tanabiku yama wo ipa ne pumi kwoye pyenari naba kwopwisi kyeku ke no naga kye mu so soko mopeba kokoro si ita si pototogisu kowe ni ape nuku tama ni moga te ni maki motite asa ywopi ni mi tutu yuka mu wo okite ikaba wosi
MYS.17.4020
故之能宇美能信濃乃波麻乎由伎久良之奈我伎波流比毛和須礼弖於毛倍也
kwosi no umi no sinanwo no pama wo yuki kurasi naga ki paru pi mo wasurete omope ya
MYS.17.4029
珠洲能宇美爾安佐妣良伎之弖許芸久礼婆奈我波麻能宇良爾都奇低理爾家里
susu no umi ni asa biraki site kogi kureba naga pama no ura ni tukwi teri ni kyeri
奈我波麻能宇良爾 naga
句3 仮名書き 仮名 複合語l090680
MYS.18.4098
多可美久良安麻乃日嗣等天下志良之賣師家類須賣呂伎乃可未能美許等能可之古久母波自米多麻比弖多不刀久母左太米多麻敞流美与之努能許乃於保美夜爾安里我欲比賣之多麻布良之毛能乃敷能夜蘇等母能乎毛於能我於弊流於能我名負弖大王乃麻気能麻久麻久此河能多由流許等奈久此山能伊夜都芸都芸爾可久之許曾都可倍麻都良米伊夜等保奈我爾
taka mi kura ama no pi tugi to ame no sita sirasi myesi kyeru sumyeroki no kamwi no mikoto no kasikwo ku mo pazime tamapite taputwo ku mo sadame tamap yeru mi yosinwo no ko no opo miya ni ari gaywopi myesi tamapu rasi mononopu no ya swo tomonowo mo ono ga op yeru ono ga na opi te opo kimi no make no manima ni ko no kapa no tayuru koto na ku ko no yama no iya tugitugi ni kaku si koso tukape matura me iya topo naga ni
伊夜等保奈我爾 naga
句26 仮名書き 仮名 複合語l090463
MYS.18.4127
夜須能河波許牟可比太知弖等之乃古非気奈我伎古良河都麻度比能欲曾
yasu no kapa komukapi datite tosi no kwopwi ke naga ki kwo ra ga tuma dwopi no ywo so
MYS.19.4154
安志比奇乃山坂超而去更年緒奈我久科坂在故志爾之須米婆大王之敷座國者京師乎母此間毛於夜自等心爾波念毛能可良語左氣見左久流人眼乏等於毛比志繁曽己由恵爾情奈具也等秋附婆芽子開爾保布石瀬野爾馬太伎由吉氐乎知許知爾鳥布美立白塗之小鈴毛由良爾安波勢也理布里左氣見都追伊伎騰保流許己呂能宇知乎思延宇礼之備奈我良枕附都麻屋之内爾鳥座由比須恵弖曽我飼眞白部乃多可
asipikwi no yama saka kwoyete yuki kaparu tosi no wo naga ku sinazakaru kwosi ni si sumeba opo kimi no siki masu kuni pa miyakwo wo mo koko mo oyazi to kokoro ni pa omopu monokara katari sake mi sakuru pito me tomosi mi to omopi si sige si soko yuweni kokoro nagu ya to aki duke ba pagwi saki nipopu ipase nwo ni uma daki yukite woti koti ni tori pumi tate sira nuri no kwo suzu mo yura ni apase yari purisake mitutu ikidoporu kokoro no uti wo omopi nobe uresibwi nagara makura duku tuma ya no uti ni to gura yupi suwete zo wa ga kapu ma sira pu no taka
MYS.19.4217
宇能花乎令腐霖雨之始水迩縁木積成将因兒毛我母
u no pana wo kutasu nag ame no pana midu ni yoru kotumi nasu yora mu kwo moga mo
令腐霖雨之 nag
句1 訓字書き 訓字 複合語l090486
MYS.19.4244
荒玉之年緒長吾念有兒等爾可戀月近附奴
ara tama no tosi no wo naga ku wa ga mop yeru kwo ra ni kwopu be ki tukwi tika duki nu
MYS.19.4248
荒玉乃年緒長久相見氐之彼心引将忘也毛
ara tama no tosi no wo naga ku api mi te si so no kokoro biki wasura ye me ya mo
MYS.20.4298
霜上爾安良礼多婆之里伊夜麻之爾安礼波麻為許牟年緒奈我久
simo no upe ni arare ta basiri iya masi ni are pa mawi ko mu tosi no wo naga ku
MYS.20.4308
波都乎婆奈波奈爾見牟登之安麻乃可波弊奈里爾家良之年緒奈我久
patu wo bana pana ni mi mu to si ama no kapa pyenari ni kye rasi tosi no wo naga ku
MYS.20.4331
天皇乃等保能朝庭等之良奴日筑紫國波安多麻毛流於佐倍乃城曾等聞食四方國爾波比等佐波爾美知弖波安礼杼登利我奈久安豆麻乎能故波伊田牟可比加敞里見世受弖伊佐美多流多家吉軍卒等祢疑多麻比麻気乃麻爾麻爾多良知祢乃波波我目可礼弖若草能都麻乎母麻可受安良多麻能月日余美都都安之我知流難波能美津爾大船爾末加伊之自奴伎安佐奈芸爾可故等登能倍由布思保爾可知比伎乎里安騰母比弖許芸由久伎美波奈美乃間乎伊由伎佐具久美麻佐吉久母波夜久伊多里弖大王乃美許等能麻爾末麻須良男乃許己呂乎母知弖安里米具理事之乎波良婆都都麻波受可敞理伎麻勢登伊波比倍乎等許敞爾須恵弖之路多倍能蘇田遠利加敞之奴婆多麻乃久路加美之伎弖奈我伎気遠麻知可母恋牟波之伎都麻良波
sumyeroki no topo no mikadwo to siranupi tukusi no kuni pa ata mamoru osape no kwi so to kikosi wosu yomo no kuni ni pa pito sapa ni mitite pa aredo tori ga naku aduma wonokwo pa ide mukapi kapyeri mi se zute isami taru takye ki ikusa to negwi tamapi make no manima ni taratine no papa ga me karete waka kusa no tuma wo mo maka zu ara tama no tukwi pi yomitutu asi ga tiru nanipa no mi tu ni opo pune ni ma kai sizi nuki asa nagi ni kakwo totonope yupu sipo ni kadi piki wori adomopite kogi yuku kimi pa nami no ma wo i yuki sagukumi ma saki ku mo paya ku itarite opo kimi no mi koto no manima masura wo no kokoro wo motite ari meguri koto si woparaba tutumapa zu kapyeri ki mase to ipapi be wo toko pye ni suwete sirwo tape no swode wori kapyesi nubatama no kurwo kami sikite naga ki ke wo mati ka mo kwopwi mu pasi ki tuma ra pa
MYS.20.4333
等里我奈久安豆麻乎等故能都麻和可礼可奈之久安里家牟等之能乎奈我美
tori ga naku aduma wotokwo no tuma wakare kanasi ku ari kye mu tosi no wo naga mi
MYS.20.4341
多知波奈能美袁利乃佐刀爾父乎於伎弖道乃長道波由伎加弖努加毛
tatibana no miwori no satwo ni titi wo okite miti no naga te pa yuki kate nu kamo
道乃長道波 naga
句3 訓字書き 訓字 複合語l050743
MYS.20.4394
於保伎美能美己等加之古美由美乃美他佐尼加和多良牟奈賀気己乃用乎
opo kimi no mi koto kasikwo mi yumi no mita sa ne ka watara mu naga ke ko no ywo wo
MYS.20.4408
大王乃麻気乃麻爾麻爾嶋守爾和我多知久礼婆波波蘇婆能波波能美許等波美母乃須蘇都美安気可伎奈泥知知能未乃知知能美許等波多久頭努能之良比気乃宇倍由奈美太多利奈気伎乃多婆久可胡自母乃多太比等里之低安佐刀泥乃可奈之伎吾子安良多麻乃等之能乎奈我久安比美受波古非之久安流倍之今日太爾母許等騰比勢武等乎之美都都可奈之備麻世若草之都麻母古騰母毛乎知己知爾左波爾可久美為春鳥乃己恵乃佐麻欲比之路多倍乃蘇泥奈伎奴良之多豆佐波里和可礼加弖爾等比伎等騰米之多比之毛能乎天皇乃美許等可之古美多麻保己乃美知爾出立乎可乃佐伎伊多牟流其等爾与呂頭多妣可弊里見之都追波呂波呂爾和可礼之久礼婆於毛布蘇良夜須久母安良受古布流蘇良久流之伎毛乃乎宇都世美乃与能比等奈礼婆多麻伎波流伊能知母之良受海原乃可之古伎美知乎之麻豆多比伊己芸和多利弖安里米具利和我久流麻泥爾多比良気久於夜波伊麻佐祢都都美奈久都麻波麻多世等須美乃延能安我須賣可未爾奴佐麻都利伊能里麻乎之弖奈爾波都爾船乎宇気須恵夜蘇加奴伎可古等登能倍弖安佐婢良伎和波己芸泥奴等伊弊爾都気己曾
opo kimi no make no manima ni sima mori ni wa ga tati kureba papaswo ba no papa no mikoto pa mi mo no suswo tumi age kaki nade titi no mwi no titi no mikoto pa takudunwo no sira pige no upe yu namita tari nageki notabaku kagwo zimono tada pito ri site asa two de no kanasi ki wa ga kwo ara tama no tosi no wo naga ku api mi zupa kwopwisi ku aru be si kyepu dani mo koto dopi se mu to wosimitutu kanasibwi mase waka kusa no tuma mo kwo domo mo woti koti ni sapa ni kakumi wi paru tori no kowe no sa maywopi sirwo tape no swode naki nurasi tadusapari wakare kate nito piki todome sitapi si monowo opo kimi no mi koto kasikwo mi tama poko no miti ni ide tati woka no saki i tamuru gotoni yorodu tabi kapyeri mi situtu paroparo ni wakare si kureba omopu swora yasu ku mo ara zu kwopuru swora kurusi ki monowo utusemi no yo no pito nareba tamakiparu inoti mo sira zu una para no kasikwo ki miti wo sima dutapi i kogi watarite ari meguri wa ga kuru madeni tapirake ku oya pa imasane tutumi na ku tuma pa mata se to suminoye no a ga sumye kamwi ni nusa maturi inori mawosite nanipa tu ni pune wo uke suwe ya swo ka nuki kakwo totonopete asa biraki wa pa kogi de nu to ipye ni tuge koso
MYS.20.4484
佐久波奈波宇都呂布等伎安里安之比奇乃夜麻須我乃祢之奈我久波安利家里
saku pana pa uturopu toki ari asipikwi no yama suga no ne si naga ku pa ari kyeri
MYS.20.4499
和我勢故之可久志伎許散婆安米都知乃可未乎許比能美奈我久等曾於毛布
wa ga sekwo si kaku si kikosaba ame tuti no kamwi wo kopi nomi naga ku to so omopu
MYS.20.4502
烏梅能波奈左伎知流波流能奈我伎比乎美礼杼母安加奴伊蘇爾母安流香母
ume no pana saki tiru paru no naga ki pi wo miredomo aka nu iswo ni mo aru kamo